Գովազդի համար զանգահարել 099 999 409
  • Երբ ասում ենք` հերոս, շատ մարդիկ հերոս բառի հետ կապում են այն մարդկանց, որոնց անունները ամեն տեղ հիշատակվում է` թե պատմության գրքերում, թե նրանց անունով փողոցներում, և թե նրանց անունով դպրոցներում կամ ինչ որ շենքում, սակայն կան հազարավոր հերոսներ, որոնք ննջում են Եռաբլուրում կամ մեկ ուրիշ գերեզմանատանը` կամ էլ համարվում են անհետ կորած (կամ մարմինը չեն գտել, կամ պայթել է, կամ, կամ, կամ), որոնց մասին շատ քչերն են լսել, և որոնց մասին հիշատակվում է միայն նրանց ազգականների, մոտիկների, հարազատների շրջանում։ Երանի գա մի օր, որ հերոս բառը կապենք ոչ թե մարդու "հայտնի" լինելու հետ, այլ նրա, որ մարդ առանց որևէ պարտադրանքի` իր սեփական կամքով գնացել և կռվել է, պայքարել է, հանուն ինձ ու հանուն ձեզ իր կյանքն է զոհել։ Բոլոր այդ մարդիկ իմ համար հերոս են, քանի որ հերոս չեն ծնվում, հերոս դառնում են։ Հուսով եմ, որ կգա մի օր, որ Մոնթեյի, Վազգենի, Նժդեհի, Բեկորի (Աշոտի), Թաթուլի, Չաուշի և մնացած այլ վառ հերոսների կողքին կլինեն այն հերոսները, որոնք անունները հնչել են միայն այն ժամանամ, երբ կարդացել են մահացածների անունները։ Եկեք համաձայնվենք, որ հերոսների մեջ ջոկողություն դնելը անշնորհքություն է։ Ի՞նչ կապ ունի թե հերոսը ինչպես է մահացել, եղել է հրամանատա՞ր, թե՞ ասենք շարքային, խոհարար։ Միևնույն է, նա իմ և ձեր համար է մահացել, որ մենք այսօր ապրենք և հիշենք բոլոր նրանց, ում շնորհիվ մենք կանք ու ապրում ենք։ Ու ամենամեծ անշնորհքությունը դա նա է, երբ մեր կողքով քայլում է (կամ սայլակով անցնում է) հերոս` իրական հերոս, ում մենք չենք ճանաչում, կառավարությունն էլ վաղուց մոռացել է (դե մի երկու կոպեկ թոշակը հիշել չի), իսկ նա ո՞վ գիտի թե մտքում ինչ է մտածում։ Ես անաչում եմ, երբ երթուղայնում երիտասարդները տեղ չեն զիջում մեծահասակներին, ամաչում եմ, երբ տարեց պապիները (որոնք հաստատ մասնակցել են պատերազմին) այսօր ցրտին նստած գումար են "մուրում" որպեսզի ապրեն։ Հիմա այդ մարդիկ պետք է իրենց արժանի հանգիստը ու ծերությունը վայելեյին, թեկուզ ծերանոցում, բայց իրենց արածին համարժեք ու վայել։ Մենք հերոսածին ազգ ենք` մեզ չի սազում։ Նյութի աղբյուր՝ https://web.facebook.com/OfficialSami/posts/1841021146142473   ...

    Կարդալ ավելին
  • Համարվում է, որ գողական համակարգի հիմքերը գցել է Ստալինը, մինչդեռ, Ստալինյան ձեռնարկներն ընդամենը պատասխան քայլ էին այն փաստի, որ պոլիտզեկերի (իրական քաղ և խղճի բանտարկյալների, որոնք նաև պատերազմ տեսած պրոֆեսիոնալ հեղափոխականներ էին) առատությունը ազատազրկման վայրերում վտանգավոր մակարդակի էր հասնում: Ահռելի քանակի կրթված, գաղափարական՝ Տրոցկու և Ձերժինսկու հետևորդներ և ժառանգներ էին հավաքվում սահմանափակ տարածքներում: Այդ մարդիկ ինքնակազմակերպվում էին, ստեղծում գաղտնի եղբայրություններ: Այդ փոքր եղբայրական «համույթները» իրենց առաքելությունը հռչակեցին համակարգի դեմ պայքարելը: Սա է պատճառը որ իրենց սկսեցին կոչել «լավ տղա»: Սովետական ռեժիմի արդարության վակումը յուրովի լրացնող այդ մարդիկ, ինչքան էլ դաժան էին, բայց իրոք լավն էին, լավի համար էին պայքարում: Սթափ գնահատելով համակարգի դաժանությունը, «համույթների» հիմնադիրները էլ ավելի խիստ ու դաժան կանոններ սահմանեցին իրենց համար: Հրաժարվել ընտանիք ունենալուց, սեփականությունից, կյանքի հասարակ բարիքները վայելելու իրավունքից որպեսզի կազմաքանդել ռեպրեսիվ համակարգը ու ազատություն պարգևել մարդկանց: Համակարգը իր հերթին, ընկալելով վտանգը, սկսեց սեփական «գողականների» ստեղծման և նրանց «համույթներ» ներմուծման գործընթացը: Այսօրվա թմրամոլ, նյութապաշտ, «բախտի ջենտլմենները» դրա արդյունք են: Համակարգի տապալմանը մեծապես նպաստած «համույթները» կորցրեցին իրենց առաքելությունը Սովետի փլուզումից հետո, վերածվելով հասարակ պետականածին հանցավոր խմբերի: Սովետի վերականգնումն ըստ ամենայնի կվերականգնի նաև «համույթների» գոյության իմաստը, իսկ դրանց ներսում նորից առաջատար դիրքեր կզբաղեցնեն նրանք ում համար Ռոլս Ռոյսը ոչ մի բան չի նշանակում: Սակայն չունենալով նոր Ձերժինսկիներին ու Տրոցկիներին և նրանց ստեղծած ամուր պետականությունը, նոր Սովետը դժվար 70 տարի ձգի: Հ,Գ. Մտածե՞լ եք, թե ինչու «գողականները» ազգություն ու կրոն չեն ճանաչում, բայց աստվածապաշտ են: Կամ ինչո՞ւ հենց ութանկյուն աստղ: Հետաքրքիր է նաև «մախերին չտալու», այսինքն՝ բռնություն չկիրառելու դոգման: Նյութի աղբյուր` https://www.facebook.com/adanielian/posts/10158044048470501 ...

    Կարդալ ավելին
  • Թուրքիայի խորհրդարանի քրդամետ ժողովրդա-դեմոկրատական կուսակցությունից հայազգի պատգամավոր Գարո Փայլանը կարողանում է հզոր ազդեցություն ունենալ խորհրդարանում : Նա քրդական հարցին զուգահեռ ուղղակիորնեն և անուղղակիորեն խորհրդարան է տանում նաև հայկական հարցը :Հունվարի վեցին խորհրդարանի ամբիոնից նրա հայերեն արտասանած (Քրիստոս ծնվավ և հայտնվեցավ, ձեզ և մեզ մեծ ավետիս) շնորհավորանքը Սուրբ Ծնունդի կապակցությամբ մեծ իրարանցում է ստեղծել հատկապես Էրդողանի ազգայնական թևի մոտ : Անշուշտ Գարո Փայլանը միայնակ ավելի հսկայածավալ հայանպաստ գործ է անում, քան հայ առաքելական եկեղցին Թուրքիայում : Ես՝ քաջատեղյակ լինելով Էրդողանի վարչակազմի վարած քաղաքականությանը, այժմ անհանգստություն ունեմ հայազգի պատգամավորի համար : Գարո Փայլանը հենց հայտնվում է խորհրդարանում ամբիոնի մոտ, իշխող ԱԶԿ-ի և ԱՇԿ-ի պատգամավորները սկսում են վիրավորական ռեպլիկներ բաց թողել նրա հասցեին, որին հայազգի պատգամավորը պատասխանում է ավելի թունդ վիրավորանքով : Հուսով եմ, որ Գարո Փայլանին չի սպասվի Հրանտ Դինքի կամ իր կուսակցապետերի ճակատագիրը... Նյութի աղբյուր` https://www.facebook.com/kilkiahayastan/posts/354118751634739 ...

    Կարդալ ավելին
  • «Հոգատար վարորդը» Օպերայից նստեցի 46 համարի երթուղայինի դիմացը: Վարորդը տեսավ ձեռքերս սառած չեմ զգում, միանգամից փոխեց, որ ձեռքերիս փչի տաքությունը: Հաջորդ կանգառում մի տղամարդ փոքրիկ աղջկա հետ ուզում էին նստել, ասեց, որ դիմացը նստեն` երեխան չմրսի:  Ամբողջ ճանապարհին գոնե մեկ անգամ ազդանշան չտվեց` չնայած մի քանի անգամ տաքսիները դիմացը կտրեցին... Հ.Գ. Ինձ թվում ա` պետք ա նման վարորդները խրախուսվեն և գոնե 1 ֆիլտր լինի էն ահավորներից ազատվելու համար)) Նյութի աղբյուր` https://www.facebook.com/Lyoves/posts/1011008925677445 ...

    Կարդալ ավելին
  • 2016թ. -ի ապրիլյան պատերզմին Հայ ազգը, անկախ բնակության վայրից համախմբվեց : Չտեսնված ու չլսված բան էր, որ համատարած կռիվ էին գնում բառիս բուն իմաստով ԿԱՄԱՎՈՐ : Այնպիսի միասնություն տիրեց , երբ պատերազմի գույժը տարածվեց, որպեսզին չէր տեսել Հայ ազգը բազում տարիներ : Անկախության սերունդը դոշ տված հայրենիք էր պաշտպանում : Ընդդիմադիր ,թե իշխանամետ բացառապես տարածում էին պաշտոնական հաղորդագրություններ, որոնք վերաբերվում էին ռազմաճակատին : Փորձ եղավ ապատեղեկատվություն տարածելու, բայց իսկույն ան չեզոքացվեց, քանի որ բոլորն էլ գիտակցում էին, որ այստեղ միայն ու միայն ՀԱՅՐԵՆԻՔԻ հարցն է... Սակայն ապրիլից հետո , մի քանի ամիս անց ,,Սասնա Ծռեր,, խմբի տղերքը իրենց և իրենց համակիրների բողոքի ձայնը լսելի դարձնելու համար, Հայաստանում արդարությունը վերականգնելու համար, անցան ծայրահեղ գործողության : Այս անգամ նույնպես ազգը համախմբվեց, բայց , ի տարբերություն ապրիլին, այս անգամ իշխանությունը դեմ կանգնեց ընդդիմությանը, հասարակության մեծ մասին : Սկսվեց իսկական պատերազմ, որը մեզ բացի հոգեբանական հարվածից հասցրեց նաև բարոյական վնաս : Շատ քաղաքական գործիչներ հեղինակազրկվեցին, քանի որ փորձ արեցին պղտոր ջրում ձուկ որսալ, ժողովուրդը կրկին հիասթափվեց, ,,Սասնա Ծռեր,, խումբը գնաց խելամիտ ու հեռուն մտածող քայլի՝ վայ դրեցին զենքերը, փրկելով Հայաստանը արյունահեղությունից :  Բայց , դրանից հետո մի մեծ անդունդ է ձևավորվել ազգիս մեջ, դարձել ենք մերոնքական ու ձերոնքական, Արցախցի ու Հայաստանցի բարդույթից պրծանք , հիմա էլ սա... Ի՞նչ է, մեզ նորից ապրիլ է պետք, որ հանուն ազգային շահի համախբվենք, մեզ ապրիլ է պետք, որ ժողովուրդին վերաբերվեն, որպես յուրայինների՞... Նյութի աղբյուր՝ https://web.facebook.com/kilkiahayastan/posts/354004271646187 ...

    Կարդալ ավելին
  • ՀՀ պաշտպանության նախարար Վիգեն Սարգսյանի ողջույնի խոսքով Սարդարապատի հուշահամալիրից մեկնարկեց հանրապետական զորակոչը։ Բարի ծառայություն մեր զինվորներին, փառք մեր ԲԱՆԱԿԻՆ։   Նյութի աղբյուր՝ https://web.facebook.com/arcrun/posts/1241427162559556 ...

    Կարդալ ավելին
  • Հունվարի 9-ից՝ նորից դեպի հարազատ կրթօջախներ Սիրելի աշակերտներ, ծնողներ, ուսուցիչներ, հուսով եմ Ամանորի և Սուրբ Ծննդյան տոների կապակցությամբ հասցրեցիք ոչ միայն մի լավ հանգստանալ, այլ նույնիսկ կարոտել հարազատ կրթօջախներին: Ուսումնական այս կիսամյակում բոլորիդ մաղթելով հաջողություններ՝ ուզում եմ հիշեցնել, որ 3-12-րդ դասարանների աշակերտների դասերը կսկսվեն հունվարի 9-ին, իսկ առաջին և երկրորդ դասարանցիների դասերը` հունվարի 23-ին: Ձմեռային արձակուրդը տրամադրվում է «Հանրակրթական հիմնական ընդհանուր, մասնագիտացված և հատուկ պետական ծրագրեր իրականացնող ուսումնական հաստատությունների 2016-2017 ուսումնական տարվա օրինակելի ուսումնական պլանների» համաձայն: Այս պահին ձմեռային արձակուրդը երկարաձգելու որևէ հիմք կամ պատճառ չկա: Նյութի աղբյուր` https://www.facebook.com/lusine.margaryan.754 ...

    Կարդալ ավելին
  • Սովորաբար դրանք այն անձիք են, ովքեր քաջատեղյակ չեն իրենց էթնոսի պատմությանը, չեն կրում կամ աղոտ ու մակերեսային պատկերացում ունեն իրենց տեսակի մշակույթից, գերագնահատում են օտարինը՝ յուրացնելով նրանց որոշ լեզվամշակութային տարրեր և թերագնահատում և արհամարհում սեփականը: Նրանք, դուրս դնելով իրենք իրենց՝ իրենց ծնած հանրությունից՝ յուրայինների մեջ զգում են օտար: Մարդաբանորեն տարբերվելով այն հանրություններից, որոնց կուզեին նմանվել՝ սկսում են չարանալ սեփական տեսակի հանդեպ: Նրանք շատ նման են այն (ոչ բոլոր) խառնածիններին կամ օտար ափերում ծնված այն անձանց (էթնիկ մարգինալներ), որոնք ապրելով այլ էթնոսի մեջ ու ամեն առումով կտրված լինելով իրենց տեսակից, կրում են այլ մշակույթ, բայց տարբերվում են այդ մշակույթի տերերից, որի արդյունքում ատում են իրենց ֆենոտիպը, անգամ ծնողներին՝ ուրիշներից տարբերվելու և նրանց հետ չնույնականանալու համար:  Մարդը ծնողներից, այսինքն՝ իր տեսակից, ժառանգում է գենոտիպն ու ֆենոտիպը՝ արտաքին նշանները (աչքի գույն, ֆիզիոլոգիական արտաքին տեսք ու նշաններ, առողջական ժառանգականություն, բնավորություն և խառնվածքի տիպ), բայց ոչ մտածողությունը: Բնությունը (աստված) հային տվել է լավ ուղեղ՝ մտածողության կատարյալ գործիք: Ու եթե այն ճիշտ չձևավորվի ու լցվի՝ կարող է բումերանգի էֆեկտ թողնել և ի չարս ծառայի: Մտածողությունը ձևավորվում է ընտանեկան ու հանրային դաստիարակության արդյունքում, հետևաբար, առողջ հասարակություն ունենալու համար առաջնահերթ է համակարգված կրթամշակութային համակարգի ձևավորումը: Նյութի աղբյուր` https://www.facebook.com/arthur.yeghiazaryan/posts/10212099876440230 ...

    Կարդալ ավելին
  • Ինչպես որ մեծ են մշակութային՝ լեզվական, կրոնական, կառավարման, կենցաղային, էթիկայի, տեխնիկական, ռազմարվեստային, աշխարհընկալման և այլ տարբերությունները էթնիկական խմբերի մեջ, այնպես էլ տարբեր էթնիկական խմբեր շրջապատող աշխարհի երևույթները զգալի չափով տարբեր կերպ են ընկալում ու մեկնաբանում: Հայերս երբեմն զարմանում ենք, թե ինչու թուրքերն ու ադրբեջանցիները հաճախակի դրժում են իրենց երդումն ու խոստումները, և նրանց հետ որևէ հաստատուն համաձայնության հասնելը գրեթե անհնարին է: Խնդիրը նրանում է, որ նրանք, իրենց ազգային հոգեբանության և կրոնի յուրահատկությունից ելնելով, տարբեր նշանակություն են տալիս երդումներին, խոստումներին, «ազնիվ խոսք»-երին և պայմանագրերին, քան մենք՝ հայերս: Նրանք գտնում են, որ «գյավուրներին» կարելի է խաբել և նման արարքը հաճո է Ալլահին: Իսկ հայերը գտնում են, որ Աստված սրբություն է սիրում, նրան հաճո է ազնվությունը, սեփական խոստմանն ու երդմանը հավատարիմ լինելը, ինչպես նաև բարոյական ու վսեմ մնացած արժեքներն ու սկզբունքները: Հայերի մեջ միայն հանցագործ խաբեբաներն են մտածում թուրքերի բնորոշ ձևով:  Հետևաբար, թուրքերի, ադրբեջանցիների հետ որևէ հարցի շուրջ բանակցելիս՝ մշտապես պետք է հաշվի առնել նրանց ազգային մշակույթի և բնավորության այդ կայուն առանձնահատկությունները:  Եթե նրանց հետ ձեռք բերված համաձայնությունը չի ամրապնդվում ուժի և վերահսկողության միջոցով, ապա այն շատ անհուսալի է: Մենք հաճած ենք խաբվում, քանի որ հաշվի չենք առնում վարքի ու մտածողության վրա էթնիկական մշակույթի թողած ազդեցությունը: Էթնիկական խմբերը, տևական ժամանակով և մոտիկից առնչվելով ու հաղորդակցվելով միմյանց հետ, կատարում են տարբեր մշակութային փոխառություններ, որոնց թվում՝ նաև «ինքնստինքյան հասկանալի» ենթադրություններ: Սակայն նման մշակութային մերձեցումը մեծամասամբ մակերեսային է և չի խաթարում էթնիկական հիմնական գծերը: Նյութի աղբյուր՝ https://www.facebook.com/arthur.yeghiazaryan/posts/10212099476910242 ...

    Կարդալ ավելին
  • Էթնոպաշտպան մեխանիզմները սկսել են գործել հենց էթնոգենեզի սկզբնավորման շրջանում՝ էթնոսի միասնությունը, մշակույթն ու ձևավորված ընդհանրական հոգեկերտվածքը պահպանելու նպատակով: Ամեն մի էթնոս իր զարգացման ընթացքում անցնում է տարբեր փուլերով, հայտնվում տարբեր իրավիճակներում, բախվում կամ առնչվում է բազմաթիվ այլ էթնիկական հանրույթների հետ: Դրա արդյունքում նրա հոգեբանական ինքնապաշտպանությունն էլ նույնը չի մնում, լինում են էթնիկական «ԵՍ»-ի ուժեղացման, նրա հարմարվողական մեխանիզմների ավելի կամ նվազ արդյունավետության փուլեր: Վրա են հասնում նաև հոգեբանական ինքնապաշտպանության և ինքնապահպանման միտումների թուլացման շրջաններ, որի հետևանքով կարող են կործանվել նույնիսկ ուժեղ ազգերն ու պետությունները՝ իրենց ողջ քաղաքակրթությամբ: Դիտարկենք այս փոփոխությունները՝ ողջ էթնոսի ընդհանրական մակարդակում:  Ենթադրվում է, որ յուրաքանչյուր ազգի մեջ դավաճանների թիվն ավելանում է այն ժամանակ, երբ էթնոպաշտպան մեխանիզմները թուլանում և կորցնում են իրենց արդյունավետությունը, երբ ազգի ինքնապաշտպանական ներուժն ու ընդունակությունը նվազում է: Նվազագույնը դա կատարվում է 2 մակարդակում. 1.) Անհատի մակարդակում: Այս մակարդակում էթնիկական ինքնապաշտպանության թուլացումը կարող է լինել եսասիրության, ագահության, վախկոտության, նախանձի, իշխանասիրության, և այլ հատկությունների ու դրանց դրդապատճառների ուժեղացման հետևանքով: Նման դեպքում անհատի «ես»-ի և իր էթնոսի «մենքի»-ի նույնացումը թուլանում է, որի արդյունքում անհատն իր եսասիրական շահերից ելնելով՝ հեշտությամբ լքում է իր խումբը: Նման դեպքերում անհատի ոչ-էթնիկական ինքնապաշտպանությունն կարող է անգամ ուժեղանալ: 2.) Ողջ էթնոսի մակարդակում: Այս մակարդակում, ինչպես նաև նրա ենթախմբերում՝ ենթաէթնոսներում, դավաճանական հակումներ ունեցողների թվի մեծացումը, ընդհանուր առմամբ, պայմանավորված է ստորև նշված գործոնների ազդեցությամբ. I) Այլ ժողովուրդների մշակույթի, մասնավորապես լեզվի ուսումնասիրության ազդեցության տակ, II) Օտար կրոնի, նրա քարոզիչների ազդեցությամբ, III) Այնպիսի սոցիալ-հոգեբանական գործոնների ազդեցության տակ, ինչպիսիք են խուճապը, սարսափը, հասարակական կարծիքն ու զանգվածային այլ հուզական վիճակներ, IV) Տվյալ էթնոսի ընդհանրական «ԵՍ»-կոնցեպցիայի անորոշության կամ թուլանալու հետևանքով: V) Որևէ էթնիկական հանրույթում դավաճանական հակումն ուժեղանում է նաև ներէթնիկական կոնֆլիկտների, նրա կազմում գտնվող խմբերի (ենթաէթնոսներ, քաղաքական կամ հասարակական կազմակերպություններ, կրոններ կամ կրոնական ուղղություններ, տնտեսական կամ քաղաքական ընտրանու ենթախմբեր և այլն) մրցակցության հետևանքով: Նման մրցակցության արդյունքում հայտնվում են պարտվածներ, ովքեր ֆրուստրացված են և տվյալ էթնոսում իրենց առջև այլևս հեռանկարներ չեն տեսնում (Ֆրուստրացիա (լատ.՝ frustra ապարդյուն, անհաջող; frustratio՝ անհաջողություն, խաբկանք, ծրագրերի խանգարում), իրական կյանքում կամ երևակայության մեջ նպատակադրումների չիրականացման կամ կարիքների չբավարարման պատճառով առաջացած հոգեկան վիճակ։ Ֆրուստրացիոն վիճակն արտահայտվում է ապրումների և վարքի բնութագրական առանձնահատկություններով և պայմանավորված է օբյեկտիվորեն անհաղթահարելի կամ սուբյեկտիվորեն այդպես ընկալվող դժվարություններով, որոնք առաջանում են խնդրի լուծման կամ նպատակի ճանապարհին։ Ֆրուստրացիան իր դրսևորումն է ստանում այնպիսի զգացմունքներում ինչպիսիք են հիասթափությունը, անհանգստությունը, զայրույթը, հուսահատությունը և այլն։ Հիասթափությունից տարբերությունը նրանում է, որ ֆրուստրացիայի ժամանակ անձը շարունակում է պայքարն իր նպատակադրման իրականացման համար)։ Օրինակ՝ Վահան Մարտիրոսյան, Վահե Ավետյան: Բոլոր այս պնդումներն՝ առանց դժվարության, կարելի է հիմնավորել անցյալի ու մեր օրերի պատմության բազմաթիվ փաստերով:  Հ.Գ. Այս գործոններին էլ ավելի մեծ ուշադրություն է պետք դարձնել՝ համախմբված էթնոս ու կայուն պետություն պահելու համար: Նյութի աղբյուր` https://www.facebook.com/arthur.yeghiazaryan/posts/10212098851654611 ...

    Կարդալ ավելին

ՖԲՀ

  • /uploads/photos/mcERGvAwmwUVACAU1NZr.jpeg

    Երկու օր առաջ ոստիկանապետը նախագահին ներկայացրել է Ճանապարհային ոստիկանությունում կատարված փոփոխությունները։ Իմ կողմից մի ցանկ առաջարկեմ, որոնց մի մասը, ոնց հասկացա, արվում է արդեն. ԱՆՀՐԱԺԵՇՏ ՓՈՓՈԽՈՒԹՅՈՒՆՆԵՐ 1. Ոստիկանությանը իրավասություն տալ կոպիտ խախտումների համար խոշոր տուգանք սահմանելու, կրկնվելու դեպքում՝ վարորդական վկայականից զրկելու, առանց վկայականի վարելու դեպքում խախտողներին որոշ ժամանակով բանտարկելու իրավունք։ Օրինակ՝ ԱՄՆ-ում միլիարդատեր հաբրգած, խմած/ուռած վարորդներին, անկախ նրանից՝ ովքեր են (Փերիս Հիլթոնը, Բեն Աֆլեքը), բանտարկում են, որ խելքները գլուխը հավաքեն։ Մեզ մոտ տուգանք են սահմանում, որը մուծելուց հետո նույն դեմքերը նորից ու նորից խուժանավարի քշում են, քանի որ գումարը խնդիր չէ։ Տուգանեք, էլի կմուծենք։ 2. Ճանապարհային ոստիկաններին իրավասություն տալ հաբրգած լափառոշներին տեղում բերման ենթարկելու բաժին։ Հիմա անպատժելի հաբրգած դեմքերից ոստիկանները փորձում են խուսափել, չեն տուգանում, իսկ լուրջ խուլիգանության դեպքում կապվում են պարեկային խմբերի հետ՝ իրենց էդ պատմությունից դուրս հանելու համար։ 3. Ոստիկաններին զինել պլանշետներով, որ կարողանան արագ ճշտեն՝ ինչ մեքենա է իրենց դիմաց, ով է վարորդը, ինչ խախտումներ ունի արած, ունի վկայական, թե չունի, վճարել է գույքահարկը, թե ոչ, այլ ոչ հարցնեն փաստաթուղթը, որը եթե չունես, բերման ենթարկեն։ Ֆաշիստական Գերմանիան չէ, որ թղթով ապացուցես, որ հրեա չես, թուղթ չունես, գնա բաժին։ ID քարտը պետք է լինի միակ փաստաթուղթը, որի առկայության դեպքում հնարավոր լինի իմանալու ամեն ինչ։ 4. Ոստիկաններին զինել ալկոհոլ ստուգող սարքերով, որոնց գինը ծիծաղելի է պարզապես, որ մինչ օրս չունեն, որ ստուգելուց չասեն՝ «Մի հատ ՀՈ արա»։ Ի՞նչ «ՀՈ»։ Ձե՞ռ եք առնում։ Այսօրվա գործող կարգը այսպիսին է. «Խմած ես», «Խմած չեմ», «Դե գնացինք հիվանդանոց, արյան անալիզ հանձնես, երկու ժամ սպասես, հետո եթե պարզվի խմած չես, քշի գնա»։ Ո՞ր թիվն ա։   ՑԱՆԿԱԼԻ ՓՈՓՈԽՈՒԹՅՈՒՆՆԵՐ 5. Ստիպելու վերջապես սևացրած պատուհաններով չքշելու, քանի որ սևացրած պատուհանի հետևում, որպես կանոն, թաքնվում են, թե չեմ երևում, ոնց կուզեմ, կքշեմ, մեկա չեն տեսնում՝ ով եմ, թող մտածեն՝ եսիմ ով եմ, վախենան, ես էլ ոնց կուզեմ, կքշեմ։ Պարզերես քշեք, պարզերես եղեք։ Համոզված եմ՝ վնաս էս որոշումից չկա, իսկ օգուտը բացահայտ է։ 6. Տուգանելու դեղինի տակ անցնող վարորդներին։ Մանրուք է, բայց համոզված եմ, որ խցանումների շատ մեծ մասը դրանից է լինում։ Թեքվել պատրաստվող մեքենաները կանգնած սպասում են, սպասում են, որ մեքենաների հոսքը ավարտվի, թեքվեն ձախ, դեղին լույսը միանում է։ Ու սկսվում է։ Մի կողմից դեղինի տակ սկսում են մտնել մինչ այդ կարմիրի տակ կանգնած մեքենաները, մյուս կողմից դեղինի տակ մտնում է մինչ այդ կանաչ լույսի տակ եկող մեքենան։ Արդյունքում սպասում ես, մինչ սա գա, գնա, որ 3-4 մեքենա իրար հետևից կանգնած սկսեն թեքվել, բայց նորերը գալիս հասնում են, ու մեքենաները ստիպված մնում են խաչմերուկի մեջտեղում։ Դեղինը պետք է լինի, որ կանաչի տակ մտածները գան անցնեն, այլ ոչ, որ նորերը մտնեն ու կարմիրի տակ նոր դատարկեն խաչմերուկը։ 7. Սովորեցնել մարզերում աշխատող ոստիկաններին վարորդների հետ նորմալ շփվելու։ Միգուցե միայն ինձ հետ է նման իրավիճակ, միգուցե սխալվում եմ, բայց Երևանում ոչ մի անգամ նման խնդիրների առաջ չեմ եկել, բայց մարզերում երկու անգամ կանգնեցրել են, մի անգամ հետևի լույսն էր փչացել, խորհուրդ են տվել սարքել, մյուս անգամ ուղղակի ստուգում էին, բայց երկու անգամ էլ էն տպավորությունն էր, որ հազար տարվա ընկերներ ենք։ Չեմ ուզում, ընկեր ջան։ Ես «դու»-ով չեմ խոսում, ինձ հետ էլ պետք չի տնավարի խոսել։ Ես վարորդ եմ, դուք՝ ոստիկան։ Այլ առաջարկնե՞ր․․․ Նյութի աղբյուր՝ https://www.facebook.com/517design/posts/10155070207089273

    Կարդալ ավելին

Քաղաքականություն