• Գարիկ Քեռյան
  • ԱՄՆ նորընտր նախագահ Թրամփը իր ելույթում հստակորեն ասաց ամբողջ աշխարհին, որ այսուհետ հիմնականում զբաղվելու է երկրի ներքին գործերով և միայն ելնելու է պետության շահերից, այսինքն՝ արտաքին քաղաքական ծրագրերի իրականացման համար տրամադրվող ռեսուրսները կրճատվելու են կամ էլ դադարեցվելու են: Իհարկե, վաղ է ասել, թե նրա խոսքն ու գործը կհամընկնեն, թե ոչ, բայց երևույթը շատ կարևոր է: ԱՄՆ-ում միշտ էլ եղել է համառ պայքար քաղաքական երկու ուղղությունների՝ իզոլյացիոնիզմի ու գլոբալիզմի միջև: Իզոլյացիոնիզմի ակունքները գալիս են դեռ 19-րդ դարի 20-ական թթ,-ից, երբ պրեզիդենտ Մոնրոն ձևակերպեց իր դոկտրինը «Ամերիկան ամերիկացիների համար»: Իմաստն, իհարկե, պարզից էլ պարզ է, արևմտյան կիսագունդը ԱՄՆ-ինն է՝ աշխարհի մյուս մասերը իրենց խնդիրներով մեր վզին չփաթաթեք: Գլոբալիստները, ընդհակառակը, հակված են խառնվել ամենուր և ամեն ինչին: Նրաց ելակետը այն է, որ աշխարհում տեղի ունեցող բոլոր իրադարձություններն էլ ինչ-որ տեղ կարող են առնչվել ԱՄՆ կենսական շահերին: Հիշենք, թե ինչպես ԱՄՆ Կոնգրեսում նույնիսկ չհաջողվեց վավերացնել 1919թ․ Վերսալյան հաշտությունը, որը Փարիզում ստորագրել էր պրեզիդենտ Վուդրո Վիլսոնը: Հետպատերազմյան տարիներին գլոբալիզմը գերիշխում էր ԱՄՆ-ի քաղաքականության մեջ: Իհարկե, իզոլյացիոնիստները շարունակում էին գոյատևել՝ մերթընդմերթ փորձելով վերականգնել իրենց դիրքերը: Թրամփի ելույթը և նախընտրական քարոզարշավում հնչեցրած ծրագրային դրույթները տպավորություն են ստեղծում, որ կարծես իզոլյացիոնիզմը կրկին գլուխ է բարձրացնում: Եթե այդպես լինի, ապա կարող ենք ականատես լինել նաև մեր տարածաշրջանում ԱՄՆ քաղաքական ակտիվության անկում: Այս ֆոնին Լավրովի պատասխանը ադրբեջանցի լրագրողին առավել կարևորություն է ձեռք բերում, Ռուսաստանի դիրքորոշումը կարող է վճռորոշ լինել: Գ. Քեռյան, քաղաքագիտության պրոֆեսոր Նյութի աղբյուր՝ https://www.facebook.com/garik.keryan/posts/1221520467928520 ...

    Կարդալ ավելին
  • Եվ այսպես փոխանակ ձեռնամուխ լինելու երկրի պաշտպանական բյուջեն կոռուպցիայից պաշտպանելու և բանակի վիճակը բարելավելու գործին մի քանի խելամիտներ առաջարկում են վերացնել տարեկետման իրավունքը: Հիմնավորում են այն կոռուպցիոն ռիսկերով: Այս նախաձեռնությունը իսկապես զուրկ է տրամաբանությունից, փոխանակ պայմաններ ստեղծեն, որ արժանավոր ու պետքական մարդիկ կարողանան օգտվել տարեկետման իրավունքից, առաջարկում են վերացնել այդ իրավունքը: Հիմա անկեղծ լինենք, որտեղ է ավելի մեծ չափերի կոռուպցիան, հարկային ու մաքսային մարմիններում, դատարան-դատախազություններում, բյուջեն վատնող պետական կառույցներում, թե տարեկետման իրավունքն իրականացնող մեխանիզմներում: Եթե կոռուպցիոն ռիսկերը վերացնելու համար առաջարկում եք վերացնել տարեկետման իրավունքը, նույն տրամաբանությամբ էլ առաջարկում ենք վերացնել հարկային ու մաքսային մարմինները, դատարանները, դատախազությունը, ՊՆ մատակարարման մարմինները, վերահսկիչ կառույցները և այլն ու այսպես շարունակ: Հա մոռացա կոռուպցիոն մեխանիզմներ կան նաև առողջապահության ու կրթության հաստատություններում, լավ կլինի փակել բոլոր դպրոցները, հիվանդանոցները, բուհերը: Հոյակապ քայլ կլինի, կոռուպցիայի հերը կանիծենք: Աչքը բուժելու համար, աչքը չեն հանում հարգելիներս: Ձեր առաջարկությամբ ուզում եք համ աչքից ազատվել համ աչքացավից: Գ. Քեռյան ԵՊՀ դասախոս Նյութի աղբյուր՝ https://www.facebook.com/garik.keryan/posts/1004095859670983 ...

    Կարդալ ավելին

ՖԲՀ

Քաղաքականություն