• Արտյուշ Գրիգորյան
  • Ջավախքում, մեծ բնակավայրերի անմիջապես կենտրոններում, կազինոների առատությունը բազմաթիվ ընտանիքների սնանկացման պատճառ է դարձել։ Հատկապես աշնան և ձմռան ամիսներին «խոպանից» վերադարձածների մի մասը տրվում են գայթակղությանն ու սնանկանում։ Մեկ այլ խնդիր է կիսագաղտնի պայմաններում գործող հասարակաց տները, որոնք հիմնականում թուրքերն են տնօրինում, ու մի այլանդակություն էլ սա է։ Այսօր էլ մարիխուանայի օգտագործումը Վրաստանի Սահմանադրական դատարանը ճանաչեց օրինական, ու հիմա մարդիկ կարող են դրսում, թե տանը՝ վառարանի կողքը նստած, հանգիստ «ուռել»։ Դե ինչ ասեմ, բարի գալուստ ավելի ուրախ Վրաստան։ Նյութի աղբյուր՝ https://www.facebook.com/artyush.grigoryan/posts/1661163477315717 ...

    Կարդալ ավելին
  • Սաակաշվիլու գործողություններով այսօր շատերն են փորձում հիանալ՝ մատնանշելով վերջինիս կատարած կառուցվածքային բարեփոխումները Վրաստանում։ Հիանալուց առաջ պետք է հաշվի առնել հետևալ փաստերը․ 2003 թվականին Վրաստանում տեղի ունեցան համակարգային փոփոխություններ և ոչ թե անձի փոփոխություն, ու ԱՄՆ-ի ցանկությամբ հենց Սաակաշվիլին դարձավ հեղափոխության առաջամարտիկը՝ հաջորդ քայլին նախագահի աթոռին հայտնվելու նպատակով։ Գաղտնիք չէ, որ Սաակաշվիլուն ԱՄՆ-ն տևական ժամանակ պատրաստել էր այդ գործի համար։ Բոլոր դրական կառուցվածքային փոփոխությունների իրական «կնքահայրը» Զուրաբ Ժվանիան էր, իսկ Սաակաշվիլին ընդամենը բուտաֆորիա էր։ 2005 թվականին Ժվանիան կասկածելի հանգամանքներում մահացավ։ Վրաստանում յուրաքանչյուր կարևոր հիմնարկում կային ԱՄՆ-ից ժամանած «բարեփոխիչներ», որոնց մասնակցությամբ էլ հենց իրականացնում էին կառուցվածքային փոփոխությունները, միաժամանակ տրամադրվում էին անհրաժեշտ գումարներ։ Եվ այդ ամենն արվում էր տարածաշրջանում իրենց ազդեցությունը մեծացնելու և ոչ թե վրացիների սիրուն աչքերի համար։ Այո, Վրաստանում մի շարք բարեփոխումներ են տեղի ունեցել, բայց դրանք կոնկրետ Սաակաշվիլու անձի հետ կապելն առնվազն միամտություն է։ Կգա ժամանակ, և արդեն եկել է, Վրաստանի քաղաքացիները Սաակաշվիլուն կհիշեն ոչ թե որպես բարեփոխիչ, այլ որպես Վրաստանն առանց պատերազմի թուրքերին հանձնող մեկը։ Նյութի աղբյուր՝ https://www.facebook.com/artyush.grigoryan/posts/1417043278394406 ...

    Կարդալ ավելին
  •   Արթուր Ալեքսանյանը, որ Սերբիայում ամիսներ առաջ բրոնզե մեդալ էր նվաճել, ոչ ոք նկար չէր տեղադրում ու հպարտանում։ Օդանավակայանում էլ միայն իր ընկերներն են դիմավորել։ Փառապանծ մարզիկներին պետք է նույն կերպ դիմավորել ու վերաբերվել՝ անկախ մեդալի գույնից, որպեսզի ցույց տանք, որ մենք, անկախ արդյունքից, իրենցով հպարտանում ենք։ Նյութի աղբյուր՝ https://www.facebook.com/artyush.grigoryan/posts/1330441193721282 ...

    Կարդալ ավելին
  • ՌԴ Կրասնոդարի մարզում կան բոլոր հիմքերը, որպեսզի հայերենն ստանա ռեգիոնալ լեզվի կարգավիճակ։ Մարզում նվազագույնը 700 հազար հայ է ապրում, չնայած պաշտոնական թվերն այլ բան են ասում, ու դա հասկանալի քաղաքականություն է։ Կանադայի Օնտարիոյի մարզի շրջաններում, որտեղ ֆրանսիացիները 10 տոկոսից ավել են, ֆրանսերենն ունի ռեգիոնալ լեզվի կարգավիճակ, հունգարերենն ունի ռեգիոնալ լեզվի կարգավիճակ Սլովակիայում ու Ռումինիայի այն մարզերում, որտեղ հունգարացինեը 20 տոկոսից ավել են ու նմանատիպ բազմաթիվ օրինակներ։ Ռուսաստանում էլ կան օրինակներ․ օրինակ Կարելիայում, որտեղ ֆինները ընդամենը 2 տոկոս են, ֆիններենն ունի ռեգիոնալ լեզվի կարգավիճակ։ Այս հարցով պետք է աշխատանքներ տարվեն։ Եթե ուզում ենք հայոզ լեզուն պաշտպանել, ապա այն պաշտպանում են այսպիսի եղանակներով։ Թե չէ հայոց լեզուն Բարեկամություն մետրոյի շրջակայքում պաշտպանելու կարիք ու անհրաժեշտություն չկա։ Նյութի աղբյուր՝ https://www.facebook.com/artyush.grigoryan/posts/1328587523906649 ...

    Կարդալ ավելին
  • «Հայաստանում Վրաստանի բիզնես օրեր» համաժողովը, որին մասնակցելու համար Հայաստան է ժամանել Վրաստանի էկոնոմիկայի նախարարը, շատ կարևոր միջոցառում է երկու հարևան երկրների առևտրատնտեսական հարաբերություները զարգացնելու համար։ Ինչպես հայտնի է, Հայաստանը և Վրաստանը տնտեսական ինտեգրացիոն տարբեր գոտիներում են գտնվում․ Հայաստանը ԵԱՏՄ անդամ է, իսկ Վրաստանը ստորագրել է ԵՄ-ի հետ ասոցացման մասին համաձայնագիր։ Այս փաստը միշտ համարվել է խոչընդոտ տնտեսական հարաբերությունները զարգացնելու համար, սակայն ուրախալի է, որ այսօր քննարկվում է դեպի երրորդ երկրներ համատեղ արտահանման հնարավորությունը, ինչը նշանակում է, որ վերը նշված թվացյալ խոչընդոտը առավելության վերածելու փորձ է գոնե արվում։ Թերևս սա հնարավորություն կտա Հայաստանի օգտվելու Վրաստանի արտոնյալ շուկաներից, իսկ Վրաստանին՝ Հայաստանի արտոնյալ շուկաներից։ Պետք է փաստել, որ հայ-վրացական հարաբերությունների ոչ բավարար մակարդակը հիմնականում պայմնանավորված է եղել երկկողմանի քաղաքական կամքի բացակայությամբ և անհեռատեսությամբ։ Եթե սառույցը հալվելու է և երկու հարևան երկրներն իսկապես փորձելու են օգտագործել առկա ողջ ներուժը, ապա սրանից երկու երկրները միայն շահելու են։ Նյութի աղբյուր՝ https://www.facebook.com/artyush.grigoryan/posts/1281952145236854 ...

    Կարդալ ավելին
  • Փաստորեն՝ Վրաստանում որ ժամանակին դիմավորում էին 6-միլիոներորդ զբոսաշրջիկին, դա այդքան էլ 6-միլիոներորդ չէր: Բանն այն է, որ 6 միլիոնը այցելուների քանակն է, այլ ոչ զբոսաշրջիկների: Սրանք տարբեր բաներ են: Օրինակ՝ հայաստանցի տաքսիստը, որ ամեն օր հատում է Վրաստանի սահմանը, նա այցելու է, բայց ներառված է էդ 6 միլիոնի մեջ որպես զբոսաշրջիկ: Զբոսաշրջիկներին գրավելու համար վատ մանիպուլյացիա չէ: Զբոսաշրջիկների իրական թիվը 2.7 միլիոն է: Իսկ Հայաստանում եղել է 2.9 միլիոն այցելություն, որից 1.3 միլիոնը՝ զբոսաշրջիկ: Նյութի աղբյուր՝ https://www.facebook.com/artyush.grigoryan/posts/1249760691789333 ...

    Կարդալ ավելին
  • Վրաստանի և Չինաստանի միջև Ազատ առևտրի պայմնագրի կնքման արդյունքում , դեպի Չինաստան արտահանվող ապրանքերի ցանկում նշված է նաև գյուղատնտեսական ապրանքները։ Քանի որ Սամցխե-Ջավախքի մարզում առավելապես արտադրվում է գյուղատնտեսական ապրանքներ, ուստի տեղական իշխանությունները , պատգամավորները ակտիվ աշխատելու դաշտ ունեն։ Անհրաժեշտ է ճշտել՝ խոսքը կոնկրետ գյուղատնտեսական որ ապրանքների մասին է, և հնարավո՞ր է արդյոք կազմակերպել Ջավախքում դրանց արտադրությունը։ Եթե այո, ապա բնակչությանը պետք է տալ ազդակներ այդ մասին, որպեսզի վերջիններս կարողանան կազմակեպրել իրենց արտադրությունը տվյալ պահանջարկից ելնելով։ Եվ ամենակարևորը, օգնեն արտահանման հարցում։ Երբ Վրաստանում խոսում են ինտեգրացիայի մասին, ինտեգրացիան հենց սա է։ Նյութի աղբյուր՝ https://www.facebook.com/artyush.grigoryan/posts/1243049272460475 ...

    Կարդալ ավելին
  • Ջավախքում թուրք-ադրբեջանական ակտիվության դեմն առնելու միակ տարբերակը Ջավախքը հայ-վրացական հարաբերություններում լիարժեք գործոն դարձնելն է։ Վերջինս փիլիսոփայական կատեգորիա չէ, այլ ենթադրում է կոնկրետ գործողություններ։ Գործոն նշանակում է մի հարթակ, որտեղ խաչվելու են հայկական և վրացական տարբեր նախաձեռնությունները , սկսած բիզնեսից վերջացրած մշակույթով, որը դառնալու է պրոդուկտ և նպաստելու է ջավախքի տնտեսական զարգացմանը, հայապահպանությանն ու հայ վրացական հարաբերությունների խորացմանը։ Ուստի կարելի է խոսել գործոնի առկայության մասին, երբ մոտ ապագայում իրականացվեն օրինակ հետևյալ երկու ծրագրերը․ 1․ Հայ-վրացական համալսարանի հիմնում։ Համալսարանը կնպաստի նրան, որ ջավախքցի ուսանողը տեղում բարձրագույն կրթություն կստանա և չի արտագաղթի։ Բացի դրանից հնարավորություն կլինի վրացերեն լեզուն սովորել ակադեմիական մակարդակում և հիմնավոր։ 2․Հայ-վրացական համատեղ բիզնես նախաձեռնություններ։ Ջավախքում աշխատատեղերի ահռելի պակաս կա և բիզնես ձեռնարկություններն ինչ որ մի կերպ կլուծեն այս խնդիրը։ Թուրքական կապիտալի աճը Ջավախքում սկսելու է վտանգավոր դառնալ , ուստի հայկական կամ հայ-վրացական կապիտալի հոսքը դեպի Ջավախք չափազանց կարևոր է։ ...

    Կարդալ ավելին
  • Ժողովրդավարությունը ենթադրում է, որ փոքրամասնությունը պետք է ենթարկվի մեծամասնության կամքին։ Ընտրողների մի մասը գումարի դիմաց ընտրեց իհարկե, դա նողկալի է, բայց դա է մեր իրականությունը։ Ստիպված ենք ընդունել և նույնիսկ այդ պարագայում մտածել առաջընթացի մասին։ Եթե անհատը չի ուզում փոխվել, ապա ոչ ոք նրան չի կարող փոխել։ Այդպես է հասարակական հարաբերություններում, այդպես է նաև միջանձնային հարաբերություններում։ Մնում է խորհրդարան անցած ուժերից պահանջենք, որ ակտիվ կերպով աշխատեն հանուն պետության զարգացման։ Նյութի աղբյուր՝ https://www.facebook.com/artyush.grigoryan/posts/1199871770111559 ...

    Կարդալ ավելին
  • ՀՀ վարչապետի և կառավարության անդամների Վրաստան այցը պարունակում էր կարևոր դիրքորոշումներ։ Առաջին․ հայկական կողմը հանդես է եկել կոնկրետ առաջարկություններով, որոնք վրացական կողմի համար մեծ հետաքրքրություն են ներկայացրել և ոգևորել է իշխանություններին։ Եղած հարաբերություններն ուղղակի պահպանելն այլևս կենսունակ չէ և երբեք էլ չի եղել։ Եվ երկրորդ․ քննարկվել են վրացի ներդրողներիի կողմից Հայաստանում ներդրումներ անելու և վրացի տուրիստների Հայաստան այցելության հնարավորություները։ Հայտնի է, որ նախկինում հայ ներդրողների հոսք է նկատվել դեպի Վրաստան, որոնք հիմնականում սպասարկել են հայ պաշտոնյաների բիզնես շահերը։ Այս իմաստով ՀՀ վարչապետի այցը հույս է ներշնչում, որ հայ-վրացական հարաբերություններում իսկապես կարող են լինել դրական տեղաշարժեր։ Նյութի աղբյուր՝ https://www.facebook.com/artyush.grigoryan/posts/1166143803484356 ...

    Կարդալ ավելին

ՖԲՀ

Քաղաքականություն