• Արմեն Հարությունյան
  • Բազմիցս խոսվել է իսկական գեներալի՝ ՊՆ նախարար նշանակվելու մասին, սակայն ներկա իշխանություններն անտեսում են այդ կարևորագույն խնդիրը՝ կասկածելով, որ նման գեներալի հեղինակությունը ստվեր կնետի իրենց վրա, իսկ իրենց պետք է, որ սեփականացնեն բոլոր հաղթանակներն ու հաջողությունները, որ իրենց  իսկական գեներալը, բացարձակ գիտելիքներ ունենալով տակտիկայից, ստրատեգիայից, նորագույն զինատեսակներից, մարտ վարելու նորագույն մեթոդներից, թույլ չէր տա, որ հակառակորդն անպատիժ խախտի զինադադարը, թույլ չէր տա, որ երկրի քաղաքացիների համար այդ խախտումները սովորական դառնան, թույլ չէր տա, որ հակառակորդի կրակակետերը կառուցվեն մի քանի տասնյակ մետր մոտիկ․․․ և վերջապես, իսկական գեներալը, շատ լավ իմանալով, թե ինչ է նշանակում զինվորի բարոյական ոգին, առաջին հերթին կձգտեր նախ բարոյապես հաղթել հակառակորդին, որից էլ կախված է ցանկացած հակամարտության հաջողությունը․․․ Միայն իսկական գեներալի՝ Պն նախարար լինելու դեպքում ժողովուրդը կարող է հանգիստ քնել՝ գիտակցելով, որ երկրի պաշտպանությունը հուսալի ձեռքերում է․․․ Ինչպե՞ս բնութագրես այն իշխանությունների գործունեությունը, որոնց թողտվության պայմաններում փորձում են բարոյալքել զինվորի մարտական ոգին, նսեմացնել զինվորի անձնազոհությունը․․․ Զինվորի մարտական ոգին այն անպարտելի զենքն է, որի առաջ նահանջում են բազմաքանակ բանակները և որի վառ ապացույցն ապրիլյան հակամարտության հերոսական պաշտպանությունն էր։ Նյութի աղբյուր՝ https://www.facebook.com/armen.harutunyan.921/posts/882043012005349 ...

    Կարդալ ավելին
  • Մարդիկ արտագաղթում էին նախկին բոլոր կառավարությունների ժամանակ։ Նույն տեմպերով մարդիկ արտագաղթում են նաև այսօր, երբ բնակչության սոցիալական կյանքում բան չի փոխվել, բայց մարդիկ չեն բողոքում աշխատավարձերի, թոշակների ցածր և անբավարար լինելուց։ Նշանակում է, որ մարդիկ շատ բան չափազանցում էին, երբ բողոքում էին իրենց սոցիալական վիճակից, պետության սոցիալական քաղաքականությունից։ Սա նշանակում է միայն մի բան՝ ամբողջ հասարակությունը գաղափարապես ուղղորդվում է մի կետից և ասում կամ անում այն, ինչ նրան թելադրում են։ Այս պայմաններում խոսել անկախության մասին, մեղմ ասած, անիրական է։ Ոչ անկախությունը, ոչ էլ ազատությունը չեն տալիս կամ էլ ձեռք չեն բերում հեղափոխության կամ նման ցանկացած անմտության շնորհիվ։ Մարդիկ ապրում են ըստ իրենց արժանիքների։ Ամեն մարդ իր խառնվածքի, իր էության <<գերին>> է։ Եթե մարդ նյութամոլ է, ապա նա ցանկացած հասարակագի պայմաններում լինելու է իր այդ թերության գերին, այդպես էլ երբեք չգիտակցելով, թե ինչ է ազատությունը։ Մարդիկ միշտ ընտրում են։ Ազատությունը նույնպես ընտրություն է։ Ավելի անաչառ լինելու դեպքում հստակ է երևում, թե մեր ամբողջ պատմության ընթացքում որն է եղել մեր ընտրությունը․․․ Նյութի աղբյուր՝ https://www.facebook.com/armen.harutunyan.921/posts/879832732226377 ...

    Կարդալ ավելին
  •   Բացարձակ անհեթեթություն է այն միտքը, թե ներկա իշխանություններին քննադատողներն ուզում են նախկինների վերադարձը․․․ Հակառակը, հենց ողջամիտ քննադատողներն են ուզում, որ նախկին իշխանությունները հեռանան, և վերջապես ժողովրդին հնարավորություն տրվի մի պատշաճ սահմանադրությամբ և պատշաճ ընտրությունների միջոցով ընտրել իր ղեկավարին։ Իսկ ով կասկածում է, որ նախկին իշխանություններն են դեռ ղեկավարում երկիրը, կարող է ընդամենը մեկ հարց ուղղել ներկա կառավարությանը՝ ինչո՞ւ պատասխանատվության չի կանչվում նախկին կառավարությունը ապրիլյան ներխուժման ինչպես հետևանքների, այնպես էլ պատճառների համար․․․ Նյութի աղբյուր՝ https://www.facebook.com/armen.harutunyan.921/posts/877495609126756 ...

    Կարդալ ավելին
  • Քննադատել ենք բոլոր կառավարություններին իրենց թույլ տված սխալների և անգործունեության համար։ Ես կարծում եմ, որ ցանկացած ողջամիտ և շրջահայաց քաղաքացի պարտավոր է հայտնել իր կարծիքը կառավարության գործունեության մասին՝ կառավարության ուշադրությունը հրավիրելով նրա, մեղմ ասած, բացթողումների վրա։ Թվում էր, թե այս իշխանափոխության հետևանքով վերջապես կարող ենք զերծ մնալ այդ իսկապես տհաճ «պարտականությունից»՝ քննադատությունից, բայց արի ու տես, որ ներկա կառավարությունն իր գործունեությամբ տեղիք է տալիս այն նույն քննադատություններին, որոնք ժամանակին ուղղված են եղել նախկիններին։ Իսկ ինչի՞ համար էին քննադատվում մեր նախկին իշխանությունները, ի՞նչ էինք առաջարկում մենք․ - Հրաժարվել երկրի անվտանգության համար վտանգավոր պայմաններով վարկեր վերցնելուց, որոնք, բնականաբար, յուրացվել են, իսկ պետությունը՝ խրվել ահռելի պարտքերի մեջ, - Ոչ թե զենք մուրալ Ռուսաստանից, այլ պարզապես գնել։ Այդ երկիրը ցանկացած զենք կտա երկրին, միայն պետք է վճարել, - Ստեղծել բանակային կարգապահության գաղափարախոսություն՝ բանակի կարգապահությունը հասցնելով կատարելության, - Բանակի ղեկավար կազմում ընդգրկել իսկական գեներալների, - Խնայել բյուջեն տարբեր տեսակի ուղևորություններից, որոնք հիմնականում պոպուլիստական բնույթի են, ինչպես նաև տուրիստական կամ անձնական բիզնեսի հետ կապված, - Պաշտոնների նշանակելիս առաջնորդվել զուտ մասնագիտությամբ, ոչ թե կուսակցական հավատարմությամբ կամ կազմակերպել մրցույթների միջոցով, - Երեխաների և մեծահասակների բուժումը սահմանել անվճար, - Խորհրդարանը համալրել մեծամասնական ընտրակարգով ընտրված պատգամավորներով, մասնագետներով՝ տնտեսագետներ, իրավաբաններ, պատմաբաններ, հոգեբաններ, փիլիսոփաներ, որոնք էլ կլինեն կառավարության պահեստային կադրերը․․․ - Վերահսկել բոլոր ՀԿ-ների և աղանդների գործունեությունը, - Ստեղծել հակահետախուզական հզոր ցանց, - Զինել սահմանամերձ շրջանների բնակչությանը, - Դատական իշխանությունների կազմավորումը իրականացնել ընտրությունների միջոցով, - Ազգայնացնել տնտեսության այն մասը, որն ապահովում է գերշահույթ՝ բենզին, գազ, հանքարդյունաբերություն և այլն, բյուջեի և բանակի սպառազինության հարցերը արագ լուծելու համար, - Հարկերը կարգավորել և վերահսկել ամբողջ տնտեսական դաշտը, որի արդյունքում բյուջեն կհատի հինգ միլիարդի սահմանագիծը․․․ - Ստեղծել ազգային խնդիրների հետազոտության հաստատություն՝ ընդգրկելով այնտեղ իսկապես լուրջ մասնագետների, որոնք կարճ ժամանակում կստեղծեն պետության գաղափարախոսությունը, որն էլ կուղղորդի ցանկացած ղեկավարի և՛ քաղաքական, և՛ տնտեսական գործունեությունը․․․ - Ստեղծել մեկը մյուսին հսկող կառույցներ՝ կոռուպցիան նվազագույնի հասցնելու համար, - Փաստաթղթային ձևակերպումները հասցնել նվազագույնի ձեռներեցների համար և այլն․․․ Այս և չնշված բազմաթիվ խնդիրներ լուծելու համար այնքան աշխատանք է պահանջվում, որ դրանք լուծելու համար օրվա քսանչորս ժամն էլ չի հերիքի, իսկ իրականությունը կարծես այլ կարծիք է հուշում․․․ ...

    Կարդալ ավելին
  • Պետության անվտանգությունը ապահովում է ոչ միայն բանակը, եթե իհարկե այն մարտունակ է և սպառազինված ժամանակակից զինատեսակներով: Պետության անվտանգությունը նախ և առաջ ապահովվում է պետության իրականացրած արտաքին և ներքին քաղաքականությունը: Մեր երկիրը ոչ Ռուսաստան է, ոչ ԱՄՆ, ոչ Իսրայել, ոչ Չինաստան կամ Իրան, ուստի երևակայել, որ մենք կարող ենք այնքան հզոր բանակ ունենալ, որ ցանկացած պարագայում ի զորու կլինենք ապահովել պետության անվտանգությունը, ինքնախաբեություն է, իսկ գլխավոր սխալն այն էր, որ մեր երեք կառավարությունները որպես բանակի զորության չափանիշ չեն ընդունել Իրանի կամ, ասենք, Գերմանիայի բանակը և չեն ձգտել հավասարվել նրանց: Նրանց համար բանակի զինվածության և հզորության չափանիշ եղել է մեր արևելյան հարևանի բանակը, և արդյունքն ակնհայտ է․․․ Մեր պետական գործիչները քսանվեց տարի շարունակ միայն այնքան են զինել բանակը, որ, իրենց ծանծաղամտությամբ, բանակը կարողանա պաշտպանվել այդ արևելյան հարևանի հարձակումից: Բայց նույնիսկ դա էլ չեն արել, որի վկան ապրիլյան ներխուժումն էր․․․ Իսկապես ցավալի է, որ մեր և արտաքին, և ներքին քաղաքականությամբ արդեն քսանվեց տարի զբաղվում են, մեղմ ասած, ծանծաղամիտ մարդիկ․․․ Այ սա լրջագույն խնդիրն է, և ոչ մի բանակ չի կարող փրկել երկիրը, եթե պետական գործիչները երկիրը «մեկուսացնում» են՝ տանելով այն դեպի փակուղի․․․ Նյութի աղբյուր՝ https://www.facebook.com/armen.harutunyan.921/posts/752165224993129 ...

    Կարդալ ավելին
  • Եթե նույնիսկ ԱՄՆ-ը հնարավորություն ունենար կազմաքանդել Չինաստանն ու Ռուսաստանը, որը անելու համար կոնգրեսից պահանջվել է 1,4 տրիլիոն լրացուցիչ գումար, ապա ԱՄՆ-ը երբեք չէր դիմի նման ծայրահեղ քայլի․․․ Հզոր Չինաստանի կամ Ռուսաստանի գոյությունը ԱՄՆ իրական տերերի համար եկամտի հիմնական աղբյուրն է․․․ Բազմաթիվ հսկայական գործարաններ աշխատում և ստեղծում են նոր, ժամանակակից զենքեր՝ հրթիռներ, ինքնաթիռներ, նավեր, տանկեր և այլն․․․ և այդ ամենի ստեղծումը արդարացվում է Չինաստանի և Ռուսաստանի իբր աճող հզորությամբ, որը իբր լուրջ վտանգ է ԱՄՆ-ի ազգային անվտանգությանը․․․ Այսօր եվրոպական մի քանի զարգացած երկրներ, ինչպես նաև ճապոնիան և Չինաստանը, ավելի վնաս են տալիս ԱՄՆ-ի արդյունաբերությանը, քան Ռուսաստանը, սակայն այս մասին ոչ մի տեղ ոչ կգրվի, ոչ էլ կխոսվի, որովհետև դա է քաղաքականությունը, որն այդպես էլ չեն կարողանում հասկանալ ՖԲ-ի ինքնահռչակ քաղաքական գործիչները․․․ ԱՄՆ-ն հաստատ ձեզ չի դաշնակցի, երբ դուք մտմտում եք Ռուսաստանի կամ Չինաստանի կազմաքանդումը․․․ <<Տականքի վերջին հանգրվանը հայրենասիրությունն է>>,-ասել է Դոստոևսկին։ Զարմանալի է, որ պարապությունը մարդկանց դրդում է զբաղվել քաղաքական գուշակությամբ, և նրանք չեն փորձում իրենց բախտը փորձել մի այլ, ավելի <<իրական>> ասպարեզում․․․ Ասենք, բիզնես, կամ վերավաճառք, կոշկակարություն, դերասանություն և այլն․․․ Նյութի աղբյուր՝ https://www.facebook.com/armen.harutunyan.921/posts/744686115741040 ...

    Կարդալ ավելին
  • Լիովին հասկանալի է այս դիմակահանդեսի հետ կապված «տոնը» Ամերիկայում, քանզի այնտեղ ազգային ավանդույթներ չկան, այնտեղ կա միայն դեմոկրատիա, որն այնքան է լրբացել, որ վերջերս մինչ այսօր «երկրի հայր» համարվող Ջորջ Վաշինգտոնի հուշատախտակը հանեցին մի եկեղեցու պատից․․․ Բայց նշել նման անհեթեթությունը մեր հայրենիքում, որն այնքան հարուստ է իր ազգային ավանդույթներով, ընդամենը խոսում է այն մասին, որ մարդիկ իսկապես կորցրել են ինչ-որ շատ թանկագին բան, թանկագին ու հարազատ, որի մասին, այնուամենայնիվ, չեն էլ կռահում․․․ Մարդիկ կորցրել են իրենց հրաշալի հայրենիքի և իրենք իրենց հանդեպ հարգանքի զգացմունքը, և դրա հետևանքներն ակնառու են․․․ Նյութի աղբյուր՝ https://www.facebook.com/armen.harutunyan.921/posts/711391112403874 ...

    Կարդալ ավելին
  • Չինաստանի կոմկուսի ղեկավարը հերթական համագումարի ընթացքում հավաստիացրեց, որ ևս մի քանի տարի, և իրենց երկիրը կդառնա երկրագնդի ամենահարուստ և ամենաբարեկեցիկ երկիրը, և, որն առանձնապես ուշագրավ է հեռատեսների համար, ռազմական ոլորտում կհասնի և կանցնի ԱՄՆ-ից․․․ Դարակազմիկ հայտարարություն աչք ունեցողների համար և ոչինչ չասող արտահայտություն տգետների համար, որոնց հոծ շարքերն այսօր ղեկավարում են աշխարհը: Այն ավելի պարզ կդառնա մի քանի տարի անց, երբ ավելի որոշակի կերևա այն, ինչին նրանք ձգտում են հետևողականորեն։ Երբ այս նույն պետական գործիչը տարիներ առաջ իր գործունեությունը սկսեց կոռուպցիայի դեմ խիստ պատժամիջոցներով, շատերը կարծում էին, որ դա ժամանակավոր և զուտ ցուցադրական բնույթ է կրում, սակայն այդ պայքարը շարունակվում է մինչ օրս, և հենց այն նպաստեց կոմկուսի հեղինակության աճին։ Հաջողության գաղտնիքն ընդամենը սկզբունքայնությունն է, որից հաստատապես զուրկ են եղել և զուրկ են մեր բոլոր ժամանակների կառավարությունները․․․ Նյութի աղբյուր՝ https://www.facebook.com/armen.harutunyan.921/posts/708987705977548 ...

    Կարդալ ավելին
  • Իրականությունն այն է, որ մեր երկիրն իր թույլ ռազմական, հոգեբանական և արտաքին քաղաքական պոտենցիալի պատճառով ինքը չի որոշում և փորձում ձեռք բերել ցանկալին։ Քսաներեք տարի առաջ պատմությունը ևս մեկ անգամ մեզ հնարավորություն տվեց լրջորեն ընդլայնելու մեր սահմանները մինչև Քուռ, սակայն մեր կառավարությանը հրահանգվեց կանգնել․․․ և կանգնեցին։ Տասնամյակներ շարունակ Իսրայելի իրականացրած արտաքին քաղաքականության հետևանքով Մերձավոր Արևելքում ստեղծված լարված իրավիճակը ձգձգվելու է տարիներ։ Իրավիճակը շարունակ փոխվելու է, նոր կողմեր են հանդես գալու, նոր շահագրգռություններ, և բնականաբար, ինչպես եղել է միշտ, պատմությունը ևս մեկ հնարավորություն կտա մեր երկրի ղեկավարությանը ձեռք բերելու ցանկալին։ Սակայն եթե քսաներեք տարի առաջ մեր ջոկատներն ու երկրի ղեկավարությունը չհանդգնեցին ընդամենը առաջ շարժվել ու հասնել Քուռ, ճանապարհը լրիվ բաց էր, քանզի հարևանի ջոկատները լքել էին դիրքերը և շարժվում էին իրենց երկրի մայրաքաղաք՝ իշխանությունը վերցնելու նպատակով, ինչպես որ հավատացրել էին նրանց, ապա ինչպես կարող է մեր երկրի ղեկավարությունը հանդգնել հանդես գալ ավելի հզոր ու մարտունակ բանակներ ունեցող երկրների դեմ։ Այն հնարավոր պոտենցիալը, որն անհրաժեշտ էր խաղի մեջ մտնելու համար, մեր կառավարությունների վարած ներքին և արտաքին քաղաքականության պատճառով լիովին սպառվել է։ Մեր կառավարության արտաքին քաղաքականությունը ենթադրում է մեկ թշնամի և վերջ։ Եթե նույնիսկ մի գերտերություն փորձի մեր երկրին խաղի մեջ ներքաշել, որովհետև դրա անհրաժեշտությունը հաստատ կառաջանա, ապա մեր կառավարությունը «փորձանքից» խուսափելու համար, քանզի նրանց համար գերագույն կայֆը բյուջեն յուրացնելն է, խաղի մեջ կնետի արդեն փորձված մեթոդը՝ ասելով. «Ով մեզ կռվեցնի քրդական կամ թրքական կամ արաբական ջոկատների կամ զորքի դեմ, մեր թշնամին է»։ Ուրեմն՝ ինչ-որ մի լավ կամ նոր բան սպասել հօգուտ մեր երկրի, անիրական է։ Կյանքն այսպես շարունակվելու է ևս մի քսան կամ երեսուն տարի, մինչև մեր երկրի բնակչության թիվը կնվազի մեկ միլիոնից, ինչպես որ սահմանվել է «համաշխարհային հանրության կողմից», և մեր կառավարությունը ոչ թե ինչ-որ բան է անում դրա դեմն առելու համար, այլ հենց ինքն է նպաստում բնակչության «տարհանմանը» այլ երկրներ։ Թե ինչ հեռահար նպատակներ ունի «էլիտան», սա բոլորովին այլ խնդիր է։  Եվ անհեթեթություն է համեմատվել Իսրայելի հետ. նրանք ոչ միայն ունեն միջուկային զենք, մարտունակ ու նորագույն զենքերով սպառազինված բանակ, այլև գործի մեջ են նետում միլիարդավոր դոլարներ՝ ունենալով և՛ հոգեբանական, և՛ ռազմական, և՛ քաղաքական անհրաժեշտ պոտենցիալը։ Եվ գլխավորը՝ նրանք ունեն ամենատարածված հետախուզական ցանցը, որը պահանջում է միլիարդներ և ինքին արդեն ամենահզոր խաղաքարտն է։ Նյութի աղբյուր՝ https://www.facebook.com/armen.harutunyan.921/posts/696950970514555 ...

    Կարդալ ավելին
  • Քանի կար Սովետը, սոցիալիզմի տարածման ահից Արևմուտքը հսկայական միջոցներ էր տրամադրում սոցիալական վիճակի բարելավման համար: Այսօր չկա այդ վտանգը, և Արևմուտքի իրական տերերն այլևս դժվարությամբ են միջոցներ տրամադրում նման բաների համար: Եթե այն ժամանակ այդ պայքարը միավորում էր Արևմուտքի այն ժամանակվա տերերին և իմաստ հաղորդում նրանց գործունեությանը, ապա այսօր Արևմուտքը դանդաղ, բայց հաստատուն շարժվում է դեպի ինքնաոչնչացում: Նույնիսկ հակառուսական և հակաչինական հզոր պրոպագանդան այլևս անզոր է կասեցնելու ակնհայտ անկումը: Քրդական պետության ստեղծման գաղափարը, որն իսկապես չափազանց վտանգավոր ձեռնարկ է, այդ անկումը երկարաձգելու հերթական փորձերից մեկն է: Մեր երկրի ղեկավարությունը պետք է հասկանա, որ բյուջեն պատկանում է ժողովրդին, և պետությունը պարտավոր է այդ փողերով գնել նորագույն զենքեր․․․ և արագ ռազմականացնել ամբողջ տնտեսությունը,ինչպես դա անում են վտանգը գիտակցող մեր գրեթե բոլոր հարևանները: Նյութի աղբյուր՝ https://www.facebook.com/armen.harutunyan.921/posts/689095891300063 ...

    Կարդալ ավելին

ՖԲՀ

Քաղաքականություն