• Շիրազ Խաչատրյան
  • Արդեն մի քանի օր ընթացող քարոզարշավը Հայաստանում առավել վատթարացրել է առանց այդ էլ հասարակության շրջանում եղած բևեռվածությունը: Ավելին՝ փորձ է կատարվում այստեղ եղած վատ մթնոլորտը արտահանել Արցախ: Սպառնալիքներ, հորդորներ, հարցուպատասխան և իհարկե ոչ մի տեղ չտանող հայտարարություններ: Այն, ինչ ՀՀ-ում փորձ կատարվեց որակել Արցախի միջամտություն, իրականում Արցախի ազատագրական պայքարը պաշտպանելուն ուղղված քայլ էր: Ի՞նչ տեղի ունեցավ. նախ Արցախում հարգանք վայելող գեներալները արձագանքեցին Սասուն Միքայելյանի՝ ակհայտ անհաջող ձևակերպմանը, իսկ հետո Նիկոլ Փաշինյանի՝ կրկին ակնհայտ անհաջող ձևակերպման վերաբերյալ պարզաբանեցին, որ Արցախի նախագահների որդիները ծառայել են զինված ուժերում: Այս ամենում իմ համար ամենակարևորը՝ Արցախի նախագահի սառնասիրտ, հավասարակշռված պահվածքն է, ով ամենից լավ է հասկանում նման իրավիճակներում հունից դուրս գալու և բերանից եկածն ասելու հետևանքները: Նյութի աղբյուր՝ https://www.facebook.com/photo.php?fbid=1989439587836061&set=a.149784388468266&type=3&theater ...

    Կարդալ ավելին
  • Արցախի Հանրապետության նախագահ Բակո Սահակյանի գլխավորած պատվիրակությունն աշխատանքային այց է կատարել Ֆրանսիա, ապա ԱՄՆ, որը հարուցել է պաշտոնական Բաքվի անհանգստությունը: Դրա մասին է վկայում այն, որ Ադրբեջանը բողոքի նոտա է փոխանցել Փարիզին և Վաշինգտոնին՝ Սահակյանին հանդիսավոր ընդունելության արժանացնելու համար: Արցախցի պաշտոնյաների այցերը արտերկիր և հատկապես Ֆրանսիա և ԱՄՆ ժամանակի ընթացքում ավելի հաճախակի են դարձել, որոնց ընթացքում Արցախի իշխանությունները ջերմ ընդունելության են արժանանում այդ երկրների օրենսդիր մարմնի ներկայացուցիչների, պաշտոնաթող դիվանագետների, հասարակական գործիչների, լոբբիստների և այլ ազդեցիկ շրջանակների կողմից: Այս այցելությունների ընթացքում հետևողական աշխատանքներ են տարվում ոչ միայն օտարերկրյա պետությունների առանձին վարչական միավորների՝ նահանգների, շրջանների և քաղաքների մակարդակներով Արցախի ինքնորոշման իրավունքի ճանաչմանը հասնելու ուղղությամբ, այլ նաև Արցախին ֆինանսական և քաղաքական աջակցություն տրամադրելու ուղղությամբ: Ադրբեջանի անհանգստության ահագնացումը բնական է, քանի որ պաշտոնական Բաքվին սարսափեցնում է այն փաստը, որ այդ երկրների ղեկավար շրջանակների հետ շփումները և Արցախի հետ կապերի ամրապնդումը դառնում են օրինաչափ երևույթ, և այս պրոցեսի շարունակականությունը կարող է հիմքեր ստեղծել, որպեսզի տարբեր երկրներում Արցախի դե յուրե ճանաչումը դառնա ընդամենը ժամանակի հարց: Այնպես, որ պետք է սպասել, որ առաջիկայում Ադրբեջանի բողոքի նոտաների աշխարագրությունը ավելի մեծ մասշտաբներ է ընգրկելու: Նյութի աղբյուր՝ https://www.facebook.com/shiraz.khachatryan/posts/1973233006123386 ...

    Կարդալ ավելին
  • Արցախում ներդրումների ներգրավման համար ստեղծված պայմանները գնալով ավելի բարենպաստ են դառնում։ Ադրբեջանի կողմից եկող սադրանքները ոչ միայն չեն կարողանում խոչնդոտել նոր ներդրումային նախագծերի իրականացմանը, այլ հակառակ էֆեկտ են ունենում։ Եվ պատահական չէ, որ վերջին շրջանում Արցախի ուղղությամբ ներդրողների հետաքրքրությունը մեծացել է։ Առաջիկա ներդրումային խոշոր նախագծերից մեկով, որը ներառում է 100 մլն դոլարի ներդրում, նախատեսվում է Սարսանգի աջափնյա ջրանցքի կառուցում, որը թույլ կտա ջրամբարի ջուրը կասկադի միջոցով ինքնահոս կերպով տեղափոխել դեպի Մարտակերտ շրջկենտրոնի հարակից դաշտեր՝ հիմնելով 3 նոր ջրամբար և ոռոգովի դարձնելով ավելի քան 10,000 հեկտար հողատարածք: Ներդրող ընկերության բաժնետերերը, որոնք հայկական ծագում չունեն, հետաքրքրված են նաև Արցախում այգեգործության զարգացման գործում:  Պայմանավորվածություն է ձեռք բերվել, որ ջրատարն ապահովող կասկադի վրա կառուցվելու են նոր ՀԷԿ-եր, ինչը կավելացնի էլեկտրաէներգիայի արտադրության ծավալը՝ խթանելով դրա արտահանումը: ՀԷԿ-երի գործարկման արդյունքում արտադրվող էլեկտրանէներգիայի ծավալը նախատեսվում է հասցնել մինչև 1 մլրդ ԿՎտ-ի։  Այս նախագծի իրականացման միջոցով Մարտակերտի դաշտավայրային հատվածում էներգետիկայի և գյուղատնտեսության զարգացումը մեծ թափ կստանա, կստեղծվեն տասնյակ վերամշակող ընկերություններ և հազարավոր նոր աշխատատեղեր։  Օտարերկրյա ներդրումների մասին իր ֆեյսբուքյան էջում տեղեկացրել է նաև Արցախի խորհրդական-հատուկ հանձնարարությունների գծով ներկայացուցիչ Արայիկ Հարությունյանը։ Նյութի աղբյուր՝ https://www.facebook.com/photo.php?fbid=1966127193500634&set=a.149784388468266&type=3&theater ...

    Կարդալ ավելին
  • Արցախի Հանրապետության պետբյուջեի ֆինանսավորմամբ Ասկերանի շրջանի Աստղաշեն համայնքում ընթացքի մեջ են մանկապարտեզի կառուցման աշխատանքները: Նոր մանկապարտեզը, որը կհամապատասխանի ժամանակակից բոլոր չափանիշներին, կառուցվում է նորակառույց դպրոցի կողքին և նախատեսված է 2 խմբի` 30 երեխայի համար: Նյութի աղբյուր՝ https://www.facebook.com/shiraz.khachatryan/posts/1958111530968867 ...

    Կարդալ ավելին
  • Արցախի Հանրապետության հարավային շրջանում, Արաքսի ափամերձ հատվածով կառուցվելու է Արցախը Հայաստանին կապող այլընտրանքային և ռազմավարական նշանակության ունեցող երրորդ մայրուղին:  Այս ճանապարհը ոչ միայն զարգացման նոր հնարավորություններ է բացելու Արցախի հարավային շրջանների՝ մասնավորապես Քաշաթաղի համար, այլև դառնալու է դեպի Սյունիք ձգվող ամենահուսալի և կարճ ուղին:  Մայրուղու կառուցման արդյունքում Արցախի բնակավայրերի և զորամասերի կապը Հայաստանի հետ ավելի կամրապնդվի, պայմաններ կստեղծվեն տուրիզմի և առևտի աշխուժացման համար: Իսկ ենթակառուցվածքների զարգացման առումով Արցախի հզորացումը բանակցային սեղանին հայկական կողմի դիրքերի ամրապնդման հիմքեր կստեղծի, ուստի Արցախի իշխանությունները պետք է ամեն ջանք ներդնեն այս ստրատեգիական ճանապարհը կարճաժամկետ հեռանկարում իրականություն դարձնելու համար։ Այս նպատակին հասնելու ճանապարհին պետք է օգտագործել ողջ հայության միասնական ջանքերն ու ներուժը, ինչը կդառնա Հայաստանի, Արցախի ու Սփյուռքի միասնության ևս մեկ կարևոր գրավական։ Նյութի աղբյուր՝ https://www.facebook.com/photo.php?fbid=1926411177472236&set=a.149784388468266&type=3&theater ...

    Կարդալ ավելին
  • Քաղաքական զարգացումների տրամաբանությունը հուշում է, որ ընտրազանգվածը մեծացնելու և հասարակական հենարանն ընդլայնելու համար ընդդիմությունն առաջին հերթին պետք է բարձրացնի հասարակությանը հուզող առանցքային հարցերը, ցույց տա դրանց լուծման ճանապարհները: Իսկ ընտրական գործընթացների ժամանակ ընդդիմությունը, կենտրոնացնելով իր քաղաքական ռեսուրսները, կարող է ճանապարհ հարթել իշխանության գալու համար: Արցախում ընտրությունների անցկացմանը քիչ ժամանակ է մնացել, սակայն այն քաղաքացիները, որոնք սովորաբար համակրում են ընդդիմադիր դիրքերից հանդես եկող գործիչներին, դեռևս չեն կողմնորոշվում, թե ում կարելի է սատարել, քանի որ «ընդդիմադիրների» դաշտում տիրապետում է հատվածականությունը, որն ավելի է ջլատում նրանց ուժերը: Իրենց դիրքերն ամրապնդելու և հաղթանակի հասնելու պայմաններ ստեղծելու համար ընդդիմադիրներն այլ ելք չունեն, քան միավորված ձևով հանդես գալն է։ Միավորումը կարող է տեղի ունենալ նրանցից ամենաազդեցիկի շուրջ, բայց դրան խանգարում են թեկնածուների ընկալումներն ու ամբիցիաները։ Խնդիրն այն է, որ նրանցից յուրաքանչյուրն իրեն պատկերացնում է առաջնորդողի և միավորողի դերում: Նյութի աղբյուր՝ https://www.facebook.com/shiraz.khachatryan/posts/1918903721556315 ...

    Կարդալ ավելին

ՖԲՀ

Քաղաքականություն