• FBH
  • «WhoScored»-ը ներկայացրել է Հենրիխ Մխիթարյանը գնահատականը ԱՊԼ-ի 2-րդ տուրի` «Չելսիի» հետ խաղում: Ըստ վիճակագրական առաջատար կայքի` հայ ֆուտբոլիստը ստացել է 8.5 գնահատականը, ինչն ամենաբարձրն է «Արսենալում»: Խաղի լավագույն ֆուտբոլիստը Մարկոս Ալոնսոն է, ով 8.7 միավոր է ստացել: Ի դեպ, Մխիթարյանը գնահատականով գերազանցում է «Չելսիի» մյուս ֆուտբոլիստներին: Մխիթարյանը 5 սրող փոխանցում է կատարել, 3 օդային մենապայքարում է հաղթել: ...

    Կարդալ ավելին
  • Բարձրագույն դատական խորհուրդը պարզաբանել է, թե ինչու դիրքորոշում չի արտահայտում Հայաստանի Հանրապետության երկրորդ նախագահ Ռոբերտ Քոչարյանի գործով Վերաքննիչ քրեական դատարանի դատավոր Ալեքսանդր Ազարյանի կողմից ինքնաբացարկ չհայտնելու կամ նրա կայացրած որոշման իրավաչափության կապակցությամբ: Ինչպես FBH.am-ին տեղեկացրին ՀՀ դատական դեպարտամենտի մամուլի և հասարակայնության հետ կապերի ծառայությունից, պատճառները իրենց բնույթով զուտ իրավական են:    «Հայաստանի Հանրապետության Սահմանադրության 173-րդ հոդվածի համաձայն՝ Բարձրագույն դատական խորհուրդն անկախ պետական մարմին է, որը երաշխավորում է դատարանների և դատավորների անկախությունը: Ընդ որում, իր սահմանադրական առաքելությունը Խորհուրդը կարող է իրականացնել բացառապես իր լիազորություններն իրականացնելու միջոցով: Այդ լիազորություններից է դատավորին կարգապահական պատասխանատվության ենթարկելու և դատավորների լիազորությունների դադարեցման հարցի քննարկումը և լուծումը (Սահմանադրության 175 հոդվ., մ. 1, կկ. 7-8), որը կարող է իրականացվել բացառապես Դատական օրենսգրքով սահմանված կարգով (Սահմանադրության 175 հոդվ., մ. 4), մասնավորապես՝ հիշյալ Օրենսգրքի 19-րդ գլխում ամրագրված կանոններով: Չափազանց կարևոր է այն, որ Օրենսգիրքը Խորհրդին չի վերապահել դատավորի նկատմամբ կարգապահական վարույթ հարուցելու իրավասություն, բացառել է նույնիսկ վարույթի հարուցման փուլում կամ մինչև կարգապահական պատասխանատվության ենթարկելու մասին միջնորդությամբ Խորհրդին դիմելը վարույթ հարուցող մարմինների վրա որևէ եղանակով ներգործելու հնարավորությունը: Համապատասխան առիթների առկայության դեպքում (խախտման մասին հաղորդումներ, ԶԼՄ-ների հրապարակումներ և այլն) վարույթ հարուցելու իրավասությամբ օժտված համապատասխան մարմինը (այդպիսիք են՝ Կարգապահական հարցերի հանձնաժողովը, որը Բարձրագույն դատական խորհրդին ենթակա մարմին չէ, և Արդարադատության նախարարը) պարտավոր են հարուցել կարգապահական վարույթ, ուսումնասիրել դատավորին կարգապահական պատասխանատվության ենթարկելու հիմքերի առկայության հարցը և կատարված ուսումնասիրության արդյունքում կա՛մ դիմել Բարձրագույն դատական խորհրդին դատավորին կարգապահական պատասխանատվության ենթարկելու վերաբերյալ միջնորդությամբ, կա՛մ կայացնել կարգապահական վարույթը կարճելու մասին որոշում: Քանի դեռ վարույթ հարուցող մարմինը չի դիմել Բարձրագույն դատական խորհրդին դատավորին կարգապահական պատասխանատվության ենթարկելու վերաբերյալ միջնորդությամբ, Խորհուրդն իրավասու չէ կոնկրետ դեպքի (դիմումի) առնչությամբ որևէ գործողություն կատարել: Սահմանադրության համաձայն՝ դատավորին կարգապահական պատասխանատվության ենթարկելիս Խորհուրդը հանդես է գալիս որպես դատարան: Ակնհայտ է, որ նման կարգավորման պայմաններում թե՛ Խորհուրդը, ընդհանուր առմամբ, և թե՛ Խորհրդի յուրաքանչյուր անդամ, առանձին վերցրած, պետք է ղեկավարվեն իրավունքի գերակայության հրամայականով և դրսևորեն այնպիսի վարքագիծ, որը ողջամիտ դիտորդի մոտ կասկած չի հարուցի նրանց անկողմնակալության հարցում: Դատավորին կարգապահական պատասխանատվության ենթարկելու, առավել ևս նրա լիազորությունները դադարեցնելու հարցի քննարկումը լրջագույն իրավական խնդիր է, որի ընթացքում խստագույնս պետք է ապահովվեն օրինականությունը, արդար դատաքննության իրավունքը, ինչպես նաև դատավորի դատական գործունեությանը չմիջամտելու, դատավորի և դատարանի անկախությունը հարգելու և հեղինակությունը բարձր պահելու, կատարված կարգապահական խախտման համար նշանակվող կարգապահական տույժի համաչափության, կամայականության ու խտրականության արգելքի սկզբունքները (Օրենսգրքի 141 հոդվ.): Խորհրդի անդամները, որոնց համար ևս Օրենսգրքի 66-րդ հոդվածի համաձայն պարտադիր են դատավորի վարքագծի կանոնները, բոլոր հանգամանքներում պարտավոր են զերծ մնալ.   դատական իշխանությունը վարկաբեկող, ինչպես նաև դատական իշխանության անկախության և անաչառության վերաբերյալ հանրության վստահությունը նվազեցնող վարքագիծ դրսևորելուց,   մեկ այլ դատավորի կողմից արդարադատության իրականացմանը միջամտելուց,   դատավորի մասնագիտական և անձնական որակները հրապարակայնորեն կասկածի տակ առնելուց,   դատարանի գործողությունները, դատական ակտերը հրապարակայնորեն կասկածի տակ առնելուց,   որևէ դատարանում քննվող կամ ակնկալվող գործի վերաբերյալ հրապարակայնորեն կարծիք հայտնելուց,   այնպիսի հայտարարություն անելուց կամ վարքագիծ դրսևորելուց, որը վտանգում կամ կասկածի տակ է առնում դատավորի կամ դատարանի անկախությունը և անաչառությունը (Օրենսգրքի 69 հոդվ.):   Դատավորի կարգապահական պատասխանատվության, այդ թվում՝ նրա լիազորությունները դադարեցնելու հիմք հանդիսացող հանգամանքների վերաբերյալ Խորհրդի դիրքորոշումը և գնահատականները կարող են ձևակերպվել բացառապես դատավորին կարգապահական պատասխանատվության ենթարկելու վերաբերյալ միջնորդության քննության արդյունքում կայացված հիմնավորված և պատճառաբանված որոշման շրջանակներում: Այլ կերպ դիրքորոշում արտահայտելու կամ գնահատականներ տալու իրավասություն չունեն ո՛չ Խորհուրդը և ո՛չ էլ Խորհրդի անդամները: Եվ քանի որ ցանկացած նախապես արտահայտված դիրքորոշում հետագայում կարող է ողջամիտ կասկած հարուցել Խորհրդում ակնկալվող գործով Խորհրդի անդամների անաչառության մեջ, Խորհրդի անդամները, պարտավոր լինելով ողջամտության սահմաններում իրենց դրսևորել այնպես, որ նվազագույնի հասցվեն ինքնաբացարկի անհրաժեշտություն առաջացնող դեպքերը (Օրենսգրքի 70 հոդվ., մ. 1, կետ 14 կետ), հետայսու ևս ձեռնպահ կմնան նախնական գնահատականներ հնչեցնելուց»,- ասված է ԲԴԽ-ի տարածած հայտարարության մեջ: ...

    Կարդալ ավելին
  • Սերժ Սարգսյանի եղբորորդու՝ Նարեկ Սարգսյանի նկատմամբ միջազգային հետախուզում է հայտարարվել: Հիշեցնենք, որ ըստ ԱԱԾ հաղորդագրության՝ Նարեկ Սարգսյանին պատկանող բնակարանի խուզարկությամբ հայտնաբերվել են խոշոր չափի թմրանյութեր, զենք-զինամթերք: ...

    Կարդալ ավելին
  • Պարզ որոշումներ, որ կօգնեն կարգի բերել ձեր բիզնեսը։ 1. Մի փորձեք հասցնել ամեն ինչ և միանգամից Սա թակարդ է, որում հայտնվում են շատ գործարարներ։ Այո, դուք բոլորից լավ գիտեք, թե ինչ է անհրաժեշտ ձեր բիզնեսի զարգացման և հաջողության համար։ Նշանակում է՝ պետք է առավելագույնս կառավարել ամեն ինչ, ինչ ձեր ձեռքերում է։ Սակայն վաղ թե ուշ դուք կնկատեք, որ ամենօրյա մանրուքները սպանում են ձեր ժամանակը, իսկ այս կամ այն չափով ավելի լայնածավալ գործերի համար ռեսուրս չի մնում։ Բացում ենք մի գաղտնիք․ ձեր ամենօրյա առաջադրանքների մեծ մասը կարելի է պարզապես պատվիրակել ուրիշներին, միայն թե պետք է գտնել համապատասխան մարդկանց, ովքեր կիրականացնեն այդ աշխատանքները։ Հիմա կմտածեք, թե հետո էլ պետք է անընդհատ ստուգել՝ արդյոք լա՞վ է աշխատում այդ պատվիրակը, ծանոթանալ աշխատանքի արդյունքներին, հետևել, որ ամեն բան իդեալական լինի։ Քանի դեռ նա նոր է մտնում գործի մեջ, դա նորմալ է, բայց հավատացեք՝ երբ գտնեք իր գործին քաջատեղյակ մարդու, այլևս անհրաժեշտություն չի լինի անընդհատ հետևելու նրան։ Մի խոսքով՝ խնայեք ձեր ժամանակն ու էներգիան։ 2. Գնահատեք ձեր բիզնեսի արդյունավետությունը Կարևոր է կատարել վերլուծություններ՝ հենվելով շուկայում փորձի, ընդունված ավանդույթների վրա։ Առանց այդպիսի վերլուծությունների դուք կարող եք կորցնել ձեր եկամտի մեծ մասը։ Վերլուծություններն օգնում են հնարավորինս օգուտ քաղել բիզնեսից՝ կիրառելով էֆեկտիվ ռազմավարություն։ 3. Ընդունեք համալիր որոշումներ Օրինակ բերենք հաճախորդների հետ շփումը։ Մեր օրերում կան բազմաթիվ օնլայն հարթակներ և հավելվածներ, որ հնարավորություն են ընձեռում համակարգված հարաբերություններ հաստատել բոլոր հաճախորդների հետ միանգամից՝ ազատելով ձեզ անհարկի քաշքշուքներից։ 4. Մի կենտրոնացեք ուրիշների վրա «Ուզում եմ լինել Իլոն Մասքի նման»․ վատ նպատակ է, չնայած բավականին գրավիչ է հնչում։ Հայտնի գործարարների հաջողությունների ոգևորիչ պատմությունները չարժե ընդունել որպես շարժիչ ուժ։ Մեզնից յուրաքանչյուրն ունի հաջողության իր բաղադրատոմսը և դրան հասնելու իր միջոցները։ 5. Հիշեք առաջխաղացման մասին Երբեք մի բավարարվեք զարգացումներով։ Անընդհատ մտածեք նոր զարգացումների, նոր հաջողությունների, նոր քայլ առաջ գցելու մասին։ 6. Մի վախեցեք փոփոխություններից Առանց փոփոխությունների չի լինում և զարգացում, այնպես որ, երբեմն անհրաժեշտ է հրաժավել նրանից, ինչին սովոր եք, և ինչը ձեզ հարմար է՝ հանուն նորի։ Նույնիսկ ամենաստացված որոշումները միշտ չէ, որ աշխատում են։ Իրավիճակ է փոխվում։ Հետևեք այդ փոփոխություններին՝ ժամանակին անհրաժեշտ արձագանքը տալու համար։ ...

    Կարդալ ավելին
  • Ադրբեջանի իշխանություններն Արցախ այցի պատճառով Գերմանիայի կանցլեր Անգելա Մերկելի Քրիստոնեա-դեմոկրատական միություն կուսակցությունից պատգամավոր Ալբերտ Վայլերի մուտքը երկիր արգելվել է: Այս մասին հաղորդում է Bild պարբերականը: Վայլերն Արցախ է այցելել 2014 եւ 2016 թվականներին: Հիմա Ադրբեջանը նրան «անցանկալի անձ» է հայտարարել: Ադրբեջան նրա մուտքի արգելքի որոշումը կայացվել է ամենաբարձր մակարդակով, այնպես որ ադրբեջանցի դեսպանի հետ այդ հարցով բանակցություններն անարդյունք են ավարտվել, պարզաբանում է Bild-ը: Հարավային Կովկասի երկրների հետ Գերմանիայի հարաբերությունների խորհրդարանական խմբի փոխնախագահ Ալբերտ Վայլերը պետք է օգոստոսի 24-ից Մերկելին ուղեկցեր Վրաստան, Հայաստան եւ Ադրբբեջան այցի ընթացքում: Վայլերը մտահոգություն է հայտնել տարածաշրջանում տիրող իրավիճակի կապակցությամբ: «Ադրբեջանը հաճույքով իրեն որպես ժողովրդավար է ներկայացնում: Ժողովրդավարական ճանապարհով ընտրված պատգամավորի դեմ այդ գործողությունները ոչ մի ընդհանուր բան չունեն ժողովրդավարության հետ»,- ասել է Վայլերը: Նա մտադիր է հրաժարվել ուղեւորությունից: ...

    Կարդալ ավելին
  • «Ժողովուրդ» թերթը գրում է. «Նիկոլ Փաշինյանի կառավարությունը Հայաստանում սահմանադրական փոփոխություններ նախաձեռնելիս ստիպված է դիմելու ԱԺ ՀՀԿ խմբակցության օգնությանը: Բանն այն է, որ ՀՀ Սահմանադրության 92-րդ և 151-րդ հոդվածները, որոնք առնչվում են ԱԺ արտահերթ ընտրությունների անցկացմանը, կարող են փոփոխվել նաև խորհրդարանի կողմից: Բայց դրա համար անհրաժեշտ է, որ կողմ քվեարկի պատգամավորների առնվազն երկու երրորդը՝ 70 հոգի: Հիմա ԱԺ 105 պատգամավորներից 50-ը դեռ ՀՀԿ խմբակցության անդամ են, բացի այդ, 8 պատգամավոր ՀՀԿ-ից դուրս է եկել, բայց դժվար է միանշանակ նրանց համարել Փաշինյանի թիմի անդամ: Այնպես որ, Նիկոլ Փաշինյանին փորձություններ են սպասվում, որպեսզի իր կողմը գրավի բավարար թվով օրենսդիրներին»: Մանրամասն՝ թերթի այսօրվա համարում  ...

    Կարդալ ավելին
  • «Մայրաքաղաք Երևանն իր 2800-ամյակը կդիմավորի առանց քաղաքապետի: Ինչպես հայտնի է՝ ԿԸՀ-ն Երև­անի ավագանու ընտրությունների օրը նշանակել է սեպտեմբերի 23-ին: Այդ օրը պարզ կդառնա ապագա ավագանու կազմը, ըստ այդմ նաև ապագա քաղաքապետի անունը: Սակայն, չնայած այդ հանգամանքին, ավա­գանին միանգամից չի ընտրելու քաղաքապետին, «Ժողովուրդ» թերթը բազմիցս տեղեկացրել է, որ «Երևան քաղաքում տեղական ինքնակառավարման մասին» ՀՀ օրենքի 17-րդ հոդվածի համաձայն՝ «Արտահերթ ընտրու­թյունից հետո նորընտիր ավագանու նիստը հրավիրվում է ընտրության արդյունքների պաշտոնական հրապարա­կումից հետո՝ ավագանու ընտրու­թյան արդյունքները պաշտոնապես կհրապարակի ընտրություններից մի քանի օր անց, եթե մինչ այդ նաև մաս­նակից ուժերից չբողոքարկեն արդյունքները: Ցանկացած դեպքում օրենքով սահմանված 10-րդ օրը չի լինի սեպ­տեմբերի 29-30-ին, այսինքն՝ այն օրերին, երբ մայրաքաղաքը նշում է հիմնադրման օրը»: Մանրամասն՝ թերթի այսօրվա համարում ...

    Կարդալ ավելին
  • Հայաստանում հեղափոխությունից ու իշխանափոխությունից հետո ղարաբաղյան հակամարտության կարգավորման բանակցային գործընթացը դոփում է տեղում: Առաջիկայում ևս, կարծես, որևէ էական տեղաշարժ՝ կողմերի շփումների առումով չի սպասվում: Չենք խոսում նաև այն մասին, որ պաշտոնական Երևանի հայտարարությունը, որ Ստեփանակերտը պետք է վերադառնա բանակցային սեղանի շուրջ, որն արվեց ՀՀ վարչապետ Նիկոլ Փաշինյանի կողմից, հերթական ջղաձգումներն առաջացրեց Բաքվի իշխանությունների մոտ: Սակայն այս ամենի ֆոնին Ադրբեջանում ՌԴ դեսպան Միխայիլ Բոչարնիկովն այսօր հայտարարել է, որ «ղարաբաղյան հակամարտության կարգավորման գործընթացում նկատվում է որոշակի շարժ՝ հասարակությունների մակարդակով կողմերի միմյանց ճանաչելու ուղղությամբ»: Առաջնագծում իրավիճակի, բանակցային գործընթացում վերջին նորությունների ու տարածաշրջանային զարգացումների հիման վրա արվող կանխատեսումների շուրջ VERELQ-ը զրուցեց Արցախի Հանրապետության նախագահի խորհրդական Տիգրան Աբրահամյանիհետ: -Պարոն Աբրահամյան, արդյոք խախտվել է բանակցային գործընթացում առկա տևական լռությունը և կա՞ ինչ-որ առաջընթաց: -Պետք է արձանագրենք, որ ներկայումս առաջընթաց չկա ոչ միայն բանակցային գործընթացում, այլև առհասարակ բանակցություններ չկան: Այնպես որ խոսել այդ գործընթացում որևէ տեսակի առաջընթացի մասին սխալ է, որովհետև այս պահի դրությամբ այդ մակարդակում մենք որևէ բան չունենք: Ավելին՝ Ադրբեջանը շարունակում է հստակ ցույց տալ, որ իր համար առաջնային է ղարաբաղյան հակամարտության կարգավորման ռազմական ճանապարհը, և այս պարագայում Ադրբեջանը ոչ մի ջանք չի գործադրում գործընթացը քաղաքական լուծման ճանապարհով տանելու ուղղությամբ: -Ինչո՞վ է վտանգավոր այս իրավիճակը, երբ բանակցությունները, ըստ էության, սառեցված են: -Առհասարակ, եթե չկան բանակցություններ, ապա ինքնին պատերազմի հավանականությունը մեծանում է և այս պարագայում որքան այս գործընթացը շարունակվի, այնքան հավանականությունը, որ ռազմական գործողությունների կվերսկսվեն, կմեծանա: -Շատ է խոսվում այն մասին, որ տարածաշրջանում առկա լարված իրավիճակը կարող է ազդել ղարաբաղյան հակամարտության կարգավորման գործընթացի վրա՝ Հայաստանի համար անցանկալի սցենարով: Ինչը պայմանավորված է ուժեղացող Թուրքիայով, ռուս-թուրքական հարաբերությունների աննախադեպ մակարդակով, ուժեղացող իրանա-ադրբեջանական հարաբերություններով և այլն: -Մեր հարևանությամբ ու այս տարածաշրջանում տեղի ունեցող ցանկացած գործընթաց ազդեցություն ունի ամբողջ տարածաշրջանի անվտանգության ու կայունության վրա և Ղարաբաղը բացառություն չէ: -Անցած շաբաթ հակառակորդը հերթական հարձակման փորձն է ձեռնարկել ՊԲ մարտական դիրքերից մեկի ուղղությամբ և հետ շպրտվել: Ինչպիսի՞ն է իրավիճակն  առաջնագծում: -Իրավիճակը փոփոխական է, Ադրբեջանն անընդհատ փորձելու է ճեղքման հատվածներ գտնել առաջնագծի տարբեր ուղղություններով: Այս կոնտեքստում մեր խնդիրն է  հնարավորինս անվտանգ դարձնել առաջնագիծը և հնարավորինս բարձրացնել հայկական զորքերի զգոնությունն ու մարտունակությունը: Լիա Խոջոյան ...

    Կարդալ ավելին
  • «Ժողովուրդ» թերթը գրում է. «Օգոստոսի 17-ին ՀՀ վարչապետ Նիկոլ Փաշինյանն իր պաշտոնավարման 100 օրվան նվիրված հանրահավաքին հայտարարել էր, որ իր քայլերթը սկսելու է Էրեբունի վարչական շրջանից, որտեղից ապրիլի 22-ին նրան ԱԱԾ աշխատակիցները ձերբակալեցին: «Ժողովուրդ» օրաթերթի տեղեկություններով՝ ԱԱԾ-ն հորդորել է վարչապետի քայլերթը չսկսել Էրեբունի վարչական շրջանից, քանի որ այդպես դժվար կլինի ապահովել նրա անվտանգությունը, քանի որ ԱԱԾ-ն չունի այդ աստիճան ներուժ: Սական անվտանգության աշխատակիցների հորդորներին Փաշինյանն ուշադրություն չի դարձրել և քայլերթը սկսել է Էրեբունի վարչական շրջանից: Մինչ այդ նկատենք, որ Փաշինյանն այնքան էլ մեծ ուշադրություն չի դարձնում իր անվտանգությանը, հաճախ է մարդկանց հետ հանդիպումներում թիկնապահների համար անակնկալ փոխում ուղղությունը, մտնում մարդկանց մեջ շփվելու»: Մանրամասն՝ թերթի այսօրվա համարում ...

    Կարդալ ավելին
  • «Հրապարակ» թերթը գրում է. «Շաբաթ օրը սովետական շրջանի հայտնի կոմունիստական գործիչ Ալեքսան Կիրակոսյանի ծննդյան 100-ամյակն էին նշում։ Նա սովետական դարաշրջանի ամենահետաքրքիր գործիչներից էր, որի մասին բազում ուշագրավ հուշեր են պատմում նրա ժամանակակիցները։ Նա մահացել է 2007 թվականին՝ 88 տարեկան հասակում, եւ թաղված է Երևանի կենտրոնական գերեզմանատանը։ Շաբաթ օրը մերձավորները նախ այցելել են նրա գերեզմանին, ապա երեկոյան սեղանի շուրջ հիշել նրան։ Հավաքին մասնակցել է նաև Սերժ Սարգսյանը՝ իր թիկնազորի պետ Վաչոյի ուղեկցությամբ։ Նախկինում էլ, համենայնդեպս 5 տարի առաջ, նա մասնակցել է Ալեքսեյ Մատվեյիչի հիշատակի արարողությանը։ 100-ամյակի կապակցությամբ ընտանիքը նաեւ Կիրակոսյանի հուշերի գիրքն է վերահրատարակում, որը տպագրվել է 2002 թվականին՝ Կարինե Խոդիկյանի խմբագրմամբ»: Մանրամասն՝ թերթի այսօրվա համարում  ...

    Կարդալ ավելին

Քաղաքականություն