• Tert.am
  • Արցախում այսօր բողոքի ակցիա են իրականացրել մի շարք համայնքների բնակիչներ, երիտասարդներ `փակելով Շոշ գյուղից դեպի Հադրութ տանող ճանապարհը: Բնակիչները պահանջել են պատժել Արցախի զինկոմիսար Մխիթար Ավշարյանի որդուն և ԱԱԾ ծառայողին, ովքեր, ակցիայի մասնակիցների պնդմամբ, սեպտեմբերի 14 –ին ծեծի են ենթարկել էքսկավատորի վարորդ Սողոմոն Մելքոնյանին: Ակցիայի մասնակիցները պահանջում են նաև Արցախի զինկոմիսար Մխիթար Ավշարյանի հրաժարականը: «Սեպտեմբերի 14-ին շինարարության նպատակով Արցախի Շոշ գյուղի մի հատվածում՝ ճանապարհի վրա, կայանված է եղել էքսկավատոր։ Նույն ճանապարհին է մոտեցել նաև Արցախի զինկոմիսարը և հորդորել է էքսկավատորի վարորդին շտապ բացել ճանապարհը, քանի որ իր մեքենան է անցնելու։ Վարորդ Սողոմոն Մելքոնյանը խնդրել է կողքի ճանապարհով անցնել, քանի որ այդ պահին աշխատում էր, բայց զինկոմիսարը վրդովվել է , նույն օրը երեկոյան, էքսկավատորի վարորդին են զանգահարել ինչ-որ անձինք և դուրս են հրավիրել:Զինկոմիսարի տղան և և չորս տղաներ , որոնց թվում կար Արցախի ԱԱԾ ծառայող, վարորդին բարևելուց հետո նրան հարվածել են նախ բութ գործիքով, ապա քաշքշել են և, հարվածներ հասցնելով, գցել են գետնին ու շարունակել են ծեծել»,-Tert.am-ի հետ զրույցում ասաց ակցիայի մասնակիցներից Գևորգ Թորոսյանը` հավելով, որ այդ մասին պատմել են վարորդի եղբայրը և նրա ազգականները: Շարունակությունն՝ այստեղ ...

    Կարդալ ավելին
  • ԶՔԳՎ երկրորդ կայազորային քննչական բաժնում քննություն է տարվում՝ պարզելու պայմանագրային զինծառայող, 1992թ. ծնված Մհեր Զիրոյանի մահվան հանգամանքները: Այս մասին հայտնում են ՀՀ քննչական կոմիտեից: «Նախնական տվյալներով՝ պայմանագրային զինծառայող, ավագ լեյտենանտ Մհեր Վանիկի Զիրոյանը մահացել է հունվարի 6-ին՝ ժամը 02:10-ի սահմաններում, իր բնակարանի լոգարանում գազից թունավորվելու հետևանքով»,- ասվում է հաղորդագրության մեջ: Մհեր Զիրոյանի հորեղբորորդի Արթուր Զիրոյանը Tert.am-ի հետ զրույցում ասաց, որ դեպքի օրը դիրքերից է իջել. «Պոստերից իջել է, լողացել է, որ պետք է Հայաստան գար, էն էլ շմոլ գազից խեղդվել է: Ընկերների հետ է տանը եղել, դուռը բացել են, արդեն տեսել են, որ մահացած է»,- հայտնեց նա:  Մհեր Զիրոյանը ծառայում էր Հադրութում: Արդեն 5 տարի է ՀՀ զինված ուժերի սպա էր, վաշտի հրամանատար: Ավագ լեյտենանտ Մհեր Զիրոյանը ծնունդով Մարալիկից էր, բայց ապրում էր Գյումրիում:  «Ապրիլյան պատերազմի մասնակից էր, վիրավորվել էր սրտի տակից, մազով պրծել էր»,- ասաց Արթուր Զիրոյանը: Հիշեցնենք, որ Արցախի ՊՆ-ն հայտնել էր, որ հունվարի 6-ին ժամը 02:10-ի սահմաններում դժբախտ պատահարի հետեւանքով մահացել է ՊԲ պայմանագրային զինծառայող, 1992 թվականին ծնված Մհեր Վանիկի Զիրոյանը: ...

    Կարդալ ավելին
  • Դերասան Տիգրան Մնացականյանը երկրորդ անգամ է ամուսնացել։ Նրա ընտրյալը 19-ամյա Մարիամ Հովհաննիսյանն է, որը մասնագիտությամբ դերասանուհի է, թեև հեռուստադիտողներին շատ հայտնի չէ։ Զույգի տարիքային տարբերությունը 21 տարի է։ Տիգրանն այս տարի է բաժանվել կնոջից` Լիանայից, որի հետ ամուսնացած է եղել մոտ 15 տարի։ Զույգը երկու երեխա ունի` 14-ամյա Ռոբերտը և 1-ամյա Արինան։ Tert.am Life-ի հետ զրույցում Մարիամը պատմեց իր և Տիգրանի հարաբերությունների, նրա ամուսնալուծության և երեխաների հետ կապի մասին։ «Մենք իրար սիրում ենք։ Մեր տարիքային տարբերությունը շատ է, նա ինձանից մեծ է 21 տարի, սակայն մենք սիրում ենք, դրա համար նման քայլի գնացինք։ Տարիքային տարբերությունը մեզ վրա այնպիսի անդրադարձ չունեցավ, որ խնդիրներ առաջ գան։ Կարծում եմ` տարիքն այդքան կարևոր չէ, երբ կա սեր։ Ես կոնկրետ իմ փորձից եմ խոսում։ Եթե դիմացինդ քեզ հարգում է, սիրում և վերաբերում այնպես, ինչպես քեզ անհրաժեշտ է, ուրեմն դուք իրար համար եք։ Նա ինձ տալիս է այդ վերաբերմունքը»,- ասաց Մարիամը։ Ըստ Մարիամի` իրենց սիրո հիմքն այն է, որ իրենք չեն կարող ապրել առանց իրար։ «Դա փոխաբերական իմաստով չեմ ասում։ Մեր միջև կա կապվածություն և սեր։ Շատ լավ ենք հասկանում իրար։ Եթե մարդիկ կարող են իրար հասկանալ խոսքով, մենք հասկանում ենք հայացքներով։ Ինքը մեծ է, բայց ինձ հետ կարողանում է լինել իմ ուզած ձևով,- ասաց նա ու հավելեց, որ իրենց հարաբերություններում առաջատարը Տիգրանն է։ -Իմ ընտանիքի գլուխը Տիգրանն է։ Եթե մենք ինչ-որ բանի ուզում ենք հասնել, երկուսով ենք խորհրդակցում, որոշում կայացնում ու հասնում դրան»։ Տիգրանն ու Մարիամը մոտ մեկ ամիս է, ինչ միասին են ապրում, սակայն նրանց հարսանիքը  կկայանա փետրվարի 14–ին` Մարիամի տարեդարձի օրը։ Նա չցանկացավ նշել, թե որքան  ժամանակ են ինքն ու Տիգրանը միասին։ Անդրադառնալով հարցին, որ ինքն է առիթ հանդիսացել Տիգրանի և Լուսինեի ամուսնալուծության համար, Մարիամը պատասխանեց. «Ես չեմ կարող խորանալ այդ թեմայով, որովհետև շատ խորը թեմա է, սակայն ես առիթ չեմ հանդիսացել։ Մեր միջև եղել է սեր և եղել է ժամանակահատված, երբ ինքը պետք է կարողանար բաժանման հարցերը լուծել։ Ես մեղավոր չեմ եղել, իրենք միմյանց չեն հասկացել, Տիգրանը  չի սիրել իր կնոջը»։ Հստակեցնող հարցին` իրենց սերը ծնվել է այն ժամանակ, երբ Տիգրանը դեռ ամուսնացած էր, Մարիամն արձագանքեց. «Մենք սկսեցինք միասին լինել, երբ ինքը բաժանվեց, սակայն իր սիրահարվածությունը կար դեռ այն ժամանակ, երբ ինքն ու կինը միասին էին»։ Ինչ վերաբերում է ամուսնու երեխաների հետ հարաբերություններին` Մարիամը նշեց, որ Տիգրանի որդին` 14-ամյա Ռոբերտն իրենց հետ է ապրում, իսկ դուստրը` 1-ամյա Արինան, մայրիկի հետ երկրում չէ։ «Շատ լավ  հարաբերություններ ունենք։ Մեզ համար զարմանալի էր, սակայն Ռոբերտը մեզ հասկացավ և ասաց, որ ուզում է հայրը երջանիկ լինի։ Կարծում եմ, եթե երեխան առողջ մթնոլորտում է  լինում, իր կյանքը, ապագան, ավելի կատարելագործված է լինում։ Արինայի հետ շատ շփում չունենք, քանի որ նա մայրիկի հետ արտերկրում է։ Մայրը խոչընդոտ չի հանդիսանում մեր շփմանը, պարզապես այս պահին երկրում չեն»,- ասաց նա։ Հայկական իրականությունում մինչև ամուսնությունը համատեղ կյանքը իրականության մեջ համարձակություն  է, հատկապես, 19-ամյա աղջկա համար, որը որոշել է կյանքը կապել իրենից 21 տարի մեծ, ամուսնալուծված տղամարդու հետ։  Մարիամից հետաքրքրվեցինք, թե ինչպես  են այս ամենին արձագանքել իր ընտանիքի անդամները։ «Ես շատ եմ սիրում Տիգրանին, դրա  համար կարողացա շատ բաների դեմ դուրս գալ և  շատ բաների միջով անցնել։ Իմ ընտանիքը, կարելի է ասել, ընդունել է մեր ամուսնությունը։ Սկզբում, ընդհանրապես, չէին ընդունում, սակայն արյունը ջուր չի դառնա, փորձում են համակերպվել։ Հայրս դեմ է, սակայն փորձում է համակերպվել։ Ի վերջո, իր աղջիկն եմ»,- ասաց նա։ Շարունակությունը՝ այստեղ ...

    Կարդալ ավելին
  • Երգիչ, դերասան Գոռ Հակոբյանը երեկ ներկայացրեց իր նոր` «Սիրտդ սրտիս» տեսահոլովակը, որում նկարահանվել են դերասաններ Մոսո Կարապետյանը և Լեռնո Հարությունյանը։ Պարզվում է` նկարահանումները չեն անցել առանց միջադեպերի։ Tert.am Life-ի հետ զրույցում դերասանը հայտնեց, որ տեսահոլովակի նկարահանումների ժամանակ ընկերը` Մոսո Կարապետյանը, կոտրել է ոտքը։ Տեսահոլովակը նկարահանվել է Երևանի ակումբներից մեկում։ «Տեսահոլովակը հումորային է։ Ըստ սյուժեի` ընկերներս օգնում են «հասնել» մի աղջկա, ով իր անվտանգության աշխատողներով է շրջապատված։ Տեսահոլովակի սցենարի հարցում իր մեծ ներդրումն է ունեցել իմ մյուս ընկերը՝ Գարիկ Սեփխանյանը»,– ասաց Գոռը։ Անդրադառնալով նկարահանումների ժամանակ եղած միջադեպին` Գոռը պատմեց. «Մոսոն պարեց-պարեց, ոտքը ոլորեց։ Նկարահանումների ժամանակ ասաց, որ ցավում է, հաջորդ օրը գնաց բժշկի, պարզվեց` ոտքը կոտրվել է։ Գիպս չդրեցինք, որովհետև պիտի Ամերիկա գայինք, համերգներ ունեինք, գիպսով չէր կարողանա բեմ դուրս գալ։ Հիմա կաղալով է քայլում, բայց բեմ բարձրանալ կարողանում է»։ Մանրամասները՝ այստեղ: ...

    Կարդալ ավելին
  • Tert.am-ը գրում է՝ Թաթան հայկական շոու բիզնեսի ամենաերկարակյաց կարիերա ունեցող երգիչներից մեկն է, որի պահանջարկը չի նվազում տարիների հետ։ Ճիշտ հակառակը` նրա հոնորարներն օր օրի բարձրանում են, իսկ շոու բիզնեսի գործընկերները հաճախ քչփչում են, որ նա բավականին թանկ է վարձատրվում երգելու համար։ Չնայած բարձր հոնորարներին` երգչի գրաֆիկը միշտ հագեցած է ինչպես համերգներով, այնպես էլ կորպորատիվներին ելույթ ունենալու հրավերներով։ Թաթան երգում է շատ, իսկ խոսել չի սիրում, թերևս, սա է պատճառը, որ տարիներ շարունակ հրաժարվել է հարցազրույցներ տալ։ Երգիչը բացառություն է արել Tert.am Life–ի համար և հարցազրույց տվել, որի շրջանակում խոսել ենք ինչպես գործունեության, ռայդերի, այնպես էլ կնոջ և որդու մասին։ –Թաթա, օրերս հայտնի դարձավ Արգենտինայում Ձեր մենահամերգի մասին. տոմսերը սպառվել ենմինչև վաճառքի պաշտոնական մեկնարկը։ Անշլագով համերգներ շատ եք ունեցել, սակայն տոմսերի սպառման այսպիսի արագություն Ձեր պրակտիկայում եղե՞լ է։ -Ուզում եմ շնորհակալություն հայտնել բոլոր այն մարդկանց, ովքեր որոշել են գալ իմ համերգին։ Այդ փաստը միայն ոգևորվում է ինձ։ Նման բաներ մեր պրակտիկայում էլի են եղել։ Հիմնականում, եթե լինում են անշլագեր, առաջին մի քանի օրվա ընթացքում են տոմսերը սպառվում –Շատ երգիչների աստղային ժամը առավելագույնը մի քանի տարի է տևում։ Դուք 21 տարի է, ինչ այս ասպարեզում եք և շարունակում եք պահանջված լինել։ Ո՞րն է Ձեր կարիերայի երկարակեցության գրավականը։ –Կարծում եմ՝ Աստված է այդպես կամենում։ Ուրիշ ինչ պատասխան էլ տամ, գլուխ գովել կստացվի։ –Նոր երգ գրելիս հաշվի առնո՞ւմ եք, թե հանդիսատեսն ինչպես կընկալի, թե՞ գրում եք այն, ինչ Ձեր սրտից է բխում։ –Ես մոտավորապես փորձում եմ պատկերացնել, թե ինչ դուր կգա իմ հանդիսատեսին և հետաքրքիր կլինի իրենց։ Եթե իմ սրտի հետևից ընկնեմ, շատ հեռու կգնամ։ Հնարավոր է` իմ անձնական մղումները դուր չգան հանդիսատեսին։ –Իսկ ո՞ւր կտանեն Ձեզ Ձեր անձնական մղումները։ –Գեղարվեստական ասեմ` դեպի սիրո անդունդ։ –Իսկ «սիրո անդունդը» ոճային փոփոխությո՞ւն է ենթադրում։  –Այսպես ասեմ` դեպի սիրո ռաբիս անդունդ։) Ամեն մարդ պետք է ունենա իր ոճը և հավատարիմ մնա դրան։ Եթե փոխվեմ, ես առաջին հերթին իմ աչքին ծիծաղելի կլինեմ –Ձեր երգերը հիմնականում Դուք եք հեղինակում։  Շատ ստեղծագործողներ խոստովանումեն, որ ինչ–որ պահի երգ գրելը դառնում է տեխնիկական աշխատանք` հաշվի առնելով, թեհանդիսատեսն ինչ է սիրում։ Ձեզ համար է՞լ է դա դարձել տեխնիկական աշխատանք, թե՞յուրաքանչյուր երգ որոշակի ապրումներից ու պատմությունից ծնված ստեղծագործություն է։ –Ես չեմ կարող ասել, որ իմ երգերն իմ կյանքի պատմությունն են, բայց չեմ էլ կարող ասել, որ իմ երգերն իմ միջով չեն անցնում։ Ես իմ հանդիսատեսին համարում եմ իմ ժողովուրդը։ Նշանակում է` պետք է ճանաչեմ իմ  ժողովրդին։ Իհարկե, մարդն ինքն իրեն լիարժեք չի ճանաչում, բայց որքան հարկավոր է`երգ հորինելու համար, ես իմ ժողովրդի ճաշակը, նախասիրությունները հասցրել եմ ճանաչել։ Իմ բոլոր երգերն ինձ հոգեհարազատ են, որովհետև իմ երեխաներն են։ Դրանք թևեր են առել ու թռել աշխարհով մեկ։ Միգուցե, երգերս ինձ կմոռանան, բայց ես իրենց չեմ մոռանա։   90ականներին, երբ նոր էիք սկսում Ձեր ճանապարհը պատկերացնո՞ւմ էիք, որ մի օրկդառնաք Հայաստանի ամենապահանջված և ամենաթանկ վարձատրվող երգիչներից մեկը։  – Իմ ճանապարհը սկսվեց մի երգից։ 1996 թվականի դեկտեմբերի 31–ին հեռարձակվեց Ձմեռ պապի մասին երգս։ Ես դրա հաջորդ օրն արդեն զգացի, թե ինչ է նշանակում` լինել ճանաչված։ Այդպես է շարունակվում մինչև այսօր։ Ճիշտն ասած, չեմ էլ պատկերացրել, որ երգչի ճակատագիրն այսպիսին է լինում։ Ես մտածում էի` մի քանի երգ կունենամ, կերգեմ, ինձ կճանաչեն, բայց երբեք չեմ էլ պատկերացրել, որ իմ ճանաչումը կսկսվի մի երգից, կշարունակվի այսքան երկար: –Դուք շատ հաճախ եք մենահամերգներ ունենում արտերկրում, սակայն Երևանում նույնիսկ դժվարանում եմ հիշել, թե երբ եք վերջին անգամ մենահամերգ ունեցել։ Ինչո՞ւ։ –Երևանում մեր բոլոր համերգները դառնում են իսկական իրադարձություն:  Երևանյան համերգներից գումար չենք աշխատում: Ապագայի համար  մեգամիջոցառում ենք մտածել: –Թաթա, Դուք ոչ միայն համերգների, այլև կորպորատիվ միջոցառումների ամենապահանջված ու ամենաթանկ վճարվող երգիչներից մեկն եք։ Շատ երգիչներ ասում են, որ հաճույք չեն ստանում կորպորատիվ երեկույթների ժամանակ ելույթ ունենալիս։ Ձեր դեպքում ինչպե՞ս է։ –Կորպորատիվ երեկույթներին տեսնում ենք այնպիսի աստղերի, որոնց համերգների մասին մեզ մոտ կերազեին։ Կորպարատիվներին երգելու համար պետք է պահանջարկ ունենալ։ Տա Աստված, նրանք, ովքեր չունեն պահանջարկ և այդպես են խոսում, պահանջարկ ունենան։ Միանգամից կփոխեն իրենց կարծիքը կորպորատիվների մասին։ –Հստակ ռայդերո՞վ եք աշխատում։ – Իհարկե, առանց դրա չի լինի։ Երբ մենք սկսեցինք աշխատել ռայդերով, պրոդյուսերի հետ, ունեցանք տնօրեն, բոլորը մտածում էին` այդ ամենի կարիքը չկա։ Հայաստանում մենք  առաջիններից ենք եղել, որ ունեցել ենք այդ ամենը, մինչև այսօր էլ ունենք։ Սովորաբար, ռայդերում տեղ են գտնում նաև երգիչների առանաձնահատուկցանկությունները, որոնք կարող են լինել սիրելի ուտեստի, զբաղմունքի տեսքով։ Դուք նմանպահանջ ունե՞ք։ –Իմ ցանկությունները շատ համեստ են։ Դա սովորական սառը ջուրն է, որն ուզում եմ ունենալ բեմում և իմ հանգստասենյակում։ –Վերջին շրջանում շատ հաճախ եք լինում ԱՄՆ–ում։ Մի փոքր բարդ է տարանջատել` Ձեր բնակության վայրը ԱՄՆ–ն է, թե՞ Հայաստանը։ Ձեր ընտանիքը ԱՄՆ–ո՞ւմ է, թե՞ Հայաստանում։ –Երբեմն, ինձ թվում է, որ Սարոյանի հայտնի  արտահայտության պես` իմ սիրտը լեռներում է։ Իմ սիրտը Հայաստանում է, սակայն գործերի բերումով երկար ժամանակով լինում եմ օտար երկրներում։ Իմ ընտանիքն ապրում է Հայաստանում, որդիս Երևանում է դպրոց հաճախում։ –Հատկապես ի՞նչն է կոմպլեքսավորում Ձեզ։ –Դա մանկուց է մնացել։ Երբ փոքր էի, հայտնի դերասաններից մեկին տեսա տրամվայի մեջ։ Ցուրտ էր, նա մի քիչ կծկված էր։ Ես իրեն շատ էի սիրում, մինչև հիմա էլ սիրում եմ։ Ինձ վրա շատ ազդեց այդ տեսարանը։   –Ձեր որդին` Ադամը, արդեն 10–րդ դասարան է։ Մասնագիտություն ընտրելու ժամանակն է։ Ի՞նչ խորհուրդ եք տալիս իրեն, ի՞նչ ճանապարհով է ուզում գնալ։ –Դժվարանում եմ խորհուրդներ տալ որդուս, ինքն էլ է դժվարանում  ընտրության հարցում։ Հիմա օտար լեզուներ է սովորում, տեսնենք` ինչ ճանապարհով կգնա։ – Խի՞ստ հայր եք։ Ո՞ր հարցերում և ինչպե՞ս է դրսևորվում Ձեր խստությունը։ –Այո, բոլոր հարցերում եմ խիստ։ Ես ուզում եմ, որ իմ տղան զսպված մարդ լինի։ Մենք երկար տարիներ փորձել ենք թաքցնել, որ դպրոցում չիմանան, թե ինքն ում տղան է, որպեսզի ինքն ավելի հանգիստ ապրի։ Իր լուսանկարներն էլ շատ չեմ լուսաբանել։ Ուզում եմ ինքն ապրի ոչ թե որպես իմ որդի, այլ որպես անհատ։ –Ըստ էության` Ձեր սահմանափակումներն անդրադառնում են նաև Ձեր  կնոջ ու որդու վրա։ Նրանց կողմից դժգոհություններ չե՞ն լինում։ –Լինում են, բայց դրանք մնում են մեր տանը, մեր ընտանեկան խոսակցությունների մեջ։ Կինս և տղաս, երբեմն, ինձ մեղադրում են, բայց ես չեմ ունեցել այդ բախտը` տղայիս ձեռքը բռնած քայլել քաղաքի փողոցներով, մտնել խանութ կամ  սրճարան։ Իհարկե, իմ կինն էլ է ցանկանում, ինչպես բոլոր կանայք, իր ամուսնու հետ թևանցուկ պտտվել քաղաքով, այցելել գեղեցիկ տեղեր, իմ որդին էլ է շատ ուզում, բայց ինչ արած... Շարունակությունն՝ այստեղ Նյութի աղբյուր՝ http://life.tert.am/am/news/2017/10/02/tata/45300 ...

    Կարդալ ավելին
  • Life.tert.am-ը գրում է՝ Հայկական շոու բիզնեսում շատերը կապված են ոչ միայն գործընկերային հարաբերություններով, այլև բարեկամակամությամբ։ Շատերի մտերմության հավաստիքը քավոր–սանիկ հարաբերություններն են։ Երկրպագուներից շատերը, գուցե, չգիտեն` շոու բիզնեսում ով ում հետ է կապված քավորությամբ։  Արամ MP3-ին և Աննա Մարգարյանն ամուսնացել են դերասան Մկրտիչ Արզումանյանի քավորությամբ։ Դերասանուհի Իրինա Հարությունյանի կրտսեր որդու` Դավթի կնքահայրն ու կնքամայրը դարձել են Արտյոմ Կարապետյանը և Յուլյա Ֆինկը։ Դերասան-ամուսիններ Յուրի Իգիթխանյանի ու Անուշ Սարգսյանի հարսանիքի քավորն է դարձել դերասան Վարշամ Գևորգյանը։ Երգչուհի Սոնա Շահգելդյանի կնքահայրն է դարձել հեղինակ-կատարող Ռուբեն Հախվերդյանը։ Լևոն Քոչարյանի Սիրուշոյի քավորությամբ հայկական շոու բիզնեսում երկու երգչուհի են ամուսնացել` Լուսինան և Լանա Խաչատրյանը։ Նրանց ամուսինները և Լևոնը մտերիմ ընկերներ են։ Երգչուհի Անի Ամիրյանի ու դերասան Ստեփան Ղամբարյանի հարսանիքի քավորն ու քավորկինը եղել են Արամոն և Էմմա Պետրոսյանը: Շարունակությունն՝ այստեղ: Նյութի աղբյուր՝ http://life.tert.am/am/news/2017/05/10/qavor/37370 ...

    Կարդալ ավելին
  • ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը այսօր մամուլի ասուլիսին ներկայացրեց առաջիկա օրերին եղանակային կանխատեսումները նշելով, որ առավելագույն բարձր ջերմաստիճան կգրանցվի օգոստոսի 6-7-ը։  Նա հայտնեց, որ առաջիկա օրերին սպասվում են ուժեղ շոգեր, ինչը պայմանավորված է նրանով, որ Իրաքի տարածքում ջերմային ցիկլոնը շարժվում է դեպի հյուսիս:  «Մինչև օգոստոսի 7-ը գտնվելու ենք այդ ջերմային ցիկլոնի ազդեցության գոտում: Վաղվանից օդի ջերմաստիճանը կսկսի բարձրանալ և եթե Արարատյան դաշտում մինչ այս ջերմաստիճանը չի  գերազանցել 38 աստիճանը, ապա վաղվանից օրը մեկ աստիճանով կբարձրանա, ջերմաստիճանի բարձրացման պիկերը կլինեն օգոստոսի 6-ին և 7-ին»,-ասաց նա: Գագիկ Սուրենյաննն ասաց, որ լեռնային գոտիներում, Լոռիում ջերմաստիճանը կլինի 36 աստիճան, Տավուշի հովտային գոտիներում 39 աստիճան, իսկ Արարատյան դաշտում և Երևանում օգոստոսի 6-ին և 7-ին ջերմաստիճանը կհասնի 41 աստիճանի և ցածրադիր վայրերում չի բացառվում, որ հասնի 42 աստիճանի: Նա նշեց, որ այդ ջերմաստիճանը կդիտվի նաև Մեղրիում, Ագարակում: «Խորհուրդ ենք տալիս ժամը 11:00-ից մինչև 17:00-ն ընկած ժամանակահատվածում խուսափել արևի ուղիղ ճառագայթներից»,- ասաց նա և նշեց, որ արևի տակ աշխատելը կարող է բերել արևահարության:  Գագիկ Սուրենյանը նաև նշեց, որ հարկավոր է արևի ճառագայթներից խուսափել զանգվածային միջոցառումների ժամանակ և կոչ արեց շատ հեղուկ օգտագործել: Տեսանյութը՝ Tert.am-ի ...

    Կարդալ ավելին
  • Youth.tert.am-ը գրում է` Օրեր առաջ ծնվել է հաղորդավարներ Մերի Ներսիսյանի և Գոռ Պետրոսյանի երկրորդ դուստրը: Tert.am Youth-ի հետ զրույցում Գոռն ասաց, որ իրենց դստերն անվանակոչել են Սառա: «Այս անունը մենք դեռևս առաջնեկի ժամանակ էինք որոշել, բայց ընտրեցինք Էվա տարբերակը: Երբ իմացանք, որ երկրորդն էլ է աղջիկ որոշեցինք, որ երկրորդի անունը Սառա դնենք: Մերին և դուստրս իրենց լավ են զգում: Ծննդաբերությունը շատ լավ է անցել: Այնքան արագ այդ ամենը տեղի ունեցավ, որ չզգացինք ինչպես սկսվեց և ինչպես ավարտվեց»,- ասաց Գոռը:     Նշենք, որ Գոռը ներկա է եղել ծննդաբերությանը: Նրա համար անբացատրելի էր այն զգացողությունը, երբ առաջին անգամ տեսել է դստերը. «Դու կարող ես ստանալ աշխարհի ամենալավ նվերը, ունենաս նոր ձեռքբերումներ, բայց դրանցից ստացած հաճույքը և բավարարվածության զգացողությունը չես համեմատի երեխայիդ առաջին անգամ տեսնելու հետ: Մանավանդ, երբ ներկա ես ծննդաբերությանը և կնոջդ հետ հավասար ապրում ես: Նման զգացողությունները պարզապես անբացատրելի են»: Գոռի խոսքով. «Առաջին անգամ, երբ հայր դարձա ավելի շատ էր հարցականները, թե ի՞նչ է սպասվում, ի՞նչ է լինելու հետո: Իսկ այս անգամ ավելի գիտակցված, ավելի համարձակ էի, բայց դա չի նշանակում, որ դրանից երջանկությունը դարձավ սովորական: Այս անգամ նույնքան արտառոց և նույնքան սպասված էր»: Շարունակությունն՝ այստեղ Նյութի աղբյուր՝  http://youth.tert.am/am/news/2016/06/28/gor-petrosyan/11310   ...

    Կարդալ ավելին
  • Ինչպես արդեն տեղեկացրել էինք, ՄԼՍ-ի կանոնավոր առաջնության հերթական խաղային օրը «Նյու Յորք Սիթին» 2:3 հաշվով զիջել է «Ռեալ Սոլք Լեյքին»: Հյուրերի կազմում առաջին գնդակը խփել է Յուրա Մովսիսյանը, ով 59-րդ րոպեին հավասարեցրել է խաղի հաշիվը՝ ցուցաբերելով կատարողական բարձր վարպետություն: Rslsoapbox.com-ը հանդիպման լավագույն ֆուտբոլիստ է ճանաչել Յուրա Մովսիսյանին, ում գործողությունները գնահատվել է 7,5 բալով: «Մովսիսյանը մասնակցել է իր թիմի 2 կարեւորագույն գրոհներին: Առաջինի դեպքում Մովսիսյանը կարողացել է ցուցաբերել իր վարպետությունն ու ուժը, դառնալով գեղեցիկ գոլի հեղինակ: Մովսիսյանն ակտիվ գործողություններով թիմին տանում էր իր հետեւից: Յուրայի շնորհիվ ՌՍԼ-ն փայլուն հաղթանակ տոնեց մրցակցի նկատմամբ»,- գրել է կայքը: Նյութի աղբյուր՝ http://www.tert.am/am/news/2016/06/03/yura/2040104 ...

    Կարդալ ավելին
  • Մեքսիկայի Տամաուլիպաս նահանգում առևանգել են հունական «Օլիմպիակոսի» և Մեքսիկայի հավաքականի հարձակվող Ալան Պուլիդոյին: Ինչպես տեղեկացնում է The Guardian-ը` 25-ամյա մեքսիկացուն առևանգել են շաբաթ երեկոյան` Սիուդադ-Վիկտորիա հայրենի քաղաքի մոտակայքում տեղի ունեցած խնջույքից հետո: Պաշտոնական աղբյուրի հաղորդմամբ` խնջույքից դուրս գալուց հետո նրա մեքենան շրջապատել են դիմակավորված անձինք:  Նյութի աղբյուր՝ http://www.tert.am/am/news/2016/05/29/alan/2035061 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին