Գովազդի համար զանգահարել 099 999 409
  • Արմեն Աշոտյան
  • Մենք մի թիմ ենք Հայաստանի բոլոր քաղաքացիների հետ միասին, մենք հավատում ենք մեր ուժերին և ուզում ենք արժանապատվորեն ապրել ազատ և բարեկեցիկ երկրում: Ուզում ենք, որ յուրաքանչյուրն արդար աշխատանքով կարողանա ապահովել իր ընտանիքի բարեկեցությունը, մեծացնի և լավ կրթություն տա իր երեխաներին, թոշակային տարիքում չվախենա աղքատությունից, ապրի անվտանգ միջավայրում: Մենք վստահ ենք, որ այս նպատակին կարող ենք հասնել, երբ Հայաստանի հասարակությունը լիարժեք իրագործի ազատության և ժողովրդավարության սկզբունքները, երբ մեզանում որոշիչ դառնան հարգանքը յուրաքանչյուր մարդու հանդեպ, իրավունքների և հնարավորությունների հավասարությունը, օրինականությունը, պատասխանատվությունը և համերաշխությունը: Այս սկզբունքների վրա կառուցված պետությունները բարեկեցիկ են և ուժեղ, և այսպիսին էլ պետք է լինենք մենք: Ապրիլի 2-ը բոլորիս դեպի անվտանգություն և առաջնթաց տանող կարևոր օր է: Հավատ, աշխատասիրություն և համբերություն. սա է մեր հասարակության, երկրի և յուրաքանչյուրիս հաջողության գրավականը: Մենք վստահ ենք, որ մեր յուրաքանչյուր քաղաքացի սեփական աշխատանքով կապահովի իր ընտանիքի արժանապատիվ կյանքը և ապագան սեփական երկրում: Անգամ փոքր Հայաստանը կարող է մեծ հնարավորություններ ստեղծել յուրաքանչյուր քաղաքացու համար: Ապրիլի 2-ին ստանալով ձեր աջակցությունը, ձեր ձայները՝ մենք կբացենք մեր նորագույն պատմության նոր էջը: #LoveArmenia #ՀՀԿ2017 Նյութի աղբյուր` https://www.facebook.com/armen.ashotyan/posts/10212009679815453 ...

    Կարդալ ավելին
  • Եվրոպական ժողովրդական կուսակցության համագումարին ԵԺԿ նախագահ Ժոզեֆ Դոլը կրկին հաջողություն մաղթեց գալիք ընտրություններին ԵԺԿ անդամ կուսակցություններին Հայաստանում, Ֆրանսիայում, Գերմանիայում, Չեխիայում և այլն։ Հիշեցնեմ, որ Հայաստանից միայն Հանրապետականն է մասնակցում ԵԺԿ համագումարին, և ՀՀԿ-ն է ստացել ԵԺԿ քաղաքական աջակցությունը ընտրություններին ընդառաջ։ #EPP #LOVEARMENIA Նյութի աղբյուր՝ https://www.facebook.com/armen.ashotyan/posts/10211998813463801 ...

    Կարդալ ավելին
  • Եվրոպական գրեթե բոլոր երկրներում քաղաքական համակարգի հիմքերը քայքայող երկու երևույթ է գլուխ բարձրացնում` պոպուլիզմն ու ծայրահեղականությունը։ Այսօր գրեթե բոլոր եվրոպական առաջնորդներն իրենց խոսքում նշում էին, որ մարդկանց առօրյա խնդիրների, մտահոգություննների և հոգսերի շահարկումները, բարդ իրավիճակներին պարզունակ լուծումներ քարոզելը, անհանդուրժողականությունը վտանգում են ժողովրդավարության գոյությունը, ներառականությունն ու համերաշխությունը։ Եվ եթե այս վտանգները սպառնում են կայացած եվրոպական հասարակություններին, ապա կարող ենք պատկերացնել, թե ինչ սպառնալիք է դա նոր֊նոր ամրապնդվող հայկական ժողովրդավարության համար։ Նյութի աղբյուր՝ https://www.facebook.com/armen.ashotyan/posts/10211993474890340 ...

    Կարդալ ավելին
  • Սահմանադրական փոփոխությունների լավագույն դատավորը ժամանակն է, և ժամանակը ցույց կտա, թե ով է ճիշտ, ով է սխալ: Այս պահին այդ բանավեճի լավագույն դատավորը միջազգային փորձն է ու մեր նախկին կառավարման ձևը ունեցող երկրներում տիրող ոչ այնքան նախանձելի իրավիճակը: Իսկ ըստ միջազգային փորձի պառլամենտական երկրները շատ ավելի զարգացած են, պառլամենտական երկրները շատ ավելի ժողովրդավար են, պառլամենտական երկրները շատ ավելի ազատ են և վերջապես պառլամենտական երկրներում այդ ամբողջի արդյունքում մարդիկ ավելի լավ են ապրում: Բազմիցս է նշվել, որ պետության քաղաքական կայունության գրավականը քաղաքական կուսակցությունների դերի բարձրացումն: Պառլամենտական կառավարման ձևն ու համամասնական ընտրակարգը այդ նպատակին ծառայող լավագույն միջոցներն են: Հեռու ենք այն մտքից, որ կայունությունը ու քաղաքական պայքարը հանրապետական նշանակության մի քանի քաղաքական գործիչների առկայությունն է ու նրանց անձնական վարկանիշի արդյունքում իր հետ խորհրդարանում հայտնված ու գարնանային ձյան պես հալվող ու վերացող խմբակցությունները: Հեռու ենք նաև այն մտքից, որ քաղաքական կայունությունը քաղաքական հենարան չունեցող անհատների պայքար է:  Քաղաքական կայունությունը քաղաքական ուժերի ու դրանք կյանքի կոչող, ընտրողի կողքին կանգնած, ընտրողի կողմից ճանաչված մարդկանց պայքարի արդյունքում ձևավորված քաղաքական մեծամասնությունն է: Միջկուսակցական պայքարը չի կարող լինել օդում, կուսակցությունների գաղափարներ կրողները մարդիկ են, ու այդ պայքարը այդ գաղափարները կրող մարդկանց պայքար է նաև, ու ոչ միայն, համապետական մակարդակում, այլ ամեն մի շրջանում, գյուղում: Զոռբաների ու զոռբայության ժամանակները, վստահ եմ, անցյալում են: Իշխանություն ունենալով հարստանալու ժամանակները անցյալում են: Իշխանություն ունենալով բոլորից վեր դասվելու ժամանակները անցյալում են: Հուսանք, մի օր չարախնդությունն էլ կլինի անցյալում: Հուսանք, մի օր սեփական անձից դուրս երկիր, հայրենիք, ազգ, միասնություն չտեսնելն էլ կլինի անցյալում: #LoveArmenia #ՀՀԿ2017 Նյութի աղբյուր՝ https://www.facebook.com/armen.ashotyan/posts/10211759562642680 ...

    Կարդալ ավելին
  • ԱՄՆ վերջին նախագահական ընտրություններն աննախադեպ էին աստղերի և հայտնիների ներգրավման տեսակետից: Ուստի մեր տեսահոլովակի հարգարժան լիբերալ քննադատները թող իմանան, որ դա նույնպես մարդու իրավունք է և քաղաքական պայքարի դրսևորում, որ իրենք պարտավոր են հարգել: Պարզապես հիշեցում՝ Թրամփին աջակցություն հայտնած աստղերը Kanye West Clint Eastwood Charlie Sheen Mike Tyson Kid Rock և այլն   Քլինթոնին աջակցություն հայտնած աստղերը Madonna Beyonce Meryl Streep Lady Gaga George Cloney Robert De Niro և այլն Նյութի աղբյուր՝ https://www.facebook.com/armen.ashotyan/posts/10211756013473953 ...

    Կարդալ ավելին
  • 8 ցանկություն քարոզարշավի պաշտոնական մեկնարկից առաջ Ուզում եմ, որ գալիք ամիսը մենք ներկայացնենք, խոսենք, բանավիճենք Հայաստանի ապագայի մասին: Ուզում եմ լսել բովանդակային և պրոֆեսիոնալ քննարկումներ: Ուզում եմ տեսնել փոխադարձ հարգանք, բարեկրթություն և ինտելեկտ: Ուզում եմ չլինի սուտը, կեղծիքը, զրպարտությունը, չարությունն ու խարդավանքը: Ուզում եմ, որ մեր քաղաքացիները կատարեն իրենց ընտրությունը գիտակցված, հավատալով, որ իրենց ձայնը լսելի է և որոշիչ: Ուզում եմ, որ մեր ներքին տարաձայնություններով հանդերձ՝ համախմված և համերաշխ մնանք արտաքին սպառնալիքների հանդեպ: Ուզում եմ, որ ապրիլի երկուսը լինի մեր պետականության ամրապնդման օրերից մեկը, հիշելով, թե ինչպես անցյալ տարի իրենց կյանքի և արյան գնով պատշպանեցին Հայաստանի և Արցախի գոյությունը մեր տղաները: Ուզում եմ հաջողություն եմ մաղթել բոլոր քաղաքական ուժերին: Նյութի աղբյուր` https://www.facebook.com/armen.ashotyan/posts/10211740554127479 ...

    Կարդալ ավելին
  • Մոտենում է քարոզարշավի պաշտոնական մեկնարկը։ Ընտրություններին մասնակցող քաղաքական ուժերը ի մի են բերում իրենց ասելիքն ու անելիքը։  Հրաշալի կլինի, եթե նոր Սահմանադրության և նոր խորհրդարանի առիթով փորձենք բոլորս միասին ձևավորել նաև նոր քաղաքական մշակույթ` առանց ընդդիմախոսներին սևացնելու, պիտակավորելու, վիրավորելու և փուռը տալու։  Տեղ թողնենք ապրիլի 2-ից միևնույն գործին լծվելու, միասին աշխատելու և պարզապես բարեկիրթ և շիտակ շփվելու համար։ Նյութի աղբյուր՝ https://www.facebook.com/photo.php?fbid=10211658602038728&set=a.3286878488944.2156633 ...

    Կարդալ ավելին
  • Անցել-գնացել է արդեն, բայց կարծում եմ, որ եթե ԺԱՌԱՆԳՈՒԹՅՈՒՆ-ը նորից հավաքեր 2007-2012 թթ. իր երբեմնի dream-team-ը, առանձին մասնակցեր ընտրություններին, ապա 5%-ը վստահաբար կհաղթահարեր... Հ.Գ. Իհարկե, պլյուս Թևանը Պողոսյան: Նյութի աղբյուր՝ https://www.facebook.com/armen.ashotyan/posts/10211634834844563 ...

    Կարդալ ավելին
  • Եթե ամփոփեմ որոշ մասնավոր բուհերի ռեկտորների "բացատրությունները", թե ինչու են կեղծ դիպլոմներ վաճառվում, ստացվում է հետևյալը՝ Ժամանակին խստացրել են կանոնները, հսկողություն են սահմանել, որոշները մրցակցությանը չեն դիմացել, ընդունվողների թիվը կտրուկ պակասել է, դե, մի ձև պիտի գոյատևեին, դիպլոմ են ծախել, որ "դրած գործը" չփակվի: Ու մեղավորը, փաստորեն, խստացնողն ու կրթության որակի համար կռիվ տվողն էր: Հ.Գ. Հայաստանում մասնավոր բուհերը չեն զարգանա այնքան ժամանակ, քանի դեռ շահույթ հետապնդող, առևտրային կազմակերպություններ են... Նյութի աղբյուր` https://www.facebook.com/armen.ashotyan/posts/10211320700991413 ...

    Կարդալ ավելին
  • Հանրապետականի վրա տեղեկատվական հարձակման նոր փորձ է արվում բոլոր ուղղություններով: Ձեռագիրը՝ ծանոթ, ձանձրալի և պարզունակ: Ապատեղեկատվությունների հիմնական թիրախներն են՝ 1. Վարչապետը, որին փորձում են հակադրել հանրապետական այլ գործիչներին; 2. Ազգային Ժողովի հնարավոր վերադասավորումների համատեքստում՝ Գալուստ Սահակյանը, Էդուարդ Շարմազանովը, Դավիթ Հարությունյանն ու ես: 3. ՀՀԿ կանանց կազմակերպության ղեկավարությունը՝ "առաջին կին" վիրտուալ փառասիրական սյուժեի ներքո: 4. Միևնույն տարածքում առաջադրվող ՀՀԿ հիմնական ռեյտինգային թեկնածուները: Նպատակները պարզ են՝ անվստահություն, ջլատում, պառակտում, ամբիցիաներ և այլն: Ստացվելո՞ւ է՝ ՈՉ: Քանզի այդ տեղեկատվական կտերը բացի իրենց հեղինակներից ուրիշ ոչ մեկ չի ուտում: Կհանդիպենք ընտրարշավին  Նյութի աղբյուր` https://www.facebook.com/armen.ashotyan/posts/10211303228114602 ...

    Կարդալ ավելին
Загрузка...

ՖԲՀ

Քաղաքականություն

  • /uploads/photos/bG5EiWZPvdLIp3DCH1Wd.jpg

    ԵԽԽՎ տխրահռչակ կաշառակեր նախագահ Պեդրո Ագրամունտը,ով իր պաշտոնական դիրքից օգտվելով բավական հարստացել է նավթախավիարային կապերի մեջ մտնելով ապշերոնյան բռնապետի վարչակարգի հետ և չի ցանկանում Սիրիա մեկնելուց և խայտառակվելուց հետո հրաժարական տալ ԵԽԽՎ նախագահի պաշտոնից սկսել է "մեղավորների" անուներ տալ,թե ովքեր են կանգնած իր անվան շուրջ վերջին օրերին կապված սկանդալի հետևում... Ագրամունտի մամլո խոսնակը իսպխանական El Confidencial-ին տված հարցազրույցում Ագրամունտի դժբախտությունների մեջ մեղադրել է հայտնի ֆինանսիստ Ջորջ Սորոսին և նրա կողմից հովանավորվող հիմնադրամներին,ինչպես նաև Հայաստանին...Պարզվում է,որ անմեղ Ագրամունտին չար ռուսները խաբեությամբ տարել էին Սիրիա,նրա կամքին հակառակ պարտադրել էին հանդիպել եվրոպացիների համար բռնապետ համարվող այդ երկրի նախագահ Բաշար Ասադին,ժպիտը դեմքին նկարահանվել նրա հետ,իսկ այդ ամենի մասին տեղեկություններն էլ տրամադրել Ագրամունտի թշնամի Սորոսին,ով գիշեր ցերեկ նստած մտածում է,թե ինչպես զրկի Պեդրոին ԵԽԽՎ նախագահի պաշտոնից... Հայաստանն էլ մեղավոր է այնքանով,որ դեռ 2013 թ-ի հունվարին European Stability Initiative (ESI) անկախ եվրոպական վերլուծական կենտրոնի հրապարակած խայտառակ բացահայտումների մեջ՝ կապված ԵԽԽՎ շրջանակներում Ագրամունտի և Ադրբեջանի իշխանությունների միջև համագործակցության,որի արդյունքում Ադրբեջանում մարդու իրավունքների ոտնահարման մասին զեկույց պատրաստող Ագրամունտն ամեն ինչ արել էր,որ այդ զեկույցում Ալիևի հասցեին ոչ մի քննադատություն չհնչի...Իսկ հետագայում Ագրամունտ -Ալիև նավթախավիարային գործարքներն էլ ավելի մասշտաբային բնույթ ստացան,որի կիզակետում վերջին տարվա մեջ Ագրամունտ,բրիտանացի պատգամավոր Ռոբերտ Ուոլթեր և բոսնիացի պատգամավոր Միլիցա Մարկովիչ եռյակն էր... Պարզվում է,որ եթե Ագրամունտը և նրա նման ոչ պակաս "ագրամունտները" կաշառք են վերցնում Ալիևից,որը հետագայում բացահայտվում է,ապա մեղավորը ոչ թե կաշառակերն է,այլ՝բացահատյողը և այդ մասին բարձրաձայնողը...Վերջին պարագայում՝դա Հայաստանն է... Այս ամենը սպասելի էր...Ագրամունտի շուրջ բարձրացված սկանդալից ժամեր անց նրա "համադասարանցի" որոշ կաշառակերներ իրենց հարցազրույցներում ակնարկում էին,թե ով կամ ովքեր են մեղավոր Ագրամունտի շուրջ ստեղծված իրավիճակի համար... Իսկ ապրիլի 27-ին կայքին հարցազրույց տված Ագրամունտի մտերիմ ընկեր,ԵԽԽՎ-ում Իսպանիան ներկայացնող պատգամավոր Ժորդի Շուկլուն,ում անունը ևս կա ESI-ի Ալիև-ԵԽԽՎ պատգամավորներ նավթախավիարային գործարքների բացահայտումների մեջ ևս փորձել էր հայերին մեղադրել այս ամենի մեջ... Հատկանաշական է,որ Ագրամունտի մամլո խոսնակը իր հարցազրույցում նաև մեղադրել է ուկրաինացի պատգամավորներին հակաագրամունտյան դիրքորոշման համար...Բայց չգիտես ինչու մոռացել է նշել վրացիներին,որոնք ևս բավական ակտիվ պահանջում են Ագրամունտի հրաժարականը... Իմ կողմից ավելացնեմ,որ եթե կաշառակեր և հակահայ գործունեություն ծավալող Ագրամունտի մամլո խոսնակը հայերին է մեղադրում այս ամենում,ապա ես շատ ուրախ եմ...Հայաստանը "ագրամունտահարեց" ԵԽԽՎ-ի Բաքվի գրպանում գտնվող նախագահին... Հ.Գ.Ագրամունտի մամլո խոսնակը մեղադրելով Սորոսին,հայերին և այլոք Ագրամունտի դեմ արշավի համար,չգիտես ինչու չի նշում,որ երեկ ԵԽԽՎ-ում տեղի ունեցած Ագրամունտի "իմպիչմենտի" քվեարկության ժամանակ Ագրամունտին կողմ են քվեարկել ընդամենը 3 պատգամավոր՝2 իսպանացի և 1 ազերի թուրք...

    Կարդալ ավելին