• Սուրեն Սահակյան
  • Եթե դուրս ես գալիս փողոց ու մեր՝ բոլորիս, միասնական կյանքի վերաբերյալ ընդունվող որոշումների վրա փորձում ազդեցություն ունենալ, դա քաղաքականություն ա։ Փողոց ես դուրս գալիս ու ասում մեր երկրում քաղբանտարկյալ չպետք ա լինի, դա քաղաքականություն ա։ Փողոց ես դուրս գալիս ու ասում տրանսպորտի կամ էլեկտրաէներգիայի գինը պետք ա է՛ս լինի, քաղաքականություն ա։ Փողոց ես դուրս գալիս ու ասում մեր երկրում պետք ա նորմալ ընտրություններ անցկացվեն, քաղաքականություն ա։ Փողոց ես դուրս գալիս ու ասում մեր երկրում զենքով պետք ա բան փոխվի, քաղաքականություն ա։ Քաղաքականություն ա նաև փողոց դուրս գալ ու հակառակը պնդելը։ Թե չէ խնդալու ա, որ մարդը գալիս ա հանրահավաքի ու ասում․ «Դե դու քաղաքականությամբ ես զբաղվում, ես՝ չէ» ։)) Հ․Գ․ Հա, մեկ էլ եթե մեկն ասում ա «Քաղաքականությունն անբարոյականություն ա», մտածի, թե որտեղ ա քեզ ուզում քցած լինի։ Առավել ևս քաղաքական գործիչները ։) Նյութի աղբյուր`https://www.facebook.com/usernameisavailablenow/posts/867276996737357 ...

    Կարդալ ավելին
  • Որ քաղաքացիները բարձրաձայնում էին բանակում տեղ գտած խնդիրների մասին, ՊՆ հաստիքային ու արտահաստիքային քարոզիչները ադրբեջանցիքին թողած սեփական քաղաքացիների վրա էին արշավ կազմակերպում։ Ասում էինք բանակը կոռումպացված ա, գեներալների շատերի ալան-թալանի մասին հարյուրավոր հոդվածներ են գրվել, լրատվամիջոցներին ասում էին բանակի մարտական ոգին կոտրում եք։ Որ ասում էինք դիզ․ վառելիքից սկսած թալանում են, բա մեր ՀՕՊ-ը հո տոմատի մածուկով չի՞ աշխատելու, ասում էին թուրքը տեսնում, ուրախանում ա, տենց բաներ մի խոսացեք։ Որ ասում էինք առաջին գծի տղերքին նորագույն տեխնոլոգիաներով համալրումով օգնեք, ասում էին բանակն ամենամարտունակն ա, մենք գիտենք ինչ ենք անում, իսկ դուք մասնագետ չեք, լռե՛ք։ Որ ասում էինք տղերքի արյան հաշվին ներքին ու արտաքին քաղաքականություն մի՛ վարեք, մի՛ նմանվեք ալիևի ռեժիմին, ասում էին պարտվողական եք, պետք ա համախմբվենք բանակի շուրջ։ Մենք շատ ենք լռել։ Ամեն անգամ էլ լռել ենք, որովհետև զոհերը ոչ թե դուք էիք լինելու, այլ սահմանին կանգնած անապահով խավի զինվորի կյանքն էիք վտանգելու։ Քաղաքական համակարգը էսօր փոխված չի, քանի որ դուք էդ վտանգը տեսնելով էդ զինվորների կյանքի հաշվին էիք պահելու։ Մենք էն գլխից էլ համախմբված էինք բանակի շուրջ, որովհետև մենք այլ ելք չունենք էլ։ Մեր սոցիալական անվտանգությունը խաթարված ա, մարդիկ թողնում, գնում են, իսկ ֆիզիկական անվտանգության հույսը ոչ թե դուք եք, այլ առյուծ զինվորները, որ 80-ականների զենքերով ու իրանց դուխով էսօր տարածաշրջանային գործոն են։ Մենք համախմբված ենք, դո՛ւք համախմբվեք, հերթը ձե՛րն ա։ Նյութի աղբյուր՝ https://www.facebook.com/usernameisavailablenow/posts/799718003493257 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին