• Սեպտեմբերի 5-ին Թեհրանում կայացած ԱԱ 2018-ի ուղեգրի համար ուժերն էին չափում Իրանը և Սիրիան։ Իրենց միջև առաջին հանդիպումը ավարտվել է 0։0 հաշվով, իսկ այդ օրվա հանդիպումը ավարտվեց 2։2 հաշվով և Սիրիան ստացավ Աշխարհի առաջնության անցումային հանդիպում խաղալու հնարավորություն։ Ես չէի գրի այս մասին, եթե այդ ուղեգիրը նվաճած չլիներ Սիրիան, դուք հասկանում եք, թե ինչ ծանր ճգնաժամից հետո է Սիրիան կարողանում իր մեջ ուժ գտնել և անել դա։ Սա ոչ թե սիրիական ֆուտբոլի հաղթանակն է, այլ՝ ամեն սիրիացու՝ ցավի, պատերազմի, մահվան և անօգնականության նկատմամբ, որի միջով արդեն քանի տարի է անցնում է այդ ժողովուրդը։ Սիրիացիներին պլանավորած սպանում էին, իրենց երկիրը վերածել էին մարտի դաշտի, իրենց աղջիկներին և քույրերին վաճառում էին, իսկ իրենց որպես ստրուկ օգտագործում։ Շատերին կարող է թվալ, որ սա պարզապես ֆուտբոլային հաղթանակ է, բայց դա ամենևին այդպես չէ, որովհետև այդ ֆուտբոլիստները ամիսներ առաջ ավտոմատը ձեռքներին կռվում էին ԻԳԻԼ-ի և այլ տեռորիստների դեմ, ովքեր եկել էին իրենց տուն, որպեսզի սպանեին ու թալանեին իրենց, բայց նրանք պահեցին իրենց հայրենիքը, իսկ այսօր արդեն ցույց են տալիս հզորանալու առաջին ծիլերը։ Հ․Գ․ Սիրիացի մեկնաբանի հուզմունքից կարելի է հասկանալ, թե սա ինչ գոլ էր և արդյոք սա սովորական ֆուտբոլային գոլ էր, թե ոչ: Նյութի աղբյուր՝ https://www.facebook.com/Tiko.Khachikyan/posts/1977998205818578 ...

    Կարդալ ավելին
  • Բուժաշխատողները հանդիսանում են մեր երկրի առողջապահական համակարգի հիմնասյուները: իրականացնելով ծանր և պատասխանատու աշխատանք, ունենալով օրենսդրությամբ ամրագրված բազմաթիվ պարտականություններ, բուժաշխատողները բախվում են նաև այնպիսի խնդիրների հետ, որոնք որևէ առնչություն չունեն իրենց մասնագիտական առօրեայի հետ: Մասնավորապես, բուժաշխատողները իրենց մասնագիտական գործունեության իրականացման ընթացքում պարբերաբար ենթարկվում են բռնության, վիրավորանքի և այլն: Խնդրի համապարփակ լուծումը չի տալիս նաև Հայաստանի Հանրապետության քրեական օրենսգիրքը: Քրեաիրավական պատասխանատվության համար անհրաժեշտ է պատճառահետևանքային կապի առկայությունը արարքի և դրա առաջացրած հետևանքի միջև: Բուժաշխատողների նկատմամբ իրականացվող գործողությունները շատ հաճախ դուրս են քրեաիրավական տիրույթից, սակայն նրանց նկատմամբ իրականացվող գործողությունները խոչըդոտում են իրենց մասնագիտական պարտականությունների կատարմանը: Այդ գործողությունները նախաձեռնող անձանց պատասխանատվության համար, ըստ էության, մեր օրենսդրությունը նորմեր չի սահմանում: Կարծում ենք, մեր օրենսդրությամբ վերոգրյալ դրույթների ամրագրումը անհրաժեշտ խթան կհանդիսանա մեր հասարակությունում ձևավորված արատավոր երևույթի նվազեցման, կանխարգելման և իսպառ վերացման ուղղությամբ: Նյութի աղբյուր՝ https://www.facebook.com/avagyankaren/posts/1605453072861669 ...

    Կարդալ ավելին
  • Սկսած Երևան քաղաքից, վերջացրած Հայաստանի ամենափոքր համայնքը, բոլոր տեղերում մանկապարտեզների խնդիր կա։ Մանկապարտեզների քանակը չի համապատասխանում պահանջարկին, ինչը բոլոր տեղերում հարուցում է քաղաքացիների արդարացի դժգոհությունը։ Այստեղ հարցը նրանում է, որ ունենք ժողովրդագրական խնդիր ու այն լուծելու համար պետք է ոչ միայն ամուսնությունների աճ, այլ մեր երկիրը երիտասարդ ընտանիքների համար հարմար դարձնելու հարց լուծել։ Բնակարանների մասով լուրջ քայլ իսկապես արվել է և պետությունը հիպոտեքային վարկով ձեռք բերվող բնակարանի տոկոսի մի մասը վերցնում է իր վրա, իսկ մյուս մասն էլ՝ կառուցապատողից գնելու դեպքում, ամբողջությամբ փոխհատուցում է, սական Հայաստանը դեռևս աշխատող մայրերի երեխա լույս աշխարհ բերելու համար անհարմար երկիր է։  Ինձ մոտ հաճախ տպավորությւոն է, կարծես մասնավոր հատվածն ամենաշատը վախենում է ֆիզարձակուրդ կոչվող երևույթից և չի ցանկանում, որպեսզի իր կադրերը 2-3 տարով արձակուրդ գնան։ Իհարկե նրանց հասկանալ կարելի է, ու հարցը պետք է լուծվի մանկապարտեզների ցանցի ավելացումը ռազմավարական դարձնելով և 1․5-2 տարեկան երեխաների խնամքը ապահովող խմբեր ստեղծելով։  Վստահ եմ, եթե երիտասարդ ծնողներն իմանան, որ իրենց երեխաներին կարող են անարգել հանձնել պետության խնամքին, ապա ավելի ռիսկով կգնան 2-րդ, 3-րդ նույնիսկ 4-րդ երեխան ունենալու։ Կան պետական հիմնարկներ, որոնք ինքնուրույն կարող են լուծել իրենց աշխատողների երեխաների մանկապարտեզների խնդիրը՝ տրամադրելով տարածք և երկու-երեք հաստիքներ պահելով լուծել այդ հարցը։ Նյութի աղբյուր՝ https://www.facebook.com/zohrap.yeganyan/posts/1542768119114498 ...

    Կարդալ ավելին
  • Պետությունը կառուցելիս, գոնե պետք է մի քիչ սիրել այն :) Սա Հանրապետության հրապարակում գտնվող Ֆինանսների նախարարությունն է, իսկ այս երկու մեքենաները `ֆինանսների նախարարի և փոխնախարարի ծառայողական ավտոմեքենաներն են, որոնք ամեն օր, օրեքի կոպտագույն խախտմամբ կայանված են հետիոտնի անցումին կպած: Այսպիսով նրանք փակում են տեսանելիությունը, և այս աշխուժ տուրիստական և հանրային հատվածում սա մի օր բերելու է ողբերգության: Չգիտեմ գիտակցաբար թե ոչ, բայց այսպիսով նախարարը և փոխնախարարը, խախտելով օրենքը, ամեն օր վտանգի են ենթարկում հարյուրավոր քաղաքացիների կյանքը:  Պարոն վարչապետ, խնդրում եմ հորդորեք ձեր կառավարության անդամներին հարգել օրենքը և որն ավելի կարևոր է մարդկանց կյանքը: Կանխավ շնորհակալ եմ: Նյութի աղբյուր՝ https://www.facebook.com/hayk.marutyan/posts/1459310207515389 ...

    Կարդալ ավելին
  • Երևան-Սևան մայրուղին տեղից անվտանգ չէր, բայց արդեն քանի օր է ասֆալտապատման աշխատանքներ են սկսվել ու այդ հատվածները վերածվել են 'ռուսական ռուլետկայի' նման մի բանի, հատկապես գիշերով: Ոչ անվտանգության կանոններ կան, ոչ նորմալ լուսային ազդանշաններ, միլիցեքն էլ իրենց գռդոնով են զբաղված, անվտանգությունը նրանց չի հետաքրքրում: Անլույս ու կիսաջարդ ավտոներ, ֆուռեր, հարբած տավարներ(դալնիով քշող), ովքեր էտ նեղ ճամփին, դուրս են գալիս հանդիպակած գոտի, և էս ամենը, միջպետական մայրուղու վրա:  Դե ընդհանրապես, 'հայկական' երթևեկությունն ուրիշ է, տպավորություն է, որ ազգը 10 տարի առաջ ա սելից իջել ու նստել ինքնաշարժ: Էս համատարած փնթիությունը դարձել ա ազգային մենթալիտետ, բոլորը բոլորի վրա թքած ունեն, ոչ մարդն արժեք ունի, ոչ էլ էտ արժեքի մասին հեչ մտածում ա: Ցավն են է, երբ սենց բաներ էս նկատում, շատերը նույնիսկ զարմանում են, իբր ինչի՞ հետևից ես ընկել, տո քեզ պետք ա՞, նորմալ ա էլի... Իրոք, որ նորմալ ա Նյութի աղբյուր՝ https://www.facebook.com/Ara.ArAya.3/posts/10208042413813160 ...

    Կարդալ ավելին
  • Ֆեյսբուքցիների ինքնավստահությունը սպանում է։ Մարդիկ տեսախցիկով կարողանում են մի նայելով Hummer-ի արագություն որոշել ու եզրակացություն տալ, որ շատ արագ է։  2015-ին Արամի փողոցի վրա 50 կմ/ժ արագությամբ շարժվելիս դիմացս վազ 2107 մեքենա թռավ, բախվեցինք, 07-ն այնպես էր ցխվել, որ վերանորոգելն անհնարին էր, և դա տարան, որպես ջարդոն հանձնեցին մեքենաների պահեստամասեր վաճառող անհատներին։ Շամշյանն էլ, դե, առիթը բաց չէր թողել, այնպիսի վերնագիր էր գրել, որ կարդացողը լրիվ այլ բան էր պատկերացնում․ «ՍՊԸ տնօրենը Mercedes 600-ով բախվել է 2107֊ին, մատուցողուհուն տեղափոխեցին հիվանդանոց»։  Արդյունքում 07-ն էր մեղավոր, մատուցողուհու հետ էլ, առհասարակ, ոչ մի կապ չունեի։ Ով միայն վերնագիրն էր կարդացել, մեկնաբանություններում կարգին ինձ նախշել էր հայհոյանքներով։ Նյութի աղբյուր՝ https://www.facebook.com/harutyun.mnatsakanyan1/posts/1503707536380261 ...

    Կարդալ ավելին
  • Երեկ Ադրբեջանի պետական նավթային «SOCAR» ընկերության մի խումբ աշխատակիցներն, ի նշան բողոքի, փակել են Բաքու-Սումգայիթ ավտոմայրուղին: Պատճառն այն է, որ մասսայական կրճատումների հետևանքով հարյուրավոր մարդիկ հայտնվել են սոցիալապես էլ ավելի ծանր վիճակում: Նյութի աղբյուր՝ https://www.facebook.com/archakh.armenia/videos/vb.100002288693205/1441606949258914/?type=2&theater ...

    Կարդալ ավելին
  • Այն ժամանակ, երբ Երևանի իշխանությունները տեղում վայելում են Սանկտ-Պետերբուրգի/Լենինգրադի քույրությունը, Երևանը շարունակում է թաղվել աղբի մեջ: Այս քանակի առնետներ մեկ տեղում կյանքումս չէի տեսնել: Տասնյակներով վխտում են Քանաքեռ-Զեյթուն վարչական շրջանի Ռուբինյանց 24 հասցեում:   Նյութի աղբյուր՝ https://www.facebook.com/arayik.harutyunyan/posts/10155697126068501 ...

    Կարդալ ավելին
  • Երեկ Երևանում տեղի ունեցած ողբերգական վթարի բոլոր մանրամասներն արդեն գրեթե հայտնի են։ Պարզվեց, որ մեղավորը կամ ոչ հիմնական մեղավորը ոչ թե «Համմերի» վարորդն է, այլ սպիտակ մեքենայի վարորդը, ով փորձում էր հոծ գծի խախտումով անցնել հանդիպակաց գոտի։ Պարզվեց նաև, որ սպիտակ մեքենայի վարորդն ԱԻՆ-ում փրկարար է աշխատում։ Իսկ Գագիկ Շամշյանի հրապարակած լուսանկարներում կարել է արդեն տեսնել, թե ինչպես է նա դեպքի վայրից փախուստի դիմելուց հետո եկել փրկարարների մարտական հաշվարկի հետ՝ 11-ամյա աղջկա դիակը մեքենայից հանելու աշխատանքներն իրականացնելու։ Լուսանկարը՝ ստորև։ Սա՝ նկարը, որտեղ երևում է ավտովթարի պատճառ դարձած մեքենայի վարորդը։   Սա էլ՝ նրա նկարը Նյութի աղբյուր՝ https://www.facebook.com/AyQezBan/posts/1976076242638302 ...

    Կարդալ ավելին
  • Աշխարհում մի պետություն կա, որը ամեն օր պատերազմի մեջ է, ամեն օր օդային և ցամաքային հարվածներ է ստանում, նրա տարածքում բախումների հետևանքով զոհվել են 100.000 ավոր մարդիկ։ Այդ պետության անունն է Սիրիա։ Մահվան ու ահաբեկչության ամենօրյա վտանգն աչքի առաջ ունենալով, այդ պետության ֆուտբոլիստները պայքարում են Մունդիալ 2018-ին իրենց տեղն ունենալու համար։ Նրանց երկու քայլ է մնում մինչ Ռուսաստան։ Հանդիպում Ավստրալիայի հետ և եթե հաղթեն ևս մեկ հանդիպում կա՛մ ԱՄՆ-ի կա՛մ Հոնդուրասի հետ։ Մեր ազգային հավաքականը ՌԴ-ում տեղի ունենալիք Մունդիալ 2018-ին այլևս չի կարող մասնակցել, պատճառները շատ են, պատճառաբանությունն էլ ավելի։ Մենք ունենք Հենո, ով դաշտում քարկտիկ է խաղում ու «սուրբ կովի» կարգավիճակով ապրիորի դաշտում է։ Մենք ունենք Ֆեդերացիա, որը բայ-դիֆոլտ ոչինչ չի անում ֆուտբոլի զարգացման համարր։ Մենք ունենք մարզադաշտ, որտեղ այցելելու համար մի ընտանիքի նպաստ պետք է ծախսվի։ Մենք ունենք նույնիսկ ներքին առաջնություն, որն ավելի թույլ է, քան Լուսնի կամ Մարսի վրա ընթացող ներքին առաջնությունները։ Հ.Գ. Որքան ուզում եք կարող եք հայհոյել Ադրբեջանական Ղարաբաղին, որքան ուզում եք այնտեղ խաղացող սևամորթ ֆուտբոլիստների նկարներ տարածեք ու ասեք, որ նրանք ադրբեջանցի չեն, Մեսսին ու Ռոնալդուն էլ Իսպանացի չեն, բայց Իսպանական ու Ադրբեջանական թիմերը ՉԼ խմբային փուլում են։ Հ.գ.գ. Բարոյական հաղթանակի ստմուլ էլ չի մնացել։ Նյութի աղբյուր՝ https://www.facebook.com/kh.edgar/posts/1227747970663882 ...

    Կարդալ ավելին
Загрузка...

ՖԲՀ

Քաղաքականություն