• Վլադ Հովհաննիսյան
  • Ես վստահ եմ, որ եթե հանրային տրանսպորտում մի օր արգելվի ռաբիս կամ մուղամ հնչեցնելը, տրանսպորտային ռաբիսամուղամից ամեն օր դժգոհող ողջ զանգվածը կսկսի այդ որոշման դեմ բողոքել: Դա նույնն ա, երբ ժամանակին ԱՆ նախարարն ասաց, որ ծխելը վնասակար է առողջությանը և հանրային վայրերում ծխելը պետք ա սահմանափակվի, ու բոլորը գրեթե ապացուցում էին, որ ծխելը ոչ միայն վնասակար չի, այլ մի բան էլ օգտակար է առողջությանը, իրանց ծխելուց նկարներն էին հպարտորեն դնում ՖԲ-ում և այլն: Ընդհանրապես, մենք ինչի դեմ բողոքում ենք, դրա արգելումից հետո ճիշտ հակառակ ռեակցիան ա առաջանում: Հասկանալի է, որ արգելողների վարկանիշը պլենտուսային մակարդակի ա, ու հենց դա էլ բերում ա նման ռեակցիայի, ու էս ամեն ինչի մեջ ահագին քաղաքական աջաբսանդալ կա, բայց մենք համ էլ պետք ա սկսենք ինքնաճանաչման գործընթաց ու հասկանանք, թե մենք ինքներս վերջիվերջո ինչ ենք ուզում՝ անկախ էս կամ էն քաղաքական ուժից կամ խմբակցությունից, փորձենք մի հատ ինքներս մեզանից էլ գլուխ հանենք: Օրինակ՝ Փարիզի Մոնմարտրում, տեսնես, ինչ երաժշտություն ա հնչում ու հնչո՞ւմ ա ընդհանրապես, թե՞ չէ: Նյութի աղբյուր՝ https://www.facebook.com/vlad.hovhannisyan.31/posts/10155718915834090 ...

    Կարդալ ավելին
  • Վերջին ժամանակներում արդեն 2-րդ դեպքն է, երբ կինն այնպիսի հուսահատ վիճակի ա հասնում, որ սպանում ա ամուսնուն: Առաջինը, հիշում եք երևի, երբ կինը հենց ամուսնու զենքով երեխայի ներկայութամբ սպանել էր նրան: Երկրորդն էլ վերջին օրերի՝ Արմավիրի մարզպետի խորհրդականի սպանության դեպքն ա: Երկու դեպքում էլ պատճառը եղել ա կնոջ հանդեպ ամուսնու կողմից պարբերաբար բռնություն կիրառելը, ծեծուջարդը և այլն. համենայն դեպս, զլմ-ներն այդպես են գրել: Կնոջ նկատմամբ բռնություն կիրառող տղամարդը տղամարդ չէ: Ընդհանրապես, թույլին ծեծելը՝ հենց միայն սեփական անձի ավելի ուժեղ լինելու գիտակցումով պայմանավորված, էժան ու զզվելի արարք ա, ինչը ցույց ա տալիս դա անողի թույլ, չկայացած, դիշովկա տեսակը: Դա նույնն ա, երբ մի քանի հոգով ծեծում են մի հոգու, նույնն ա, որ միջին տարիքի տղամարդը ծեծի ենթարկի երեխային կամ պատանուն: Նույն շարքից ա նաև կնոջը ծեծող տղամարդը, իսկ եթե դա պարբերական բնույթ ա ստանում, ուրեմն՝ դրա մի քանի անգամ ավելի վատ երևույթի մասին ա խոսքը: Բոլոր դեպքերում էլ գործ ունենք չկայացած, թույլ անձերի հետ, որոնք ծեծի միջոցով են փորձում իրենք իրենց ապացուցել, որ ինչ-որ բան են իրենցից ներկայացնում: Կնոջը ծեծող տղամարդն ավելի թույլ ու զզվելի տեսակ ա, որովհետև կա՛մ դա անում ա հայուգենի այլասերված պատկերացումներից ելնելով (կընգան բըդի տփես ախպեր, որ իրա տեղը իմանա), կամ էլ ուզում ա ինքն իրան ապացուցի, որ տան տղամարդն ինքն ա: Հասկանալի ա, որ կայացած ու լուրջ տղամարդը նման ձևով ինքն իրեն ինչ-որ բան ապացուցելու կարիք չունի: Խոսքը գնում ա բացառապես դեգեներատ դիշովկեքի մասին:  Վերջին դեպքում ցանկացած կին, ըստ իս, իրավունք ունի պատասխան բռնություն կիրառելու նման տղամարդու հանդեպ ընդհուպ մինչև սատկացնելը (դա սպանել չի, այլ սատկացնել, որովհետև նման տղամարդը սկի մարդ կոչվելու իրավունք չունի): Իսկ տեսարանը, երբ տղամարդը ծեծում է կնոջը, իմ համար ամենազզվելի ու նվաստացուցիչ տեսարանն ա:  Իսկ էս 2 դեպքերը (ես 2-ն եմ հիշում, երևի ավելի շատ կլինեն), փաստում են, որ մեր մոտ նման խնդիր կա ու շատ լուրջ: Երևի հազարավոր ընտանիքներում էդ պարբերաբար ծեծը կիրառվում ա, ուղղակի շատ կանայք լուռ կուլ են տալիս ամեն ինչ հանուն էրեխեքի, վախենալով հանրային կարծիքից և այլն: Ի դեպ, նման ընտանիքներում ամենաշատը տուժում են հենց երեխաները, որոնք, ամեն օր ծեծուջարդ տեսնելով, մեծանում են խեղված հոգեբանությամբ: Ապացույցը վերջին դեպքն ա նաև, երբ մոր հետ հոր սպանությանը մասնակցել էր նաև տղան, համենայն դեպս, դատելով նախնական տեղեկություններից:  Ինչ ասեմ, սարսափելի դեպք ա, ուղղակի սարսափելի: Երևի շատ «կընգան տփող» ամուսիններ պետք ա էս հաշվի առնեն, թե չէ նույն ճանապարհով են գնալու: Ցանկացած կնոջ համբերություն ի վերջո հատում ա, ու հետևանքը կարա շատ սարսափելի լինի: Նյութի աղբյուր՝ https://www.facebook.com/vlad.hovhannisyan.31/posts/10155670887669090 ...

    Կարդալ ավելին
  • Պարզվում ա՝ Երևանի կենտրոնում ներկայումս կա 40 հազար չբնակեցված բնակարան, պատկերացնո՞ւմ եք, 40 հազար: Եվ սա այն դեպքում, որ Կենտրոնը ամեն օր ճռռում ա մեքենաների անվերջանալի հոսքից ու ամբողջությամբ վերածվել ա մի մեծ կայանատեղիի: Կենտրոնում ավելի շատ մեքենա կա, քան մարդ: Բոլոր փողոցների մի գիծը ամբողջությամբ կայանատեղի ա: Հիմա պատկերացրեք, եթե այդ 40 հազար բնակարաններից թեկուզ մի 10 հազարը բնակեցվեն, դա նշանակում ա առնվազն ևս 10 հազար մեքենայի ավելացում Կենտրոնում, և սա լավագույն դեպքում, 1 բնակարանին 1 մեքենա հաշվարկի դեպքում: 40 հազարի բնակեցման դեպքում հասկանալի է, թե ինչ կլինի: Ահա այն տխրագույն հետևանքները, որոնց այսօր արդեն ականատես ենք լինում Կենտրոնի գերծանրաբեռնվածության, ամեն ինչ Կենտրոնում խցկելու ու ճխտելու անբացատրելի մոլուցքի պատճառով: Ու դեռ այսքանից հետո բազմաթիվ մարդիկ կան, որոնք երազում են Կենտրոնում բնակարան ունենալու, ապրելու մասին: Նյութի աղբյուր՝ https://www.facebook.com/vlad.hovhannisyan.31/posts/10155424965294090 ...

    Կարդալ ավելին
  • Պրոսպեկտի ձկան խանութի անցումի կողքով անգամ անցնել չի լինում: Զուգարանից գարշահոտ ա անգամ անցումի կողքով անցնելիս, էնքան ահավոր, որ ուղղակի չռփում ա դեմքիդ: Հիշեցնեմ՝ սա քաղաքի կենտրոնի անցումներից ա, գտնվում ա քաղաքապետարանից մի 100-150 մետր հեռավորության վրա:  Էս բացօթյա զուգարանը իմ համար էս պահին Երևանի դեմքն ա, քաղաքապետարանի գեղեցիկ շենքի, կենտրոնական փողոցների ասֆալտապատման, ճռճռան ու ամպագոռգոռ նախընտրական ելույթների, ճոռոմ ծրագրերի կողքին իրա չռփող գարշահոտով քեզ անմիջապես իրականություն վերադարձնող գործոն:  Ու էսպիսին ա Երևանը, մի կողմից կանաչ այգիներով, մյուս կողմից՝ շինաղբով լցված բացօթյա զիբիլանոց, մի կողմից նորակառույց շենքեր, մյուս կողմից՝ դրանց կողքին կարկատան տանիքներով ու մանսարդներով ծանրաբեռնված քրջոտ շենքեր, մի կողմից՝ մոդեռն ոճի առևտրի կենտրոններ ներկայացնող անցումներ, մյուս կողմից՝ քաքի հոտով բուրող զուգարան-անցումներ, որոնցով անցնելիս մեկը կարա նույնիսկ պատահաբար միզի ոտքերիդ, որովհետև բոլորն էլ գիտեն, որ էդ անցումը զուգարան ա, ոչ թե անցում, մի կողմից՝ թանկարժեք շքեղ մեքենաներ, մյուս կողմից՝ զզվանք հարուցող ու քաղաքի դեմքը հանդիսացող գազելներ: Մի խոսքով՝ Երևանը խառն ա, ոչ միանշանակ, մի կողմից՝ սիրուն, մյուս կողմից՝ մեծ աղբանոց, մի կողմից՝ կանաչ, մյուս կողմից՝ փոշի ու կեղտ, ու այս բոլորը համագոյակցում են մեկը մյուսին զզվելու աստիճան մոտ, իրար կպած, մեկը մյուսի մեջ մխրճված: Ու երբ այդքանից հետո մեկը խոսում է Երևանի հազարամյա տարիքի, հին քաղաք լինելու և այլնի մասին, անկեղծ եմ ասում, ուզում եմ ձեռից բռնեմ, տանեմ կենտրոնի զուգարան անցումներից մեկը, որ միամիտ մեկը շռի ոտին, ու ասեմ՝ էս ա, ախպեր, քո հազարամյա քաղաքի պերճանքն ու թշվառությունը: Ու չկա քաղաքի ներդաշնակ, համընդհանուր զարգացման ծրագիր, չկա: Ծառ ու ծաղիկ տնկելով՝ քաղաք չի զարգանում, եթե էդ ամեն ծառի ու ծաղկի հետևում բացօթյա զուգարան ա լինելու: Սիրուն ֆասադի հետևում եթե կղանք ու մեզ ա, ուրեմն՝ վայ էդ սիրուն ֆասադը սարքողին ու մեր աչքը կոխողին:  Երևանը էս պահին փոշոտ, կեղտոտ, տեղ-տեղ զզվելի, գարշահոտ, քրջոտ տրանսպորտով ու քրջոտ կռիշներով ու պադյեզդներով քաղաք ա ու վերջ: Իսկ էն սիրուն-պուպուշ բաները ընդամենը էս ընդհանուր գարշանքը փակող ֆասադն են, ոնց որ պատի խոր ճեղքերը քողարկող գաջի բարակ շերտը, որը կարճ ժամանակ անց էլի ճաքելու ա։ Նյութի աղբյուր՝ https://www.facebook.com/vlad.hovhannisyan.31/posts/10155354258254090 ...

    Կարդալ ավելին
  • Թուրքիայի Ստամբուլ քաղաքում 3 հայաստանցիները դատապարտվել են ցմահ ազատազրկման: Իսկ նրանց հանցանքը եղել է այն, որ թալանել են ծեր ստամբուլահայ ընտանիքի, որի արդյունքում 85-ամյա տարեց մարդը մահացել էր, իսկ կնոջը մի կերպ էին փրկել հիվանդանոցում: Թուրքիայի դատարանը նրանց դատապարտել է ցմահ ազատազրկման: Օտար հողի վրա սեփական ազգակցին սպանողն ու թալանողը պիտի փտի բանտում, անգամ եթե արդարադատություն իրականացնողը օտարն ա Նյութի աղբյուր՝ https://www.facebook.com/vlad.hovhannisyan.31/posts/10155094965784090 ...

    Կարդալ ավելին
  • Հարգելի՛ սիրելիներ և սիրելի՛ հարգելիներ, Երևանի քաղաքապետարան, Սանիթեք: Այս աղբամանները գտնվում են Նոր Նորքի 3-րդ զանգվածի Բաղյան 1-ին նրբանցքի 5 շենքի մերձակայքում: Աղբավայրը, ինչպես տեսնում եք, պայթում է աղբի առատությունից, այնինչ Երևանի բնակիչները ամեն օր բողոքում են լուսաբացին Սանիթեքի աղբահավաք մեքենաների աղմուկից, այդ թվում և՝ ես, այսինքն՝ Սանիթեքը ամեն առավոտ պարտաճանաչ կերպով մաքրում է մեր շենքի մերձակայքում գտնվող աղբավայրերը: Հիմա հարց է առաջանում, Սանիթեքը հատվածակա՞ն է աղբը հավաքում, թե՞ ուղղակի մոռացել է այս մի աղբավայրի մասին, որտեղ, ասեմ, տիրում է խայտառակ վիճակ:  Համեմատության համար ասեմ, որ ընդամենը 50 մետրի վրա գտնվող մեկ այլ աղբավայր հրաշալի կերպով մաքրված է և մաքրվում է ամեն օր (նկարը՝ ներքևում): Ստեղծվում է իսկական հանելուկ, թե ինչու Սանիթեքը պարտաճանաչորեն մաքրում է մի աղբավայրը, բայց լիովին աչքաթող է արել և խայտառակ վիճակ ստեղծել դրանից 50 մետրի վրա գտնվող մեկ այլ աղբավայր: Նկարները արվել են այսօր առավոտյան: Նյութի աղբյուր՝ https://www.facebook.com/vlad.hovhannisyan.31/posts/10154993631179090 ...

    Կարդալ ավելին
  • Եթե Հայաստանում բոլոր ՃՏՊ-ների զոհերը լինեին միայն դրանց մեղավորները, այիսնքն այն վարորդները, ովքեր խախտում են անում, արագ են վարում, խմած են վարում և այլն, ապա կյանքը կրկնակի հրաշալի կլիներ: Ցավոք նմանների արդյունքում զոհվում են անմեղ մարդիկ, տվյալ վարորդի հետ եղած ուղևորները, այն մեքենայի ուղոևրները, որին բախվել է ըվյալ վարորդը, հետիոտներ: Ինչ մեղքս թաքցնեմ, ես միշտ ուզել եմ, որ այդպես լինի: Իր մեղքով զոհված, այսինքն ինքը իրա գլուխը կերած վարորդի համար երբեք չեմ ցավել ու չեմ էլ ցավի: Հայաստանում 2016-ի առաջին 6 ամիսներին ՃՏՊ-ների արդյունքում զոհվել է ավելի քան 150 մարդ: Նյութի աղբյուր՝ https://www.facebook.com/vlad.hovhannisyan.31/posts/10154574391319090 ...

    Կարդալ ավելին
  • Ի միջիայլոց, Սարի Թաղի դեպքերի հետ կապված Նոր Նորքի ոստիկանապետին պաշտոնից ազատելու մասին լուրը որպես ռեակցիա առաջին հերթին ծիծաղ ա առաջացնում։ Ասենք, նույն հաջողությամբ, կարելի էր Աջափնյակի կամ Գեղարքունիքի մարզի ոստիկանապետին էլ ազատել. կամ թեկուզ Ալավերդու )) Նյութի աղբյուր՝ https://www.facebook.com/vlad.hovhannisyan.31/posts/10154479680394090 ...

    Կարդալ ավելին
  • Կան մարդիկ, որոնք ինքնին անլուրջ են, որոնց ամեն մի արտահայտությունը կամ ելւոյթը ինքնին անլուրջ ա։ Ու նամ դեմքերի ամեն ելույթը քննարկելն էլ, դրանից տանջվելը կամ նյարդայնանալը իրանց նման անլուրջ ա։ Հիմա զարմանում են երբ Ժիրինովսկու հերթական ելությից հետո էլի նյարդայնանում են շատերը։ Ժիրինովսկուն պետք չի քննարկել, անդրադառնալ, կարդալ, իրան պետք ա ուղղակի մոռանալ, կամ կարդալ ու անցնել։  Ու ընդհանրապես պալատական ծաղրածուներին պետք ա ընկալել որպես պալատական ծաղրածուներ, ոչ ավել Նյութի աղբյուր՝ https://www.facebook.com/vlad.hovhannisyan.31/posts/10154473497749090 ...

    Կարդալ ավելին
  • Բաղդադում "Իսլամական պետության" իրականացրած պայթյունի հետևանքով զոհերի թիվը հասել է 250-ի։ Արաբները իրար մորթում են, եղբայրասպան պատերազմում իրար են կոտորում։ Եթե Արևմուտքը էնքան խելացի ա, որ շիա-սունի հակամարտություն վրա միշտ կարա պլաններ գծի, իրականացնի ու կառավարելի քաոս ստեղծի, ուրեմն դա հենց էդպես էլ պետք ա։   Էն ազգը, էթնոսը, որը երրորդ կողմի միջամտությամբ կամ դրդելով կարա ինքը իրան մորթի ու կոտորի, արժանի ա հենց դրան։ Ասածս նույնությամբ վերաբերում ա նաև, օրինակ, ռուսներին ու ուկրաինացիներին։ Սրանք էլ, ըստ իս, էսօրվա դրությամբ ոչնչով չեն տարբերվում նույն արաբներից։ Նյութի աղբյուր՝ https://www.facebook.com/vlad.hovhannisyan.31/posts/10154395918919090 ...

    Կարդալ ավելին
Загрузка...

ՖԲՀ

Քաղաքականություն