• Դոնի Ռոստովի օդանավակայանում ձյան պատճառով 11 չվերթներ են հետաձգվել, որոնցից 2-ը՝ դեպի Երեւան, եւս 2-ը՝ Երեւանից Դոնի Ռոստով: Օդանավակայանի մամուլի ծառայությունից ՏԱՍՍ-ին հայտնել են, որ «առավոտյան օդանավակայանը փակվել է  եղանակային վատ պայմանների պատճառով»: Երեւանի ժամանակով ժամը 10.30-ի դրությամբ հետաձգվել է 11 չվերթ, ասել է գործակալության զրուցակիցը: Նրա խոսքով, Պրահայից ժամանող օդանավն ուղարկվել է Կրասնոդարի օդանավակայան, որտեղից ուղեւորներին Դոնի Ռոստով կհասցնեն ցամաքային տրանսպորտով: Ներկայումս օդանավակայանը վերսկսել է աշխատանքը եւ առաջիկա ժամերին բոլոր չվերթները կկատարվեն, եթե եղանակը նորից չվատթարանա: Ռուսաստանի ԱԻՆ տարածաշրջանային գլխավոր վարչության եւ Հիդրոմետկենտրոնի տվյալներով առաջիկա օրերին այդ շրջանում սպասվում է ձյուն եւ թաց ձյուն, առանձին շրջաններում մառախուղ ու մերկասառույց: Նշենք, որ դեպի Երեւան երկու չվերթները Դոնի Ռոստովի օդանավակայանից պետք է դուրս գային ժամը 08.00-ին, սակայն հետաձգվել են: Հետաձգվել են նաեւ Երեւանից Դոնի Ռոստով մեկնող երկու չվերթները, որոնք պետք է տեղի ունենային ժամը 07.15-ին: ...

    Կարդալ ավելին
  • Մեր շնչով, ծիծաղով, խոսքով, թախիծով, հոգով, սրտով ու կյանքով ենք ՁԵԶ պարտք հայոց բանակի անմահ մարտիկներ… Տոնդ շնորհավոր մեր ժողովրդի հավաքական ուժ, մեր որդիներից կազմված անառիկ կառույց, հավերժ անսասան մեր բանա՛կ հայոց!!! ...

    Կարդալ ավելին
  • Վերջին օրերին մի քանի անգամ դժգոհել եմ ֆեյսբուքից ու ֆեյսբուքահայությունից, բայց այնուամենայնիվ, ֆեյսբուքը միանշանակ ունեցել ա նաև դրական ու անգամ կասեի խիստ դրական ազդեցություն և հունվարի 28-ը շատ ակտուալ օր է՝ դրանցից մեկի մասին խոսելու մասին։ Ուրեմն, ֆեյսբուքցիներ ջան, հավանաբար շատերդ էլ չեք գիտակցում, բայց հենց շնորհիվ ֆեյսբուքի, կոտրվեցին շատ բացասական ու հաճախ՝ վաղուց արդեն ոչ ակտուալ կարծրատիպեր մեր բանակի մասին։ Եթե դեռ մի 7 տարի առաջ բանակն ընկալվում էր զուտ որպես սպանդանոց, իսկ հունվարի 28-ը իր ժողովրդականությամբ գտնվումն էր մոտավորապես նույն մակարդակի վրա, ինչ ասենք Սահմանադրության օրը, կամ էլ՝ մոնղոլական տուշկանչիկների պաշտպանության օրը, ապա այսօր այն իսկապես օրացույցի այն բացառիկ օրերից է, երբ ֆեյսբուքն առավելապես դրական է ու տոնական։ Սա հետևանք էր նրա, որ տեղեկատվական դաշտում բանակի վերաբերյալ ինֆորմացիոն հոսքերի մենաշնորհը կոտրվեց ու լսելի դարձան ոչ միայն պաշտոնական մարմինների ու գերատեսչությունների չոր կամ էլ չափազանց պաթոսային խոսքերը, ոչ միայն ծովինար նազարյանների ու արթուր սաքունցների կաղկանձանքներն ու մաղձը, այլև տասնյակ ու հարյուրավոր սովորական մահականացուների ձայները, ովքեր անցել էին ծառայությունով և առավելապես դրական տրամադրվածությամբ էին վերադարձել բանակից։ Այսօր ունենք հետաքրքիր պատկեր ֆեյսբուքում․ բանակի մասին ծայրահեղ բացասական խոսացողների, ինչպես նաև նյադրայնացնելու աստիճան պաթոսախառը դրական խոսացողների մեծ մասը երբեք չի ծառայել բանակում ու նույնիսկ զորանցի երես չի տեսել՝ տարատեսակ սաչոկներ ու իգական սեռի ներկայացուցիչներ են հիմնականում, իսկ այ որ ամենակարևորն է՝ ադեկվատ դրական արտահայտվող զանգվածի ճնշող մեծամասնությունը մարդիկ են, ովքեր ծառայել են ու ծառայում են և նրանց հարազատներն ու բարեկամները։ Սա կրկնակի կարևոր է, որովհետև ոչ միայն ցույց է տալիս իրական զինծառայողների ու զորացրվածների տրամադրվածությունը և քաջալերում է նրանց, ովքեր դեռ նոր պետք է ծառայեն, այլև այն առումով, որ բազմահազարանոց ֆեյսբուքյան լսարանի կտրվածքով երևում է, որ տարբեր պացիֆիստները, սաչոկներն ու բացահայտ թշնամական քարոզչություն անողները չնչին փոքրամասնություն են կազմում մեր հասարակությունում։ Այնպես որ, ապրի ֆեյսբուքը ու ապրեն ֆեյսբուքցիները: Շնորհավորում եմ հունվարի 28-ի կապակցությամբ: Նյութի աղբյուր՝ https://www.facebook.com/ternakalyan.kostya/posts/10207494468375928 ...

    Կարդալ ավելին
  • Այսօր տարվա այն օրն է, երբ կենացներն ամենահուզառատն են՝ հագեցած ամենաանկեղծ՝ զավակին ուղղված ծնողի սիրով…  Այսօր տարվա այն օրն է, երբ Հայրենիքի պաշտպանի պատասխանատվությունը բազմապատկվում է, քանի որ այսօր Հայոց բանակի օրն է, Նրա՝ Հայ զինվորի տոնն է… Փա՜ռք ու պատի՜վ անմար հիշատակիդ, ամենաթանկ կյանքդ Հայրենիքին նվիրաբերա´ծ Հերոս, շնորհավո՜ր տոնդ Հայոց հաղթանակա´ծ բանակ, շնորհավո՜ր տոնդ Հայոց բանակի նախկին, ներկա և ապագա´ Զինվոր,  Թո՜ղ որ հայ ծնողի աչքի արցունքը բացառապես զինվորի հանդեպ կարոտից լինի… Նյութի աղբյուր՝ https://www.facebook.com/armen.petrosyan.05/posts/969975876372960 ...

    Կարդալ ավելին
  • Նրանց համար, ովքեր դեռ ապրում են տնակներում և մինչև հիմա երազում խոստացված բնակարանի մասին: Նրանց համար, ովքեր սարսափով են լսում զրոյից ցածր ջերմաստիճանի մասին լուրը, որովհետև տունը տաքացնելու հնարավորություն չունեն: Նրանց համար, ովքեր մինչ հիմա սոված քնող երեխաներին լուսավոր ապագայի մասին խոսքերով են կերակրում: Եվ նրանց համար, ովքեր բանակում ծառայող զավակ ունեն և դրա հետ մեկտեղ ո՛չ քուն ունեն, ո՛չ հանգիստ, և կես մարդ են դառնում, մինչև զինվորը վերադառնում է: Եվ նրանք բոլորն արդեն ոչ թե պայքարում են ապրելու համար, այլ ուզում են պայքարելու իմաստը գտնեն: Նյութի աղբյուր՝ https://www.facebook.com/permalink.php?story_fbid=837022193093661&id=100003576633868 ...

    Կարդալ ավելին
  • Մենք` հայերս, լավ գիտենք խաղաղության գինը և նրա հարատևության համար պետք է օրեցօր զորացնենք մեր սնած ու փայփայած բանակը, ուրախանանք նրա ձեռքբերումներով: Հունվարի 28-ը Հայոց Բանակի օրն է։ Բանակ, որ չնայած երիտասարդ տարիքին, որպես Հայոց իրողություն, իր էության մեջ հազարավոր տարիների հպարտանալու արժանի պատմություն ունի ամբարած, սկսած մեր նախահայր Հայկից, շարունակած Տիգրան Մեծով, Մամիկոնյան տոհմի սպարապետներով, Բագրատունիներով, մինչեւ Սարդարապատ, Բրանդենբուրգյան դարպասների մոտ քոչարի պարած թամանցիներով, մինչեւ Շուշի ու Քարվաճառ ազատագրած մերօրյա հերոսները… Հայոց բանակի ստեղծումը կապված է հայոց պետականության ստեղծման պատմական իրողության հետ, քանզի պետություն և բանակ հասկացությունները միմյանցից անքակտելի են: Եվ մեկի, և մյուսի համար ամեն ինչի սկիզբը եղավ 1988 թ. փետրվարը` սկիզբը Ղարաբաղի համար պայքարի, պետականության վերականգնման ու Ազգային բանակի ստեղծման:  «Բանակ» ասելիս, առաջին միտքը, որ ծագում է ցանկացած բանական մարդու գլխում կլինի համազգեստով զինվորը, զորանոցն ու զորախաղերը, պատվո պահակախումբը, շքերթն ու երդման արարողությունը: «Բանակ» էր հայ հասարակության մտածողության մեջ այն գիտակցության հասունացումը, թե միայն սեփական զինված ուժերը կարող են լինել ժողովրդի ու հասարակության անվտանգության երաշխիքը: Ընդամենը 24 տարի առաջ հայ քաջ մարտիկները ապացուցեցին իրենց ուժը թշնամուն: Հենց իրենց շնորհիվ է, որ մենք այժմ կանք, ապրում ենք ազատ երկրում և արարելու հնարավորություն ունենք:  Հայոց բանակում ծառայելը ոչ միայն պարտք է, այլ նաև կոչում: Բանակը հիրավի նվիրյալների համար է, ովքեր գիտակցում ու գնահատում են հայրենիքի անվտանգության ու խաղաղության արժեքը: Հայոց բանակը ձևավորվեց պատերազմի բովում, երբ հարցականի տակ էր մեր անկախությունը, երբ զինված ուժերի ստեղծումը դարձել էր օրվա հրամայականը: Գոյության առաջին իսկ օրերից մեր բանակը դրսևորեց իր լավագույն որակները` անմնացորդ նվիրում հայրենիքին, անկոտրում մարտական կամք ու հաղթական ոգի:  24 տարի առաջ կամավորական հայկական բանակը մեր անկախության ամենամեծ ձեռքբերումներից մեկն էր: Մեզ համար հայոց բանակը ազգային հպարտություն է, որի ուժի ու մարտունակության շնորհիվ տարիներ շարունակ պահպանվում է խաղաղությունը:  Մենք` հայերս, լավ գիտենք խաղաղության գինը և նրա հարատևության համար պետք է օրեցօր զորացնենք մեր սնած ու փայփայած բանակը, ուրախանանք նրա ձեռքբերումներով:  Հզոր բանակ ունեցող պետության մեջ միայն կարելի է յուրաքանչյուր օրը դիմավորել հանգիստ խղճով, համոզված, որ խաղաղությունը պահպանվում է մշտապես աչալուրջ ու զգոն բանակի կողմից: Այսօր մենք պետք է խոնարվենք մեր դրոշին, հիմնին, զինանշանին, հպարտանալով, որ ունենք հենց այսպիսի բանակ, որ կարող է պաշտպանել մեզ թշնամուց:  Մեր բանակը դարձավ 24 տարեկան, սա բոլորիս տոնն է: Այն լավ առիթ է վերստին գիտակցելու, որ եթե յուրաքանչյուրս ինչ-որ չափով` մեր հոգու ուժով զորակցենք հայոց բանակին, այն էլ ավելի կամրանա, դրանով իսկ կամրապնդվի ժողովրդի հույսն ու վստահությունը: Նյութի աղբյուր`https://www.facebook.com/ani.aslanyan.315/posts/447492702115545 ...

    Կարդալ ավելին
  • Այսօր Մոնթե Մելքոնյանի կիբեր բանակը՝ Monte Melkonian Cyber Army,հարձակվել է Ադրբեջանի պետական կայքերի վրա Հայոց բանակի օրվակապակցությամբ: Հարձակման պատճառով անհասանելի են դարձել Ադրբեջանիպետական մարմինների համացանցային ռեսուրսների կայքը (gov.az),Ադրբեջանի պետական պորտալը (e-gov.az) և հարկային ծառայության կայքը(taxes.gov.az): Բացի այդ, հրապարակվել են  քաղաքացիական ծառայության հանձնաժողովիգաղտնի փաստաթղթերը (csc.gov.az), 81000 ադրբեջանցիների էլեկտրոնային հասցեներ, գաղտնաբառեր և IP հասցեներ: Բոլոր տվյալները բաց տեղադրվել են ցանցում, որը կարող եք ներբեռնելայստեղից՝ https://www.sendspace.com/file/b2qyi5 http://pastebin.com/1z0yJ1i7  (https://www.sendspace.com/file/crf75b) Նյութի աղբյուր՝ http://www.animargaryan.org/2016/01/blog-post_28.html ...

    Կարդալ ավելին
  • Այսօր անհավանական դեպք տեղի ունեցավ ավտոբուսի կանգառում: «1248s» պետհամարանիշի 42 համարի ավտոբուսը Արշակունյաց պողոտայով մոտեցավ կանգառին: Այդ ժամանակ կանգառում երկու «Գազել» կար: Ավտոբուսի վարորդը չկանգնեց սրանց հետեւում, եւ շարունակեց ընթացքը, ինչպես սկզբում կարծեցինք, ավելի հարմար կանգառի համար: Ու մինչ ուղեւորները փորձում էին կռահել, թե նա կանգառի ո՞ր մասում կկանգնի՝ ավտոբուսի վարորդը չգիտես ինչու ներվայնացավ, կիսադատարկ ավտոբուսը առանց կանգառի քշեց գնաց, ուղեւորներին թողնելով կանգառում՝ -14 աստիճան ցրտին: Սրանից հետո բավական երկար կանգառում ոչ մի ավտոբուս, տրոլեյբուս չերեւաց: Ու մարդիկ կանգնած էին ընտրության առաջ. կամ խցկվել ազատ նստատեղեր չունեցող «Գազելներ», ու կռացած երթեւեկել, կամ սառել՝ -14 ցրտին: Երեւանի տրանսպորտային համակարգում խայտառակ վիճակ է: Ավտոբուսի վարորդների մեծամասնությունը ավտոբուսը վարում է հեռախոսով խոսելով՝ իրենց անձնական հարաբերությունների նրբությունները ուղեւորների հետ կիսելով, տափակ անեկդոտներ բարձրաձայնելով, չսափրված, ծխելով, ավտոբուսները վարում են անկանոն՝ կարտոֆիլ տեղափոխող բեռնատարի նման: «Գազելների» մասին խոսելն ընդհանրապես ավելորդ է, որովհետեւ դրանցով երթեւեկելը նվաստացուցիչ է չնստած ուղեւորների համար: Հենց այս հարցերն էի բարձրաձայնում 2016 թվականի բյուջեի նախագծի քննարկման ժամանակ, որին պարոն Տարոն Մարգարյանը հերթական անգամ չներկայացավ: Ըստ ամենայնի ԱԺ գալու հետ կապված ինչ-որ վախեր ունի: Հ.Գ. Երկու շաբաթ առաջ ինձ համար կանգնած եմ ավտոբուսի մեջ: Զգում եմ, որ վարորդը նկատել է ինձ. հայելու մեջ ինձ է նայում, փոխանակ ճանապարհին նայի: Զգացի, որ ինչ-որ ինչ-որ բան է մտմտում, ու պատրաստվում է ինչ-որ գիգանտ միտք արտահայտել: Ի վերջո հավաքեց մտքերը, եւ ինչքան ձայն ուներ գոռաց. «Պարոն Փաշինյան, ընչի՞ մի հատ օրենք չեք ընդունում, որ էս սաղ հայերին գյուլլեն»: Ինչպես ասում են՝ շնորհակալություն պարոն Տարոն Մարգարյանին: Նյութի աղբյուր՝ https://www.facebook.com/nikol.pashinyan/posts/1556031798050543 ...

    Կարդալ ավելին
  • Հիսուսը, տեսնելով ժողովրդի բազմությունը, բարձրացավ լեռան վրա և նստեց այնտեղ. նրա աշակերտները հավաքվեցին նրա շուրջը, և նա սկսեց ուսուցանել նրանց՝ ասելով. - Երանի՜ հոգով աղքատներին, որովհետև նրանցն է երկնքի արքայությունը։ Երանի՜ սգավորներին, որովհետև նրանք Աստծուց մխիթարություն պիտի գտնեն։ Երանի՜ հեզերին, որովհետև նրանք երկիրը պիտի ժառանգեն։ Երանի՜ նրանց, որոնք արդարության քաղցն ու ծարավն ունեն, որովհետև նրանք պիտի հագենան։ Երանի՜ ողորմածներին, որովհետև նրանք Աստծուց ողորմություն պիտի գտնեն։ Երանի՜ նրանց, որոնք սրտով մաքուր են, որովհետև նրանք Աստծուն պիտի տեսնեն։ Երանի՜ նրանց, որոնք խաղաղության հաստատման համար են աշխատում, որովհետև նրանք Աստծու որդիներ պիտի կոչվեն։ Երանի՜ նրանց, որոնք հալածվում են արդարության համար, որովհետև նրանցն է երկնքի արքայությունը։ Երանի՜ ձեզ, երբ մարդիկ ձեզ նախատեն ու հալածեն, կամ ստելով՝ ձեր մասին ամեն տեսակ զրպարտություն անեն իմ հետևորդը լինելու համար։ Ցնծացե՛ք և ուրախացե՛ք, որովհետև մեծ է ձեր վարձատրությունը երկնքում։ Հիշեցե՛ք, որ նույն ձևով հալածանքի ենթարկվեցին նաև ձեզնից առաջ ապրած մարգարեները։ (Մատթեոսի ավետարան 5:1-12) Նյութի աղբյուր`https://www.facebook.com/ruben.zargaryan/posts/1241048759255567 ...

    Կարդալ ավելին
  • Հայաստանի առաջին ռազմական նախարարները... 1918-1920 թթ. Հայաստանի Առաջին Հանրապետության ռազմական չորս նախարարները. 1. Հովհաննես Հախվերդյան (1918 հունիս - 1919 մարտ) 2. Քրիստափոր Արարատյան (1919 մարտ - 1920 ապրիլ) 3. Ռուբեն Տեր-Մինասյան (1920 մայիս - 1920 նոյեմբեր) 4. Դրաստամատ Կանայան (1920 նոյեմբեր - 1920 դեկտեմբեր) Հայ առաջին պետական բարձրագույն ռազմական գործիչներ, որոնք այդ կարճ ու ճակատագրական ժամանակահատվածում կարողացան իրագործել այնքան, ինչքան հնարավորություն տվեց իրենց պատմությունը: Նյութի աղբյուր`https://www.facebook.com/ruben.shukh/posts/928361477278385 ...

    Կարդալ ավելին
Загрузка...

ՖԲՀ

  • /uploads/photos/T2YlVukG5AqmxDOBLom4.jpg

    1920-ի սկզբից սկսվեց Հայաստանի 1-ին Հանրապետության միջազգային ճանաչման նոր շրջանը: Հունվարի 19-ին Փարիզի խորհրդաժողովում Անտանտի դաշինքի երկրների Գերագույն խորհուրդը (ներկայիս Եվրամիության նախատիպը) դե ֆակտո և դե յուրե պաշտոնապես ճանաչեց Հայաստանի Հանրապետության անկախությունը Հայաստանի գերակայության տակ գտնվող տարածքներում: Մեր երկրի պետական սահմաններն այդ պահին ընդգրկում էին նախկին Ռուսական կայսրության Երևանի նահանգի (ներառյալ Նախիջևանի մարզը և Իգդիրի շրջանը) և Կարսի մարզի (ներառյալ Կարս, Սարիղամիշ, Արդահան քաղաքները) վարչական սահմաններն ամբողջությամբ՝ 60 հազար քառակուսի կիլոմետրից ավելի տարածք: Նշենք նաև, որ բացարձակապես գերակշռող հայկական բնակչություն ունեցող Սյունիքն ու Արցախն այդ պահին դե ֆակտո հայկական անկախ ինքնավարությունների կարգավիճակներ ունեին, և նրանց դե յուրե Հայաստանին միանալը ընդամենը մոտակա ժամանակի հարց էր հանդիսանում: Հայաստանի Հանրապետության պառլամենտն Անտանտի դաշինքի երկրների Գերագույն խորհրդի այդ որոշման կապակցությամբ Հայաստանի մայրաքաղաք Երևանում 1920-ի հունվարի 25-ին հրավիրեց հանդիսավոր նիստ, որտեղ նախ կարդացվեց եվրոպական երկրների պաշտոնական ուղերձը՝ ուղղված անկախ Հայաստանի ժողովրդին, որից հետո ելույթ ունեցան պառլամենտի պատգամավորները: Ներկայացնենք մի հատված Սիմոն Վրացյանի ելույթից, որի դրույթները, կարծում եմ, զարմանալիորեն արդի են այսօրվա համար. «Մենք հասել ենք վերջին հանգրվանին: Այն, ինչ որ հայ ժողովուրդը ձևակերպել է իբրև անխախտ կամք, սկսում է իրականանալ: Ազատ Հայաստանը այլևս փաստ է ոչ միայն մեզ, այլև ուրիշների համար: Այն, ինչ որ հայ աշխատավորությունն իր արյան գնով է նվաճել, ընդունում և հաստատում են նրանք, որոնց ձեռքին է գտնվում այսօր աշխարհի ղեկը, և ավելի մեծ սիրով նրանք, որոնց պիտի անցնի վաղը պատմության ղեկավարությունը: Եվ եթե մինչև այժմ մեզնից պահանջվել է հեղափոխական եռանդ և անձնազոհություն, ապա այսուհետև մենք պետք է ցուցահանենք քաղաքական հասունություն ու պետական շինարարության կարողություն: Կյանքը մեր առջև դնելու է նոր պահաջներ և մեզանից է կախված մեր չափով անկախ Հայաստանի բարիք կամ չարիք դառնալը հայ ժողովրդի համար: Ես հավատում եմ, որ անկախ Հայաստանը չի փակվի նեղ պատյանի մեջ, և հայ դեմոկրատիան հավասար մեկ անդամը կլինի համաշխարհային ազատ դեմոկրատիայի ընդհանուր ընտանիքում»: Նյութի աղբյուր՝ https://www.facebook.com/photo.php?fbid=1512476025533591&set=a.500519483395922.1073741831.100003136245699&type=3

    Կարդալ ավելին

Քաղաքականություն