• FBH
  • ԱՀ կրթության, գիտության և սպորտի նախարար Նարինե Աղաբալյանն այսօր ընդունել է ՀՀ սպորտի վարպետ, ծանրամարտի աշխարհի և Եվրոպայի կրկնակի չեմպիոն Նազիկ Ավդալյանին, ով տասնօրյա ժամկետով Արցախում է ԱՀ ծանրամարտի ասոցիացիայի հրավերով: Հանդիպմանը  Ն.  Աղաբալյանը   ողջունել  է   Ն.  Ավդալյանի  այցն  Արցախ:  Նա  ասել է, որ  արցախցիները  ևս   միշտ   հպարտացել  են  ծանրորդուհու  հաջողություններով  ու  ձեռբերումներով: Նախարարն    ընդգծել  է, որ  Ն.  Ավդալյանն  Արցախում   շատ  երկրպագուներ  ունի: «Դուք   ձեր   անցած  ուղուվ   ցույց  եք  տվել, որ  պետք  է  ձգտել  ու հասնել    վերջնական  հաղթանակի՝  կարողանալով   հաղթահարել  բոլոր  փորձություններն   ու  անհաջողությունները: Մենք   սպորտը  դիտարկում  ենք  ոչ  միայն    մարզումների  միջոցով  կոփվելը, այլև    օլիմպիական   սկզբունքների  դաստիարակումը»,-մասնավորապես   ասել  է   նախարարը:  Խոսելով  Արցախում սպորտի  զարգացման գործում  վարվող քաղաքականության  մասին՝  Ն.  Աղաբալյանն  տեղեկացրել  է, որ,  շնորհիվ  պետական  քաղաքականության, վերջին  տարիներին  մարզական  կյանքն  Արցախում  ավելի  է  աշխուժացել.  արդյունքում՝ տարբեր  մարզաձևերից  Արցախն  ունի    խոստումնալից  մարզիկներ: «Արցախպրես»-ի  թղթակցի  հետ  զրույցում  Նազիկ  Ավդալյանն  ասել  է, որ Արցախ  գալու  իր  նպատակը  արցախցի  երեխաներին  իր՝   մարզիկի   և մարզիչի  փորձը  փոխանցելն է: «Ես  շատ  եմ ուզում, որ  Արցախում ծանրամարտը  զարգանա: Արցախում ես  տեսնում  եմ   մարզիչներ,  ովքեր  նվիրված են  իրենց  գործին և շահագրգիռ  են, որ  այդ  սպորտաձևը  զարգացում  ապրի. այդ  ուղղությամբ  մեծ  աշխատանք  է  իրականացնում  նաև  ծանրամարտի  ասիոցիացիայի  նախագահ  Արթուր  Շիրինյանը: Սպորտը  մարդու  մեջ  բնավորություն  է  ձևավորում,   կամքի  ուժ, ձգտում  դեպի  վերջնական  նպատակ: Սպորտում  հաղթանակներ  գրանցելու  համար առաջին  հերթին   անհրաժեշտ է կամային  որակներ, համապատասխան  մարզագույք, հատուկ  վերաբերմունք  և  խրախուսանքներ  մարզիկներին:Պարզապես, Արցախում   կան   մարզագույքի ձեռքբերման   և    մարզիչների   խնդիրներ, որոնց  լուծումը   ևս  կօգնի   այս սպորտաձևի  զարգացմանը: Արցախում կան խոստումնալից, հրաշալի երեխաներ:Հուսով եմ՝ այս   սպորտաձևը   կզարգանա  այստեղ, և  արցախցիները  ևս  մեծ  հաջողություններ  կգրանցեն»,-ասել է   Ն.  Ավդալյանը  և  ընդգծել, որ  ինքը   պարբերաբար լինելու  է Արցախում  և   ամեն  ինչով   աշխատելու  է  օգտակար  լինել  արցախցի  մարզիկներին: Մեր  այն  հարցին, թե   կնոջ  համար    հեշտ  է  լինել    սպորտի  բնագավառում,  մեր  զրուցակիցը  պատասխանել է. «Ես  համամիտ  չեմ, որ  ասում  են  ծանրամարտը  կոպտացնում  է  կնոջը: Մարզումների  ժամանակ  կարող  էս  լինել մարզիկ, իսկ  տանը՝ կին, մայր: Ներկայումս   ես  ժամանակավորապես    չեմ  զբաղվում   սպորտով»:  Հանդիպման  վերջում   Ն.  Աղաբալյանը  Նազիկ  Ավդալյանին իր    ընտանիքի  հետ  հրավիրել  է այս  տարվա  հունիսի 4-15-ն Արցախում անցկացվելիք «Եվրոպական ֆուտբոլի գավաթ 2019» առաջնությանը: Նա  նաև խորհրդանշական  նվերներ  է  հանձնել   Նազիկ  Ավդալյանին: ...

    Կարդալ ավելին
  • Փետրվարի 19-ին Հարավային Օսիայի Հանրապետություն կատարած աշխատանքային այցի շրջանակներում Արցախի արտաքին գործերի նախարար Մասիս Մայիլյանը և նրա գլխավորած պատվիրակության անդամները հանդիպում են ունեցել Հարավային Օսիայի հայ համայնքի ղեկավար, «Բերդ» հասարակական կազմակերպության նախագահ Վլադիմիր Կուլիջանովի և համայնքի ղեկավար կազմի ներկայացուցիչների հետ: ԱԳՆ տեղեկատվության և հասարակայնության հետ կապերի վարչության փոխանցմամբ՝ Արցախի ԱԳՆ ղեկավարին ներկայացվել են համայնքի գործունեության ընթացիկ ծրագրերը և առաջիկա անելիքները։ Մասիս Մայիլյանն ընդգծել է, որ Արցախի արտաքին քաղաքական օրակարգի գերակա ուղղություններից մեկը սփյուռքի կազմակերպությունների և կառույցների հետ համագործակցության հետագա զարգացումն ու ընդլայնումն է: Նա նաև նշել է Սփյուռքում հայ ինքնության պահպանմանն ուղղված ծրագրերի իրականացմանը օժանդակելու Արցախի իշխանությունների պատրաստակամության մասին: Վլադիմիր Կուլիջանովը շնորհակալություն է հայտնել ԱՀ պատվիրակությանը այցի համար և հետագա համագործակցության ընդլայնման հույս հայտնել: ...

    Կարդալ ավելին
  • Վենեսուելայի նախագահ Նիկոլաս Մադուրոն առաջարկել Է երկրի ընդդիմության առաջնորդ Խուան Գուայդոյին, որն իրեն պետության ղեկավար Է հռչակել, խորհրդարանական ընտրություններ հայտարարել: Այդ մասին նա հայտարարել Է փետրվարի 19-ին բժշկական հաալսարանի շրջանավարտների առջեւ ունեցած իր ելույթի ընթացքում: Հեռարձակումն իրականացվում Էր Twitter-ում: «Ինչու նա խորհրդարանական ընտրություններ չի հայտարարում, որպեսզի նրան չհեռացնե՞ն ժողովրդի քվեարկությամբ: Թող իրեն նախագահ հռչակած այդ ծաղրածուն ընտրություններ նախաձեռնի, որպեսզի նրան տապալեն քվեարկությամբ»,- հայտարարել Է Մադուրոն: Վենեսուելայի խորհրդարանի խոսնակ Խուան Գուայդոն հունվարի 23-ին իրեն հռչակել Էր պետության նախագահ: ԱՄՆ-ը եւ մի շարք այլ երկրներ հայտարարել են Գուայդոյին ճանաչելու մասին եւ Վենեսուելայի նախագահ Նիկոլաս Մադուրոյից, որի ընտրվելը նրանք օրինական չեն համարում, պահանջել են ուժային գործողություններ թույլ չտալ ընդդիմության դեմ: Մադուրոն իրեն հայտարարել Է սահմանադրական նախագահ, իսկ ընդդիմադիր խորհրդարանի ղեկավարին նա որակել Է ԱՄՆ-ի խամաճիկ: Ռուսաստանը, Չինաստանը եւ մի շարք այլ երկրներ պաշտպանել են Մադուրոյին՝ որպես Վենեսուելայի օրինական նախագահի, հաղորդել Է ՏԱՍՍ գործակալությունը: ...

    Կարդալ ավելին
  • Արցախի Հանրապետության Նախագահ Բակո Սահակյանը փետրվարի 20-ին ցավակցական հեռագիր է հղել Լուիզ Սիմոն Մանուկյանի ընտանիքին: Արցախի Հանրապետության նախագահի աշխատակազմի տեղեկատվության գլխավոր վարչության հաղոդմամբ՝ հեռագրում ասված է. «Արցախում խոր ցավով տեղեկացանք հայ ազգային բարերար, հասարակական գործիչ Լուիզ Սիմոն Մանուկյանի մահվան մասին։ Իր ողջ կյանքի ընթացքում նա մշտապես եղել է հարազատ ժողովրդի կողքին, ապրել նրա հոգսերով, սատարել հայրենիքին, ակտիվ մասնակցություն ունեցել սփյուռքում հայ ազգային կառույցների կայացման եւ ամրապնդման գործում՝ արժանապատվորեն շարունակելով իր գերդաստանի հայրենանվեր առաքելությունը: Լուիզ Սիմոն Մանուկյանի անմիջական մասնակցությամբ Արցախում իրականացվել են ռազմավարական նշանակություն ունեցող բազմաթիվ ծրագրեր տարբեր բնագավառներում: Արցախցիներն անսահման եւ անկեղծ հարգանք են տածում մեծ բարերարի նկատմամբ: Արցախի ժողովրդի, իշխանությունների եւ անձամբ իմ անունից խորին ցավակցություն ու զորակցություն եմ հայտնում հանգուցյալի հարազատներին ու մերձավորներին, մաղթում նրանց տոկունություն եւ ոգու կորով։ Լուիզ Սիմոն Մանուկյանի անունը միշտ վառ կմնա նրան ճանաչողների սրտերում եւ մեր ժողովրդի հիշողության մեջ»: ...

    Կարդալ ավելին
  • Հայաստանի Հանրապետության փոխվարչապետ Տիգրան Ավինյանը փետրվարի 19-ին հանդիպել է ԱՀ պետական նախարար Գրիգորի Մարտիրոսյանին: Ինչպես  տեղեկացրին ՀՀ փոխվարչապետ Տիգրան Ավինյանի գրասենյակից, զրուցակիցները կարևորել են հաստատված փոխգործակցության բարձր մակարդակը և համատեղ ծրագրերի իրականացման սահուն ընթացքի ապահովումը՝ ի նպաստ երկու հայկական պետությունների շարունակական զարգացման: Կողմերը համակարծիք էին, որ ոլորտային քաղաքականությունները և խոշոր ծրագրերը, որոնք իրականացվում են Հայաստանում և Արցախում, պետք է միմյանց հետ համադրելի ու համահունչ լինեն: Քննարկվել են գյուղատնտեսության, տրանսպորտի և ենթակառուցվածքների, քաղաքաշինության, էներգետիկայի ոլորտներում համատեղ հետաքրքրություն ներկայացնող նախագծերի իրականացման հեռանկարները: Տիգրան Ավինյանն ու Գրիգորի Մարտիրոսյանն անդրադարձել են նաև թվայնացման, պետական կառավարման համակարգի արդյունավետության բարձրացման և կադրային քաղաքականության հարցերին: ...

    Կարդալ ավելին
  • Թուրքիայի նախագահ Ռեջեփ Թայիփ Էրդողանը Ստամբուլում տեղի ունեցած Բուդապեշտյան գործընթացի 6-րդ համաժողովի ժամանակ, խոսելով սիրիացի փախստականներից, անդրադարձել նաև Թուրքիայում բնակվող հայերին: Այս մասին հայտնում է թուրքական «Անադոլու» լրատվական գործակալությունը: Էրդողանը< խոսելով սիրիացիների մասին, նշել է, որ ներկայումս Թուրքիայում են գտնվում 3,6 միլիոն սիրիացի փախստականներ, որոնց Թուրքիան չի պատրաստվում հետ ուղարկել: Էրդողանը, Թուրքիայում բնակվող այլազգիներին անդրադառնալով, հիշատակել է նաև 100 հազար հայերին: «Թուրքիայում մոտ 100 հազար հայ է ապրում, որոնցից 40 հազարը Թուրքիայի քաղաքացիներ են, մենք չենք պատրաստվում արտաքսել նաև նրանց»,-ասել է Թուրքիայի նախագահը: ...

    Կարդալ ավելին
  • Մեկնարկել է «Հարկային և այլ պարտադիր վճարների գծով արտոնություններ սահմանելու մասին» ԱՀ օրենքի կիրառման գործընթացը: Այս մասին «Արցախպրես»-ին տեղեկացրին ԱՀ ֆինանսների նախարարությունից՝ մանրամասնելով, որ նշված օրենքով հարկ վճարողներին հնարավորություն է ընձեռվում 2018 թվականի հունվարի 1-ի դրությամբ հաշվարկված ու չվճարված ապառքներն ամբողջությամբ ու դրանց նկատմամբ մինչև 2019 թվականի հունվարի 1-ը հաշվարկված և չվճարված տույժերի 10 տոկոսը սահմանված ժամանակացույցով և կարգով մարելու դեպքում ազատվել հաշվարկված և չվճարված (այդ թվում` ստուգման ակտերով) տույժերի 90 տոկոսից և տուգանքներից, ինչպես նաև «Դատական ակտերի հարկադիր կատարման մասին» ԼՂՀ օրենքի 68-րդ հոդվածով նախատեսված կատարողական գործողությունների կատարման ծախսերը վճարելու պարտականությունից: Աղբյուրի հաղորդմամբ՝ հնարավորություն է ընձեռվում նաև 2018 թվականի հունվարի 1-ից մինչև 2019 թվականի հունվարի 1-ը հաշվարկված ու չվճարված ապառքներն ու տուգանքներն ամբողջությամբ ու դրանց նկատմամբ մինչև 2019 թվականի հունվարի 1-ը հաշվարկված և չվճարված տույժերի 10 տոկոսը սահմանված ժամանակացույցով և կարգով մարելու դեպքում ազատվել հաշվարկված և չվճարված (այդ թվում` ստուգման ակտերով) տույժերի 90 տոկոսից, ինչպես նաև «Դատական ակտերի հարկադիր կատարման մասին» ԼՂՀ օրենքի 68-րդ հոդվածով նախատեսված կատարողական գործողությունների կատարման ծախսերը վճարելու պարտականությունից: Պետք է մինչև 2019 թվականի մարտի 1-ը հարկային մարմիններ ներկայացնել մինչև 2018 թվականի հունվարի 1-ն ընկած հաշվետու ժամանակաշրջանների համար հաշվարկ-հաշվետվություններ (այդ թվում` ճշտված), և սահմանված ժամանակացույցով ու կարգով դրանց հետևանքով առաջացող ապառքներն ամբողջությամբ ու մինչև 2019 թվականի հունվարի 1-ը հաշվարկված տույժերի 10 տոկոսը մարելու դեպքում ազատվել հաշվարկ-հաշվետվությունների (այդ թվում` ճշտված) ներկայացման արդյունքում հաշվարկվող տույժերի 90 տոկոսից և տուգանքներից: ...

    Կարդալ ավելին
  • Փետրվարի 13-16-ը Դոնեցկ քաղաքում, «Ոսկե ձեռնոցներ» սպորտային ակումբի 31-ամյակին նվիրված, կայացել է բռնցքամարտի միջազգային մրցաշար, որին մասնակցում էին նաև արցախցի մարզիկներ: Այս մասին «Արցախպրես»-ի թղթակցի հետ զրույցում ասել է բռնցքամարտի մարզիչ Նարեկ Աբրահամյանը՝ մանրամասնելով, որ մրցաշարին Արցախից մասնակցում էր 9 բռնցքամարտիկ: «Մեր մարզիկներից Գագիկ Գևորգյանը (28 կգ), Էրիկ Առուստամյանը (36 կգ) և Գոռ Բեգլարյանը (43 կգ) գրավել են առաջին մրցանակային տեղը: Երկրորդ մրցանակային տեղ են գրավել Աշոտ Բարխուդարյանը (64 կգ), Վարսակ Ասրյանը (75 կգ) և Ալեքս Պետրոսյանը (34 կգ), իսկ երրորդ մրցանակային տեղ՝ Արայիկ Պետրոսյանը (46 կգ): Մրցանակային տեղեր գրաված բոլոր մասնակիցներն արժանացել են մեդալների, պատվոգրերի և հուշանվերների:  Առաջին մրցանակային տեղ գրաված Գոռ Բեգլարյանն արժանացել է «Մրցաշարի լավագույն մարտ» գավաթին»,- ավելացրել է Ն. Աբրահամյանը: Մարզչի խոսքով՝ մրցաշարին մասնակցում էին Դոնեցկի և Լուգանսկի Ժողովրդական Հանրապետությունները, Ռուսաստանի Դաշնությունը, Հարավային Օսեթիան, Աբխազիայի Հանրապետությունը և Արցախի Հանրապետությունը: «Նշեմ նաև, որ մինչ մրցաշարին մասնակցելը փետրվարի 10-13-ը մեր մարզիկները ՌԴ Ստավրոպոլ քաղաքում մասնակցել են ընկերական հանդիպումների այնտեղ գործող «Արցախ» սպորտային ակումբի անդամների հետ:  Թե՛ ընկերական հանդիպումները և թե՛ միջազգային մրցաշարերը հնարավորություն են տալիս մեր մարզիկներին ավելի ամրապնդելու իրենց կարողությունները, հանդես գալու տարբեր առաջնություններում՝ Արցախը ներկայացնելով նաև արտերկրում»,- եզրափակել է Ն. Աբրահամյանը: ...

    Կարդալ ավելին
  • Արցախի նախագահ Բակո Սահակյանը փետրվարի 16-ին ստորագրել է հրամանագիր, համաձայն որի` Արցախում փրկարար ծառայության ստեղծման, զարգացման ու կայացման գործում ներդրած նշանակալի ավանդի համար եւ ծննդյան 70-ամյակի կապակցությամբ փրկարար ծառայության նախկին ղեկավար Ասլան Գրիգորյանը պարգեւատրվել է «Մեսրոպ Մաշտոց» շքանշանով։ ...

    Կարդալ ավելին
  • Աշխատանքային այցով Գերմանիայի Դաշնային Հանրապետությունում գտնվող՝ Հայաստանի Հանրապետության նախագահ Արմեն Սարգսյանը փետրվարի 15-ին հանդիպել է Ալբանիայի նախագահ Իլիր Մետայի հետ՝ ալբանական կողմի նախաձեռնությամբ։ Ինչպես տեղեկացրին ՀՀ նախագահի աշխատակազմի հասարակայնության հետ կապերի վարչությունից, զրուցակիցները նշել են, որ երկկողմ հարաբերություններում չիրացված մեծ ներուժ կա և կարևորել են հետևողական աշխատանքը փոխգործակցության զարգացման ուղղությամբ։ Խոսելով տարածաշրջանային հակամարտությունների, մասնավորապես ղարաբաղյան հիմնախնդրի մասին՝ նախագահ Սարգսյանն ընդգծել է. «Որևէ երկրի կողմից ի նպաստ հակամարտության այս կամ այն կողմի հայտարարությունները չեն կարող որևէ կերպ օգնել խնդրի խաղաղ կարգավորմանը։ Գոյություն ունի ձևաչափ, որի շրջանակում տեղի են ունենում բանակցությունները»։ Նշելով, որ Ալբանիան լավ հարաբերություններ ունի թե' Հայաստանի, թե' Ադրբեջանի հետ՝ նախագահ Իլիր Մետան ասել է. «Երկու երկրներին մաղթում ենք հաջողություններ՝ լուծումներ գտնելու այս խնդրում »։ ...

    Կարդալ ավելին

ՖԲՀ

Քաղաքականություն