• Վարդ Սիմոնյան
  • ..իսկ որքա՞ն գումար է պետք, որ մեր 18 տարեկան երեխաներին հեռացնեք առաջնագծից՝ նրանց տեղը կանգնեցնելով պրոֆեսիոնալ պայմանագրայինների: Այդ թիվն ասեք....ազնիվը մարդկանց կյանքը խնայելն է, ոչ թե նրանց մահը սպասարկելը: Նյութի աղբյուր՝ https://www.facebook.com/vard.simonyan.9/posts/1312111455479495 ...

    Կարդալ ավելին
  • - Որտե՞ղ է Գարեգին Չուգասզյանը՝ սա այս օրերին ամենակրկնվող հարցն է, բայց անհեթեթ կլինի ընդհատակում գտնվողին ուղիղ տալ այս հարցը, ուստի այսպես վերաձևակերպեմ՝ Դուք Հայաստանո՞ւմ եք: -Ամենակրկնվող հարցն ունի պարզ պատասխան՝ Գարեգին Չուգասզյանը ընդհատակում է՝ հարկադրաբար … -Ենթադրելի է, որ զինված հարձակումը նախաձեռնելիս «Նոր Հայաստանը» քննարկել է տարբեր զարգացումներ, այդ թվում և ֆորս մաժորի համար սցենարներ: Օրինակ՝ կանխատեսվե՞լ էր այսօրվա իրավիճակը, երբ կրիտիկական զանգված չկա փողոցում, իսկ առգրավված շենքի վրա արդեն ռազմական ուղղաթիռներ են երևում, կարծես գրոհի նախապատրաստություն է նշմարվում: -Կարծում եմ անցած 9 օրը բավարար էր, որ միմյանցից տարբերեիք «Սասնա ծռեր» և «Նոր Հայաստան» կազմակերպությունները և մեկի գործողությունների պլանավորումը չվերագրեիք մյուսին: Ես ճակատագրից շնորհակալ եմ, որ Հայաստանի Հանրապետության և Արցախի ապագայի համար այսքան վճռորոշ ժամանակաշրջանում պատիվ ունեմ ճանաչելու և ընկերը լինելու Ժիրայր Սեֆիլյանի և «Սասնա ծռեր» ջոկատի ապստամբ տղաների … Լիազորված եմ զգուշացնել երկրի այսօրվա կառավարիչներին, որ եթե լինի գրոհ, ապա այն նոր անպատիժ «Մարտի 1-ով» չի ավարտվելու, և պայքարը չի դադարելու: Իշխանությունների համար անցնցում հեռացման հնարավորությունների պատուհանը վերջնականապես կփակվի, և իրենք ստիպված են լինելու գործ ունենալ համազգային ամենօրյա պայքարի այլ տրամաբանության հետ, որը նման է լինելու ֆրանսիական դիմադրության շարժման ազատագրական պայքարին… -Պարզ է՝ բանակցությունները ենթադրում է փոխզիջում, ի՞նչ զիջումների եք պատրաստ, ո՞րն է փոխզիջման Ձեր /նաև խմբի/ նախանշած սահմանը: -Բանակցությունները վարում են «Սասնա ծռեր» խմբավորման ապստամբները …Չկրկնեմ մանրամասները՝ կարող եք վերալսել Վարուժան Ավետիսյանի երեկվա մամուլի ասուլիսը… Ըստ իս, երկրում կան երկու ՝ անցնցում և ցնցումային քաղաքական փոփոխությունների տարբերակներ և ըստ այդմ՝ համապատասխան փոխզիջումներ…Իշխանությունը զավթած Մսրա Մելիքի համակարգը դեռ չի գիտակցում, որ «Սասնա ծռերից» ստացված հարվածից երկու կես է եղել, և նրա որևէ, կրկնում եմ որևէ շարժում բացահայտելու է իրողությունը…Հիմա խնդիրն այլ է . դա «Չորրորդ հանրապետության» ծնունդն է, որի պատասխանատվությունն ընկնում է իր այն քաղաքացիների վրա, որոնք բացի այն երազելուց նաև պատրաստ են հենց այսօր իրենց միացյալ ջանքերով ծնել իրապես արժանապատիվ ապագա ունեցող, մեծ ու փոքր հարևանների և աշխարհաքաղաքական կենտրոնների կողմից հարգված, ինքնիշխան, բարձրաճաշակ և բարձրտեխնոլոգիական Հայաստան: Նրանցից է կախված մենք կշարունակե՞նք ականատեսը լինուլ մեր բազմադարյա պատմության վերջին և անփառունակ էջին, թե՞ կկտրենք քաղաքական արատավոր շրջանը… «Սասնա ծռերի» ապստամբների վրա այս առումով ընդամենը ընկած է այդ ծննդյան տատմոր դերը, ոչ ավելին… -Դուք, կարծեմ ունեք հնարավորություն ընդհատակից հայտարարություններով, ուղերձներով հանդես գալու, ինչո՞ւ եք լռում: Մանավանդ, որ Խորենացի փողոցի այս նոր քաղաքական հարթակը լցվել է նույն հին դեմքերով, որոնցից ոչ մի սպասելիք չունի հասարակության մեծամասնությունը: - Ձեր, որպես լրագրողի անտեղյակությունը բացառիկ է …բացեք իմ ֆեյսբուկի էջը ու կտեսնեք առաջին իսկ օրվանից սկսած իմ ուղերձները, կարճ և երկար գրառումները… Ուրիշ հարց, որ իշխանամետ լրատվամիջոցներին խստիվ հրահանգ է իջել անտեսելու և լռության մատնելու այդ հայտարարությունները և գրառումները: Ցավոք, իմ կապի պայմանները սահմանափակ են և կապի վերջին օրերի անկայունությունը հանգեցրել էր հաղորդակցման կարճատև դադարի: Հուսանք, որ այն այլևս չի ընդհատվի… Հիմա անդրադառնամ հարցի երկրորդ մասին: «Սասնա ծռերի» ապստամբները, իրենց վրա վերցնելով բռնակալ ոստիկանապետության ուժային հնարավորությունների ժամանակավոր չեզոքացումը, բացառիկ հնարավորություն են ստեղծել երկրի իրապես քաղաքական և քաղաքացիական հասարակության ինքնակազմակերպման , ժողովրդի լայնամասշտաբ մոբիլիզացման և քաղաքացիական անհնազանդության գործողություններով երկրում սահմանադրական կարգ հաստատելու համար …Հարթակը կազմավորման փուլում է, և մենք այստեղ կտեսնենք թե՛ հին, թե՛ նոր դեմքեր…Կարևորը չլինեն հեղինակազրկված և հանցագործ դեմքեր: -Ի՞նչ են հուշում Ձեզ միջազգային արձագանքները. ինչ եք կարծում, որևէ երկիր կարո՞ղ է ողջունել զինված հարձակմամբ ձեռք բերված իշխանափոխությունը: Քննարկե՞լ եք այս հարցը: - Միջազգային արձագանքները հուշում են այն , որ Ձեր կողմից ենթադրվող և տասնյակ այլ կայացած ժողովրդավարական պետություններում կայուն պետականության կայացումը կամ վերակայացումը հաճախ տեղի է ունեցել հենց ապստամբական լուրջ գործողության պատճառով, որը միշտ էլ ուղեկցվել է այլևայլ շահեր ունեցող երկրների միջազգային դատապարտումով, իսկ հաջող ավարտից հետո ՝ նոր կարգի միջազգային ճանաչմամբ …Ահավասիկ մի քանի դասական օրինակներ ՝ ԱՄՆ, Ֆրանսիա, Մեծ Բրիտանիա, փոքրերից և վերջին օրինակներից Ռումինիա, Հունաստան,Վրաստան, Իսլանդիա… Սա, իհարկե, չի նշանակում, որ ապստամբությունը դա պետականության կայացման անհրաժեշտ կամ բավարար նախապայմանն է … Ապստամբության հաջողությունը որևէ բռնատիրական երկրում ոչ միայն իշխանափոխության հասնելու մեջ է, այլ առավելապես կախված է այն բանից, թե երկրում սահմանադրականության հաստատում կլինի, թե ոչ… Սահմանադրականություն, որը ենթադրում է երկրում ուժային երկու կամ ավելի հիմնական բևեռների գոյություն և համակեցություն, այսինքն՝ նրանց միջև քաղաքական խաղաղ պայքարի օրենքների շուրջ գրավոր կամ բանավոր պայմանավորվածություն…Իսկ այդ խաղի դատավոր կարող է լինել միայն ժողովուրդը, իր իրական՝ անհրաժեշտության դեպքում ոտքերով և ձեռքերով քվեարկությամբ… Հաջող իշխանափոխության և կայուն կարգուկանոն ունեցող պետականության հաստատման հիմնական գրավականը ժողովրդի մասնակցության ապահովումն է, որպես իշխանափոխության հիմնական դերակատարի… -Մտավախություն չունե՞ք, որ զինված խմբի տղաները…ի՞նչ երաշխիքներ կան, որ նրանք կապրեն: -Կա մեկ երաշխիք. դա մեր ժողովրդի՝ իր համար զոհաբերվելու պատրաստ լավագույն զավակների հետ համերաշխության և քաղաքացիական անհնազանդության և քաղաքացիական խիզախության բոլոր հնարավոր և անհնար դրսևորումներն են հենց այսօր, հենց հիմա…Վաղը ուշ կլինի…Մեզնից է կախված՝ ազգային օրացույցում կավելանա համազգային ողբի՞, թե՞ համազգային հաղթանակի ևս մեկ օր…ի գործ: Նյութի աղբյուր` https://www.facebook.com/photo.php?fbid=1214844208539554&set=a.446806748676641.107919.100000419588415&type=3&theater ...

    Կարդալ ավելին
  • «Պետությունը պաշտպանելու նպատակով տեղի ունեցած 1915-ի տեղահանությունը ճիշտ և արդար է եղել: Տեղահանման որոշումը բացարձակապես ճիշտ է, եթե այսօր էլ նման որոշում կայացվի, պետք է իրականացնել»: Դևլեթ Բահչելի, թուրքական «Ազգայնական շարժում» կուսակցության ղեկավար  Խնդրեմ, իսկ մենք ընկել ենք Արցախի անկախության բլեֆի հետևից, որին իսկի մենք չենք հավատում, ուր մնաց աշխարհին հավատացնենք: Միայն շրջափակումը հերիք էր հասկանալու համար, որ Ցեղասպանությունը բնավ էլ պատմական իրողություն չէ, այլ այս պահին, հենց հիմա մեզ հետ կատարվող փաստ: Իսկ փակ երկիրը, անկախ իր կառավարիչների բարի կամ չար կամքից, վերածվում է լֆիկապետության:  Իհարկե, դրսերում Ցեղասպանությունը քաշքշում են փախստականներին իրենց գլխից ռադ անելու կամ ԵՄ դուռը թուրքերի երեսին շրխկացնելու համար, բայց մենք չպիտի գոհանանք 100 տարեկան բռնաբարված պառավի նախկին աբուռի մասին հիշատակումներով: Պետք է հասկանալ և բոլորին հասկացնել, որ մեր խնդիրը Արցախը չէ, այլ մի ամբողջ հայկական քաղաքակրթության, մի ամբողջ ժողովրդի իր հայրենիքում ապրելու իրավունքը. իսկ այս պահը, երբ ամենակատաղի արշավանքն է սկսված Թուրքիայի դեմ, մեզ համար, ուղղակի, մանանա է՝ իջած երկնքից: Եվ պետք է երկնքից բռնել այդ մանանան, ոչ թե մտածել մեր վերջին երկինքն էլ մեզնից վանելու, մեր վերջին օդն էլ ծախելու մասին: Իմ համեստ կարծիքով.......... Նյութի աղբյուր՝ https://www.facebook.com/vard.simonyan.9/posts/1184636718226970?ref=notif¬if_t=close_friend_activity¬if_id=14655302 ...

    Կարդալ ավելին
  • էս էրեխեքն ինձ քանդեցին......ապրիլի 30-ին զոհված Վազգեն Հարությունյանի որդիներն են. ամբողջական նյութը՝ շուտով: Նյութի աղբյուր՝ https://www.facebook.com/vard.simonyan.9/videos/1173281286029180/ ...

    Կարդալ ավելին

ՖԲՀ

Քաղաքականություն