Գովազդի համար զանգահարել 099 999 409
  • Մնացական Բիչախչյան
  • ՈՉ ՄԻ ԱՀԱԶԱՆԳ, ՆԱՄԱԿ ԿԱՄ ԴԻՄՈՒՄ ԱՆՊԱՏԱՍԽԱՆ ՉԻ ՄՆԱ Ընտրողների ցուցակների ճշգրտման ժամանակ անճշտություններ հայտնաբերելիս կարող եք դիմել նաև իմ ֆեյսբուքյան էջին:  Նախնական ցուցակների հրապարակումից հետո ՀՀ ընտրական օրենսգրքով սահմանված ժամկետը լավ հնարավորություն է ճշգրտման արդյունքում ուղղել նաև տեխնիկական սխալները, եթե այդպիսիք հայտնաբերվեն: Հիշեցնեմ նաև, որ ընտրացուցակների ճշգրտման, անճշտությունների վերաբերյալ հաղորդումներ ընդունելու նպատակով 2017 թվականի փետրվարի 21-ից ՀՀ ոստիկանության անձնագրային և վիզաների վարչությունում գործում է «Թեժ գիծ» ծառայություն` 011-37-02-36 հեռախոսահամարով: Նյութի աղբյուր` https://www.facebook.com/mnacakan.bichakhchyan/posts/715374978624626 ...

    Կարդալ ավելին
  • Համացանցում տարածվել է տեղեկատվություն, համաձայն որի համայնքային ոստիկանները շրջում են տներով և ճշգրտում, թե բնակարանում քանի հոգի կա գրանցված:  Ըստ տեղեկատվության նման ահազանգեր ստացվել են տարբեր համայքներից:  Տեղեկացնում ենք, որ անհանգստանալու կարիք չկա:  Ընտրողների ռեգիստրը վարող լիազոր մարմինը ոստիկանությունն է: Հենց ոստիկանությունն է պատասխանատու ընտրողների ցուցակներում առկա անճշտությունների համար: Վերջին տարիներին բնակչության պետական ռեգիստրում առկա տվյալների և ընտրողների տեգիստրի ստուգման և ճշգրտման աշխատանքներն իրականավվում են երկու փուլով. նախնական ցուցակները հրապարակելուց առաջ և հետո:  Հետևողական և դժվարին աշխատանքի շնորհիվ վերջին ընտրություններին ընտրողների վերջնական ցուցակներում չի գտնվել ոչ մի անճշտություն, իսկ հանրաքվեի ժամանակ ճշգրտման արդյունքում հայտնաբերվել է 5.000 մահացած անձանց տվյալներ, որոնք չեն ներառվել ընտրողների ցուցակներում:  Ներկայումս նույնպես հայտնաբերվել են մահացած անձանց տվյալներ, որոնք չեն լինի նախնական ցուցակներում:  Աշխատանքների ավարտից հետո ոստիկանությունը կտրամադրի ամփոփ տեղեկատվություն: Հանրությանը կոչ ենք անում աջակցել ոստիկանությանը: Նյութի աղբյուր` https://www.facebook.com/mnacakan.bichakhchyan/posts/709702862525171 ...

    Կարդալ ավելին
  • Լրատվական կայքերից մեկում տարածվել է տեղեկատվություն, թե իբր Մասիսի գյուղերից մարդիկ են տեղափոխում Քանաքեռ-Զեյթուն վարչական տարածքի անձնագրային բաժին, ենթադրաբար կրկնակի քվեարկության միտումով: Բազմիցս պարզաբանել ենք, որ ՀՀ ընտրական օրենսգրքի համաձայն յուրաքանչյուր ընտրության դեպքում ընտրողը կարող է ընդգրկվել ընտրողների միայն մեկ ցուցակում և միայն մեկ անգամ: Հաշվի առնելով այն, որ ընտրողների ռեգիստրը ձևավորում է բնակչության պետական ռեգիստրի տվյալների հիման վրա, և այն, որ անձը բնակչության պետական ռեգիստրում կարող է հաշվառվել միայն մեկ հասցեով, ուղղակիորեն բացառվում է, որպեսզի ընտրողի տվյալը առկա լինի մեկ այլ ցուցակում: Ավելին, ՀՀ ընտրական օրենսգրքով սահմանված ժամկետում ընտրողների նախնական և վերջնական ցուցակները փակցվում են ընտրական տեղամասերում: Հանրային վերահսկությունը բարձրացնելու նպատակով դրանք՝ լրացուցիչ ցուցակների հետ միասին ըստ տեղամասերի ներբեռնելու հնարավորությամբ տեղադրվում են ՀՀ ոստիկանության պաշտոնական կայքում:  Ընտրողների ռեգիստրը որոնման հնարավորությամբ հասանելի է նաև Կենտրոնական ընտրական հանձնաժողովի համացանցային կայքում:  Արդեն մի քանի ընտրական գործընթացի շրջանակում ոստիկանության կողմից առանձին հրապարակվել է այն անձանց ցուցակը, որոնց բոլոր անհատական տվյալները նույնն են (անուն, ազգանուն, հայրանուն, ծննդյան օր, ամիս, տարեթիվ), սակայն դրանք տարբեր մարդիկ են: Այս ամենի հետ մեկտեղ անհրաժեշտ է նշել, որ նախնական ցուցակները հրապարակվելուց հետո ըստ գտնվելու վայրի ընտրողների ցուցակում ընդգրվելու դիմում ներկայացնելու դեպքում անձի տվյալները հանվում են հիմնական ցուցակից և ներառվում լրացուցիչ ցուցակ: Այդ գործընթացը նույնպես վերահսկելի է, քանի որ բոլոր ցուցակները հնարավոր է կայքից ներբեռնել և ծրագրային եղանակով համեմատել:  Կոչ ենք անում ենթադրություններ անելու փոխարեն սպասել ընտրողների նախնական ցուցակների հրապարակմանը: Նյութի աղբյուր` https://www.facebook.com/mnacakan.bichakhchyan/posts/701780636650727 ...

    Կարդալ ավելին
  • ՄԻ ՔԱՆԻ ՕՐԻՑ ՈՒԺԻ ՄԵՋ Է ՄՏՆԵԼՈՒ ՆԱԵՎ ՄԵԿ ԱՅԼ ՓՈՓՈԽՈՒԹՅՈՒՆ, ՈՐԸ ՎԵՐԱԲԵՐՈՒՄ Է ՄԻՆՉԵՎ 16 ՏԱՐԵԿԱՆ ԵՐԵԽԱՆԵՐԻ ՀԻՆ ՆՄՈՒՇԻ ԱՆՁՆԱԳՐԻ ՎԱՎԵՐԱԿԱՆՈՒԹՅԱՆ ԺԱՄԿԵՏԻՆ Հին նմուշի անձնագիրը (առանց բիոմետրիկ տվյալների) մինչև 6 տարեկան երեխաներին տրամադրվելու է 3 տարի վավերականության ժամկետով, իսկ 6 տարեկանից մինչև 16 տարին լրացած քաղաքացիներին` 5 տարի վավերականության ժամկետով, բայց ոչ ավել քան 18 տարին լրանալը:  Ներկայումս մինչև 16 տարեկան երեխաներին հին նմուշի անձնագիրը տրամադրվում է 3 տարի ժամկետով:  Հիշեցնենք, որ նմանատիպ փոփոխություններ կատարվեցին նաև բիոմետրիկ անձնագրեր տրամադրելու ոլորտում: Նյութի աղբյուր՝ https://www.facebook.com/mnacakan.bichakhchyan/posts/696170770545047 ...

    Կարդալ ավելին
  • ՀՀ ընտրական օրենսգրքի 9-րդ հոդվածի համաձայն՝ ՀՀ ոստիկանությունը տարին 2 անգամ՝ հունիսին և նոյեմբերին (առաջին մեկ շաբաթվա ընթացքում) ՀՀ ընտրողների ռեգիստրը` ըստ համայնքների էլեկտրոնային տարբերակով ներկայացնում է Կենտրոնական ընտրական հանձնաժողով՝ հանձնաժողովի համացանցային կայքում որոնման հնարավորությամբ տեղադրելու համար: Վերջին անջամ ՀՀ ոստիկանությունը ընտրողների ռեգիստրի էլեկտրոնային տարբերակը ՀՀ կենտրոնական ընտրական հանձնաժողովին տրամադրել է 2016 թվականի նոյեմբեր ամսին, որը և տեղադրվել է www.elections.am կայքում:  Թեև 2017 թվականի ապրիլի 2-ին կայանալիք ՀՀ Ազգային ժողովի ընտրություններին մասնակցող անձանց նախնական ցուցակների հրապարակմանը բավականին ժամանակ կա, այնուամեայնիվ առաջարկում ենք մուտք գործել www.elections.am կայք և որոնման հնարավորությամբ ստուգել՝ -- արդյոք Ձեր տվյալներն առկա են ընտրողների ռեգիստրում, թե ոչ, -- բնակելի տարածությունը ձեռքբերելուց հետո նախկին սեփականատերերը կամ բնակիչները հաշվառվել են արդյոք այլ հասցեով (այսինքն, համոզվել Ձեր հասցեում նրանց տվյալները կան, թե ոչ), -- եթե ունեք տեղեկություն այնպիսի անձանց մահվան վերաբերյալ, որ մահը վրա է հասել օտարերկյա պետությունում, ստուգել նրանց տվյալներն առկա են ռեգիստրում, թե ոչ, -- ընտրողների ռեգիստրում Ձեր կամ Ձեզ հետաքրքրող անձանց հասցեները ճիշտ են, թե ոչ:  Եթե կպարզվի, որ բնակարանը ձեռքբերելուց հետո նախկին բնակիչները դեռ մնացել են հաշվառման մեջ, բնակելի տարածության սեփականատերը կարող է դիմել տարածքային անձնագրային ծառայություն նրանց հաշվառումից հանելու համար՝ ներկայացնելով անձը հավաստող փաստաթուղթ և սեփականության իրավունքի վկայական: Եթե ընտրողների ռեգիստրում կհայտնաբերվեն մահացած անձանց տվյալներ, կարող եք դիմել տարածքային անձնագրային ծառայություն կամ իմ ֆեյսբուքյան էջին: ԾԱՆՈԹՈՒԹՅՈՒՆ 1.www.elections.am կայքում անձի անհատական տվյալները մուտքագրելուց հետո, եթե դրանք առկա են ընտրողների ռեգիստրում, համապատասխան հասցեի պատուհան մուտք գործելիս կարող եք ծանոթանալ նաև այդ հասցեում մյուս ընտրողների տվյալներին:  2.Հաշվի առնելով այն, որ տվյալները տրամադրվել են նոյեմբերի սկզբին, հետևաբար դրանից հետո փոփոխությունները ներառված չեն www.elections.am կայքում:  Առկա չեն նաև այն անձանց տվյալները, ում 18 տարին էլեկտրոնային ցուցակները տրամադրելու դրությամբ դեռ լրացած չի եղել կամ բնակչության պետական ռեգիստրում ՀՀ բնակության վայրով հաշվառում չեն ունեցել: Նյութի աղբյուր՝ https://www.facebook.com/photo.php?fbid=692005270961597 ...

    Կարդալ ավելին
  • ՊԱՐԶԱԲԱՆՈՒՄ ԺԱՌԱՆԳՈՒԹՅԱՆ ԸՆԴՈՒՆԵԼՈՒ ԴԵՊՔՈՒՄ ՀԱՇՎԱՌՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԻ ՎԵՐԱԲԵՐՅԱԼ Ֆեյսբուքյան օգտատերերից մեկի խնդրանքով խոստացել էի պարզաբանումներ տարածելիս բերել նաև պրակտիկայից որևէ դեպք, նյութը հանրության ավելի լայն զանգածի համար լսելի լինելու համար: Էրեբունու անձնագրային ծառայություն է դիմել Սարի թաղի բնակիչներից մեկը, որպես սեփականատեր սեփականության իրավունքով իրեն պատկանող բնակելի տարածությունից անձանց հաշվառումից հանելու համար:  Անշարժ գույքի կադաստրի պետական կոմիտե հարցում կատարելիս պարզվել է, որ տվյալ հասցեի տակ կա նաև այլ գույքային միավոր, որը ժառանգություն ընդունելու հիմքով գույքագրված է այլ անձի անունով, բայց սեփականության իրավունքը գրանցված չէ: Տվյալ դեպքում թեև հաշվառումից հանելու դիմում է ներկայացրել այն անձը, ում սեփականութկան իրավունքը գրանցված է, այնուամենայնիվ նրա դիմումը մերժվել է, քանի որ նույն հասցեի տակ կա այլ գույքային միավոր, որի ժառանգությունը ընդունվել է այլ անձի կողմից: Ժառանգության ընդունված լինելու փաստը այն մասնավոր դեպքն է, որ նույնիսկ օրենքով սահմանված կարգով իրավունքը գրանցված չլինելու դեպքում անձը հանդես է գալիս որպես սեփականատեր: Նշվածը հիմնավորվում է ՀՀ քաղաքացիական օրենսգրքի 1225-րդ հոդվածի 5-րդ մասի պահանջով, համաձայն որի ընդունված ժառանգությունը ժառանգության բացման ժամանակից համարվում է ժառանգին պատկանող, անկախ այդ գույքի նկատմամբ ժառանգի իրավունքի պետական գրանցումից, եթե նման իրավունքը ենթակա է գրանցման: Քաղաքացուն առաջարկվել է դիմել տեղական ինքնակառավարման մարմնին գույքային միավորների հասցեները առանձնացնելու համար: Նյութի աղբյուր՝ https://www.facebook.com/mnacakan.bichakhchyan/posts/664916380337153 ...

    Կարդալ ավելին
  • ՀՀ ոստիկանությունը բազմիցս տեղեկացրել է, որ հին նմուշի անձնագրի վավերականության ժամկետը մեկ անգամ կարող է երկարաձգվել 5 տարի ժամկետով, բայց ոչ ավել քան տրման օրվանից մինչև 15 տարին լրանալը: Ի տարբերություն անձնագրում օտարերկյա պետությունում վավերականության նշում կատարելու գործողությանը (պրակտիկայում կիրառում են ելքի վիզա տերմինը), անձնագրի վավերականության ժամկետի երկարաձգման դեպքում զինվորական գրքույկ կամ զինհաշվառումը հավաստող փաստաթուղթ չի պահանջվում:Բացի այդ կա ևս մեկ տարբերություն: Անձնագրային ծառայություններ դիմելիս անձնագրի վավերականության ժամկետը երկարաձգելու համար պետական տուրք չի գանձվում, իսկ օտարերկյա պետությունում վավերականության նշում կատարելու համար մեկ տարվա դիմաց գանձվում է 1.000 դրամ: Նյութի աղբյուր՝ https://www.facebook.com/mnacakan.bichakhchyan/posts/663160440512747 ...

    Կարդալ ավելին
  • ԱՆՁՆԱԳՐԱՅԻՆ ԵՎ ՎԻԶԱՆԵՐԻ ՎԱՐՉՈՒԹՅԱՆ, ԻՆՉՊԵՍ ՆԱԵՎ ԱՆՁՆԱԳՐԱՅԻՆ ՍՏՈՐԱԲԱԺԱՆՈՒՄՆԵՐԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐ, ՈՐՈՆՑ ՀԱՄԱՐ ՊԵՏԱԿԱՆ ՏՈՒՐՔ ՉԻ ԳԱՆՁՎՈՒՄ Անձնագրային և վիզաների վարչության, ինչպես նաև տարածքային անձնագրային ծառայությունների կողմից ծառայություններ մատուցելիս պետական տուրք չի գանձվում 1) հին նմուշի անձնագրի վավերականության ժամկետը երկարաձգելիս 2) հանրային ծառայությունների համարանիշ տրամադրելիս 3) 16 տարին չլրացած երեխաներին, իչպես նաև փախստական ճանաչված անձանց հաշվառելիս 4) 16 տարին չլրացած երեխայի հաշվառման հասցեի վերաբերյալ տեղեկանք տրամադրելիս 5) պետական կամ տեղական ինքնակառավարման մարմինների պահանջով հաշվառման հասցեի վերաբերյալ տեղեկանք տրամադրելիս 6) անձնագրային տվյալների վերաբերյալ տեղեկանք տրամադրելիս 7) հին նմուշի անձնագիրը 16 տարեկանը լրանալուց հետո 1-ին անգամ տրամադրելիս 8) հին նմուշի անձնագիրը աղքատության ընտանեկան նպաստ ստացող ընտանիքի անդամին տրամադրելիս 9) նույնականացման քարտը աղքատության ընտանեկան նպաստ ստացող ընտանիքի անդամին տրամադրելիս 10) նույնականացման քարտն առաջին անգամ տրամադրելիս, եթե 16 տարին լրանալուց հետո անձը չի ստացել ՀՀ քաղաքացու անձնագիր 11)հաշվառման հասցեի վերաբերյալ տեղեկանք տրամադրելիս, երբ ա) դիմողը միայնակ կենսաթոշակառու է բ) դիմողը առաջին և երկրորդ խմբի հաշմանդամ է. գ) դիմողը ընտանիքների անապահովության գնահատման համակարգում հաշվառվող անձ է 12) քաղաքացիության վերաբերյալ տեղեկանք տրամադրելիս 13) ՀՀ քաղաքացիությունը դադարեցնելու վերաբերյալ տեղեկանք տրամադրելիս 14) փախստականի կոնվենցիոն ճամփորդական փաստաթուղթ տրամադրելիս, 15) «Պետական տուրքի մասին» ՀՀ օրենքի 26-րդ հոդվածով նախատեսված դեպքերում օտարերկրյա քաղաքացիների կացության կարգավիճակը հավաստող փաստաթուղթ, ինչպես նաև ՀՀ մուտքի արտոնագիր տրամադրելիս: Նյութի աղբյուր՝ https://www.facebook.com/mnacakan.bichakhchyan/posts/653948958100562 ...

    Կարդալ ավելին
  • ՍՅՈՒԶԱՆ ՋԱՂԻՆՅԱՆԻ ՀԱՅՏԱՐԱՐՈՒԹՅԱՆ ՎԵՐԱԲԵՐՅԱԼ Սյուզան Ջաղինյանը իշխանություններին մեղադրում է տարիներ շարունակ տևած անարդարություններով՝ իր հետ տեղի ունեցածն անվանելով մղձավանջ, քանի որ անձնագրային բաժանմունքից պարզել է, որ ինքը մահացած է՝ մահացած լինելն ու ապրելը համարելով օրինաչափ: Մինչ իշխանությանը մեղադրելը անհրաժեշտ էր ամեն ինչ սկսել ներսից, սեփական տնից: 2011թ. մարտի 22-ին անձնագրային և վիզաների վարչությունում ստացվել է Վոլոդյա Ջաղինյանի դիմումը՝ դատարանի վճռով մահացած ճանաչված դստերը հաշվառումից հանելու գործում աջակցություն ցուցաբերելու նպատակով: ՀՀ կառավարության 2005 թվականի հուլսի 14-ի թիվ 1231-Ն որոշմամբ հաստատված կարգի 22-րդ կետի համաձայն անձի անհատական տվյալներն արխիվացվում են դատարանի որոշմամբ մահացած ճանաչելու դեպքում: Հիմք ընդունելով Վ.Ջաղինյանի կողմից ներկայացրած դատարանի վճիռը՝ Ս.Ջաղինյանին մահացած ճանաչելու վերաբերյալ, վերջինս հանվել է բնակչության պետական ռեգիստրի հաշվառումից: Ընդ որում մինչ մահացած ճանաչելու վերաբերյալ վճիռը, գործընթացն անցել է սահմանված ընթացակարգով՝ առկա է եղել նաև գործ անհայտ բացակայող ճանաչելու մասով և համապատասխան վճիռ: Մեկնաբանությունները թողնենք հանրությանը: Նյութի աղբյուր՝ https://www.facebook.com/mnacakan.bichakhchyan/posts/653268574835267 ...

    Կարդալ ավելին
  • ԻՐԱԶԵԿՈՒՄ ՀԱՇՎԱՌՄԱՆ ԵՎ ՀԱՇՎԱՌՈԻՄԻՑ ՀԱՆԵԼՈՒ ԸՆԹԱՑԱԿԱՐԳԵՐԻ ԵՎ ԱՌԱՆՁՆԱՀԱՏԿՈՒԹՅՈՒՆՆԵՐԻ ՎԵՐԱԲԵՐՅԱԼ Բնակչության պետական ռեգիստրում բնակչին ըստ բնակության վայրի հաշվառելու համար գոյություն ունի 3 փաստական հիմքեր, որոնցից մեկի առկայությունը բավարար է, որպեսզի բավարարվի անձի դիմումը: 1.Հաշվառվող անձը բնակելի տարածության սեփականատերն է կամ այն անձը, ում օգտագործման իրավունքը գրանցված է օրենսդրությամբ սահմանված կարգով: Ներկայացվում է սեփականության կամ օգտագործման իրավունքի վկայական կամ օրդեր: 2. Հաշվառվող անձը չի կարող ներկայացնել սեփականության կամ օգտագործման իրավունքի վկայական կամ օրդեր, սակայն բնակելի տարածության սեփականատերը (եթե մի քանիսն են՝ սեփականատերերը) ներկայցնում են գրավոր համաձայնություն, անձին սեփականության իրավունքով իրենց պատկանող բնակարանում հաշվառվելու համար: 3.Անձը բնակելի տարածության նկատմամբ չունի սեփականության կամ օգտագործման իրավունք, չի կարող ապահովել սեփականատերերի գրավոր համաձայնություն, սակայն բնակվում է նշված հասցեում: Տվյալ դեպքում հաշվառման դիմում ներկայացնելուց հետո բնակության փաստը ստուգվում է ոստիկանության կողմից: Եթե ստացվում է դրական պատասխան, անձի պահանջը բավարարվում է: _____________________ ԱՆՀՐԱԺԵՇՏ Է ԻՄԱՆԱԼ ՆԱԵՎ ՀԵՏԵՎՅԱԼ ԱՌԱՆՁՆԱՀԱՏԿՈՒԹՅՈՒՆՆԵՐԸ 1.Եթե տվյալ բնակելի տարածության սեփականատերերը մի քանիսն են և ցանկանում է հաշվառվել նրանցից յուրաքանչյուրը, մյուսների համաձայնությունը չի պահանջվում: 2. Եթե հաշվառվող անձը տվյալ բնակելի տարածության սեփականատերը չէ և ցանկանում է հաշվառվել սեփականատիրոջ համաձայնության եղանակով, իսկ սեփականատերերը մի քանիսն են, բոլորի գրավոր համաձայնությունը պարտադիր է: 3. Եթե տվյալ բնակելի տարածության նկատմամբ գրանցված է անձի օգտագործման իրավունքը և կան նաև սեփակնատերեր, ապա օգտագործման իրավունք ունեցող անձի հաշվառման համար սեփականատերերի համաձայնությունը չի պահանջվում: 4.Սեփականատերերի համաձայնության եղանակով հաշվառման դեպքում համաձայնությունը տրվում է գրավոր և տեղում: Եթե սեփականատերը չի կարող ներկայանալ անձնագրային ծառայություն, նրա գրավոր համաձայնությունը պետք է վավերացված լինի նոտարական կարգով: Ցանկացած դեպքում համաձայնության մեջ պետք է նշվի հաշվառվող անձի կամ անձանց տվյալները: Ընդհանրական համաձայնությունը չի ընդունվում (օրինակ, եթե նշված է ,,համաձայն եմ հաշվառել ցանկացած անձի,,): 5.Բնակելի տարածության նկատմամբ օգտագործման իրավունք ունեցող անձը իրավասու չէ այլ անձանց հանելու հաշվառումից: 6. Եթե սեփականատիրոջ համաձայնության եղանակով հաշվառվելիս բոլոր սեփականատերերի գրավոր համաձայնությունը պարտադիր է, ապա հաշվառումից հանելու դեպքում մեկ սեփականատիրոջ դիմումը բավարար է, մյուսների համաձայնությունը չի պահանջվում: 7. Եթե բնակելի տարածության նկատմամբ գրանցված է անձի օգտագործման իրավունք, սեփականատերը իրավասու չէ նրան հանելու հաշվառումից: Նյութի աղբյուր՝ https://www.facebook.com/mnacakan.bichakhchyan/posts/648830611945730 ...

    Կարդալ ավելին

ՖԲՀ

Քաղաքականություն