• Գրիշա Աղաջանյան
  • Իսրայել-Պաղեստին հակամարտությունը վերադառնում է ասպարեզ։ Արաբական գարունը, սիրիական ճգնաժամը մի տեսակ ստվերել էին տասնամյակներ տևող այս հակամարտությունը, որը կարծես թե դուրս էր մնացել աշխարհի ուշադրությունից, նույնիսկ արցախյան հակամարտությունն էր ավելի շատ քննարկվում։ Թրամպի այս որոշմամբ հավանաբար կակտիվանա կամ նոր թափ կստանա այս հակամարտությունտ։ Միգուցե՞ նպատակը աշխարհի ուշադրությունը այլ խնդիրներից շեղելն է դժվար է ասել, սակայն անշուշտ այս որոշումը շատ խաղաքարտեր է խառնել։ Նյութի աղբյուր՝ https://www.facebook.com/permalink.php?story_fbid=1939545462962330&id=100007206857866 ...

    Կարդալ ավելին
  • Հենրիխ Մխիթարյանի խաղի անկման հանդեպ մեր վերաբերմունքը ցույց է տալիս, որ մեր հասարակությունը մարդկանց սիրում և գնահատում է միայն լավ և հաջողության օրերին, իսկ երբ գալիս է աջակցելու պահը, բոլորը սկսում են դառնալ «ֆուտբոլային գիգանտներ» և քննադատել մի ֆուտբոլիստի, ով, բացի իրապես լավ մարզիկ լինելուց, մեր պետության պատիվը բարձր է պահել: Վերջապես հասկացեք, որ նա խաղում է Մեծ Բրիտանիայում, որտեղ հիմնական կազմում տեղ զբաղեցնելու համար կենաց-մահու պայքար է: Իհարկե, ցավալի է տեսնել Մխիթարյանին նման մարզավիճակում, սակայն դա չպետք է առիթ հանդիսանա Հենրիխին մոռանալու համար: Նյութի աղբյուր՝ https://www.facebook.com/permalink.php?story_fbid=1939069509676592 ...

    Կարդալ ավելին
  • ԱՄՆ-ի նախագահի շուրջ հասունանում է նոր սկանդալ: Տնային կալանքի են ենթարկվել Դոնալդ Թրամպի նախընտրական քարոզչական թիմի երկու անդամներ` նախընտրական շտաբի պետ Պոլ Մանֆորտը, վերջինիս օգնական Ռիկ Գեյթսը, իսկ խախընտրական ժամանակահատվածում արտաքին հարաբերությունների գծով խորհրդատու Ջորջ Պապադոպուլոսը իրեն մեղավոր է ճանաչել ԿՀՎ-ի քննիչներին ստելու մեջ, հանձնվել և համաձայնել համագործակցել հատուկ ծառայությունների հետ: Մանֆորտի և Գեյթսի դեմ մեղադրանքները չեն ներառում կետեր որոնք առնչվում են Թրամպի շրջապատի և ռուսայան իշխանությունների միջև համագործակցությանը նպաստելու մասին: Նրանք մեղդրվում են Ուկրաինայում անօրինական բիզնեսով զբաղվելու և փողերի լվացման մեջ: Ինչ վերաբերում է Պապադոպուլոսին, ապա Թրամպի համար քաղաքականպես կարող է վնասակար լինել հենց Պապադոպուլոսի ձերբակալությունը և հետագա հնարավոր ցուցմունքները, քանզի ըստ մեղադրանքի վերջինիս հետ Ռուսաստանի հատուկ ծառայությունները կապ են հաստատել երրորդ անձանց միջոցով, որոնց մեկը եղել է Լոնդոնում ապրող ինչ-որ "անհայտ" պրոֆեսոր և անձ չպարզված մի ռուս կին: Ըստ ԿՀՎ-ի Պապադոպուլոսը հունվարին տեղի ունեցած հարցաքննության ժամանակ "ստել" է իր կապերի մասին և պնդել որ ինքը չի ծրագրել նախաձեռնել հանդիպում Թրամպի շտաբի և Պուտինի մերձավոր շրջապատի միջև: Պապադոպուլոսը իրեն մեղավոր է համարել և պատրաստակամություն հայտնել համագործակցել իրավապահների հետ: Նյութի աղբյուր՝ https://www.facebook.com/permalink.php?story_fbid=1921861071397436&id=100007206857866 ...

    Կարդալ ավելին
  • Թրամպի կապերը Ռուսաստանի իշխանությունների հետ դարձել են պատուհաս վերջինիս համար: Դրանք օգտագործվում են հենց Մոսկվայի կողմից Թրամպի վրա ճնշում գործադրելու նպատակով: ԱՄՆ նախագահ Դոնալդ Թրամպի բիզնես գործընկերներից Ֆելիքս Սատերը բազմաթիվ էլեկտրոնային նամակներ է գրել Թրամպի իրավաբան Մայքլ Կոհենին, որտեղ նկարագրել է Ռուսաստանի նախագահ Վլադիմիր Պուտինի հետ իր բավական մտերիմ կապերը և առաջարկել Մոսկվայում կառուցել հերթական "Թրամպ" երկնաքերը, ինչը ցույց կտա որ ԱՄՆ-ՌԴ լարված հարաբերությունների պայմաններում Թրամպին հաջողվել է Ռուսաստանում նման մասշտաբի պրոյեկտ իրականացնել, ի ցույց կդնի վերջինիս բանակցություններ վարելու հմտությունները և էականորեն կանդրադառնա Թրամպի թեկնածության վրա: Մայքլ Կոհենը իր հերթին էլեկտրոնային նամակ է ուղարկել ՌԴ նախագահին խնդրելով աջակցել այս ծրագրի իրականացմանը: ՌԴ նախագահի մամուլի խոսնակ Դմիտրի Պեսկովը հաստատտել է սույն տեղեկությունը և հավելել, որ հարցը երբևէ չի քննարկվել Վլադիմիր Պուտինի հետ:  ԱՄՆ նախագահ Թրամպի կապը Պուտինի և նրա մերձավոր շրջապատի հետ` ԱՄՆ-Ռուսաստան վերջերս լարված հարաբերությունների պայմաններում օգտագործվում է նաև Մոսկվայի կողմից Թրամպի վրա ճնշում գործադրելու համար: Պեսկովի հայտարարությունը կավելացնի Թրամպի վրա ճնշումը հենց ԱՄՆ ներքին քաղաքականության շրջանակներում, քանզի այն արդեն ռուսական կողմից հաստատում է, որ Թրամպի շրջապատը այնուամենայնիվ փորձեր արել է կապ հաստատելու ՌԴ իշխանությունների հետ: Permalink: https://www.facebook.com/permalink.php?story_fbid=1895277120722498&id=100007206857866 ...

    Կարդալ ավելին
  • ԱՄՆ-ի` Ռուսաստանի հանդեպ կիրառած նոր պատժամիջոցները հատկանշական են այն առումով, որ դրանց առանցքն անցյալ տարի ԱՄՆ-ում կայացած ընտրությունններին Ռուսաստանի հնարավոր ազդեցությունն է, որի մասին Թրամփի դիրքորոշումը հակասական էր: Այսօր, սակայն, նա ստորագրում է ԱՄՆ Կոնգրեսի երկու պալատներում մեծամասնության կողմից հավանության արժանացած պատժամիջոցների մի հրաման, որի էությանը հենց իր իսկ գնահատականները միանշանակ չէին: ԱՄՆ-Ռուսաստան հարաբերություններում լարվածության նոր մակարդակը և փոխադարձ պատժամիջոցների կիրառումը ցույց են տալիս, որ որքան էլ ԱՄՆ նախագահ Դոնալդ Թրամփը ցանկություն ունենա Ռուսաստանի հետ հարաբերությունները բարելավվելու, դա նրան կարող է հաջողվել միայն մինչև որոշակի մակարդակ, քանի որ ԱՄՆ-ն և ՌԴ-ն բնական հակառակորդներ են, և ԱՄՆ-ում գործող քաղաքական ինստիտուտներին ամբողջությամբ դեմ գնալ Թրամփի համար կնշանակեր կտրել այն ճյուղը, որի վրա նա նստած է: Մի մարդ, ով սեփական նախընտրական քարոզարշավը կառուցում էր նաև Ռուսաստանի հետ հարաբերությունների կարգավորման վրա և նախագահ դառնալուց միառժամանակ շարունակում էր դրական արտահայտվել Ռուսաստանի նախագահ Վլադիմիր Պուտինի օգտին, այսօր առավել խիստ պատժամիջոցներ է կիրառում Ռուսաստանի հանդեպ, քան իր նախորդ վարչակազմը: Այս նոր պատժամիջոցները նաև արժանացել են Ֆրանսիայի, Գերմանիայի և ԵՄ-ի քննադատությանը, որոնք նշում են, որ ԱՄՆ-ն հաշվի չի առնում իր դաշնակիցների շահերը Ռուսաստանի հանդեպ պատժամիջոցներ կիրառելիս, և որ Ռուսաստանի պատասխան գործողություններից կարող են տուժել նաև հենց իրենք, քանզի Ռուսաստանի հետ ունեն էներգետիկ և առևտրային կապեր: Նյութի աղբյուր՝ https://www.facebook.com/permalink.php?story_fbid=1882132175370326&id=100007206857866 ...

    Կարդալ ավելին
  • Թրամփի նախագահ դառնալուց հետո մինչ Ռուսաստանի՝ ԱՄՆ-ում կայացած նախագահական ընտրություններին միջամտելու մասին սկանդալը և Թրամփի վարչակազմի Ռուսաստանի իշխանությունների հետ կապեր ունենալու մասին տեղեկությունների ի հայտ գալը, Թրամփի պաշտոնական և ոչ պաշտոնական հայտարարութկունները հիմք էին տալիս մտաժելու որ ի տարբերություն ԱՄՆ նախորդ վարչակազմի, ներկայիս վարչակազմը մտադրված է շրջադարձային փոփոխություններ մտցնել Ռուսաստանի հետ հարաբերություններում։ Սակայն որքան էլ և ինչ նպատակով էլ Թրամփը ցանկանար կամ ցանկանա կերպափոխել ռուս-ամերիկյան հարաբերությունները դա նրան կհաջողվի մինչև որոշակի մակարդակի, քանզի երբ դրանք սկսեն հակասել ԱՄՆ շահերին թեկուզև Թրամփը դա չցանկանա, վերջինս չի կարող առաջ շարժվել իր որդեգրած ռուսական քաղաքականությամբ, որովհետև դա կհանգեցնի ԱՄՆ ներսում իր դիրքերի էական թուլացման։ ԱՄՆ քաղաքական էսթաբլիշմենթը ունի հակառուսական տրամադրվածություն, ինչի հետ ուզի թե չուզի պետք է համակերպվի Թրամփը։ Սրանից բացի ԱՄՆ-ն և Ռուսաստանը բնական հակառակորդներ են ինչը նա չի կարող անտեսել ԱՄՆ նախագահի պաշտոնում։ Վարշավայում, ուր Թրամփի այցը պատահական չէր, ԱՄՆ նախագահը խիստ քննադատեց և մեղադրեց Ռուսաստանին և հաստատեց ՆԱՏՕ-ին ԱՄՆ-ի անվերապահ աջակցությունը։ Սա Պուտինի հետ հանդիպումից մեկ օր առաջ։ Բանակցության ժամանակ միգուցե «առավել նպաստավոր» դիրքում լինելու համար։ Հենրի Քիսինջերը ճիշտ էր երբ ասում էր «Reality will impose requirements on Trump»։ Նյութի աղբյուր՝ https://www.facebook.com/permalink.php?story_fbid=1869620336621510&id=100007206857866 ...

    Կարդալ ավելին
  • Ադրբեջանում ապաստան գտած Վահան Մարտիրոսյանի և այդ երկրի հատուկ ծառայությունների համատեղ ջանքերով ստեղծված "խաղաղության պլատֆորմը" նպատակ ուներ միջազգային կառույցների և հանրության առջև տպավորություն ստեղծել, որ հայկական կողմի այն պնդումները թե իբր Ադրբեջանի կազմում լինելով հայերին սպառնում է նաև ֆիզիկական բնաջնջում` իրականության հետ որևէ կապ չունեն` այսպիսով ազգերի ինքնորոշման սկզբունքը դարձնել չհիմնավորված: Դա նրանց չհաջողվեց և այս "խաղաղության պլատֆորմը" դարձավ` Failed Project.  Օգտագործված Վահան Մարտիրոսյանը հասկացրին որ նա այլևս պետք չէ և վերջինիս փորձ է անում մեղայականով ներկայանալ: Նյութի աղբյուր՝ https://www.facebook.com/permalink.php?story_fbid=1852678941648983&id=100007206857866 ...

    Կարդալ ավելին
  • ԱՄՆ-ում Թուրքիայի դեսպանատան մոտ, Թուրքիայի նախագահ Էրդողանի ներկայությամբ` հայ, քուրդ և եզդի ցուցարարների ջարդը Էրդողանի թիկնապահների կողմից հնարավոր է նաև հատուկ հրահրված լինի ԱՄՆ-ի կողմից, որոնք քաջատեղյակ էին լարվածության մակարդակից և գիտեին, որ նման մոտ տարածության վրա կողմերի հայտնվելը կարող է հանգեցնել բախումների`ինչը և եղավ: Սրա նպատակը հնարավոր է լինի հետագայում Թուրքիայի վրա տարբեր հարցերում ազդեցության լծակ ունենալը: Նյութի աղբյուր՝ https://www.facebook.com/permalink.php?story_fbid=1846501382266739&id=100007206857866 ...

    Կարդալ ավելին
  • Թրամփը իր ելույթով ցույց տվեց,որ իր ներքին քաղաքականության առանցքը լինելու է Միացյալ Նահանգների քաղաքացին և վերջինիս բարեկեցությունը, ով մինչ այժմ ըստ Թրամփի անտեսված է եղել սեփական իշխանության կողմից։ Արտաքին քաղաքականության մասին խոսելիս ԱՄՆ նախագահը համար մեկ առաջնահերթություն համարեց ահաբեկչության դեմ պայքարը։ Հետաքրքրական էր որ Թրամփը շեշտեց, որ միջազգային հարաբերություններում ցանկացած երկիր իրավունքը ունի առաջնահերթ հետապնդել սեփական շահերը և որ ԱՄՆ-ն նույնպես կհետապնդի իր շահերը առանց այլոց վրա ճնշում գործադրելու։ Այսպիսով նա ցույց տվեց, որ ԱՄՆ -ն չի հավակնում իր կամքը պարտադրել։ Թրամփը ինչպես և կանխատեսվում էր Ռուսաստանը չդիտարկեց, որպես ԱՄՆ հակառակորդ կամ թշնամի։ Ինչպիսին կլինի իրականությունը՝ ցույց կտա ժամանակը։ P.S. Իրական ժողովրդավարության ցուցիչներից էր ԱՄՆ ողջ մնացած բոլոր նախագահների ինչպես նաև նախընտրական շրջանում Թրամփի կատաղի հակառակորդ Հիլարի Քլինթոնի ներկայությունը։ Նյութի աղբյուր՝ https://www.facebook.com/permalink.php?story_fbid=1791651537751724&id=100007206857866 ...

    Կարդալ ավելին
  • Էյնշտեյնը մի անգամ գրեց Չարլի Չապլինին: -Ձեր «Ոսկյա տենդ» ֆիլմը հասկանալի է ամբողջ աշխարհին, և դուք անկասկած մեծ մարդ կդառնաք: Ինչին Չապլինը պատասխանեց. -Ես էլ ավելի եմ հիանում Ձեզնով: Ձեր հարաբերականության տեսությունն աշխարհում ոչ ոք չի հասկանում, սակայն, այնուամենայնիվ, Դուք մեծ մարդ դարձաք։ Նյութի աղբյուր՝ https://www.facebook.com/permalink.php?story_fbid=1752972644952947&id=100007206857866 ...

    Կարդալ ավելին
Загрузка...

ՖԲՀ

Քաղաքականություն