• Արտեմ Բալասանով
  • Այս տարվա սեպտեմբերի 17-22-ն Ադրբեջանի զինված ուժերը լայնամասշտաբ գործառնական-մարտավարական զորավարժություններ կանցկացնեն։ Կայքը նշում է, որ զորավարժանքների ընթացքում Ադրբեջանի ԶՈւ-ի զինվորները «կխոցեն Արցախում հայկական զինված ստորաբաժանումները, ռազմական ու ռազմավարական օբյեկտները»։ Զորավարժություններին կմասնակցի ավելի քան 20.000 զինծառայող, ավելի քան 200 միավոր տանկ և այլ զրահատեխնիկա, տարբեր տրամաչափի ավելի քան 120 հրթիռահրետանային սարքավորում, համազարկային կրակի ռեակտիվ համակարգեր, մոտ 10 միավոր կործանիչ ու ռմբակոծիչ։ Ղարաբաղյան բանակցությունները փակուղային վիճակում են կամ անգամ տապալման եզրին`տարբեր պատճառներով, որտեղ հիմնականն Ադրբեջանի ռազմատենչ քաղաքականությունն է ու մաքսիմալիզմը`կամ ամբողջ Ղարաբաղը, կամ`պատերազմ: Այս ֆոնին ուշագրավ է, որ Բաքու է այցելում Իսրայելի պաշտպանության նախարարը`հավանաբար ստորագրվելու են իսրայելական նոր զինտեխնիկաների գնման պայմանագրեր: ՀՀ-ն ու Արցախը պետք է համարժեք պատասխան տան վերոնշյալին`դրա լավագույն պատասխանը նոր զինտեխնիկայի ձեռքբերումն է, ինչպես նաև սեփական ռազմաարդյունաբերական համալիրի ձևավորումը: Արցախը ռազմական, ռազմա-տեխնիկական առումներով պետք է դառնա հնարավորինս ինքնաբավ`պատերազմական գործողությունների ընթացքում Բաքուն փորձելու է կտրել ՀՀ-Արցախ սնուցող երակները`Լաչին-Գորիս և Քելբաջար-Վարդենիս ճանապարհները, որպեսզի հայկական ստորաբաժանումները չկարողանան հասնել Արցախին օգնության: Այս պարագայում Արցախում ռազմական գործարանների կառուցումը, Արցախի ՊԲ-ի հնարավորինս ինքնաբավ դարձնելը դառնում է օրակարգի թիվ մեկ հարց`Բաքուն գնում է պատերազմի`այսօր, վաղը կամ մեկ տարուց`կարևորն այս պարագայում բոլոր առումներով`թիկունք, լոգիստիկա, մոբռեսուրս և այլն, պատրաստ լինելն է դիմակայելու ադրբեջանական ռազմական սպառնալիքին: Արցախի տնտեսական հնարավորությունների, տնտեսական հզորությունների աճն ու աշխատատեղերի ստեղծումը պետք է զուգահեռ ընթանա ռազմական շինարարության աշխատանքներին`սոցիալական խնդիրները ազդում է հասարակական տրամադրությունների վրա: Ռազմա-տնտեսական ռեսուրսների աճն`Արցախի թիվ մեկ օրակարգային հարցն է: Նյութի աղբյուր՝ https://www.facebook.com/artem.balasanov/posts/1904276006318136 ...

    Կարդալ ավելին
  • «Իրավիճակը Տավուշի մարզի սահմանային գոտում գնահատում եմ կայուն, կրակոցները պարբերական բնույթ են կրում, բայց դա պայմանավորված է գյուղատնտեսական և շինարարական որոշ աշխատանքներով»,- այս մասին ռազմական լրագրողների հետ զրույցում նշեց նախարար Դավիթ Տոնոյանը, ով մասնակցում էր ՊՆ-ի կողմից «Ռազմական լրագրություն 2018» դասընթացի մասնակցության հավաստագրերը հանձնելու միջոցառմանը: Դավիթ Տոնոյանն ասաց, որ մեր ԶՈւ կողմից իրավիճակը վերահսկվում է:  Շատ է խոսվում և քննարկվում ղարաբաղյան ճակատում Ադրբեջանի սադրիչ գործողությունների մասին, սակայն ոչ պակաս կարևոր է նրանց «ակտիվությունը» Տավուշի մարզի ուղղությամբ։ Ադրբեջանը ՀՀ-ԼՂՀ դեմ գործողություններում Տավուշը կրակի տակ պահելու մի շարք «պատճառներ» ունի։ Ադրբեջանի զինված ուժերը, կրակելով սահմանամերձ գոտում գտնվող գյուղերի ուղղությամբ, ցանկանում են ստիպել տեղի սահմանապահ բնակչությանն արտագաղթել՝ սոցիալ-տնտեսական ծանր վիճակին, ինչի մասին Ադրբեջանը շատ լավ տեղյակ է, գումարել նաև վախի մթնոլորտ ստեղծելու ռազմավարությունը, կրակելով նաև դպրոցների, մանկապարտեզների վրա, ստիպել բնակչությանը կրակի տակ գտնվող գյուղից դեպի այլ ապահով՝ Դիլիջան, Իջևան, Նոյեմբերյան քաղաքներ (ներքին միգրացիա) տեղափոխվել կամ ընդհանրապես արտագաղթեցնել ՀՀ-ից։ Հաշվի առնելով այն հանգամանքը, որ գյուղերում հիմնականում մնացել են ծերերը, սակավաթիվ երիտասարդները պետք է կա՛մ զբաղվեն գյուղատնտեսությամբ` օգնելով ծերերին, կա՛մ դառնալ պայմանագրային, ինչը «կտրելու» է նրանց հիմնական զբաղմունքից` տնտեսական գործունեությունից, ու առաջնագծում գտնվելը դառնա տեղի բնակչության հիմնական զբաղմունքը՝ անմշակ թողնելով դաշտերը, կրակի տակ պահելով գյուղերը՝  «վանել» ցանկացած ներդրողի այդ գյուղում, հակառակորդի ուղիղ նշանառության տակ, որևէ աշխատատեղ բացելու ցանկությունից։ Հենց այդ բացերը լրացնելու համար էլ որոշում կայացվեց ներքին զորքերի որոշ ստորաբաժանումներ ուղարկել Տավուշի մարզ՝ հայ-ադրբեջանական սահման` առաջին գիծ: Ադրբեջանը ցանկանում է Տավուշով անցնող միջպետական ՀՀ-Վրաստան ճանապարհը, նրա որոշակի հատվածներ դարձնել դժվարանցանելի ու վտանգավոր (Ոսկեպար և այլ հատվածները պահելով կրակի տակ՝ ստիպել կառուցել պաշտպանական պատեր և շրջանցող ճանապարհներ), երկարացնելով ճանապարհը, լրացուցիչ միջոցներ ուղղել բյուջեից` այդ ճանապարհների շինարարության և հետագայում պահպանման ուղղությամբ։ Խախտել կոմունիկացիաները` վտանգելով մեքենաների տեղաշարժը, ինչն էլ կարող է ազդել զբոսաշրջության (ՀՀ–Վրաստան, հատկապես Թիֆլիս մեկնողների համար) հոսքի վրա։ Տավուշի մարզի հարևանությամբ է գտնվում Ադրբեջանի Գյանջա-Ղազախական տնտեսական շրջանը, որտեղով անցնում են ռազմավարական նշանակության նավթամուղներ, գազամուղներ, երկաթգիծ և միջպետական ավտոմայրուղիներ դեպի Վրաստան, Թուրքիա և Սև ծով։ Այդ շրջանի պաշտպանությունն Ադրբեջանի համար ունի կենսական նշանակություն, և այդ շրջանի կորուստը նրանց համար «կփակի» ճանապարհը դեպի Վրաստան, Թուրքիա, ինչն էլ էականորեն ազդելու է ապագա պատերազմի ելքի վրա։ Այդ պատճառով Տավուշի ուղղությամբ Ադրբեջանը պահելու է զգալի զինված ուժեր ու շարունակելու է իր սադրիչ գործողությունները։ Նույն ռազմավարությունն Ադրբեջանը հետագայում կարող է կիրառել նաև Նախիջևանից՝ կրակի տակ պահելով ողջ Սյունիքը` Իրան–Հայաստան մայրուղին, Վայոց Ձորը և այլն։ Նյութի աղբյուր՝ https://www.facebook.com/artem.balasanov/posts/1894574780621592 ...

    Կարդալ ավելին
  • Աֆղանստան-Թուրքմենստան-Ադրբեջան-Վրաստան-Թուրքիա` Lapis Lazuli տրանսպորտային միջանցքով աֆղանական առաջին ապրանքները կտեղափոխվեն հոկտեմբերին: Այդ մասին հայտնում է Աֆղանստանի արդյունաբերության նախարարությունը: Նշվում է, որ կոնտեյներներով տեղափոխվելու են գորգեր և թանկարժեք քարեր, որոնք առաքվելու են Թուրքիա և Հոլանդիա: Lapis Lazuli տրանսպորտային միջանցքն անցնելու է Աֆղանստանով, հետագայում՝ թուրքմենական Թուրքմենբաշիի նավահանգստով ու Բաքվով ու երկաթգծային կապով դեպի Փոթի, Բաթումի և Թուրքիա: Ադրբեջանը նավթ և գազ արտահանող երկրից դառնում է տարանցիկ միջանցք տարբեր կենտրոնների համար` մի կողմից՝ Թուրքիայի, ՌԴ-ի ու Իրանի, մյուս կողմից` Չինաստանի, Կենտրոնական Ասիայի և արդեն իսկ Աֆղանստանի համար: Բաքուն, միլիարդավոր դոլարներ ներդնելով լոգիստիկայի մեջ (Բաքու-Թբիլիսի-Կարս երկաթգիծ, Ադրբեջան-Վրաստան միջպետական ճանապարհի վերանորոգում, Բաքվի մերձակայքում Ալյաթիի նոր բազմաֆունկցիոնալ նավահանգստի կառուցում և այլն), փորձում է տարանցման համար գումարներ ստանալ և դրանք ուղղել արդյունաբերության և այլ ճյուղերի զարգացման մեջ` հասկանալով, որ նավթի գների տատանումներն ուժեղ ազդեցություն են ունենում այդ երկրի բյուջեի վրա: Նավթագազային ռեսուրսներ արտահանող երկրից` նավթային ասեղից, Ադրբեջանը փորձում է իջնել՝ շեշտը դնելով տրանսպորտային միջանցք` Հյուսիս-Հարավ, Արևելք-Արևմուտք ուղղություններով վերածվելու վրա: Մոտակա տասնամյակում Բաքվի համար առաջնային են լինելու Հյուսիս-Հարավ տրանսպորտային միջանցքը` ՌԴ-Ադրբեջան-Իրան-Պարսից ծոց-Հնդկաստան ուղղությամբ ապրանքների տարանցումը, Տրանսկասպյան միջանցքը` Չինաստան-Ղազախստան-Ադրբեջան-Վրաստան-Թուրքիա-ԵՄ ուղղությունը, Կենտրոնական Ասիա (Ուզբեկստան, Թուրքմենստան, Աֆղանստան)-Ադրբեջան-Կովկաս-Թուրքիա-ԵՄ ուղղությունը, ինչպես նաև Բաքու-Թբիլիսի-Կարս երկաթծի անխափան աշխատանքի իրականացումն ու սեփական նավթագազային խողովակներով ղազախական, թուրքմենական գազի ու նավթի տարանցման իրականացումը դեպի Թուրքիա և ԵՄ: Նյութի աղբյուր՝ https://www.facebook.com/artem.balasanov/posts/1893413050737765 ...

    Կարդալ ավելին
  • Քաթարի եւ Թուրքիայի կենտրոնական բանկերն արժութային սվոփի մասին համաձայնագիր են կնքել ֆինանսական կայունության եւ իրացվելիության ապահովման համար։ Երկու երկրների ԿԲ ղեկավարների կողմից ստորագրված համաձայնագիրը հաստատում է արժույթի փոխանակման երկկողմ գիծ։ Ավելի վաղ Քաթարը Թուրքիային 15 միլիարդ դոլարի չափով ուղղակի ներդրումներ էր խոստացել: Թուրքիա-ԱՄՆ հարաբերությունների սրման ու լիրայի արժեզրկման ֆոնին Անկարան իր տնտեսական փրկությունը տեսնում է քաթարական, իսկ ապագայում՝ հնարավոր է նաև արաբական այլ երկրների ներդրումների մեջ: Թուրքական տնտեսության մեջ ներդրումներ կարող են ավելացնել նաև Չինաստանն ու ՌԴ-ն: Թուրքիան փորձում է ռազմավարական կապեր հաստատել Քաթարի հետ, որն էլ իր հերթին հակասություններ ունի Ծոցի արաբական երկրների հետ: Անկարան փորձում է, ի դեմս Դոհայի, ունենալ պլացդարմ Պարսից ծոցում: Նշենք, որ նախորդ տարի Քաթարի տարածքում սկսել է գործել թուրքական ռազմաբազա։ Այդ ռազմաբազայում տեղակայվելու են երեք հազար թուրք զինվորական, ռազմաօդային և ռազմածովային ստորաբաժանումներ, հատուկ ջոկատայիններ։ Այսօր Թուրքիայում գործում է քաթարական կապիտալով 99 ձեռնարկություն, իսկ Քաթարի ներդրումները Թուրքիայի տնտեսության մեջ հասնում են 1,2 միլիարդ դոլարի։ Թուրքական արտահանումը դեպի Քաթար նախորդ տարի ընդգրկել է նավեր, զբոսանավեր, էլեկտրոնային սարքավորումներ և մեքենաներ։ Թուրքիան Քաթարից ներկրել է նավթ և նավթամթերք։ Ռազմա-քաղաքական համագործակցությանը զուգահեռ՝ Թուրքիան ու Քաթարը սկսում են խորացնել տնտեսական կապերը․ քաթարական ներդրումներն իրենց տեղն են գտնում թուրքական տնտեսության մեջ: Նյութի աղբյուր՝ https://www.facebook.com/artem.balasanov/posts/1871923739553363?notif_id=1534750369220432%C2%ACif_t ...

    Կարդալ ավելին
  • Ադրբեջանն այս գիշեր հարձակման փորձ է ձեռնարկել ՊԲ հյուսիսային հատվածում տեղակայված մարտական դիրքերից մեկի ուղղությամբ: Արցախի պաշտպանության բանակի մամուլի ծառայությունից հայտնում են, որ օգոստոսի 17-ին՝ ժամը 00:00-ի սահմաններում, հակառակորդի 15 հոգանոց խումբը հարձակման փորձ է ձեռնարկել ՊԲ հյուսիսային հատվածում տեղակայված մարտական դիրքերից մեկի ուղղությամբ: ՊԲ դիրքապահ ստորաբաժանումները ժամանակին հավաստանշել են հակառակորդի նախահարձակ խմբի գործողությունները եւ վերջիններիս ետ շպրտել ելման դիրքեր: Տեղի ունեցած փոխհրաձգության ընթացքում ՊԲ-ն որեւէ կորուստ չի ունեցել: Հակառակորդի ունեցած կորուստների մասին տվյալները ճշտվում են: Բավականին երկար ժամանակ ադրբեջանական կողմն արցախյան ուղղությամբ այսպիսի դիվերսիոն ներթափանցման փորձ` разведка боем չէր ձեռնարկել․ նրանք ապակայունացնում էին նախիջևանյան ուղղությունը: Ադրբեջանական ակտիվությունը պայմանավորված է մի քանի հանգամանքներով` հայաստանյան ներքաղաքական լարվածությամբ, պառակտման երևույթներով, ինչպես նաև հայ-ռուսական հարաբերություններում ստեղծված լարվածությամբ հատկապես ՀԱՊԿ-ի քարտուղարի հետ կապված սկանդալի հետ: Բացի այդ՝ Բաքուն պատրաստվում է լայնածավալ ռազմական գործողությունների, ու որոշակի դադարը կամ հարաբերական խաղաղությունն առաջնագծում բացատրվում էր նախապատրաստական աշխատանքներով։ Այս ներթափանցման փորձը ստուգատես էր․ ադրբեջանական կողմը ստուգում է հայկական առաջնագծի հագեցվածությունը, ուժեղ և թույլ կողմերը, ու հնարավոր է՝ հյուսիսային հատվածում այս լարվածությամբ շեղում է ուշադրությունը հիմնական հարվածից: Ադրբեջանը հաջորդ պատերազմում փորձելու է կիրառել «երեք ճակատների» մարտավարությունը։ Մեկը` առաջնայինը, լինելու է ղարաբաղյան ճակատը: Ադրբեջանը փորձելու է ապրիլին գրաված դիրքերից (Թալիշի մերձակայք և Լելե Թեփե) կրակի տակ պահել լայն շառավիղով ռազմավարական նշանակության օբյեկտները, գյուղերն ու քաղաքները, ինչպես նաև այդ դիրքերն օգտագործել որպես նոր տարածքներ գրավելու մեկնակետեր կամ հենակետեր։ Երկրորդ ճակատը Նախիջևանն է լինելու, որտեղից Բաքուն կրակի տակ է պահելու ՀՀ-ի ռազմավարական նշանակության մարզերը` Արարատի մարզը` գյուղատնտեսական ահռելի ներուժ, Վայոց Ձորը` բնական պաշարներ, «կապող օղակ» կյանքի ճանապարհ Սյունիք-Իրանի հետ, ինչպես նաև Սյունիքի մարզը, որն ունի հանքաարդյունաբերական հզոր ներուժ․ այդ մարզում գտնվող հզորություններն ապահովում են ՀՀ-ի բյուջեի զգալի մասը, իսկ Սյունիքով են անցնում Իրանի հետ կապող ռազմավարական, այլընտրանքային (Վրաստանը՝ որպես արտաքին աշխարհին կապող «պատուհան») ճանապարհները։ Բացի այդ՝ Նախիջևանից ուղիղ հարվածի տակ կարող է գտնվել Երևանը։ ՀՀ-ի մայրաքաղաքի ռազմա–քաղաքական, տնտեսական, ժողովրդագրական կարևորության մասին խոսելն անգամ ավելորդ է։ Երրորդ ճակատը լինելու է Տավուշի մարզը` 3-րդ բանակային կորպուս։ Բաքուն, կրակի տակ պահելով այդ մարզի սահմանամերձ գյուղերն ու առաջնագծում գտնվող զորամասերը, թույլ չի տալու, որ այդտեղից զորքերը տեղափոխվեն և Վարդենիս-Մարտակերտ կարճ ճանապարհով օպերատիվ կերպով օգնության հասնեն հիմնական ճակատ` Արցախին։ Բացի այդ՝ կրակի տակ է պահվելու միջպետական` ՀՀ-Վրաստան ճանապարհը, որն անցնում է հենց Տավուշի մարզով` խոչընդոտելով ՀՀ-ի տնտեսական կյանքն ու քաղաքացիների տեղաշարժը։ Նյութի աղբյուր՝ https://www.facebook.com/artem.balasanov/posts/1866971423381928 ...

    Կարդալ ավելին
  • Արցախում չկան գրավյալ տարածքներ`կան տարածքներ, որոնք դեռևս գտնվում են Ադրբեջանի օկուպացիայի տակ`Շահումյան, Գետաշեն, Հյուսիսային Արցախ, Դաշտային Արցախ, շարքը կարելի է անվերջ շարունակել: Արցախն ու հայությունն ունեն տարածքային պահանջներ Ադրբեջանից: Ադրբեջանի գերնպատակն է ոչնչացնել արցախահությանն ու ՀՀ-ն, որպես պանթուրքիզմի ճանապարհին կանգնած գործոններ: Արցախի այսօրվա տարածքը սակարկելի չէ`հանձնելու մասին խոսակցությունները դավաճանություն են`այն էլ ապրիլյան քառօրյայից հետո, երբ երիտասարդներն իրենք կյանքը զոհեցին` չնահանջելով: Ադրբեջանում անհնար է պատկերացնել մի իրավիճակ, երբ որևէ անգամ լուսանցքում մնացած քաղաքական ուժ, շարժում, ՀԿ հայտարարի Ղարաբաղի անկախության ճանաչման, հայերի հետ բարիդրացիական հարաբերությունների կամ ՀՀ-ի հետ դիվանագիտական հարաբերություններ հաստատելու մասին: Երևանում որոշ ուժեր հայտարարում են հազարավոր մարդկանց կյանքի գնով ձեռք բերված այսօրվա Արցախի 12.000 քկմ տարածքից ադրբեջանական կողմին տարածքներ զիջելու մասին`զոնդաժ է արվում`ստուգվում են հասարակության տրամադրությունները զիջումների պահով: Սա անթույլատրելի է`հայ հասարակության ճնշող մեծամասնությունը դեմ է Արցախի մի մասի զիջմանը`առողջ բանակությունն ու ինքնապաշտպանական բնազդը պետք է լինեն առաջնային: Ինչ վերաբերվում է ազատագրված տարածքների զիջման մասին խոսակցություններին, ապա պետք է նշել, որ այդ հողերի անգամ մի մասի հանձնումը Արցախի հայաթափման դռներն է բացելու: Եթե դիտարկենք այդ շրջանները գոնե աշխարհագրական դիրքի առումով, ապա կտեսնենք, որ նախկին ԼՂԻՄ-ը շրջափակվում է, առնվում է ադրբեջանական օղակի մեջ՝Աղդամը գտնվում է Ստեփանակերտից մոտ 30 կմ հեռավորության վրա և այնտեղ ադրբեջանցիների վերադարձը ապագայում ստեղծելու է նույն այն իրավիճակը, որն առկա էր 1990-ականներին, երբ Աղդամը՝Ստեփանակերտի ուղղությամբ հարված հասցնելու գլխավոր պլացդարմն էր: Ինչ վերաբերվում է մյուս շրջանների վերադարձին, ապա Զանգելանի, Կուբաթլու, Ջեբրայիլի վերադարձը մեկընդմիշտ ոչ հայանպաստ կերպով փոխելու է այդ շրջանների ժողովրդագրական, էթնիկ-կրոնական դեմքը՝ԼՂԻՄ-ը ամբողջ հարավը, Սյունիքը հարավ-արևելյան ամբողջ սահմանագծով ձևավորվում են նոր ադրբեջանական բնակավայրեր՝ապագա ռազմական հենակետեր Արցախի դեմ: Դա Արցախը կտրում է Իրանից, իսկ Սյունիքի համար ստեղծում լրացուցիչ գլխացավանք ու Նախիջևանի ուղղությունից բացի պետք է սահման կառուցել ու ամրապդնել նաև այդ հատվածում՝Կուբաթլուի ուղղություն, Լաչինի շրջան և այլն, դրա վրա ծախսելով մարդկային ներուժ՝ նոր զորամիավորումներ, զորամասեր, զինտեխնիկա, ինչը հյուծելու է զինված ուժերը և լրացուցիչ բեռ լինի ռազմական բյուջե վրա: Սյունիքը կունենա երկու գլխացավանք՝ Նախիջևանից և շրջանները Ադրբեջանին հանձնելուց հետո նաև Սյունիքի արևելքից՝հասկանում ենք, թե ինչ է դա նշանակում ռազմական առումով: Այդ շրջաններ կվերադառնան հարյուր հազարավոր ադրբեջանցիներ, ինչը նշանակում է, որ հայկական ռազմական այն հաջողությունները, որոնք առկա էին այդ շրջանները ազատագրելիս 1993-94թթ.-ին զրոյանում են: Ինչ վերաբերվում է Քելբաջարին, ապա նշենք, որ Քելբաջարը ապահովում է Արցախի ջրային պաշարները`դրանով ամեն ինչ ասված է շրջանի ռազմավարական կարևորության մասին: Նյութի աղբյուր՝ https://www.facebook.com/artem.balasanov/posts/1838681436210927 ...

    Կարդալ ավելին
  • Ադրբեջանում 2018թ.-ին ավելանալու են պաշտպանությանն ու ազգային անվտանգությանն ուղղված ծախսերը։ Այդ մասին հայտնում է Միլլի Մեջլիսի մամուլի ծառայությունը։ 2018թ.-ին պաշտպանության, ազգային անվտանգության, իրավապահ և դատական մարմինների համար նախատեսված ծախսերը կազմելու են 4068,3 միլիոն մանաթ, ինչը 5,2% ավել է 2017թ.-ի համեմատ։ 2738,7 կամ 67,3% (+3,7%) ուղղվելու է պաշտպանությանն ու ազգային անվտանգությանը, իսկ 1329,5 կամ 23,7% (+8,6%) իրավապահ և դատական համակարգին։ Ադրբեջանի կողմից սպառազինությունների մրցավազքի շարունակական ու գիտակցված հրահրումը հանգեցնում է նրան, որ ՀՀ-ն ստիպված է լինում գնել նորանոր զենքեր բյուջեի դեֆիցիտի, արտաքին մեծ պարտքի (տնտեսական ծանր վիճակի բարելավման հեռանկարներ չկան) պայմաններում: Երևանին մնում է միայն դիմել Բաքվին զենք վաճառելու համար հայ հասարակության շրջանում լայնորեն քննադատվող ՌԴ-ին նոր վարկեր ստանալու և ռազմական բալանսը պահպանելու համար։ Մոսկվային այս իրավիճակը լիովին ձեռնտու է: Շատ լավ տիրապետելով ՀՀ-ի տնտեսական առկա վիճակին, հեռանկարներին ու ներուժին՝ ՌԴ-ն ռազմական վարկերի միջոցով մեծացնում է ՀՀ-ի ռազմատեխնիկական կախվածությունը Մոսկվայից, ինչն էլ բերելու է մոտակա տասնամյակների ընթացքում քաղաքական, աշխարհաքաղաքական միակողմանի կախվածության։ Այս իրավիճակը շտկելու համար ՀՀ-ն պետք է ունենա միջոցներ, կառուցի նորմալ տնտեսություն, տնտեսապես հզորանա, որպեսզի լրացուցիչ եկամուտներ հատկացնի սեփական ռազմական արդյունաբերության կառուցմանը (Ադրբեջանը գնում է այդ ճանապարհով) ու մի շարք զինատեսակներում կամ գոնե արկերի մասով դառնա ինքնաբավ երկիր։ Դրան զուգահեռ` Երևանը պետք է ռազմատեխնիկական նոր կապեր ստեղծի (կրկին ֆինանսներ ունենալու պարագայում) այլ երկրների հետ: Դրանք կարող են լինել արտատարածաշրջանային՝ Չինաստան, Հնդկաստան, Արևելյան Եվրոպայի երկրներ, Լատինական Ամերիկա․ այդտեղ ազդեցիկ հայ համայնքներ կան, իսկ ռազմական համագործակցությունը բխում է քաղաքական սերտ կապերից։ Նյութի աղբյուր՝ https://www.facebook.com/artem.balasanov/posts/1517820811630326 ...

    Կարդալ ավելին
  • Ադրբեջանական ԶԼՄ–ները տեղեկություն են տարածել, որ Ադրբեջան են մատակարարվել իսրայելական արտադրության նոր սերնդի Spear MK2 ավտոմատ կառավարմամբ ականանետեր։ Այդ զենքն արտադրվել է Elbit Systems–ի կողմից։ Այդ ականանետերը ADEX ցուցահանդեսի ժամանակ տեղադրվել էին SandCat զրահամեքենաների վրա. ի դեպ` Ադրբեջանը նախորդ տարի արդեն գնել էր այդ մեքենաներն Իսրայելից։ Նոր ականանետերն կարողանում են խոցել թիրախները կառավարվող Spear ականներով`մինչև 10 կմ հեռավորությունից։ Ադրբեջանն իսրայելական զենքերի միջոցով փորձում է նվազեցնել «մարդկային գործոնը» ղարաբաղյան ճակատում: Ապագա պատերազմում Բաքուն Արցախի ու ՀՀ–ի դեմ կիրառելու է նորագույն զենքեր, որոնք լինելու են հեռակառավարվող կամ այդ մեքենաների կառավարումն իրականացվելու է մինիմալ քանակությամբ զինվորներով` հնարավոր է նաև իսրայելցի կամ այլ օտարազգի վարձկաններով։ Ադրբեջանը հաջորդ պատերազմում փորձելու է կիրառել «երեք ճակատների» մարտավարությունը`մեկը`առաջնայինը, լինելու է ղարաբաղյան ճակատը: Ադրբեջանը փորձելու է ապրիլին գրաված դիրքերից (Թալիշի մերձակայք և Լելե Թեփե) կրակի տակ պահել լայն շառավիղով ռազմավարական նշանակության օբյեկտները, գյուղերն ու քաղաքները, ինչպես նաև այդ դիրքերն օգտագործել, որպես նոր տարածքներ գրավելու մեկնակետեր կամ հենակետեր։ Երկրորդ ճակատը` Նախիջևանն է լինելու, որտեղից Բաքուն կրակի տակ է պահելու ՀՀ–ի ռազմավարական նշանակության մարզերը`Արարատի մարզը` գյուղատնտեսական ահռելի ներուժ, Վայոց Ձորը` բնական պաշարներ`«կապող օղակ» կյանքի ճանապարհ Սյունիք–Իրանի հետ, ինչպես նաև Սյունիքի մարզը, որն ունի հանքաարդյունաբերական հզոր ներուժ, այդ մարզում գտնվող հզորություններն ապահովում են ՀՀ–ի բյուջեի զգալի մասը, իսկ Սյունիքով են անցնում Իրանի հետ կապող ռազմավարական, այլընտրանքային (Վրաստանը, որպես արտաքին աշխարհին կապող «պատուհան») ճանապարհները։ Բացի այդ, Նախիջևանից ուղիղ հարվածի տակ կարող է գտնվել Երևանը` ՀՀ–ի մայրաքաղաքի ռազմա–քաղաքական, տնտեսական, ժողովրդագրական կարևորության մասին խոսելն անգամ ավելորդ է։ Երրորդ ճակատը լինելու է Տավուշի մարզը` 3-րդ բանակային կորպուս` Բաքուն կրակի տակ պահելով այդ մարզի սահմանամերձ գյուղերն ու առաջնագծում գտնվող զորամասերը թույլ չի տալու, որպեսզի այդտեղից զորքերը տեղափոխվեն և Վարդենիս–Մարտակերտ կարճ ճանապարհով օպերատիվ կերպով օգնության հասնեն հիմնական ճակատ` Արցախին։ Բացի այդ, կրակի տակ է պահվելու միջպետական` ՀՀ–Վրաստան ճանապարհը, որն անցնում է հենց Տավուշի մարզով` խոչընդոտելով ՀՀ–ի տնտեսական կյանքն ու քաղաքացիների տեղաշարժը։ Հիշեցնենք, որ Իսրայելի ՊՆ–ն վերջերս հայտարարել էր, որ Իսրայելի ռազմաօդային ուժերին է տրամադրվել արդիականացված, բոլոր եղանակային պայմանների համար նախատեսված մարտավարական անօդաչու Hermes 900–ը, որն արտադրվել է Elbit Systems–ի կողմից։ Իսրայելական ԶԼՄ–ների տվյալներով` Hermes 900–ի առաջին գնորդներից է լինելու Ադրբեջանը։ Նոր անօդաչուն ունի ռադիոէլեկտրոնային պայքարի միջոցներ, կարողանում է առցանց ռեժիմով տեղակատվություն տրամադրել։ Hermes 900 կարողանում է երկար ժամանակ գտնվել օդում և նախատեսված է հետախուզության համար, բացի այդ, այն կարելի է զինել նաև հարվածային միջոցներով։ Նշենք, որ Ադրբեջանում սկսվել է տեղական արտադրության «Zərbə» անօդաչու թռչող սարքերի փորձարկումներն ու մասայական արտադրությունը։ 2017թ.-ին նախատեսվում է ևս երկու տեսակի անօդաչուների արտադրության մեկնարկ։ Չմոռանանք, որ նախորդ տարի Ղարաբաղում ապրիլյան քառօրյայի ժամանակ Ադրբեջանը նույնպես բազմաթիվ անգամ և տարբեր նպատակների` հետախուզական, հարվածային, հրետանու կրակի ուղղորդում (корректировка огня) կիրառել է անօդաչու թռչող սարքեր, այդ թվում իսրայելական արտադրության կամիկաձեներ, իսկ այժմ սկսել է տարբեր տեսակի անօդաչուների սեփական արտադրությունը։ Ադրբեջանը քառօրյայից դասեր քաղելով հասկացել է անօդաչուների կիրառման արդյունավետությունը` Արցախի երկնքում կործանիչների կիրառությունը հանգեցնելու էր ՊԲ ՀՕՊ ուժերի հակազդմանն ու թե մարդկային` օդաչուներով, Ադրբեջանը երբեք աչքի չի ընկել և արցախյան պատերազմում օգտվել այլազգի օդաչուների ծառայություններից, ինչպես նաև նյութական` միլիոնավոր դոլար արժեցող կործանիչների կորուստների։ Սեփական արտադրության անօդաչուները այդքան էլ թանկ չեն` Իսրայելից գնելու համեմատությամբ, այդ պատճառով Բաքուն որոշել է գնալ հետախուզական, հարվածային (կամիկաձե) և հետախուզա-հարվածային տիպի անօդաչուների արտադրությանը, ինչը հուշում է, որ Ղարաբաղում այդ տիպի զինատեսակներն ավելի լայնորեն են կիրառվելու։ ՊԲ–ն պետք է ամրապնդի ՀՕՊ համակարգն ու РЭБ համակարգերը։ Անօդաչուների զանգվածային կիրառության նպատակն է տնտեսել թե՛ կործանիչ ավիացիան, թե՛ մարդկային գործոնը բացառել: Կործանիչի խոցումը բերելու է կամ անձնակազմի կորստին կամ նրանք կատապուլտայից օգտվելու պարագայում «ընկնելու» են ԼՂՀ տարածքում ու դառնան ադրբեջանական ագրեսիայի կենդանի վկաները` գերիներ, ինչը կունենա թե՛ ռազմական, թե՛ քաղաքական ծանր հետևանքներ Բաքվի ռեժիմի համար։ Անօդաչուները հաջորդ ռազմական գործողությունների ժամանակ օգտագործվելու են թե հետախուզական` ԼՂՀ խորքում զորքերի տեղաշարժը հսկելու, ինչպես նաև հարվածային նպատակներով` հարվածելով թիկունքից առաջնագիծ օգնության շտապող զինտեխնիկայի շարասյուններին, շարքից հանելով ենթակառուցվածքներն ու հարվածի տակ պահելով Քելբաջարի ու Լաչինի ճանապարհները, որպեսզի ՀՀ-ից օգնության ինտենսիվությունը սահմանափակվի։ Հարվածներ կարող են հասցվել նաև Ստեփանակերտի դեռևս չգործարկված օդանավակայանին, թռիչքուղուն և այլն` Երևան-Ստեփանակերտ օդային ճանապարհով ռազմական աջակցությունը խափանելու համար։ Նյութի աղբյուր՝ https://www.facebook.com/artem.balasanov/posts/1479226282156446 ...

    Կարդալ ավելին
  • Յուրի Խաչատուրովը նշանակվել է ՀԱՊԿ գլխավոր քարտուղար: Նա իր պարտականությունները կստանձնի 2017-ի մայիսի 2-ին: Այդ մասին Բիշքեկում հայտարարել է կազմակերպության գլխավոր քարտուղարի պաշտոնակատար Վալերի Սեմերիկովը: «ՀԱՊԿ գլխավոր քարտուղարի նշանակման հարցը քննարկելիս միաձայն որոշում է կայացվել այդ պաշտոնում մայիսի 2-ից նշանակել Յուրի Խաչատուրովին»,- ասել է Սեմերիկովը: Խաչատուրովը ՀԱՊԿ-ում բախվելու է «ադրբեջանամետ բլոկի» (Ղազախստան, Բելառուս) երկրների դիրքորոշումներին, որոնք դեռևս Նիլոլայ Բորդյուժայի օրոք տարբեր հարթակներում պաշտպանում էին Ադրբեջանի «տեսակետը» ղարաբաղյան հարցում։ Երբ Ադրբեջանը դիմում էր սադրանքների ղարաբաղյան ճակատում և հայ-ադրբեջանական սահմանին` Տավուշ և այլն, հայկական փորձագիտական դաշտն ու ԶԼՄ-ները պահանջում էին Բորդյուժայից կտրուկ հայամետ դիրքորոշում ու Ադրբեջանի քննադատություն` շատ օբյեկտիվ ու ճիշտ գնահատական ակնկալելով, քանի որ ագրեսորն իրոք Բաքուն էր։ Սակայն Բորդյուժան, ցանկանալով պահպանել կազմակերպության չեզոքությունը (այո, ՀՀ ՀԱՊԿ-ի անդամ է, սակայն ղարաբաղյան հարցով զբաղվում է Մինսկի խումբը), հանդես էր գալիս երկու կողմերին ուղղված կոչերով` պահպանել խաղաղությունն ու հարցը լուծել խաղաղ ճանապարհով։ Այժմ Խաչատուրովը, նշանակվելով այդ բարձր պաշտոնին, նույնպես շարունակելու է (հասկանալի է, նա հայ է, եղել է ՀՀ ԳՇ պետ, պետք է փորձի պահպանել բալանսն ու հնարավորինս չեզոքություն պահպանել ՀԱՊԿ-ի ներսում) հայկական շահերն առաջ տանել  ղարաբաղյան հարցում։ ՀԱՊԿ-ում վերջնական ու ծանրակշիռ ձայնը պատկանում է ՌԴ-ին: Մոսկվան չի կարող թույլ տալ, որ ՀԱՊԿ-ն, անկախ քարտուղարի քաղաքացիությունից ու ազգությունից, վերածվի միակողմանի հայամետ կառույցի` հաշվի առնելով թյուրքախոս անդամների` Ղազախստանի, Ղրղզստանի դիրքորոշումն ու Մինսկի խմբի չխանգարելու քաղաքականությունը։ Խաչատուրովից պետք է ակնկալել ՀԱՊԿ-ՀՀ ռազմավարական կապերի խորացում, ռազմա-տեխնիկական համագործակցության ոլորտը նոր մակարդակի բարձրացնելու աշխատանք (կադրերի պատրաստում, ՀԱՊԿ ակադեմիա, զորավարժությունների ակտիվացում ՀՀ տարածքում), սակայն ինչ վերաբերվում է ղարաբաղյան հարցին՝ Ադրբեջանի սադրանքներին ՀՀ-ի ուղղությամբ, Տավուշում սահմանային լարվածություն և այլն (չմոռանանք, որ Տավուշում 3-րդ բանակային կորպուսի հրամանատարն է նրա որդին` Գրիշա Խաչատուրովը), ՀԱՊԿ-ի նորանշանակ քարտուղարը պահպանելու է այն «ավանդույթը», որ թողել է Բորդյուժան, ու հաշվի առնի այն «շահերի բախումները», որոնք առկա են ՀԱՊԿ-ի անդամների միջև («ադրբեջանամետ բլոկի», ՌԴ-ի ազդեցիկ խոսքի ու ՀՀ-ին հնարավորինս օգուտ տալու բալանսի ենթատեքստում)։ Նյութի աղբյուր՝ https://www.facebook.com/artem.balasanov/posts/1327763380636071 ...

    Կարդալ ավելին
  • Ռուսաստանի նախագահ Վլադիմիր Պուտինը Միացյալ Նահանգների կողմից Սիրիայի օբյեկտների ուղղությամբ հարձակումն ինքնիշխան պետության դեմ հարձակում է համարում: Այս մասին լրագրողներին ասել է Կրեմլի պաշտոնական ներկայացուցիչ Դմիտրի Պեսկովը: Իրանի ԱԳՆ-ի պաշտոնական ներկայացուցիչ Բահրամ Ղասեմի հայտարարել է, որ Իրանը խստորեն դատապարտել է Միացյալ Նահանգների զինված ուժերի կողմից սիրիական «Շայրաթ» ավիաբազայի հրթիռակոծումը։ Իրան-ՌԴ տանդեմ ԱՄՆ-ի գործողությունները Սիրիայում ավելի են ամրապնդելու ՌԴ-Իրան դաշինքը Սիրիայում։ ՌԴ-ը և Իրանը Ասադի տապալումը թույլ չտալու համար ավելացնելու են ռազմական ներկայությունը Հմեյմիմում ու Լաթաքիայում` Մոսկվայի պարագայում, իսկ Իրանի պարագայում` շիական, իրանամետ տարբեր խմբավորումներ Իրանից կուղղորդվեն Սիրիա։ Հզբոլահը այս տարիներին բավականին մեծ կորուստներ է ունեցել և պետք է նոր համալրումներր ստանա Լիբանանից։ Ասադն այս պարագայում ստիպված կլինի հայտարարել ռազմական դրություն, համընդհանուր զորահավաք` զենք տրամադրելով 18-45 տարեկան տղամարդկանց։ Սակայն բանակը համալրելն այնքան էլ հեշտ չի լինի. շատերը խուսափում են կռվել Ասադի համար, բանակի կորիզը կազմում են Ալևիները, սակայն այս հինգ տարիների ընթացքում Ալևիները մեծ կորուստներ ունեցան, գրեթե յուրաքանչյուր ընտանիք այս պատերազմում ընտանիքի անդամ է կորցրել։ ԱՄՆ-ի «բազեները» տարածաշրջանում ԱՄՆ-ի տարածաշրջանային դաշնակիցները` Թուրքիան, Իսրայելը, Սաուդյան Արաբիան իրենց աջակցություն են հայտնել Թրամփի գործողություններին Սիրիայում։ Իսրայելն, ի դեմս Թրամփի, ունի իսրայելամետ նախագահ. հրեական լոբբի ազդեցությունը նոր նախագահի վրա մեծ է, բացի այդ՝ Թրամփն ու Պենտագոնը որդեգրել են հակաիրանական քաղաքականություն տարածաշրջանում։ Իրանին թուլացնելու ջանքերը միավորել են Իսրայելին ու ԱՄՆ-ին։ Թուրքիան տարիներ շարունակ զինում է Ասադի հակառակորդներին. այժմ էլ նրանք ցանկանում են մնալ Սիրիայի հյուսիսում ստեղծված բուֆերային գոտում` թույլ չտալով Քուրդիստանի ձևավորում, ինչպես նաև տեղի թուրքմեններին պաշտպանելու պատրվակով ռազմաբազաներ կստեղծեն Սիրիայի հյուսիսում։ Սիրիայի հարևանները փորձում են «կազմաքանդված» Սիրիայում ունենալ ազդեցության գոտիներ ու սեփական «փոքրիկ Սիրիաներ»։ Ինչ վերաբերվում է Սաուդյան Արաբիային, ապա Էռ-Ռիյադը համարվում է Իրանի հիմնական հակառակորդներից մեկը` Իրանին դուրս մղելը Սիրիայից, Լիբանանից գերխնդիր է սաուդացիների համար։ ԱՄՆ-ի հարվածները Ասադի ուժերին ու նրա հնարավոր տապալումը կխզի «շիայական առանքցը»` Իրան-Իրաք-Սիրիալ-Լիբանան (Հզբոլահ): ԱՄՆ-ի նպատակը Թրամփն ու նրա «բազեները»` Պենտագոն, հետախուզություն, Կոնգրեսի մի հատվածը և այլն, ցանկանում են Սիրիայից դուրս մղել Իրանին (հակաիրանականությունը Թրամփի վարչակազմի ուղենիշներից մեկն է), ինչպես նաև ՌԴ-ին («սառը պատերազմը» Վաշինգտոնի ու Մոսկվայի միջև շարունակվում է նաև այս պահին Սիրիայում)։ Եթե Մոսկվան ու Թեհրանն ավելի մեծ ուժեր և ռեսուսրներ նետեն Ասադին օգնելու, ԱՄՆ-ն կզինի իսլամիստներին` Թուրքիայի ու Սաուդյան Արաբիայի միջոցով ու երկարաժամկետ հեռանկարով կներքաշի Իրանին ու ՌԴ-ին սիրիական թնջուկի մեջ` բոլոր հետևանքներով (աֆղանական սցենար): Իսկ եթե ՌԴ-ն և Իրանը չցանկանան փրկել Ասադին, ապա Դամասկոսում կլինի թուրքամետ, սաուդամետ, ամերիկամետ իշխանություն, որն էլ կպահանջի ՌԴ-ին դուրս բերել զորքերը Սիրիայից, իսկ Իրանի նկատմամբ կորդեգրի այնպիսի քաղաքականություն, որն այժմ որդեգրել են Ծոցի արաբական երկրները։ ԱՄՆ-ն գործում է մի քանի սցենարներով` բոլորն էլ նպատակ ունեն հարվածել ՌԴ-ին ու Իրանին, իսկ սիրիական ժողովրդի մասին Վաշինգտոնում չեն մտածում. ոչնչացնելով Ասադի ուժերը՝ նրանք ուժեղացնում են իսլամիստներին, որոնք էթնիկ զտումներ են իրականացնելու տեղի քրիստոնյաների, ալևիների նկատմամբ, ինչն էլ մի քանի միլիոն նոր փախստականների հոսք կապահովի դեպի ԵՄ, նրանց հետ Եվրոպա կներթափանցեն նաև հազարավոր ահաբեկիչներ։ ԱՄՆ-ն, ոչնչացնելով Սիրիան՝ որպես պետականություն, բացելու է «պանդորայի արկղը»` Մերձավոր Արևելքում նոր միջկրոնական և այլ proxy war հրահրելով։ Նյութի աղբյուր՝ https://www.facebook.com/artem.balasanov/posts/1319739058105170 ...

    Կարդալ ավելին

ՖԲՀ

Քաղաքականություն