• Խոյ Օրը բարեհաջող կդասավորվի, եթե ողջամտություն դրսևորեք, զգույշ լինեք և անտեղի ռիսկի չդիմեք: Հիշեք, ոչինչ հեշտ չի տրվում,և առանց ջանքեր գործադրելու՝ հաջողության հասնել չի ստացվի: Եթե ցանկանում եք որոշ ձեռքբերումներ ունենալ, ապա ստիպված եք աշխատել այդ ուղղությամբ: Հավատացեք, ձեր ջանքերը բարձր կգնահատվեն: Զգացմունքային դաշտը կայուն է: Բարձր տրամադրություն կպահպանեք, շրջապատի մարդկանց ևս թույլ չեք տա ձանձրանալ: Օրվա երկրորդ կեսը հարմար է ընկերների հետ շփվելու, անմոռաց ժամանց կազմակերպելու համար: Սուր զգացողությունների ու վառ տպավորությունների պակաս չեք զգա: Ցուլ Այսօր շտապել չարժե: Կարևոր հարցերում որոշումներ կայացնելիս՝ առավել ուշադիր եղեք: Օրվա ընթացքում հնարավոր են որոշ հետաքրքիր իրադարձություններ: Նոր, անհրաժեշտ տեղեկություններ կստանաք, կհանդիպեք մարդկանց, ովքեր պատրաստ են աջակցել ձեզ: Նրանք կօգնեն ճիշտ կողմնորոշվել հետագա անելիքների մեջ, լուծել որոշ մասնագիտական հարցեր: Երեկոյան դրական լիցքեր կստանաք: Ձեռք կբերեք նոր հետաքրքրություններ, կշփվեք ինքնատիպ մարդկանց հետ, լավ ժամանակ կանցկացնեք: Ստեղծագործական ներուժը բարձր է, նոր գաղափարներ կծնվեն: Երկվորյակ Աշխատավայրում հնարավոր են լուրջ անախորժություններ: Իհարկե չեք հանձնվի և կշարունակեք ձեր պայքարը, սակայն ծագած խնդիրները բացասաբար կազդեն տրամադրության վրա: Նշանի որոշ ներկայացուցիչներ կարող են կորցնել լավատեսությունը և աշխատանքի հանդեպ հետաքրքրությունը: Հիշե՛ք, որ մեծագույն սխալ գործած կլինեք, եթե սկսած գործերը կիսատ թողնեք: Փորձեք առավել նպատակասլաց լինել: Օրվա ամբողջ ընթացքում կզգաք ընկերների և մտերիմների աջակցությունը: Նրանք ոչ միայն լավ խորհուրդներ կտան, այլ նաև հստակ քայլեր կձեռնարկեն ձեզ օգնելու համար: Հրաշալի օր է ձեր վնասակար սովորույթները վերանայելու, դրանցից մեկընդմիշտ հրաժարվելու, փոխարենը՝ առողջ ապրելակերպի անցնելու համար: Խեցգետին Դժվարությունները շատ շուտով կավարտվեն: Ձեզնից պահանջվում է զինվել համբերությամբ և մի փոքր էլ դիմանալ:Կարող եք նոր գործեր ձեռնարկել, միայն թե, որոշումներ կայացնելիս, առավել զգույշ եղեք: Շտապողականությունն այսօր ձեր օգտին չէ: Ազդեցիկ մարդկանցից աջակցություն կստանաք: Փորձեք հետաձգել ֆինանսական հարցերը, նաև գնումները: Այսօր դրամական միջոցներ տնօրինելը ձեզ մոտ չի ստացվի:Խորհուրդ չի տրվում ուղևորությունների մեկնել, կարող եք ապագա ճամփորդության շուրջ ծրագրեր կազմել: Առյուծ Այսօր շատ բան կախված է նրանից, թե որքան ողջամիտ կգտնվեք: Եթե ենթարկվեք հակառակորդների սադրանքներին և վեճերի մեջ ներքաշվեք, ապա դրանով ձեզ համար լուրջ խնդիրներ կստեղծեք և ամեն բան էլավելի կբարդացնեք: Այսօր ճիշտ կվարվեք, եթե հանգստություն պահպանեք, ավելորդ ուշադրություն չգրավեք և մնաք ստվերում: Սիրահարված Առյուծներին խորհուրդ է տրվում շատ ժամանակ անցկացնել սիրելիի հետ, դա դրական կազդի հարաբերությունների վրա: Իսկ եթե դեռևս միայնակ եք, ապա կարող եք միջոցառումների մասնակցել, նաև հետաքրքիր հանդիպումներ ունենալ: Կույս Օրվա առաջին կեսին ստիպված կլինեք շատ աշխատել: Նշանի շատ ներկայացուցիչներ կարող են անգամ ուժասպառ լինել: Փորձեք չընկճվել, ջանք մի խնայեք որոշ կարևոր հարցերի վերջնական լուծումներ տալու համար: Երբ ամեն բան կարգավորվի, կկարողանաք հանգիստ շունչ քաշել և հանգստանալ: Օրվա երկրորդ կեսը հանգիստ և թեթև կանցնի: Այսօր հաջող զուգադիպությունները, հաճելի հանդիպումներն ու հետաքրքիր ծանոթությունները կուրախացնեն ձեզ:Հրաշալի օր է բարձրաշխարհիկ միջոցառումների մասնակցելու համար: Կարող եք հանդիպել մարդկանց, ովքեր կօգնեն որոշ ծրագրեր իրագործել: Կշեռք Այսօր սկսած բոլոր գործերն ավարտին կհասցնեք, գլուխ կհանեք անգամ ամենաբարդ խնդիրներից: Գործընկերները սիրով կօգնեն ձեզ: Ընկերներից ևս աջակցություն կստանաք: Կարող եք գնումներ կատարել, ձեռք բերել գրասենյակի համար անհրաժեշտ որոշ իրեր: Օրվա երկրորդ կեսին հնարավոր են մասնագիտական տարաձայնություններ, վեճեր: Հնարավորության դեպքում հետաձգեք կարևոր գործերը, դրանց կվերադառնաք որոշ ժամանակ անց: Ընտանիքում խնդիրներ չեն լինի, իսկ եթե այնուամենայնիվ որոշ դժվարություններ ծագեն, ապա սիրելի մարդիկ կօգնեն հաղթահարել դրանք: Կարիճ Օրվա առաջին կեսը բարեհաջող կդասավորվի բոլոր նրանց համար, ովքեր կարևոր գործեր կձեռնարկեն: Այսօր անհրաժեշտ է մարտական տրամադրվել և առաջ շարժվել: Հնարավոր են տարաձայնություններ ազդեցիկ մարդկանց հետ: Չնայած դժվարություններին՝ ցանկացած իրավիճակից հաղթող դուրս կգաք: Կարող եք որոշ գնումներ կատարել, իսկ կարևոր որոշումներ կայացնել չարժե: Օրվա երկրորդ կեսին հնարավոր են տհաճ իրադարձություններ, սակայն անհաղթահարելի խոչընդոտների չեք հանդիպի: Նշանի շատ ներկայացուցիչներ կզբաղվեն մտերիմների խնդիրներով, օգնության ձեռք կմեկնեն դժվար իրավիճակում հայտնված ազգականներին: Աղեղնավոր Օրվա ընթացքում հնարավոր են մի շարք դժվարություններ, և դրանք հաղթահարելու համար ձեզնից որոշ ջանքեր կպահանջվեն: ճիշտ կլինի, եթե հրաժարվեք կասկածելի, ոչ հուսալի մարդկանց օգնությունից: Փորձեք խնայողություններ անել, զերծ մնացեք չնախատեսված ծախսերից: Այսօր աշխատեք ձեզ մոտ կանխիկ մեծ գումար չունենալ: Հետևեք մտերիմների խորհուրդներին, անգամ եթե դրանք ձեր սրտով չեն: Հնարավոր է այսօր ստիպված լինեք զոհաբերել սեփական շահերը, ինչի համար հետագայում չեք զղջա: Այծեղջյուր Օրը բարեհաջող կդասավորվի: Գործարարի ձեր հոտառությունն այսօր շատ սուր է: Նշանի ներկայացուցիչներն այսօր հաջող գործարքներ կկնքեն, կգտնեն մարդկանց, ում հետ համագործակցությունը հեռանկարային կլինի, նաև կարող են հաջող գնումներ կատարել: Նոր բաներ սովորելու հնարավորություն կունենաք: Օրվա ընթացքում կառնչվեք ոչ այնքան համակրելի մարդկանց հետ, սակայն դա ձեզ չի խանգարի անհրաժեշտ գիտելիքներ ձեռք բերելու հարցում: Երեկոյան հնարավոր են որոշ անախորժություններ, ի դեպ՝ ձեր մեղքով: Հակված եք բարդացնել իրավիճակը, սրտին մոտ եք ընդունում ցանկացած նկատողություն: Չափազանց զգայուն եք, ուշադիր՝ մանրուքների հանդեպ: Հետևեք մտերիմների խորհուրդներին և փորձեք լիցքաթափվել: Ջրհոս Օրվա առաջին կեսին առավել զգուշավոր եղեք: Այս ժամանակահատվածում բացասական միտումների ազդեցությունը չափազանց մեծ է: Նշանի շատ ներկայացուցիչներ կարող են փորձությունների ենթարկվել: Գայթակղություններին դիմակայելը հեշտ չի լինի: Գործուղումները ցանկալի չեն, խորհուրդ չի տրվում գործնական բանակցություններ վարել: Օրվա երկրորդ կեսը ավելի թեթև և հաճելի կդասավորվի: Թեև աստղերն առանձնապես չեն ժպտա, սակայն, սեփական համառության շնորհիվ, հնարավորություն կունենաք մեծ հաջողությունների հասնել: Գործնական եք տրամադրված, անիմաստ ժամանակ չեք վատնում, ինչն էլ աննկատ չի մնում: Ձկներ Օրվա առաջին կեսին դրական միտումների ազդեցությունը մեծ է: Հենց այս ժամանակահատվածում փորձեք լուծել աշխատանքի հետ կապված բոլոր կարևոր խնդիրները:Գործնական բանակցությունները լավ կանցնեն և արդյունավետ կլինեն: Փաստաթղթերի հետ աշխատելիս սխալներ թույլ չեք տա, ֆինանսական հարցերում ևս ճիշտ կլինեք: Օրվա երկրորդ կեսին պատկերը լիովին կփոխվի: Առանձնակի ուշադրություն կպահանջվի նշանի այն ներկայացուցիչներից, ովքեր աշխատում են սուր գործիքներով, էլեկտրական սարքավորումներով: Այսօր վնասվածքներ ստանալու վտանգը մեծ է: Ընտանիքում հնարավոր են տարաձայնություններ: Ընթացքում ամեն բան կպարզաբանվի, սակայն տրամադրությունը բարձր պահել չի հաջողվի: ...

    Կարդալ ավելին
  • Դու կապշես, երբ իմանաս, թե ինչեր կարող ես անել «Facebook Messenger»-ով։ ① Օգտվիր «Մեսենջերի» կայքից Կայքը շատ ավելի արագ է աշխատում և «Հաղորդագրության» ձևաչափը «Facebook»-ի ոճով է արված այնպես, որ համակարգչի էկրանից ակտիվ զրույցի համար խորհուրդ է տրվում հենց սա օգտագործել։ ② Հաղորդակցվիր «Messenger»-ում այն ընկերների հետ, ովքեր չունեն ֆեյսբուքյան հաշիվ Այժմ «Messenger»-ից օգտվելու համար պարտադիր չէ ֆեյսբուքյան հաշիվ ունենալ։ Եթե քեզ հարմար է հաղորդագրություններ ուղարկել ու ստանալ այս հավելվածում, կարող ես հրավիրել նույնիսկ այն ծանոթներին, ովքեր այդպես էլ չեն գրանցվել սոցկայքում։ Այս դեպքում գրանցումը կատարվում հեռախոսահամարով։ ③ Կանգնեցրու ծանուցումները Երբեմն ցանկանում ես պարզապես հանգստանալ ձանձրացնող հաղորդագրություններից, երբեմն դա անհրաժեշտ է, որպեսզի ոչինչ չշեղի աշխատանքից։ «Messenger»-ում կարել է անջատել ծանուցումները բոլոր կամ առանձին զրուցակիցների համար։ Բոլոր զրուցակիցների համար ծանուցումներն անջատելու համար սեղմիր «Настройках > Уведомления > Отключить», այնուհետև ընտրիր անջատելու ժամանակահատվածը։ Իսկ առանձին զրուցակիցների ծանուցումներն անջատելու համար անհրաժեշտ է բացել նրա զրուցարանը, սեղմել էկրանի վերևում գտնվող նրա անունի վրա, այնուհետև «Уведомления» և ընտրել ժամանակահատվածը։   ④ Կարդա փակ հաղորդագրությունները Հաճախ «Facebook»-ը չի ծանուցում ոչ ընկերներից ստացած հաղորդագրությունները։ Դրանք հայտնվում են «Запросы на переписку» թղթապանակի մեջ։ «Messenger»-ում դրանք կարելի է գտնել հետևյալ կերպ. «Настройки > Люди > Запросы на переписку»։ ⑤ Միացրու «Магия фото»-ն Ուզո՞ւմ ես զգալ տեխնոլոգիաների կախարդանքը. միացրու «Магия фото»-ն։ Այն կսկսի iPhone-ով արված լուսանկարների վրա ճանաչել Ձեր ընկերներին «Facebook»-ի միջոցով և ուղարկել կադրը նրանց։ ⑥ Կիսվիր այն տեղեկատությամբ, թե որտեղ ես Այսպես քեզ գտնելն ավելի հեշտ կլինի, հատկապես, երբ դու հանդիպում ես զրուցակցիդ հետ նրա համար անծանոթ վայրում։ Այն մարդն, ում ուզում եք ուղարկել Ձեր գտնվելու վայրը, կստանա քարտեզի ինտերակտիվ կտոր։ Նա կարող է այն մեծացնել, փոքրացնել կամ քարտեզագրող հավելվածի մեջ բացել այդտեղ հասնելու ճանապարհը։ ⑦ Շարժանկարներ ուղարկիր, ոչ թե «սթիքերներ» Նրանք ավելի զվարճալի են ու բազմազան։ Զրույցի էջում սեղմիր «Еще» կոճակին (երեք կետեր) ու ընտրիր շարժանկարներ փնտրելու հավելված (խորհուրդ է տրվում սկզբի համար ընտրել «GIPHY»-ն)։ Դու կհայտնվես «AppStore»-ում, որպեսզի հավելված տեղադրես։ Դրա մեջ կարելի է շարժական նկարներ գտնել բանալի բառերի միջոցով։ ⑧ Նայիր այն նկարները, որոնցով կիսվել ես կոնկրետ զրույցի ժամանակ Անհրաժեշտ է լուսանկար գտնել հատուկ զրուցարանից կամ պարզապես ցանկանում ես վերհիշել վաղուց ուղարկված լուսանկարնե՞րը։ Զրուցարանում սեղմիր զրուցակցի անունի կամ խմբի անունի վրա և տես «Опубликованные фото» բաժինը։ ⑨ Նշիր կարևոր խումբը՝ այն արագ գտնելու համար Բոլոր խմբային զրուցարանները չեն, որ հետաքրքիր ու օգտակար են։ «Группы» էջում սեղմեք այն խմբի վրա, որն ուզում եք առանձնացնել` սեղմելով «Выделить»: ⑩  Դուրս արի սմարթֆոնի «Messenger»-ի քո հաշվից «Messenger» հավելվածում չկա հաշվից դուրս գալու հնարավորություն։ Մտիր ֆեյսբուքի հիմնական կամ հեռախոսային տարբերակի կարգավորումների բաժին։ Համակարգչի էկրանին գտիր «Откуда вы вошли», իսկ հեռախոսի վրա՝ «Активные сессии» և անջատիր «Messenger»-ը։ ...

    Կարդալ ավելին
  • Սուրճի ամենատարօրինակ բաղադրատոմսեր ամբողջ աշխարհից, որ պետք է կյանքում գոնե մեկ անգամ փորձել: Ձվով սուրճ Cà phê trung կամ վիետնամական ձվով սուրճ պատրաստելու համար նախ հարում են ձվի դեղնուցը և խտացրած կաթը՝ մինչև համասեռ զանգված դառնան, վրան լցնում են վիետնամական դառը սուրճ: Ծովային աղով սուրճ Թայվանի ամենահայտնի սրճարանների ցանցի՝ 85C Bakery Café-ի խոհարարները մատուցում են ծովային աղով սուրճ, որը 2008թ. դեկտեմբերին ստեղծումից հետո դարձել է ամենաշատ վաճառվող ըմպելիքը: Արևածաղկի ձեթով կամ կարագով սուրճ Ասիայում հաճախ կարագ (նաև արևածաղկի ձեթ) են ավելացնում սուրճին: Bulletproof Coffee ընկերությունը վստահեցնում է, որ կարելի է մեկ բաժակ սուրճ խմել նախաճաշի փոխարեն և նիհարել: Գաղտնիքը պարզ է՝ սուրճին պետք է ավելացնել կարագ և ձեթ: Պանրով սուրճ Kaffeost-ը սուրճի մեջ պանիր ավելացնելու կամ սուրճը պանրով խմելու շվեդական սովորություն է: Սուրճի մեջ սովորաբար ավելացնում են լապլանդական պանիր, որն արտադրվում է Ֆինլանդիայում և Հյուսիսային Շվեդիայում: Տիմ Տամ Սլեմ Սուրճ խմելու այս արարողությունը հայտնի չէ աշխարհում գրեթե ոչ մի տեղ, բայց շատ տարածված է Ավստրալիայում: Մատուցելիս դնում են սովորական տաք սուրճ, հետո կծում են «Տիմ Տամ» բլիթի (կրեմով միջուկով շոկոլադե բլիթ) երկու ծայրերը, որից հետո բլիթի մի ծայրը դնում են սուրճի մեջ ու սուրճը խմում հենց կրեմի միջով՝ ինչպես ձողիկով:   ...

    Կարդալ ավելին
  • Կարտոֆիլի լուսանկարը, որի հեղինակն է իռլանդացի լուսանկարիչ Քևին Աբոշը, վաճառվել է 1 մլն դոլարով։ Այս մասին հայտնում է Irish Central-ը։ Աշխատանքի հեղինակը աշխարհում ամենաբարձր վարձատրվող լուսանկարիչներից է։ Նա մասնագիտացած է տեղեկատվական տեխնոլոգիաների հայտնի գործիչների և շոու-բիզնեսի աստղերի նկարահանումների մեջ։ Սև ֆոնի վրա նրա նկարած պալարը դարձել է լուսանկարչության պատմության ամենաթանկ լոտերից մեկը։ «Քևինը սիրում է կարտոֆիլ, քանի որ այն, ինչպես մարդիկ, տարբեր ձևեր ունի։ Նա լուսանկարել է բազմաթիվ կարտոֆիլներ, սակայն դա նրա սիրելիներից մեկն է»,- նշել են լուսանկարչի ներկայացուցիչները։ Երբ լուսանկարի ներկայիս տիրոջը հայտնել են դրա գինը, նա առանց տատանվելու համաձայնել է վճարել 1 մլն դոլար։ ...

    Կարդալ ավելին
  • Թերթելով անցած մի քանի տարիների սևագիր գրառումներս տոների շուրջ՝ դժվարանում եմ թաքցնել զարմանքս, թե ինչ արագությամբ է Վալենտինը ետին պլան մղում Սուրբ Սարգսին։ Հատկապես հետաքրքիր է, որ հաճախ նույն մարդիկ, որ ծաղրել են Սուրբ Սարգսին ու թթվում են աղի բլիթի սիրագուշակության վրա, իրար ջերմորեն շնորհավորում են Վալենտինի տոնի առթիվ։ Փորձում եմ հասկանալ՝ ինչի՞ մեջ է դրսի մոդայի ուժը։ Այդ ի՞նչ ունի Վալենտինը, որ չունի մեր ժողովրդի սիրելի Սուրբ Սարգիսը։ Հեքիաթ՝ հեքիաթ. ավելի լավ չի՞ մեր հեքիաթը... Ուրիշ բան, եթե մերը չունենայինք։ Նույնն էլ անուններին է վերաբերում։ Խեղճ Աճառյանին հայհոյում են, թե մեր անունների մեծ մասը մեկնաբանում է որպես օտար։ Աճառյանն ի՞նչ մեղք ունի. ինչպես որ մեր ու ձեր նախնիներն են Կորյուն և Առյուծ հոյակապ՝ բնիկ անունների փոխարեն սկսել գործածել մերձիմաստ / նույնիմաստ Լևոն, Ղևոնդ, Ասլան կամ Լյովա անունները, այնպես էլ հիմա դուք, այդ բոլորով չբավարարված, գերադասում եք Լեո-ն։ Կամ չքնաղագույն Լուսիկ կամ Լուսինե անվան փոխարեն՝ Լյուսյա, հիմա էլ՝ Լյուսի։ Լավ եք անում, ձեր երեխաներն են՝ ձեր գործն է, ուզում եք ավելի ժամանակակից հնչի։ Առողջ լինեն ձեր բալիկները։ Բայց ընդամենը երկու բան եմ ուզում ընդգծել. 1) այնուամենայնիվ չեմ հասկանում՝ մի՞թե Կորյուն-ն ու Լուսիկ-ը հնացած են կամ վատ են հնչում. 2) հենց ձեր օրինակը հստակ ցույց է տալիս, որ մարդը միշտ էլ վազել ու վազում է օտար-մոդայիկի հետևից, ուստի Աճառյանին այլևս չմեղադրեք։ Սուրբ Սարգիս-ն ինքն էլ ծագումով հայկական չէ։ Այնուամենայնիվ այն արդեն երկար ճանապարհ է մեր մշակույթի ամուր մասնիկն է։ Եվ հետո՝ այդ անվան տակ ամենայն հավանականությամբ թաքնված է մի շատ ավելի հին՝ նախաքրիստոնեական կերպար, որ քրիստոնեության մուտքից հետո հազիվ թե հնար ուներ իր նախնական անվամբ պահպանվելու։ Նյութի աղբյուր՝ https://www.facebook.com/hrach.martirosyan.58/posts/1190201737659853 ...

    Կարդալ ավելին
  • Առատ ձյան պատճառով ԱՄՆ-ի մի քանի նահանգեր հայտնվել են կատվածահար վիճակում, փակ են դպրոցներն ու պետական այլ գերատեսչական կառույցներ, ցավոք կան մարդկային զոհեր, բայց ամերիկյան հասարակությունը ստեղնաշարերով զիվելու և սեփական իշխանություններին քննադատելու փոխարեն, զինվել է բահերով և այլ անհրաժեշտ պարագանով մաքրում են սեփական բնակավայրերն ու փորձում բնականոն ռիթմի վերադարձնել սեփական առօրյան: Ես դեմ չեմ քննադատությանը, բայց առավել զարգացող և մրցունակ պետություն կառուցելու համար, քննադատությունը պետք է լինի օբեկտիվ և յուրաքանչյուրս պետք է պատասխանատվության մեր չափաբաժինը զգանք մեր գյուղի, մեր քաղաքի, մեր պետության նկատմամբ: Նյութի աղբյուր`https://www.facebook.com/menua1/posts/915917541810655 ...

    Կարդալ ավելին
  • Մարդ, ով կործանումից փրկեց Աղթամարի Սուրբ Խաչ եկեղեցին... Լուսանկարում մեր մեծ հայրենակից Վիլյամ Սարոյանն է՝ պատկերված քրդական ծագում ունեցող թուրքալեզու գրող Յաշար Քեմալի (1923-2015) հետ 1964 թվականին Ստամբուլում: Յաշար Քեմալը բացառիկ դեր է խաղացել հեռավոր արդեն 1951-ին հայկական ճարտարապետության գլուխգործոց հանդիսացող Աղթամարի Սուրբ Խաչ եկեղեցին թուրքական իշխանությունների կողմից վերահաս ոչնչացումից փրկելու գործում: Այն ժամանակ, երբ նա «Ջումհուրիեթ» թերթի հատուկ թղթակիցն էր և բավականին ճանաչված հրապարակախոս, Թուրքիայի ռազմական գերատեսչությունը ծրագրել էր քանդել Աղթամարի Սուրբ Խաչ եկեղեցին:  Մի գեներալ, ով ներքին կարգով իմացել էր այդ մտադրության մասին, լուրը հասցնում է Յաշար Քեմալին: Նրանք միասին մեծ դժվարություններով կարողանում եմ հասնել Աղթամարի կղզի և այնտեղ աշխատող բանվորներին համոզում կանգնեցնել եկեղեցու քանդման աշխատանքները՝ մինչ հատուկ հրահանգը, որից հետո հանդիպում են նաև տեղական իշխանությունների հետ: Յաշար Քեմալին հաջողվում է (ի պատիվ «Ջումհուրիեթ» թերթի խմբագրի, ով չի վախենում տպագրել այդ նյութը) մի հրատապ հոդված գրել և ջրի երես հանել այդ հրեշավոր ծրագիրը, որի շնորհիվ էլ քանդման աշխատանքները պաշտոնապես կասեցվում են և Սուրբ Խաչ եկեղեցին փրկվում է (հայտնի է նաև, որ Յաշարն ու գեներալը հետո հալածվել են դրա համար): Իր հոդվածով Յաշար Քեմալը կարողացել էր ազդել թուրքական իշխանությունների վրա՝ գրելով, որ Սուրբ Խաչ եկեղեցին ոչ միայն հայերինն է, այլ նաև ողջ Թուրքիայի մշակութային ժառանգությունը, և այդ պատճառով էլ այն պետք է անպայման պահպանվի: Դեռ 1973 թ. գրականության ոլորտում Նոբելյան մրցանակի թեկնածու առաջադրված Յաշար Քեմալը, 2013-ին Հայաստանի Մշակույթի նախարարության կողմից արժանացավ «Գրիգոր Նարեկացի» հուշամեդալի` իր հայանպաստ խիզախ գործունեության համար: Հուշամեդալը նրան է հանձնվել Ստամբուլում գրողի 90-ամյակի կապակցությամբ՝ պոլսահայ համայնքի մշակութային գործիչների ներկայությամբ: «Ես ինքս ծնունդով Վանից եմ և հպարտ եմ, որ Գրիգոր Նարեկացու հայրենակիցն եմ։ Չի կարելի ոչնչացնել քո երկրի պատմությունը՝ դրանով մենք միայն կոչնչացնենք ինքներս մեզ», - ասել էր Յաշար Քեմալը: Նյութի աղբյուր`https://www.facebook.com/photo.php?fbid=925933777521155&set=a.500519483395922.1073741831.100003136245699&type=3&theater ...

    Կարդալ ավելին
  • Զիկա վիրուսը, որն առաջին անգամ հայտնաբերվել է 1947թ․-ին Ուգանդայում այնքան էլ տարածված չէր մինչև 2013թ.-ը, երբ ֆրանսիական Պոլինեզիայի բնակչության մոտավորապես 11 տոկոսը վարակ ստացավ։ Այստեղից այն տարածվեց խաղաղօվկիանոսյան կզիներով։ Այժմ այս վիրուսը գլուխ է բարձրացրել Հարավային Ամերիկայի մի շարք երկրներում։ Հետազոտողների ենթադրությամբ՝ պատճառը 2014թ.-ին Բրազիլիայում անցկացված սպորտային միջազգային խաղերն են, որի ժամանակ էլ ամենայն հավանականությամբ վիրուսը ներթափանցել է երկիր խաղաղօվկիանոսյան երկրների բնակիչների կողմից։ Վիրուսի պատճառով Բրազիլիայում 2015 թվականի հոկտեմբերից փոքր գլխով 4000 երեխա է ծնվել: Այժմ Կոլումբիայում վիրուսով հիվանդությունների թիվը գերազանցել է 13 հազարը։ Միացյալ Նահանգների առողջապահության նախարարությունը երկրի քաղաքացիներին խորհուրդ է տվել խուսափել ավելի քան 20 երկիր այցելություններից: Զիկա վիրուսի 3 դեպք է գրանցվել ԱՄՆ-ի Նյու Յորք նահանգում, 2 դեպք` Իսպանիայի Կատալոնիա շրջանում, 3 դեպք՝ Մեծ Բրիտանիայում։ Կոլումբիայի, Էկվադորի, Էլ Սալվադորի և Ճամայկայի իշխանությունները կանանց խորհուրդ են տվել առայժմ զերծ մնալ հղիանալուց, մինչև ավելի շատ բան հայտնի կդառնա մոծակների միջոցով (ենթադրվում է՝ նաև սեռական ճանապարհով ու արյան միջոցով) փոխանցվող Զիկա վիրուսի մասին, իսկ Էլ Սալվադորի առողջապահության նախարարությունը կանանց մասնավորապես խորհուրդ է տվել չհղիանալ մինչև 2018թ.-ը։ Զիկայի ախտանշանները մեծահասակների մոտ նման են գրիպի ախտանշանների, երբեմն դրանք կարող են նույնիսկ չարտահայտվել։ Հիվանդությամբ տառապող մարդկանց մոտ, սակայն, միկրոցեֆալիայով հիվանդ երեխաներ են ծնվում։ Հիշեցնենք, որ Զիկայի բուժումը դեռևս հայտնի չէ։ ...

    Կարդալ ավելին
  • 1. Պարտքով գումար չուզի։ Աղջիկը բանկ չէ, ուզում է սիրային պատմություն ունենալ, ոչ թե վարկային, մանավանդ այդ գումարը «գրվելու է սառույցին»։ 2. Գլուխ չգովի, թե ով է, ինչ դեմքերի հետ է նստում ու վեր կենում, աղջիկներն էլ այս մոլորակից են և նույնպես լավ ծանոթներ ունեն։ 3. Ոսկե սարեր չխոստանա։ Որպես կանոն, գեղեցիկ խոստումները միայն օդում են մնում, քանի որ կարելի է մինիմում 99 պատճառ հորինել և չկատարել։ 4. Չպարտադրի։ Այդ պահին ուզում ես մի բան վերցնել և ոչ մեղմորեն իջեցնել գլխին։ Հետո հասկանում ես, որ անիմաստ է, պարտադրված համակերպվում ես պարտադրանքին։ 5. Միաժամանակ երկու աղջկա հետ չշփվի։ Կողմնորոշվիր, թե այդ աղջիկը ծանոթդ է, ընկերուհիդ, հարևանդ, բարձդ... Ասա, որ դիմացինդ իմանա ու չնստի, տարիներով քեզ սպասի։ 6. Հեքիաթներ չպատմի։ Գյուլնազ տատի հեքիաթներն անգիր գիտենք և ստեղծագործելու շնորհք բոլորս էլ ունենք, էնպես որ, ավելի լավ է ստեր չհորինել։ 7. Ժլատություն չանի։ Մարտի 8-ը տարին մեկ անգամ է լինում, իսկ խմելը, խաղալը, սիգարետ ծխելն՝ ամեն օր։ Այնպես որ, մեկ անգամ նվեր գնելը թանկ չի կարող լինել, պետք է պարզապես հաշվել, թե ամեն օր որքան է անիմաստ ծախսվում։ 8. «Հեսա կզանգեմ» չասի։ 100000000000000000000000000000 տոկոսով չի զանգի, թեև սա սուտ չէ, ուղղակի, չգիտես ինչու, միշտ չի ստացվում։ 9. Ծնունդից առաջ չկռվի։ Էլի նվեր, անիմաստ ծախս... Մի փոքրիկ խորամանկությունը չէր խանգարի. կարելի է տարվա մեջ երկու օր նշել որպես ծննդյան օր, իբր թե անձնագրով սխալ են գրել ու անակնկալի բերել ։-) 10. «Կյանքս», «արևս», «քաղցրս» չասի. ընդհանրապես «ս» վերջավորությամբ բառեր ասի միայն սիրելիին, պա՞րզ է... Նյութի աղբյուր՝ https://www.facebook.com/marine.amiryan/posts/1258598460833441 ...

    Կարդալ ավելին
  • Վերջին օրերին Հայաստանում մարդկանց տրամադրության վրա բացասական ազդեցություն ունեցող և շատերի համար լուրջ սթրեսի պատճառ դարձած բազմաթիվ իրադարձություններ են տեղի ունեցել: Ձեր ուշադրությանն եմ ներկայացնում սննդամթերքների ցուցակ, որոնք արդյունավետ են սթրեսի դեմ պայքարի հարցում և կօգնեն հանգստանալ և հավաքել մտքերը. 1. Բանան Սթրեսի դեմ պայքարի լավագույն սննդամթերքներից մեկը բանանն է: Բանն այն է, որ բանանը В խմբի վիտամիններ և հարմին ալկալոիդ է պարունակում, որոնց շնորհիվ այս մրգերը ոչ միայն բարձրացնում են տրամադրությունը և մեզ էներգիա հաղորդում, այլև օգնում են ազատվել անքնությունից: Իհարկե, շատ բանան ուտել խորհուրդ չի տրվում, քանի որ դրանք բավականին մեծ կալորիականություն ունեն, բայց եթե Դուք սթրեսային վիճակում եք գտնվում, փորձեք մեկ-երկու բանան ուտել: Դուք անմիջապես ավելի լավ կզգաք: 2. Շոկոլադ Շատերը սովորել են սթրեսը շոկոլադի մեջ խեղդել, և դա միանգամայն բացատրելի է, քանի որ այն տրամադրությունը բարձրացնող և սթրեսի դեմ պայքարել օգնող բազմաթիվ օգտակար նյութեր է պարունակում: Օրինակ՝ շոկոլադը հարուստ է շատ բնական հակադեպրեսանտներով, որոնց ազդեցությամբ օրգանիզմում բարձրանում է էնդորֆինների՝ երջանկության հորմոնների մակարդակը: Բացի դրանից, շոկոլադը մագնեզիում է պարունակում, որը հանգստացնում է նյարդային համակարգը: 3. Ցիտրուսներ Մանդարինները, նարինջներն ու կիտրոնները С վիտամինի լավ աղբյուրներ են: Ցիտրուսներն օգնում են «լավ տրամադրության հորմոններ» արտադրել և բարձրացնել արտաքին ազդեցությունների հանդեպ օրգանիզմի դիմադրողականությունը: Ի դեպ, այս վիտամինով հարուստ են նաև մասուրը, սև հաղարջը, հապալասն ու կիվին: Այս մրգերն ու հատապտուղները նույնպես շատ արդյունավետ են սթրեսի դեպքում: 4. Թեյ Սթրեսի դեմ պայքարում թեյը ևս կարող է օգնել: Օրինակ՝ սև թեյը կարգավորում է իմունային համակարգի աշխատանքը, բարձրացնում է սթրեսահանդուրժողականությունը, կայտառացնում և բարձրացնում տրամադրությունը: Իր մեջ հակաօքսիդանտների և С վիտամինի շնորհիվ կանաչ թեյը նպաստում է սթրեսային հորմոնների արտադրման նվազեցմանը, հանգստացնում է և նույնիսկ օրգանիզմը պաշտպանում սթրեսի վնասակար ազդեցությունից: 5. Կաթնամթերք Կալցիումով հարուստ կաթնամթերքները նույնպես շատ արդյունավետ են սթրեսային իրավիճակների դեպքում: Կալցիումը թուլացնում և հանգստացնում է մկանները, ուստի բնական «հանգստացնող» է համարվում: Եթե Ձեզ հանգստանալ է անհրաժեշտ, փորձեք մի բաժակ կաթ խմել կամ էլ մի քիչ ոչ աղի պանիր ուտել: Ի դեպ, լոլիկը ևս շատ արդյունավետ է սթրեսից ձերբազատվելու համար, բայց այն Հայաստանում ձմռանն այդքան էլ շատ չի լինում: Նյութի աղբյուր՝ https://www.facebook.com/vrezh.osipyan/posts/843028719152582 ...

    Կարդալ ավելին
Загрузка...

ՖԲՀ

Քաղաքականություն