• Արարատ Խանդոյան
  • Հարգելի լրագրողներ և ՀՀ ազատ քաղաքացիներ: Ձեզ է դիմում Արայիկ Խանդոյանի մայրը՝ Ռիմա մայրիկը: Մեր համար առաջին խնդիրը՝ պետք է լինի հնարավորինս բանտերը ազատել քաղ բանտարկյալներից, որովհետև Արցախյան գոյամարտի ժամանակ և ապրիլյան պատերազմի օրերին իմ որդիները պաշտպանելով և ազատագրելով հայրենի հողը միայն մեկ նպատակ են ունեցել՝ ինքնիշխան, ազատ, արդարադատ Հայաստանում ապրելու և արարելու: Հայաստանում չպետք է լինեն քաղ բանտարկյալներ, հենց քաղ բանտարկյալների, գաղութացման և Արցախի հողերի հանձնման լրջագույն խնդիրը մեզ բերեց և կանգնեցրեց հուլիսի 17-ի դեպքերին, մենք դեմ դիմաց առնջվեցինք այն կեղտի հետ, որ 25 տարուց ավել կեղեքում է իմ տղաների երազած Հայաստանը: Իմ կրտսեր որդին՝ Արարատ Խանդոյանը այսօր քաղ բանտարկյալ է, այդպես էլ ոստիկանությունը և դատարանը չի կարողանում ապացուցել իմ որդու մեղավորությունը: Մեր փաստաբանները դիմել են վերաքննիչ դատարան, դատը տեղի կունենա օգոստոսի 10-ի ժամը 15:30 հասցեն՝ Գ. Նժդեհի փողոց , ես անձամբ իմ ընտանիքի անդամների հետ լինելու եմ այնտեղ խնդրում եմ Ձեր ֆիզիկական ներկայությամբ քաջալերեք ինձ և իմ ընտանիքին: Ես հավատում եմ, որ մեր միասնականություն պայքարը բերելու է հաղթանակներ: Նյութի աղբյուր` https://www.facebook.com/ararat.khandoyan/posts/958516294271697 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին