• Կարեն Վրթանեսյան
  • Սույն պաստառը ՀՀ արդարադատության ստորագրությամբ է, այսինքն՝ նախարարության ղեկավարությունը հավանություն է տվել, որ այս տեքստով հրապարակվի․ «Հայ ընտանիք՝ առանց բռնության»։ Ուզում եմ հասկանալ՝ արդյոք նախարարությունում տեղյակ չե՞ն, որ Հայաստանում, բացի հայերից, ապրում են նաև այլ ազգերի ներկայացուցիչներ, թե՞ ակնարկում են, որ միայն հայ ընտանիքում է բռնություն հնարավոր։ Կամ գուցե ցույց են տալիս, որ թքած ունեն ազգությամբ ոչ հայ ՀՀ քաղաքացիների ընտանեկան խնդիրների վրա։ Ցանկացած դեպքում այս տեքստը խոսում է այն մասին, որ արդարադատության նախարարության պատասխանատուները վատ են պատկերացնում, թե հանուն ինչի են պայքարում։ Ես այս պաստառն ընկալում եմ որպես էթնիկ խտրականության դրսևորում արդարադատության նախարարության կողմից։ Նյութի աղբյուր՝ https://www.facebook.com/photo.php?fbid=1660187944019396&set=a.388679544503582.87207.100000846187037&type=3&theater ...

    Կարդալ ավելին
  • Հիշո՞ւմ եք, որ ադրբեջանցիները «Razm.info Official» կեղծ էջ էին ստեղծել՝ Razm.Info-ի նկարներով, տեքստերով, 25000 ընթերցող հավաքել։ Երկար պատմություններով հաջողվեց փակել այդ էջը։ Հիմա էլ կեղծ էջեր են ստեղծել «Seyran Ohanyan Official», «Serge Sargsyan official»։ Բավականին երկար ժամանակ ինչ-որ լուսանկարներ ու հայերեն նորմալ տեքստեր են լցրել, որ տպավորություն ստեղծվի, թե իսկական էջ է։ 25000-ի կարգի լայք ունի առաջին էջը։ Ու հիմա կեղծ ինֆո են տարածում այդ էջում, թե իբր երեկ մեր զինվոր է զոհվել։ Մի խոսքով՝ դրանք ֆեյք են, կուտը չուտեք, ընկերներ ջան։ Մի խնդրանք էլ. ոմանք հետաքրքրասիրությունից դրդված՝ հիմա գտնելու են այդ էջը, լինկը դնեն և այլն... Պետք չի։ Լիքը մարդ շփոթելու է ու գնա, կեղծ էջը լայքի, քանի որ պաշտոնականին շատ է նման։ Կեղծ էջի վրա հղում մի դրեք, նույնիսկ եթե գրում եք կողքը, որ կեղծ է։ Նյութի աղբյուր՝ https://www.facebook.com/groul/posts/1486941078010751 ...

    Կարդալ ավելին
  • Նախ՝ «ապստամբություն» չէ, այլ «ահաբեկչություն»։ Սա շատ հստակ է, որովհետև մարտավարությունը լրիվ ահաբեկչական է. պատանդներ վերցնել մեկ կամ մի քանի տեղում, պատանդներին սպառնալով՝ սկսել պայմաններ թելադրել։ Սա հենց այն է, ինչ հիմա կատարվում է։ Պետք չի էշ-էշ տարածել ահաբեկիչների պիառը։ Երկրորդը՝ ահաբեկիչների հայտարարությունները տարածելը, տեռորի կոչեր անելը քրեական հոդված են, կապ չունի, որ Ֆեյսբուքում եք։ Ուղեղով մտածեք ինչ-որ բան տարածելուց առաջ։ Նյութի աղբյուր` https://www.facebook.com/groul/posts/1127834907254705 ...

    Կարդալ ավելին
  • Սարգսյան-Ալիև-Պուտին հանդիպման արդյունքների մասին հայկական ու ռուսական կողմը տվեցին նույն տեքստը, ադրբեջանականը մեկ օր ձեն չհանեց (չհաշված, որ իրենց ԱԳՆ մամուլի խոսնակը Թվիթերում նույն այդ տեքստը share արեց), իսկ այսօր նախագահի աշխատակազմի ղեկավարի մակարդակով մուտիլովկա արեցին. հայտարարեցին, թե Հայաստանն իբր համաձայնվել է հակամարտության կարգավորման «փուլային տարբերակին» (մենք միշտ պնդել ենք, որ միանգամից պիտի բոլոր հարցերը փակվեն, հակառակ դեպքում կարգավորում չի ստացվի)։ Մի քիչ ուշացած մուտիլովկեն, ենթադրում եմ, վկայում է այն մասին, որ ադրբեջանցիները գոհ չեն բանակցությունների արդյունքներից ու հիմա՝ շրջանառության մեջ մտցնելով այն կուտը, թե Սարգսյանն իբր համաձայնվել է հերթով տարածքները հանձնել, փորձում են Հայաստանի հասարակական կարծիքի միջոցով ճնշում գործադրել ՀՀ նախագահի վրա։ Չեմ զարմանա, որ հայկական կողմից այդ կուտը «ուտողներ» կլինեն, որովհետև շատ հարմար գործիք է նախընտրական այս շրջանում «всё пропало, гипс снимают» ոճի քարոզչություն վարելու համար։ Հ.Գ. Դատելով նախորդ ամսվա պաշտոնական հայտարարություններից, այն, ինչ Ադրբեջանը փորձում է որպես «փուլային տարբերակ» ներկայացնել, իրականում հայկական կողմի առաջ քաշած «Ի՞նչ բանակցություն, եթե սկի հրադադարի խախտումները գրանցելու մեխանիզմներ չկան» թեզն է։ Որն փուլ է, բայց ոչ թե հակամարտության կարգավորման, այլ բանակցային գործընթացի։ Նյութի աղբյուր՝ https://www.facebook.com/groul/posts/1111446748893521 ...

    Կարդալ ավելին
  • Նոր ու ահավոր տհաճ երևույթ. ինչ-որ ֆեյքեր երկտողեր են ուղարկում սփյուռքում մեր հայրենակիցներին, թե. «զինվորի մայր եմ, տղես առաջնագծում է, լուր չունեմ, տեղս չեմ գտնում, փող չունեմ, որ տղուս զանգեմ, խնդրում եմ փող փոխանցեք այսինչ համարին հեռախոսի»։ Սենց բան եթե ստանում եք, միանգամից ֆեյքին report արեք։ Ըստ իս՝ կարելի է նաև փոխանցել երկտողում նշվող կոնտակտային տվյալները պատկան մարմիններին։ ՈՉ ՄԻ ԴԵՊՔՈՒՄ ՓՈՂ ՄԻ ՓՈԽԱՆՑԵՔ ԴՐԱՆՑ Նյութի աղբյուր՝ https://www.facebook.com/groul/posts/1063350427036487 ...

    Կարդալ ավելին

ՖԲՀ

Քաղաքականություն

  • /uploads/photos/CbzTSylWKEI9lH4viTlr.jpg

    Համոզված եմ՝ երկրի վարչապետի երեկվա ելույթի վերաբերյալ կարծիքներ եւ հիացական, եւ ոչ այնքան կլինեն շատ։ Երեկվա ելույթն ինձ համար, ի թիվս շատ այլ հարցերի, կանխագուշակում է մի բան՝ չնայած ելույթում հնչեցված բոլոր պնդումներին` ՀՀ-ում ժողովրդավարությունը հսկայական քայլերով նահանջ է ապրում։ Ես կարող եմ երկար անդրադառնալ դատական համակարգի վրա այս ելույթի ազդեցությանը, վարչապետի՝ սեփական անձից բացի բոլորին իշխանությունից հեռացնելու թեզին, որը քողարկված էր հրապարակում համաժողովրդական որոշում կայացնելու շղարշով, խիստ վիճահարույց այլ հարցերի, բայց այսօր կանդրադառնամ ելույթի միայն մեկ հարթությանը՝ խոսքի ազատությանը։ Մի հետաքրքիր վերլուծություն կա, որը ուղիղ կապ է տեսնում քաղաքացիական խաղաղ անհնազանդության կամ, հայկական տարբերակով, «սիրո եւ համերաշխության հեղափոխության» արդյունքում դրական փոփոխությունների և երկրում ժողովրդավարության և մասնավորապես` խոսքի ազատության բարելավման միջև: Այս առումով նոր կառավարության գործունեության 100 օրը ամփոփելիս ունենք հետևյալ պատկերը.  • ՀՀ Կառավարության նիստերի դահլիճում բարձրաձայնվում է այն միտքը, որ կառավարության որոշումները պետք է բացառապես ընդունվեն միաձայնությամբ՝ առանց որեւէ դեմ ձայնի (այս կապակցությամբ ընդդիմադիր Ն. Փաշինյանը ծաղրում էր նախկին կառավարություններին),  • Երկրի վարչապետը անում է ոչ հասցեական հայտարարություն՝ թիրախավորելով զանգվածային լրատվության միջոցների «հակապետական» գործունեությունը,  • Նոր կառավարության հասցեին նույնիսկ փոքր-ինչ քննադատություն հնչեցնող լրատվամիջոցի կամ լրագրողների հասցեին միանգամից տարածվում են լրատվամիջոցը «մերժելու» կոչեր, իսկ լրագրողներն էլ արժանանում են անձնական վիրավորանքների,  • Այլակարծությունն աստիճանաբար վերածվում է վերացող երեւույթի: Յուրաքանչյուր տարբերվող կարծիք կամ տեսակետ պիտակավորվում է որպես «հակահեղափոխական» եւ սոցիալական հարթակներում սկիզբ դնում ատելության խոսք ու վիրավորանք պարունակող այնպիսի գրառումների եւ մեկնաբանությունների, որ ակամա ապշում ես, թե ինչ հարուստ երեւակայություն եւ բառապաշար կարելի է օգտագործել վիրավորանքն ու ատելությունն արտահայտելու համար։  • Մինչ այս պահը ես գուցե միամտորեն հույս ունեի, որ կառավարության համար կարեւոր է խոսքի ազատության պաշտպանությունը, քանի որ ժողովրդավարությունը որպես իր գործունեության հիմնական առանցք հռչակած կառավարության համար այն պետք է, որ լիներ գերագույն արժեք, առավել ևս, որ խոսքի ազատության լիարժեք իրացումն է նաև կերտել Նիկոլ Փաշինյան քաղաքական գործչին: Սակայն երեկ Հանրապետության հրապարակում ուղղակի ոտնակոխ արվեց խոսքի ազատությունը՝ խորացնելով այլակարծության նկատմամբ անհանդուրժողականությունը՝ հռչակելով, որ նախ պետք է մտածել, հետո միայն խոսել, իսկ «խոսքի ազատության» երաշխավորն ու հովանավորն էլ ԱԱԾ-ն է: Թերևս  ավելորդ է նշել, որ խոսքի ազատության սկզբունքի ողջ «պերճանքն ու թշվառությունն» այն է, որ անձն ինքն է որոշում՝ մտածի, հետո խոսի, խոսի, հետո մտածի, թե առհասարակ չմտածի։ Կարծում եմ՝ այսօր մենք կանգնած ենք շատ վտանգավոր ու պատասխանատու ճամփաբաժանին: Եթե չփոխվեն մոտեցումները, նշանակում է` մենք հրաժարվում ենք խոսքի ազատությունից, հետեւաբար նաեւ ժողովրդավարությունից։ Նյութի աղբյուր՝ https://www.facebook.com/arpine.hovhannisyan.14/posts/2603472549678600

    Կարդալ ավելին