• Արմեն Աշոտյան
  • 1. Մեր մասնակցությունը ԵՄ այս նախաձեռնությանը, բացի քաղաքական և ֆինանսական շարժառիթներից, ունի նաև ուժեղ արժեհամակարգային բաղադրիչ։ 2. ԱլԳ ձևաչափը չի կարելի դիտարկել որպես ԵՄ֊Ռուսաստան շահերի առճակատման գոտի, հակառակ դեպքում տուժում են հենց մասնակից երկրները։ 3. ԱլԳ նախաձեռնությունը պիտի առավել նպատակային լինի` ելնելով կոնկրետ երկրի առաջնահերթություններից։ 4. Ավելին ավելիի դիմաց (more for more) մոտեցումը պետք է ունենա նաև քաղաքական հետևանքներ։ 5. Համապարփակ և խորացված գործընկերության պայմանագիրը (Comprehensive and enhanced partnership agreement) որակապես նոր պայմաններ կստեղծի ինչպես երկկողմ հարաբերությունների, այնպես էլ Հայաստանում բարեփոխումների արդյունավետության բարձրացման համար։ 6. Այսօր էլ մի շարք ցուցանիշներով Հայաստանն ավելի տեսանելի հաջողություններ է գրանցել, քան ասոցացված երկրները։ 7. Խորհրդարանական դիվանագիտության գործիքակազմը մեծ ներուժ ունի Հայաստան֊ԵՄ, այդ թվում` ԱլԳ ձևաչափով հարաբերությունների ամրապնդման համար։ 8. Այս ամենը կարող է վտանգված լինել, եթե տարածաշրջանային կայունության և խաղաղության համար ԵՄ֊ն՝ որպես գլոբալ դերակատար, բավարար ջանքեր չգործադրի։ Նյութի աղբյուր՝ https://www.facebook.com/armen.ashotyan/posts/10212852267239612 ...

    Կարդալ ավելին
  • Մենք` 2017 թվականի հունիսի 16-18-ը քաղաք Ստեփանակերտում անցկացված Հայկական կուսակցությունների երրորդ համաժողովի մասնակիցներս, արձանագրելով Հայաստանի Հանրապետությունում և Արցախի Հանրապետությունում սահմանադրական փոփոխությունների իրողությունը և կարևորելով - Հայկական երկու պետություններում քաղաքական համակարգերի կատարելագործումը, - Մարդու իրավունքների և հիմնարար ազատությունների երաշխավորման իրավական կառուցակարգերի հետագա իրացումը, - Քաղաքական գործընթացներում հանրային կառավարման արդյունավետությունը, - Հայկական կուսակցությունների բացառիկ դերակատարությունը հայոց պետականության կերտման գործում և արդյունավետ համագործակցության անհրաժեշտությունը համազգային նշանակություն ունեցող հարցերում, - Հայկական պետություններում կուսակցությունների վերլուծական և կառուցվածքային կարողությունների զարգացման նպատակով փորձագիտական ձևաչափերով քննարկումների համար հարթակների ստեղծման անհրաժեշտությունը,  - Հայկական պետություններում տնտեսության առաջանցիկ զարգացումը և արդյունավետության բարձրացումը, ինչպես նաև սոցիալական արդարության նպատակային քաղաքականությունը՝. 1. Խստորեն դատապարտում ենք Ադրբեջանի կողմից շփման գծում հրադադարի խախտման քաղաքականությունը, որն ուղեկցվում է նաև մարդկային զոհերով, միաժամանակ ընդգծում ենք, որ իրավիճակի հետագա սրման ողջ պատասխանատվությունն ընկնում է Ադրբեջանի ռազմաքաղաքական ղեկավարության վրա:  2. Վերահաստատում ենք մեր համոզմունքը, որ Հայաստանի Հանրապետության և Արցախի Հանրապետության հետագա զարգացման բացառիկ երաշխավորն անվտանգության միասնական համակարգն է, և հատկապես՝ հայկական զինված ուժերը: 3. Արձանագրում ենք, որ Ադրբեջանի կողմից վարվող հակահայկական քաղաքականությունը և ԼՂ հիմնախնդիրը ռազմական ճանապարհով լուծելու սպառնալիքները լրջորեն վտանգում են բանակցային գործընթացը, խնդրի խաղաղ կարգավորման հնարավորությունը և տարածաշրջանի անվտանգությունը: 4. Կարևորում ենք ԼՂ հիմնախնդրի՝ ինքնորոշման իրավունքի հիման վրա լուծման և բանակցային գործընթացում Արցախի Հանրապետության ուղղակի մասնակցության անհրաժեշտությունը: 5. Կոչ ենք անում ԵԱՀԿ Մինսկի խմբի համանախագահներին և միջազգային հանրությանը հետամուտ լինել շփման գծում միջադեպերի ուսումնասիրության և հետաքննության մեխանիզմների ներդրմանը, դատապարտել Ադրբեջանի ղեկավարության ապակառուցողական քաղաքականությունը, հրաժարվելով անարդյունավետ համահարթեցման մոտեցումներից՝ հասցեական գնահատականներ տալ և նախահարձակ կողմի նկատմամբ կիրառել զսպող մեխանիզմներ: 6. Փաստում ենք արտաքին քաղաքականության ոլորտում և միջազգային հարթակներում Հայաստանի Հանրապետության և Արցախի Հանրապետության համար ռազմավարական նշանակության հարցերում կուսակցությունների համագործակցության անհրաժեշտությունը: 7. Արձանագրում ենք ներկուսակցական ժողովրդավարության և միջկուսակցական հարաբերությունների արդյունավետության մեծացման և հանդուրժողականության անհրաժեշտությունը: 8. Նպաստելու ենք ընտրական համակարգերի շարունակական կատարելագործմանը և քաղաքացիական հասարակության ինստիտուտների զարգացմանը: 9. Վերահաստատում ենք Ստեփանակերտ քաղաքում հայկական կուսակցությունների ամենամյա քննարկումների անցկացման անհրաժեշտությունը՝ ստեղծելով կուսակցությունների ոլորտային կառույցների համատեղ քննարկումների անցկացման զուգահեռ հարթակներ: 10. Առաջարկում ենք Սփյուռքի մյուս երկու ավանդական կուսակցություններին հետագայում միանալ այս համաժողովի աշխատանքնքներին: «Ազատ hայրենիք» կուսակցություն «Ազատություն» կուսակցություն «Ազգային միաբանություն»կուսակցություն «Ազգային վերածնունդ» կուսակցություն Արցախի ժողովրդավարական կուսակցություն Արցախի Հանրապետության Կոմունիստական կուսակցություն Արցախի Արմենական կուսակցություն Արցախի Հանրապետական կուսակցություն «Բարգավաճ Հայաստան» կուսակցություն «Լուսավոր Հայաստան» կուսակցություն Հայաստանի Հանրապետական կուսակցություն Հայ Յեղափոխական Դաշնակցություն Հայաստանի Կոմունիստական կուսակցություն Հայաստանի Քրիստոնեա-դեմոկրատական միություն Հայոց Համազգային շարժում «Հանրապետություն» կուսակցություն Հզոր Հայրենիք կուսակցություն Միացյալ Ազատական Ազգային Կուսակցություն «Սահմանադրական Իրավունք» միություն «Քաղաքացիական պայմանագիր» կուսակցություն ք. Ստեփանակերտ  2017 թվականի հունիսի 18 Նյութի աղբյուր՝ https://www.facebook.com/armen.ashotyan/posts/10212807082870031 ...

    Կարդալ ավելին
  • Ադրբեջանի կողմից Թբիլիսիից վտարանդի և ընդդիմադիր լրագրող Աֆղան Մուխթարլիի հափշտակումն ու տեղափոխումը Ադրբեջան բուռն արձագանք է առաջացրել ոչ միայն Վրաստանում, այլև աշխարհում։ ԱՄՆ Պետական դեպարտամենտի և Եվրամիության արտաքին գործողությունների ծառայության կոշտ արձագանքները ևս մեկ անգամ արդիականացրին Ադրբեջանում մարդու հիմնարար իրավունքների ոտնահարման ցցուն և տեսանելի իրողությունը։ Այս դեպքի լիարժեք հետաքննությունը ոչ միայն Վրաստանի ներքին գործն է, այլև Ադրբեջանի կողմից միջազգային հանրությանը նետված ևս մեկ ձեռնոցին համարժեք պատասխանելու հրամայական։ Խնդիրն արդիական է նաև Հայաստանի և Արցախի քաղաքացիների և Ադրբեջանի սև ցուցակում հայտնված օտարերկրացիների հիմնարար ազատությունները և իրավունքները երաշխավորելու առումով։ Նյութի աղբյուր՝ https://www.facebook.com/armen.ashotyan/posts/10212666404393157 ...

    Կարդալ ավելին
  • ԱՎՐՈՐԱ մրցանակաբաշխության ժամանակ հուզմունքի, հպարտության, հիացմունքի և ներքին մտորումների հորձանուտում ես հայտնվում։ Մարդ մնալու ավետարանչական ճշմարիտ բանաձևով ապրող ` մերձավորին օգնելու հրամայականով առաջնորդվող մարդիկ սեփական օրինակով անձնազոհության, առաքելության և չընկրկելու վառ ու իրական պատմությունների հերոսներ են։ Ու բարին հաղթում է, երբ հոգուդ լույսը կարողանում ես սփռել շուրջդ, հավատալով ու վերադարձնելով այլոց գոյության իմաստը, պայքարելով մարդկանց կյանքի, առողջության, կրթության և արժանապատվության համար։ Մարդասիրություն, որ այդքան պարզ ու թանկարժեք բարիք է։ Նյութի աղբյուր՝ https://www.facebook.com/armen.ashotyan/posts/10212595589782836 ...

    Կարդալ ավելին
  • Սիրելի երիտասարդներ և ուսանողներ, 2016 թվականին Մայր բուհի՝ Երևանի պետական համալսարանի հիմնադրման օրը, ՀՀ Ազգային Ժողովի կողմից ընդունվել է, որպես Երիտասարդության և ուսանողության օրվա տոնի պատմական ակունք: Ընդունված է ասել, որ երիտասարդները մեր ապագան են: Սակայն դուք ապացուցեցիք, որ ոչ միայն ապագան եք, այլև ներկան: Զինվոր և գիտնական, աշխատավոր և ուսանող, ձեռներեց և մշակ այսօրվա Հայաստանում ապրող, արարող, սիրահարվող և ընտանիք կազմող, սահման պահող և սահմաններ ճեղքող հարյուր հազարավոր երիտասարդներ մեզ և մեր երկրին են տալիս իրենք աշխատանքը, սերը, հայրենասիրությունը և կյանքը: Շնորհավորում եմ ձեզ: Շարունակեք կառուցել այնպիսի Հայրենիք, որը պատվով կփոխանցեք ձեր զավակներին: Նյութի աղբյուր՝ https://www.facebook.com/armen.ashotyan/posts/10212474853804512 ...

    Կարդալ ավելին
  • Սիրելի լրագրողներ, Մեկ տարի աշխատելով ձեր դաշտում որպես ԵՌԱՆԿՅՈՒՆԻ հաղորդաշարի հեղինակ և վարող, համոզվեցի, որ ձեր գործն էլ գործ չի ։))) Դժվար է բոլորի՝ և՛ իշխանության, և՛ ընդդիմության, և՛ հասարակության հետ: Շատ կուզենամ, որ ձեր մտավոր և բարոյական ներուժը ձեզ միաժամանակ և՛ տա, և՛ սահմանափակի այն ազատությունը, առանց որի մամուլը գոյություն ունենալ չի կարող: Շնորհակալ եմ նաև իմ այն գործընկերներին, որոնց հետ աշխատում, շփվում և որոնցից նաև սովորում եմ վերջին 15 տարվա ընթացքում: Նյութի աղբյուր՝ https://www.facebook.com/armen.ashotyan/posts/10212340034994126 ...

    Կարդալ ավելին
  • Մենք մի թիմ ենք Հայաստանի բոլոր քաղաքացիների հետ միասին, մենք հավատում ենք մեր ուժերին և ուզում ենք արժանապատվորեն ապրել ազատ և բարեկեցիկ երկրում: Ուզում ենք, որ յուրաքանչյուրն արդար աշխատանքով կարողանա ապահովել իր ընտանիքի բարեկեցությունը, մեծացնի և լավ կրթություն տա իր երեխաներին, թոշակային տարիքում չվախենա աղքատությունից, ապրի անվտանգ միջավայրում: Մենք վստահ ենք, որ այս նպատակին կարող ենք հասնել, երբ Հայաստանի հասարակությունը լիարժեք իրագործի ազատության և ժողովրդավարության սկզբունքները, երբ մեզանում որոշիչ դառնան հարգանքը յուրաքանչյուր մարդու հանդեպ, իրավունքների և հնարավորությունների հավասարությունը, օրինականությունը, պատասխանատվությունը և համերաշխությունը: Այս սկզբունքների վրա կառուցված պետությունները բարեկեցիկ են և ուժեղ, և այսպիսին էլ պետք է լինենք մենք: Ապրիլի 2-ը բոլորիս դեպի անվտանգություն և առաջնթաց տանող կարևոր օր է: Հավատ, աշխատասիրություն և համբերություն. սա է մեր հասարակության, երկրի և յուրաքանչյուրիս հաջողության գրավականը: Մենք վստահ ենք, որ մեր յուրաքանչյուր քաղաքացի սեփական աշխատանքով կապահովի իր ընտանիքի արժանապատիվ կյանքը և ապագան սեփական երկրում: Անգամ փոքր Հայաստանը կարող է մեծ հնարավորություններ ստեղծել յուրաքանչյուր քաղաքացու համար: Ապրիլի 2-ին ստանալով ձեր աջակցությունը, ձեր ձայները՝ մենք կբացենք մեր նորագույն պատմության նոր էջը: #LoveArmenia #ՀՀԿ2017 Նյութի աղբյուր` https://www.facebook.com/armen.ashotyan/posts/10212009679815453 ...

    Կարդալ ավելին
  • Եվրոպական ժողովրդական կուսակցության համագումարին ԵԺԿ նախագահ Ժոզեֆ Դոլը կրկին հաջողություն մաղթեց գալիք ընտրություններին ԵԺԿ անդամ կուսակցություններին Հայաստանում, Ֆրանսիայում, Գերմանիայում, Չեխիայում և այլն։ Հիշեցնեմ, որ Հայաստանից միայն Հանրապետականն է մասնակցում ԵԺԿ համագումարին, և ՀՀԿ-ն է ստացել ԵԺԿ քաղաքական աջակցությունը ընտրություններին ընդառաջ։ #EPP #LOVEARMENIA Նյութի աղբյուր՝ https://www.facebook.com/armen.ashotyan/posts/10211998813463801 ...

    Կարդալ ավելին
  • Եվրոպական գրեթե բոլոր երկրներում քաղաքական համակարգի հիմքերը քայքայող երկու երևույթ է գլուխ բարձրացնում` պոպուլիզմն ու ծայրահեղականությունը։ Այսօր գրեթե բոլոր եվրոպական առաջնորդներն իրենց խոսքում նշում էին, որ մարդկանց առօրյա խնդիրների, մտահոգություննների և հոգսերի շահարկումները, բարդ իրավիճակներին պարզունակ լուծումներ քարոզելը, անհանդուրժողականությունը վտանգում են ժողովրդավարության գոյությունը, ներառականությունն ու համերաշխությունը։ Եվ եթե այս վտանգները սպառնում են կայացած եվրոպական հասարակություններին, ապա կարող ենք պատկերացնել, թե ինչ սպառնալիք է դա նոր֊նոր ամրապնդվող հայկական ժողովրդավարության համար։ Նյութի աղբյուր՝ https://www.facebook.com/armen.ashotyan/posts/10211993474890340 ...

    Կարդալ ավելին
  • Սահմանադրական փոփոխությունների լավագույն դատավորը ժամանակն է, և ժամանակը ցույց կտա, թե ով է ճիշտ, ով է սխալ: Այս պահին այդ բանավեճի լավագույն դատավորը միջազգային փորձն է ու մեր նախկին կառավարման ձևը ունեցող երկրներում տիրող ոչ այնքան նախանձելի իրավիճակը: Իսկ ըստ միջազգային փորձի պառլամենտական երկրները շատ ավելի զարգացած են, պառլամենտական երկրները շատ ավելի ժողովրդավար են, պառլամենտական երկրները շատ ավելի ազատ են և վերջապես պառլամենտական երկրներում այդ ամբողջի արդյունքում մարդիկ ավելի լավ են ապրում: Բազմիցս է նշվել, որ պետության քաղաքական կայունության գրավականը քաղաքական կուսակցությունների դերի բարձրացումն: Պառլամենտական կառավարման ձևն ու համամասնական ընտրակարգը այդ նպատակին ծառայող լավագույն միջոցներն են: Հեռու ենք այն մտքից, որ կայունությունը ու քաղաքական պայքարը հանրապետական նշանակության մի քանի քաղաքական գործիչների առկայությունն է ու նրանց անձնական վարկանիշի արդյունքում իր հետ խորհրդարանում հայտնված ու գարնանային ձյան պես հալվող ու վերացող խմբակցությունները: Հեռու ենք նաև այն մտքից, որ քաղաքական կայունությունը քաղաքական հենարան չունեցող անհատների պայքար է:  Քաղաքական կայունությունը քաղաքական ուժերի ու դրանք կյանքի կոչող, ընտրողի կողքին կանգնած, ընտրողի կողմից ճանաչված մարդկանց պայքարի արդյունքում ձևավորված քաղաքական մեծամասնությունն է: Միջկուսակցական պայքարը չի կարող լինել օդում, կուսակցությունների գաղափարներ կրողները մարդիկ են, ու այդ պայքարը այդ գաղափարները կրող մարդկանց պայքար է նաև, ու ոչ միայն, համապետական մակարդակում, այլ ամեն մի շրջանում, գյուղում: Զոռբաների ու զոռբայության ժամանակները, վստահ եմ, անցյալում են: Իշխանություն ունենալով հարստանալու ժամանակները անցյալում են: Իշխանություն ունենալով բոլորից վեր դասվելու ժամանակները անցյալում են: Հուսանք, մի օր չարախնդությունն էլ կլինի անցյալում: Հուսանք, մի օր սեփական անձից դուրս երկիր, հայրենիք, ազգ, միասնություն չտեսնելն էլ կլինի անցյալում: #LoveArmenia #ՀՀԿ2017 Նյութի աղբյուր՝ https://www.facebook.com/armen.ashotyan/posts/10211759562642680 ...

    Կարդալ ավելին

ՖԲՀ

  • /uploads/photos/qvmytUK0xT5aCPMMixu6.jpg

    Այսօր վերջնականապես համոզվեցի, որ պետք է օրենսդրական փոփոխություն լինի, ու ցանկացած աշխատանքի անցնելու համար պարտադիր պայման լինի IQ թեստը ու նվազագույն 80-90 գնահատականը։ Աշխատանքային հարցով մտել եմ մի դեղատուն։ Ներկայանում եմ, ասում եմ՝ ինչ հարցով եմ եկել և ասում եմ, որ հավանաբար այդ հարցով պետք է զրուցեմ տնօրենի հետ, ճշտում եմ՝ ինչպես կարող եմ դա անել։ Վաճառողուհին ինձ մոտավորապես «Բայց ավելի լավա ամառ, քան ձմեռ» կամ «Ես այս տարի ծիրան չեմ կերել» կարգի պատասխան է տալիս։ Բացատրում եմ, որ ես վաճառքի մենեջեր չեմ ու պատվեր չենք գրելու։ Մի տասը րոպե իմ ասածը ավելի մանրամասն բացատրելուց հետո զանգում է տնօրենին ու նրան ասում է իմ ասածի հետ իմաստով կապ չունեցող ինչ-որ բան։ Նույն գործողությունն անում է 3 անգամ։ Ամեն անգամ ասում է, որ ավելի լավ կլինի 4-5-ի կողմերը գամ, հնարավոր է՝ տնօրենն այնտեղ լինի կամ էլ մոտ օրերս մտնեմ, էլի հնարավոր է՝ այնտեղ լինի։ Տնօրենի համարը ինձ տալ չէր կարելի, նույնիսկ չէր կարելի այդ վաճառողուհու հեռախոսով հարց տալ տնօրենին։ Մոտ 40 րոպեում այդ «ինտելեկտուալ» աշխատողի միջոցով մոտ 20 րոպե հեռախոսով խոսացող խիստ զբաղված նրա տնօրենից չկարողացա ճշտել՝ նրանք համագործակցում են մեր ընկերության հետ, թե ոչ։ Իսկ մեր ընկերության բրենդները հնարավոր չէ չճանաչել, քանի որ դրանք ամենահայտնիներն են աշխարհում։ Դրա համար էլ 15-20 քմ-ոց դեղատունը կիսադատարկ էր, ու հասկացա, թե ինձնից առաջ մտած հաճախորդը ինչու էր բարկացած դուրս գալիս իմ մտնելու պահին։ Նյութի աղբյուր՝ https://www.facebook.com/davitgevorkyan/posts/1320947864670053

    Կարդալ ավելին

Քաղաքականություն

  • /uploads/photos/RmHr3HLMoSfQuSO8U6cE.jpg

    Հայաստանի ունիկալությունը կայանում է նրանում,որ ի տարբերություն Հետսովետական մնացած երկրների,այս երկիրը միակն է,որտեղ հանրության պատկերացումները պետական գրեթե բոլոր ոլորտների վերաբերյալ հասցված են մինիմումի։ Ասել կուզեմ՝ տեսլական չկա։ Ու սա տեղի չի ունեցել մի օրում,ավելի շուտ ձևավորվել է 25 տարվա քաղաքական իրողությունների հիման վրա։ Անցյալ տարի ապրլյան պատերազմի,հուլիսյան դեպքերի,դրան նախորդող՝ 2013-ի հայտնի մեկ գիշերվա ու 2015 «Ծառուկյան օպերացիայի» ժամանակ, «ինչու չի խոսում Սերժ Սարգսյանը» նախադասությունը եղել է լրատվականների,սոցիալական ցանցերի ու մամուլի առաջին էջերում։ Միջազգային պրակտիկայում,երկրում տեղի ունեցող ցանկացած ցնցումից հետո նախագահը անմիջապես դիմում է կոչով հանրությանը ու այդ խոսքը կարող է էական դեր խաղալ տրամադրություններ զսպման համար։ Որովհետև մարդիկ խոսքի սպասում են ու դրանից է շատ ժամանակ կախված նրանց հետագա վարքագիծը։ Ֆրանսուալ Օլանդի վարկանիշը ինչքան էլ ցածր լիներ,Էմմանունել Մակրոնի հաղթանակի ամենամեծ գրավականներից մեկն էլ արդեն նախկին նախա+գահի աջակացությունը ստանալ էր,որովհետև այստեղ գործ ունենք ինստիտուտի,ոչ թե անձի հետ։ Դառնանք Հայաստանին։ Հիմա պատկերացրեք 2013 թվականին Սերժ Սարգսյանը հայտրարարում է հանրաքվե՝ եԱՏՄ թե Եվրոմիություն։ Եվ Հայաստանի բնակչության 65 տոկոսը (եթե սխալ եմ ուղղեք) համաձայնվում է ոչ միայն դառնալ ԵԱՏՄ անդամ,այլև Ռուսաստանի երկրամաս։ Եթե կասկածում եք սույն դիագնոզին,կարող եք շրջել Հայաստանի մարզերում,քաղաքներում,ինչպես նաև մոնիտորինգ անել թե գերտերություններից և որ բևեռն է առավել ուժեղ հետաքրքրություն ցուցաբերել Հայաստանի նկատմամբ՝ ժողովրդական լեզվով ասած՝ վիզ դրել։ Ապրիլյան դեպքերի ժամանակ,երբ ափալ-թափալ ամբողջ հայությունը լցվեց Ստեփանակերտի հրապարակներ, սահմանում թուրքերին թողած՝ հայ -հայ իրար էին մոռթում,մինչդեռ գոյություն ունի պետության անվտանգությունը կազմակերպող մեկ մարմին՝ բանակ,որը և լավ վատ կատարաում էր իր վրա դրված պատրականությունը։ եվ այլն։ Ու այս ֆոնին առանց այն էլ տարին 200 բառ խոսող Սերժ Սարգսյանը ենթադրենք կանգնում է ու ասում՝ «սիրելի ժողովուրդ՝անշուշտ ձեր ընտրությունն էր միանալ Ռուասաստանին,որով որ դուք վերջ դրեցիք յաբախտի ձեռք բերած անկախությունը։ Սիրելի կամավորներ,անշուշտ,ստիպված եմ ձեզ գնդակահարել,որովհետև եթե հրաման չեմ տվել գնալ սահման,դուք այդ քանի գլուխ ունեք,գնանք առաջնագիծ ու մայմունություն անեք։ Սիրելի Պավլիկ, 2008 թվականին,երբ ընտրատեղամասում ինձ համար դոշ էիր տալիս ու մարդ ծեծում,անշուշտ այդ ժամանակ ես պետք է քեզ մեկուսացնեի ասպարեզից,որ այսօր վաղը դու հանձը չառնես առանց այն էլ երկու ոտքից հիվանդ պետությանը անդամահատելու «ծանրագույն» գործընթացը»։ Դեհ չի խոսում մարդը,լուռ վերցնում է դրանք իր վրա,խոսի ինչ անի,՞ Լինչի դատաստանի ենթարկեն՞։ Եվ հիմա,երբ Հայաստանում դեսպանների աննախադեպ ակտվիություն է նկատվում,ԱՄՆ դեսպանը սկսել է խոսել միլիարդների ներդրումների,այն էլ որտեղ՝ էներգետիկ ոլորտում, Եվրոմիության դեսպանը սկսել է խոսել Հայաստանի անկախությանը սպառնացող իրական պատվիրատուին փնտրել,Սարգսյանը նորից լռում է։ Լռում է,ոչ թե նրա համար որ ասելիք չկա,այլ նրա համար,որ ցավոք սրտի մեր երկրում այդպես է չձևավորվեց խոսելուց առաջ գոնե մեկ րոպե մտածելու ավանդույթը։ Փոխարենը մեծանում է Հայաստանի վրա կատարվող խաղադրույքը։ Ռազմավարական դաշնակցի աշխարհաքաղաքական հոգեվարքը 2018-ին մտնելու է ամփոփիչ փուլ,որից երևի թե կսկսվի անկախ Ռուսաստանի ամենամեծ դեպերսիան (ընտրությունները ֆիկտիվ բնույթ են կրում,ավելի շատ համակարգի ճգնաժամ)։ Դեռ պարզ չէ ԱՄՆ-ի մետեցումը տարածաշրջանում կատարվող իրադարձություններին, սակայն միլիարդավոր գումարների մասին են խոսում, Սվիտալսկին չեղած տեղից յոթ միլիոն է քերում Հայաստանի համար ու անկախ Վահրամ Բաղդասարյանի բլթոցներից հայտարարում, որ ամեն դեպքում քաղաքական համագործակցություն է ստորագրվելու... Անշուշտ լուրջ կորուստ է Աշոտյանը,ով այսպիսի հարցերում կարողանում էր գոնե չնեղացնել դեսպաններին,սակայն ամպլուայի փոփոխությանը այլընտրանք չկար,իսկ կադրային սովը ստիպում է մնալ բաղդասարյանների հույսին։ Սա իհարկե նոր ֆորս մաժոռի հավանակությունը ոչ միայն չի քչացնում,միգուցե ինչ-որ տեղ բարձրացնում է,բայց ցավոք սրտի այլ տրաբերակ էլ կարծես չի մնում։ Հ.Գ. Ժամանակին Վանո Սիրադեղյանը, արդեն հետախուզման մեջ գտնվելու տարիներին ՀԺ-ի լրագրողի հարցին,թե ինչու այնուամենայնիվ հենց իր հանդեպ հետապնդումներ սկսվեցին,պատասխանել էր՝ «է, հա բա ում հանդեպ սկսվեր»։ Նյութի աղբյուր՝ https://www.facebook.com/karen.hambardzumyan.3910/posts/262547627485637

    Կարդալ ավելին