• Արտյոմ Տոնոյան
  • Ադրբեջանի առաջին տիկին Մեհրիբան Ալիևան անցած տարի, երբ արդեն նաև փոխնախագահի պաշտոնում էր նշանակվել, ռուս գրող Ալեքսանդր Պրոխանովի հետ հանդիպման ժամանակ մի հայտարարություն արեց․ «Ես երբեք թույլ չեմ տա, որ Ադրբեջանի ժողովրդի մոտ ի դեմս հայերի թշնամու կերպար ձևավորվի։ Եղել են ժամանակներ, երբ այս ժողովուրդները միասին են ապրել, մի սեղանի շուրջ են նստել և գինի խմել։ Հենց այդ ժամանակները պետք է վերադառնան»։ Ալիևան նաև ասել էր, որ որքան ավելի շատ մարդասիրություն լինի ժողովուրդների մեջ, այնքան նրանք ավելի մոտ կլինեն միմյանց հետ։ Այս հայտարարությունն ադրբեջանական հասարակությունն ընդունեց սուսերներով։ Հայհոյանք չմնաց ադրբեջաներենում, որ սոցցանցերի միջոցով չհնչեր երկրի առաջին տիկնոջ հասցեին։ Ընդդիմմադիր գործիչներից դեռ չեմ խոսում։ Ասածս ինչ է․ Մեհրիբանը, ունենալով նման փորձ, կարծում եմ՝ այլևս երբեք «չի սխալվի» ու չի անի նմանատիպ հայտարարություն, ավելին՝ դժվար թե պատասխանի ՀՀ վարչապետի տիկնոջ արտահայտած մտքերին, նույնիսկ եթե դրանք, որպես կին, շոյած լինեն իր ականջը։ #ճանաչենք_մեր_հարևանների_փորձը Նյութի աղբյուր՝ https://www.facebook.com/artyom.tonoyan1/posts/10213085071222202 ...

    Կարդալ ավելին
  • Իսլամական համագործակցություն կազմակերպության (ԻՀԿ) ստամբուլյան գագաթնաժողովում Իլհամն այսօր ելույթն է ունեցել Երուսաղեմի խնդրի առնչությամբ և սովորության համաձայն, առիթը բաց չթողնելով, իսլամական այդ հարթակից կրկին հայտարարել է, որ՝ «աշխարհի մուսուլմանները պետք է իմանան, որ մզկիթներ քանդող Հայաստանը չի կարող լինել մուսուլմանական երկրների բարեկամ»։ Այսօր՝ ժամային առումով ճիշտ Իլհամի ելույթի պահին, իրանական ազդեցիկ լրատվամիջոցներից մեկը տարածել է տեղեկություն, ըստ որի՝ Բաքվում՝ այս անգամ «8-րդ թաղամաս» անվամբ հայտնի հատվածում, Բաքվի իշխանությունները փակել են շիա մուսուլմանների կարևոր կրոնական հավաքատեղին (մեհդիե) և արգելել հավատացյալների մուտքն այնտեղ՝ հրապարակումը վերնագրելով «Բաքվի իշխանության նոր քայլը՝ ԱՀ բնակչության մեծամասնության դեմ ուղղված»։ Իրանական կայքի փոխանցմամբ՝ դա իրանական Ղոմ քաղաքում կրթություն ստացող և Ադրբեջան վերադարձող շիա հոգևորականների ամենակարևոր կենտրոններից էր, որը գործունեություն էր ծավալում նաև ծայրահեղ իսլամական հոսանքների քարոզչության դեմ։ Հ. Գ. Վերջին մեկ տարվա ընթացքում Իլհամ Ալիևի հրամանով միայն Բաքվում ոչնչացվել են և հիմնահատակ քանդվել առնվազն երկու մզկիթ՝ Միրալաքբարի մզկիթը Մուրթուզա Մուխթարով փողոցում և Հաջի Ջավադի մզկիթը Բաքվի Յասամալ թաղամասում՝ Աբդուլլա Շաիղի անվան փողոցում։ Նյութի աղբյուր՝ https://www.facebook.com/artyom.tonoyan1/posts/10211347349460244 ...

    Կարդալ ավելին
  • Վերջին շրջանում Ադրբեջանի նախագահի մակարդակով իսլամական հարթակներից հնչող այն զրպարտանքները, թե Հայաստանը «մզկիթներ» քանդող երկիր է, ուստի «չի կարող համարվել մուսուլմանական երկրների բարեկամ», գրեթե անարձագանք են մնում իրանական մամուլում։ Փոխարենը, ԻԻՀ հեղինակավոր «Fars» գործակալությունը հայկական լրատվամիջոցներից արտատպում է և իրանական լսարանին ներկայացնում «ՀՀ նախագահ. Իսլամի և Ադրբեջանի ժողովրդի հետ որևէ խնդիր չունենք» վերտառությամբ հոդված, որտեղ մեջբերված է ՀՀ նախագահ Սերժ Սարգսյանի՝ ՊՆ Պաշտպանական ազգային հետազոտական համալսարանի կրթական նոր ծրագրի մեկնարկին ունեցած ելույթում կատարած հետևյալ հայտարարությունը․ «Մենք Ադրբեջանի ժողովրդի կամ իսլամի հետ որևէ խնդիր չունենք և վստահ ենք, որ այդ երկրի քաղաքացիները խաղաղության են ձգտում ու այդ ցանկությունը պիտի ճիշտ միջոցներով արտահայտվի»։ Ակնհայտ է, որ Իրանում շատ լավ գիտեն, որ մզկիթներ ոչ թե հայերն են քանդում, այլ հենց՝ Ալիևյան կլանը, և ամեն կերպ փորձում են սեփական ժողովրդին, հատկապես ադրբեջանական քարոզին ոչ անհաղորդ ատրպատականյան հատվածին, զերծ պահել Ադրբեջանից տարածվող ապատեղեկատվությունից։ Նյութի աղբյուր՝ https://www.facebook.com/artyom.tonoyan1/posts/10211012342845288 ...

    Կարդալ ավելին
  • ԱՀ-ում 2018թ․-ին սպասվում են նախագահական ընտրություններ և ահա ադրբեջանական ընդդիմադիր լրատվական կայքերից մեկը «Ո՞վ կարող է լինել Ադրբեջանի հերթական նախագահը» թեմայով առցանց քվեարկություն է սկսել։ Թեկնածուների ցանկը ներկայացվում է ստորև․ - Իլհամ Ալիև (ԱՀ գործող նախագահ) - Մեհրիբան Ալիևա (ԱՀ գործող առաջին փոխնախագահ) - Իսա Ղամբար («Մուսավաթ» ընդդիմադիր կուսակցության առաջնորդ) - Ալի Քարիմլի («Ադրբեջանի ժողովրդական ճակատ կուսակցության» առաջնորդ) - Սարդար Ջալալօղլու («Ադրբեջանի դեմոկրատական կուսակցության» համահիմնադիր) - Ղուդրաթ Հասանղուլիև («Միացյալ Ադրբեջանի ժողովրդական ճակատ կուսակցության» առաջնորդ, 2013թ․-ի ԱՀ նախագահական ընտրությունների թեկնածու) - Իղբալ Աղազադե («Ադրբեջանի հուսո կուսակցության» նախագահ) - Ռասուլ Ղուլիև («Ապագային Ադրբեջան կուսակցության» նախագահ) - Հաֆիզ Հաջիև («Ժամանակակից մուսավաթական կուսակցոության» նախագահ) - Իլղար Մամեդով (ԱՀ հայտնի ընդդիմադիր քաղաքական գործիչ։ Գտնվում է բանտում)։ Այս պահին դեռ քիչ թվով մարդիկ են քվեարկել։ Այնուամենայնիվ, պետք է նկատել, որ ԱՀ առաջին տիկին Մեհրիբան Ալիևայի օգտին տրվել են ավելի շատ ձայներ(18%), քան նրա ամուսնու՝ գործող նախագահ Ի․Ալիևի օգտին(5%)։ Նյութի աղբյուր՝ https://www.facebook.com/artyom.tonoyan1/posts/10210757167786071 ...

    Կարդալ ավելին
  • Զաքիր Հասանովի՝ Իսրայել կատարած այցին գրեթե զուգահեռ Իրանում լույս է տեսել մի մեծածավալ ուսումնասիրություն, որտեղ քննարկված են Ադրբեջան-Իսրայել հարաբերությունները և դրանց հետևանքներն ամենայն մանրամասնությամբ։ Խոսքը Բորհան Հաշեմիի՝ Իրանում լույս տեսած «Սիոնիստական ռեժիմի հետ Ադրբեջանական Հանրապետության հարաբերությունների նոր ծավալները և դրանց հետևանքները» գրքի մասին է, որտեղ, դատելով բովանդակության ցանկից, բավական մանրամասն քննարկված են ԱՀ-Իսրայել հարաբերությունների քաղաքական, տնտեսական, կրոնական, մշակութային և այլ ասպեկտներ։ Ուսումնասիրության մեջ հատկապես մեծ ուշադրություն է դարձվել ԱՀ-Իսրայել ռազմական համագործակցության ոլորտին, այդ համագործակցությունից բխող տարածաշրջանային վտանգներին և սպառնալիքներին։ Ակնհայտ է, որ Իրանը Հ․Ռուհանիի կառավարման երկրորդ շրջանում սկսում է ավելի մեծ ուշադրություն դարձնել Ադրբեջան-Իսրայել հարաբերություններին և դրանից բխող վտանգներին։ Զաքիր Հասանովի՝ Իսրայել կատարած այցի և ԻԻՀ-ԱՀ հարաբերություններում առկա բացասական երանգների ֆոնին կատարյալ կլիներ տեսնել հիմա ԻԻՀ և ՀՀ պաշտպանության ոլորտների պատասխանտուների նոր փոխայցեր և այդ ոլորտում հնարավոր համագործակցությունների նոր ուղիների որոնումներ։ Նյութի աղբյուր՝ https://www.facebook.com/artyom.tonoyan1/posts/10210726709944644 ...

    Կարդալ ավելին
  • Ալիևը հերթական անգամ ցույց է տալիս, որ ԻՀԿ-ն իր համար միայն թատրոն է, ինքն՝ այդ թատրոնի դերասան, իսկ դրա անդամները՝ միամիտ ունկնդիրներ՝ երեկ տեղի ունեցած գագաթնաժողովից մեկ օր հետո Իսրայել գործուղելով Զաքիր Հասանովին։ Երեկ ԱՀ նախագահ Ի․ Ալիևը Գիտության ու տեխնոլոգիաների հարցերով Իսլամական համագործակցության կազմակերպության երկրների առաջին գագաթնաժողովի ժամանակ, ակնարկելով որոշ իսլամադավան երկրների հետ Հայաստանի հարաբերությունների զարգացման ու խորացման փաստը, հայտարարել է, որ Հայաստանը չի կարող իսլամական որևէ պետության բարեկամ լինել, քանի որ «Ադրբեջանի տարածքում մզկիթներ է ավիրում»։ Չանդրադառնալով ԱՀ նախագահի հայտարարությանը՝ իրանակությանը համապատասխանելու կամ չհամապատասխանելու խնդրին, ավելի տեղին կլինի հասկանալ, թե ինչքանով ունի Ադրբեջանի նախագահը նմանատիպ հայտարարություններ անելու իրավունք իսլամական տարբեր ամբիոններից։ Նախ՝ Ադրբեջանում Ի․ Ալիևն ինքը հայտնի է որպես մզկիթներ քանդող։ Միայն անցած տարի մայրաքաղաք Բաքվում քանդել է 2-3 շիայական մզկիթ։ ԱՀ շիա հավատացյալները զրկված են բոլոր իրավունքներից՝ ընդհուպ մինչև իրենց հավատքի ամենասրբազան ծեսը նշելու հնարավորությունից, իսկ բանտերում, ինչքան ասես, հավատացյալներ կան հենց միայն նրա համար, որ, ասենք, ուրբաթօրյա աղոթքի են մասնակցել։ Բացի այդ՝ Ադրբեջանը սերտ հարաբերություններ ունի Իսրայելի հետ, որի հանդեպ քննադատությունը և որի դեմ բանաձևերի ընդունումը ԻՀԿ անդամ երկրներին համախմբող միակ բանն է։ ԱՀ նախագահ Ի․ Ալիևը փաստացիորեն ծաղրում է ԻՀԿ անդամ երկրներին և, առհասարակ, իսլամը՝ երեկվա իր ելույթից հետո այսօր արդեն Իսրայել գործուղելով պաշտպանության նախարար Զաքիր Հասանովին։ Նյութի աղբյուր՝ https://www.facebook.com/artyom.tonoyan1/posts/10210707233217738 ...

    Կարդալ ավելին
  • Հեյդար Ալիևի արձաններն անթիվ են Ադրբեջանում։ Երևի դեռ ոչ ոք չի էլ հաշվել դրանց թիվը։ Բայց դրանք անպայման ունենալու են առաջիկայում մրցակից։  Ռովշան Լենքորանսկու գերեզմանի արձանը Հեյդարի արձաններին ոչնչով չի զիջում։  Ի դեպ, նշված երկուսին միավորող ահագին բաներ կան։ Օրինակ՝ երկուսն էլ «օրենքի» պաշտպաններ էին․ մեկը «սահմանադրական օրենքի», իսկ մյուսը «գողական օրենքի ու ճշտի»  Նյութի աղբյուր՝ https://www.facebook.com/photo.php?fbid=10210525659078498&set=a.1674250576890.2081873.1256201785&type=3&theater ...

    Կարդալ ավելին
  • «Պետք է նշեմ, որ երկու երկրների միջև առանձնահատուկ հարաբերությունների առավել զարգացման համար կան բազմաթիվ ոլորտներ, որոնց արմատները գնում են դեպի հազարամյակների խորքեր։  Հայաստանի և Իրանի ժողովուրդների բարեկամությունն այնքան ամուր է, որ մենք պետք է միայն պահպանենք դարերի ընթացքում մեզ կտակված և մեր միասնության գրավական հանդիսացող ընդհանրությունները և մտածենք հարաբերությունների էլ ավելի խորացման ուղղությամբ։ Այդ ժառանգությունն այն ամուր ու վստահելի սյունն է, որի վրա կառուցվում են մեր հարաբերությունները։  Իրանը և Հայաստանը տարածաշրջանի հնագույն և ամենահարուստ քաղաքակրթությունների ժառանգներն են, երկրներ, որոնց անքակտելի կապը միքանիհազարամյա հարևանության պտուղ է»։ ...

    Կարդալ ավելին
  • ԱՀ քարոզչամեքենայի ստեղծած «ԱՀ ամենահաղթ բանակի» առասպելը վերջին շրջանում վարկաբեկվել է և այլևս հավատ չի ներշնչում ադրբեջանական հասարակությանը, ուստի ԱՀ-ում որոշել են հիմա էլ սեփական հասարակությանն առժամանակ ուրախացնել «ներքին խժդժությունների շրջան ապրող հայկական բանակի» հեքիաթով։ Ադրբեջանական քարոզչամեքենայի որոշ հարթակներ վերջին մի քանի օրերի ընթացքում տարածում են հայկական բանակի մասին կեղծ լուրեր՝ որպես սկզբնաղբյուր օգտագործելով «Սոցիալական ցանցի հայ օգտատերերը գրում են, որ․․․», «Սոցիալական ցանցի այսինչ անուն-ազգանվամբ հայ օգտատերն իր էջում գրել է, որ․․․» և նմանատիպ արտահայտություններ։ Մի գրառման շրջանակում դժվար է նկարագրել այն բոլոր մանրամասները, որոնք ցույց են տալիս, թե ինչպիսի փնթիությամբ են սարքվում այդպիսի լուրերն ու շպրտվում ադրբեջանական լսարանի առաջ։ Նշեմ միայն մեկը․ նշվում է «հայ օգտատիրոջ» հազվադեպ հանդիպող մի անուն-ազգանուն, սակայն տարբեր սոցցանցերում նշված անվամբ օգտատերերի էջերում նմանատիպ գրառում չի հանդիպում։ Սցենարը պարզ է, ինչպես ցերեկվա լույսը․ այդպիսի լուրեր մշակող և շրջանառության մեջ ռեսուրսների խմբագիր հորջորջված Էյնուլլա Ֆաթուլաևը ԱՀ ռազմաքաղաքական ղեկավարության պատվերով ադրբեջանական լսարանին կերակրում է ստահոդ լուրերով՝ փորձելով ստեղծել «հայկական բանակի ներսում առկա անհաշտության մթնոլորտի» պատրանք սեփական հասարակության մեջ։ Նյութի աղբյուր՝ https://www.facebook.com/artyom.tonoyan1/posts/10210293699519654 ...

    Կարդալ ավելին
  • Իրանը և Կատարը իրենց գազի պաշարներով աշխարհում զբաղեցնում են համապատասխանաբար առաջին և երրորդ տեղերը։ Ըստ Statistical Review of World Energy 2017-ի՝ համաշխարհային գազի՝ 186,6 տրիլիոն խորանարդ մետր կազմող ընդհանուր պաշարներից 33,5 տրիլիոնը պատկանում է Իրանին և այդ ցուցանիշով Իրանն առաջինն է աշխարհում, իսկ 24,3 տրիլիոն խորանարդ մետրը՝ Կատարին, որն այդ ցուցանիշով երրորդն է աշխարհում։ Ստացվում է, որ գազի համաշխարհային պաշարների 31%-ը բաժին է ընկնում այս երկու երկրներին։ Բայց, ինչպես ասում են, Աստված երկու երանի մի տեղում չի տալիս։ Ունենալով գազի ահռելի պաշարներ` այս երկրներն ունեն խմելու ջրի պակաս։ Թե՛ Իրանը, հատկապես երկրի կենտրոնական և արևելյան նահանգներում, և թե՛ Կատարն ունեն խմելու ջրի հետ կապված շատ լուրջ խնդիրներ, հետևաբար եթե նայենք համաշխարհային անապատացման քարտեզին, ապա կարող ենք ենթադրել, որ մեր ջուրը մի օր դառնալու է լուրջ քանակներով արտահանման պոտենցիալ ապրանք։ Իսկ ջուրն արտահանելու հերթի մեջ, բնականաբար, նախ հաշվի ենք առնելու բարեկամ երկրների կարիքները։ Քանի Հայաստանը կա, կատարցիք ջուր են խմելու, բայց գազի դիմաց :D #ջուր_գազի_դիմաց ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին