• Զոհրապ Եգանյան
  • Լավրովի հայտարարությունը կարդացի, այսպես ասեմ՝ արհամարելը վտանգավոր է, պանիկան՝ անտեղին։ Ինձ մոտ տպավորություն է, որ հայկական կողմը ձգտում է ներքին հարցերում լիակատար անկախության ու դա անում է շատ կտրուկ, պատկերավոր ասած՝ Բելոռուսի նման։ Կգնա՞ Ռուսաստանը կտրուկ քայլերի, կարծում եմ այո, բայց ոչ շատ արագ։ Նրանք կարող են նեղել Ռուսաստանում ապրող մեր հայրենակիցներին, բարձրացնել գազի գինը, Արցախի հարցը տաքացնել, բայց նժարի վրա դրված է տարածաշրջանում ամենալուրջ դաշնակցին կորցնելու վտանգը ու դա նրանք լավ են հասկանում։ Չմոռանանք նաև, որ ինչքան Ռուսաստանից փող է մտնում, միքանի անգամ դրանից շատ դուրս է գալիս ի դեմս բանկերի, բջջային օպերատորների, գազպրոմի և հանքարդյունաբերական ընկերությունների։ Ինձ մոտ մտավախություն կա, որ ռուսները կսկսեն իրենց ավանդական ձևերով աշխատել ու ժամանակի ընթացքում փորձել թուլացնելն մեր իշխանություններին։ Աստված տա ամեն բան մեր սրտով լինի, վերջապես աշխարհի գերտերություններից մեկի հետ գործ ունենք: Նյութի աղբյուր՝ https://www.facebook.com/zohrap.yeganyan/posts/1886237794767527 ...

    Կարդալ ավելին
  • Ծնվել է 1964թ․-ի հունվարի 30-ին, Պռոշյան գյուղում: Եղել է Շուշիի առանձնակի գումարտակի հրամանատարի տեղակալը, Պռոշյանի կամավորական ջոկատի փոխհրամանատարը։ Իր հրամանատարությամբ գործող գումարտակի հետ նա մասնակցել է Շահումյանի, Մարտակերտի, Մարտունու եւ Հադրութի շրջանների տասնյակ բնակավայրերի ազատագրման մարտերին, Քելբաջարի թշնամական հենակետերի ոչնչացման ռազմագործողությանը՝ բազմիցս ցուցաբերելով խիզախություն ու հերոսություն։ Մահացել է 1994 թվականի փետրվարի 14-ին, Քարվաճառում, վիրավոր զինակցին օգնություն ցույց տալու ժամանակ։ Նյութի աղբյուր՝ https://www.facebook.com/zohrap.yeganyan/posts/1676281905763118 ...

    Կարդալ ավելին
  • Ծխելն իսկապես վատ բան է, չծխող մարդկանց կամ երեխաների մոտ ծխելը մտածողության, մեկ-մեկ էլ դաստիարակության հարց է։ Առողջապահության նախարարությունը ճիշտ է անում, որ պայքարում է դրա դեմ, բայց դնել և միանշանակ արգելել ծխելն, օրինակ՝ բոլոր սրճարաններում, կամ չթույլատրված վայրերում ծխելու համար մեծ տուգանքներ սահմանելը համարում եմ ոչ արդյունավետ նպատակին հասնելու տեսանկյունից։ Նախ՝ Հայաստան ժամանող զբոսաշրջիկները մեր երկրի առավելություններից մեկն էլ համարում են ռեստորաններում ու ժամանցի վայրերում ծխելու հնարավորությունը, սա ծխողների համար իսկական դրախտ է, մյուս կողմից, եթե մենք ընդունելու ենք օրենք, ապա դրա սանկցիան պետք է խելամիտ լինի, տուգանքի չափը պետք է հաշվարկել սոցիալական վիճակ հաշվի առնելով։ Չեմ պատկերացնում, որ մեծահարուստը կանգնած կլինի կանգառում, կսպասի երթուղային տաքսու և այդ ընթացքում դարդից կծխի։ Այդ ծխողը մեքենա չունեցող մարդն է, որի եկամուտների մասին կարելի է ենթադրություններ անել, ինչքան կուզենք։ Ասելիքս այն է, որ չնայած համարում եմ, որ նախարարությունը պետք է ամեն բան անի առողջ քաղաքացիներ ունենալու համար, բայց դա չպետք է բերի հակառակ արդյունքի։ Իմ պատկերացմամբ՝ կանգառում ծխելու տուգանքը պետք է լինի 500 դրամ, մեքենայի ղեկին ծխելու տուգանքի չափ հիմա կա, եթե չեմ սխալվում՝ 5000 դրամ, սրճարաններն էլ պետք է ունենան չծխողների սրահներ: Նյութի աղբյուր՝ https://www.facebook.com/zohrap.yeganyan/posts/1672134906177818 ...

    Կարդալ ավելին
  • Հետաքրքիր է, ինչո՞ւ է ուկրաինական կառավարությունն ամեն ինչ անում, որպեսզի Սահակաշվիլին մշտապես լինի ուշադրության կենտրոնում։ Մի տեսակ զարմանում եմ, որ վերլուծաբանների շրջանում հարցեր չեն առաջանում առ այն, որ եթե իսկապես ցանկություն լիներ, ապա Սահակաշվիլին Ուկրաինա հաստատ չէր մտնի, եթե իսկապես պետք լիներ, ապա նրան, օրինակ, երեկ կձերբակալեին ու դա կանեին առանց տեսախցիկների և ավելորդ աղմուկի։ Երկու տարբերակ կա․ կա՛մ Վրաստանի նախկին նախագահին պատրաստում են Ուկրաինայի նախագահ դարձնել ու դա ծրագրավորվել է ոչ Ուկրաինայում, կա՛մ ուկրաինական կառավարությունն ուղղակի զբաղեցնում է հանրությանը, քանզի այդ երկրի վիճակն իսկապես ծանր է։ Թե չէ հեքիաթներ են, թե երկու անգամ ժողովուրդը նրան փրկեց կալանավորումից․․․ Նյութի աղբյուր՝ https://www.facebook.com/zohrap.yeganyan/posts/1622467781144531 ...

    Կարդալ ավելին
  • Կրեատիվ գովազդ Գյումրիում։ Քաղաք մտնելիս և դուրս գալիս: Լավ են մտածել: Նյութի աղբյուր՝ https://www.facebook.com/zohrap.yeganyan/posts/1620403134684329 ...

    Կարդալ ավելին
  • Ռուսական «Զվեզդա» հեռուսատաալիքը բառիս բուն իմաստով վիրավորական արտահայտություններ է թույլ տալիս ոչ միայն մեր ազգային հերոս Գարեգին Նժդեհի, այլ իշխող կուսակցության հասցեին։ Մեր մեջ մենք կարող ենք քննադատել ցանկացած կուսակցության, բայց այլ բան է, երբ պետական միջոցներով պահվող ՌԴ ՊՆ ի պաշտոնական ալիքը ծաղրում է հայկական կուսակցությանը, այս ամենը ուղղակիորեն կապվեց Հայաստան-ԵՄ համաձայանգրի նախագծի հետ։  Ռուսական հեռուստաընկերության պահվածքն իսկապես տհաճ է, դրան ի պատասխան, օրինակ,մեր հեռուստաալիքներից մեկը շատ հանգիստ կարող է խոսել ռուսական պատմության սև, անմարդկային էջերի մասին, որոնք թույլ են տրվել մեր ազգի հանդեպ։ Անկեղծ ասած՝ ռուսական որոշ հաղորդումներ դիտելուց հետո հիշում եմ վերջերս շատ տարածված մի արտահայտություն «весь мир это один большой антироссийский проект»։ Տղեք ծիծաղելի է, այսպես երկար ճանապարհ չեք անցնի, առավել ևս, երբ կպնում եք մի ժողովրդի ազգային հերոսի, ով ոչ թե հակառուս էր, այլ ուղղակի հայակենտրոն էր։ Մենք էլ կարող ենք հերսների վրայով անցնել, բայց չափը լավ բան է։ Նժդեհին տեռորիստ համարող մարդը պետականությունից ոչինչ հասկանալ չի կարող։  Նյութի աղբյուր՝ https://www.facebook.com/zohrap.yeganyan/posts/1606591329398843 ...

    Կարդալ ավելին
  • Չեմ հիշում հավաքականի խաղ, որ Վազգեն Սարգսյանի անվան մարզադաշտն այսքան սակավամարդ լիներ, որքան այսօր էր։ Այն աստիճանի քիչ երկրպագուներ էին, որ մարզիչի հրահանգները լսվում էր, բախտներս բերել է, որ Պետրոսյանը քֆուրգան մարդ չէ։ Երազում եմ, որ նորից լավ խաղան ու 2011-2014թթ ի նման բորորս ապրենք մեր սիրելի հավաքականով։ Հիմա անտարբերության փուլն է, սա ավելի վատ է, քան հայհոյելն ու հրաժարականներ պահանջելը։ Նյութի աղբյուր՝ https://www.facebook.com/zohrap.yeganyan/posts/1596853123705997 ...

    Կարդալ ավելին
  • Երբեք ոչ մի օրենքով լավ տղություն չի եղել կնոջ կամ երեխայի վրա ձեռք բարձրացնելը։ Օրենքի պատիժը նման դեպքերում քիչ է, հասարական ճնշումը պետք է աշխատի։ Ընդհանրապես այս դեպքը վերլուծել է պետք ու մանկապարտեզների անվտանգության թեման քննարկել. իրականությունն այն է, որ մեր մանկապարտեզներն անպաշտպան են ու խիստ խոցելի բոլոր տեսակների տականքների ներխուժման համար, բանկերն ու պետական հիմնարկները պահակակետեր ունեն, որտեղ հասուն մարդիկ են աշխատում, բայց մեր հասարակության ամենափոքր ու ամենաթանկ անդամներին պաշտպանող չկա նման դեպքերից։ Մանկապարտեզների համար պետք է պարտադիր լինի պահակակետ ունենալը, մեծ բյուջե չի, կլինեն տեղեր, որտեղ ծնողները ևս պատրաստ կլինեն վճարել դրա համար։ Ամենաթանկը մեր երեխաներն են։ Նյութի աղբյուր՝ https://www.facebook.com/zohrap.yeganyan/posts/1587929607931682 ...

    Կարդալ ավելին
  • 26 տարի առաջ այս օրը՝ 1991 թվականի հոկտեմբերի 16-ին, տեղի ունեցավ ՀՀ նախագահի առաջին ընտրությունները։ Ձայների գերակշիռ մեծամասնությամբ (83,4%) Լևոն Տեր-Պետրոսյանն ընտրվեց ՀՀ նախագահ Նյութի աղբյուր՝ https://www.facebook.com/photo.php?fbid=1574742235917086&set=a.514880315236622.1073741825.100001439748923&type=3&theater ...

    Կարդալ ավելին
  • 1954 թ. ի սեպտեմբերի 15 ին է ծնվել Հրանտ Դինքը, նշանավոր պոլսահայ լրագրող, Թուրքիայում հայերեն և թուրքերեն լեզուներով տպագրվող միակ ամսաթերթի՝ «Ակոսի» գլխավոր խմբագիր (սպանվել է 2007 թ.)։ Նյութի աղբյուր՝ https://www.facebook.com/photo.php?fbid=1548269478564362&set=a.514880315236622.1073741825.100001439748923&type=3&theater ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին