• FBH
  • Հայաստանի վարչապետի պաշտոնակատար Նիկոլ Փաշինյանը ՌԴ նախագահ Վլադիմիր Պուտինին պաշտոնական այցով հրավիրել է Հայաստան: «Ես արդեն կորցրել եմ հաշիվը, թե սա մեր որերորդ հանդիպումն է: Բայց օդանավակայանում արարողակարգի աշխատակիցներն ինձ հուշեցին, որ ես Ռուսաստանի Դաշնություն ամենահաճախ այցելող օտարերկրյա ղեկավարներից եմ, ավելի կոնկրետ` ես ղեկավարների եռյակում եմ: Վստահ եմ, կարծում եմ` դա ընդգծում է մեր առանձնահատուկ ռազմավարական հարաբերությունների համատեքստը: Վստահ եմ, որ մեր հարաբերությունների այսպիսի դինամիկան կպահպանվի: Հույս ունեմ, որ նաև կզարգանա: Իհարկե, մենք մյուս տարի սպասում ենք Ձեզ պաշտոնական այցով Հայաստանում: Դա մեզ համար շատ ուրախալի կլինի»,- Կրեմլում ՌԴ նախագահի հետ հանդիպման ժամանակ նշել է Նիկոլ Փաշինյանը: ...

    Կարդալ ավելին
  • 2019 թվականի հուլիսի 1-ից Արցախում կներդրվի կուտակային կենսաթոշակային համակարգը: Այն գործելու է աշխատավարձից որոշակի մասի պահումով, որն ուղղվելու է յուրաքանչյուր անձի անվամբ բացված կուտակային հաշվին: «Արցախպրես»-ի թղթակցի հաղորդմամբ՝ այս մասին այսօր՝ դեկտեմբերի 27-ին կայացած մամուլի ասուլիսի ժամանակ ասել է ԱՀ պետական նախարար Գրիգորի Մարտիրոսյանը՝ մանրամասնելով, որ քաղաքացու կողմից վճարումը այդ համակարգում պարտադիր է: «Այս ձևով կապ կստեղծվի քաղաքացու տարիների ընթացքում ստացված եկամտի  և ապագայում ստացվելիք կենսաթոշակի չափի միջև: Կուտակային կենսաթոշակային համակարգի դեպքում անձի կողմից մուծվում է կուտակային կամ սոցիալական վճար, որի մի մասը վճարվում է քաղաքացու, իսկ մյուս մասը պետության կողմից: Հայաստանում գործում էր 5+5 համակարգը: Այն ժամանակավորապես փոխվել է հետևյալ տրամաբանությամբ՝ 2.5 տոկոսը վճարվում է քաղաքացու կողմից, իսկ 7.5 տոկոսը համավճարվում է պետական բյուջեից: Այդ համակարգը կներդվի նաև Արցախում: Ծրագիրը կվերաբերի միայն 1974 թվականի հունվարի 1-ից հետո ծնված անձանց, որոնք էլ կներառվեն այս համակարգում: Դրան զուգահեռ քննարկվում է նոր հարկային փոփոխությունների փաթեթը, և կփորձենք ներդնել այնպիսի մեխանիզմ, որը հնարավորինս քիչ լրացուցիչ բեռ կստեղծի աշխատողների համար»,- ավելացրել է Գ. Մարտիրոսյանը: ...

    Կարդալ ավելին
  • Հիփոթեքային վարկավորման ոլորտում այս տարի արձանագրել ենք մի քանի փոփոխություն: Այդ թվում ավարտին է մոտենում Արցախի սոցիալական աջակցության հիմնադրամի լուծարման գործընթացը: Այս մասին «Արցախպրես»-ի թղթակցի հարցին ի պատասխան ասել է ԱՀ պետական նախարար Գրիգորի Մարտիրոսյանը՝ մանրամասնելով, որ հիմնադրամի կողմից հիփոթեքի մասով իրականացվող ծրագրերը կվերապահվեն Արցախի ներդրումային հիմնադրամին, իսկ մնացածները՝ ԱՀ աշխատանքի, սոցիալական հարցերի և վերաբնակեցման նախարարությանը: «Հաշվի առնելով փոփոխությունը՝ սոցիալական հիփոթեքի կարգը և ընդհանուր հիփոթեքի կարգը վերափոխվել և միավորվել ենք, որը կգործի գալիք տարվա հունվարի 1-ից: Մենք ունենք մի քանի կատեգորիաներ, որոնց համար հիփոթեքի կանխավճարը տրամադրվում է անտոկոս փոխառության կամ անհատույց տրամադրման եղանակով: Յուրաքանչյուր դեպքում կան որոշակի խմբեր, որոնց համար ենթադրվում է համաֆինանսավորում հիմնադրամի և տվյալ քաղաքացիների կողմից: Քաղաքացու կողմից համաֆինանսավորում իրականացնելը որոշակի կարևոր նախապայման է իր վճարունակությունը ստուգելու և հետագայում վարկը սպասարկելու հնարավորությունը հստակեցնելու տեսակետից: Զինվորական անձնակազմի համար սահմանված է արտոնություն՝ 100 տոկոսի վճարմամբ պայմանավորված, և դա արդեն իսկ էական աջակցություն է: Ինչ վերաբերում է զինվորականներին տրամադրվող կանխավճարի վերաբերյալ հարցին, ապա նշեմ, որ առաջիկայում կքննարկենք նաև այդ տարբերակը:  Գործող կարգը առավելագույնս արտացոլում է այն հնարավորությունները, որոնք գոյություն ունեն ներկայումս»,- ավելացրել է Գ. Մարտիրոսյանը: ...

    Կարդալ ավելին
  • Գալիք տարում տնտեսական աճի ցուցանիշը կանխատեսվում է առնվազն 8 տոկոս, ինչի շնորհիվ համախառն ներքին արդյունքի ծավալը կկազմի 333 միլիարդ դրամ:   այս մասին այսօր՝ դեկտեմբերի 20-ին, Խորհրդարանում կայացած լիագումար նիստին ասել է Հանրապետության Նախագահ Բակո Սահակյանը՝ մանրամասնելով, որ դա կապահովվի հիմնականում արդյունաբերության, գյուղատնտեսության, էներգետիկայի և քաղաքաշինության զարգացումը խթանող մի շարք ծրագրերի և միջոցառումների շնորհիվ: «Բյուջեում արտացոլված են մեր երկրի տնտեսական զարգացման հիմնարար սկզբունքները, որոնց բաղադրիչներն են դինամիկ եւ համաչափ զարգացող տնտեսությունը, ներհայկական տնտեսական ինտեգրացիայի բարձր աստիճանի ապահովումը եւ սոցիալական պետության կարևորագույն ատրիբուտների պահպանումը: Առանձին ուշադրության կենտրոնում եղել եւ մնում են բանակաշինության, անվտանգության, ինչպես նաև քաղաքացիական պաշտպանության ոլորտները: Այսուհետ էլ արվելու է հնարավոր ամեն ինչ բանակի մարտունակության հետևողական բարձրացման, զինված ուժերը ժամանակակից զինտեխնիկայով համալրման, քաղաքացիական պաշտպանության համակարգի ամրապնդման ու արդիականացման, զինծառայողների, վետերանների եւ հաշմանդամների սոցիալական խնդիրների լուծման ուղղությամբ: Ուզում եմ ընդգծել, որ բյուջեի նախագծի քննարկման ընթացքում ԱԺ խմբակցությունների և առանձին պատգամավորների կողմից ներկայացվել են 100-ից ավելի գրավոր առաջարկություններ, որոնք քննարկվել են կառավարության կողմից: Դրանց մի մասը ընդունվել և ներառվել է բյուջեի նախագծի վերջնական տարբերակում: Կան առաջարկներ, որոնք թեև չեն ընդգրկվել պետական բյուջեի նախագծի մեջ, սակայն արժանի են հատուկ ուշադրության, և մի շարք գաղափարներ հաշվի կառնվեն ֆինանսատնտեսական քաղաքականության և տարբեր ծրագրերի իրականացման ընթացքում: Մի շարք այլ առաջարկներ հնարավոր չէր ընդգրկել բյուջեի նախագծում՝ հաշվի առնելով առկա հնարավորությունների աստիճանը: Դրանք պարտադիր կերպով կուսումնասիրվեն, և հնարավորությունների սահմաններում անդրադարձ կկատարվի այդ խնդիրների լուծման տարբերակներին»,- նշել է Բակո Սահակյանը: Հանրապետության Նախագահի խոսքով՝ 2019 թվականի պետական բյուջեի նախագծով նախատեսվել է տնտեսության ճյուղերի զարգացմանն ուղղված բյուջետային հատկացումների զգալի ավելացում 6.5 տոկոսով՝ ապահովելով առաջանցիկ աճ ընդհանուր ծախսերի աճի նկատմամբ: «Գյուղատնտեսության ոլորտում բյուջեի նախագծի ձևավորման ընթացքում հիմնական շեշտը դրվել է ինտենսիվ զարգացման, հայեցակարգային մոտեցումների վրա, մասնավորապես՝ ոռոգման ոլորտում, որտեղ ջրախնայողական տեխնոլոգիաների ներդրման համար նախատեսված է 600 միլիոն դրամ, արտեզյան ջրհորների կառուցման և վերանորոգման ծրագրի համար՝ 400 միլիոն դրամ: Պետության տնտեսական քաղաքականության իրականացման գործում մեծ սպասելիքներ ունենք էներգետիկայի ոլորտից, որի շարունակական զարգացումը խթան կհանդիսանա տնտեսության այլ ոլորտների առաջընթացի ապահովման համար: Հանրապետության տնտեսական առաջընթացի ապահովման համար կարևոր ուղղություններից է մնում ենթակառուցվածքների զարգացումը, որտեղ հատուկ տեղ է հատկացվում ճանապարհատրանսպորտային ցանցի կառուցմանն ու արդիականացմանը: Ավելի քան 9 տոկոսով ավելացել է կապիտալ ներդրումների ծրագիրը: 2019 թվականի բյուջեով զգալի միջոցներ է նախատեսվել բնակչության համար կենսական պահանջ հանդիսացող բնակարանային ապահովվածության խնդիրները լուծելու համար: Պետությունը կշարունակի հատուկ ուշադրության կենտրոնում պահել սոցիալական ոլորտը»,- նշել է Բակո Սահակյանը: Հիշեցնենք, որ ԱՀ Ազգային ժողովի ութերորդ նստաշրջանի այսօր կայացած վերջին լիագումար նիստում 26 կողմ, 5 դեմ ձայների հարաբերակցությամբ ընդունվել է «Արցախի Հանրապետության 2019թ. պետական բյուջեի մասին» օրենքի նախագիծը: ...

    Կարդալ ավելին
  • Քիչ առաջ ԱՀ Ազգային ժողովի ութերորդ նստաշրջանի վերջին լիագումար նիստում 26 կողմ, 5 դեմ ձայների հարաբերակցությամբ ընդունվել է «Արցախի Հանրապետության 2019թ. պետական բյուջեի մասին» օրենքի նախագիծը: ԱՀ ԱԺ նախագահ Աշոտ Ղուլյանն իր խոսքում նշել է, որ Արցախի խորհրդարանում արդեն մեկ ամսից ավելի է, ինչ համակողմանի քննարկման էր ներկայացված գալիք տարվա պետական բյուջեի նախագիծը: Ելույթով հանդես է եկել ԱՀ ֆինանսների նախարար Արթուր Հարությունյանը, ով մասնավորապես նշել է բարձրացված առաջարկությունների և բյուջեում կատարված վերջնական փոփոխությունների մասին: Նախարարի խոսքով՝ 2019թ.- բյուջեի եկամուտները կկազմեն 112 մլրդ 547 մլն դրամ, ծախսերը՝ 111 մլրդ 410.5 մլն դրամ, իսկ պրոֆիցիտը՝ 1 մլրդ 136.5 մլն դրամ։ Այնուհետև դրական եզրակացությամբ հանդես է եկել գլխադասային հանձնաժողովի նախագահ Արամ Գրիգորյանը: Պետական բյուջեի նախագծի քվեարկությունից առաջ ԱԺ բոլոր խմբակցությունները ներկայացրել են իրենց տեսակետները կողմ և դեմ քվեարկելու որոշման կապակցությամբ, որից հետո տեղի է ունեցել քվեարկություն: Նիստին ներկա ԱՀ նախագահ Բակո Սահակյանը, հանդես գալով եզրափակիչ խոսքով, նշել է, որ բյուջեում արտացոլված են մեր երկրի զարգացման հիմնարար սկզբունքները, սոցիալական պետության կարևորագույն ատրիբուտների պահպանումը: «Բյուջեի նախագծի քննարկման ընթացքում ԱԺ խմբակցությունների և պատգամավորների կողմից ներկայացվել են 100-ից ավելի առաջարկություններ: Դրանց մի մասը ընդունվել է: Մի շարք այլ առաջարկներ չընդգրկվեցին բյուջեի նախագծում` հաշվի առնելով հնարավորությունների առկա աստիճանը: Դրանք պարտադիր կերպով կուսումնասիրվեն»,- ասել է հանրապետության նախագահը՝ ընգծելով, որ գալիք տարում տնտեսական աճի ցուցանիշն, ըստ կանխատեսումների, կկազմի առնվազն 8 տոկոս: Նշենք, որ 2019 թվականի պետական բյուջեի հաստատմանը դեմ են քվեարկել ընդդիմադիր «Վերածնունդ» և «Շարժում 88» խմբակցությունները: ...

    Կարդալ ավելին
  • Լեռնային Ղարաբաղի հակամարտության կարգավորման հարցում Ռուսաստանի դիրքորոշումն անփոփոխ է. մենք աշխատում ենք ԵԱՀԿ Մինսկի խմբի շրջանակներում: Այս մասին լրագրողների հետ զրույցում ասաց Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինը: «Մենք ելնում ենք նրանից, որ հակամարտության խաղաղ կարգավորումն այլընտրանք չունի։ Այն պետք է տեղի ունենա երկու կողմերի համաձայնությամբ: Մեր աշխատանքի կարևոր մասն է կողմերի միջև ձևավորել ուղիղ երկխոսություն ծավալելու նախապայմաններ»,- նշեց դեսպանը: ...

    Կարդալ ավելին
  • Լևոն Մնացականյանը նշանակվել է Արցախի Հանրապետության արտակարգ իրավիճակների պետական ծառայության տնօրեն: Այս մասին հայտնում է ԱՀ նախագահի մամուլի ծառայությունը: Հիշեցնենք, որ Բակո Սահակյանի մեկ այլ հրամանագրով՝ Լևոն Մնացականյանն ազատվել է ԱՀ պաշտպանության նախարարի պաշտոնից: Արցախյան պաշտպանական գերատեսչության նոր ղեկավարը Կարեն Աբրահամյանն է, ում այսօր Բակո Սահակյանը ներկայացրել է Պաշտպանության բանակի հրամկազմին: ...

    Կարդալ ավելին
  • Բելառուսի նախագահ Ալեքսանդր Լուկաշենկոն ռուսաստանցի լրագրողների հետ հանդիպման ժամանակ պատմել է Լեռնային Ղարաբաղի խնդրի կարգավորման հարցում Ռուսաստանի եւ Բելառուսի մասնակցության վերաբերյալ ավելի վաղ բարձրաձայնված առաջարկների մասին, հաղորդում է «Բելտա»-ն: Նա նշել է, որ այդ հարցը քննարկվել է Երեւանում ՀԱՊԿ գագաթաժողովներից մեկի ժամանակ, երբ դեռ ՀՀ նախագահը Սերժ Սարգսյանն է եղել: Բելառուսի նախագահ Ալեքսանդր Լուկաշենկոն ռուսաստանցի լրագրողների հետ հանդիպման ժամանակ պատմել է Լեռնային Ղարաբաղի խնդրի կարգավորման հարցում Ռուսաստանի եւ Բելառուսի մասնակցության վերաբերյալ ավելի վաղ բարձրաձայնված առաջարկների մասին, հաղորդում է «Բելտա»-ն: Նա նշել է, որ այդ հարցը քննարկվել է Երեւանում ՀԱՊԿ գագաթաժողովներից մեկի ժամանակ, երբ դեռ ՀՀ նախագահը Սերժ Սարգսյանն է եղել: Լուկաշենկոն կոչ է արել Հայաստանի եւ Ադրբեջանի նախագահներին միասին լուծել այդ հարցը՝ գնալով փոխզիջումների: Միաժամանակ, Բելառուսն ու Ռուսաստանը կոնսոլիդացված դիրքորոշում են որդեգրել՝ խոստանալով անհրաժեշտության դեպքում ռազմական ստորաբաժանում մտցնել՝ ապահովելու համար որոշակի երաշխիքներ: «Հետո արդեն անկեղծ ասացի՝ լսիր, ինչպես իրենք են ասում, օկուպացրել են 7 շրջաններ: Եվ մենք Պուտինի հետ կոնսոլիդացված դիրքորոշում որդեգրեցինք (դա եղել է Երեւանում, ՀԱՊԿ հանդիպմանը), ասելով՝ Սերժ, տուր այդ 5 շրջանները: Ինչ իմաստ ունի դրանք պահել, երբ դրանք դատարկ են: Ինքն ասաց՝ եթե ես վերադարձնեմ, նրանք ճանապարհը կփակեն, կօկուպացնեն Ղարաբաղը եւ այլն: Եվ մենք՝ Պուտինի հետ, հստակ խոստացանք, որ մենք զորքեր կմտցնենք եւ դա թույլ չենք տա (ադրբեջանցիների ներկայությամբ է ասվել): Նա ասաց. «Ոչ, մենք դրան չենք գնա, մենք դա չենք ուզում»,-ասել է Բելառուսի նախագահը՝ հավելելով, որ ինքը դրանից զարմացել է: «Ինչո՞ւ չեն ուզում: Դատարկ են այդ 5 շրջանները: Դա առաջին քայլն է: Այդ դեպքում եւ Ադրբեջանը, եւ Հայաստանը կլինեին ՀԱՊԿ-ում, եւ ԵՏՄ-ում: Դա պայմանն է եղել, որի դեպքում Ադրբեջանը կարող է անդամակցել կազմակերպությանը: Ինչու եք դուք հրաժարվում: Լավ, Բելառուսը թողնենք, Ռուսաստանն էր որպես երաշխավոր հանդես գալիս, որ երբեք այնտեղ պատերազմ չի լինի, եթե ազատվեն այդ շրջանները, որոնք դուք կճանաչեք ադրբեջանական: Խոսքը Ղարաբաղի մասին է»,-հավելել է Լուկաշենկոն: Նա ընդգծել է խաղաղ կարգավորման կարեւորությունը, որը նաեւ կարեւոր գործոն է օտարերկրյա ներդրումներ ներգրավելու համար: Լուկաշենկոն նաեւ առաջին անգամ պատմել է եւս մեկ չկայացած նախագծի մասին: Նրա ներկայացմամբ՝ խոսքը Ադրբեջանից Վրաստան ապրանքների հոսքուղու մասին է եւ Բելառուսի նախագահն այս հարցով խոսել է այդ երկու երկրների ղեկավարների հետ: «Նրանք խողովակաշար էին կառուցում, իմ կարծիքով՝ գազի, որը շրջանցում էր Հայաստանը»: Շարունակությունն՝ այստեղ ...

    Կարդալ ավելին
  • Արցախի նախագահ Բակո Սահակյանի հրամանագրով ՊԲ շտաբի պետ է նշանակվել Ջալալ Հարությունյանը: Նա բանակի հարավային ուղղությամբ տեղակայված միավորման հրամանատար էր նշանակվել 2016թ. հունիսին: ...

    Կարդալ ավելին
  • Արցախի պաշտպանության բանակի հրամանատար Լեւոն Մնացականյանն ազատվել է պաշտոնից: Արցախի Հանրապետության նախագահ Բակո Սահակյանն այսօր՝ դեկտեմբերի 14–ին, ՊԲ շտաբում տեղի ունեցած խորհրդակցության ընթացքում Պաշտպանության բանակի հրամկազմին է ներկայացրել նոր հրամանատարին՝ գեներալ–մայոր Կարեն Աբրահամյանին, որը մեկ տարի առաջ նշանակվել էր ՊԲ գլխավոր շտաբի պետի պաշտոնում, իսկ մինչև այդ ՀՀ ԶՈՒ 5–րդ բանակային կորպուսի հրամանատարն էր։ ...

    Կարդալ ավելին

ՖԲՀ

Քաղաքականություն