• Գագիկ Համբարյան
  • Հոկտեմբերի 28-ին Վրաստանում սպասվող նախագահական ընտրությունները մեծ հետաքրքրություն են առաջացրել նրա հարևաննների մոտ։ Վրաստանի նախագահի ընտրությունները հատկապես մեծ իրարանցում են առաջացրել Ադրբեջանում, որտեղ համարում են, որ Վրաստանն ընդամենը Ադրբեջանին կից ինչ-որ միավոր է և բավական հիստերիկ և ջղաձգված մեկնաբանում են նախագահի այն թեկնածուների քարոզարշավները, որոնց ծրագրերը հակասում են թուրք-ադրբեջանական շահերին։  Այսպես՝ Վրաստանի գործող իշխանությունների կողմից հովանավորվող նախագահի թեկնածու, Վրաստանի նախկին ԱԳՆ նախարար Սալոմե Զուրաբիշվիլիի նախընտրական քարոզարշավը՝ Սամցխե-Ջավախքում, մեծ հիստերիա է առաջացրել Բաքվում։ Ալիևյան կայքերը և Ալիևների ձեռքերից սնվող ծախու լրագրողները և վերլուծաբանները, տարրական էթիկան խախտելով, բացահայտ միջամտում են Վրաստանի ներքին գործերին և սպառնում վրացիներին, որ եթե վերջիններս համարձակվեն նախագահ ընտրել մեկին, ով դեմ է թուրք-ադրբեջանական տանդեմի շահերին Վրաստանում, ապա վրացիների համար վատ է լինելու։  Ազերիների «հակազուրաբիշվիլիյան» քարոզչությունը սկսվեց այն բանից հետո, երբ Ջավախքում ունեցած երկու հանդիպումների ժամանակ Զուրաբիշվիլին խիստ քննադատության ենթարկեց Վրաստանի նախկին նախագահ, թրքասեր Միխայիլ Սաակաշվիլիին, ով, ըստ Զուրաբիշվիլիի, Վրաստանի քաղաքացիություն տրամադրելով հարևան թուրքերին, անտեսել է տեղացի հայերի իրավունքները, ինչպես նաև անիմաստ կերպով Վրաստանի քաղաքացիություն է տրամադրել Թուրքիայի քաղաքացիներին, որոնք որևէ կապ չեն ունեցել Վրաստանի հետ։ Զուրաբիշվիլիի այս հայտարարությունն ալիևյան կայքերից մեկը որակել է որպես «ճակատագրական սխալ, որը թեկնածուն թույլ է տվել ռազմավարական գործընկերոջ հանդեպ»։  Ազերիները մեղադրում են Զուրաբիշվիլիին, որ վերջինս մոռացել է հայերի անջատողական նկրտումների մասին, ինչի վերաբերյալ որևէ ապացույց չեն ներկայացնում։ Սակայն զարմանալին այն է, որ նույն քոչվոր ադրբեջանցիները մոռանում են, թե ինչպես են իրենց դպրոցական գրքերում Թբիլիսին ներկայացնում որպես ադրբեջանական հնագույն քաղաք, որը գրավվել է գյաուր վրացիների կողմից, ինչպես են վրացական Դավիթ Գարեջիի վանքը հռչակում որպես ադրբեջանցիների պատմական հուշարձան, ինչպես են վրացական և ադրբեջանական ֆուտբոլային թիմերի հանդիպումների ժամանակ հակավրացական կոչերով հանդես գալիս, ինչպես են ազերի պատմաբանները սեփականաշնորհում Վրաստանի տարածքները՝ Քվեմո-Քարթլիի տարածաշրջանն անվանելով Բորչալու, և այլ հակավրացական քայլեր։  Զուրաբիշվիլիին կարգի հրավիրելու համար Իլհամ բաբայի մանկլավիկ լրագրողներից մեկը խորհուրդ է տալիս ադրբեջանական իշխանություններին Բաքու հրավիրել և ճոխ հովանավորել Զուրաբիշվիլիին հովանավորող և Վրաստանում իշխող «Վրացական երազանք» կուսակցության թիվ մեկ թշնամի Վրաստանի նախկին նախագահ Սաակաշվիլիին, ով պետք է, ըստ ազերիների, պատուհաս դառնա Թբիլիսիում իշխող վարչակարգի համար։  Բաքուն նաև բացահայտ սպառնում է Թբիլիսիին, եթե վերջինս դյուրին դարձնի Վրաստանում երկքաղաքացիության ընդունման հարցը։ Ալիևները դա դիտում են որպես, չզարմանաք, սպառնալիք Ադրբեջանին, քանի որ 2011 թ․-ից հետո Վրաստանի քաղաքացիությունից հրաժարված հարյուրհազարավոր վրացահայեր կվերականգնեն իրենց քաղաքացիությունը։ Բաքվի այս դիրքորոշումը պատահական չէ։ Ջավախահայերը Բաքվի և Անկարայի համար այն մեծ խոչընդոտն են, որոնք խանգարում են Վրաստանում իրականացնել Ալիևի և Էրդողանի պանթյուրքիստական և պանիսլամական ծրագրերը։ Այդ ծրագրի երեք կարևորագույն բաղադրիչներն իրականացվել են՝ Բաքու-Թբիլիսի-Ջեյհան նավթամուղը, Բաքու-Թբիլիսի-Էրզրում գազամուղը և Բաքու-Թբիլիսի-Կարս երկաթուղին։ Սակայն խնդիրն այն է, որ տարածաշրջանի համար կարևոր այս երեք ենթակառուցվածքային «արտերիաներն» անցնում են քրիստոնեաբնակ՝ հայաբնակ Սամցխե-Ջավախքով, որը սեպի նման մխրճված է վրացի մահմեդականներով բնակեցված Աջարիայի և ազերի-թուրքերով բնակեցված Քվեմո-Քարթլիի մեջտեղում՝ խանգարելով վերջիններիս միավորմանը։ Անկարան և Բաքուն տարիներ շարունակ ամեն ինչ անում են Ջավախքի ժողովրդագրական պատկերը փոխելու նպատակով և մեծ արդյունքների հասան հենց Սաակաշվիլիի կառավարման տարիներին, որի օրոք ոչ միայն կառուցվեցին վերը նշված նավթամուղը, գազամուղը և երկաթուղին, այլև հարյուրհազարավոր հայեր սուբյեկտիվ պատճառներով զրկվեցին Վրաստանի քաղաքացիությունից, իսկ մեծ քանակությամբ թուրքեր և թուրք-մեսխեթներ ստացան Վրաստանի քաղաքացիություն, որոնց մեծ մասը ադրբեջանական և թուրքական իշխանությունների ֆինանսական հովանավորության շնորհիվ վերաբնակեցվեցին Ջավախքում և Աջարիայում։ Սալոմե Զուրաբիշվիլիի վերջին հայտարարությունները և ջավախահայերին տրված խոստումները մեծ վտանգ են ներկայացնում Բաքվի և Անկարայի համար, որոնք վերջին 10 տարիներին մեծ ջանքեր էին գործադրում հարավային Վրաստանը մահմեդականացնելու ուղղությամբ, ինչը աղետալի հետևանքներ է ունենալու նաև Հայաստանի համար։ Բացի Սաակաշվիլիին հովանավորելու սպառնալիքներից՝ ալիևյան մանկլավիկ լրագրողները նաև խորհուրդ են տալիս իրենց տիրոջն ուշադրություն դարձնել Վրաստանի գործող իշխանություններին քննադատող մյուս ուժերի վրա ևս՝ հովանավորելով վերջիններիս։  Վրաց-ադրբեջանական հարաբերությունների մասին հոդվածագիրներից Էյնուլլա Ֆաթուլաևը՝ Իլհամ բաբայի ամենահայտնի թուլաներից մեկը, անցնելով բոլոր սահմանները և միջամտելով Վրաստանի ներքին գործերին, բացահայտ սպառնում է Թբիլիսիին՝ խորհուրդ տալով փոխել և վերանայել շատ հարցերում «Վրացական երազանքի» սկզբունքները, քանի որ դրանց պահպանման դեպքում կտուժեն վրաց-ադրբեջանական հարաբերությունները, ինչից, ըստ Ալիևների սույն թանկագին գրչակի, ամենաշատը կտուժի Թբիլիսին։  ՀԳ.Հաշվի առնելով այն հանգամանքը, որ Սալոմե Զուրաբիշվիլին Բաքվում հռչակվել է որպես թշնամի, մեր վրացահայ հայրենակիցները նախընտրելի է, որ իրենց ձայնը տան հենց այս թեկնածուին, ով, ավելի շատ մտածելով իր հայրենիքի անվտանգության մասին, ակամայից կանգնած է նաև Վրաստանի հայերի կողքին։ Նյութի աղբյուր՝ https://www.facebook.com/gagik.hambaryan.71/posts/277552449756441 ...

    Կարդալ ավելին
  • Բաց նամակ Արթուր Վանեցյանին Հարգարժան պարոն Վանեցյան, Այսօր հայտնի դարձավ Հայաստանի ֆուտբոլի ֆեդերացիայի գործադիր կոմիտեի առաջիկա հնարավոր կազմը, որը, անկեղծ ասած, տարակուսանք է հարուցել հայկական ֆուտբոլի ներկայացուցիչների շրջանում: Անկախ Ձեր հանդեպ ունեցած անվերապահ վստահությունից՝ ստիպված ենք արձանագրել, որ փաստացի, պաշտոնապես հաստատվեց մեր մտահոգություններն ու մամուլի հրապարակումները, համաձայն որոնց՝ շարունակվում է ՀՖՖ գործադիր կոմիտեն իշխանության յուրայիններով համալրելու նախորդների արատավոր պրակտիկան: Ինչպես նախորդ իշխանության օրոք, այս անգամ ևս գործկոմի կազմում են ընդգրկվել իշխանական պատգամավորներ, նախարարներ ու կառավարության այլ անդամներ: Այլ կերպ ասած, մարդիկ, ովքեր որևէ առնչություն չունեն ֆուտբոլային աշխարհի հետ և նրանցից որոշների միակ արժանիքը կառավարության անդամ լինելն է: Եթե նախկինում ֆերդերացիայի գործկոմի կազմում ընդգված էին ՀՀԿ-ականներ, այսօր արդեն «Քաղաքացիական պայմանագիր» կուսակցության անդամներն են նրանց փոխարինել: Այսինքն՝ մոտեցումներն ու սկզբունքները նույնն են մնացել: ՀՀ վարչապետի ու նոր կառավարության հանդեպ ունեցած հարգանքով հանդերձ՝ խնդրում ենք բացատրել ի՞նչ սկզբունքով է որոշվել Հայաստանի ֆուտբոլի ֆեդերացիայի գործադիր կոմիտեի կազմում ընդգրկել, օրինակ, Առողջապահության նախարարին, ով նախարար նշանակվելուց անմիջապես հետո բազմաթիվ սկանդալների հեղինակ է և իր գործողություններով ու հայտարարություններով արժանացել իր իսկ ղեկավարած ոլորտի մասնագետների, մեղմ ասած, բացասական վերաբերմունքին: Եթե իրոք նախարարն ուներ զինվորական ծառայության հետ անհամատեղելի առողջական խնդիր, ինչո՞ւ էր զորակոչվել, իսկ եթե չուներ խնդիր ու ծառայության ընթացքում է ձեռք բերել այդ ծանր հիվանդությունը, ինչպե՞ս է այն համատեղում ՀՀ նախարարի պաշտոնի հետ և ինչպե՞ս է այն համատեղելու ՀՖՖ գործկոմի անդամի պարտականությունների հետ: Ուսումնասիրեք, պարո՛ն Վանեցյան, բժշկական հանրությունը վստահ է, որ հաստատ հետաքրքիր բացահայտումներ կլինեն:  Հիմա դառնալով բուն թեմային՝ ժամանակն է, որ ՀՖՖ գործադիր կոմիտեում ընդգրկված լինեն ոլորտի ներկայացուցիչներ ու պրոֆեսիոնալներ, այլ ոչ թե օրվա իշխանության յուրայիններ ու պաշտոնյաներ: Ժամանակն է գործնականում ապացուցեք, որ Հայաստանի ֆուտբոլի ֆեդերացիայում ու ֆուտբոլի նկատմամբ պետության վերաբերմունքի հարցում ևս իրավիճակ է փոխվել: Վերջապես,բոլորս էլ ուզում ենք ուրախանալ մեր ֆուտբոլի հավաքականի հաջողություններով: Նյութի աղբյուր՝ https://www.facebook.com/gagik.hambaryan.71/posts/258910888287264 ...

    Կարդալ ավելին
  • 81 տարեկանում ԱՄՆ Արիզոնա նահանգում իր մահկանացուն կնքեց շուրջ 30 տարի Սենատում Արիզոնան ներկայացնող հանրապետական սենատոր Ջոն Մաքքեյնը:  2017 թ-ի հուլիսին բժիշկները Մաքքեյնի մոտ ախտորոշել էին ուղեղի քաղցկեղ:  Հանրապետական Մաքքեյնը աչքի էր ընկնում իր հակառուսական հայտարարություններով և պահանջում էր ԱՄՆ ղեկավարությունից ավելի կոշտ խոսել Պուտինի հետ: 2014 թ-ից ռուս-ամերիկյան հարաբերություններում սկսված ճգնաժամից մինչ օրս Մաքքեյնը աչքի էր ընկնում ոչ միյան հակառուսական հռետորաբանությամբ, այլև կոչ էր անում հարվածներ հասցնել ՌԴ-ին այն տարածաշրջաններում, որտեղ Մոսկվան ունի ռազմական ներկայություն:  Մոսկվայում Մաքքեյնին համարում էին ՌԴ-ի թիվ ՄԵԿ թշնամին ԱՄՆ-ում: Շատերի կարծիքով Մաքքեյնը ատում էր ռուսներին այն պատճառով, որ 1967-73 թթ-ին եղել է վիետնամական գերության մեջ և կտտանքների է ենթարկվել, որի համար մեղադրում էր Մոսկվային: Օդաչու Մաքքեյնի ռազմական ինքնաթիռը վիետնամցիների կողմից խոցվել էր խորհրդային հրթիռով: Նյութի աղբյուր՝ https://www.facebook.com/gagik.hambaryan.71/posts/249585339219819 ...

    Կարդալ ավելին
  • Ադրբեջանի իշխանությունները, օգտվելով հայ-ռուսական հարաբերություններում գոյություն ունեցող ճգնաժամից, փորձում են հնարավորինս օգուտ քաղել դրանից: Ալիևյան ԶԼՄ-ները և ապշերոնյան բռնապետի աշխատակազմի կողմից վերահսկվող քաղաքական գործիչները սկսել են «Ադրբեջանը ցանկանում է դառնալ ՀԱՊԿ անդամ» օպերացիան: Բաքվում մոռացության են տալիս այն, թե ինչպես էին որոշ ժամանակ առաջ ՀԱՊԿ-ն քամահրական անվանում «Պուտինյան ՆԱՏՕ» և բացահայտում այդ կազմակերպության սնանկությունը:  Այսպես՝ Ադրբեջանի Միլլի Մեջլիսի «Իրավական հարցերի և պետական շինարարության» հանձնաժողովի նախագահ Ալի Հուսեյնլին ալիևյան ԶԼՄ-ներից մեկին տված հարցազրույցում բացատրել է, թե ինչ օգուտներ կարող է ունենալ Բաքուն, եթե դառնա ՀԱՊԿ անդամ: ՀԱՊԿ անդամ դառնալու Հուսեյնլիի գլխավոր թեզիսներն են՝ «Պուտինյան ՆԱՏՕ-ի» անդամ դառնալով` Բաքուն կկարողանա հետ վերադարձնել, այսպես կոչված, օկուպացված տարածքները և նախնական համաձայն է հետ ստանալ Ջաբրայիլը, Ֆիզուլին ու Զանգելանը և էժան գնով զենք կգնի Մոսկվայից: Այսինքն` Հուսեյնլիի շուրթերով Իլհամ Ալիևը Մոսկվային հասկացնում է, թե ինչի դիմաց է Ադրբեջանը պատրաստ դառնալ ՀԱՊԿ անդամ: Բացի այդ՝ Բաքվում նաև չեն վարանում հիշեցնել, որ ՀԱՊԿ անդամ Ղազախստանը, Բելառուսը և Տաջիկստանն ավելի շատ Ադրբեջանի ընկերներն են, քան Հայաստանի: Ադրբեջանում բավական լավ նախապատրաստվել են «Ադրբեջանը ցանկանում է դառնալ ՀԱՊԿ անդամ» օպերացիային, որի վերաբերյալ օգոստոսի 10-ին բանակցել են Տաջիկստանի նախագահ Ռախմոնը և Ալիևը Բաքվում, իսկ դրանից մի քանի օր անց էլ՝ օգոստոսի 12-ին, Ակտաուում «Կասպից ծովի իրավական կարգավիճակի մասին» կոնվենցիայի ստորագրման շրջանակներում Ալիևը հանդիպեց նաև ՌԴ նախագահ Պուտինի և Ղազախստանի առաջնորդ Նազարբաևի հետ:  Իշխանափոխությունը Հայաստանում և ՌԴ վերնախավի անվստահությունը Փաշինյանի նկատմամբ հույսեր են արթնացրել Ալիևի մոտ, որ Բաքուն կարող է, խաղալով ներկայումս հայ-ռուսական հարաբերություններում գոյություն ունեցող անհամաձայնությունների վրա, մաքսիմալ օգուտ ստանալ դրանից:  Բացի այդ՝ չպետք է մոռանալ, որ այս ամենը նաև պայմանավորված է Անկարա-Վաշինգտոն հարաբերություններում գոյություն ունեցող խորը հակասությունների հետ: Բաքուն և Անկարան համաձայնեցված են գործում միջազգային ասպարեզում: Օրեր առաջ Թուրքիայի նախագահը բացահայտ սպառնաց Վաշինգտոնին, որ Անկարան նոր գործընկերներ կգտնի իր համար: Իսկ այդ գործընկերոջ փնտրտուքը Անկարան սկսեց Բաքվից՝ վերջինիս շուրթերով սպառնալով Վաշինգտոնին, որ դեմ չէ դառնալ ՀԱՊԿ անդամ:  Իրավիճակն ամբողջությանմբ հիշեցնում է 20-րդ դարի սկիզբը, երբ «իզգոյ» և միջազգային հանրության կողմից չճանաչված Խորհրդային Ռուսաստանը և քեմալական Թուրքիան, սերտ համագործակցելով իրար հետ, պատուհաս դարձան տարածաշրջանի բնիկ ժողովուրդների համար: Հենց այդ ժամանակ էր, որ Մուսթաֆա Քեմալ Աթաթուրքը, խաբելով Լենինին, որ պատրաստ է Թուրքիան հռչակել սոցիալիստական երկիր և կոմունիստական գաղափարախոսությունը տարածել Մերձավոր Արևելքում, ստացավ ահռելի ֆինանսական և ռազմական օգնություն, որն ուղղեց ոչ թե Լենինին խոստացված ծրագիրն իրականացնելուն, այլ հայերին, քրդերին, ասորիներին, հույներին և արաբներին ոչնչացնելու վաղեմի ծրագիրն իրականացնելուն: Ստորագրվեցին հայերի համար կործանարար Մոսկվայի և Կարսի պայմանագրերը: Մուսթաֆա Քեմալին նաև հաջողվեց իր հարավկովկասյան կրկնակի համար Լենինից կորզել մեծ օգուտներ. Ադրբեջանին միացվեցին Արցախը և Նախիջևանը: Երբ Թուրքիան ստացավ Ռուսաստանից այն ամենը, ինչ ծրագրել էր, շատ արագ նետվեց Արևմուտքի գիրկը:  Պատմությունը, ցավոք, սիրում է կրկնվել: 21-րդ դարի սկզբին պուտինյան Ռուսաստանը և էրդողանյան Թուրքիան գրեթե նույն «իզգոյներն» են և կրկին սերտ համագործակցում են միմյանց հետ, ինչպես 20-րդ դարի սկզբին:  Սակայն այժմ խաղի մեջ է մտել նաև Մոսկվայի և Անկարայի ապօրինի ծնունդ Ադրբեջանը, որն, ավելի մոտ գտնվելով ծնողներից մեկի՝ Թուրքիայի հետ, տանդեմով է գործում վերջինիս հետ: Անկարան և Բաքուն մեր թիկունքում աճուրդի են հանել Ադրբեջանի՝ ՀԱՊԿ դառնալու հարցը և այն արդեն բարձրաձայնում են:  Հ.Գ. «Ադրբեջանը ցանկանում է դառնալ ՀԱՊԿ անդամ» օպերացիան շինծու է, քանի որ՝  1. Բաքվում շատ լավ գիտեն, որ Հայաստանը դեմ կլինի Ադրբեջանի անդամակցությանն այդ կառույցին,  2. Ադրբեջանը հենց ինքը չի ցանկանում դառնալ ՀԱՊԿ անդամ:  Բաքվում առաջնորդվում են՝ «Փորձը փորձանք չէ» կարգախոսով: Եթե 20-րդ դարի սկզբին Աթաթուրքին հաջողվեց խաբել ռուսներին, ապա ի՞նչն է խանգարում Ալիևին 21-րդ դարի սկզբին ևս փորձել խաբել ռուսներին: Նյութի աղբյուր՝ https://www.facebook.com/gagik.hambaryan.71/posts/239139986931021 ...

    Կարդալ ավելին
  • Մերձկրեմլյան մամուլը շարունակում է խիստ քննադատության թիրախում պահել Հայաստանի իշխանություններին։ Ռուսաստանյան «Կոմերսանտը» հրապարակել է «Հայաստանն անջատվում է կոլեկտիվից» հոդվածը։ Նախ՝ նշվում է, որ Մոսկվան սարսափելի զայրացել է, որ Երևանը քրեական հետապնդման է ենթարկել ՀԱՊԿ գլխավոր քարտուղար Խաչատուրովին։ Ըստ պարբերականի՝ դա շատ մեծ բարոյական հարված է հասցրել կազմակերպությանը։ Թերթին մոտ աղբյուրները նշել են, որ, չնայած ՀԱՊԿ գլխավոր քարտուղարի պաշտոնը մինչև 2020 թ․-ը պետք է զբաղեցնի Հայաստանի ներկայացուցիչը, սակայն մեծ հավանականություն կա, որ այս տարվա նոյեմբերի 8-ին, երբ հավաքվեն ՀԱՊԿ պետությունների ղեկավարները, ՀՀ-ն ներկայացուցչի փոխարեն ՀԱՊԿ գլխավոր քարտուղարի պաշտոնը զբաղեցնի մեկ այլ երկրի ներկայացուցիչ։ Հիշեցնեմ, որ ժամանակին հենց Մոսկվայի մեծ ջանքերի շնորհիվ էր, որ Հայաստանի ներկայացուցիչը զբաղեցրեց ՀԱՊԿ գլխավոր քարտուղարի պաշտոնը, քանի որ Աստանան և Մինսկը բացահայտ խոչընդոտում էին, որ ՀՀ ներկայացուցիչն ընտրվի ՀԱՊԿ գլխավոր քարտուղար։ Ըստ «Կոմերսանտի»՝ Մոսկվան այս ամենի ֆոնին, ինչպես նաև Հայաստանի նախկին իշխանությունների ներկայացուցիչների նկատմամբ նոր իշխանությունների որդեգրած քաղաքականության պատճառով պատրաստվում է պատժել Երևանին։ Ըստ պարբերականի՝ 100 միլիոն դոլար վարկի Հայաստանին զենք և զինամթերք մատակարարելու ՀՀ-ի և ՌԴ-ի միջև ստորագրված պայմանագիրը կարող է կյանքի չկոչվել։ Ռուսաստանյան երկու ռազմական գործարանների ներկայացուցինչները թերթին հայտնել են, որ Հայաստան մատակարարվելիք զենքի մասին համաձայնագրի իրականացումը շատ մեծ հարցականի տակ է։ ՌԴ արտգործնախարար Սերգեյ Լավրովի՝ Հայաստանի իշխանություններին քննադատող բավական խիստ հայտարարությունից հետո շատերն էին սպասում Մոսկվայի կոնկրետ քայլերին, որոնք իրենց սպասել երկար չտվեցին։ Կրեմլին շատ մոտ կանգնած օլիգարխ Ալիշեր Ուսմանովին պատկանող «Կոմերսանտը» պատահական հոդվածներով հանդես չի գալիս։ Պուտինն իր կողմից վերահսկվող ԶԼՄ-ների միջոցով մեսիջներ է հղում Երևանին։ Սպասենք հետագա քայլերին։ Նյութի աղբյուր՝ https://www.facebook.com/gagik.hambaryan.71/posts/223752238469796 ...

    Կարդալ ավելին
  • «Կոմսոմոլսկայա Պրավդա» ռադիոկայանի ուղիղ եթերով հեռարձակվող "Радиорубка" հաղորդաշարի ժամանակ թունդ բանավեճ է սկսվել հայտնի ռուսաստանցի լրագողներ Մաքսիմ Շևչենկոյի և Նիկոլայ Սվանիձեի միջև,որը վերածվել է ծեծկռտուքի... Բանավեճի պատճառն էր՝Ստալինի դերակատարությունը Հայրենական մեծ պատերազմում տարած հաղթանակում... Ստալինի երկրպագու Շևչենկոյի և ԽՍՀՄ առաջնորդի քննադատ Սվանիձեի բանավեճը,որքան հասկանալի է չստացվեց...  Նյութի աղբյուր՝ https://www.facebook.com/gagik.hambaryan/posts/1611602422257034 ...

    Կարդալ ավելին
  • Պետք է սպասել Բաքվի նոր սադրանքների Ադրբեջանական APA գործակալությանը տված հարցազրույցում ԵԱՀԿ Մինսկի խմբի ռուսաստանցի համանախագահ Իգոր Պոպովը հայտարարել է,որ փետրվարի առաջին տասնօրյակում ԵԱՀԿ Մինսկի խմբի համանախագահները կժամանեն տարածաշրջան և կհանդիպեն Հայաստանի և Ադրբեջանի նախագահների հետ...Պոպովը նշել է,որ համանախագահները տարածաշրջան են ժամանելու հունվարի 18-ին Հայաստանի և Ադրբեջանի արտգործնախարարների Կրակովում տեղի ունեցած հանդիպման ժամանակ ձեռք բերված համաձայնության շրջանակներում... "Ավանդույթ" է դարձել,երբ պաշտոնական Բաքուն տարածաշրջանային կարևոր այցերից,ինչպես նաև Հայաստանի և Ադրբեջանի պաշտոնյաների հանդիպումներից առաջ գնում է իրավիճակի լարման և սադրանքներ է կազմակերպում հայ-ադրբեջանական կամ Արցախի և Ադրբբեջանի սահմաններին... Հայաստանի և Ադրբեջանի արտգործնախարարների վերջին հանդիպումից առաջ Բաքվի կողմից զինադարարի խախտման պատճառով մենք ունեցանք զոհ և վիրավորներ... Համոզված եմ,որ ԵԱՀԿ Մինսկի խմբի համանախագահների այցից առաջ ևս Իլհամ Ալիևը սադրանքների կդիմի և կրկին այդ կերպ կփորձի համանախագահներին ցույց տալ,որ դժգոհ է բանակցային գործընթացից... Հ.Գ.Իլհամ Ալիևի համար սեփական զինվորի կյանքը գրոշի արժեք չունի,սակայն մեզ համար ամեն մի կորուստ ողբերգություն է... Նյութի աղբյուր՝ https://www.facebook.com/gagik.hambaryan/posts/1606544969429446 ...

    Կարդալ ավելին
  • ԵԽԽՎ-ում ադրբեջանական պատվիրակության ղեկավար Սամեդ Սեիդովը հարցազրույց է տվել ալիևյան կայքերից մեկին, որի հասցեատերն ավելի շատ Հայաստանն է: Սեիդովը վստահեցրել է, որ Բաքուն կշարունակի արցախյան հիմնախնդիրը պահել ԵԽԽՎ-ի օրակարգում: Բաքուն Սեիդովի շուրթերով կրկին դժգոհել է ԵԱՀԿ Մինսկի խմբից պասիվության պատճառով:  Անցյալ տարվա ընթացքում ԵԽԽՎ-ում բացահայտված կոռուպցիոն երևույթները և դրա հետ կապված սկանդալները, որոնց կիզակետում հենց Բաքուն էր իր նավթախավիարային դիվանագիտությամբ, ինչպես նաև 2017թ․-ի նոյեմբերի 4-ին ԵԽԽՎ նախագահի պաշտոնից Իլհամ Ալիևի ընկերոջ՝ Պեդրո Ագրամունտի, խայտառակ հրաժարականը և այս տարվա հունվարի սկզբին ադրբեջանական պատվիրակության երեք անդամների շուտափույթ փոփոխությունը, որոնք ներքաշված էին կոռուպցիոն սկանդալների մեջ, սարսափելի հարված էր Ադրբեջանին և նրա միջազգային վարկանիշին: Հունվարի 22-26-ը ԵԽԽՎ ձմեռային նստաշրջանին ընդառաջ Բաքուն հասկացնում է մեզ, որ, չնայած ԵԽԽՎ-ում իր դիրքերի թուլացմանը, գոնե մոտակա ժամանակահատվածում, քանի դեռ չի գտել նավթախավիարային դիվանագիտությանը փոխարինող այլ միջոց՝ ԵԽԽՎ պատգամավորներին գնելու և ազերիամետ որոշումներ և բանաձևեր ընդունելու համար, հույսը դնելու է իր ուժերի վրա և շարունակելու է ԵԽԽՎ-ում առաջ տանել իր գիշատչային հակահայկական քաղաքականությունը:  Իսկ մեզ մնում է բավական լավ նախապատրաստվել այս ձմեռային նստաշրջանին, քանի որ Բաքուն բավական կանխատեսելի է և սիրում է նույն բանը հազար անգամ կրկնել տարբեր ամբիոններից և ազերիներին շեշտակի հարված տալ, և ունկնդրել Մեհրիբան խանումի բարեկամի՝ Գանիրա Փաշաևայի, լաչառությունը ԵԽԽՎ-ում: Նյութի աղբյուր՝ http://https://www.facebook.com/gagik.hambaryan/posts/1590910977659512 ...

    Կարդալ ավելին
  • Հունվարի 4-ին ադրբեջանական ԶԼՄ-ները կարճ հաղորդագրություն տարածեցին,ըստ որի` ԵԽԽվ-ում ադրբեջանական պատվիրակության կազմը փոփոխության էր ենթարկվել.պատվիրակության կազմից հանվել են պատգամավորներ Էլխան Սուլեյմանովը, Մուսլիմ Մամեդովը և Էլշան Մուսաևը...Նրանց փոխարինել են Ուլվիա Աղաևան,Էլշադ Հասանովը և Ասիմ Մոլլազադեն...  ԵԽԽՎ-ում ադրբեջանական պատվիրակության ղեկավար Սամեդ Սեիդովն այդ փոփոխությունը փորձեց ներկայացնել որպես սովորական երևույթ,որին շատ մեծ ուշադրություն դարձնել պետք չէ... Սակայն ամեն ինչ այդքան էլ հասարակ և հստակ չէ նույն Ադրբեջանի համար... Ինչպես տեղեկացնում է ադրբեջանցի իրավապաշտպան Ռասուլ Ջաֆարովը,Ադրբեջանի պատվիրակությունից հեռացված բոլոր պատգամավորների անունները կապված են ԵԽԽՎ-ում բացահայտված կոռուպցիոն սկանդալի հետ,որն ավելի հայտնի է որպես "խավիարային դիվանագիտություն", երբ Ադրբեջանի պատվիրակներն ուղղակի գնում էին ԵԽԽՎ-ում եվրոպական շատ երկրների պատգամավորների ձայները՝ադրբեջանամետ բանաձևերի քվեարկությունների ժամանակ "կողմ",իսկ հակաադրբեջանական բանաձևերի քվեարկության ժամանակ "դեմ" քվեարկելու համար,ինչպես նաև իրենց կողմից գնված պատգամավորներին պատվիրում էին հակահայկական բանաձևեր պատրաստել...Ըստ Ջաֆարովի`եվրոպացի պատգամավորների գնման գործունեությամբ էին կոնկրետ զբաղված Էլխան Սուլեյմանովը և Մուսլիմ Մամեդովը...  Այսինքն`պաշտոնական Բաքուն մինչ ԵԽԽՎ 2017 թ-ի ձմեռային նստաշրջանի սկսվելը,ստիպված է մաքրել իր պատվիրակությունն այն անդամներից,որոնց անունները 2016 թ-ի դեկտեմբերին իտալական իրավապահներին տվել է ադրբեջանական "նավթախավիարային դիվանագիտության" ամենակարկառուն դեմքերից մեկը՝ԵԽԽՎ-ում Իտալիան ներկայացնող պատգամավոր Լուկա Վոլոնտեն,ով համաձայնվել է համագործակցել հայրենի իրավապահների հետ և բավական սկանդալային բացահայտումներ արել իր ցուցմունքներում...  Իտալական հեռուստաընկերություններից մեկին տված հարցազրույցում Լուկա Վոլոնտեն հայտարարել է,որ կոնկրետ իրեն հասել է 2,39 միլիոն եվրո կաշառք,որը նրան տվել է ԵԽԽՎ-ում Ադրբեջանի պատվիրակ Էլխան Սուլեյմանովը՝ որպես գյուղատնտեսության վերաբերյալ խորհրդատվության հոնորար...Վոլոնտեն բացահայտել է,որ այդ գումարները նա ստացել է բրիտանական 4 բանկերի միջոցով...Բրիտանական "The Guardian"-ը,որը ևս մեծ ներդրում է ունեցել Բաքվի նավթախավիարային դիվանագիտության կոռուպցիոն և հանցագործ սխեմաների բացահայտման գործում, նշում է,որ Սուլեյմանովի կողմից Վոլոնտեին գումարներ փոխանցող կազմակերպությունները Մեծ Բրիտանիայում գործունեություն չեն ծավալել և հավանաբար շինծու են...Վոլոնտեն նշել է,որ հենց Էլխան Սուլեյմանովն է եղել այն մարդը,ում միջոցով կաշառվել են ԵԽԽՎ-ի բազմաթիվ պատգամավորներ և պաշտոնյաներ...Այն ընկերությունը,որի միջոցով Վոլոնտեն ստացել է իրեն հասու 2,39 միլիոն եվրո կաշառքը,այլ պատգամավորների և պաշտոնյաների հաշիվներին փոխանցել է մոտ 1 միլիարդ եվրո գումար...  Պաշտոնական Բաքուն,որը հերյուրանքներ էր անվանում եվրոպական և հատկապես բրիտանական և իտալական ԶԼՄ-ներում հրապարակված Բաքվի "խավիարային դիվանագիտության" հանցավոր գործունեության մասին հոդվածները, ստիպված է շատ արագ փոխել ԵԽԽՎ-ում իր պատվիարակության այն անդամներին,որոնց անունները բազմիցս հայտնվել են եվրոպական ԶԼՄ-ների էջերում և չի բացառվում,որ Լուկա Վոլոնտեի ցուցմունքների արդյունքում նրանց դեմ ևս քրեական գործեր հարուցվեն... Ադրբեջանը նաև ստիպված է հեռացնել ԵԽԽՎ-ի իր պատվիրակությունից կոռուպցիոն սխեմաների վարպետներ Էլխան Սուլեյմանովին, Մուսլիմ Մամեդովին և Էլշան Մուսաևին,քանի որ նույն կոռուպցիոն սկանդալների մեջ ներգրավված լինելու,ինչպես նաև ռուսաստանցի երեսփոխանների հետ Սիրիա այցելելու համար (չեմ զարմանա,եթե պարզվի,որ Մոսկվան գնել էր Ագրամուտնի այցը Դամասկոս) 2017 թ-ի հոկտեմբերի 6-ին իր պաշտոնից հեռացավ ԵԽԽՎ նախագահ Պեդրո Ագրամունտը՝Իլհամ Ալիևի և պաշտոնական Բաքվի ամենամոտ ընկերը ԵԽԽՎ-ում... Ագրամուտնտի հեռանալը,ինչպես նաև "նավթախավիարային դիվանագիտութայն" "մութ" կողմերի բացահայտումը շատ մեծ հարված կլինի ԵԽԽՎ-ում Բաքվի դիրքերին...Իլհամ Ալիևին մնում է ԵԽԽՎ-ում հույսը դնել Սամեդ Սեիդովի վայրահաչության և Գանիրա Փաշաևայի լաչառության վրա... Նյութի աղբյուր՝ https://www.facebook.com/gagik.hambaryan/posts/1587314448019165 ...

    Կարդալ ավելին
  • 2017թ․-ի դեկտեմբերի 28-ից իրանական քաղաքներում սկսված հուժկու ելույթները, որոնք սկզբնական շրջանում կրում էին սոցիալական բնույթ, իսկ հետագայում վերածվեցին հակակառավարական ակցիաների, շարունակվում են։ ԱՄՆ-ն այն եզակի երկրներից է, որը, մոռանալով ամանորյա տոները, տարբեր մակարդակներով և բավական ակտիվ մեկնաբանում է Իրանում տեղի ունեցող իրադարձությունները։ Իրանում հակակառավարական ելույթների մասնակիցներին պաշտպանելու և սատարելու հայտարարություններով են հանդես եկել ԱՄՆ նախագահ Դ. Թրամփը, փոխնախագահը, ՄԱԿ-ում ԱՄՆ մշտական ներկայացուցիչը և շատ այլ քաղաքական գործիչներ։  Իրանում տեղի ունեցող իրադարձությունների ֆոնին պաշտոնական Թեհրանը որոշել էր արգելափակել Telegram և Instagram սոցցանցերը, որոնք բավական ակտիվ օգտագործվում են իրանական ընդդիմադիրների կողմից իրավիճակը երկրում ապակայունացնելու նպատակով։ Սակայն զավեշտալին այն է, որ Վաշինգտոնին դուր չի եկել, որ Թեհրանն արգելափակել է այդ սոցցանցերը, և ԱՄՆ-ն կոչով դիմել է Իրանի իշխանություններին և հորդորել արգելաբացել Instagram-ը։ Ստացվում է, որ ԱՄՆ-ն Թեհրանին կոչ է անում չխոչընդոտել Իրանում հեղափոխություն կազմակերպելու իր ծրագրերը, որոնք պետք է դառնան Վաշինգտոնի «Արաբական գարուն» ծրագրի ամենակարևոր իրադարձություններից մեկը։ Ավելի տարօրինակ առաջարկով Թրամփի վարչակազմը հանդես գալ չէր էլ կարող։ Եթե ԱՄՆ նախկին նախագահ Բարաք Օբաման գերադասում էր չբարձրաձայնել, թե Թունիսում, Եգիպտոսում, Սիրիայում, Ալժիրում և այլ իսլամական երկրներում 2011թ․-ից գլուխ բարձրացրած «Արաբական գարունն» ինչ մեթոդներով է տարածվում և ինչ սոցցանցերի միջոցով է ուղղորդվում, ապա Թրամփը բացահայտ բարձրաձայնում է դա։ Facebook-ից, Twiiter-ից բացի՝ ԱՄՆ իշխանությունները որպես հեղափոխությունների կազմակերպման գլխավոր «հարթակ» օգտագործում են նաև Instagram-ը և այլ սոցցանցեր։  Իրանական իշխանությունները, տեղյակ լինելով ԱՄՆ-ի կողմից հովանավորվող սոցցանցերի մասին, հորդորում են սեփական քաղաքացիներին օգտվել ոչ ամերիկյան ծագում ունեցող սոցցանցերից։ Հենց դրանով է պայմանավորված, որ բավական մեծ քանակությամբ իրանցիներ օգտվում են «ռուսական» ծագում ունեցող Telegram սոցցանցից, որի հիմնադիրն է Պավել Դուրովը՝ ՌԴ-ում և նախկին ԽՍՀՄ հանրապետություններում բավականաչափ ճանաչված Вконтакте սոցցանցի հիմնադիրը։ Սակայն նույն Դուրովը մերժել էր իրանական իշխանությունների խնդրանքն արգելափակել Telegram-ում գործող մի քանի ալիքների գործունեությունը, որոնք օգտագործվում էին իրանական ընդդիմադիր խմբավորումների կողմից տեղեկատվություն տարածելու և փոխանակելու նպատակով։ Պատճառը մեկն է․ Պուտինի նախկին երկրպագու Պավել Դուրովը 2014թ․-ից լքել է Ռուսաստանը և հայտարարել, որ նպատակ չունի վերադառնալու հայրենիք։ Դուրովը հիմնականում բնակվում է ԱՄՆ-ում և, որքան կարելի է կռահել, համագործակցում է ԱՄՆ իշխանությունների հետ։  Հիմա արդեն պարզ է, թե «ռուսական» ծագում ունեցող Telegram-ը և վերջինիս տնօրենն ինչու են մերժել Թեհրանի խնդրանքը։ Նյութի աղբյուր՝ https://www.facebook.com/gagik.hambaryan/posts/1583762295041047 ...

    Կարդալ ավելին

ՖԲՀ

Քաղաքականություն