• Արթուր Մկրտչյան
  • Ամենքը և ամենուր խոսում են Հայաստանում բարեփոխումների անհրաժեշտության մասին: Անշուշտ, մեր երկրի համար, մեր պետական կյանքի բոլոր ոլորտները առողջացնելու համար օր առաջ անհրաժեշտ են դրանք...Բայց միայն այդ անհրաժեշտության գիտակցումը բավար չէ բարեփոխումներ կատարելու համար: Մեզանից յուրաքանչյուրը ոչ միայն պետք է գիտակցի այդ անհրաժեշտությունը, այլ նաև գործնական քայլերով նպաստի դրանց իրականացման: Առավել ևս հիմա՝ մենք ունենք այդ հնարավորությունը: Ընդամենը օրեր անց Հայաստանի մի շարք բնակավայրերում ՏԻՄ ընտրություններ են: Արդյո՞ք սա Հայաստանի յուրաքանչյուր քաղաքացու համար երկրում բարեփոխում կատարելու հնարավորություն չէ... Իհարկե, միայն անձերի փոփոխությունով բարեփոխում չես կատարի, բայց պետք է գիտակցել նաև, որ ոչ պակաս կարևոր բան է կախված մեր երկրում ու մեր կյանքում նույն այդ անձերից ու նրանց արժեհամակարգից: Օրինակ՝ ինչպես մի գյուղում գյուղապետը կարող է սրտացավ լինել ու լուծել մի շարք խնդիրներ, իսկ մյուսում, որն ունի նույն հնարավորությունը, գյուղապետը տարիներ շարունակ մատը մատին չտա, բայց այսօր նորից հավակնի դառնալ գյուղապետ: Ելքը մեկն է՝ ընտրություն կատարելուց առաջ բացառել բոլոր այն թեկնածուներին, ովքեր տարիներ շարունակ լինելով պետական պատասխանատու օղակներում, չեն կատարել առավելագույնը կամ գոնե դրա կեսը՝ հանուն երկրի ու մարդկանց բարեկեցության: Նման մարդկանց մենք պետք է զրկենք այլևս կառավարելու հնարավորությունից.... Այսօր ՏԻՄ ընտրություններում գրանցված թեկնածուների 70 տոկոսը հիսունն անց մարդիկ են, շատերը՝ նախկին կառավարիչներ, շատերը ոչինչ չարած, բացի այն, որ իրենց գյուղի հարսանիքներում եղել են թամադա.հետո հարսանքավորները դարձել են ընտրողներ ու տոհմատիրական սկզբունքով ընտրել ընտրյալին....Ժամանակն է՝ ազատվել հին կոլխոզնիկներից, պահեստապետերից, ֆերմայի վարիչներից ու սովետական մանր ու միջին չինովնիկներից, հետևաբար նրանց՝ վաղուց արդեն կարծրացած հոգեբանությունից, որը ոչ մի օգուտ չի բերում երկրիս: Ճանապարհ տվեք երիտասարդ, ավյունով ու եռանդով լեցուն մարդկանց ու դա արդեն առաջին ու դրական քայլը կլինի համընդհանուր բարեփոխումների ճանապարհին: Նյութի աղբյուր` https://www.facebook.com/artur.mkrtchyan.140/posts/1113913615344011 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին