• FBH
  • Փետրվարի 9-ին ԱՀ գյուղատնտեսության նախարար Ժիրայր Միրզոյանն ընդունել է հայաստանյան «Փափուկ շինշիլ» շինշիլաբուծական տոհմային տնտեսության հիմնադիրներ Մհեր Միրզոյանին (գործադիր տնօրեն), Քրիստափոր Արթինին և Արման Քարամյանին:   ԱՀ գյուղատնտեսության նախարարության մամլո ծառայության փոխանցմամբ՝ հանդիպման ընթացքում քննարկվել են Արցախում անասնաբուծության այս ճյուղի զարգացման հեռանկարները: Նախարարը նշել է, որ կարևորում է Արցախում շինշիլաբուծության զարգացումն ու արմատավորումը, քանզի, որպես փոքր բիզնես, այն կարող է բազմաթիվ տնտեսավարողների համար դառնալ հիմնական եկամտի աղբյուր, առավելևս, որ այն մեծ ներդրումներ չի պահանջում և արագ զարգանալու լուրջ հեռանկար ունի: Սակայն, նշել է Ժիրայր Միրզոյանը, կան նաև ռիսկեր՝ կապված պոտենցիալ տնտեսավարողների մոտ բուծման հետ կապված անհրաժեշտ գիտելիքների բացակայության հետ: Ոլորտի զարգացման մեկնարկին զուգընթաց, տնտեսավարողների և անասնաբույժների համար կկազմակերպվեն սեմինարներ և անհրաժեշտ վերապատրաստում: Քիստափոր Արթինն անդրադարձավ շինշիլաբուծության առավելություններին՝ նշելով, որ տվյալ դեպքում տնտեսավարողների համար ռիսկերը քիչ են նաև այն պատճառով, որ միջազգային շուկայում մեծ պահանջարկ ունեցող՝ թանկարժեք մորթատու այս կենդանիների բուծումն իրականացվում է փակ պահվածքով ու բարդ գործընթաց չէ: Մորթու վերամշակումն էլ կիրականացվի տեղում: Այնուհետև հանրապետության շրջաններից ժամանած հինգ տասնյակ տնտեսավարողների համար անցկացվեց սեմինար-պարապմունք՝ նվիրված շինշիլաբուծության վարման առանձնահատկություններին: ...

    Կարդալ ավելին
  • Թուրքիայի նախագահ Ռեջեփ Թայիփ Էրդողանը «ավազակախումբ» է անվանել երկրի ընդդիմությանը՝ մեղադրելով նրանց ահաբեկիչների հետ համագործակցության համար:Թուրքական ընդդիմադիր Ժողովրդահանրապետական, Ժողովրդադեմոկրատական, ինչպես նաև «Լավ» և «Երջանկություն» կուսակցությունները, ըստ Էրդողանի, գործում են միասին և նման են «քառյակ ավազակախմբի»: Թուրքիայի նախագահին նաև բարկացրել են ընդդիմության՝ երկրում մրգի և բանջարեղենի օր օրի աճող գների հետ կապված քննադատությունները: «Փաթաթվել են լոլիկին ու բիբարին: Աղոթք են անում, որ ճգնաժամ սկսվի, երկիրը կործանվի: Հիմա ես այստեղից դիմում եմ լոլիկ, կարտոֆիլ, սմբուկ ու բիբար վաճառողներին. մեկ փամփուշտն ի՞նչ արժե, դուք գիտե՞ք»,- ասել է Էրդողանը՝ գների բարձրացումը կապելով թուրքական ԶՈւ-ի իրականացրած ռազմական գործողությունների հետ: Նշենք, որ Թուրքիայում մարտի 31-ին սպասվող տեղական ինքնակառավարման մարմինների ընտրություններին ընդառաջ ընդդիմադիր Ժողովրդահանրապետական ու «Լավ» կուսակցությունները համաձայնել են համագործակցել Թուրքիայի 20 նահանգում՝ ներկայացնելով միասնական թեկնածուներ այդ տարածքներում: ...

    Կարդալ ավելին
  • ԱՄՆ նախագահ Դոնալդ Թրամփը հաստատել է, որ ծրագրում է Հյուսիսային Կորեայի առաջնորդ Կիմ Չեն Ընի հետ հանդիպել փետրվարի 27-28-ին: Politico պարբերականը հայտնել է, որ նա այս մասին խոսել է մի շարք հեռուստալրագրողների հետ: «Մենք նախագահ Կիմի հետ կրկին կհանդիպենք փետրվարի 27-ին եւ 28-ին Վիետնամում»,- ասել է Թրամփը՝ ելույթ ունենալով Կոնգրեսին հղած ամենամյա ուղերձով: ...

    Կարդալ ավելին
  • 2018 թվականին 1793 մարզիկ մասնակցել է սպորտային մրցաշարերի և առաջնությունների. նրանցից 1438-ը մասնակցել է Հայաստանի Հանրապետության, 75-ը` Եվրոպայի, 78-ը` աշխարհի, 202-ը` միջազգային: Այս մասին փետրվարի 6-ին տեղի ունեցած մամուլի ասուլիսի ժամանակ ասել է ԱՀ կրթության, գիտության և սպորտի նախարար Նարինե Աղաբալյանը՝ նշելով, որ Արցախում կազմակերպվել և անց են կացվել 30 ուսումնամարզական հավաքներ և 2 սեմինար-պարապմունքներ: Ըստ նախարարի՝ ֆիզկուլտուրայի և սպորտի ոլորտում աշխատանքներ են տարվել մարզական ֆեդերացիաների և մարզադպրոցների գործունեության պայմանների բարելավման, տեխնիկական վերազինման, մարզական միջոցառումների կազմակերպման, ինչպես նաև ՀՀ, Եվրոպայի, աշխարհի առաջնություններին և միջազգային մրցաշարերին ԱՀ մարզիկների մասնակցությունն ապահովելու ուղղությամբ: «Պետական բյուջեի միջոցների հաշվին խրախուսվել են հաշվետու ժամանակաշրջանում մարզական բարձր նվաճումներ արձանագրած 110 մարզիկներ և 25 մարզիչներ»,-նշել է Ն. Աղաբալյանը և հավելել, որ բարեգործական միջոցներով անհրաժեշտ մարզագույք է ձեռք բերվել հանրապետության 52 դպրոցների համար: ...

    Կարդալ ավելին
  • ՌԴ նախագահ Վլադիմիր Պուտինը 2013-ից մինչև 2018թթ.-ներին ունեցել է 700 հեռախոսազրույց՝ աշխարհի 55 երկրների առաջնորդների հետ։ Պուտինն ամենաշատը խոսել է դեպի Գերմանիա՝ 94 անգամ։ Երկրորդ ու երրորդ տեղում են Ֆրանսիան ու Թուրքիան, գրում է Panorama.am-ը։ Հայաստանը զբաղեցնում է թոփ-10-նյակի վերջին տեղը՝ 17 զանգով։ Պուտինի հեռախոսազանգերի վիճակագրությունը ներկայացրել է Radio Free Europe-ը։ ...

    Կարդալ ավելին
  • Արցախի Հանրապետությունում երկու տարի պատիժ կրելուց հետո օրերս կալանավայրից ազատ արձակված  ադրբեջանցի Էլնուր Հուսեյնզադեն չի ցանկանում վերադառնալ Ադրբեջան։ Այս մասին NEWS.am–ի հետ զրույցում ասաց Արցախի նախագահի խորհրդական Դավիթ Բաբայանը։ Նա նշեց, որ Հուսեյնզադեն ցանկություն է հայտնել տեղափոխվել երրորդ երկիր։ «Այդ քաղաքացին ի սկզբանե հայտարարել էր, որ չի ցանկանում վերադառնալ Ադրբեջան, հետևաբար նա կմեկնի երրորդ երկիր,  սակայն թե որ երկիր՝ չենք կարող ասել, քանի որ հնարավոր է նրան հետագայում ադրբեջանական կողմը հետապնդի»,–ասաց նա՝ նշելով, որ համապատասխան ծառայություններն անելու են հնարավոր ամեն ինչ՝  որպեսզի տվյալ այդ անձը տեղափոխվի այլ երկիր։ «Տվյալ անձը պատիժ կրելուց հետո ազատ է արձակվել։ Արցախում միայն ազգային պատկանելիության համար մարդկանց չեն պահում կամ տանջում, դա խորթ է մեր քաղաքակրթությանը»,–ասաց նա։ NEWS.am–ի հետ զրույցում ԿԽՄԿ-ի հայաստանյան գրասենյակի հաղորդակցման ծրագրերի ղեկավար Զառա Ամատունին հայտնեց, որ  Կարմիր Խաչի միջազգային կոմիտեն տեղյակ է Հուսեյնզադեի ազատ արձակումից։ Նա նշեց, որ տվյալ քաղաքացին պաշտպանված է միջազգային իրավունքով։ «Ձերբակալումից ի վեր՝  ԿԽՄԿ-ի հայաստանյան գրասենյակի ներկայացուցիչները պարբերաբար այցելել են ադրբեջանցուն, ծանոթացել նրա պահման պայմաններին։ Նման դեպքերում անձը շարունակվում է օգտվել միջազգային մարդասիրական պաշտպանությունից, ինչը նշանակում է, որ Կարմիր Խաչի միջազգային կոմիտեն, հարկ եղած դեպքում, շարունակում է օգնել անձին՝ ապահվելու կապը ընտանիքի հետ»,–ասաց նա։ Ավելի վաղ հայտնել ենք, որ Արցախի ընդհանուր իրավասության առաջին ատյանի դատարանի դատավճռով  երկու տարի ազատազրկման դատապարտված Էլնուր Էլման օղլի  Հուսեյնզադեն Արցախի ոստիկանության ՔԿՎ քրեակատարողական  հիմնարկում պատիժը կրելուց հետո,  2019թ. փետրվարի 2-ին ազատ է արձակվել: Էլնուր Էլման օղլի  Հուսեյնզադեն  մեղադրվում էր այն բանի համար, որ հանդիսանալով  Ադրբեջանի Հանրապետության զինված ուժերի 157-րդ  մոտոհրաձգային  բրիգադի հետախուզական վաշտի զինծառայող, 2017թ. փետրվարի 1-ին, ժամը 15.00-ի  սահմաններում, առանց պատշաճ թույլտվության Մարտակերտի շրջանի Թալիշ համայնքի  ուղղությամբ ապօրինի հատել էր Արցախի Հանրապետության  զինված ուժերի  կողմից  պահպանվող  պետական սահմանը,  մտել  մարտական  դիրքի  խրամուղի, որից հետո ձերբակալվել էր պետական սահմանի հսկողությունն իրականացնող  ստորաբաժանման ծառայողների կողմից: ...

    Կարդալ ավելին
  • Արցախի ընդհանուր իրավասության առաջին ատյանի դատարանի 09.02.2018թ.  դատավճռով  2 /երկու/ տարի ազատազրկման դատապարտված   Էլնուր Էլման օղլի  Հուսեյնզադեն Արցախի ոստիկանության ՔԿՎ քրեակատարողական  հիմնարկում պատիժը կրելուց հետո,  2019թ. փետրվարի 2-ին  ազատ է արձակվել: Հիշեցնենք, որ  2017թ. փետրվարի 1-ին ԼՂՀ Մարտակերտի շրջանի Թալիշ համայնքի ուղղությամբ Ադրբեջանի Հանրապետության զինված ուժերի մի խումբ զինծառայողներ, օգտվելով մառախլապատ եղանակից, ձեռնարկել էին դիվերսիայի փորձ: Փորձը խափանվել էր Պաշտպանության բանակի` Արցախի պետական սահմանի պահպանությունն իրականացնող ստորաբաժանման կողմից: Նույն օրը` ժամը 15:00-ի սահմաններում, Պաշտպանության բանակի մարտական դիրքերից մեկի պահպանության տեղամասում հայտնաբերվել և ԼՂՀ ԱԱԾ բերման է ենթարկվել ԼՂՀ պահպանվող պետական սահմանն ապօրինի հատած դիվերսիոն խմբի անդամ, Ադրբեջանի Հանրապետության քաղաքացի, Ադրբեջանի Հանրապետության զինված ուժերի 157 մոտոհրաձային բրիադի հետախուզական վաշտի զինծառայող Էլնուր Էլման օղլը Հուսեյնզադեն: Փաստի առթիվ հարուցվել էր քրեական գործ` ԼՂՀ Քրեական օրենսգրքի 33-317-րդ հոդվածով (դիվերսիայի փորձ կատարելը) եւ 350-րդ հոդվածի 1-ին մասով (Առանց սահմանված փաստաթղթերի կամ առանց պատշաճ թույլտվության Լեռնային Ղարաբաղի Հանրապետության պահպանվող պետական սահմանն ապօրինի հատելը): Փետրվարի 4-ին Հուսեյնզադեն կալանավորվել էր։ ...

    Կարդալ ավելին
  • Անցած տարի դրական տեղաշարժեր են գրանցվել գյուղատնտեսության ոլորտում: Այս մասին փետրվարի 1-ին տեղի ունեցած կառավարության անդրանիկ նիստին ասել է Արցախի Հանրապետության նախագահ Բակո Սահակյանը: Հանրապետության Նախագահի խոսքով՝ կարևորելով գյուղատնտեսության ինտենսիվ զարգացման հայեցակարգային մոտեցումները՝ ԱՀ կառավարությունն իրականացրել է մի շարք միջոցառումներ՝ ուղղված բուսաբուծության համալիր զարգացմանը: Մասնավորապես, ցանքաշրջանառության շնորհիվ հողի բերրիության պրոգրեսիվ աճի և բերքատվության ապահովմանը, կաթիլային ոռոգման համակարգերի ներդրման խթանմամբ պտղաբուծության զարգացման համար նախադրյալների ստեղծմանը, ինչպես նաև անասնաբուծության ոլորտի կանոնակարգմանը: «Բուսաբուծության համալիր զարգացման ծրագրերի շրջանակներում 2018 թվականին շուրջ 1 մլրդ դրամի չափով պետական աջակցության շնորհիվ ապահովվել է կաթիլային ոռոգման համակարգերի կառուցումը 622,5 հա տարածքի վրա, որից 500 հա՝ այգի և 122,5 հա ծխախոտ և բանջարանոցներ: Այս ամենը, անշուշտ, նպաստել է այգեգործության զարգացմանը: 2018 թ.-ին, 2017-ի համեմատ, ավելի քան 11 %-ով աճել են նռենու մշակման տարածքները՝ կազմելով 1360 հա: Նռան բերքը կազմել է ավելի քան 2600 տ՝ նախորդ տարվա նկատմամբ ապահովելով 80% աճ: Այդ ծրագիրը կիրականացվի նաև այս տարի: Ոլորտի պատասխանատուները, իրականացնելով անհրաժեշտ աշխատանքներ, պետք է ցուցաբերեն հոգատար մոտեցում և անվերապահորեն ապահովեն հատկացվելիք միջոցների նպատակային և արդյունավետ օգտագործումը, ինչը թույլ կտա ներկայիս 1000 հա-ի դիմաց տարեվերջին ունենալ ավելի քան 1400 հա կաթիլային համակարգով ոռոգովի այգիներ»,- մասնավորապես ասել է Բ. Սահակյանը: ...

    Կարդալ ավելին
  • Կրեմենչուգում անցկացված հունահռոմեական ըմբշամարտի Ուկրաինայի առաջնությունում օլիմպիական 60 կգ քաշային կարգում չեմպիոն է դարձել Զապորոժիեի հայ համայնքի ներկայացուցիչ Ժորա Աբովյանը։ Նա եզրափակչում 8։6 հաշվով հաղթել է աշխարհի առաջնության բրոնզե մեդալակիր Լենուր Թեմիրովին։ Առաջնությանը մասնակցել է Ուկրաինայի տարբեր մարզերի մոտ 200 մարզիկ, որոնք պայքարում էին երկիրն աշխարհի ու Եվրոպայի առաջնություններում ներկայացնելու հնարավորության համար։ Ուկրաինայի հայերի միությունում շնորհավորել են Ժորա Աբովյանին և նրա մարզիչներ Լավրենտի Մայլամյանին ու Մուրադ Սարգսյանին։ ...

    Կարդալ ավելին
  • Արցախում գործող առևտրային բանկերի և վարկային կազմակերպությունների կողմից Արցախի ռեզիդենտ հաճախորդ 272 ֆիզիկական և 13 իրավաբանական անձանց 2018 թվականին ներվել է ավելի քան 210 մլն 813 հազ. դրամ: «Արմենպրես»-ի հաղորդմամբ, այս մասին ֆեյսբուք սոցիալական ցանցի իր էջում գրառում է կատարել Արցախի Հանրապետության պետական նախարար Գրիգորի Մարտիրոսյանը: «Անցած տարվա ընթացքում հայտարարվել էր առևտրային բանկերի կողմից սկսված մի գործընթացի մասին, որի համաձայն՝ բանկի կողմից սահմանված որոշակի պայմանների կատարման դեպքում, կզիջվեն ֆիզիկական և առանձին բանկերի պարագայում նաև իրավաբանական անձ հանդիսացող հաճախորդների անհուսալի վարկերի տույժերն ու տուգանքները: Ամփոփելով 2018թ.-ին այս ուղղությամբ իրականացված աշխատանքների արդյունքները՝ հայտնում եմ, որ Արցախում գործող առևտրային բանկերի և վարկային կազմակերպությունների կողմից Արցախի ռեզիդենտ հաճախորդ 272 ֆիզիկական և 13 իրավաբանական անձանց 2018 թ.-ին ներվել է ավելի քան 210 մլն 813 հազ. դրամ (համապատասխանաբար՝ մոտ 169 մլն․ և մոտ 42 մլն․ դրամ)»,-նշել է Գրիգորի Մարտիրոսյանը: Նշվածը որակելով որպես կարևոր գործընթաց, Գրիգորի Մարտիրոսյանն ընդգծել է, որ Արցախի կառավարությունը խստագույնս հարգում է բանկային համակարգի լինելիության և անկախության դերը երկրի ֆինանսատնտեսական զարգացման գործում: « Շնորհակալ ենք այս սեկտորի մեր գործընկերներին կառավարության առաջարկին ականջալուր լինելու և խոսքի առարկա տույժ-տուգանքների ներման համար։ Միևնույն ժամանակ կոչ ենք անում մեր քաղաքացիներին բանկային և վարկային կազմակերպությունների հետ իրավահարաբերվելիս, այդ թվում՝ վարկային կամ այլ պարտավորություններ ստանձնելիս ցուցաբերել ավելի մեծ շրջահայացություն և սոցիալական ինքնապատասխանատվություն»,-նշել է նա: ...

    Կարդալ ավելին

ՖԲՀ

Քաղաքականություն