• Վահե Մովսիսյան
  • Այսօր Հայաստանի երրորդ հանրապետության ամենախարիզմատիկ քաղաքական գործիչներից մեկի՝ Արթուր Բաղդասարյանի ծննդյան տարեդարձն է։ Մի մարդու, ում անունն իսկապես բրենդ է քաղաքական դաշտում։ Մի մարդկային տեսակ, որին կամ ընդունում, հավատում և նրա հետևից գնում են, կամ նրան ընդհանրապես չեն սիրում՝ չփորձելով անգամ խորանալ նրա գաղափարների և տեսլականների մեջ։ Դրա հիմնական պատճառն իմ համոզմամբ այն է, որ մարդիկ սիրել են նրա քաղաքական կերպարը, ընդունել, բայց քաղաքական կյանքը լի է վայրիվերումներով և անհնար է իրականում գտնել այնպիսի լուծումներ, որոնք ընդունելի կլինեն քո բոլոր համակիրների համար։ Մարդ, որն ունի իր կուռ պատկերացումները Հայաստանի զարգացման և առաջընթացի վերաբերյալ և չի հրաժարվում իր գաղափարներից ու մոտեցումներից։ Արթուր Բաղդասարյանը քաղաքական գործչի այն տեսակն է, որն իր կյանքն առանց քաղաքականության չի կարող պատկերացնել, քանզի քաղաքականությունը նրա էությունն է։ Կարելի է ընդունել կամ չընդունել Արթուր Բաղդասարյան քաղաքական գործչին, նրա մոտեցուները, պատկերացումները, բայց անհնար է չընդունել նրա բարձր պատրաստվածությունը, ինտելեկտը, հռետորական որակները, կշռադատված գործելաոճը։ Չնայած Բաղդասարյանի քաղաքական թիմը ստացավ բավականին լուրջ քվեներ վերջին ԱԺ ընտրություններում, սակայն դա բավարար չեղավ ԱԺ անցնելու համար, և իրականում այսօրվա ԱԺ-ն ունի Բաղդասարյանական քաղաքական թիմի կարիքը։ Դա իմ համոզմունքն է։ Ճշմարտության բացահայտման լավագույն աղբյուրը ժամանակն է, և այն դեռ ցույց կտա իրականությունը։ Վստահ եմ, որ Արթուր Բաղդասարյանը կոտրվող տեսակ չի, և դեռ կպայքարի իր գաղափարների իրագործման համար, որոնք Հայաստանը դուրս կբերեն այս ճահճից․․․ Նյութի աղբյուր՝ https://www.facebook.com/photo.php?fbid=1531025893646768&set=a.126434077439297.33009.100002181153029 ...

    Կարդալ ավելին
  • Չգիտեմ՝ ով ինչպես, բայց ես կարծում եմ, որ Արթուր Ասատրյանի (Դոն Պիպո), Ռուբեն Թաթուլյանի (Ռոբսոն) և արտերկրում հսկայական հաջողությունների հասած այլ հայերի ներուժը պետք է օգտագործվի ի նպաստ Հայաստանի զարգացման։ Նման քաղաքականությունը կարող է հսկայական օգուտ բերել մեր երկրին։ Նրանք մարդիկ են, ովքեր օտար երկրներում հասել են բարձունքների և կարող են օգնել Հայաստանին վերականգնել իր տնտեսությունն ու հզորությունը։ Նրանց նման մարդիկ սփյուռքում շատ կան։ Եկեք օգտվենք մեր ունեցած հնարավորությունից։ Իսկ մենք, ի՞նչ ենք անում․․․ Հ․Գ․ Սուբյեկտիվ տեսակետ, կարող եք չհամաձայնել․․․ Նյութի աղբյուր՝ https://www.facebook.com/vahe.mosinyan/posts/1365789916837034 ...

    Կարդալ ավելին
  • Ցավակցում եմ զոհված ոստիկանի հարազատներին և ընկերներին։  Ամեն դեպքում ես չեմ կարող հավատալ, որ ոստիկանը զոհվել է ՊՊԾ Գնդից 350-400 մ հեռավորության վրա գտնվող ավտոմեքենայի մեջ, Սասնա ծռերի դիպուկահարի գնդակից։ Տղերքին ոչինչ չէր տա նման քայլը, ավելին, եթե նման նպատակ ունենային, ապա կկրակեին որևէ բարձրաստիճան ոստիկանի վրա, օրինակ Վովա Գասպարյանի, նրա տեղակալների ուղղությամբ, ավելին՝ ազատ չէին արձակի Օսիպյանին և Եղիազարյանին։ Այստեղ տրամաբանության որևէ նշույլ չկա։  Հիշենք նաև, որ ԱԱԾ-ն և Ոստիկանությունն այսօր վերջնագիր էին ներկայացրել Սասնա ծռերին, որտեղ խոսվել էր գրոհի մասին, իսկ գրոհին պետք է անհրաժեշտության տեսք հաղորդվի։  Ամեն դեպքում սա իմ անձնական տեսակետն է, և կարող եք չհամաձայնել ինձ հետ․․․ Հուսանք, որ մանրամասները շատ արագորեն կպարզվեն․․․ Նյութի աղբյուր` https://www.facebook.com/vahe.mosinyan/posts/1057005381048824 ...

    Կարդալ ավելին
  • Տեղի է ունեցել պետական հեղաշրջման փորձ, որն իրականացրել են զինվորական ղեկավարները։ Մամուլու շրջանառվում է հակասականա տեղեկավություն․ մի կողմից վարչապետի հայտարարությունը, թե իրավիճակը վերահսկելի է և մեղավորները կպատժվեն, իսկ մյուս կողմից, թե Էրդողանը գահընկեց է արվել, կառավարությունը ցրվել։ Ակնհայտորեն երկու կողմերը ներքշվել են նաև ինֆորմացիոն պատերազմի մեջ։ Անկախ նրանից, թե որ կողմն է իրավացի, սա հարված էր Թուրքական պետության հզորությանը, որը դեռ երկար ժամանակ իրեն զգացնել կտա։ Օգտվելով ստեղծված հարմար պահից հնարավոր է նաև քրդական հարցի նորովի ակտիվացում, որը Թուրքիային էլ ավելի խոր ճգնաժամի մեջ կգցի։ Մյուս կողմից Թուրքիան, ունենալով լրջագույն խնդիրներ, որևէ աջակցություն չի կարող ցուցաբերել իր ակտվացած կրտսեր եղբորն ընդդեմ Հայաստանի։ Մնում է ՀՀ իշխանությունները գիտակցեն հնարավորություններն ու անելիքները, որոնք ավելի շահեկան կլինեն մեր համար։ Նյութի աղբյուր` https://www.facebook.com/vahe.mosinyan/posts/1047269702022392?from_close_friend=1&ref=notif&notif_t=close_friend_activity&notif_id=1468617533701916 ...

    Կարդալ ավելին
  • Ամեն րոպե հետևելով Հայաստանում և Արցախում տիրող իրավիճակին, ինքնստինքնյան ոգևորվում ես հայ մարդու հայրենասիրության դրսևորումներով, հայ զինվորի ոգով և դուխով։ Համացանցում արդեն տարածվել են մի քանի տասնյակի հասնող տեսանյութեր, որոնք ներկայացնում են կադրեր, թե ՀՀ-ի և Արցախի տարբեր շրջաններում ինչպես են մարդիկ կամավոր զինվորագրվում և մեկնում ռազմաճակատ՝ մի կողմ թողած ներքին հակասությունները, քանի որ մեր սահմանների անվտանգությունը կարևորագույն խնդիրն է։ Տեսեք, անընդհատ հետևում եմ նաև ադրբեջանական ԶԼՄ-ներում տարածվող տեղեկատվությանը և ոչ մի նմանաբնույթ տեղեկատվություն։  Ահա այն կարևորագույն տարբերությունը, որ կա հայի և ադրբեջանցու էթնոհոգեբանության մեջ։ Սա նաև դրսևորումն է այն հանգամանքի, որ մենք տեղաբնիկ ենք, այլ ոչ թե եկվոր, ինչպես ադրբեջանական թաթարները։ Հայի դուխն ուրիշա․․․ Նյութի աղբյուր՝ https://www.facebook.com/vahe.mosinyan/posts/985248854891144?notif_t=close_friend_activity¬if_id=1459684921752 ...

    Կարդալ ավելին
  • Սահմանային լարված իրադրության վերաբերյալ հրապարակայն տեղեկությունների համադրմամբ կարելի է եզրակացնել, որ Ադրբեջանի մաքսիմում պլանը մեկ-երկու ռազմական հենակետ գրավելն էր։ Նախահարձակ լինելով ողջ զինտեխնիկայով նրանց սկզբնապես հաջողվել է որոշակի առավելություն ապահովել և գրավել մեկ-երկու ռազմական հետակետ, սակայն հակահարձակման արդյունքում ադրբեջանցիներն իրենց մաշկի վրա զգացին հայ զինվորի ուժը և այժմ փորձում են պարզապես ամրանալ այդ փոքր նվածումների վրա։ Այդ մասին է վկայում քիչ առաջ Ադրբեջանի ՊՆ-ի տարածած հաղորդագրությունը, որում ասվում է, թե Ադրբեջանը միակողմանիորեն ցանկանում է դադարեցնել ռազմական գործողությունները և ամրանալ նվաճված տարածքներում։ Հաղորդագրության վերջին հատվածում Ադրբեջանը վերջնագրային ձևով հայկական ուժերից պահանջում է դադարեցնել հակահարձակողական գործողությունները, այլապես իրենց ողջ զինտեխնիկայով կանցնեն հարձակման։ Իսկ ինչ կարելի է ենթադրել այս ամենից․ Ադրբեջանի ախորժակը, որն սկզբնապես շատ մեծ էր, չհագեցավ և ցանկանում են բավարարվել այդ ձեռքբերումներով՝ տեսնելով ռեալ վտանգ՝ հակահարձակման արդյունքում սեփական երկրի տարածքներից նոր հողեր զիջելու։ Սակայն Ադրբեջանի այս առաջարկն ընդունելը մեզ համար կարող է շատ վատ հետևանքներ ունենալ և նախադեպ հանդիսանա հետագայի համար։ Ադրբեջանի ձայնը մի երկարատև ժամանակով լռեցնելու համար անհրաժեշտ են պատժիչ գործողություններ, որոնց արդյունքում ադրբեջանական կորուստները կլինեն մաքսիմում մեծ։ Մյուս կողմից դեպքերի նման ընթացքը կարող է սասանել ալիևյան վարչակարգի դիրքերը, և ինչպես 90-ական թթ․ սկզբներին առաջացնի ներքին անկայուն դրություն։ Այս ընթացքի պարագայում հայկական կողմը շահող դուրս կգա։ Նյութի աղբյուր՝ https://www.facebook.com/vahe.mosinyan/posts/985193938229969?notif_t=close_friend_activity¬if_id=145967786963813 ...

    Կարդալ ավելին
Загрузка...

ՖԲՀ

Քաղաքականություն