• Մնացական Բիչախչյան
  • Խոսքս վերաբերում է այն չակերտավոր իրավապաշտպաններին, ովքեր պետական մարմնից մի տեղեկանք ստանալու համար դրսում գտնվող մեր հայրենակցից կորզում են կլորիկ գումար: Այո, կորզում են, քանի որ խաբեությամբ և գործը ծանրացնելով գումար աշխատելը համարում եմ կորզել, դեռ ավելին՝ լափել: Նույնիսկ այդ պարագայում գոնե մի դիմեք կեղծիքների: Խարդավանքով լափում եք, բայց մի կեղծեք: Միևնույն է, այդ տեղեկանքը որ ներկայցվում է օտարերկրյա պետության իրավասու մարմին, այնտեղից հարցում է արվում Հայաստան՝ տեղեկանքի իսկության մեջ հավաստիանալու համար:  Եթե անձնագրային ծառայությունը տեղեկանքի մեջ նշում է, որ այսինչ անձը 1989թ-ից հաշվառված է այսինչ հասցում, նույն նախադասության մեջ «հաշվառված» բառից հետո «է» օժանդակ բայի դիմաց անգրագետ ուղեղով «չ» տառ ավելացնելով և կլորիկ գումար լափելով չեք մարսի այդ գումարը, քանի որ արարքին ուշ թե շուտ կտրվի համապատասխան իրավական գնահատական: ԸՆԴՈՒՆԵՔ Ի ԳԻՏՈՒԹՅՈՒՆ, ԳՐԵԹԵ ՅՈՒՐԱՔԱՆՉՅՈՒՐ ՏԵՂԵԿԱՆՔՈՎ ԱՐՎՈՒՄ Է ՍՏՈՒԳՈՂԱԿԱՆ ՀԱՐՑՈՒՄ, ԱՐԴԱՐ ՁԵՎՈՎ ԱՇԽԱՏԵՔ ՁԵՐ ԳՈՒՄԱՐԸ: Նյութի աղբյուր՝ https://www.facebook.com/mnacakan.bichakhchyan/posts/844148902413899 ...

    Կարդալ ավելին
  • ՀՀ ոստիկանության պետի կողմից տրված հանձնարականի համաձայն` քաղաքացիներին մատուցվող ծառայությունների որակը բարձրացնելու, ավելորդ ծախսերից զերծ պահելու համար մարզերում նույնպես հնարավորություն ընձեռնվեց կնքելու 3-րդ աշխատանքային օրը անձնագիր ստանալու պայմանագրեր: Մինչ այդ քաղաքացին զգալի ծախս էր կատարում Գյումրիից, Կապանից և այլ համայնքներից Երևան հասնելու, անձնագիր ստանալու համար 3-րդ աշխատանքային օրը պայմանագիր կնքելու համար, այնուհետև նույն ծախսը կատարելով՝ սահմանված ժամկետը լրանալու դեպքում կրկին գալիս էր Երևան տպագրված անձնագիրը ստանալու համար: Տեղեկացնում ենք, որ յուրաքանչյուր անձնագրային ծառայությունում հնարավոր չէ կնքել վերը նշված ժամկետում անձնագիր ստանալու պայմանագրեր շաբաթվա ընթացքում ընդամենը մեկ օր: Մասնավորապես՝ նշված անձնագրային ծառայությունները շաբաթվա հետևյալ օրերին՝ 1) Երկուշաբթի Վայք (020) Արարատ (025) Արարատ (026) Արտաշատ (027) Գորիս (032) Ջերմուկ (035) Եղեգնաձոր (037) Կապան (041) Մասիս (044) Մեղրի (045) Արմավիր (048) Սիսիան (051) Վաղարշապատ (057) Մեծամոր (060) Քաջարան (061) Բաղրամյան (063) 2) Երեքշաբթի Կոտայք (019) Վարդենիս (031) Գավառ (040) Մարտունի (043) Նոր Հաճն (058) Բյուրեղավան (059) 3) Չորեքշաբթի Դիլիջան (036) Իջևան (038) Ճամբարակ (042) Նաիրի (046) Նեյոմբերյան (047) Հրազդան (049) Սևան (050) Տավուշ (056) Չարենցավան (062) 4) Ուրբաթ Մուշ (016) Տարոն (018) Ամասիա (021) Անի (022) Ապարան (023) Արագած (024) Արթիկ (028) Աշտարակ (029) Ախուրյան (030) Գուգարք (033) Աշոցք (034) Տաշիր (039) Սպիտակ (052) Ստեփանավան (053) Թալին (054) Թումանյան (055) Կումայրի (064) Բազում (066) ...

    Կարդալ ավելին
  • Բազմիցս տեղեկացրել ենք, որ օգոստոսի 12-ից այլևս չեն երկարաձգվելու հին նմուշի անձնագրերի վավերականության ժամկետները: Այս փոփոխությունը բազմաթիվ անձանց մոտ տարբեր ձև է ընկալվել: Շատերն այն ընդունել են որպես անձնագրում օտարերկյա պետությունում վավերականության ժամկետի (հանրության մոտ ընդունված է անվանել ելքի վիզա) նշում կատարելու գործողության վերացում: Մեկ անգամ ևս տեղեկացնում ենք.  Հին նմուշի անձնագիրը տրվում է 10 տարի ժամկետով, որը մեկ անգամ կարող է երկարաձգվել 5 տարով: Երկարաձգման կնիքը ուղղանկյունաձև կնիք է, որը դրվում է անձնագրի համապատասխան էջի ներքևի մասում: Օգոստոսի 12-ից այդ կնիքները չեն դրվելու և անձնագրի վավերականության ժամկետները չեն երկարաձգվելու: Սակայն եթե քաղաքացու անձնագիրը վավերական է և հիմա, և օգոստոսի 12-ից հետո կարող են դիմել անձնագրում օտարերկյա պետությունում վավերականության ժամկետի նշում կատարելու համար, որը կլոր կնիք է (ելքի վիզա): Իսկ այն դեպքում, երբ օգոստոսի 12-ից հետո կլրանա քաղաքացու անձնագրի վավերականության ժամկետը, կարող է դիմել անձնագրի փոխանակման համար, իսկ եթե նաև ցանկանում է ճամփորդել՝ օտարերկյա պետությունում վավերականության նշում կատարելու համար: Նյութի աղբյուր՝ https://www.facebook.com/mnacakan.bichakhchyan/posts/802979836530806 ...

    Կարդալ ավելին
  • ՀԱՐՑ - Մինչև 16 տարեկան երեխայի հին նմուշի անձնագիր տրամադրելու համար արդյոք երեխայի ներկայությունը պահանջվում է անձնագրային ծառայությունում: ՊԱՏԱՍԽԱՆ - Մինչև 16 տարեկան երեխայի հին նմուշի անձնագիր ստանալու համար դիմում է նրա ծնողներից մեկը կամ այլ օրինական ներկայացուցիչը (խնամակալ, հոգաբարձու) կամ, ՀՀ օրենսդրությունում կատարված փոփոխության համաձայն, վերը նշված անձանց փոխարեն նրանց կողմից լիազորված անձը (լիազորագիրը պետք է հաստատված լինի նոտարական կարգով): Երեխայի ներկայությունը անձնագրային ծառայությունում չի պահանջվում և անձնագիր ստանալու դիմումը ենթակա է բավարարման` անկախ այն հանգամանքից, դիմելու պահին երեխան գտնվում է ՀՀ-ում, թե ոչ: Դիմումատուի հետ միաժամանակ երեխայի ներկայությունը անձնագրային ծառայությունում պահանջելը աշխատակցի համար կառաջացնի ՀՀ օրենսդրությամբ սահմանված պատասխանատվություն: Ի տարբերություն հին նմուշի անձնագրի` բիոմետրիկ անձնագիր ստանալիս երեխայի ներկայությունը պահանջվում է անձնագրային ծառայությունում, որպեսզի տեղում իրականացվի լուսանկարահանումը՝ անձնագրային ծառայությունում առկա սարքավորման միջոցով, իսկ 6 տարեկանից բարձր լինելու դեպքում վերցվի մատնադրոշմները: Նյութի աղբյուր՝ https://www.facebook.com/mnacakan.bichakhchyan/posts/799239526904837 ...

    Կարդալ ավելին
  • ԻՐԱԶԵԿՈՒՄ Ինչպես իրազեկել էինք այսուհետ մարզերում տեղակայված անձնագրային ծառայություններում դիմելիս քաղաքացու ցանկության դեպքում հնարավոր է կնքել նաև 3-րդ աշխատանքային օրը սեղմ ժամկետում անձնագիր ստանալու պայմանագրեր, բացառությամբ հետևյալ դեպքերի:  Նշված անձնագրային ծառայությունները չեն կարող կնքել 3-րդ աշխատանքային օրը անձնագիր ստանալու պայմանագրեր շաբաթվա հետևյալ օրերին՝ 1) Երկուշաբթի Վայք (020) Արարատ (025) Արարատ (026) Արտաշատ (027) Գորիս (032) Ջերմուկ (035) Եղեգնաձոր (037) Կապան (041) Մասիս (044) Մեղրի (045) Արմավիր (048) Սիսիան (051) Վաղարշապատ (057) Մեծամոր (060) Քաջարան (061) Բաղրամյան (063) 2) Երեքշաբթի Կոտայք (019) Վարդենիս (031) Գավառ (040) Մարտունի (043) Նոր Հաճն (058) Բյուրեղավան (059) 3) Չորեքշաբթի Դիլիջան (036) Իջևան (038) Ճամբարակ (042) Նաիրի (046) Նեյոմբերյան (047) Հրազդան (049) Սևան (050) Տավուշ (056) Չարենցավան (062) 4) Ուրբաթ Մուշ (016) Տարոն (018) Ամասիա (021) Անի (022) Ապարան (023) Արագած (024) Արթիկ (028) Աշտարակ (029) Ախուրյան (030) Գուգարք (033) Աշոցք (034) Տաշիր (039) Սպիտակ (052) Ստեփանավան (053) Թալին (054) Թումանյան (055) Կումայրի (064) Բազում (066) Նյութի աղբյուր՝ https://www.facebook.com/mnacakan.bichakhchyan/posts/795470373948419 ...

    Կարդալ ավելին
  • Մինչ այժմ անձնագիրը առավել սեղմ ժամկետում՝ երրորդ աշխատանքային օրը լրացուցիչ վճարի դիմաց ստանալու համար քաղաքացին կարող էր դիմել միայն Երևան քաղաքի անձնագրային ծառայություներ: Այժմ այդ հարցով կարելի է դիմել նաև մարզերում տեղակայված անձնագրային ծառայություններ, որը զերծ է պահում Երևան հասնելու նպատակով լրացուցիչ ծախս կատարելուց: Մարզերում տեղակայված անձնագրային ծառայություններում կան կոնկրետ օրեր, որ հնարավոր չէ կնքել եռօրյա պայմանագիր: Այդ օրերի համար կարող եք տեղեկանալ անձնագրային ծառայություններից: --------------------------------------------- Երրորդ աշխատանքային օրը անձնագիր ստանալու համար լրացուցիչ վճարը կազմում է 10.000 դրամ, իսկ կորստյան հիմքով նշված ժամկետում ստանալու դեպքում՝ 50.000 դրամ: Նյութի աղբյուր՝ https://www.facebook.com/mnacakan.bichakhchyan/posts/793067054188751 ...

    Կարդալ ավելին
  • Հաշվի առնելով այն հանգամանքը, որ ամառվա ամիսներին ակտիվանում է հանգստի մեկնող ՀՀ քաղաքացիների քանակը և հիմնականում երկրից մեկնում են երեխաների հետ, ուստի անհրաժեշտ է իմանալ, որ մինչև 16 տարեկան երեխաներին տրված անձնագրերի վավերականության ժամկետները չեն երկարաձգվում:  Հետևաբար, ճամփորդել ցանկացողները իրենց ուղևորությունը պլանավորելիս պետք է հաշվի առնեն նաև նշված հանգամանքը և նախօրոք դիմեն անձնագրերի փոխանակման համար: Նյութի աղբյուր՝ https://www.facebook.com/mnacakan.bichakhchyan/posts/784289708399819 ...

    Կարդալ ավելին
  • Եթե քաղաքացին որպես պարտապան գտնվում է հետախուզման մեջ ԴԱՀԿ ծառայության կողմից, նշված հանգամանքը չի կարող արգելք հանդիսանալ անձնագիր ստանալու կամ փոխանակելու, ինչպես նաև օտարերկրյա պետություններում անձնագրի վավերականության ժամկետի մասին նշում կատարելու համար (պրակտիկայում ընդունված է անվանել ելքի թույլտվություն): Նշված հանգամանքը չի կարող նաև ազդել ՀՀ օրենսդրությամբ սահմանված պետական տուրքի վճարումների վրա: Այսինքն, եթե քաղաքացին որպես պարտապան գտնվում է հետախուզման մեջ, անձնագրային գործուղությունների համար վճարումները գանձվում են ընդհանուր հիմունքներով: Նյութի աղբյուր՝ https://www.facebook.com/mnacakan.bichakhchyan/posts/783080028520787 ...

    Կարդալ ավելին
  • Իրենց լուրջ քաղաքական գործիչներ հռչակած և պետության կայունության հարցում անհանգստություն ցուցաբերող որոշ անձինք, որ առիթ են փնտրում ոստիկանությանը ամեն ինչում մեղադրելու, բա ինչի՞ համար այդպիսի ջանասիրությամբ չեք քննադատում պետականությունը խարխլող արարքը՝ պետական կարևոր նշանակություն ունեցող օբյեկտի զավթումը, սեփական ազգի զավակի սպանությունը, սեփական ազգի մանուկին որբացնելը: Ինչի՞ համար կոչ չեք անում, որ դատավարությունը չվերածեն կրկեսի, որ, բերանները մինչև ականջները բացած, տեսնում եք հանցագործին, ինչի՞ համար չեք դատապարտում:  Պետական կայունության նշանակություն ունեցող հարցերում եղեք սկզբունքային, այլ ոչ ինչ-որ ուժերի դուր գալու համար ասեք անհասկանալի բաներ: Մի մոռացեք, որ ձեր հետևից սերունդ է մեծանում: Նյութի աղբյուր՝ https://www.facebook.com/mnacakan.bichakhchyan/posts/781978901964233 ...

    Կարդալ ավելին
  • ՀԻՇԱՏԱԿԴ ՎԱՌ ՄՆԱ ՀԱՐԳԱՐԺԱՆ ԳՆԴԱՊԵՏ Երգը նվիրվում է գնդապետ՝ Արթուր Վանոյանի հիշատակին: Նյութի աղբյուր՝ https://www.facebook.com/mnacakan.bichakhchyan/posts/781781261983997 ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին