• Աստղիկ Ղումաշյան
  • Քառօրյա պատերազմից մի օր առաջ տուրով Ղարաբաղ էինք գնացել: Բնության հրաշքը արտացոլված էր արցախցիների ու Արցախի մեջ՝ մաքուր, հպարտ, հյուրասեր:  Հասցրեցինք լինել շատ տեսարժան վայրերում: Շատ տպավորիչ էին Տիգրանակերտի պարիսպներն ու նրա առաջ ծնկի իջած Աղդամը՝ մերօրյա Ակնան: Միշտ լսած ու սովորած լինելով, թե ինչպես է թշնամին դարերով ավերակների վերածել մեր տները, գյուղերն ու քաղաքները, առաջին անգամ ականատես եղա, թե ինչպես են մեր քաջ զինվորները 0,01 տոկոսով վերականգնել արդարությունը. հողին հավասարացրել երբեմնի մարդաշատ ու ծաղկուն թուրքաբնակ քաղաքը: Տիգրան Մեծը, երբ 4 Տիգրանակերտներն էր կառուցում, որից հիմա առայժմ մեկը կարողացանք վերադարցնել, հաստատ չէր մտածում, թե ի՞նչ եմ անում էսքան անծայրածիր Հայաստանը, բեր կեսը նվիրեմ հարևաններիս, գուցե նրանք բարյացկամ լինեն ու պատերազմներ չսկսեն: Ես ավելի լավ է մի շքեղ պալատ կառուցեմ ու դոդավայել ապրեմ... Ինչևէ. Ինչքանով էլ տպավորիչ էր այդ տեսարանը, բայց շատ մտքեր առաջացան, որ ինձ հանգիստ չեն տալիս. Անծայրածիր տարածքների վրա անթիվ կիսաքանդ տներ ու պարապության մատնված հարթավայրեր, որ ի՞նչ: Հայաստանի այլ մարզերում նման բնություն ու հարթավարեր չկան, ու գյուղացին մի քանի տարում հրաշքներ կգործեր այնտեղ: Պահել ենք անփոփոխ ավերակ, որ Հայաստանի լավագույն տարածքները նորից զիջենք թուրքերի՞ն: Մեծ ռեսուրսներ չէին պահանջվի, որ նպաստեինք ներգաղթին ու աջակցեինք գյուղացիներին, որ ծաղկեցնեին այդ տարածքները: Կարելի էր քանդված տների քարերով իրարից հեռու նոր տներ կառուցել ու տնամերձ մեծ հողատարածքներ տալ գյուղացիներին, նպաստել էկոլոգիապես մաքուր սննդի արտադրությանն ու արտահանմանը, իսկ գյուղացին, քանի որ նրան առաջին հերթին օգնող ձեռք է անհրաժեշտ, կունենար շատ երեխաներ, ու 20 տարուց բնակչությունն ամենաքիչը կքառապատկվեր: Իսկ մենք ունեցանք 25 տարվա պարապություն ու մի քանի պալատներ Լյուդովիկոս 17-ի ոճի, ու գողացված միլիարդներ արտասահմաններում:  Բոլորիս հայտնի է, թե ինչ ողբերգական վիճակում է Հայաստանի դեմոգրաֆիական նկարագիրը, իսկ ադրբեջանցիները, ի հեճուկս մեզ, Եվրոպայում ամենամեծ դեմոգրաֆիական աճ գրանցող ազգն են: ՀԻմա պահել ենք Ակնան դատարկ, որ լցնենք նորից թուրքերով ու 20 տարուց մեզ էլի կախաղանի պարանի պես խեղդե՞նք: Էլ չեմ ասում, թե քաղաքը շենացնու համար քանի հայ ընտանիքներ չէին կործանվի, տղամարդիկ կաշխատեին ու կարարեին Հայաստանում, ոչ թե ռուսաստաններում չարքաշ աշխատանք կանեին՝ զարկ տալով լավրովների, տիմոշենկոների ու սաակաշվիլիների արտադրությանը, որ հետո պատուհաս դառնաին մեր գլխին: Ու հայ երեխայի համար ընտանիք հասկացությունը չէր ասոցացվի ամեն նոր տարուն հորը տեսնելու «երջանկությանը»:  Թե մեզ նորից սպառնային թուրքերը, ավելի հեշտությամբ կընդլայնեինք ՀՀ-ի սահմանները ու կազատագրեինք նոր հողեր: Բայց դե պատերազմում մեր հաղթանակը դարձավ ֆորմալ մի բան, քանի որ մեր անկուշտ դավաճաններն արեցին ավելին, քան կարող էին անել թուրքերը: Նյութի աղբյուր՝ https://www.facebook.com/astghik.ghumashyan/posts/10209670513143701 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին