• Հենրիխ Մարգարյան
  • Առնիին 1970թթ․ լուսանկարել է հայ մարզական լուսանկարիչ Գրիգոր Ճոլոլյանը: Հայոց ցեղասպանության թանգարան-ինստիտուտում 2015թ․ օգոտոսի 4-ին բացվել էր «Հայկական սպորտը և մարմնակրթությունն Օսմանյան կայսրությունում» խորագրով ժամանակավոր ցուցադրություն, որտեղ ներկայացված էր նմուշ, ըստ որի 1977թ․-ին Առնոլդ Շվարցենեգերը նամակ է գրել «Արազ ստուդիային», որտեղ աշխատել է հայ լուսանկարչը, ու խնդրել մի քանի նկարներ: «Մի քանի տարի առաջ «Արազ»-ն ինձ լուսանկարել է, և ես ցանկանում եմ ձեռք բերել այդ նկարները, որոնք կօգտագործեմ իմ «Մարմնակազմության(բոդիբիլդինգի) կրթությունը» գրքում, որը կհրատարակվի Սիմոնի և Սուսթերի կողմից», - ասված է Շվարցենեգերի նամակում: Արդյոք նկարները հասել են հայտնի դերասանին, հայտնի չէ, քանի որ 1977թ․-ին Գրիգոր Ճոլոլյանն արդեն մահացել էր: ...

    Կարդալ ավելին
  • ՀՀ քաղաքացիների միջև ի՞նչ կարգով է իրականացվում ամուuնության պետական գրանցումը Ամուսնության կնքման համար անհրաժեշտ են ամուսնացող տղամարդու և կնոջ փոխադարձ կամավոր համաձայնությունը և ամուսնական տարիքի հասնելը: Արգելվում է ամուսնություն կնքել՝ ա) այն անձանց միջև, որոնցից թեկուզև մեկը գտնվում է օրենքով սահմանված կարգով գրանցված մեկ այլ ամուսնության մեջ.  բ) մերձավոր ազգականների (ուղիղ վերընթաց ու վայրընթաց ազգականների՝ ծնողների ու զավակների, պապի, տատի ու թոռների, ինչպես նաև հարազատ և համահայր կամ համամայր եղբայրների ու քույրերի, մորաքրոջ, հորաքրոջ, հորեղբոր և մորեղբոր զավակների) միջև.  գ) որդեգրողների և որդեգրվածների միջև.  դ) այն անձանց միջև, որոնցից թեկուզև մեկին դատարանը ճանաչել է անգործունակ: Ամուuնության պետական գրանցումն իրականացվում է ամուuնացող անձանց պարտադիր ներկայությամբ։  Ամուսնության գրանցումը լիազորագրով կամ ներկայացուցչի միջոցով, այսինքն` հեռակա կարգով, չի թույլատրվում:  Եթե ամուuնացող անձինք (ամուuնացողներից մեկը) չեն կարող ներկայանալ ՔԿԱԳ մարմին ծանր հիվանդության կամ Հայաuտանի Հանրապետության oրենuդրությամբ նախատեuված հարգելի այլ պատճառներով, ապա ամուuնության պետական գրանցումն ամուuնացող անձանց ներկայությամբ կարող է կատարվել տանը, բժշկական կամ այլ հաստատությունում։ ՔԿԱԳ մարմնի աշխատավայրից դուրս ամուսնության պետական գրանցումը կարող է կատարվել միայն հետևյալ դեպքերում` 1) ամուսնացող անձինք (ամուսնացողներից մեկը) չեն կարող ներկայանալ ՔԿԱԳ մարմին ծանր հիվանդության կամ Հայաստանի Հանրապետության օրենսդրությամբ նախատեսված հարգելի այլ պատճառներով.  Այս դեպքում ամուսնացող անձանց դիմումում կամ առանձին հայտարարության մեջ նշում են ամուսնության պետական գրանցումը տանը, բժշկական կամ այլ հաստատությունում կատարելու անհրաժեշտության մասին` դիմումին կամ հայտարարությանը կցելով ծանր հիվանդության առկայությունը հավաստող համապատասխան բժշկական փաստաթուղթը կամ Հայաստանի Հանրապետության օրենսդրությամբ նախատեսված հարգելի այլ պատճառները հավաստող փաստաթուղթը: Դիմումը ՔԿԱԳ մարմին է ներկայացվում ամուսնության պետական գրանցման օրվանից առնվազն 5 օր առաջ:  2) ամուսնացող անձինք (անձանցից մեկը) կալանավորված են կամ պատիժ են կրում ազատազրկման վայրերում.  Կալանավորված կամ ազատազրկման վայրերում պատիժ կրող անձն ամուսնության հայտարարությանը կցում է նաև կալանավորված անձանց պահելու կամ ազատազրկման վայրերի ղեկավարի` համապատասխան վայրում ամուսնության պետական գրանցումը կատարելու համաձայնությունը:  3) ամուսնացող անձանց ցանկությամբ՝ օրենսդրությամբ նախատեսված համապատասխան գումարը վճարելու դեպքում. ամուսնացող անձանցից մեկն անձամբ կամ սահմանված կարգով լիազորված անձի միջոցով ամուսնության պետական գրանցման օրվանից առնվազն 5 օր առաջ դիմում է ներկայացնում ՔԿԱԳ մարմին` ամուսնության պետական գրանցումը համապատասխան վայրում հանդիսավոր պայմաններում կատարելու համար: Եթե դիմումը ներկայացվում է Հայաստանի Հանրապետության արդարադատության նախարարության աշխատակազմի քաղաքացիական կացության ակտերի գրանցման գործակալության քաղաքացիական կացության ակտերի գրանցման ամուսնության պալատ, ապա դիմումին կցվում է ՔԿԱԳ մարմնի աշխատավայրից դուրս ամուսնության գրանցման համար պետական տուրքի՝ 10000 ՀՀ դրամ գումարի և Հայաստանի Հանրապետության արդարադատության նախարարության արտաբյուջետային հաշվին Հայաստանի Հանրապետության օրենսդրությամբ նախատեսված գումարի՝ 50.000 ՀՀ դրամ, վճարված լինելը հավաստող անդորրագիրը: Եթե դիմումը ներկայացվում է ՔԿԱԳ այլ տարածքային մարմին, ապա դիմումին կցվում է պետական տուրքը և տվյալ համայնքի ավագանու կողմից սահմանված գումարը (այդպիսին նախատեսված լինելու դեպքում) համայնքի բյուջե վճարված լինելու փաստը հավաստող անդորրագիրը: Ամուսնության պետական գրանցումը ՔԿԱԳ մարմնի աշխատավայրից դուրս կատարելու համար ՔԿԱԳ մարմնի աշխատողի փոխադրումը ՔԿԱԳ մարմնի աշխատավայրից մինչև ամուսնության պետական գրանցման համապատասխան վայր և հակառակ ուղղությամբ հոգում են ամուսնացող անձինք: Ամուuնության պետական գրանցումը կատարում է՝  • ամուuնացողներից մեկի հաշվառման վայրի (բնակության վայրի՝ համապատասխան տեղեկանքի առկայության դեպքում) ՔԿԱԳ տարածքային մարմինը կամ • Հայաստանի Հանրապետության արդարադատության նախարարության համակարգում գտնվող` ամուսնության և ծննդի հանդիսավոր գրանցման պալատը (հասցե՝ ք. Երևան, Զաքյան փող., 3 շենք, Կենտրոն վարչ. շրջան, հեռ.՝ +374-10-520230): Առանց մշտական հաշվառման ապրող քաղաքացիների ամուսնության գրանցումը կատարվում է ամուսնացող քաղաքացու ժամանակավոր բնակության վայրի ՔԿԱԳ մարմնի կողմից: Այդ դեպքում քաղաքացին պետք է ներկայացնի տեղեկանք ժամանակավոր բնակության վայրից՝ տրված իրավասու մարմինների կողմից։ Եթե ամուսնության մասին դիմումը տրվում է ամուսնանալ ցանկացող զինծառայողի կողմից, ըստ ծառայության վայրի, ապա զինծառայողի բնակավայր է համարվում համապատասխան զորամասի կամ հիմնարկի։ Ի՞նչ փաստաթղթեր են ներկայացվում ամուսնության պետական գրանցման համար Ամուuնության պետական գրանցման համար անհրաժեշտ է. 1. Ամուuնացող անձանց համատեղ գրավոր դիմումը (ձևանմուշը կարող եք ձեռք բերել ՀայաստանիՀանրապետության արդարադատության նախարարության կայքից՝ www.moj.am հասցեով կամ ՔԿԱԳ մարմնից). Եթե ամուuնացող անձանցից մեկը չի կարող ներկայանալ ՔԿԱԳ մարմին` համատեղ դիմում տալու համար, ապա դիմումը` ստորագրված ամուսնացող անձի կողմից կարող է ՔԿԱԳ տարածքային մարմին ներկայացնել նրանցից մեկը: Այդ դեպքում բացակայող անձի ստորագրությունը համատեղ դիմումում պետք է վավերացվի նոտարական կարգով կամ օտարերկրյա պետությունում գտնվող Հայաստանի Հանրապետության հյուպատոսական մարմինների կողմից կամ նոտարի գործառույթներ իրականացնելու իրավասություն ունեցող այլ անձի կողմից:  2. ամուսնացող անձանց անձը հաuտատող փաuտաթղթերը.  3. նախորդ ամուuնության դադարման մաuին փաuտաթուղթը, եթե անձը նախկինում գտնվել է ամուuնության մեջ (օրինակ՝ ամուսնալուծության վկայական, ամուսնու մահվան վկայական կամ ամուսնությունն անվավեր ճանաչելու մասին դատարանի օրինական ուժի մեջ մտած վճիռ, օտարերկրյա պետության դատարանի կողմից կայացված ամուսնալուծության մասին օրինական ուժի մեջ մտած վճիռ և այլն)։ Ի՞նչ ժամկետում է կատարվում ամուսնության պետական գրանցումը Ամուuնության պետական գրանցումն իրականացվում է ՔԿԱԳ տարածքային մարմին համատեղ դիմում տալու oրվանից 10 օր հետո: Ամուսնացող անձանց համատեղ դիմումում կարող է նշվել ամուսնության պետական գրանցումն իրականացնելու համար ավելի ուշ ժամկետ, բայց ոչ ուշ, քան դիմումը տալու օրվանից երեք ամիս հետո: Եթե ամուսնանալ ցանկացողները հարգելի պատճառներով չեն կարող ներկայանալ ՔԿԱԳ մարմին նրա կողմից որոշված օրը, ապա ամուսնության գրանցման ժամկետը նրանց խնդրանքով փոխվում է: Այդ մասին նշում է կատարվում ամուսնության մասին դիմումի վրա: Եթե դիմողները չեն ներկայացել ՔԿԱԳ մարմին` ամուսնության դիմում տալու օրվանից հետո եռամսյա ժամկետում, ապա դիմումը համարվում է անվավեր: Ամուսնացող անձանց համատեղ դիմումի հիման վրա ամուսնության պետական գրանցման 10-օրյա ժամկետը կարող է կրճատվել հետևյալ հարգելի պատճառների առկայության դեպքում.  1) ամուսնացող անձանց համատեղ երեխա (ներ) ունենալը.  2) ամուսնացող կնոջ հղիությունը (առնվազն 12 շաբաթական).  3) ամուսնացող անձի զորակոչվելը ժամկետային զինվորական ծառայության.  4) ամուսնացող անձի` Հայաստանի Հանրապետության զինված ուժերում ծառայության կամ ժամկետային զինվորական ծառայության մեջ գտնվելը.  5) ամուսնացողների կամ նրանցից մեկի` Հայաստանի Հանրապետության տարածքից երկարատև ժամանակով մեկնելու (բացակայելու) դեպքում.  6) ամուսնացող անձի ծանր հիվանդությունը: Հարգելի պատճառները պետք է հաստատված լինեն համապատասխան փաստաթղթերով (օրինակ՝ կնոջ հղիության վերաբերյալ բժշկական տեղեկանք, երեխայի ծննդյան և հայրության ճանաչման վկայական, զինվորական ծառայության վայրից տեղեկանք, Հայաստանի Հանրապետության տարածքից մեկնելու փաստը հաստատող փաստաթուղթ և այլն): Ինչպե՞ս է որոշվում ամուսինների ազգանունը ամուսնության գրանցման ժամանակ Ամուսնության պետական գրանցման ժամանակ ամուսնության ակտի գրանցման մեջ ամուսինների ազգանունը լրացվում է նրանց ցանկությամբ (ընդհանուր ազգանուն կամ մինչամուսնական ազգանվան պահպանում)։ Եթե ամուսիններն ընտրել են ընդհանուր ազգանուն, ապա այն կարող է լրացվել ամուսիններից մեկի ազգանունով կամ այնպիսի ազգանունով, որը պարունակում է կնոջ և ամուսնու ազգանունը միաժամանակ։ Ընդհանուր ազգանունը չի կարող պարունակել երկու ազգանունից ավելի և գրառվում է գծիկով (օրինակ՝ այրը՝ Պողոսյան, կինը՝ Ասատրյան, ընդհանուր ազգանունը՝ այրը՝ Պողոսյան-Ասատրյան, կինը՝ Պողոսյան-Ասատրյան): Եթե ամուսնացողներից մեկն արդեն իսկ կրում է կրկնակի ազգանուն, ՔԿԱԳ մարմինը մերժում է ամուսինների խնդրանքը։ Ի՞նչպիսի իրավական հետևանքներ է առաջացնում ամուսնության պետական գրանցումը Հայաստանի Հանրապետությունում ճանաչվում է միայն քաղաքացիական կացության ակտերի գրանցման մարմնում գրանցված ամուսնությունը: Փաստացի համատեղ բնակությունը, եկեղեցական կարգով ամուսնությունը ամուսինների համար չեն առաջացնում այն իրավական հետևանքները, որոնք ամուսինների համար նախատեսված են Հայաստանի Հանրապետության օրենսդրությամբ գրանցված ամուսնության պարագայում: Ամուսնության ընթացքում ամուսինների ձեռք բերած գույքը նրանց համատեղ սեփականությունն է, եթե այլ բան նախատեսված չէ օրենքով կամ նրանց միջև կնքված պայմանագրով: Որքա՞ն է կազմում պետական տուրքի դրույքաչափը Ամուսնության գրանցման համար գանձվում է պետական տուրք՝ 1000 ՀՀ դրամի չափով: ՔԿԱԳ մարմնի աշխատավայրից դուրս ամուսնության պետական գրանցման համար գանձվում է պետական տուրք՝ 10000 ՀՀ դրամ գումարի չափով և արտաբյուջետային վճար հետևյալ չափով.  Հայաստանի Հանրապետության արդարադատության նախարարության աշխատակազմի քաղաքացիական կացության ակտերի գրանցման գործակալության քաղաքացիական կացության ակտերի գրանցման ամուսնության պալատի կողմից ամուսնության գրանցման դեպքում՝ 50.000 ՀՀ դրամ, - ՔԿԱԳ այլ տարածքային մարմնի կողմից ամուսնության գրանցման դեպքում՝ համապատասխան համայնքի ավագանու կողմից սահմանված գումարի չափով (այդպիսին նախատեսված լինելու դեպքում): Նյութի աղբյուր՝ https://www.facebook.com/photo.php?fbid=1867131930214279&set=a.1388594178068059.1073741827.100007524694935&type=3&theater ...

    Կարդալ ավելին
  • Նկատի ունենալով, որ դեպի Աջափնյակ ուղեգծի զարգացման նախնական երկրաբանական և հիդրոերկրաբանական հետազությունների արդյունքները կան, իսկ նախագիծը, որը կազմվել է 1979 թ․, կարիք ունի ուղղվելու և ներկայիս պահանջներին համապատասխանեցնելու: Այս փաստաթղթերի առկայությունը նախապատվություն տվեց մետրոպոլիտենի գծի զարգացմանը դեպի Աջափնյակ՝ երկու կայարանով: Այդ կայարանների կառուցման վարկավորումը ապահովելու խնդրանքով Երևան մետրոպոլիտենը դիմել է ՎԶԵԲ-ին, որի պատվերով միջազգային URS կազմակերպության փորձագետները մետրոպլիտենի մասնագետների հետ միասին իրականացրել են նախնական հանձնաժողովային ուսումնասիրություն Աջափնյակ թաղամասում, ինչի արդյունքնում մշակվել է դեպի Աջափնյակ ուղեգծի զարգացման մի քանի տարբերակ: Հանձնաժողովի կողմից կատարված ծախսերի հաշվարկն ըստ տարբերակների հետևյալն է․ Տարբերակ 1. Առաջարկվող տարբերակը՝ Աջափնյակ թաղամասի մետրոպոլիտենի սպասարկման ոլորտը ընդգրկելու խնդիր է լուծում ամենաէժան և ամենակարճ ճանապարհով, կառուցելու երկու մուտքերով համալրված երկու նոր կայարաններ երկուական մուտքերով թաղամասի ամենաբանուկ և ամենախիտ բնակեցված հանգույցներում, առաջինը՝ Ֆուչիկի և Մարգարյան փողոցների հատման խաչմերուկ (Արմենիա ԲՀԿ, Աչքի Մաշկային հիվանդանոցների, Ախտորոշման կենտրոնի, դեպի Դավիթաշեն-Եղվարդ տանող խաչմերուկի հարևանությամբ) հաջորդ կայարանը Գ. Չաուշի հրապարակում (Բաշինջաղյան, Մազմանյան և Բեկնազարյան փողոցների հատման խաչմերուկ), որը հնարավորություն է ստեղծում Աջափնյակ վարչական շրջանի 11,15,16 (Նորաշեն), մասամբ 17 և այլ հարակից թաղամասերի բնակչությանը, ինչպես նաև Հյուսիսային շրջաններից (Շիրակի, Արագոծտնի և Լոռու մարզերից) մայրաքաղաք այցելողներին՝ օգտվելու մետրոպոլիտենի ծառայությունից, կառուցման մոտավոր արժեքը կազմում է՝ 261 միլիոն եվրո: Տարբերակ 2. Ենթադրում է 1-ին կայարանը տեղադրել Հալաբյան և Աբելյան փողոցների խաչմերուկում, երկրորդ կայարանը նախատեսվում է տեղադրել Աշտարակի խճուղի, Սիլիկյան թաղամաս տանող ճանապարհի խաչմերուկի հարևանությամբ, ընդգրկելով տարբերակ առաջինում նշված ուղևորահոսքը, կառուցման մոտավոր արժեքը կազմում է՝ 252 միլիոն եվրո: Տարբերակ 3 Նախատեսվում է օգտագործել նախկինում կառուցված թունելները, կայարանները տեղադրվում են երկրորդ տարբերակում նախատեսված տեղերում, կայարանները միացնող թունելները այս դեպքում կունենան սահմանային կորության շառավիղներ, կառուցման մոտավոր արժեքը կազմում է՝ 246 միլիոն եվրո: Տարբերակ 4 Այս տարբերակը նույնն է ինչ-որ երկրորդը՝ նույնպես պահպանելով նախկինում կառուցված թունելները, միայն Հրազդան գետի վրա կառուցվող կամուրջից հետո առաջին և երկրորդ կայարանների երթևեկությունը նախատեսվում է իրականացնել մեկ թունելով և մեկ գծով, արժեքը՝ 198 միլիոն եվրո: Տարբերակ 5 Հայկական «Արթուն» ԲԲԸ-ի առաջարկը՝ Հալաբյան-Աբելյան խաչմերուկում կայարան կառուցելու համար ունենք 5 կառուցված հորան և դրանցով կառուցված թունելներ․ Հալաբյան փողոցում ունենք 2.5 կմ ընդհանուր երկարությամբ թունել։ Ըստ ներկայացված նախագծի՝ նախատեսվում է կամուրջ կառուցել, ապա ևս` 320 մետր թունել և 109 մետր կայարանային հատված: Կայարանային հատվածից հետո նախատեսված է ստորգետնյա էլեկտրակայանի և սպասարկող անձնակազմի համար երկհարկանի թունելային համակարգ կառուցել`ևս 100 մետր: Երկհարկանի թունելային համակարգը կայարանին հավասար կառույց է, և այդ ամբողջը կառուցելու համար անհրաժեշտ է 150 միլիոն դոլար: Միջոցներ խնայելու համար ընկերությունն առաջարկում է նաև կայարանը կարճացնելու տարբերակ: Կարելի է կայարանը կարճացնել` ոչ թե 109 մետր կառուցել, այլ` 70: Երեք վագոնը 60 մետր է, 70 մետրում կարող է իջեցնել մարդկանց, հանգիստ հետ գալ։ Այս տարբերակով ամբողջ գումարը կկազմի 80 միլիոն դոլար, այսինքն` նախնական առաջարկի կեսը: Նյութի աղբյուր՝ https://www.facebook.com/Henrikbest/posts/1865622537031885 ...

    Կարդալ ավելին
  • Արդյոք ո՞ր մրցաշարում է խաղում Եվրոպա լիգայի հաղթողը հաջորդ մրցաշրջանում, և մի երկրից առավելագույնը քանի՞ թիմ կարող է խաղալ Չեմպիոնների լիգայում 1) Եվրոպա լիգայի հաղթողը մեկնարկում է Չեմպիոնների լիգայի որակավորման վերջին՝ փլեյ-օֆֆ փուլից․ 2) Եվրոպա լիգայի հաղթողը հայտնվում է միանգամից խմբային փուլում, եթե Չեմպիոնների լիգայի հաղթողը մրցաշարի ուղեգիր է նվաճել նաև իր երկրի առաջնության արդյունքներով (ինչպես եղել է նախորդ երեք տարիներին և կլինի նաև այս տարի)։ Ըստ ՈւԵՖԱ-ի կանոնադրության՝ ՉԼ-ում մեկ երկրից կարող է խաղալ առավելագույնը հինգ թիմ։ Վերջին երեք տարիներին ՉԼ-ում այդ կարգավիճակում էր Իսպանիան՝ Սևիլիայի շնորհիվ։ Ի՞նչ կլինի, եթե մի երկրից մրցաշարի արդյունքներով ՉԼ-ի հաջորդ խաղարկությունում խաղալու իրավունք ստանա միանգամից վեց թիմ (դա կարող էլ լինել այն դեպքում, եթե Եվրոպա լիգայում և ՉԼ-ում հաղթած տվյալ երկրների ներկայացուցիչները չհայտնվեն վերոնշյալ մրցաշարերում իրենց երկրի առաջնության արդյունքներով: Ներկայումս ՈւԵՖԱ-ի վարկանիշային աղյուսակում առաջին երեք տեղերը զբաղեցնում են Իսպանիան, Գերմանիան և Անգլիան, որոնք ՉԼ են ուղարկում միանգամից չորս թիմ)։ Տեղի կունենա հետևյալը․ 1) ՉԼ հաղթողը հաջորդ մրջաշարում մեկնարկում է այդ մրցաշարի խմբային փուլից, 2) Եվրոպա լիգայի հաղթողը կմեկնարկի Չեմպիոնների լիգայի որակավորման վերջին՝ փլեյ-օֆֆ փուլից, 3) Վերը նշված երկրներում չորրորդ տեղ զբաղեցրած թիմը զրկվում ՉԼ-ի ուղեգրից և մեկնարկում է Եվրոպա լիգայի խմբային փուլից։ Նյութի աղբյուր՝ https://www.facebook.com/Henrikbest/posts/1849688588625280 ...

    Կարդալ ավելին
  • Քանի որ Պետրոսի և Զարուհու թեման կրկին ջրի երես դուրս եկավ, մի բան պատմեմ։ Իմ հարազատներից և ծանոթներից մի որոշ հատված սկսեց շատ հարգել Զարուհի Փոստանջյանին, երբ նա դրսևորեց սկզբունքային դիրքորոշում և հեռացավ Ժառանգություն կուսակցությունից։ Իրենք ասացին՝ հալալ է այդ կնոջը, մինչև վերջ մնաց իր կարծիքին և հետ չկանգնեց։ Երբ նրանք իմացան, որ իր հիմնադրած կուսակցությունը մասնակցելու է Երևանի ավագանու ընտրություններին, նրանք որոշել էին, որ անպայման իրենց ձայնը տալու են Զարուհուն։ Սակայն «Ուրվագիծ» հաղորդաշարից հետո, որում ցուցադրվեց Զարուհու դժգոհությունն առ այն, որ Պետրոսը խախտել էր նախապես ձեռքբերված պայմանավորվածությունը, վերը նշված անձինք մտափոխվեցին ու ասացին, որ հիասթափվեցին Զարուհու պահվածքից ու չեն քվեարկի նրա համար։ Իհարկե, մենք կարող ենք խոսել այն մասին, որ քաղաքական գործիչը պետք է բոլոր հարցերին էլ պատասխանի և չխուսափի նաև խոսել իր մրցակիցների մասին, բայց իմ սուբյեկտիվ կարծիքով, եթե կա պայմանավորվածություն, դա խախտելը, մեղմ ասած, գեղեցիկ չէ։ Միանշանակ, Զարուհին չպետք է նմանօրինակ արտահայտություններ իրեն թույլ տար, բայց ակնհայտ է, որ նա էլ շատ լավ հասկանում է, որ Պետրոսի կողմից այդ կադրերը եթեր հեռարձակելը հարվածել է իր ռեյթինգին։ Ես համոզված եմ, որ տղամարդու խոսքը՝ հատկապես կնոջը տված խոստումը՝ լինի դա տղամարդ հաղորդավարի խոստում կին քաղաքական գործչին հաղորդումից առաջ կամ այլ խոստում, պետք է կատարել առանց եթե-ների կամ այլ արդարացումների։ Նյութի աղբյուր՝ https://www.facebook.com/Henrikbest/posts/1844503722477100 ...

    Կարդալ ավելին
  • Ուրեմն` այսպես. «Եվրատեսիլ»-ի անցկացման հետ կապված ծախսերի մոտ 50 տոկոսը իր վրա է վերցնում Եվրոպական հեռարձակողների միությունը, այդ թվում՝ մասնակից երկրների անդամավճարների հաշվին։ Ֆինանսավորման մնացած մասը պետք է ապահովի տվյալ երկրում վերը նշված մրցույթի ազգային հեռարձակողը և հյուրընկալող քաղաքի իշխանությունները (քաղաքապետարանը)։ Երբ ուսումնասիրում ենք հյուրընկալող քաղաքների կատարված ծախսերը, ապա ակնհայտ է դառնում, որ ամենածախսատարը մրցույթի անցկացման համար նախատեսված համալիրի կառուցումն է կամ վերակառուցումը։ Իսկ մեր Մարզահամերգային համալիրը մոտ 30 տարի է՝ մասշտաբային վերակառուցում չի տեսել, և դեռ հայտնի չ՝, թե արդյոք որքան գումար կպահանջվի դրա համար․․․ Այսպես՝ առավել թանկ Եվրատեսիլները. 2009 - Ռուսաստան (Մոսկվա) – մոտ 44 միլիոն դոլար Այդ գումարի մեծ մասը ծախսվել է «Օլիմիպիյսկի» մարզահամերգային համալիրի վերակառուցման և «Եվրատեսիլ»-ի պատմության մեջ ամենամեծ բեմի կառուցման համար։ 2012 - Ադրբեջան (Բաքու) – մոտ 64 միլիոն դոլար Այս գումարը չի ներառում մրցույթի համար կառուցված «Baku Crystal Hall» մարզահամերգային համալիրի ծախսերը (մոտ 130 միլիոն դոլար)։ Ըստ ոչ պաշտոնական տվյալների՝ Բաքվում Եվրատեսիլի անցկացումն արժեցել է մոտ 800 միլիոն դոլար՝ նոր համալիրի կառուցումը, այդ կառույցը քաղաքի կենտրոնի հետ կապող ճանապարհի շինարարությունը, քաղաքում նոր ֆիրմային տաքսիների ներդրումը և այլ ենթակառուցվածքների բարելավումը։ 2014 - Դանիա (Կոպենհագեն) – մոտ 60 միլիոն դոլար Ի սկզբանե կազմակերպիչները ծրագրել էին ծախսել 15 միլիոն դոլարից ոչ ավելի, սակայն վերջնական ծախսերը կազմեցին մոտ 4 անգամ շատ՝ մոտ 60 միլիոն դոլար: Կազմակերպիչների խոսքով՝ այդ գերծախսի մոտ 90 տոկոսը կապված էր B&W Hallerne նախկին նավաշինարարական համալիրի վերակառուցման հետ։ Անշուշտ, ինչպես Օլիմպիական խաղերի պարագայում, այնպես էլ «Եվրատեսիլ»-ի դեպքում մրցույթի կազմակերպիչները ծախսերն «արդարացնում» են, այսպես կոչված, հետագա մուլտիպլիկացիոն էֆեկտով․ քաղաքն ավելի ճանաչելի է դառնում աշխարհի համար, հետևաբար զբոսաշրջիկների հոսքը կտրուկ ավելանում է, քաղաքի ենթակառուցվածքները նորանում և բարեկարգվում են։ Օրինակ՝ Շվեդիայի տուրիզմի կազմակերպությունը նշել է, որ 2013 թ․ Մալմյոյում անցկացված «Եվրատեսիլ»-ին այցելել է մոտ 48 հազար զբոսաշրջիկ և 1700 լրագրող, քաղաքը դարձավ ավելի ճանաչելի, և ավելացավ տարեկան զբոսաշրջային հոսքը։ Երկու տարի առաջ Ավստրիան «Եվրատեսիլ»-ի կազմակերպման համար ծախսել է մոտ 36.7 միլիոն եվրո (այդ գումարից 11.7 միլիոնը ծախսվել է համալիրի վերակառուցման և Վիեննայի մի շարք ենթակառուցվածքների նորոգման համար): Սակայն Վիեննայի առաջատար հետազոտությունների ինստիտուտի ներկայացված տվյալներով՝ Ավստրիայի համար ընդհանուր տնտեսական օգուտը կազմել է մոտ 38.1 միլիոն եվրո, որից 27.8 միլիոնը բաժին է ընկնում Վիեննային։ Ստացվում է, որ Ավստրիան ոչ միայն փակել է բոլոր ծախսերն, այլև «պլյուս»-ի մեջ է մնացել։ Վերջում ներկայացնեմ, թե վերջին տարիներին ով որքան է ծախսել «Եվրատեսիլ»-ի անցկացման համար (տվյալները ներկայացված են տարբեր աղբյուրներից)։ 2009 - Ռուսաստան (Մոսկվա) – մոտ 44 միլիոն դոլար, 2010 – Նորվեգիա (Օսլո) – մոտ 37 միլիոն դոլար, 2011 – Գերմանիա (Դյուսեյդորֆ) - մոտ 37 միլիոն դոլար, 2012 - Ադրբեջան (Բաքու) – մոտ 64 միլիոն դոլար (եթե հաշվենք նաև այլ «գերծախսերը», որոնք սովոր են անել մեր «վայ հարևանները», ապա մոտ 180 միլիոն դոլար․ դա միայն ըստ պաշտոնական տվյալների, իսկ ըստ ոչ պաշտոնական՝ մոտ 800 միլիոն դոլար), 2013 – Շվեդիա (Մալմյո) – մոտ 26 միլիոն դոլար, 2014 - Դանիա (Կոպենհագեն) – մոտ 60 միլիոն դոլար, 2015 – Ավստրիա (Վիեննա) – մոտ 36.7 միլիոն եվրո կամ 42 միլիոն դոլար, 2016 – Շվեդիա (Ստոկհոլմ) – մոտ 43 միլիոն դոլար, 2017 – Ուկրաինա (Կիեվ) – ծրագրվում էր ծախսել մոտ 15-20 միլիոն դոլար (2005-ին Ուկրաինան ծախսել էր մոտ 30 միլիոն դոլար): Նյութի աղբյուր՝ https://www.facebook.com/Henrikbest/posts/1844060565854749 ...

    Կարդալ ավելին
  • 1. Ամբողջ կյանքում մի լավ դաս եմ ստացել և հետևում են նրան: Ահա այդ դասը՝ հարկավոր է փորձել, փորձել ու կրկին փորձել՝ երբեք մի հանձնվեք: 2. Եթե աշխատակիցներն էլ ոչինչ չեն նախաձեռնում, նշանակում է ընկերությունում կա մի խնդիր, որին նրանք անընդհատ հանդիպում են և լուծում չունի այդ խնդիրը: 3. Ո՞րն է հաջողակ բիզնեսի գաղտնիքը՝ իհարկե ուշադրություն դարձրեք մանրուքներին: 4. Եթե առաջացած խնդիրներն ավելի լավ եք լուծում, քան սպասում էին հաճախորդները, ապա իմացեք, որ նրանք հավատարիմ են լինելու Ձեզ մինչև կյանքի վերջ: 5. Իմ աշխատանքն է աշխատանքի ընդունել ճիշտ մարդկանց և նրանց հնարավորություն տալ, որ խնդիրներ լուծեն: 6. Հարգեք բոլոր աշխատակիցներին, երբեք տարբերություն չդնեք: 7. Եթե քեզ չի ուրախացնում քո աշխատանքը, ապա մտածիր այլընտրանքի մասին: 8. Դեռ ոչ բոլոր հեծանիվներն են հորինվել, աշխարհում դեռ բավականին շատ հորինելու բան կա, այնպես որ ձեռքերդ ծալած մի նստիր: 9. Եթե ցանկանում եք հաջողություն ունենալ բիզնեսում, ապա Ձեզ հարկավոր են մարդիկ, որոնց կվստահեք: 10. Օդապարիկով ճամփորդելիս շատ յուրահատուկ տեսարան բացվեց մեր առաջ Արարատ լեռան դիմաց: Այս լեռան վրա է իջել Տապանը և այս լեռն անցնելուց հետո ականջակալներով լսեցինք հայ աշխատակցի հետևյալ արտահայտությունը՝ “Բարի գալուստ Հայաստան, ընդունեք մեր շնորհավորանքը”: Այդ ձայնի մեջ այնքան ջերմություն կար, երանի բոլոր ազգերն այդքան բարեհամբույր ու հյուրասեր լինեին: 11. Երբեք “Ոչ” բառ չընդունեք որպես վերջնական պատասխան: Պահանջեք բացատրություն: 12. Եթե դու քեզ ձեռնոց ես նետում, ապա աճում ես: Նպատակին հասնելն այդքան էլ հեշտ գործ չէ, բայց դա պատճառ չէ, որ ոչինչ չանեք: Միշտ կրկնեք՝ “Պետք է այնքան փորձեմ, մինչև ստացվի”: 13. Հիշեցնեմ, որ Ձեր թերությունները մարդկանց չեն հետաքրքրում, ուստի դրանց վրա մի կենտրոնացեք: 14. Կյանքը մեկ անգամ է տրվում բոլորիս և նրանից պետք է առավելագույնը քաղել: 15. Մարդկանց մեծամասնությունը գոհ է իր կյանքից: Բայց եթե կյանքից ավելին եք ուզում, ապա դարձեք ձեռնարկատեր: Սովորեք այդ արվեստին, թե ինչպես կարելի է բարիք ստեղծել: Ստեղծել սեփական բիզնես նշանակում է անել սխալներ և սովորել դրանց վրա: 16. Երբ ընկերությունում աշխատակիցները դառնում են 100-ից ավելի, ապա նրանց պետք է առանձնանցնել և դարձնել երկու ընկերություն, իսկ երբ նրանք նորից ունենան 100 աշխատակիցներ, կրկին բաժանել երկու մասի: Նման պարագայում հեշտ է մարդկանց հետ աշխատելն ու կառավարելը: 17. Virgin ընկերությունում ես անում եմ ամեն ինչ, որ աշխատակիցները մտածեն՝ այն, ինչ անում են, իրենց համար են անում, աշխատում են իրենց սեփական ընկերության համար: 18. Երբեք, կրկնում եմ, երբեք աշխատանքից մի հեռացրեք նրանց, ովքեր մինչև վերջին ուժերը ներդնելով աշխատել են, բայց արդյունքում սխալ են թույլ տվել: 19. Մեր 5 մլն հաճախորդների 95%-ը խորհուրդ են տալիս իրենց ընկերներին օգտվել մեր ծառայություններից, իսկ դուք ասում եք գովազդ: 20. Մեկ լավ PR-ն ավելի արդյունավետ է, քան բոլոր թերթերում տպված գովազդային տեքստերը: 21. Ամերիկյան Jetblue ավիաընկերությունն իր հիմնադրման համար ծախսեց 120 մլն դոլար, իսկ մենք ծախսեցինք 10 մլն դոլար: Ու մեզ մոտ ստացվեց: Այն ժամանակ, երբ Ansett-ն ուներ 16 հազ. աշխատակից, տեղափոխում էր 10 մլն ուղևոր, իսկ մենք 4 հազ. աշխատակիցներով 15 մլն: Ինչպե՞ս չհպարտանամ մեր ցուցանիշներով: 22. Մեր աշխատանքային հայտարարություններից՝ “Եթե աշխատանքային օրվա վերջում Դուք ժպտում եք, ուրեմն հրավիրում ենք Ձեզ աշխատանքի”: 23. Փորձեք լինել ոչ թե ճանաչված բրենդ, այլ հարգված: 24. Մի խոստացեք այն, ինչ չեք կարողանալու անեք: 25. Virgin Atlantic-ի գոյության առաջին տարիներին ես անձամբ բոլոր աշխատակիցներին նամակ էի գրում, թե ինչ նոր փոփոխություններ ենք կատարել բիզնեսում: 26. Պահեք օրագիր և գրեք Ձեր բոլոր քայլերը: 27. Ես մտածում եմ, որ եթե ունես բիզնես, ապա անընդհատ պետք է հետևես քո ապրանքների որակին: 28. Աշխատանքը բարդացնում են միայն ոչ պրոֆեսիոնալ մարդիկ: 29. IBM-ը մեզ ասեց, որ իմ առաջարկած ծրագիրը կարող է ստեղծել 7 մլն դոլարով: Ես այդքան գումար չունեի և իմ աշխատակիցներից մեկին՝ Ջեյնին, հանձնարարեցի ստեղծել այդ ծրագիրը: Նրանք մի քանի ամսում կարողացան ստեղծել Virgin Direct համակարգը ընդամենը 17.000 դոլարով: Հավատացեք Ձեր աշխատակիցներին: 30. Եթե բիզնեսում ինչ-որ մեկի հետ վիճաբանել եք, ապա մեկ տարի հետո զանգահարեք և հրավիրեք ընթրիքի: Բարեկամացեք մրցակիցների հետ: 31. Եթե կաթ ես սիրում, ապա մի նստիր փողոցի անկյունում ու սպասիր կովին: Ինքդ գնա, գտիր, կթիր ու վերցրու կաթը: Նյութի աղբյուր` https://www.facebook.com/Henrikbest/posts/1697882793805861 ...

    Կարդալ ավելին
Загрузка...

ՖԲՀ

Քաղաքականություն