• Հաս Չախալյան
  • Ձմեռ ու ցուրտ էր,երբ Հայկը հայտնվեց գիշերօթիկում :Նրա վախեցած աչքերը երբեմն սառում էին մի կետում:Որքան անգամն էր հարբեցող հայրը ծեծել նրան,դժվար էր իմանալ:Բայց ամեն անգամ նա պաշտպանել էր մորը ու քույրերին,որոնք թաքնվել էին մահճակալի տակ: Մի օր ուշ գիշեր էր,երբ մենք պատրաստվում էինք քնելև ես նկատեցի քրքրված անցքեր Հայկի ուսերն:Նա չսպաեց իմ հարցին: -Հորս ոտնահետքերն են,-սառնորեն ասաց նա ու թաքնվեց վերմակի տակ: Երբեմն ես լսում էի նրա հեկեկոցն ու ճիչը: Ու ամբողջ գիշեր չէի կարողանում քնել: Արդեն ութ ամիս էր նա չէր տեսել իր ընտանիքին:ՄԻ օր իմացանք,որ Հայկի մայրը եկել էր այցելության: Նա վազում էր գիշերօթիկի աստիճաններով:Կարոտի միջանցքում սպասում էր մայրը:Դեղին դեմքով և մաշված ձեռքերով մի կին,որի կապտուկներից տխրություն էր ծորում: -Մա՜մ,-բղավեց Հայկն ու ընկավ մոր ձեռքերի մեջ:էլ ոչինչ չկարողացավ ասել,արցունքների անձրևով թրջեց մոր այտերը ու մի քանի ժամ զգաց,որքա՜ն արագ է զարկում մայրական սիրտը,երբ լաց Է լինում զավակի համար: Նրա մայրը հազիվ էր քայլում:Հայկին ասել էր,որ ընկել էր պատահմամբ և ոչ մի խոսք չէր խոսել հորից: Մոր այցելությունից հետո Հայկը փոխվեց:Նրա խաժ աչքերն յուրօրինակ փայլ ստացան: Գիշերօթիկում բոլորս սիրում էինք նրան:Նա չարաճճի կատակներ էր անում մեզ համար: Երբ ճաշում էինք,նա հավաքում էր հացի փշրանքները,երբեմն բնազդաբար:Թվում էր՝բաժին էր հանում իր մոր ու քույրերի համար:Բայց հետո կերակրում էր շներին,որ անօթևան էին ու ոսկրոտ: Մենք ֆուտբոլ էինք խաղում,երբ ուսուցիչը ընդհատեց խաղը և կանչեց մեզ իր մոտ:Նա հուզված էր սաստիկ , կրծում էր շուրթերը և ակամա նայում էր Հայկին: Հայկը քարացել էր տեղում:Նա ուզում էր կռահել ուսուցչի ասելիքը,բայց ապարդյուն: -Մա՛յրդ, մահացել է,-հազիվ կարողացավ արտաբերել ուսուցիչը : Հայկը ոչ մի արձագանք չտվեց մեզ,սկսեց վազել գիշերօթիկի աստիճաններով,ինչպես այն օրը,երբ մայրը եկել էր այցելության: Նա կծկվել էր կարոտի միջանցքում ու գրկել ինքն իրեն:Աչքերը սեղմել էր իրար ու ատամներով կծել իր լեզուն:Բայց մի կաթիլ արցունք հոսում էր աչքերից,գրպանների մեջ հացի փշրանքներն էին դողում:Նա մենակ էր ու որբ,ինչպես այն ոսկրոտ շները,որ սպասում էին հացի փշրանքներին: Հաս Չախալյան Նյութի աղբյուր` https://www.facebook.com/permalink.php?story_fbid=996589970456677&id=100003170508778&from_close_friend=1&ref=notif&notif_t=close_friend_activity&notif_id=1468827592988463 ...

    Կարդալ ավելին
  • Երեկ ես բարձրացա հիշողության վերելակով:Ու սեղմեցի բոլոր կոճակները ու կանգ առա հինգերորդ հարկում:Վերելակի դռները հազիվ բացվեցին ու հազիվ ճանաչեցի մեր բնակարանը: Թակեցի դուռը :Դռան արանքից լսվեց հողաթափերի քսքստոց,որ նման էր տատիս,որ շտապում էր դռան առաջ,երբ լսում էր կես ոտնաձայն: Հետո ես մտա ներս ու անծանոթ մի կին ժպիտով բարևեց ինձ: Կարծեցի սխալ հասցեով եմ եկել և ուզում էի հեռանալ,բայց խոհանոցի տաք բույրը կանչեց ներս: Ամեն ինչ նույնն էր,ոչինչ չէր փոխվել:Տատս խոհանոցում ապուր էր եփում:Շերեփը ձեռքին փաթաթվեց ինձ:Ու նրա գոգնոցից ես հոտոտեցի մանկությանս բույրը: Հետո եղբայրս նետվեց խոհանոց ու կանչեց ինձ պատշգամբ:Մենք երկուսով սկսեցինք խաղալ թղթե նավակներով,որ պատրաստում էր եղբայրս ու նավարկում ջրափոսերում: Տատս միայնակ էր ապրում:Ես և եղբայրս գրեթե միշտ նրա հետ էինք: Ծնողներս որոշեցին մեկնել Հայաստանից ու ապրել օտար մի երկրում,որ հազարավոր մղոն հեռու էր իմ երազներից:Ես մեկնեցի ծնողներիս հետ,իսկ եղբայրս ՝մնաց տատիս մոտ:Ես նախանձում էի եղբորս,որ կարողացավ դեմ դուրս գալ ծնողներիս..... Երբ հեռանում էինք,անձրև էր ու ջրափոսերը լցվել էին արցունքներով,իսկ եղբայրս պատշգամբից կանգնած նայում էր մեզ: Մի օր տատս վատառողջ էր,նրանից հետո եղբայրս ապրում էր միայնակ: Անցել էր տասը տարի,երբ տատս չկար,իսկ եղբայրս դարձել էր զինվորական ու արժանացել տարբեր կոչումների: Երեկ վերադարձա Հայաստան,շտապեցի հիշողությունների մեր բույնը,բայց չգտա ո՛չ տատիս,ո՛չ եղբորս: Անծանոթ կինը,որ բացեց տան դուռը,մեր տան վարձակալն էր: Իմացա,որ եղբայրս մեկնել էր Ղարաբաղ և ոչ մի լուր չէր տվել մեզ: Երբ հիշողության վերելակում օդը ծանր էր ու հորս զանգից,պարզ դարձավ՝երբեք չեմ տեսնելու եղբորս: Նա զոհվել էր անցած գիշեր թշնամու դեմ տարած հաղթանակաից: Ես ուզեցա վերադառնալ հինգերորդ հարկ,որովհետև լացս խեղդելու համար տատիս գոգնոցն էր հարկավոր: Արցունքներս հոսեցին ջրափոսերի մեջ,որ սպասում էին եղբորս նավակներին..... Հաս Չախալյան Նյութի աղբյուր` https://www.facebook.com/permalink.php?story_fbid=982920635156944&id=100003170508778 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին