• FBH
  • Մոսկվայում հոր՝ Միխայիլ Խաչատուրյանի սպանության մեջ մեղադրվող Խաչատուրյան քույրերից կրտսերը՝ Մարիան, կրկին սկսել է հաճախել դպրոց:  Այս մասին ԶԼՄ-ներին ասել է ընտանիքի փաստաբան Յարոսլավ Պակուլինը։ Նա նշել է, որ 17-ամյա աղջիկը պարապում է ընդհանուր հիմունքներով։ «Աղջկները լավ են։ Առողջության հետ կապված ամեն ինչ կարգին է։  Դեռ ընթանում է քննություն, ապացույցների հավաքագրում»,- ասել է փաստաբանը։ Նա նաև նշել է, որ քույրերը չեն կարող օգտագործել կապի միջոցներ, բացառությամբ՝ արտակարգ դեպքերում։ Ժամանակի մեծ մասը քույրերն անցկացնում են տանը։ «Ամեն շաբաթ մեկ-երկու քննչական գործողություն է իրականացվում»,- հավելել է Պակուլինը։ ՌԴ քննչական կոմիտեն հայտնել էր, որ հուլիսի 27-ին Ալտուֆևյան մայրուղու բազմահարկերից մեկի մուտքում հայտնաբերվել է  57-ամյա տղամարդու մարմին՝ պարանոցի և կրծքավանդակի շրջանում դանակի բազմաթիվ հարվածներով։  ՔԿ  տվյալներով, նրան դանակով հարվածներ են հասցրել երեք աղջիկները։ Նրանց  մեղադրանք է առաջադրված։  Աղջիկները հաստատում են, որ տղամարդը, գտնվելով թմրամիջոցի ազդեցության տակ, առաջինն է հարձակվել  նրանց վրա դանակով, նրանք էլ պաշտպանվել են։ Հարցաննությանն աղջիկները խոստովանել են մեղքն ու պարզաբանել, որ իրենց  և իրենց հոր միջև թշնամական հարաբերություններ էին հաստատվել այն պատճառով, որ նա երկար ժամանակ իրենց բարոյական տառապանքներ է պատճառել։ Խաչատուրյան քույրերը  օգոստոսի 2-ից կալանավորված էին։ Փորձագետները Քրիստինային և Անգելինային ճանաչվել էին մեղսունակ։ Խաչատուրյան քույրերից կրտսերը՝ 17-ամյա Մարիան, հոր սպանության պահին անմեղսունակ է ճանաչվել։  Ներկա պահին նրանք տնային կալանքի տակ են գտնվում։  Սեպտեմբերի 27-ին Մոսկվայի Բասմաննի դատարանը փոխել էր  Խաչատուրյան երեք քույրերի խափանման միջոցը կալանքը և ընտրել  որոշակի գործողություններ կատարելու արգելքը, որը գործելու է մինչև 2018 թ. դեկտեմբերի 28-ը։ ...

    Կարդալ ավելին
  • Վոլեյբոլի տղամարդկանց աշխարհի առաջնությունը 2022 թվականին կանցկացվի Ռուսաստանում, որը պատմության մեջ առաջին անգամ կընդունի այս մրցաշարը: Վոլեյբոլի աշխարհի առաջնություններ նախկին ԽՍՀՄ-ում անցկացվել են երկու անգամ՝ 1952-ին և 1962-ին: Ռուսաստանը աշխարհի առաջնության անցկացման իրավունքի համար պայքարում հետ է թողել Քաթարին և Մեքսիկային: ...

    Կարդալ ավելին
  • Արցախի Հանրապետության Նախագահ Բակո Սահակյանը նոյեմբերի 15-ին Փարիզում այցելել է «Հայաստան» համահայկական հիմնադրամի կողմից Ֆրանսիայում կազմակերպված հեռախոսամարաթոնի կենտրոն, հանդիպել հիմնադրամի տեղական կառույցի պատասխանատուների հետ՝ Պետրոս Թերզյանի գլխավորությամբ, ինչպես նաեւ գործընթացում ընդգրկված կամավորների հետ: Այս մասին տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից:  Բակո Սահակյանը երախտագիտություն է հայտնել հիմնադրամի Ֆրանսիայի մասնաճյուղի աշխատակիցներին եւ կամավորներին Արցախին մշտապես օգնելու համար՝ այն համարելով հայրենասիրության եւ արհեստավարժության օրինակելի դրսեւորում:  Հանդիպմանը մասնակցում էին Ֆրանսիայում ՀՀ արտակարգ եւ լիազոր դեսպան Հասմիկ Տոլմաջյանը, «Հայաստան» համահայկական հիմնադրամի գործադիր տնօրեն Հայկակ Արշամյանը, պաշտոնատար այլ անձինք: ...

    Կարդալ ավելին
  • Նոյեմբերի 16-ն Արցախի հերոս, «Ոսկե արծիվ» շքանշանի ասպետ Ռոբերտ Աբաջյանի ծննդյան օրն է. այսօր նա կդառնար 22 տարեկան: Ռոբերտ Աբաջյանը   ծնվել  է  1996  թվականին   Երևանում:  2003 թվականին ընդունվել է Երևանի թիվ 147 հիմնական դպրոց, որն ավարտել է 2012 թվականին։ Նույն  թվականին ընդունվել է Երևանի պետական հենակետային բժշկական քոլեջ, որն ավարտել է 2014-ին՝ ատամնատեխնիկի որակավորմամբ։ 2014 թվականին ընդունվել է Մայր Թերեզայի անվան բժշկական ինստիտուտ: Ուսումը  կիսատ  թողնելով  Ռոբերտ Աբաջյանը պարտադիր ժամկետային զինծառայության է անցել։ Բարձր առաջադիմության շնորհիվ  ստացել է կրտսեր սերժանտի կոչում։ 2016 թ. ապրիլյան պատերազմի ժամանակ Մարտակերտի ուղղությամբ տեղակայված դիրքը պաշտպանելիս զոհվել է  նաև  Ռոբերտ Աբաջյանը: Նույն դիրքի անձնակազմից էին վաշտի հրամանատար, կապիտան Արմենակ Ուրֆանյանը, գնդացրորդներ Քյարամ Սլոյանն ու Անդրանիկ Զոհրաբյանը: Անհավասար մարտը տևել է երկու ժամ: Վաշտի հրամանատարի զոհվելուց հետո կրտսեր սերժանտ Աբաջյանն իր վրա է վերցրել հրամանատարությունը և մինչև վերջին փամփուշտը շարունակել կռիվը: Տեսնելով իրեն մոտեցող թշնամուն` Աբաջյանը վերջին նռնակով պայթեցնրել  է և´ իրեն, և´ հայկական դիրքեր հասած հակառակորդի զինվորներին: 2016 թվականի ապրիլի 2-5-ն ընկած ժամանակահատվածում հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած բացառիկ քաջության ու արիության համար պաշտպանության բանակի կրտսեր սերժանտ Ռոբերտ Աբաջյանին հետմահու շնորհվել է «Արցախի հերոս» Արցախի Հանրապետության բարձրագույն կոչում և «Ոսկե արծիվ» շքանշան։ Ռոբերտ Աբաջյանի ծառայած զորամասում ոչ միայն վառ են պահում հերոս քաջորդու հիշատակը, այլև նրա օրինակով դաստիարակվում են նոր զորակոչված զինվորները: Նշենք,  որ  2016 թվականի նոյեմբերի 16-ին իր հարազատ կրթօջախում Ռոբերտ  Աբաջյանի  հիշատակինդասարան է անվանակոչվել: ...

    Կարդալ ավելին
  • Արգենտինահայ հայտնի թենիսիստ Դավիթ Նալբանդյանը լուսանկար է հրապարակել Բարսելոնայի ֆուտբոլիստներ Լիոնել Մեսիի եւ Ժերար Պիկեի հետ: «Շնորհակալ եմ ձեզնից՝ Լիոնել Մեսի եւ Ժերար Պիկե, որ մեզ ընդունեցին ձեր մարզումների ժամանակ: Չնայած նկատելի չէ, բայց Թեոն հիացած էր», - այսպես է մեկնաբանել ՆալբանդյանըInstagram-ում գհրապարակած լուսանկարը: Հիշեցնենք, որ Դավիթ Նալբանդյանը արգենտինահայ հայտնի թենիսիստ է, ում պապիկը ԲուենոսԱյրես է արտագաղթել Արեւմտյան Հայաստանից: 2008 թվականին Արգենտինայում Հայաստանիդեսպանը Դավիթ Նալբանդյանին հայկական անձնագիր է հանձնել: Նալբանդյանը մասնակցել է «Մեծ սաղավարտի» չորս կիսաեզրափակչի, 2002 թ.  նա դարձել է առաջին  արգենտինացին,  ով հայտնվել է Ուիմբլդոնի եզրափակիչում: Թենիսիստը կարիերանավարտել է 2013 թվականին: ...

    Կարդալ ավելին
  • Հայաստանի Հանրապետության վարչապետի պաշտոնակատար Նիկոլ Փաշինյանը ՀՀ պաշտպանության նախարարի պաշտոնակատար Դավիթ Տոնոյանի և Զինված ուժերի գլխավոր շտաբի պետի առաջին տեղակալ, գեներալ-մայոր Օնիկ Գասպարյանի ուղեկցությամբ այցելել է ՀՀ պաշտպանության նախարարության N զորամասի մարտական հենակետ և զորավարժարանում հետևել ցուցադրական հատուկ մարտավարական հարձակողական զորավարժություններին: Ինչպես տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, Նիկոլ Փաշինյանը ծանոթացել է առաջնագծում առկա իրավիճակին, այնուհետև նրան են ներկայացվել ինժեներական և ամրաշինական կառուցվածքները, հուսալի պաշտպանություն իրականացնելու նոր տեխնոլոգիաները, դիրքերում անձնակազմի անվտանգության բարձրացմանն ուղղված աշխատանքները, տեխնիկական հագեցվածությունը: Նիկոլ Փաշինյանն ուսումնական կետում հետևել է մարտական հրաձգության մարտավարական զորավարժությանը՝ բարդ լեռնային տեղանքում, որի ընթացքում գրոհային մարտավարական խմբերը գործել են բնագծերի բարելավման ուղղությամբ: Կառավարության ղեկավարի պաշտոնակատարը զրուցել է մարտական հերթապահություն իրականացնող զինծառայողների և հրամանատարների հետ, շնորհակալություն հայտնել նրանց անձնվեր ծառայության համար: Նիկոլ Փաշինյանը խրախուսել է դիրքապահ զինծառայողներին և մաղթել առողջություն ու խաղաղ ծառայություն: ...

    Կարդալ ավելին
  • «Արցախի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» ԱՀ օրենքին համապատասխան՝ ընթացիկ տարվա նոյեմբերի կեսի դրությամբ 1000 դրամի պարտադիր հանգանակության արդյունքում Արցախի Հանրապետությունից Զինծառայողների ապահովագրության հիմնադրամին փոխանցվել են 346.4 մլն դրամի չափով դրոշմանիշային վճարներ: Այս մասին տեղեկացրին ԱՀ ֆինանսների նախարարությունից՝ մանրամասնելով, որ յուրաքանչյուր գործատու կամ քաղաքացի իր կողմից կատարված դրոշմանիշային վճարների գումարները կարող է տեսնել «Զինծառայողների ապահովագրության հիմնադրամի» կայքում` www.1000plus.am հասցեով: ...

    Կարդալ ավելին
  • Արցախ այցելած ռուս բլոգերներ Նատալյա Անոխինան և Անտոն Ֆրոլովը իրենց բլոգում հոդված ե գրել Արցախի մասին, որում անդրադարձել են արցախյան խոհանոցին: Բլոգերները մասնակցել են Արցախում անցկացված գինու փառատոնին, որից հետո ներկայացրել ե իրենց տպավորությունները: «Լեռնային Ղարաբաղում, մասնակցելով գինու փառատոնին, մենք մոտեցանք սեղանին, որտեղ ժենգյալով հաց էին վաճառում: Այս համեղ կարկանդակի մասին մենք վաղուց գիտեինք: Դրանց միջուկը բաղկացած է մանր կտրտած տեղական 17 տեսակի կանաչիներից: Այն միշտ մատուցվում է տաք վիճակում, շատ համեղ է: Սակայն դրանց չափսերը սովորաբար այնպիսին են, որ մարդը միանգամից դժվարությամբ է կարողանում ուտել այն, հատկապես, երբ  կուշտ է ու բլոգ-տուրերի ընթացքում օրվա մեջ երեք անգամ սնվում է»,- գրել են բլոգերները: Բլոգերները պատմում են, որ այն պահին, երբ մոտեցել են ժենգյալով հաց գնելու ու չեն կողմնորոշվել, թե քանի հատ կարող են ուտել, մի անծանոթ հետաքրքրվելով և իմանալով, որ նրանք Ռուսաստանից հյուր են, հյուրասիրել է իրենց: «Դուք մեր հյուրերն եք, ես ձեզ հյուրասիրում եմ»,- ասել է անծանոթը, ով վճարել է ու հեռացել: «Եթե երբևէ կլինեք Լեռնային Ղարաբաղում, անպայման փորձեք ժենգյալով հացը: Հավանաբար, դա տեղական ամենահայտնի ուտեստն է: Դրանք կարելի է գնել Ստեփանակերտի շուկայում: Այնտեղ ժենգյալով հացը կպատրաստեն ձեր աչքերի առաջ: Միայն հաշվի առեք, որ շուկա աշխատում է վաղ առավոտից: Մի արգելակեք, շուտ արթնացեք ու շտապես այնտեղ»,- ասված է հոդվածում: Բլոգերները գրում են, որ իրենք Արցախում 4 օր են անցկացրել, և այդ ընթացքում իրենց այնպես են կերակրել, որ դրանից հետո երկու կիլոգրամ քաշ են հավաքել: «Ընդհանուր առմամբ Լեռնային Ղարաբաղի խոհանոցը նման է հայկական խոհանոցին՝ քյաբաբ, խորոված, բանջարեղեն, կանաչի, կոմպոտներ և գինի… դրանցով ձեզ կուրախացնեն միշտ և ամենուր: Որպես նախաուտեստ պարտադիր բերում էին թարմ բանջարեղեն, թթու, կանաչի պանիր, սմբուկի խավիար և մի քանի տեսակի հաց: Ընդ որում, բանջարեղենն այստեղ այն չէ, ինչը մեզ մոտ խանութներում վաճառում են: Ղարաբաղում բանջարեղենը միշտ թարմ է: Այնտեղ լոլիկից լոլիկի հետ է գալիս, վարունգից՝ վարունգի: Մեզ մոտ թթուն ոչ բոլոր հավաքներին է ընդունված մատուցել, բայց Ղարաբաղում առանց դրա չի լինում: Ընդ որում, այստեղ միայն թթու վարունգ ու լոլիկ չի մատուցվում: Դրանց հետ մեկտեղ մատուցվում է թթու ծաղկակաղամբ, պղպեղ, բամիա և մեզ համար անհայտ կանաչի»: Արցախ այցելած բլոգերներին տպավորել են նաև այնտեղ մատուցվող աղցանները, տարատեսակ  տաք ուտեստները: Հոդվածի վերջում նրանք անդրադարձել են Ստեփանակերտի շուկային՝ խորհուրդ տալով Արցախ այցելելու դեպքում անպայման լինել շուկայում, քանի որ այնտեղ կարելի է հանդիպել ամեն ինչ, ինչ կա Արցախում: «Եթե նույնիսկ դուք չեք պլանավորում ոչինչ գնել, կարող եք այնտեղ հետաքրքրիր ֆոտոսեսիա կազմակերպել»,- ասված է հոդվածում: Բլոգերները խոստանում են մեկ այլ հոդվածով անդրադառնալ Լեռային Ղարաբաղի գինուն: ...

    Կարդալ ավելին
  • Ադրբեջանում նոյեմբերի 14-ի առավոտյան Սամուխի էլեկտրակայանում պայթյուն է տեղի ունեցել, որը հրդեհ է առաջացրել: Ադրբեջանական ԶԼՄ-ների տվյալներով, Սամուխի էլեկտրակայանում տեղի ունեցած միջադեպի ժամանակ տուժել է 40-ամյա Էլմիր Հասանովը, հայտնում է news.am-ը: Տուժողը հոսպիտալացվել է վերակենդանացման բաժանմունք: Տղամարդը ծանր վիճակում է, ունի 3-րդ եւ 4-րդ աստիճանի այրվածքներ: Հիշեցնենք, որ երեկ պատահար էր տեղի ունեցել Ադրբեջանի մեկ այլ կայանում: ...

    Կարդալ ավելին
  • Տիգրան Ավինյանը ֆեյսբուքի իր էջում հրապարակել է արտահերթ խորհրդարանական ընտրություններում «Իմ քայլը» դաշինքի առաջին տասնյակը. Ըստ այդմ, հերթականությունը ներկայացված է հետեւյալ կերպ. Նիկոլ Փաշինյան 2. Արարատ Միրզոյան 3. Լենա Նազարյան 4. Տիգրան Ավինյան 5. Արայիկ Հարությունյան 6. Ալեն Սիմոնյան 7. Սասուն Միքայելյան 8. Լիլիթ Մակունց 9. Սուրեն Պապիկյան 10. Զարուհի Բաթոյան Ցուցակի բոլոր անդամները մասնակցելու են նաև ռեյտինգային ընտրակարգով՝ բացի Նիկոլ Փաշինյանից։ Հիշեցնենք, որ նախընտրական ցուցակները ԿԸՀ ներկայացնելու վերջնաժամկետը նոյեմբերի 14-ն է՝ ժամը 18։00–ը։ ...

    Կարդալ ավելին

Քաղաքականություն