• Սաթիկ Սեյրանյան
  • Գործընկերներիս, ընկերներիս, ընթերցողներիս, հեռուստադիտողներիս ուզում եմ տեղեկացնել, որ 2017թ. դեկտեմբերի 28-ին ժամը 12.00-ին Հայաստանի գրողների միության դահլիճում (Բաղրամյան 3) տեղի կունենա Հայաստանի ժուռնալիստների միության 12-րդ համագումարը: Երկար տարիներ լինելով լրատվության ոլորտում՝ լավ եմ պատկերացնում այսօր դաշտում առկա բոլոր խնդիրները և դրանք համախմբված լուծելու անհրաժեշտությունն ու կարևորությունը: Այսպիսով, մտադիր եմ առաջիկա համագումարում առաջադրվել որպես նախագահի թեկնածու։ Հետաքրքիր կլինի լսել Ձեր կարծիքը և առաջարկները միության դերի և հետագա անելիքների վերաբերյալ։ Նյութի աղբյուր՝ https://www.facebook.com/photo.php?fbid=10211289324293093&set=a.1112235210299.2017358.1359460932 ...

    Կարդալ ավելին
  • Նիկոլ ջան, ԵԼՔ, այնուամենայնիվ, կա)) Ապրիլի 30-ին «Արմենիա» հեռուստաընկերության «Ռ-Էվոլյուցիա» հաղորդաշարում իմ հյուրն էր ԵԼՔ դաշինքի՝ Երևանի քաղաքապետի թեկնածու, ԱԺ պատգամավոր Նիկոլ Փաշինյանը։ Հաղորդման https://www.youtube.com/watch?v=jsJnB3JznW0 հենց սկզբում ես նրան ուղղեցի հետևյալ հարցը. «Նախ, ուզում եմ անդրադառնանք խորհրդարանական ընտրությունների վիճարկմանը Սահմանադարական դատարանում, որովհետև ապրիլի 2-ից հետո դուք հայտարարում էիք՝ եթե այլ ուժեր ընտրությունների արդյունքները վիճարկեն Սահամանադրական դատարանում, հնարավոր է՝ դուք ևս միանաք։ Կոնգրես-ՀԺԿ դաշինքը Սահամանդրական դատարան դիմեց՝ ընտրությունների արդյունքներն անվավեր ճանաչելու պահանջով, ինչո՞ւ դուք (ԵԼՔ-ը) չմիացաք»։ Նիկոլ Փաշինյանը, նախ, հայտարարեց, որ իմ մեջբերման կոնտեքստը մի փոքր այլ է, ապա մի քանի անգամ պնդեց, որ իրենց դաշինքից որևէ մեկը նման հայտարարություն չի արել՝ ինձ անուղղակիորեն մեղադրելով սխալ, մտացածին մեջբերում անելու մեջ։ «Դուք չեք մեջբերել մեր խոսքից, ուրեմն, եթե մեջբերում եք, ասեք՝ ով, կոնկրետ ե՞րբ, որտե՞ղ է նման հայտարարություն արել...», «Մենք էդպիսի բան չենք ասել»։ Ի պատասխան իմ դիտարկմանը, որ ես կգտնեմ հայտարարության տեքստը, ցույց կտամ, Նիկոլ Փաշինյանը հայտարարեց՝ «Դուք չեք կարող գտնել... նման հայտարարություն չի եղել»... Նիկոլը այնքան ինքնամոռաց էր պնդում, որ նման հայտարարությամբ ԵԼՔ դաշինքից որևէ մեկը հանդես չի եկել, որ անգամ կասկածեցի սեփական հիշողությանս։ Սակայն պարզվեց դավաճանում է ոչ թե իմ, այլ Նիկոլի հիշողությունը, որովհետև ԵԼՔ դաշինքի անդամ, «Հանրապետություն» կուսակցության առաջնորդ Արամ Զավենի Սարգսյանը ապրիլի 7-ին «Ազատություն» ռ/կ-ին տված հարցազրույցում բառացիորեն հայտարարել է http://www.azatutyun.am/a/28416314.html . «Այսօրվա դրությամբ որևէ հիմք չունենք, որպեսզի «Ելք» դաշինքը բողոքարկի այդ ընտրության արդյունքները Սահմանադրական դատարանում: Բայց մենք էս պահին ձեռնպահ ենք մնում այդ մասին ուղիղ հայտարարելուց, որովհետև բացի մեզնից ընտրություններին մասնակցել են նաև այլ կուսակցություններ, և կարող է իրենց դիտորդները կամ վստահված անձինք շատ ավելի ակտիվ, շատ ավելի ազնիվ են աշխատել և ունեն էդպիսի փաստեր, որոնցով իրենք կմտնեն Սահմանադրական դատարան: Մենք կնայենք, եթե մենք բացթողում ենք ունեցել, և էդ փաստերն իրական են, միանշանակ կմիանանք էդ բողոքին» (տեսանյութում՝ 1․12-1։52 հատվածը դիտել): Քաղաքապետի ընտրություններն, իհարկե, կարևոր ու գուցե հուզախառն իրադարձություններ են, ինչպես և ԱԺ ընտրություններում տարած հաղթանակն ու դրան հաջորդած էյֆորիան։ Բայց, կարծում եմ, դա չի արդարացնում իմ նախկին գործընկերոջ տոնն ու վստահությունը, որն ինձ ստիպեց հանդես գալ այս գրառմամբ, ինչից սովորաբար փորձում եմ խուսափել նմանատիպ այլ դեպքերում։ Հ.Գ. Անկախ ամեն ինչից, միշտ հաճելի է Նիկոլ Փաշինյան զրուցակիցը, ով անգամ ամենասուր բանավեճում չի դադարում լինել լրագրող ու մեր գործին մոտենում է խմբագրի նախանձախնդրությամբ: Նյութի աղբյուր՝ https://www.facebook.com/satik.seyranyan/posts/10209542657507515 ...

    Կարդալ ավելին
  • Երեկ և այսօր Գյումրիում մասնակցում էի Ջեբրայիլում զոհված փոխգնդապետ Ալեքսան Առաքելյանի հոգեհանգստին և հուղարկավորությանը: Ալեքսանի հայրիկին՝ Գևորգ Առաքելյանին հադիպել էի Ջեբրայիլում, որտեղ նա սպասում էր ռազմի դաշտ մեկնած և չվերադարձած որդուն… Իմ կյանքի ամենածանր հարցազրույցներից մեկն էր: Առաջնագծում հանդիպելուց հետո դարձել էինք միմյանց հարազատ մարդիկ ու մշտական կապի մեջ էինք: Երկու օր առաջ Ալեքսանի դին վերադարձրեցին հայկական կողմին. Փոխգնդապետի մարմինը հանձնելու դիմաց հակառակորդը անդրբեջանցի 18 զինվորների դիակներ էր պահանջել, քանի որ Ալեքսանը զոհվածներից կոչումով ամենաբարձրն էր:  Հայրը որդուն ճանաչել էր ձեռքի վերքից… Նրա հետ շփման գծում հակառակորդի դեմ կռիվ տվող ընկերների դիերը հակառակորդը վերադարձրել է դաժանորեն խոշտանգած, մասնատած և պարկերում լցրած… Լրագրողական գործունեության ընթացքում պատմություններ են լինում, որոնք դառնում են քո կյանքի մի մասը, որ նույնքան ցավ է պատճառում, որքան հարազատներիդ դեպքում կցավեր: Անասելի ցավալի է տեսնել մորը, որը կորցրած որդուն է կանչում… Տեսնել երիտասարդ կնոջը, որը լացը խեղդելով խնդրում է գոնե մի պահ բացել աճյունը, որպեսզի հպվի-հրաժեշտ տա սիրելի ամուսնուն… Պապիկին, որ թոռնիկին է ճանապարհում… Ալեքսան Առաքելյանի ընտանիքը Գյումրիում տուն չունի, ծնողների տանը պայմաններ չկան: Մեկ ամիս առաջ Ալեքսանը դիմել էր ՀՀ Պաշտպանության նախարարությանը՝ գոնե մի փոքրիկ տուն տրամադրել՝ անչափահաս երկու երեխաների հետ իր հայրենի քաղաքում գլուխը բարձին դնելու համար: Հուսանք առաջիկայում այդ խնդրին ընթացք կտրվի և հերոսի ընտանիքը անտուն չի մնա: Գյումրիում մի հետաքրքիր երևույթի ականատես եղա. թատրոնի շենքից թաղման թափորը ավտոմեքենաներով շարժվում էր դեպի Շիրակի մարզի Արցախյան ազատամարտի հերոսների պանթեոն, ուր պետք է հողին հանձնվեր զոհված փոխգնդապետի աճյունը (ծնողներն այդպես էին ցանկացել՝ Գյումրիում հողին հանձնել): Ճանապարհին այն բոլոր ավտոմեքենաների վարորդները, ովքեր հանդիպում էին հերոսի աճյունը տեղափոխող մեքենային՝ կանգ էին առնում, մեքենաներից դուրս էին գալիս և կանգնած հրաժեշտ էին տալիս իրենց հերոսին:  Ի դեպ, ցավալի էր, որ այսօր գոնե թաղման արարողությանը (որին ներկա էր ողջ Գյումրին) Հայաստանի պետական գերատեսչություններից՝ Պաշտպանության նախարարությունից որևէ մեկը ներկա չէր: Այնինչ, ընդամենը 120 կմ է՝ Երևանից Գյումրի:       Նյութի աղբյուր՝ https://www.facebook.com/satik.seyranyan/posts/10206623037238833 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին