Գովազդի համար զանգահարել 099 999 409
  • Աչքներս լույս ժողովուրդ ջան, պատմության մեջ առաջին անգամ մեր մեջից դուրս եկած տղեն նվաճեց ֆուտբոլի Եվրոպայի լիգայի գավաթը։ Մեր տղեն, այսինքն, մեր հերոսը, մեր պարծանքը ոչ միայն դարձավ եզրափակիչ խաղում գեղեցիկ գոլի հեղինակ, այլ ճանաչվեց նաև իր թիմի Եվրոպայի լիգայի լավագույն ռմբարկու։ Նման հաջողության մասին երազել անգամ չէինք կարող մի քանի տարի առաջ, այսօր սա փաստ է։ Կեցցե Մխիթարյանը, կեցցե հայ ժողովուրդը։ Այսօր տոն է։ Նյութի աղբյուր՝ https://www.facebook.com/zohrap.yeganyan/posts/1436739573050687 ...

    Կարդալ ավելին
  • Այսօր պատմական օր է: Առաջին անգամ ՀՀ քաղաքացի ու ազգությամբ հայ ֆուտբոլիսը կխաղա Եվրոպայի լիգայի եզրափակիչ խաղում։ Կարծում եմ՝ մենք պետք է տոնի նման նշեինք այս իրադարձությունը, օրինակ՝ խոշոր քաղաքներում էկրաններ դրվեին, որպեսզի մարդիկ կարողանաին դիտել խաղը միասին։ Ամեն դեպքում, կարևորը՝ Մանչեսթրը հաղթի, իսկ ամենակարևորը՝ Հենոն գոլ խփի։ Աստված մեր տղու հետ։ Նյութի աղբյուր՝ https://www.facebook.com/zohrap.yeganyan/posts/1436480129743298 ...

    Կարդալ ավելին
  • Մեր հարևանների երևակայությունը սահման չունի...էլ չեմ խոսում խուճապի մասին ))) Փաստորեն «հայկական լրտեսները» մայիսի 9-ին քնացնում էին Զաքիրի առաջնագիծը, որից հետո հայկական ստորաբաժանումները մտնում էին Թերթեր, Բարդա և Եվլախ ։)   Բայց սա վերջնա՝ ասումա մերոնք գնում կայֆեր էին անում Թերթերի սրճարաններում ։) Եվ ամենակարևորը‚ որ ադրբեջանցիք «հայկական լրտես» սարքեցին նաև սոցցանցերի աստղ դառած ադրբեջանի զինված ուժերի տխրահռչակ փոխգնդապետին ։) Նյութի աղբյուր՝ https://www.facebook.com/photo.php?fbid=1340207289398881&set=a.515452588541026.1073741825.100002288693205&type=3&theater ...

    Կարդալ ավելին
  • Պարզվում ա՝ Երևանի կենտրոնում ներկայումս կա 40 հազար չբնակեցված բնակարան, պատկերացնո՞ւմ եք, 40 հազար: Եվ սա այն դեպքում, որ Կենտրոնը ամեն օր ճռռում ա մեքենաների անվերջանալի հոսքից ու ամբողջությամբ վերածվել ա մի մեծ կայանատեղիի: Կենտրոնում ավելի շատ մեքենա կա, քան մարդ: Բոլոր փողոցների մի գիծը ամբողջությամբ կայանատեղի ա: Հիմա պատկերացրեք, եթե այդ 40 հազար բնակարաններից թեկուզ մի 10 հազարը բնակեցվեն, դա նշանակում ա առնվազն ևս 10 հազար մեքենայի ավելացում Կենտրոնում, և սա լավագույն դեպքում, 1 բնակարանին 1 մեքենա հաշվարկի դեպքում: 40 հազարի բնակեցման դեպքում հասկանալի է, թե ինչ կլինի: Ահա այն տխրագույն հետևանքները, որոնց այսօր արդեն ականատես ենք լինում Կենտրոնի գերծանրաբեռնվածության, ամեն ինչ Կենտրոնում խցկելու ու ճխտելու անբացատրելի մոլուցքի պատճառով: Ու դեռ այսքանից հետո բազմաթիվ մարդիկ կան, որոնք երազում են Կենտրոնում բնակարան ունենալու, ապրելու մասին: Նյութի աղբյուր՝ https://www.facebook.com/vlad.hovhannisyan.31/posts/10155424965294090 ...

    Կարդալ ավելին
  • Եթե մեր խիղճը չի մեղադրում մեզ, սիրելինե՛ր, կարող ենք համարձակ դիմել Աստծուն, և ինչ էլ որ խնդրենք, նրանից կստանանք, որովհետև գործադրում ենք նրա պատվիրանները և կատարում, ինչ որ հաճելի է նրան։ Եվ նրա պատվիրանն ա՛յս է. որ հավատանք իր Որդուն՝ Հիսուս Քրիստոսին, և սիրենք միմյանց, ինչպես որ Հիսուսը պատվիրվեց մեզ։ Արդ, ով գործադրում է Աստծու պատվիրանները, միացած է մնում Աստծուն, և Աստված էլ՝ նրան։ Իսկ Աստծու՝ մեզ միացած մնալու ապացույցը Սուրբ Հոգին է, որը Աստված տվեց մեզ։ Սիրելինե՛ր, մի՛ հավատացեք ամեն մարդու, ով ասում է, թե ինքն ունի Աստծու Հոգին։ Փորձեցե՛ք նրանց՝ իմանալու համար, թե իսկապես Աստծո՞ւ Հոգով են խոսում, որովհետև բազում սուտ մարգարեներ են երևան եկել աշխարհում։ Աստծու Հոգով խոսողներին կարող եք ճանաչել հետևյալ ձևով. ով որ խոստովանում է, թե Հիսուս Քրիստոսն աշխարհ գալով իսկապես մարդացավ, նա Աստծու Հոգով է խոսում։ Իսկ ով որ չի խոստովանում, թե Հիսուս Քրիստոսն աշխարհ գալով մարդացավ, նա Աստծու Հոգով չի խոսում, այլ Նեռի՝ Քրիստոսի հակառակորդի դրդումով. նրա մասին դուք լսել էիք, թե գալու է, և ահա արդեն իսկ աշխարհում է։ Որդյակնե՛ր, դուք Աստծուց եք ծնվել և հաղթեցիք այն սուտ մարգարեներին, որովհետև ձեր մեջ եղող Աստծու Հոգին ավելի մեծ է, քան Քրիստոսի հակառակորդի հոգին, որ գտնվում է աշխարհին պատկանողների մեջ։ Նրանք աշխարհին են պատկանում և խոսում են աշխարհի ուզած ձևով. դրա համար էլ աշխարհը լսում է նրանց։ Մինչդեռ մենք Աստծուն ենք պատկանում. ով որ Աստծուն ճանաչում է, լսում է մեզ, իսկ ով որ չի պատկանում Աստծուն, չի լսում մեզ։ Ահա այսպե՛ս է, որ զանազանում ենք ճշմարտության հոգին և խաբեության հոգին։ (Հովհաննես առաքյալի առաջին նամակը 3:21-4:6) Նյութի աղբյուր՝ https://www.facebook.com/ruben.zargaryan/posts/1721434041217034 ...

    Կարդալ ավելին
  • Սիրիայում ամեն օր են երեխաներ սպանվում, ու դա անում են նույն ահաբեկիչները, ովքեր կասկածվում են Մանչեսթերի ահաբեկչությունն իրականացնելու մեջ։ Բայց «քաղաքակիրթ» աշխարհը ողբում ու ցավակցություններ է հղում Մեծ Բրիտանիայի վարչապետին, իսկ Սիրիայի նախագահին ոչ ոք ոչ մի բանում չի ցավակցում։ Այսպես վարվել են նաև մեզ հետ 1915թ.-ին։ Դե ուրեմն՝ արդարություն փնտրել թե՛ Արևմուտքում, թե՛ Հարավում, թե՛ Արևելքում ու Հյուսիսում անիմաստ է, այն գոյություն չունի։ Նյութի աղբյուր՝ https://www.facebook.com/zohrap.yeganyan/posts/1436238123100832 ...

    Կարդալ ավելին
  • Ադրբեջանում լրագրողների նկատմամբ լայնածավալ ճնշումները շարունակվում են... Մայիսի 22-ին, Ադրբեջանի Ղազախի շրջանի ոստիկանության կողմից ձերբակալվել է ընդդիմադիր լրագրող Նիջատ Ամիրսալանովը՝ ով մայիսի 23-ին «ոստիկանության աշխատակիցներին չենթարկվելու համար» դատարանի կողմից դատապարտվել է 30 օր վարչական կալանքի։ Վերջինս ֆեյսբուքյան իր էջում ակտիվորեն քննադատում էր Ալիևյան կլանը ։ Մայիսի 23-ին, Ադրբեջանի գլխավոր դատախազության կողմից ճնշում է գործադրվել «Bastainfo.com» կայքի գլխավոր խմբագիր Մուստաֆա Գաջիլիի նկատմամբ։  Վերջինս մեղադրվել է «Պետական գաղտնիքի մասին» Ադրբեջանի օրենքը խախտելու մեջ։ Թեև Ադրբեջանի պաշտոնական քարոզչամեքենան չի նշում թե ինչ պետական գաղտնիք պարունակող նյութեր են հրապարակվել «Bastainfo.com» կայքում, սակայն ակնհայտ է, որ խոսքը գնում է «հայկական լրտեսների», կամ էլ ադրբեջանական բանակում տիրող կոռուպցիայի, բարոյահոգեբանական ցածր վիճակի և կորուստների մասին ։ Նյութի աղբյուր՝ https://www.facebook.com/archakh.armenia/posts/1340079582744985 ...

    Կարդալ ավելին
  • Հանրապետության հրապարակում երկու տարի առաջ հարսանեական նկարահանման շրջանակում, որոշակի անսովոր էֆեկտ ստանալու համար խորովածի անելու տեսարան է բեմադրվել և նկարահանվել: Սա հարուցել է դժգոհություն : Ո՞նց կլիներ, բա՞ եղավ, բա՞ դա Հային վայել է...  Չէ՛, Հային վայել է տարին տասներկու ամիս նույն հրապարակի հարակից շենքում նստածների կողմից ազգին խորովելը, Հային վայել է նույն հրապարակի անմիջական հարևանությամբ գործող բազմաթիվ նկուղային բարդելները, որտեղ ողջ գիշեր պարսիկների և այլ ազգիների կողմից դմոփվում են հրապարակում, մութն ընկնելուն պես , որսի դուրս եկած թիթեռնիկները, վերջապես Հային վայել է հրապարակում բացօթյա համերգի եկածների կողմից շշերով, թղթերով ու այլ տեսակ աղբով կեղտոտելը, կանաչ ու ծաղկառատ տարածքները սմբակավորների նման տրորելը... Ի՞նչ է, Հային վայել չէ՞ հարսանեական գեղեցիկ տեսարանի նկարահանում մայրաքաղաքի հրապարակի ֆոնով, որը նկարվել է առավոտյան ժամը 5-ի կողմերը, առանց որևէ մեկին խանգարելու ու նեղություն տալու:  Լավ են արել, երջանկություն ու ջանսաղություն այդ զույգին... Նյութի աղբյուր՝ https://www.facebook.com/kilkiahayastan/posts/421532761560004 ...

    Կարդալ ավելին
  • Արդյոք ո՞ր մրցաշարում է խաղում Եվրոպա լիգայի հաղթողը հաջորդ մրցաշրջանում, և մի երկրից առավելագույնը քանի՞ թիմ կարող է խաղալ Չեմպիոնների լիգայում 1) Եվրոպա լիգայի հաղթողը մեկնարկում է Չեմպիոնների լիգայի որակավորման վերջին՝ փլեյ-օֆֆ փուլից․ 2) Եվրոպա լիգայի հաղթողը հայտնվում է միանգամից խմբային փուլում, եթե Չեմպիոնների լիգայի հաղթողը մրցաշարի ուղեգիր է նվաճել նաև իր երկրի առաջնության արդյունքներով (ինչպես եղել է նախորդ երեք տարիներին և կլինի նաև այս տարի)։ Ըստ ՈւԵՖԱ-ի կանոնադրության՝ ՉԼ-ում մեկ երկրից կարող է խաղալ առավելագույնը հինգ թիմ։ Վերջին երեք տարիներին ՉԼ-ում այդ կարգավիճակում էր Իսպանիան՝ Սևիլիայի շնորհիվ։ Ի՞նչ կլինի, եթե մի երկրից մրցաշարի արդյունքներով ՉԼ-ի հաջորդ խաղարկությունում խաղալու իրավունք ստանա միանգամից վեց թիմ (դա կարող էլ լինել այն դեպքում, եթե Եվրոպա լիգայում և ՉԼ-ում հաղթած տվյալ երկրների ներկայացուցիչները չհայտնվեն վերոնշյալ մրցաշարերում իրենց երկրի առաջնության արդյունքներով: Ներկայումս ՈւԵՖԱ-ի վարկանիշային աղյուսակում առաջին երեք տեղերը զբաղեցնում են Իսպանիան, Գերմանիան և Անգլիան, որոնք ՉԼ են ուղարկում միանգամից չորս թիմ)։ Տեղի կունենա հետևյալը․ 1) ՉԼ հաղթողը հաջորդ մրջաշարում մեկնարկում է այդ մրցաշարի խմբային փուլից, 2) Եվրոպա լիգայի հաղթողը կմեկնարկի Չեմպիոնների լիգայի որակավորման վերջին՝ փլեյ-օֆֆ փուլից, 3) Վերը նշված երկրներում չորրորդ տեղ զբաղեցրած թիմը զրկվում ՉԼ-ի ուղեգրից և մեկնարկում է Եվրոպա լիգայի խմբային փուլից։ Նյութի աղբյուր՝ https://www.facebook.com/Henrikbest/posts/1849688588625280 ...

    Կարդալ ավելին
  • 12-րդ դասարանը կավարտեն 19.618 աշակերտներ 2017-18 ուսումնական տարում Հայաստանի Հանրապետության հիմնական դպրոցների ավարտական 9-րդ դասարանները կունենան 29.642 շրջանավարտներ: Հանրապետության ավագ և միջնակարգ դպրոցների 12-րդ դասարանը կավարտեն 19.618 սովորողներ: Հիշեցնենք, որ Հայաստանում շրջանավարտների համար «Վերջին դաս» միջոցառումն այս տարի կկազմակերպվի մայիսի 26-ին: Համաձայն ՀՀ կրթության և գիտության նախարարի հրամանի՝ հանրակրթական ուսումնական հաստատություններում սովորողի գիտելիքների ստուգման, ավարտական և պետական ավարտական քննությունները կկազմակերպվեն հունիսի 1-23-ը: Նյութի աղբյուր՝ https://www.facebook.com/photo.php?fbid=1525258000858477&set=a.150299485021009.36960.100001228747398&type=3&theater ...

    Կարդալ ավելին
Загрузка...

ՖԲՀ

Քաղաքականություն