• Սուրեն Արեենց
  • Բաց նամակ քաղաքապետ Տարոն Մարգարյանին Հարգելի քաղաքապետ, Քանաքեռ-Զեյթուն վարչական շրջանի բնակիչների բողոքին արդեն երկար ժամանակ է՝ տեղի ղեկավարությունը չի արձագանքում: Խնդրում եմ ծանոթանալ խնդրին և տալ համապատասխան հանձնարարական: Տեղի բնակիչները պնդում են, որ տեղի իշխանությունները միտումնավոր ջրազրկում են այգին: Նշեմ, որ այգին ամբողջությամբ ջրատար խողովակներ ունի: Ստորև Ձեզ եմ ներկայացնում բնակիչների կողմից ուղարկված նամակը Հարգելի քաղաքապետ, Ձեզ են դիմում Քանաքեռ-Զեյթուն համայնքի Ա. Տիգրանյան 5 շենքի և հարակից մի շարք այլ շենքերում և սեփական տներում բնակվող բնակիչներ: Տիգրանյան 5 շենքի առջև մի գեղեցիկ անտառ-պուրակ կա, որը հարյուրավոր մարդկանց և մանուկների ամենօրյա հանգիստն անցկացնելու վայրն է: Սակայն այժմ այն գտնվում է չորացման և ոչնչացման եզրին: Ինչո՞ւ։ Պատճառը համայնքի պատասխանատուների անբարեխիղճ և անտարբեր աշխատանքն է: Պուրակը զրկված է ոռոգման ջրից և սանիտարական մաքրումներից: 2013-ին ոռոգման խողովակներ քաշվեցին պուրակում, և որոշ ժամանակ այն ոռոգվում էր: Սակայն անցավ ավագանու նախընտրական և ընտրական քարոզարշավը, և այգին մատնվեց բախտի քմահաճույքին: Բնակիչները բազմիցս դիմել են թաղապետարան, թեժ գիժ, բայց ապարդյուն: Դեռևս 90-ականերին այս կանաչ դրախտը բնակիչների հոգատարության և աչալրջության շնորհիվ կանգուն ու զերծ մնաց հատումներից: Այժմ էլ այն պահպանվում է միայն բնակիչների շնորհիվ: Սակայն ջրի բացակայության պատճառով այգին այժմ չորացել է, և եթե այսպես շարունակվի, այն պարզապես չի պահպանի իր գոյությունը: Բոլորս բնակիչներս խնդրում և, ինչու ոչ, պահանջում ենք հնարավորինս արագ լուծում տալ այս խնդրին և կյանք պարգևել առանց այդ էլ սակավ դարձած այս կանաչ տարածքին: Ակնկալում ենք Ձեր արձագանքը: Նյութի աղբյուր՝ https://www.facebook.com/areentsfais/posts/1945198855768638 ...

    Կարդալ ավելին
  • Դիրքերում ամեն ման էկող լրագրող ռազմական լրագրող չի ` Ձեր կողքը փուչ աղմուկ մի ստեղծեք ։ Հայաստանում և Արցախում բացակայում է ռազմական լրագրությունը ` հմուտ ու բանիմաց լրատվության տարածումը, հատկապես ռազմական՛ գործողությունների ժամանակ հավասարապես կարևոր է մեզ համար այնքան , որքան դիրքերում կանգնած պրոֆեսիոնալ զինվորը։Սա երկրի անվտանգության թիվ 1 խնդիրն է, ինչպես նաև խնդիրներից մեկն էլ դիվանագիտական դպրոցի զարգացումն է ։Սահմանին կանգնած զինվորը պիտի վստահ գործի ու իմանա որ իր արած գործողությունների լուսաբանումը ճիշտ կլրնի ու առաջին հերթին իրեն վնաս չի պատճառի ։ Ու գրածս չի նշանակում որ չունենք դաշտում հմուտ մասնագետներ,բայց իրական մասնագետները ինչպես միշտ համեստ ու լուռ են ։ Հգ. Ապրիլյան պատերազմի ժամանակ այսօրվա հարցազրույց տվողներից շատերը դիրքեր չգնացին ։ Նյութի աղբյուր՝ https://www.facebook.com/areentsfais/posts/1918124011809456 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին