Գովազդի համար զանգահարել 099 999 409
  • Հարգելի, սիրելի, աննման, նմանը չունեցող, հետաքրքիր, ծախու, պատվով, անինքնասեր, ինքնասիրության բարձր մակարդակով, սիրուն, ֆոտոշոփով սիրունացած ֆռենդներ ու ֆռենդուհիներ ջան, ես՝ Անկախ Հայաստանս, ցանկանում եմ Ձեզ շնորհավոր գալիս Ամանորի կապակցությամբ, ցանկանում եմ Ձեզ, որ գալիս տարի էլ կապիկություն չանեք ու պսակվեք, ցանկում եմ, որ ով պսակվելա էս տարի հետևի Էմմի ու Սոնա Շահգերդյանի օրինակին, ցանկում եմ, որ էս տարի ոչ մեկիդ պատին չհայտնվեն. «Փոքրիկին օգնություն է անհրաժեշտ» վերնագրով ոչ մի գրառում, ցանկում եմ, որ էս տարի բոլոր քաղաքական գործիչների բոլոր քայլերը լինեն ճիշտ ու ձեր ուղղված միմիայն ձեր բարեկեցիկ ներկային ու ապագային, ցանկանում եմ, որ էս տարի բոլորդ ունենաք ձեր երազած աշխատանքը ու ձեր երազած պաշտոնը, ցանկանում եմ, որ չունենաքէ կյանքում իմ նման էն ընկերներից կամ ծանոթներից, որոնք հիշում են ձեզ միմիայն պետքի հմար, իսկ լավ առիթներին իրանք մոռանում են (չնայած մյուս տարի ես սխալս կուղղեմ):  Ցանկանում եմ, որ գալիք տարին ձեր համար լինի Ամանորյա բլիչնիկի պես օգտատակար ու ստալիչնի սալաթի պես՝ կարևոր:  Ցանկանում եմ, որ 2016 թվականի դեկտեմբերի 31-ին Ձմեռ պապից սպասվելիք ցանկությունները լինեն ոչ էական ու ոչ նյութական:  Ցանկանում եմ, որ գալիք տարին բոլորիդ ընտանիքներում առիթները լինեն Ամանորյա տոնածառի պես ուրախ ու գունեղ, իսկ տխրությունները՝ ձյան փաթիլի պես թեթև ու տեղին: Ես անձմաբ շատ ուրախ եմ, որ ունեմ ձեր նման ընտանիք, ընտանիք որտեղ կեսից շատը ինձնից զզվում է, մի փոքր մաս սիրում է, իսկ մի մաս էլ ցանկանում է ինձ բացահայտել, որ քացու տակ քցի:  Խոստանում եմ մյուս տարի էլ ձեզ լիքը առիթներ տամ ինձ վատաբանելու ու անուններ կպցնելու համար: Ձեզ շատ եմ սիրում: Սիրով՝ Ձեր՝ Անկախ Հայաստան: Նյութի աղբյուր`https://www.facebook.com/vagrblogger/posts/781041952023759 ...

    Կարդալ ավելին
  • Հարգելի մանկավարժներ, դասախոսներ, գիտաշխատողներ, սիրելի աշակերտներ և ուսանողներ, Շնորհավորում եմ ձեզ Ամանորի և Սուրբ Ծննդյան տոների կապակցությամբ: 2015 թվականը Հայաստանի կրթության և գիտության ոլորտի համար եղավ նշանակալի ձեռքբերումների, նոր նախաձեռնությունների և ամենակարևորը՝ աշխարհի կրթական քարտեզի վրա մեր տեղն ընդգծելու և վերարժևորելու տարի: Բարեփոխումների լայնածավալ գործընթացի և ապագա ծրագրերի շնորհիվ մեր կրթական համակարգն այսօր զարգանում է միջազգային չափանիշներին համաքայլ՝ արձագանքելով ժամանակի մարտահրավերներին:Լիահույս եմ, որ գալիք տարում նույնպես բարեփոխումների ճկուն գործընթացի շարունակականությունը, բարձրակարգ և որակյալ կրթության ապահովումը, կատարած աշխատանքի հանդեպ պատասխանատվությունն ու խստապահանջությունը յուրաքանչյուրիս համար կշարունակեն մնալ առաջնահերթ ուղենիշ: Ցանկանում եմ, որ 2016 թվականը լինի խաղաղության, միասնության, հաղթանակների և առաջընթացի, համայն հայության ազգային իղձերի իրականացման և նորանոր ձեռքբերումների տարի: Մաղթում եմ ձեզ բարօրություն, անձնական երջանկություն և ամենայն բարիք: Թող Սուրբ Ծննդյան ավետիսն ուղեկից լինի ձեզ ողջ տարվա ընթացքում: Սիրով՝ ՀՀ կրթության և գիտության նախարար ԱՐՄԵՆ ԱՇՈՏՅԱՆ Նյութի աղբյուր՝ https://www.facebook.com/armen.ashotyan/posts/10207933406191160 ...

    Կարդալ ավելին
  • Շատ քիչ ժամանակ է մնացել 2015-ի ավարտին։ Տարեմուտը, որպես կանոն, ամփոփման, արածն ու չարածն ի մի բերելու, նոր ծրագրեր նախանշելու ժամանակ է։ Յուրաքանչյուր հայի համար ցանկացած պահի ու ցանկացած առիթով առաջին ու ամենակարևոր ակնկալիքն ու ցանկությունը խաղաղությունն է։ 2015 թվականին մեզ խաղաղություն պարգևեցին հայոց բանակն ու սահմանին կանգնած քաջարի զինվորները և նրանց հրամանատարները։ Փառք ու պատիվ մեր անդորրը պահպանող զինվորին ու սպային, հավերժ հիշատակ՝ բոլոր այն տղաներին, ովքեր զոհվեցին՝ անսասան պահելով հայրենի սահմանները։ 2015-ն արարման տարի էր։ Մեզ հաջողվեց աշխարհաքաղաքական բարդ ժամանակներում ու գերլարված տարածաշրջանում անցնցում փակել 2015-ի դռները։ Անցնող տարում հազարավոր տներում հնչեց մանկան ճիչը, բազմաթիվ երիտասարդներ ամուսնության դաշն կնքեցին, նշեցին բնակարանամուտ, տասնյակ հազարավոր երեխաներ մուտք գործեցին դպրոցներ, նոր ծրագրերով, նպատակներով ու իղձերով լի մեծաթիվ երիտասարդներ ոտք դրեցին բարձրագույն ուսումնական հաստատություններ, ավարտեցին ու անցան մասնագիտական աշխատանքի։ Կառուցեցինք, մշակեցինք, շենացրինք մեր երկիրը, նեցուկ կանգնեցինք, օգնեցինք ու ձեռք մեկնեցինք միմյանց։ Եվ մենք նոր՝ 2016 թվական ենք մտնում նոր հույսերով ու ակնկալիքներով։ 2016-ը թող լինի սիրո, արարման, աշխատանքի, ապահովության, առողջության և բարեկեցության տարի։ Թող 2016-ն իր հետ բերի առատություն, երջանկություն և բարի լուրեր։ Մեր արժեհամակարգի վերին հորիզոնականներում միշտ եղել են հայրենասիրությունը, ազգապաշտությունը, հզոր բանակ, ուժեղ երկիր, բարոյական հասարակություն ունենալու գաղափարները, ուստի նոր տարում թող ավելի ամրապնդվեն այս արժեքները, ամրապնդվեն յուրաքանչյուրիս աշխատանքով ու նպատակադրումներում։  Շնորհավոր Ամանոր և Սուրբ ծնունդ։ Նյութի աղբյուր՝ https://www.facebook.com/avagyankaren/posts/958394304234219 ...

    Կարդալ ավելին
  • Այդ նույն օրերին, մինչ Հիսուսը տաճարում ժողովրդին ուսուցանում էր և Ավետարանը քարոզում, ավագ քահանաներն ու Օրենքի ուսուցիչները երեցների հետ վրա հասան և ասացին նրան. -Ասա՛ մեզ, դու ի՞նչ իշխանությամբ ես անում այս գործերը. ո՞վ տվեց քեզ այդ իշխանությունը։ Հիսուսը նրանց պատասխանեց. -Ես էլ ձեզ մի հարց տամ։ Ասացե՛ք ինձ, Հովհաննեսի մկրտելու իշխանությունը Աստծո՞ւց էր տրված նրան, թե՞ մարդկանցից։ Նրանք իրար հետ սկսեցին խորհել և ասել. -Եթե ասենք՝ «Աստծուց», կասի՝ «Ուրեմն ինչո՞ւ չհավատացիք նրան», իսկ եթե ասենք՝ «Մարդկանցից», այն ժամանակ ամբողջ ժողովուրդը մեզ կքարկոծի, որովհետև բոլորն էլ համոզված են, որ Հովհաննեսը մարգարե է։ Ապա պատասխանեցին. -Չգիտենք, թե որտեղի՛ց էր այդ իշխանությունը։ Հիսուսն ասաց նրանց. -Այն ժամանակ ես էլ ձեզ չեմ ասի, թե ի՛նչ իշխանությամբ եմ անում այս գործերը։ (Ղուկասի ավետարան 20:1-8) Արդարև, մեզ պետք է այսպիսի մի քահանայապետ՝ սուրբ, անմեղ, անարատ, մեղավորներից զատված և բարձրացած ավելի վեր, քան երկինքները։ Մի քահանայապետ, որ պետք չունի ամեն օր զոհեր մատուցելու մյուս քահանայապետների նման, որոնք նախ իրենց և ապա ժողովրդի մեղքերի համար զոհեր են մատուցում, քանզի Քրիստոսը միայն մեկ անգամ ինքն իրեն մատուցեց իբրև հավերժական զոհ... Մենք ունենք այնպիսի մի Քահանայապետ, որ նստած է ամենազոր Աստծու աթոռի աջ կողմում, երկնքում, իբրև պաշտոնյա երկնային Սրբարանի, այսինքն՝ այն ճշմարիտ խորանի, որ կանգնեցված է Տիրո՛ջ ձեռքով և ոչ թե մարդկանց։ (Պողոս առաքյալի նամակը եբրայեցիներին 7:26-27, 8:1-2) Նյութի աղբյուր՝ https://www.facebook.com/ruben.zargaryan/posts/1222829414410835 ...

    Կարդալ ավելին
  • Համընդհանուր ուշադրության արժանի գրեթե բոլոր իրադարձությունների ժամանակ կարծես ֆեյսբուքյան դեժավյու լինի. ֆուտբոլ, սահմանային լարվածություն, ցույց, Նոր տարի, Եվրատեսիլ-մեվրատեսիլ և այլն... Ամեն անգամ իրարից գրեթե չտարբերվող գրառումներ, գրեթե կրկնվող սցենար... Չեմ ասում լավ է, թե վատ, բնական է, թե տարօրինակ, փաստ եմ արձանագրում... Թերևս, ֆանտազիայի պակաս կա մեզանում... Նյութի աղբյուր`https://www.facebook.com/taron.parsamyan/posts/934581659911189 ...

    Կարդալ ավելին
  • Ազգի կայացած լինել֊-չլինելը նա֊ևառաջ որոշվում է Հայրենիքի համար կյանքը վտանգի ենթարկած զինվորների ու նրանց ընտանիքի հանդեպ դրսևորված վերաբերմունքով: Առիթ եղել է ու ասել եմ, որ Հայոց Աշխարհում Սրբազան կարգ կար՝ զոհված կամ վիրավոր զինվորի ընտանիքը պիտի լիներ համայնքի ամենաբարեկեցիկներից: Ու երբ այդպես էինք մտածում, մեր երկրի սահմանները ՝մարդկային պատկերացումներից էլ դուրս էին ու աշխարհի Կարգ սահմանողներից էինք: Իսկ հիմա՞․․․ Ուտելիք տուն կրելու ամանորյա հևքի մեջ քանի՞սն են մտաբերում, որ պատերազմի հետևանքով կերակրողից զրկված լիքը ընտանիքներ կան, որոնք կարիքի մեջ են: Լավ տարի ունենալու մեր մաղթանքները տեղ չեն հասնելու և չեն իրականանալու, քանի դեռ չենք գիտակցում, որ մենք պարտք ենք այդ ընտանիքներին և իրենց դժվար վիճակը մեր ամոթն է: Նայեք ձեր շուրջը, նայեք ձեր բակը, նայեք ձեր շենքը, ձեր փողոցը, ձեր գյուղը, ձեր քաղաքը, գտեք Հայրենիքին Հայր նվիրած ընտանիք, ձեր սեղանից, ձեր երեխաներից կտրեք մի բարիք ու տարեք այդ ընտանիք Ամանորի համար: Տարեք ու մի պահեք ձեզ բարերարի պես, այլ կարկամելով ասեք՝ - Ներող եղեք, որ ուշ հասկացանք, որ պարտք ենք ձեզ: Ու այդ դեպքում ոչ միայն ձեր, այլև ողջ ազգի նոր տարին կլինի լավը․․․ ինչպես հնում: Պատերազմում ստացած վերքերի պատճառով հայր կորցրած, տասներեք տարեկանում տան տղամարդ դարձած այս մանչուկին, ով փորձում է հոգալ տան հոգսերը, ու նրա նմաններին մենք պարտք ենք:  Եկել է պարտքի հատուցման ժամը: Նյութի աղբյուր`https://www.facebook.com/photo.php?fbid=10208729534739678&set=a.10200092231292490.2199637.1351196033&type=3&theater ...

    Կարդալ ավելին
  • Համարյա բոլոր բարձրաստիճան չինովնիկների ու նրանց հարազատների 2014-ի հայտարարագրերը դիտարկել եմ, ինչպես նաև նրանց քառորդ մասի 2011-2014 թթ. հայտարարագրերը, ու կարող եմ ասել, որ այդ ոլորտը վաղուց արդեն նոր չի, բայց իմիտացիոն է ճիշտ այնպես, ինչպես մեր կյանքի բոլոր բնագավառները: Բազմաթիվ են կեղծ տվյալներն ու անճշտությունները, և այդ բոլորը հաճախ հասցված ձեռառնոցիի մակարդակի: Եվ դա հենց այդպես էլ պետք է լիներ, որովհետև բոլոր լրացնողներն էլ գիտեն, որ ոչ մեկը չի պատժվելու անճշտությունների համար: Իսկ պատիժը դեռևս մնում է մարդուն «վերադաստիարակելու» առավել արդյունավետ միջոց, և դեռևս երկար կմնա այդպիսին: Ինչ վերաբերում է հայտարարագրերի առանձին հատվածներին՝ ասենք «նվերներ» ստանալուն, ապա դրանց վերաբերյալ զարմանալն անիմաստ է, որովհետև լրացնողը խնդիրներ ունենալու դեպքում փորձում է գտնել այն եղանակը, որը առավել անվտանգ կարող է լինել իր համար, որովհետև մեզանում հայտարարագիրն ընկալվում է որպես «կոմպրոմատ», որ վաղ թե ուշ կպայթի լրացնողի գլխին, եթե վերջինս իրենց դրսևորի ոչ այնպես, ինչպես նրանից սպասում է իշխանությունը: Նյութի աղբյուր՝ https://www.facebook.com/vakhtang.siradeghyan/posts/10205024973494957 ...

    Կարդալ ավելին
  • Կոռուպցիան նույնքան հին ախտ է որքան այն հնագույն մասնագիտությունը։ Նախամարդը ևս կոռուպցիայով վարաքված է եղել։ Երբ որևէ որսորդ մի չաղ անտիլոպ է սպանել, ապա անպայման լյարդի համեղ պատառները որպես կաշառք տարել նվիրել է իրենց ցեղապետին որպեսզի սա իր թիկնապահ շակալներին քսի չտա այս քաջ որսորդի վրա և չխանգարի նրա բարեհաջող որսին։ Ըհը, մեկը ես, աշխարհի ամենաանկաշառ մարդկանցից մեկն եմ։ Երբեք հասարակության մեջ չեմ զբաղեցրել այնպիսի դիրք որպեսզի մարդիկ ինձ կաշառք տային։ Բայց արի ու տես որ ես էլ եմ կաշառք վերցրել։ Մի ասպիրանտ ունեի, ծնունդով այրումցի էր։ Սա մի անգամ գյուղ էր գնացել ու հետը Այրումի դեղձ էր բերել։ Գիտեր որ իմ ամենասիրած միրգը Նոյեմբերյանի նարինջ դեղձն է, բերեց ու ինձ տվեց յոթը հատ նարինջ դեղձեր։ Համեղ դեղձեր էին, մինչև հիմա համը բերանումս է մնացել։ Չէ, դեղձի համը չէ, այլ կաշառքի Այնպես որ կաշառքը շատ համեղ թիքա է ու մեկ անգամ վերցնողի բերանում համը մնալուց հետո նա ամեն ինչ կանի որ հա վերցնի։ Կաշառքը թմրանյութին հար և նման բան է ; Ծակվեցիր մեկ կամ մի քանի անգամ, վերձ այլևս դու այդ զիբիլի գերին ես։ Տուն տեղդ, ընտանիք բարեկամդ կծախես ու կուրանաս մենակ թե պահանջված պահին այդ թույնը կլլես ու դինջանաս։ Այդպես էլ կաշառքն է։ Թմրամոլության դեմ մարդկության դարավոր պայքարը ավարտվեց այդ այդ նյութի օրինականացմամբ։ Հիմա եվրոպական շատ երկրներում թեթև թմրանյութը օրինականացված է։ ԱՄՆ-ում ձս այդ պրոցեսը արդեն սկսվել է։ Այսինքն մարդկությունը գտավ որ թմրամոլության դեմ լավագույն միջոցը թեթև թմրամոլության լեգալացումն է։ Կաշառակերության դեմ անողոք պայքար մղելուց հոգնած բազում առաջատար երկրներ վաղուց նրա թեթև տեսակը՝ կենցաղային կոռուպցիան լեգալացրել են ու այլևս այդ հարցով լուրջ պրոբլեմներ վաղուց չունեն։ Իսկ բարձր էշելոններում խոշոր կաշառակերությունը ինչպես եղել է անցյալում, նույնպես կա հիմա ամենուր ու անխտիր, դեռ մի բան էլ առավել ծաղկած ու բարգավաճած։ Բերեմ ասածս վերջին միտքը ապացուցող օրյնակներ ԱՄՆ-ի վերաբերյալ։ Առողջապահությունը, կրթությունը, դատա-իրավական համակարգը, պետական մարմինների հետ քաղաքացու հարաբերությունները այնպես են կազմակերպված որ քաղաքացին նախօրոք կամ հետո մուծում է այդ մարմիններին այնպիսի գումարներ որոնք ապահովում են նրանց ծառայողներին բավականին բարձր եկամուտներ և այդ իսկ պատճառով նրանք այլևս քաղաքացուց իրենց ծառայության դիմաց ավել գումար շորթելու կարիք չունեն։ Ավելին, եթե նրանցից մեկնումեկն էլ հանակրծ կգնա այդ արգելված քայլին հենց համակարգը ինքը նրա դեմը կառնի որպեսզի չարատավուվի իր բարի համբավը և ինքը զրկվի իր օրինական եկամուտներից։ Այնպես որ կաշառակերության դեմ միակ գոծուն միջոցը այն օրինականացնելն է տվյալ հասարակության գրպանին համապատասխան օրինական մուծումների տեսքով։ Կաշառակերության կենցաղային տարբերակն է ամենատարածվածը և այն արմատախիլ է արվում հենց ասածս այս լեգալացմամբ։ Մնացած ամեն ինչը լոկ դատարկ լոլոներ են և որևէ արդյունքի հասցնել չեն կարող։ Բարձր ոլորտների մեծ կաշառակերությունը վերացնելը բացառվում է։ Այն եղել է, կա և կլինի ամենուր և ցանկացած ամենազարգացած երկրում։ Այնպես որ Սահակաշվիլին թող շատ գլուխ չտանի իր շատախոսությամբ։ Նա Ուկրաինայի թագն է ուզում ԱՄՆ-ի հանձնարարությամբ Ռուսաստանի հետ կոշտ կենֆրոնտացիայի շարունակման նպատակով ։ Իսկ վերջնական նպատակը Ռուսաստանի քայքայումն է որպես միասնական պետության, նրա մասնատումը և Սիբիրի անսպառ բնական հարստությունների յուրացումը հզորների կողմից։ Նյութի աղբյուր՝ https://www.facebook.com/hamlet.abrahamyan/posts/10206888659753242 ...

    Կարդալ ավելին
  • Նվիրյալ հայորդիների պակաս հայ ժողովուրդը ոչ մի անգամ չի զգացել, անկախ նրանից թե պատմական ինչպիսի շրջափուլում է ապրել, և իրականում ինչ մարտահրավերների առաջ է կանգնած եղել: Հայ հասարակությունը շատ հաճախ չի ճանաչում իր նվիրյալ հայորդիներին, որոնք պետության և ազգի համար մատուցել են բավականին մեծ ծառայությոններ. նրանցից կառանձնացնենք Դանուշ Շահվերդյանին: Դանիել (Դանուշ) Շահվեդյանը ծնվել է 1882, հունվարի 11-ին Լոռու մարզի Այգեհատ գյուղում (նախկինում գյուղը կոչվել է Իկհատ, այնուհետև ի պատիվ իր զավակի` Դանուշավան), հեղափոխական շարժման ակտիվ մասնակից, կուսակցական ու պետական գործիչ, ՀԽՍՀ գլխավոր դատախազ։ Շահվերդյանը միջնակարգ կրթությունը ստացել է Թիֆլիսում։ 1911 թվականին ավարտել է Պետերբուրգի համալսարանի իրավաբանական ֆակուլտետը, այնուհետև իր ակտիվ մասնակցությունն ունեցել Հայ սոցիալ-դեմոկրատների միության ստեղծմանը, ինչպես և բոլշևիկյան «Կայծ», «Մեր խոսքը», «Բանվորի կռիվ» թերթերի հրապարակմանը: 1903 Դանուշն իր լուման է ներդրել նաև ՌՍԴԲԿ Կովկասի կազմակերպությունների 1-ին համագումարի աշխատանքներին։ Շահվերդյանը հեղափոխական գործունեության մեջ ներգրավվել է դեռևս 1902 թվականից` դառնալով ՌՍԴԲԿ անդամ, 1904-ից` կուսակցական։ 1921 և 1924-1928 թթ. եղել է ՀԽՍՀ և ԱԽՖՍՀ առևտրական ներկայացուցիչը Թուրքիայում։ 1922-1923 թթ.` ՀԽՍՀ արդարադատության ժողկոմ, Ժողկոմխորհրդի նախագահի տեղակալ։ Շահվեդյանը մեծ ավանդ ունի հայրենադարձության կազմակերպման գործում։ 1928-1929 թթ.` ՀԽՍՀ Կարմիր Խաչի ներկայացուցիչ Անգլիայում, Գերմանիայում և Բելգիայում, իսկ նա 1928 թվականից աշխատել է ԽՍՀՄ արտաքին առևտրի ժողկոմատում։ Շահվերդյանը եղել է մեծ ինտելեկտի և կուլտուրայի տեր անձնավորություն: Իր աշխատած բոլոր ոլորտներում եղել է պետության նվիրյալ և ամեն միջոց ձեռնարկել` պատերազմից և Եղեռնից քայքայված ու կեղեքված ազգի մասնիկները վերամիավորելու համար: Նրան մեծ հարգանքով ու ակնածանքով էին վերաբերվում ժամանակի հեղափոխական թևի ներկայացուցիչները` Ստեփան Շահումյանը, Ալեքսանդր Մյասնիկյանը, Աղասի Խանջյանը, Սերգո Օրջոնոկիձեն, ինչպես նաև մշակույթի մեծերը` Հովհաննես Թումանյանը, Արշակ Չոպանյանը և ուրիշներ: 1935-36թթ-ին Շահվերդյանը մտերիմ հարաբերությունների մեջ է եղել Հայ օգնության կոմիտեի ակնառու գործիչ, գրող, Ֆրանսիական պայքարի ապագա մարտիկ Միսակ Մանուշյանի հետ: Հենց այդ ժամանակահատվածում տասնյակ հազարավոր հայրենադարձների Շահվերդյանը ապահովել է, սննդով հագուստով, տեխնիկայով ու դեղորայքով:  Հարկ է նշել, որ վերջինիս ջանքերով բազմաթիվ հայկական ձեռագրեր և արխիվային նյութեր հնարավոր եղավ վերադարձնել հայրենիք: 1936 թվականի մայիսի 9-ին Շահվերդյանը Հայաստան է ուղարկում հայրենադարձների մեծ խմբաքանակ, այդ թվում նաև մեծն Կոմիտասի մասունքները (չնայած այն հորդորներին, որ Խանջյանը դրան կատեգորիկ դեմ): Չնայած Խանջյանի «ինքնասպանության» մասին լուրերին` Շավերդյանը կնոջ և 9-ամյա որդու հետ նույն թվականին վերադառնում է հայրենիք: Մինչև իր ձերբակալությունը Շահվերդյանն, աշխատում է «Հայպետհրատում», այնուհետև` 1937 թվականին, Բերիայի հրամանով ձերբակալվում է և 1941 թվականին Գավառի բանտում մահանում: Զերբակալության մեջ են մահանում նաև Շահվերդյանի կինն ու եղբայրը: Մինչև 1997 թվականը Երևանի փողոցներից մեկը կոչվում էր Շահվերդյանի անունով, որը, սակայն, վերանվանվեց Շարուրի: Այնուամենայնիվ հասակ ժողովրդի շրջանում շարունակվում է փողոցի նախկին` «Շահվերդյան», շրջանառությունը, ինչը ևս մեկ անգամ փաստում է, որ պետական գործիչ Շահվերդյանը իրականում արժանի և ազգանվեր հայորդի է եղել: Նյութի աղբյուր`https://www.facebook.com/armen.hovasapyan.5/posts/1020427628039438 ...

    Կարդալ ավելին
  • Ու թող կատարվեն բոլորի նվիրական երազանքները: Ահա այս կարգախոսով են Ամանորը փորձում դիմավորել «Շենգավիթ» ԲԿ-ում: Մինչև Սուրբ Ծննդյան տոնակատարությունը «Շենգավիթ» ԲԿ-ում ծնված փոքրիկները առաջին անգամ մայրիկներին կայցելեն փոքրիկ «սանտայի» հագուստով: Ամանորին հրաշքներ լինում են, եթե այդ հրաշքը ինքներս ենք ստեղծում: Այս գեղեցիկ անակնկալը յուրահատուկ հուզմունքով ընդունեցին մայրիկները, իսկ փոքրիկ ձմեռ պապիկների վերածված մանկիկները իրենց ներկայությամբ իսկական տոնի էին վերածել ամբողջ նորածնային բաժանմունքը: Շնորհավոր Ամանոր և Սուրբ ծնունդ:     ...

    Կարդալ ավելին
Загрузка...

ՖԲՀ

Քաղաքականություն