• FBH
  • «Զինուժ» մեդիան տեսանյութ է պատրաստել, որում ներկայացնում է ներկայացնում է հայկական զինված ուժերի սպառազինության ամենահզոր հրթիռային համակարգերը, որոնք ի զորու են մի քանի մետրի ճշգրտությամբ մոխրակույտի վերածել հսկայական տարածքներ` մի քանի հարյուր կիլոմետր հեռավորության վրա: Տեսանյութում ներկայացվում են «Իսկանդեր», «Սկադ» հրթիռային համակարգերը: ...

    Կարդալ ավելին
  • Հայաստանի Հանրապետության պաշտպանության նախարարության մամուլի խոսնակ Արծրուն Հովհաննիսյանը «Ֆեյսբուք»-ի իր էջում անդրադարձել է Հայաստանի զինված ուժերին տրամադրվող նոր ներքնազգեստին և զորամասերի լվացքատներին: Արծրուն Հովհաննիսյանը հրապարակել է զինված ուժերին տրամադրվող նոր ներքնազգեստի լուսանկարները և գրել, որ նոր ներքնազգեստները որակապես էականորեն տարբերվում են նախորդից: «Զորքերում ստանում են այս նոր ներքնազգեստը։ Այն որակապես էականորեն տարբերվում է նախորդից։ Զորամասերում ստեղծվում են այսպիսի լվացքատներ, որտեղ զորքը կարողանա լվացք անել։ Անհատական ցանցերով պարկը այն բանի համար է, որ ամեն մեկը իր շորերը լվա ու չխառնի ուրիշի հետ»,-նշված է Հովհաննիսյանի գրառման մեջ։ Արծրուն Հովհաննիսյանը լուսանկարներ է հրապարակել նաև զորամասերի լվացքատներից: ...

    Կարդալ ավելին
  • Panorama.am-ի զրուցակիցը Արցախի Հանրապետության նախագահի խորհրդական Տիգրան Աբրահամյանն է: Հարց-Պարոն Աբրահամյան, ԵԱՀԿ ՄԽ համանախագահները հանդես են եկել հայտարարությամբ։ Նրանք հույս են հայտնել, որ Հայաստանի և Ադրբեջանի առաջնորդների միջև ինտենսիվ, արդյունքների ուղղված, բարձր մակարդակի երկխոսությունը կնպաստի մոտ ապագայում հակամարտության արդարացի և հարատև կարգավորմանը: Ավելին՝ կոչ են արել կողմերին ժողովուրդներին պատրաստել խաղաղության: Արդյոք բանակցություններում նո՞ր շունչ եք նկատում, նոր գործընթացնե՞ր կան: Պատասխան-Ժողովուրդներին խաղաղության, այլ ոչ թե պատերազմի նախապատրաստելու մասին համանախագահները առաջին անգամ չեն հնչեցնում: Համանախագահ երկրների ղեկավարների՝ ամենամյա համատեղ հայտարարությունում մշտապես դրա մասին կոչեր հնչեցվել են: Ադրբեջանում պետական մակարդակով հասարակության մեջ թշնամություն սերմանելու մշտական պրոցես է, իսկ այդ պարագայում խոսել խաղաղության մասին, ուղղակի անհնար է: Դա է պատճառը, որ միջնորդների կողմից այս ուղերձը մշտապես հնչեցվում է: Ինչ վերաբերվում է հայտարարության՝ «մոտ ապագայում հակամարտության արդարացի և հարատև կարգավորում» ձևակերպմանը, ապա մի փոքր անհասկանալի է, թե առկա  իրավիճակում ինչն է համանախագահների դրդել նման լավատեսական մեկնաբանությունների: Հարց-Տեղեկատվություն հնչեց, որ Հայաստանի ու Ադրբեջանի ԱԳ նախարարները բավականին երկար խոսել են, բանակցել: Պատասխան-Անկեղծ ասած մանրամասների չեմ տիրապետում, ես մեկնաբանում են այն, ինչն իմ իրավասությունների շրջանակներում է: Ամեն դեպքում Արցախում բանակցությունների նոր շունչ չեն նկատում, նոր գործընթացներ տեսանելի չեն: Հարց-Գանք ներհայաստանյան իրադարձություններին: Հետևո՞ւմ եք քարոզարշավի ընթացքին, ինչպե՞ս եք գնահատում: Պատասխան-Քարոզարշավին գրեթե չեմ հետևում, մի փոքր աչքի եմ անցկացրել քարոզարշավին մասնակցող քաղաքական ուժերի նախընտրական ծրագրերի՝ զինված ուժերին վերաբերող դրույթները: Շարունակությունն՝ այստեղ ...

    Կարդալ ավելին
  • Արցախի Հանրապետության Նախագահ Բակո Սահակյանը դեկտեմբերի 5-ին ցավակցական հեռագիր է հղել ՀՀ ԶՈՒ ռազմական ինքնաթիռի վթարի հետեւանքով զոհված օդաչուների ընտանիքներին: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ, հեռագրում ասված է. «Արցախի ողջ բնակչությունը խոր ցավով ու կսկիծով տեղեկացավ Հայաստանի Հանրապետության զինուժի օդաչուներ Արմեն Բաբայանի եւ Մովսես Մանուկյանի ողբերգական մահվան մասին: Նրանք երկուսն էլ եղել են բարձր կարգի օդաչուներ՝ օժտված մեծ հայրենասիրությամբ ու քաղաքացիական բարձր գիտակցությամբ: Հայրենիքի նվիրյալ զավակների պայծառ հիշատակը միշտ վառ կմնա մեր հիշողության մեջ: Արցախի ժողովրդի, իշխանությունների եւ անձամբ իմ անունից ցավակցություն ու զորակցություն եմ հայտնում անդառնալի կորստի կապակցությամբ եւ մաղթում տոկունություն ու ոգու կորով»: ...

    Կարդալ ավելին
  • ՀՀ զինված ուժերի ՍՈՒ-25 մարտական ինքնաթիռի վթարի վայրը հայտնաբերվել է. այն Մարալիկի տարածաշրջանում է, լեռներում։ Մահացած օդաչուներն են փոխգնդապետ Արմեն Բաբայանն ու մայոր Մովսես Մանուկյանը։ Այս մասին ֆեյսբուքի իր էջում գրել է ՀՀ ՊՆ մամուլի քարտուղար Արծրուն Հովհաննիսյանը: Հիշեցնենք,  որ  դեկտեմբերի 4-ին, ժամը 10.20-ի սահմաններում, կորել է կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ:Ինքնաթիռը թռիչքային երթուղի էր դուրս եկել ժամը 10.06-ին` Գյումրիի օդանավակայանից: ...

    Կարդալ ավելին
  • Թբիլիսիում դեկտեմբերի 2-ին զանգվածային բողոքի ակցիա է անցկացվում՝ ընդդեմ նոյեմբերի 28-ին կայացած նախագահական ընտրությունների արդյունքների: Հազարավոր մարդիկ են հավաքվել Ռուսթավելի պողոտայում՝ խորհրդարանի շենքի առաջ: Ցույցը կազմակերպել են «Ուժը միասնության մեջ է» ընդդիմադիր միավորման ներկայացուցիչները, որոնք հրաժարվում են ընդունել Սալոմե Զուրաբիշվիլիի հաղթանակը և պահանջում են արտահերթ խորհրդարանական ընտրություններ անցկացնել:   Ոստիկանությունն արգելափակել է մեքենաների երթևեկությունը Ռուսթավելի պողոտայում: Խորհրդարանի շենքի առաջ բեմ, էկրան և ձայնի ուժեղացուցիչներ են տեղակայվել: Ցույցի անցկացման մասին օրեր առաջ հայտարարել էր նախագահական ընտրություններում Զուրաբիշվիլիի մրցակից Գրիգոլ Վաշաձեն, որի թեկնածությունն առաջադրել էր Միխեիլ Սաակաշվիլիի «Միասնական ազգային շարժում» կուսակցությունը: Հիշեցնենք, որ Զուրաբիշվիլիի երդմնակալության արարողությունը կկայանա դեկտեմբերի 16-ին: ...

    Կարդալ ավելին
  • Վերջերս համացանցում տեսել եմ Արցախի նախկին վարչապետ Արայիկ Հարությունյանի մասին մի հոդված, որտեղ գրված էր, որ Սիրիայից 40 միլիոն դրամ արժողությամբ պետական պատվերով թթենու տնկիների ներկրման ծրագիրն իբր թե տապալված է, և դա կապված է Արայիկ Հարությունյանի անվան հետ: Իմ պարտքն եմ համարում պարզաբանումներ տալ այս թեմայի մասին: Այս մասին «Արցախպրես»-ի թղթակցի հետ զրույցում ասել է Սիրիայից մշտական բնակության նպատակով Արցախ տեղափոխված Հովիկ Ասմարյանը՝ մանրամասնելով, որ 2015 թվականին իր հարազատ եղբոր՝ Վրեժ Ասմարյանի հետ առաջարկել են ԱՀ կառավարությանը մեծ քանակությամբ տնկիներ բերել Արցախ, և այն ընդունվել է: «Ըստ պայմանագրի՝ տնկիները պետք է բերեինք 2016 թվականի սկզբին: Դուք բոլորդ հիշում եք, թե ինչ ծանր իրավիճակ էր Սիրիայում, բայց մենք մեր խոստման տերը եղանք, և ինքս մեծ դժվարություններով հասա Սիրիա: Մի քանի տնկարաններում պատվիրած տնկիները բազմաթիվ խոչընդոտներ հաղթահարելով 2016 թվականի փետրվարին հասցրեցինք Արցախ: Ինչպես բոլոր բիզնես ծրագրերում, մեր այդ գործում ևս եղան թերություններ, և տնկիների մի մասը չհապատասխանեց պայմանագրով նշված պայմաններին: Բայց մենք գումարը չվատնեցինք և արդեն պատրաստում ենք 5000 տնկի՝ Արցախի կառավարությանն անվճար տրամադրելու նպատակով: Այս ծրագիրը տապալված չէ, և կառավարությունը հետևողական էր այդ հարցում: Խնդրում ենք էժանագին շահարկումներ չանել ծրագրի մասին և հատկապես չկապել այն Արայիկ Հարությունյանի անվան հետ: Հանուն արդարության պետք է նշեմ, որ որևէ քաղաքական ուժի չեմ հարում և կուսակցական չեմ»,- մասնավորապես ասել է Հ. Ասմարյանը: Նա նշել է նաև, որ մինչ այս պատվերը իրենք արդեն 600 հազար դոլարի ներդրում էին կատարել Արցախում, ունեն գյուղտեխնիկա, բերել են տարբեր նոր տեսակի տնկիներ, որոնց մի մասը փորձարկած են, և կորուստ չեն տվել: «Ծրագրի մեծ մասը հաջողված է, և ովքեր ցանկանան, հրավիրում ենք Ասկերանի շրջանի Բերքաձոր համայնքում գտնվող մեր այգին ու ջերմոցները սեփական աչքերով տեսնելու: Մենք որևէ գումար չենք տանում Արցախից, այլ միայն ներդրում ենք կատարում և շարունակում մեր ծրագիրը նաև այսօր»,- ասել է Հ. Ասմարյանը և տեղեկացրել, որ ինքը ներկայումս գործնական հարցերով ժամանակավորապես գտնվում է Սիրիայում, իսկ եղբայրը ընտանիքի հետ Արցախում շարունակում է իրենց աշխատանքը: ...

    Կարդալ ավելին
  • Մարդու իրավունքների պաշտպան Արտակ Բեգլարյանը շնորհավորում է բոլոր հաշմանդամություն ունեցող անձանց իրենց միջազգային օրվա առթիվ՝ ընդգծելով նրանց իրավունքների պաշտպանության հանդեպ իր հատուկ ուշադրությունը: Այս մասին տեղեկացրին ԱՀ Մարդու իրավունքների պաշտպանի աշխատակազմից՝ ունենալով հետպատերազմյան հասարակություն և բնակչության շուրջ 6 տոկոսի հասնող հաշմանդամություն ունեցող անձանց քանակ (մոտ 8,900 անձ)՝ Արցախում առաջնահերթ կարևորություն ունի սոցիալական տվյալ խմբի իրավունքների պաշտպանությունը: Առ այսօր զգալի աշխատանք է տարվել նրանց հատկապես առողջապահության ու սոցիալական ապահովվածության ուղղությամբ, սակայն դեռևս նշանակալի անելիքներ կան բոլոր իրավունքների պաշտպանության հարցում: Հասարակությունում գոյություն ունեցող կարծրատիպերը, ֆիզիկական միջավայրի մատչելիության ցածր մակարդակը, օրենսդրական թերի կարգավորումներն ու իրավակիրառ պրակտիկան, ինչպես նաև ֆինանսական սուղ միջոցները որոշակի խոչընդոտներ են ստեղծում հաշմանդամություն ունեցող անձանց կողմից իրենց իրավունքների ինքնուրույն իրացման համար: Մարդու իրավունքների պաշտպանը հայտնում է իր մտադրությունը համապարփակ կերպով ուսումնասիրել հանրապետությունում հաշմանդամություն ունեցող անձանց իրավունքների պաշտպանության իրավիճակն ու խնդիրները, որպեսզի հնարավոր լինի պետական լիազոր մարմիններին և քաղաքացիական հասարակությանն աջակցել վերհանված խնդիրների համակարգային լուծման հարցում: Այդ ճանապարհին Մարդու իրավունքների պաշտպանը հանձնառություն է ստանձնում իր նպաստը բերել Արցախում միջազգային խրախուսելի չափանիշների ներդրման գործին: Այդ առումով Պաշտպանն ընդգծում է նախևառաջ Հաշմանդամություն ունեցող անձանց իրավունքների մասին ՄԱԿ-ի կոնվենցիային Արցախի Հանրապետության միանալու անհրաժեշտությունը, ինչը բարենպաստ իրավական և մեթոդական հենք կապահովի ոլորտում իրականացվելիք հետագա բարեփոխումների համար: Կոնվենցիային միանալը նաև հնարավորություն կտա Պաշտպանի հաստատությանը ձեռք բերել հաշմանդամություն ունեցող անձանց նկատմամբ խտրական վերաբերմունքի բացառման, աշխատանքի, առողջապահության, կրթության, հասարակության կյանքին լիարժեք մասնակցության, արդարադատության մատչելիության, անձնական անձեռնմխելիության, ազատ տեղաշարժի, անհատական շարժունակության և այլ իրավունքների հավասար և ինքնուրույն իրացման ապահովման նկատմամբ մշտադիտարկում իրականացնելու լիազորություն ունեցող ազգային մեխանիզմի կարգավիճակ: ...

    Կարդալ ավելին
  • ՈւԵՖԱ-ի Գործադիր կոմիտեն հաստատել է 2021-2024թթ. ցիկլում նոր ակումբայի մրցաշար անցկացնելու մասին, փոխանցում է ՈւԵՖԱ-ի կայքը: UEL2 անվանումը ստացած նոր մրցաշարը կանցկացվի Չեմպիոնների լիգայի ու Եվրոպայի լիգայի ձեւաչափով: Խմբային փուլում հանդես կգան 32 թիմեր, այնուհետեւ պայքարը կշարունակվի փլեյ-օֆֆում: 1/8 եզրափակիչից առաջ կանցկացվի փլեյ-օֆֆի նախնական ռաունդ, որտեղ կհանդիպեն խմբերում երկրորդ տեղ գրաված թիմերն ու Եվրոպայի լիգայի խմբային փուլում երրորդ տեղ զբաղեցնողները: Նոր մրցաշարում կանցկացվեն 141 հանդիպումներ 15 խաղային օրվա ընթացքում: UEL2-ի հաղթողը կնվաճի Երվոպայի լիգայի ուղեգիր: Խաղերը կանցկացվեն հինգշաբթի օրը: Նոր մրցաշարը երախշավորում է, որ խմբային փուլում հանդես կգան նվազագույնը 34 ասոցիացիաներ (այժմ այդ թիվը 26 է): 2021-2024-ին Եվրոպայի լիգայի ձեւաչափը կհարմարեցվի նոր մրցաշարին: ...

    Կարդալ ավելին
  • Արցախի Հանրապետության Նախագահ Բակո Սահակյանը դեկտեմբերի 3-ին ընդունել է Հայաստանի Հանրապետության գյուղատնտեսության նախարարի պաշտոնակատար Գեղամ Գեւորգյանին: Ինչպես հաղորդում են Արցախի Հանրապետության նախագահի տեղեկատվության գլխավոր վարչությունից՝ հանդիպմանը, որին մասնակցում էր Արցախի Հանրապետության գյուղատնտեսության նախարար Ժիրայր Միրզոյանը, քննարկվել են գյուղատնտեսության ոլորտում հայկական երկու պետությունների փոխգործակցությանը վերաբերող մի շարք հարցեր: ...

    Կարդալ ավելին

ՖԲՀ

Քաղաքականություն