• Հայկ Ա. Մարտիրոսյան
  • Այսօրվա հանրահավաքը չպետք է լինի մենախոսություն: Իշխանության մենախոսություն: Ժողովուրդը հրապարակում պարտավոր է պահանջել վարչապետից անմիջապես հրապարակի և համընդհանուր ժողովրդական, հեղափոխական մանդատով ցրել ԱԺ-ն և դատական համակարգը: Հեղափոխությունը վտանգված է, և իշխանությունը պարտավոր է լսել ժողովրդին: Նյութի աղբյուր՝ https://www.facebook.com/hayk.a.martirosyan/posts/10214958959140742 ...

    Կարդալ ավելին
  • Ինքն իրեն «Օձերի գլուխների վրա պարող» համարող նախագահը իշխանության էր շուրջ երեսուներեք տարի: Այդ ընթացքում նրան հաջողվեց միավորել Հարավային և Հյուսիսային Եմենները և հրապարակից հանել իր բոլոր մրցակիցներին կամ այլախոհներին: Չափազանց բարդ էթնիկ, քաղաքական և աղանդային միջավայրում Սալեհը կարողացավ երեք տասնամյակների ընթացքում իր ձեռքում կենտրոնացնել երկրում բացարձակ իշխանությունը և խաղալ թե՛ Արևմուտքի և թե՛ հարևան սաուդցիների հետ: Արաբական կեղծ «գարունը» հեռացրեց նրան պաշտոնական իշխանությունից, որովհետև երկրի նոր սերունդը հոգնել էր միևնույն դեմքից, և փոխարինեց նրան իր փոխնախագահով, որի դեմ նոր արշավ սկսեց Սալեհը: Եվ մինչդեռ նախագահական նստավայրը զբաղեցնում էր Հադին, Սալեհը միացավ իր ոխերիմ թշնամիներին՝ Զայեդի Շիա «Հութիներին» և նրանց հետ միասին հետ գրավեց մայրաքաղաք Սանաան: Նախկին նախագահի կարգավիճակում Սալեհն ավելի մեծ իշխանություն ուներ երկրի ռազմական միավորումների վրա քան գործող նախագահը, որ փախավ Սաուդյան Արաբիա և արքայազն Մոհամադ բին Սալմանի օգնությամբ ռազմական արշավ սկսեց սեփական երկրի դեմ: Սալեհը մինչ այդ վեց անգամ ճամբար էր փոխել և բարդ, բազմաստիճան քաղաքական խաղերի արդյունքում միշտ հաղթող էր դուրս եկել: Անցյալ շաբաթ Սալեհը զգաց, որ սաուդցիներն արնաքամ են արել Եմենը և մոտ են տարածքային հաղթանակին և խզեց կապերը սեփական թշնամի-դաշնակից Հութիների հետ: Սկսվեց հակամարտություն արդեն նախկին զինակիցների շրջանում, որ նշանավորեց Սալեհի յոթերորդ ճամբարափոխությունը: Սալեհն արդեն մոտ էր բացահայտորեն սաուդցիների կողմն անցնելուն, երբ Հութիները, ամենայն հավանականությամբ, լուրջ հետախուզական աշխատանքի արդյունքում հայտնաբերեցին նախկին նախագահի ավտոշարասյունը և Սանաայից քառասուն կիլոմետր հեռավորության վրա կանգնեցնելով այն՝ ուուղղակի ճամփեզրին՝ ավազի ու փոշու մեջ գնդակահարեցին երկրի նախկին և անպարտելի տիրակալին: Այդպես ավարտվեց մեկ այլ անապատի աղվեսի՝ Ալի Աբդալլահ Սալեհի երկարատև իշխանության և անվերջ հաղթանակների շղթան: Մարդը, որն անպարտելի էր, անգերազանցելի դիվանագիտության և քաղաքական բարդագույն մանիպուլիացիաների գործում՝ իր վերջը գտավ անփառունակ մի բեռնատարի ետնախցիկում: Դրանով, անշուշտ, փոխվում է իրերի դրությունը Եմենում: Երկիրը, որ այլևս պաշտոնապես ձախողված պետություն է՝ այս իրադարձությամբ կմոտենա քաղաքական պայքարի որոշակի հանգուցալուծման: Սալեհի աջակիցներն ու զինմիավորումները կա՛մ կանցնեն իրենց առաջնորդին սպանած և այս պահին հաղթական Հութիների կողմը, կա՛մ ուղղակիորեն կկազմակերպվեն և ստանալով իրենց մի քանի օր առաջվա թշնամի սաուդցիների հսկայական աջակցությունը՝ կարշավեն մայրաքաղաքի վրա՝ դրանով վերջ դնելով Զայեդիների իշխանությանը երկրի մի մասում և մայրաքաղաքում: Մինչ Սալեհի սպանությունը՝ սաուդցիներն, անշուշտ, տարածքային նվաճումներ էին ունենում, բայց ձախողում էին պատերազմը՝ ատելությունը մեծացնելով իրենց հանդեպ երկրի բնակչության շրջանում: Հիմա նրանք հնարավորություն ստացան իրական հաղթանակ արձանագրելու, եթե նույնքան ապիկար մարտավարություն չվարեն՝ ինչպիսին մինչ Սալեհի սպանությունն էր: Եմենը դեռ երկար տասնամյակներ չի կարող խաղաղվել: Եվ այս աղքատ երկրում, որտեղ ջախջախվել են բոլոր օտարերկրյա բանակները՝ նոր անուղղակի ճակատամարտը Իրանի և Սաուդյան Արաբիայի միջև դեռևս առջևում է: Եվ առաջիկա մեկ-երկու ամիսներն են, որ կկանխորոշեն այս երկրի հետագա տասնամյակների ճակատագիրը: Նյութի աղբյուր՝ https://www.facebook.com/hayk.a.martirosyan/posts/10212995448814211 ...

    Կարդալ ավելին
  • Զիմբաբվեի նախորդ գիշերվա ռազմական հեղաշրջումը մեծապես անսովոր և անհավատալիորեն լավ մտածված գործողություն է, որն աֆրիկյան այդ պետության զինվորականներն իրականացրեցին իրենց մայրցամաքի համար աննախադեպ պրոֆեսիոնալիզմով: Երեսունյոթ տարի բռնապետի կարգավիճակով նախագահի պաշտոնը զբաղեցրած Ռոբերտ Մուգաբեին, որը կառավարում էր երկաթե բռունցքով, լավ վերահսկում էր բանակը և որին, չնայած տնտեսական գահավիժմանը, սատարում էր երկրի բնակչության մի մասը, հեռացրին ընդամենը մեկ գիշերվա ընթացքում և դա արեցին այնպես, որ Արևմուտքը հնարավորություն ստացավ խուսափելու պարսավելի «հեղաշրջում» բառի կիրառումից: Եվ այս ամենն արվեց առանց որևէ արտաքին ուժի կազմակերպման կամ միջամտության: Նախօրեին Մուգաբեն, իր կնոջ հետ ունեցած կոֆլիկտի արդյունքում աշխատանքից հեռացրել էր իր փոխնախագահին՝ Էմերսոն Մնանգագվային: Գաղտնիք չէր, որ նախագահի աթոռը Մուգաբեն պատրաստվում էր իր մահից հետո հանձնել իր կնոջը՝ Գրեյս Մուգաբեին, որ նախկինում իր քարտուղարուհին էր եղել: Փոխնախագահը փախուստի դիմեց երկրից, իսկ մի քանի օր անց՝ բանակի մի խումբ գեներալներ տանկերը շարժեցին մայրաքաղաք Հարարեի վրա: Կալանքի տակ առան նախագահին, նրա կնոջը թույլ տվեցին անցնել հարևան Նամիբիա: Անմիջապես մասսյականորեն զինաթափեցին ոստիկանությանը, որը մինչև վերջ հավատարիմ մնաց նախագահին և հայտարարեցին որ թիրախավորում են նախագահի կոռումպացված շրջապատին և որ նախագահն «ապահով» է: Առաջին հերթին ձերբակալվոցին մի խումբ սուպերնախարարներ, որոնք հանդիսանում էին Մուգաբեի իշխանության հենասյուները: Ինքը՝ նախագահը, իրեն զանգահարած Հարավաֆրիկյան Հանրապետության նախագահին հայտնեց, որ գտնվում է տնային կալանքի տակ: Թավշյա այս հեղաշրջումը, որ տեղի ունեցավ ամենաանսպասելի սցենարով՝ այնքան ուժեղ էր նախագահի իշխանությունը, արժանացավ Արևմուտքի լուռ հավանությանը, որը, Զիմբաբվե-Ռհոդեզիայի նախկին գաղությանի տիրոջ՝ ՄԹ Արտգործքարտուղարի՝ Բորիս Ջոնսոնի շուրթերով հայտարարեց, որ ինքը դա դիտարկում է, որպես իրական ժողովրդավարացման նոր սկիզբ: Ինչու՞ բանակը, որ հավատարիմ էր նախագահին՝ տապալեց դեռևս ոչ ամբողջությամբ ժողովրդական սատարումը չկորցրած բռնապետին: Որովհետև Մուգաբեն կորցրել էր կապն իրականության հետ, կործանել էր տնտեսությունը, հոգնեցրել էր ժողովրդին անվերջ ներկայությամբ և իրեն ժառանգորդ էր ընտրել հասարակության և պետական ապարատի համար անընդունելի անձի՝ սեփական ընտանիքից՝ սեփական կնոջը: Նախագահը սպառել էր իրեն ու թեև տիրապետում էր իշխանության բոլոր լծակներին՝ դրանք կորցրեց բոլորի համար անսպասելիորեն և աննախադեպ կարճ ժամանակամիջոցում: Այս առավոտ Հարարեում նոր իրադարձություններ տեղի կունենան անշուշտ, բայց նախագահն այլևս նախագահ չի լինի: Նյութի աղբյուր՝ https://web.facebook.com/photo.php?fbid=10212831872724911&set=a.1504594168099.68528.1031592071&type=3&theate ...

    Կարդալ ավելին
  • Երեկ տարածաշրջանում կարևորագույն իրադարձություն տեղի ունեցավ, որ Հայաստանում, ինչպես միշտ, անտեսեցին և չհասկացան, մինչդեռ դա ուղղակի ազդեցություն է ունենալու մեր հայրենիքի ճակատագրի վրա: Սաուդյան Արաբիայում սքողված և թավշյա հեղաշրջման արդյունքում երեկ ուղղակի թագաժառանգ դարձավ արքայազն Մուհամմադ Բին Սալմանը՝ կիսագրագետ և հավակնոտ մի երիտասարդ, որ մեծապես անկայունացրել է տարածաշրջանը, էլ ավելի խորացրել սաուդական վահաբիստական համաշխարհային օրակարգը և ով տենչում է կործանարար պատերազմի Հայաստանի անմիջական հարևանի հետ: Անհերքելի է, որ այդ հակամարտությունը՝ որպես տարածաշրջանային անկայունացման երաշխիք, սպառնալիք է նաև Հայաստանի անվտանգությանը:  Բին Սալմանը թագավորության փաստացի ղեկավարն է ու մինչ հայրը՝ թագավոր Սալմանը տառապում է թերմտությունից՝ դեմենթիայից, որդին անհաջող, բայց ավերիչ պատերազմ է վարում Եմենում, շարունակում Սիրիայի բզկտումը, Պակիստանի ռադիկալացումը և սուննի ծայրահեղականության նորանոր ավերներով ականապատում ողջ աշխարհը:  Մտավոր մեկուսացման մեջ ընկղմված Հայաստանում կարծում են, թե այդ ամենը մի քանի մոլորակ հեռու է, և մեզ չի առնչվում:  Սաուդյան թագավորությունն այլևս համաշխարհային կարևորագույն խաղացող է, որի համար Հայաստանի ոչնչացումն օրակարգային բազում հարցերից մեկն է: Երևանում ո՞վ է այս մասին խոսում... Նյութի աղբյուր՝ https://www.facebook.com/photo.php?fbid=10211606802218914&set=a.1504594168099.68528.1031592071&type=3&theater ...

    Կարդալ ավելին
  • Ֆրանսիայի այս ընտրությունները սարսափեցնող էին ոչ այնքան իրենց արդյունքներով, որքան նրանով, թե որքան մակերեսային, պրոպագանդված և լվացված ուղեղներով տրամաբանությամբ են առաջնորդվում ֆրանսիացիների մի զգալի մաս և դրսի օտարազգիների՝ իրենց ժողովրդավար երևակայողների հսկայական զանգվածներ:  Մեկնաբանությունների և արտահայտվող կարծիքների գերակշիռ մեծամասնությունը առաջ է բերում խղճահարություն, որովհետև սկսում ես հասկանալ, որ մարդկանց մեծամասնությունը դատում է հեռուստաեթերից իրենց մատուցվող պիտակներով և կեղծ պրոպագանդայով: Ու մինչդեռ հայ լսարանն առավել ներողամիտ վերաբերմունքի է արժանի, քանի որ ո՛չ ֆրանսերեն է խոսում, ո՛չ էլ, մեծ հաշվով, տեղյակ է Ֆրանսիայի իրականությունից, ֆրանսիական այսօրվա հեռուստաեթերը սարսափեցնող էր: Որքան մարդ և քաղաքական գործիչ ու վերլուծաբան Ֆրանսիայում չի պատկերացնում սեփական երկրում ստեղծված իրականությունը և դեռևս ապրում է մի աշխարհում, որը վաղուց այլևս գոյություն չունի: Եվ վերջում. Մակրոնի այս հաղթանակը, այսպես կոչված, «ծայրահեղ աջ ուժերի»՝ հինգ տարի հետո կանխատեսելի հաղթանակի պատվանդանն է: Այս հինգ տարիների ընթացքում Ֆրանսիան անխուսափելիորեն նոր ապացույցներ կստանա այն բանի, որ աշխարհը փոխվել է, և հետպատերազմական եվրոպական հայեցակարգերն այլևս իսպառ սպառել են իրենց: Ընդդեմ և ոչ հանուն քվեարկելով՝ ֆրանսիացիների քաղաքական հեռանկարը բավական մշուշոտ կարող է լինել: Իսկ մինչ այդ, ցավոք սրտի, ցնցումները կահագնանան... Հ.Գ. Խնդրանք մեր հայրենակիցներին. եթե չեք ուզում դիլետանտ, բայց ամուր կարծիք ունեցող երևալ, ձեռնպահ մնացեք մեկնաբանություններից: Մեծ շանսեր կան, որ մոլորյալ մտքեր եք արտահայտում: Այս հարցում լռությունը ոսկի է: Նյութի աղբյուր՝ https://www.facebook.com/hayk.a.martirosyan/posts/10211183391313906 ...

    Կարդալ ավելին
  • Հալեպահայերի զոհվելու կապակցությամբ խոհանոցային մակարդակի մեկնաբանություններ անողները պետք է իմանան, որ Հալեպը բաժանված է երկու մասի՝ Արևելյան և Արևմտյան: Առաջինն այսպես կոչված ապստամբների վերահսկողության տակ է, երկրորդը՝ կառավարական զորքերի: Օդից ռմբակոծվում և հողին է հավասարեցվում Արևելյան Հալեպը, որտեղ քրիստոնյաների, մանավանդ հայերի ներկայությունը մոտեցել է զրոյի: Օդից ռմբակոծում են սիրիական և ռուսական ավիացիան: Իր հերթին՝ ցամաքից՝ Արևելյան Հալեպից Արևմտյան Հալեպը հրթիռակոծում են ահաբեկչական կազմակերպությունները, որի զոհն էլ դառնում են Հայաստանի կողմից լքված մեր հալեպահայ հայրենակիցները, որոնց գերակշիռ մասը հենց Արևմտյան հատվածում է բնակվում:  Հայերի սպանության մեջ նախքան որևէ օդուժի մեղադրելը՝ անհրաժեշտ է հասկանալ, որ այդ ողբերգությունում նախևառաջ մեղավոր են հենց այսպես կոչված ապստամբները, որոնց գերակշիռ մասը իսլամիստներ են:  Ամեն բան քաղաքական մեկ վերմակով ծածկելը ոչ միայն պրոֆեսիոնալիզմ չէ, այլև՝ մեծապես անարդար է՝ հատկապես մեր զոհված հայրենակիցների հիշատակի հանդեպ: Նյութի աղբյուր՝ https://www.facebook.com/hayk.a.martirosyan/posts/10209162587515074 ...

    Կարդալ ավելին
  • Ռազմական շքերթները՝ հատկապես այս ժամանակներում, անիմաստ ու անհեթեթ ներկայացումներ են, թատերական միջոցառումներ, որ ոչ մի ազդեցություն չեն կարող ունենալ թշնամու վրա: Կոնկրետ Հայաստանի պարագայում Ադրբեջանի ղեկավարությունն իր դաշնակիցների շնորհիվ հայ հանրությունից շատ ավելի լավ գիտի, թե որքան և ինչպիսի զինատեսակներ ունի այս երկիրը:  Իսկ եթե շքերթ է արվում սեփական ժողովրդի ոգին բարձրացնելու նպատակով, ապա ոգին բարձրացվում է հեկտարներ գրավելով, ոչ թե հանձնելով ու հետո արդարացնելով:  Շքերթներ անող երկրների ցանկն ընդհանրապես հետաքրքիր է. Ռուսաստան, Չինաստան, Ֆրանսիա, Սուդան, Հյուսիսային Կորեա, Ադրբեջան, Հայաստան և այլն: Մինչդեռ գերտերությունների պարագայում դրանք գուցե արդարացված են, փոքրիկ և բանակային կոռուպցիայի մեջ թաթախված երկրներում` զավեշտալի: Միայն փորձի արդյունքում, որը փոխանակ գիշերը կամ այլ վայրում կազմակերպեն, պարալիզացվել է քաղաքը, իսկ հիմնական մարտական տեխնիկան, փոխանակ մարտական վիճակում գտնվի, բերվել է Երևան և խցանել այն: Ծախսերի մասին խոսելն արդեն ինքնին անիմաստ է: Եվ այսքանից հետո հասարակության մի ստվար զանգված կրկես այցելած երեխայի պես հրճվում է ծանր տեխնիկայի տեսքից` մոռանալով, որ թշնամին էլ դրանից ունի ու հաճախ շատ ավելի շատ ու, ցավոք, հաճախ ավելի լավը: Նյութի աղբյուր՝ https://www.facebook.com/hayk.a.martirosyan/posts/10209007839726476 ...

    Կարդալ ավելին
  • Արսեն Ջուլֆալակյանին պետք է պարսավել մի բանի համար` իր սեփական ներողության: Երբ քո թիմում կան մարդիկ, որոնք արժանի չէին խաղերին գնալու, բայց գնացել են` զբաղեցնելով արժանիների տեղերը, երբ քո թիմում կան մարդիկ, որ ծուլությամբ են զբաղվել և օգտվել նեպոտիզմից, իսկ դու այն եզակիներից ես, որ ամեն բան ըստ արժանվույն ես արել, բայց ձախողվել, որովհետև միշտ չէ, որ չեմպիոնը հաղթում է` դու իրավուքն չունես այլոց մեղքը քո վրա ստանձնելու, երբ այդ ուրիշները լուռ են: Առավելևս երբ ամենաիրական պատասխանատուները` սպորտի չինովնիկները գերեզմանային լռություն են պահպանում: Սպորտում պարտությունն էլ նորմալ է: Աննորմալ է, երբ նրանք, որ պետք է պատասխանատվություն ստանձնեն` լռում են, իսկ նրանք, որ ամեն ինչ արել են, բայց չեն հաջողել` խոսում են: Նյութի աղբյուր՝ https://www.facebook.com/hayk.a.martirosyan/posts/10208746021901194 ...

    Կարդալ ավելին
  • Մի ուռճացրեք այս ձևական պաշտոնանկությունները: Հերթական քավության նոխազներն են զոհաբերվում: Դրանք նույնքան կոսմետիկ են ու խաբուսիկ՝ որքան բանակում տեղի ունեցած հետապրիլյան մի քանի պաշտոնանկություններն ու ձերբակալումները: Այս թատրոնի նախորդ արարները մենք արդեն տեսել ենք: Նյութի աղբյուր՝ https://www.facebook.com/hayk.a.martirosyan/posts/10208661755354583?notif_t=close_friend_activity¬if_id=1470343 ...

    Կարդալ ավելին
  • Գեներալ Վիտալի Բալասանյանը շարունակում է իր միջնորդական առաքելությունը: Այսօր ևս տեղի են ունենալու բանակցություններ զինյալների հետ: Երեկ Բալասանյանի ջանքերով լուծվել է մոտավորապես երկու օրվա սննդի հարց: Սնունդն արդեն զինյալների մոտ է: Նյութի աղբյուր՝ https://www.facebook.com/hayk.a.martirosyan/posts/10208553915938665?ref=notif¬if_t=close_friend_activity¬if_id=146915 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին