• Սուսաննա Ղազարյան
  • Կամուրջները, որ չեն այրվում Լուսնարբունքի ցնորքներից,  Նոր առեղծվածներ են հյուսում` Աշնան դեղնադեմ օրերից…  Միացնում են ու բաժանում` Կամուրջները յոթնակամար,  Ճերմակ անուրջներ են թևում Ու մեռնո'ւմ են, մեռնո'ւմ են հար:  Կամուրջները սիրակարոտ Հանդիպումներ են հորինում,  Բայց քամին է վայում երկչոտ Թախծամրուր փողոցներում: Նյութի աղբյուր` https://www.facebook.com/photo.php?fbid=568131340060132&set=a.178448252361778.1073741830.100005898131454&type=3&theater ...

    Կարդալ ավելին
  • Աշունն իր մարգարտե արցունքի ցողով պարուրեց արնագույն պսակդ:  Ժամանակի անողոք քամին պոկեց ու տարավ թերթիկներդ,  որոնք հողին էին հասցեագրված…  Փխրուն փշերդ չծակեցին անտարբեր ձեռքերին.  ձեռքերը ցավեցրին քեզ ու հանդարտ հեռացան.  հեռացան անհուշ… այնպես, ասես ոչինչ,  ոչինչ էլ չի եղել…  Բայց դու, որ հավետ երազող ես,  քո հոգեճախրանքի մեջ արևի շող գրկեցիր…  Աշունն իր դեղին ձեռքերով փակեց բոլոր դռներն ու պատուհանները,  որտեղից կարող էր գարունը ներս թափանցել, և դու մնացիր աշնան թոշնած ափի մեջ` հույսի գարուններ տենչալով... Նյութի աղբյուր` https://www.facebook.com/photo.php?fbid=563869947152938&set=a.178448252361778.1073741830.100005898131454&type=3&theater ...

    Կարդալ ավելին
  • ՀԱՄԲՈւՅՐՆԵՐԻ ՓՈԽԱՐԵՆ Շուրթերիս դողը Նորից հուշում է Համբույրիդ համը:  Լսի'ր, ինչու է Սիրո կրակը Ծնվում խենթացնող Մի բռնկումով Ու հետո հանկարծ Մարում աննկատ:  Քո պաղ համբույրը Մեռած արևի  Ջերմությունն ուներ,  Որ հոգուս խորքում Ցավի բացիկներ  Լուռ հասցեագրեց…  Եվ կարոտակեզ Շուրթերս հիմա Աշնան անկենդան Տերևների պես` Թոշնած ու դալուկ,  Մենության մահճում Դողում են տխուր… Նյութի աղբյուր` https://www.facebook.com/photo.php?fbid=559529547586978&set=a.178448252361778.1073741830.100005898131454&type=3&theater ...

    Կարդալ ավելին
  • Չսովորեցի դնել վերջակետ.  Միջակետերը թռչուն են ազատ,  Ու ինձ թվում է` ես իմ ցավի հետ Ընկերացել եմ, դարձել հարազատ: Ինձ վերջակետից հետո կմնա Մի ցուրտ, ճաքճքված, ամայի հոգի,  Միջակետերը քեզ շատ են նման.  Կգաս, ու նորից ցավս կամոքվի: Ու բոլոր-բոլոր վերջակետերը Կջնջես դատարկ, խոնավ մայթերից,  Մեր կյանքում միայն միջակետեր են…  Ես չեմ վախենում քո տագնապներից… Նյութի աղբյուր` https://www.facebook.com/hayuhi.hayuhi.5/posts/556521327887800?from_close_friend=1&ref=notif&notif_t=close_friend_activity&notif_id=1471547661121951 ...

    Կարդալ ավելին
  • Ես եմ մեղավոր,  Որ Գողգոթայի ճամփան անցնելիս հանդիպեցի քեզ ու խաչ բարձրացրի` որպես մեղսավոր, տանջահար սիրո վերջին հանգրվան…  Չհասկանալով, որ ոչինչ-ոչինչ ինձ տալ չես կարող.  դու քեզ բաշխել ես մթին ճամփեքին,  քեզ տվել քամուն, հողմերին շաչող,  հիմա ձեռնունայն կանգնել իմ դիմաց,  պարտապանի պես գլուխդ կախել,  ու կեսգիշերվա լռության զարկն է ծղրիդի նման կեղեքում հոգիս:  Եվ ինչպես այն գորշ բնանկարի գույները երբեք ոչ մի նկարիչ չի կարող փոխել, որ կոչվում է կյանք,  այնպես մեզ տրված ճամփան չի կարող ազատագրվել խորդուբորդերից…  Ես ծանրացել եմ քո ցաված կրծքին` ոչ իբրև ծաղիկ, այլ մի ծակող քար,  որ ոչ կարող ես նետել պաղ լուսնին,  ոչ պահ տալ այնտեղ, ուր ես տեղ չունեմ:  Ես խենթ, երազող, անբույն թռչուն եմ.  ինչ-որ անգութ ձեռք իմ բույնը վաղուց քանդել է գուցե…  Ես եմ մեղավոր, որ հանդգնեցի այսքանից հետո իմ բույնը գտնել… Նյութի աղբյուր` https://www.facebook.com/hayuhi.hayuhi.5/posts/554770368062896?from_close_friend=1&notif_t=close_friend_activity&notif_id=1471180484803251 ...

    Կարդալ ավելին
  • Գրկի'ր ինձ…  Գրկիր ամո'ւր, այնքան ամո'ւր.  թող որ լսեմ ոսկորներիս ճարճատյունը,  թող որ հալվեմ, անէանամ քո տաք գրկում,  իսկ թե հետո ինչ կլինի` թող ծանրանա այս բիրտ կյանքի չեղած խղճին:  Վանդակի'ր ինձ.  Թող վիրավոր թռչնի նման ես թպրտամ քո ձեռքերում,  և թևերս անզոր լինեն վերստին երկինք ճախրելու:  Չէ որ, հոգի'ս, իմ երկինքը դու ես հիմա:  Իմ աստղավառ, իմ արևկա… Դե', գրկի'ր ինձ, ամուր-ամուր.  թող խորտակվեմ քո ձեռքերում,  իսկ թե վաղը ինչ կլինի…  Թող որ մնա այս անարդար,  այս գորշ կյանքի մեռած խղճին: Նյութի աղբյուր` https://www.facebook.com/hayuhi.hayuhi.5/posts/550950381778228?from_close_friend=1&ref=notif&notif_t=close_friend_activity&notif_id=1470398904238693 ...

    Կարդալ ավելին
  • ՎԱ'Յ ՁԵԶ Թող որ հաճույքից ոռնան դևերը, Չէ որ եկել են նեռի օրերը: Այս անհավատի սնամեջ դարում Գայլերը գառան մորթով են ապրում: Թող պայթի չարի տռզած սերմը, Արյան փոխարեն պիղծ հեղուկ հոսի, Անօրենին տան մեր Ոսկե Գեղմը, Հովվի բերանով թող պիղծը խոսի: Թող որ խավարում չարքերը պարեն, Ամենուր տիրի զեխ գինարբուքը, Թող որ մեր գենի ճիշտ ճամփեն շեղեն Ու թող վայելի գահը մարդուկը: Բայց դեռ գալու է այս ամենին վերջ. Չէ որ չի մեռել մեր գենը հայի, Որքան էլ լինենք մենք ամուլ ու ստերջ  Մի օր կծնվի հերոսը <<վայի>>: Վա'յ նրանց, ովքեր մեր շիվը դալար Կոտրեցին ու դեն նետեցին մի օր, Վա'յ, որ մեր լույսը դարձրին խավար Ու չարի սերմեր ձգեցին մի օր: Վա'յ նրանց, ովքեր մեր արդար ճամփեն Փորձեցին շեղել օտարի հունով. Մենք դեռ չենք մեռել. մեր Հայոց շենը Պիտի զորացնենք` Հայի ավյունով: Նյութի աղբյուր` https://www.facebook.com/hayuhi.hayuhi.5/posts/548324205374179?from_close_friend=1&ref=notif&notif_t=close_friend_activity&notif_id=1469859061199630 ...

    Կարդալ ավելին
  • ԱՅՍՕՐ ԻՄ ՕՐՆ Է. Ես ձերն եմ, ձերը,  Ինձ չեն կուրացնի Դափնին ու փառքը,  Ինձնից հեռու է Խղճի վաճառքը:  Ես չեմ հանձնվի Ճնշող հեղեղին,  Չեմ տրվի գալար,  Ճկող հողմերին:  Ծովի հմայքը Մոգական ուժով Միշտ կանչում է ինձ,  Բայց ես աներեր Կանգնած եմ, ահա,  Հաստաբուն ծառ եմ Խոր արմատներով` Ես եկել եմ ու Կանցնեմ դարերով:  Այսօր իմ օրն է… Դիմանկարը` Գեղամ Մելիքյանի:  Նյութի աղբյուր` https://www.facebook.com/photo.php?fbid=538187166387883&set=a.178448252361778.1073741830.100005898131454&type=3&theater ...

    Կարդալ ավելին
  • Ես էլ չկամ. չեմ էլ եղել…  Ես անանուն, անհիշատակ` Աստղափոշու նման ցանվել,  Ինչ-որ մեկը բիրտ քայլերով Անհետագիծ ջնջել է ինձ:  Իմ սերմերը տաք ափիդ մեջ Թվում է` չեն բնավորվել.  Ոչ ընկել են, ոչ ծիլ տվել,  Ոչ էլ` արմատներ են ձգել:  Հիմա ցուրտ է… ես մրսում եմ.  Ինձ արմատախիլ արեցիր Ու քո ափից դուրս նետեցիր Ինչ-որ հեռու, անհայտ մի ափ,  Ուր ձմեռը չի ավարտվել` Կամ երբեք էլ չի սկսվել:  Ինձ թվում է` ես էլ չկամ.  Ես ձյան հետ փաթիլվել եմ Ու իջնում եմ պաղ մայթերին,  Իսկ դու նորից կոխկռտում ես Իմ փետուրե, ճերմակ հոգին,  Բայց այլևս ցավ չեմ զգում…  Ես անանցյալ, ես աններկա,  Ես էլ ես չեմ, ես էլ չկամ… Նյութի աղբյուր` https://www.facebook.com/photo.php?fbid=536998839840049&set=a.178448252361778.1073741830.100005898131454&type=3&theater ...

    Կարդալ ավելին
  • Արարատի երկրում վաղուց է, ինչ օրհնություն չկա…  Օրերը շփոթել են իրենց տեղերը, աղետները բնավորվել բերրի տարածքներում, ամառն աշնան զգեստ է հագել` արտասվում է ու անվերջ արտասվում… Թվում է` մեր աղոթքներն այնքան նվաղ են, որ անգամ երկինք չեն համբառնում:  Մեզանում ակնհայտորեն պակասել է սերը…  Ամենուր երաշտ է սիրո, քանզի թույլ տվեցինք, որ չարն օձի պես ներս սողոսկի ու քանդի ամեն-ամեն բան… Եվ ահա բացվեցին Աստծո ընտրյալ ժողովրդի հոգու դռները, չէ որ Աստված իր Հրեշտակին է ուղարկել` Սեր, Բարություն, Միաբանություն և Օրհնություն տարածելու համար:  Բացենք դռները պաղ հոգիների,  Թող հրավառվեն արևի բոցով,  Մեր թոնիրներից թող աղոթք բուրի,  Ու մեր ամբարը լիանա հացով: Նյութի աղբյուր` https://www.facebook.com/photo.php?fbid=535010913372175&set=a.178448252361778.1073741830.100005898131454&type=3&theater ...

    Կարդալ ավելին
Загрузка...

ՖԲՀ

Քաղաքականություն