• Սուրեն Պապիկյան
  • Երրորդ հանրապետության գոյության ընթացքում հասարակության կողմից ամենաշատ քննարկվող ու քննադատվող ոլորտներից մեկը՝ կրթականն է: 26 տարվա ընթացքում շուրջ 17 նախարար(4 անգամ Լևոն Մկրտչյան) տեսած ոլորտը տեսել է նաև բազում ու բազմապիսի <<բարեփոխումներ>> ու <<բարեփոխիչներ>>, իհարկե պետք է արժանին մատուցել, որ որոշ փոփոխություններ իրոք տեղին են եղել, և բխել են ժամանակի պահանջից: Սակայն կան բազում խնդիրներ, որոնց քաջատեղյակ են ոլորտի պատասխանատուները, դրանց հաղթահարման համար ոչինչ չեն արել, ու կարծես չեն էլ պատրաստվում: Բայց լայն թափով շարունակում են խարխուլ հիմքերով համակարգի գեղեցկացումն ու նորացումը: Անդրադառնանք խնդիրներից մի քանիսին. 1.Հանրակրթական մարզային դպրոց` հիմնական, միջնակարգ. Անկախության 26 տարիների ընթացքում չի լուծվել մի շատ կարևոր խնդիր՝ կադրային խնդիրը: Այսօր, գյուղական շատ դպրոցներ զուրկ են սեփական մասնագիտությամբ աշխատող ուսուցիչներ ունենալու հնարավորությունից, հաճախ մասնագետի բացակայության պատճառով ֆիզիկայի ուսուցիչը դասավանդում է նաև՝ քիմիա, կենսաբանություն, մաթեմատիկա և այլն, խնդիրը կար դեռ 90-ականներից, և շարունակվում է մինչ օրս: Ու խնդիրը մասնագետի լավ ու վատ որակների մեջ չէ, այլ զուտ համապատասխան մասնագիտությամբ դիպլոմավորված անձի բացակայության: Ու սա չի վերաբերվում միայն սահմանային, բարձրլեռնային կամ հեռավոր գյուղերի դպրոցներին, խնդիրը համընդհանուր է, և հաճախ առկա է քաղաքային դպրոցներում: Մի՞թե պատկան մարմինները չգիտեն սրա մասին: Ոչ միայն գիտեն, այլև համառորեն ու անամոթաբար լռում են, կրկնում եմ, խնդիրը եղել է բոլոր կառավարությունների օրոք, և ոչ մի լուծում չի ստացել: Այս պայմաններում ամպագորգոռ հայտարարություններ անել, թե Հայաստանը վեր է ածվում բարձր տեխնոլոգիաների զարգացման կենտրոնի, որ կրթական մակարդակով Հայաստանը չի զիջում աշխարհի շատ զարգացած երկրների և այլն, և այլն: Բավ է զբաղվել աչքակապությամբ,պարոնայք, գոնե ոլորտից շատ թե քիչ տեղյակ մարդիկ լավ գիտեն, որ այդ հաջողությունների համար մենք պարտական ենք՝ Երևանյան <<Քվանտ>> վարժարանին, Ֆիզմաթ դպրոցին, Գյումրիի <<Ֆոտոն>> և Վանաձորի <<էվրիկա>> վարժարաններին, և մատերի վրա հաշված մի քանի այլ կրթական հաստատությունների՝ որոնց զգալի մասն ի դեպ, մասնավոր է, և խնդիրները լուծում են ինքնաֆինասավորման միջոցով:  Չեմ ժխտում, այսօր որակյալ մասնագետի բացակայության խնդիրն առկա է նաև Երևանում, սակայն ի տարբերություն վերոնշյալի, Երևանում կա ընտրության հնարավորություն, գուցե նաև այլ խոշոր բնակավայրերում նույնպես, սա էլ առաջ է բերում կրկնուսույցի փնտրտուք, տվյալ պայմաններում առկա բացը թերևս միակ ճանապարհը: Մարզային դպրոցների բացերի մասին կարելի է անվերջ խոսել, սկսած ֆինանսավորումից, լաբորատորիաների ու նյութական բազայի բացակայությունից մինչև համակարգի քաղաքականացում,այդ մասին հաջորդիվ... Հ.Գ. Հաջորդ խնդիրը, որի մասին կխոսենք՝ կրկնուսույցի ինստիտուտն է, և վերջին շրջանում դրան խիստ փոխկապակցված ավագ դպրոցը: Նյութի աղբյուր՝ https://www.facebook.com/suren.papikyan.7/posts/1290343884339675 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին