• FBH
  • ԱՀ ՊՆ մամուլի ծառայության փոխանցմամբ՝ ռազմական  խորհրդի նիստին ներկա էին բանակի հրամանատարի տեղակալները, շտաբի բաժինների և ծառայությունների պետերը, միավորումների, զորամասերի և գումարտակների հրամկազմը, զինկոմիսարիատների և ռազմաիրավապահ մարմինների ներկայացուցիչներ: Հրապարակելով նիստի աշխատակարգը ԱՀ ՊՆ, ՊԲ հրամանատար, գեներալ-մայոր Կարեն Աբրահամյանը  կարևորել է բոլոր ելույթները, նշելով, որ առաջիկա մեր բոլոր ձեռքբերումները կախված կլինեն նաև այն հանգամանքից, թե ինչ հետևություններ կարվեն նախորդ տարվա արդյունքներից և ըստ այդմ՝ ինչպիսի հերթականությամբ կպլանավորվեն նոր բանակային տարվա առաջնահերթությունները: Բանակի հրամանատարի ներածական խոսքին հաջորդել են օրակարգային ելույթները: ՊԲ-ի 2018 թվականի ուսումնական տարվա մարտական ու զորահավաքային պատրաստականության, մարտական հերթապահության, օպերատիվ և շտաբների պատրաստության, հետախուզության, կապի, ռադիոէլեկտրոնային պայքարի կազմակերպման, զորքերի ծառայության և ինժեներական աշխատանքների վիճակի մասին համապարփակ ելույթով, հանդես է եկել բանակի հրամանատարի 1-ին տեղակալ-շտաբի պետ, գնդապետ Ջալալ Հարությունյանը: Այնուհետև ըստ ուղղությունների և առանձին ոլորտների  վերլուծական ելույթներ են ունեցել բանակի հրամանատարի տեղակալները` անդրադարձ կատարելով հաշվետու ժամանակահատվածում մարտական պատրաստության վիճակին, գաղափարադաստիարակչական և հասարակական-պետական պատրաստության, զինվորական կարգապահության ու բարոյահոգեբանական ապահովման հարցերին, սպառազինության և ռազմական տեխնիկայի պահպանման, թիկունքային ապահովման և հարակից այլ ուղղությունների: Բանախոսները ընդգծել են, որ չնայած նշված բնագավառներում ակնհայտ են դրական զարգացումներն ու արձանագրված հաջողությունները, սակայն առկա են նաև մի շարք ոլորտներ, որոնք պահանջում են առավել համակարգված ու հետևողական աշխատանքներ: Բանակային 2018 թվականը ամփոփել ու ընթացիկ տարվա խնդիրներին անդրադարձել է հանրապետության պաշտպանական գերատեսչության ղեկավարը: Կարեն Աբրահամյանը մասնավորապես նշել է, որ 2019 թվականի ընթացքում բանակի հրամանատարության ուշադրության կենտրոնում են լինելու պետական սահմանի պահպանության, ղեկավարման համակարգի հետագա զարգացման, շտաբների պատրաստության և փոխգործակցության մակարդակի բարձրացման, անձնակազմի հետ տարվող աշխատանքների, սպառազինության ու թիկունքային ապահովման հետ առնչվող խնդիրների համալիրը: Այնուհետև ելույթ է ունեցել ԱՀ նախագահը: Բակո Սահակյանը բավարար գնահատելով 2018 թվականի ընթացքում արձանագրված հիմնական ցուցանիշները, հավաստիացրել է, որ պետությունը այսուհետ ևս կշարունակի իր հետևողական ուշադրության կենտրոնում պահել ՊԲ-ի մարտական հնարավորությունների կատարելագործմանն ու զինծառայողների սոցիալ-կենցաղային ապահովվածությանը վերաբերող հարցերը: Ռազմական խորհրդի նիստի ավարտին հրապարակվել է բանակի հրամանատարի հրամանը, որի համաձայն դրամական պարգևներ, արժեքավոր նվերներ ու պատվոդրոշներ են հանձնվել անցած բանակային տարվա ընթացքում առավելագույն բարձր արդյունքներ ունեցած զորամասերին, ստորաբաժանումներին ու անհատ զինծառայողներին:   ...

    Կարդալ ավելին
  • ՊԲ-ի 2019 թվականի պատրաստության պլանի համաձայն, բանակի հրամանատարի 1-ին տեղակալ, գնդապետ Սամվել Պողոսյանի ղեկավարությամբ, հունվարի 21-ից 24-ը անց են կացվել հրամանատարական հավաքներ, որոնց ներգրավվել էին կենտրոնական ենթակայությամբ գործող զորամասերի, ինչպես նաև միավորումների ենթակա զորամասերի գումարտակ և դիվիզիոն օղակի սպայակազմի ներկայացուցիչները: ԱՀ ՊՆ մամուլի ծառայության փոխանցմամբ՝ առաջին դասախոսությունը  հավաքի մասնակիցների հետ անց է կացրել ԱՀ ՊՆ, ՊԲ հրամանատար, գեներալ-մայոր Կարեն Աբրահամյանը: Բանակի հրամանատարը ներկաների ուշադրությունը հրավիրել է մարտավարական  կարևորագույն այս  օղակի սպայակազմի առօրյա գործունեության, մարտի նախապատրաստման ու վարման, համապատասխան փաստաթղթերի մշակման, ստորաբաժանումների ղեկավարման և փոխգործակցության կազմակերպման խնդիրներին: Հրամանատարական հավաքների ընթացքում, ըստ համապատասխան խմբերի, իրականացվել են դասախոսություններ ու սեմինար-պարապմունքներ ֆիզիկական, կրակային ու մարտավարամասնագիտական պատրաստության առարկաներից, անդրադարձ է կատարվել բարոյահոգեբանական ապահովման խնդիրներին: Հատկապես ուշադրության կենտրոնում էին մարտական հերթապահության և ստորաբաժանումների մարտական պատրաստությանն առնչվող հարցերը: Հաշվի առնելով նախորդ ուսումնական փուլում նկատված թերացումներն ու բացթողումները՝ հավաքների ղեկավար կազմը լուրջ շեշտադրումներ է կատարել նաև սպայակազմի մասնագիտական որակների բարձրացմանն ու հրամանատարական ունակությունների կատարելագործմանը: Հավաքների ընթացքում մասնակից սպաները նաև ստուգարքներ են հանձնել կրակային ու ֆիզիկական պատրաստություն, մարտավարություն և մարտի համակողմանի ապահովում առարկաներից, որոնց արդյունքները վեր են լուծվել հավաքների ավարտին: Վերադաս հրամանատարությունը,  ի մի բերելով արձանագրված արդյունքները, մասնակից սպայակազմին  հետագա ծառայության կազմակերպման ուղղությամբ տվել է անհրաժեշտ ցուցումներ ու հանձնարարականներ: ...

    Կարդալ ավելին
  • «Google Earth» ծրագրի տիեզերական լուսանկարները զննելու արդյունքում Քաշաթաղի շրջանի Քարոտան գյուղի հարավային մասում՝ Որոտան ու Հակարի գետերի միախառնման կետում, վերջերս հայտնաբերվել է 14-18-րդ դարերի ամրոց: Այս  մասին  «Արցախպրես»-ի  թղթակցի   հետ  զրույցում ասել  է   հնագետ  Գագիկ  Սարգսյանը՝  նշելով, որ   ամրոցը զբաղեցնում է երկու գետերի մակարդակից մոտ 20 մ բարձրությամբ հյուսիս-հարավ ձգվող բլրի էլիպսաձև, ձեռակերտ  հարթեցված գագաթնամասը: «Կառույցը  պաշտպանված է շրջապարսպով, որի ներփակ տարածքի առավելագույն երկարությունը  107 մ է, լայնությունը՝  36 մ, ինչը կազմում է 3680 քառ/մ: Պարսպապատերի ընդհանուր երկարությունը 278 մ է: Պարիսպները կառուցված են միջին չափերի ճեղքած մոխրագույն ավազաքարից և գետաբերաններից բերված գլաքարերից կապակցված ամուր կրաշաղախով: Այսօր գետնի մակերեսին երևում է միայն 1.5-2.2 մ լայնությամբ պարսպապատի հիմնամասերի ուրվագիծը: Նկատվում է նաև, որ շրջապարիսպը ուժեղացված է եղել ոչ համաչափ դասավորված փոքր, ուղղանկյուն որմնահեծերով: Ամրոցի ներսի տարածքը հիմնականում հարթ է ու դատարկ: Կառուցապատման հետքեր նկատվում են միայն հարավային կողմում՝  այն էլ հատվածաբար ուրվագծվող հիմնապատերի  տեսքով»,-ավելացրել  է  հնագետը: Ըստ  Գ.  Սարգսյանի՝  ուշագրավ է ամրոցի գլխավոր մուտքի կառուցվածքը: Մուտքի արևելյան աշտարակը չափերով արտաքինից հնգանիստ զանգված է, որի պահպանված ստորին մասը միաձույլ է: Ամենայն հավանականությամբ նրա վերևի հատվածն ունեցել է սնամեջ ծավալ: Ճիշտ նմանատիպ մի  աշտարակ էլ կանգնեցված  է ամրոցի հարավ-արևմտյան  անկյունում: «Երկու աշտարակներից  բացի    երևացող հիմնապատերից  պահպանվել են նաև ցոկոլային մասի 1.5-2 մ բարձրությամբ զանգվածները: Վերջիններս գլխիվայր ընկած են իրենց իսկ հիմքերի դիմաց: Ընկած զանգվածների դիրքն ակնհայտորեն վկայում է, որ այս երկու աշտարակները ժամանակին պայթեցվել են: Ամրոցի կրաշաղախով կառուցված պարիսպների ավերվածության աստիճանը թույլ է տալիս մտածելու, որ նրա կործանման մեջ առկա է նաև մարդկային գործոնը:  Բլրի լանջերին կառուցապատման ցայտուն հետքեր չեն պահպանվել: Ամրոցի արևելքում հիմնական պարսպագծի տակ փորված պաշտպանական խրամատը, ըստ ամենայնի, Արցախյան  ազատագրական պատերազմի  հետևանք է»,-մանրամասնել  է  հնագետը  և  հավելել, որ  հուշարձանի տարածքը հարուստ է վերգետնյա խեցեղենով: Ճարտարապետական մանրամասների և վերգետնյա խեցեղենի վերլուծության հիման վրա հուշարձանը թվագրվում է 14-18-րդ դարերին:  ...

    Կարդալ ավելին
  • Հադրութի շրջվարչակազմի աշխատակազմի մշակույթի և երիտասարդության հարցերի բաժնի նախաձեռնությամբ հունվարի 21-25-ը Հադրութի շրջանի քաղաքային և գյուղական համայնքների մշակութային կենտրոնների աշխատողների համար անց են կացվում «Դասընթաց-վարժանք»-ներ: Այս  մասին  «Արցախպրես»-ի  թղթակցի  հետ  զրույցում  ասել է, որ    Հադրութի շրջվարչակազմի աշխատակազմի մշակույթի և երիտասարդության  հարցերի բաժնի  վարիչ  Երազիկ Հայրիյանը: Նա   նշել է, որ  դասընթացի նպատակներն  են զարգացնել շրջանի  մշակութային  կենտրոնների  աշխատողների մասնագիտական կարողությունները, մշակույթի և երիտասարդության հարցերի ոլորտում մշակել երկարաժամկետ և կարճաժամկետ ռազմավարություն, ծանոթացնել նոր հմտություների և մեթոդների, ինչպես  նաև  մասնակիցների կողմից բարձրացված  խնդիրներին ճիշտ լուծումներ տալ: Վերապատրաստված աշխատակիցները կզարգացնեն համայնքները և տեղերում  կստեղծեն անհրաժեշտ մշակութային մթնոլորտ: Ե.  Հայրիյանի  խոսքով՝  «Դասընթաց-վարժանք»-ների  ժամանակ  դասընթացավարները կանդրադառնան մշակույթի ոլորտի աշխատանքների ճիշտ կազմակերպմանը, երիտասարդության հարցերի ոլորտին, հուշարձանների պահպանմանը,   նաև  կիրականացվեն  թատերական վարժանքները: «Շրջանի համայնքների մշակութային օջախների աշխատակիցների հետ տարվող ռազմավարական այս տարբերակն արդյունավետ մատուցելու համար մշակույթի և երիտասարդության հարցերի բաժինը կենտրոնանում է երկու առաջնահերթությունների: Առաջինը՝   ոլորտի  աշխատողների նպատակային վերապատրաստումներն  են, որոնք կարող են խթանել մշակույթի  զարգացման հնարավորությունները: Իսկ  երկրորդը՝    մշակութային  ապակենտրոնացումն  է, որը  կօգնի  հեշտացնել շրջանի մշակութային կենտրոնների  հետ հաղորդակցությունը, համագործակցությունը և շրջագայությունների կազմակերպումը»,-ավելացրել  է  Ե. Հայրիյանը: ...

    Կարդալ ավելին
  • Վերջին շրջանում ադրբեջանական կողմը բազմիցս հայտարարել է, որ եթե արցախյան կողմը վերադառնա բանակցային սեղանի շուրջ, ապա «Լեռնային Ղարաբաղի ադրբեջանական համայնք» ոչ կառավարական կազմակերպությունը նույնպես պետք է մասնակցի բանակցություններին։ Հայտարարության և Ադրբեջանի կողմից ակտիվորեն շահարկվող փախստականների ու տեղահանված անձանց թեմայի շուրջ «Արցախպրես» լրատվական գործակալությունը զրուցել է «ԼՂՀ փախստականների միություն» ՀԿ նախագահ Սարասար Սարյանի հետ: Հարցազրույցն ամբողջությամբ ներկայացնում ենք ստորև. -Պարո՛ն Սարյան, տարիներ շարունակ ադրբեջանական կողմը ակտիվորեն շահարկել է փախստականների և տեղահանված անձանց թեման։ Ինչպիսի՞ն է Ձեր գլխավորած կազմակերպության դիրքորոշումն այդ հարցի շուրջ։ -Ադրբեջանա-ղարաբաղյան հակամարտության կարգավորման գործընթացում փախստականների խնդիրն ամենաբարդ հարցերից է, որում միահյուսված են քաղաքական և հումանիտար ասպեկտներ։ Ցավոք սրտի, ադրբեջանական կողմը փախստականների հարցը դիտարկում է բացառապես քաղաքական դիվիդենդներ շահելու համատեքստում, այդ թվում նաև՝ ի վնաս խաղաղ գործընթացին։ Դրանով հանդերձ ադրբեջանական կողմի մոտեցումը խախտում է հիմնարար սկզբունքներից մեկը՝ մարդկանց հավասարության սկզբունքը։ Մի կողմից ադրբեջանական իշխանությունները շարունակաբար անդրադառնում են փախստականների խնդրին, մյուս կողմից, խոչընդոտելով մասնագիտացված միջազգային կազմակերպություններին այցելել Արցախ, շարունակում են խախտել Արցախում ապրող հայ փախստականների իրավունքները՝ նրանց զրկելով միջազգային օգնությունից և պաշտպանությունից։ Հարկ է նաև նշել, որ ժամանակին Խորհրդային Հայաստանի կառավարությունը միակողմ կարգով 14,5 հազար ադրբեջանական ընտանիքների, որպես իրենց կորցրած ունեցվածքի փոխհատուցում, վճարել է, ընդհանուր առմամբ, 70 միլիոն ռուբլի /մոտ 110 միլիոն ԱՄՆ դոլար/։ Իսկ ադրբեջանական կառավարությունը հայ փախստականներին ոչ մի փոխհատուցում չի վճարել։ Ոչ միայն փախստականների հարցում, այլ նաև, ընդհանրապես` ադրբեջանա-ղարաբաղյան հակամարտության համատեքստում, Ադրբեջանի քաղաքականությունը լիովին կառուցվում է Արցախում ապրող բոլոր մարդկանց հիմնարար իրավունքների ժխտման վրա։  -Դուք արդյոք հանդիպու՞մ եք ադրբեջանական հասարակական, այդ թվում նաև՝ փախստականների հարցերով զբաղվող կազմակերպությունների ներկայացուցիչների հետ։ -Քաղաքացիական խաղաղարար նախաձեռնությունների շրջանակներում մենք բազմիցս հանդիպել ենք Ադրբեջանի քաղաքացիական հասարակության ներկայացուցիչների հետ, այդ թվում՝ այն կազմակերպության անդամների հետ, որը հանդես է գալիս Լեռնային Ղարաբաղի ադրբեջանցի փախստականների անունից։ Քննարկումների հիմնական թեման հակամարտության երեք կողմերի հասարակությունների միջև վստահության կամուրջների կառուցման անհրաժեշտությունն էր։ Այդ հարցում մեր դիրքորոշումն անփոփոխ է՝ մենք բաց ենք նման երկխոսության համար, պատրաստ ենք մեր ներդրումն ունենալ վստահության մթնոլորտի ստեղծման գործում և կիսվել մեր փորձով, մասնավորապես, փախստականների՝ իրենց ներկայիս բնակության վայրում ինտեգրվելու հարցում։ Հայ փախստականների արագ և անցավ ինտեգրումն արցախյան հասարակության ձեռքբերումներից է։ Համոզված եմ, որ այդ փորձը կարող է օգտակար լինել նաև ադրբեջանական կողմի համար։ Իմ կարծիքով՝ փախստականների հարցի կարգավորման անկյունաքարերից մեկը փոխադարձության սկզբունքն է։ Մինչդեռ ակնհայտ է, որ հայ փախստականները չեն կարողանա վերադառնալ Ադրբեջան՝ մի երկիր, որտեղ հայերի նկատմամբ այլատյացությունը հասցվել է պետական քաղաքականության մակարդակի։ Ոչ մի միջազգային կառույց չի կարող երաշխավորել, որ գրեթե կես միլիոն հայկական փախստականների Ադրբեջան վերադառնալու պարագայում նրանք կրկին չեն ենթարկվի զանգվածային սպանությունների և արտաքսման։ Ելնելով նրանից, որ փախստականների վերադարձը չափազանց անիրական է՝ ինչպես հայ, այնպես էլ ադրբեջանցի փախստականների և տեղահանված անձանց ինտեգրումն իրենց ներկայիս բնակության վայրերում թվում է տվյալ խնդրի լուծման ամենաօպտիմալ տարբերակը։   -Վերջին ժամանակաշրջանում ադրբեջանական կողմը բազմիցս հայտարարել է, որ եթե արցախյան կողմը վերադառնա բանակցային սեղանի շուրջ, ապա «Լեռնային Ղարաբաղի ադրբեջանական համայնք» ոչ կառավարական կազմակերպությունը նույնպես պետք է մասնակցի բանակցություններին։ Ինչպե՞ս եք վերաբերվում նմանատիպ հայտարարություններին։   - Ադրբեջանի փորձերը՝ մեկ հարթության վրա դնել Արցախի Հանրապետության ընտրված իշխանություններին և Լեռնային Ղարաբաղից ադրբեջանցի փախստականների ոչ կառավարական կազմակերպությունը, Ադրբեջանի կողմից ձեռնածության և քաղաքական շահարկումների վառ օրինակ են։ 1992-1995 թթ. ԵԱՀԽ/ԵԱՀԿ կողմից ընդունված փաստաթղթերում Լեռնային Ղարաբաղի ղեկավարությունը ճանաչվում է որպես հակամարտության երրորդ լիիրավ կողմ։ Այդ փաստն ընդունվել է նաև Ադրբեջանի կողմից, որն այդ ժամանակահատվածում մի շարք երկկողմ և եռակողմ համաձայնագրեր է ստորագրել Արցախի հետ։ Որպես կանոն՝ հակամարտության կարգավորման գործընթացն իրականացվում է երկու հարթություններում՝ պաշտոնական բանակցություններ հակամարտության կողմերի ընտրված իշխանությունների միջև և քաղաքացիական հասարակության ներկայացուցիչների երկխոսություն։ Միասնական գործընթացի այդ երկու բաղադրիչները պետք է ոչ թե փոխարինեն, այլ փոխլրացնեն միմյանց։ Ակնհայտ է, որ պաշտոնական մակարդակով ողջ ադրբեջանական հասարակության, այդ թվում նաև՝ վերոհիշյալ ադրբեջանական հասարակական կազմակերպության շահերը ներկայացնում են Ադրբեջանի իշխանությունները, որոնց ընտրություններում մասնակցում են նաև ադրբեջանցի փախստականները։ Պնդումը, որ ադրբեջանական հասարակության տարբեր հատվածներ պետք է որպես առանձին պատվիրակություն ներկայացված լինեն բանակցություններում, անհիմն է և հակասում է բանակցային գործընթացի տրամաբանությանը։ Միաժամանակ, հաշվի առնելով այն փաստը, որ Արցախի քաղաքացիները չեն մասնակցում Հայաստանի Հանրապետության ընտրություններին, այլ ժողովրդավարական ընտրությունների միջոցով ձևավորում են սեփական կառավարությունը՝ բանակցություններում նրանց  շահերը պետք է ներկայացնեն հենց Արցախի ընտրված իշխանությունները։ ...

    Կարդալ ավելին
  • Շախմատի Հայաստանի կանանց առաջնության չեմպիոն Մարիա Գևորգյանը հաջորդիվ կմասնակցի Բելգիայի ակումբային առաջնությանը: Այս մասին ասաց Գևորգյանը: «Չէի ասի, թե Հայաստանի առաջնությունում մրցակցությունից դուրս էի. ինձ համար հաջող դասավորված առաջնություն էր: Նույնիսկ հակառակորդներիս խաղերն այնպես դասավորվեցին, որ օգնեցին ինձ ժամանակից շուտ նվաճել Հայաստանի չեմպիոնի կոչումը: Առաջնության համար հատուկ սկզբնախաղեր ունեի, որոնք չէի օգտագործել սրանից առաջ Սանկտ Պետերբուրգում կայացած արագ շախմատի աշխարհի առաջնությունում»,-առանձնացրեց Գևորգյանը: Բելգիայի ակումբային առաջնությունը կմեկնարկի փետրվարին: Շախմատի Հայաստանի կանանց առաջնությունում 8 հնարավորից հավաքե ...

    Կարդալ ավելին
  • Կիևի դատարանը Ուկրաինայի նախկին նախագահ Վիկտոր Յանուկովիչին պետական դավաճանության գործով հեռակա կերպով դատապարտել է 13 տարվա ազատազրկման: Այս մասին հայտնում է «ՌԻԱ Նովոստի»-ն: Ուժի մեջ է մնացել նախկին նախագահի կալվածքի առգրավման մասին որոշումը: Վճռի հրապարակման ժամանակ դատավորը հայտարարել է, ոչ Յանուկովիչի մեղադրանքը համարում է ապացուցված «պատշաճ և թույլատրելի» ապացույցներով: Վճիռը հայտարարվել է հեռակա կերպով, քանի որ Վիկտոր Յանուկովիչը 2014 թվականից գտնվում է արտերկրում: Պետական դավաճանության վերաբերյալ նրա գործի քննությունը սկսվել է 2017 թվականի վերջից: Մեղադրող կողմը ի սկզբանե պահանջում էր նրան ցմահ ազատազրկել, սակայն ավելի ուշ պահանջել էր 15 տարվա ազատազրկում: Նշենք, որ ինքը՝ Յանուկովիչն իրեն մեղավոր չի համարում: ...

    Կարդալ ավելին
  • ԱՄՆ նախագահի ազգային անվտանգության հարցերով խորհրդական Ջոն Բոլթոնը Հայաստանի Հանրապետության վարչապետ Նիկոլ Փաշինյանի հետ հունվարի 23-ին ունեցած հեռախոսազրույցի վերաբերյալ գրառում է կատարել «Թվիթեր»-ի իր միկրոբլոգում: «Երեկ (խմբ.՝ հունվարի 23-ին) ես զանգահարեցի Հայաստանի վարչապետ Փաշինյանին՝ շնորհավորելու վերանշանակման կապակցությամբ և ողջունելու հայ ժողովրդին դեկտեմբերին տեղի ունեցած ազատ և արդար ընտրությունների կապակցությամբ: ԱՄՆ-ն աջակցում է Հայաստանի համար բարգավաճ ապագա ապահովելու նրա ջանքերին»,- գրել է Բոլթոնը: Հեռախոսազրույցի մասին ավելի վաղ գրառում էր կատարել վարչապետ Նիկոլ Փաշինյանը: «Քիչ առաջ հեռախոսազրույց ունեցա ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ: Քննարկեցինք տարածաշրջանային իրավիճակին եւ երկկողմ հարաբերություններին վերաբերվող հարցեր: Թե՛ պարոն Բոլթոնը, թե՛ ես ընդգծեցինք հայ-ամերիկյան հարաբերությունների կարեւորությունը մեր կառավարությունների համար: Պայմանավորվեցինք շարունակել քննարկումները մեր հարաբերությունների հետագա զարգացման շուրջ: Հ.Գ. Արցախի հարցին անդրադարձ չի եղել»,- գրել է նա: ...

    Կարդալ ավելին
  • Թուրքիան չորրորդ տեղն է գրավել այն երկրների ցանկում, որոնց դեմ 2018թ․ ընթացքում Մարդու իրավունքների եվրոպական դատարանն (ՄԻԵԴ) ամենից շատ հայցեր է ստացել։ Հայցերի գերակշռող թեման եղել է «արդար դատավարության իրավունքի» և «խոսքի ազատության» ոտնահարումը։ «Էրմենիհաբեր»-ը տեղեկացնում է, որ Ստրասբուրգում կազմակերպված մամուլի ասուլիսի ժամանակ ՄԻԵԴ-ի նախագահ, իտալացի դատավոր Գիդո Ռայմոնդին տեղեկացրել է, որ Եվարխորհրդի անդամ 47 երկրների դեմ վերջին տարվա ընթացքում 56․350 հայց է ներկայացվել։ Իսկ 2017թ․ ավարտին ՄԻԵԴ-ը հայտարարել էր ստացված 56․250 հայցի մասին։ 2018թ․ ընթացքում Թուրքիայի դեմ ՄԻԵԴ է ներկայացվել 7․100 հայց։ Ամենաշատ հայցեր ստացվել են Ռուսաստանի (11․750), Ռումինիայի (8․500) և Ուկրաինայի (7․250) դեմ։ Այս չորս երկրների դեմ ստացված հայցերը կազմել են ՄԻԵԴ-ի ընդհանուր ծանրաբեռնվածության ավելի քան 60 տոկոսը։ Միայն Թուրքիայի դեմ ստացված հայցերը ՄԻԵԴ-ի գործերի 12․6 տոկոսն են կազմել։ Նշենք, որ 2017թ․ Թուրքիան ստացված 7․500 բողոքով այս ցանկում երրորդն էր՝ Ռումինիայից ու Ռուսաստանից հետո։ Ամենաշատ բողոքներ ստացած երկրների տասնյակում տեղ են գտել նաև Իտալիան (4.050), Ադրբեջանը (2.050), Հայաստանը (1.900), Վրաստանը (1.850), Սերբիան (1.800) և Լեհաստանը (1.300)։ ՄԻԵԴ-ն ամենաքիչ բողոքներ է ստացել Ֆրանսիայի (434), Գերմանիայի (154) և Միացյալ Թագավորության (124) դեմ։ Ուշագրավ է, որ Թուրքիան և Ռուսաստանը առաջատար են նաև ՄԻԵԴ-ում ստացված «առաջնային գործերի» թվով։ Այս կատեգորիայի դատական գործերը 2018թ․ սկզբի համեմատ մեկ տարում ավելացել են 15 տոկոսով՝ հասնելով 20․613-ի։ Իսկ դրանց մեջ ամենամեծ թիվն են կազմում Ռուսաստանի վերաբերյալ ստացված «կալանավորման պայմանների» դեմ բողոքներն ու Թուրքիայի վերաբերյալ ստացված «կալանավորման անօրինական ժամկետների» դեմ բողոքները։ 2018թ․ ՄԻԵԴ-ը ընդհանուր առմամբ 1․040 վճիռ է հրապարակել, որից 146-ը՝ Թուրքիայի վերաբերյալ։ Հայտնի է, որ հարապարակված բոլոր վճիռները առնչվում են նախորդ տարիներին ներկայացված հայցերին։ Թուրքիայի վերաբերյալ հրապարակված վճիռներից 140-ի դեպքում ՄԻԵԴ-ը սահմանել է, որ Թուրքիան խախտել է Մարդու իրավունքների համընդհանուր հռչակագրի առնվազն 1 հոդվածը։ Ընդ որում, 2018թ․ ընթացքում ՄԻԵԴ-ը ընդհանուր 77 վճիռ է կայացրել «խոսքի ազատության» ոտնահարման վերաբերյալ, որից 40-ը՝ Թուրքիայի դեմ ընթացող դատական գործերի շրջանակներում։ «Արդար դատավարության իրավունքի» ոտնահարման առումով ՄԻԵԴ-ը ընդհանուր 190 վճիռ է կայացրել, որոնցից 41-ը՝ Թուրքիայի վերաբերյալ։ Ուշագրավ է, որ 2018թ․ ավելացել է այն դեպքերի թիվը, երբ Թուրքիան առանց ՄԻԵԴ-ի վճռին սպասելու փոխհատուցում է վճարել բողոքող կողմին՝ այդպիսով կասեցնելով գործի հետագա վարույթը։ Եթե 2016թ․ գրանցվել էր Թուրքիայի մասնակցությամբ 65, իսկ 2017թ․՝ 52 նմանատիպ դեպք, ապա 2018թ․ արձանագրվել է Թուրքիայի կողմից վաղաժամ փոխհատուցման վճարման 146 դեպք։ ...

    Կարդալ ավելին
  • Վենեսուելայի պաշտպանության նախարար Վլադիմիր Պադրինո Լոպեսը հայտարարել է, որ երկրում տեղի է ունենում պետական հեղաշրջում: Այս մասին հայտնում է «ՌԻԱ Նովոստի»-ն: Վենեսուելայի խորհրդարանի խոսնակ Խուան Գուաիդոն հունվարի 23-ին հայտարարել է իրեն երկրի ժամանակավոր ղեկավար: Միացյալ Նահանգները ճանաչել է, որ ընդունում է Գուաիդոյին՝ պահանջելով Վենեսուելայի նախագահ Նիկոլաս Մադուրոյից, ում նրանք չեն համարում երկրի օրինական ղեկավար, ընդդիմության դեմ ուժային գործողություններ թույլ չտալ: «Ես նախազգուշացնում եմ, որ երկրում օրինական իշխանությունների, ժողովրդավարության ու լեգիտիմ նախագահ Նիկոլաս Մադուրոյի նկատմամբ պետական հեղաշրջում է իրականացվում»,- մամուլի ասուլիսի ժամանակ հայտարարել է Լոպեսը: Վերջինս ավելի վաղ նշել էր, որ Գուաիդոյին չի ճանաչում որպես Վենեսուելայի նախագահ: Գուաիդոյին որպես Վենեսուելայի ղեկավար ԱՄՆ-ից բացի ճանաչել են նաև Կանադան, Արգենտինան, Բրազիլիան, Չիլին, Կոլումբիան, Կոստա Ռիկան, Գվատեմալան, Հոնդուրասը, Պանաման, Պարագվայը, Պերուն, Վրաստանը, Ալբանիան և մի շարք այլ երկրներ: Ռուսաստանի ԱԳ նախարար Սերգեյ Լավրովը վենեսուելայում տեղի ունեցող իրադարձություններն անվանել է պետության ներքին գործերին «հերթական կոպիտ միջամտությունը»: ...

    Կարդալ ավելին

ՖԲՀ

Քաղաքականություն