• Էդգար Խաչատրյան
  • Խոսրովի արգելոցում բռնկված հրդեհը մարվեց, և հիմա կարելի է որոշ հարցեր բարձրացնել, որոնց պատասխանը հասարակությունը պետք է հստակ, առանց որևէ լղոզման ստանա։ Արգելոցը պետական պահպանվող տարածք է, որի պատասխանատվությունը կրում է Բնապահպանության նախարարությունը, իսկ ստեղծված արտակարգ իրավիճակը հնարավորինս արագ կարգավորելու համար պետբյուջեից ֆինանս է ստանում ԱԻՆ-ը։ Ես՝ որպես ՀՀ քաղաքացի, մի քանի հարց ունեմ։ 1. Ինչո՞ւ հրդեհվեց արգելոցը։ 2. Ո՞վ չէր կատարել իր աշխատանքը կրակը շուտ հայտնաբերելու ուղղությամբ։ 3. Ի՞նչ միջոցներ էր ձեռնարկել Բնապահպանության նախարարությունը, որ նման իրավիճակ չլինի, և ո՞ր օղակն էր թերացել։ 4. ԱԻՆ-ը ինչո՞ւ էր անպատրաստ։ 5. Ո՞ր օղակը թերացավ ԱԻՆ-ում։ 6. Ո՞վ է պատասխան տալու այս ամենի համար ու ո՞վ է պատժվելու (պահակ չէ, պաշտոնատար անձ)։ 7. Ի՞նչ միջոցներ են ձեռնարկվել և ձեռնարկվելու, որ արգելոցի վնասված հատվածը լիովին վերականգնվի։ Ես հրդեհներ մարելու էքսպերտ չեմ, ես հրդեհի հետևանքով հասցված վնասները չափող մասնագետ էլ չեմ, բայց այս հարցերի պատասխանին սպասում եմ։ Նյութի աղբյուր՝ https://www.facebook.com/kh.edgar/posts/1210106509094695 ...

    Կարդալ ավելին
  • Ռուսաստանն ու Սերբիան համատեղ զորավարժություններ են սկսել։ Ռուսաստանը սրանով ցանկանում է ցույց տալ, որ Եվրոպայի տարածքում դաշնակիցներ ունի և կարող է իր գործունեությունը ծավալել ԵՄ տարածքին շատ մոտ։ Հետաքրքրական է նաև Սերբիայի դիրքորոշումը։ Այս պետությունը 2012 թվականից ԵՄ անդամ դառնալու թեկնածու է։ Արդեն 5 տարի և չնչին առաջընթաց։ Սա Սերբիայի կողմից ազդակ է ԵՄ-ին, որ ժամանակը լրանում է, իսկ ՌԴ-ն այդքան էլ հեռու չէ։ Սպասենք ԵՄ-ի քայլերին․․․ Նյութի աղբյուր՝ https://www.facebook.com/kh.edgar/posts/1206812866090726 ...

    Կարդալ ավելին
  • Հյուսիսային Կորեան տոտալիտար փակ պետության դասական օրինակ է, իսկ նման պետություններում շեշտը դրվում է կրթության և գիտության վրա, որն էլ հետագայում ծառայեցվում է ռազմական գիծը ուժեղացնելու համար։ Հայաստանը, որպես ԽՍՀՄ անդամ պետություն այդ ամենն առնվազն 70 տարի պետք է զգացած լինի։ Այս ամենը լավ է գիտակցում նաև ԱՄՆ-ն և այն սպառնալիքը, որ ՀՍ Կորեան ատոմային զենք ունի և այդ զենքը ԱՄՆ տարածք հասցնելու համար նախատեսված հրթիռներ, Թրամփի կառավարությանը ետ կպահի խելահեղ քայլերից։ Երկրորդ ֆակտորը, որ ԱՄՆ-ն ռիսկի չի դիմի Չինաստանն է, որը դժվար թե իր տարածաշրջանում լայնածավալ, ատոմային զենքի վտանգ պարունակող ռազմական գործողություններ հանդուրժի, բացի այդ Չինաստանը համարվում է ՀՍ Կորեայի հետ բանակցություններում Կիմ Չէն Ընի կառավարությունը ներկայացնող միջնորդը։ Չի կարելի մոռանալ նաև ՌԴ ֆակտորը և դերակատարությունը։ ՌԴ-ն համարվում է ՀՍ Կորեայի բարեկամ, և ԱՄՆ-ին պետք չի ևս մեկ թեժ կետ ՌԴ-ի հետ՝ Սիրիան և Դոմբասը դեռ չեն մաչսվել։ Աշխարհաքաղաքական առումով բարենպաստ դիրք ունեցող ՀՍ Կորեան, այս ֆակտորները հաշվի առնելով իրեն ագրեսիվ է պահում և օրերս մերժեց Հարավային Կորեայի բանակցությունների սեղանին նստելու առաջարկը։ Նյութի աղբյուր՝ https://www.facebook.com/kh.edgar/posts/1205448442893835 ...

    Կարդալ ավելին
  • ԻՊ-ի կողմից 3 տարի առաջ սկսվեցին Եզդիների մասայական սպանությունները։ Ցեղասպանվում էր մի ամբողջ ազգ, իսկ աշխարհը կրկին հանցավոր լռություն պահպանեց, նավերնը կրկին Տավրոսը չկարողացան անցնել։ Ցավակցում եմ Եզդի ազգին։ Նյութի աղբյուր՝ https://www.facebook.com/kh.edgar/posts/1200029970102349 ...

    Կարդալ ավելին
  • Պավլիկ Մանուկյանը դիմել է Վիտալի Բալասանյանին և ասել է. «Վիտո՛, մարդկային նորմերը խախտելուց զատ՝ դու խախտեցիր նաև աստվածային կանոնները»։ Աստծո մասին խոսելիս պետք է հիշել 10 պատվիրանները, որոնցից մեկով ասված է. «Մի՛ սպանիր»։ Պավլիկ Մանուկյանն արդյոք նույն կե՞րպ է արտահայտվում իր հետ ՊՊԾ գունդ մտած անձանց մասին։ Եթե Բալասանյանն Աստծո կանոն է խախտել, նրա զինակիցները մարդ են սպանել։ Աստծո անունով մեկին պարսավանքի սյունին գամելուց արաջ արժե հիշել Հոսեա 5։4-ում ասվածը. «Նրանց գործերը չեն թողնում, որ նրանք դիմեն Աստծուն, որովհետև մեղք ունեն և Աստծուն նրանք չեն կանչել»։ Սողոմոն Իմաստունի առակների 20։9-ում էլ գրված է. «Ո՞վ կարող է ասել. «Ես մաքրել եմ սիրտն իմ, ես մաքուր եմ իմ մեղքից»։ Քանի դեռ, մենք չենք կարող ասել այս բառերը, լավ կլինի մեր երկրային գործերին երկնայինը չխառնենք։ Ես հույս ունեմ՝ իմ ու Պավլիկ Մանուկյանի Աստվածը նույնն է... Նյութի աղբյուր՝ https://www.facebook.com/kh.edgar/posts/1198583290247017 ...

    Կարդալ ավելին
  • Ի՞նչ է տեղի ունենում վերջին երկու շաբաթում. կինը սպանում է ամուսնուն, Սևանում ծեծելով մարդ են սպանում, որից հետո սպանողի նկատմամբ վենդետա է տեղի ունենում, Վանաձորում ինչ-որ կրակոցներ, Շամիրամ գյուղում սպանություն ու կրակոցներ։ Այս ամենի մեղավորը մենք ենք, ժամանակի ընթացքում կաթիլ-կաթիլ լեգիտիմացրինք զենքն ու բռնությունը, որոշ տաքգլուխներ դատարանները համարեցին անպիտան, իսկ զենք կիրառելը՝ հերոսություն։ «Ծեծել ենք, լավ ենք արել», «Սպանել ենք, լավ ենք արել». ահա այս երկու անմեղ արտահայությունները այսօր պատուհաս են դարձել մեր գլխին։ Իշխանությունները լավը չեն, բայց զենքով մարդ սպանելուց կամ սին ֆեմինիզմի գաղափարներով տոգորված ոչ թե բարելավում ենք այս պետությունն, այլ գլորում ենք ավելի խորը փոսի մեջ։ Անցած տարվա հուլիսից առաջ և հուլիսից հետո խրոնիկոնը նայեք։ 1. Երիտասարդ են սպանում, լավ ուսանողի։ Մեր մոտ սկսում են հիշել, որ սպանողն Ապրիլյան պատերազմի մասնակից է, ու պետք է նրան մեղմ վերաբերվել։ 2. Կինը սպանեց, բա ճիշտ արեց, ֆեմինիզմ (ֆեմինիզմն էլ պետք է առողջ լինի), իրան ծեծում էին։ Ծեծում էին, թող ամուսնալուծվեր։ 3. Վարդանիկը սուպերմարկետ թալանեց. բա Արտակ Սարգսյանինն էր, իրեն քիչ էր և այլն։ «Лихие 90-е» արտահայտությունը շատերին է ծանոթ, բայց այնտեղ ռազբորկեքը ինչ-որ գողական կամ կիսագողական կանոնակարգով էին ընթանում, հիմա դա էլ չկա։ Արդարության ու չարդարության կարմիր գիծն անցել ենք։ Նյութի աղբյուր՝ https://www.facebook.com/kh.edgar/posts/1196110303827649 ...

    Կարդալ ավելին
  • Վարչապետի տեղեկատվական թիմը պետք է ուշադիր լինի և վարչապետին տեղեկացնի, թե հասարակությունը, կառավարության որ պետպաշտոնյայից է գոհ, որից՝ ոչ։ Օրերս հասարակությունը շնորհավորում էր Վարազդատ Կարապետյանին. նա նշանակվել է Տարածքային կառավարման և զարգացման փոխնախարար։ Բացի նրանից, որ շնորհավորում էին, զգացվում էր, որ մարդիկ անկեղծ գոհ էին այդ նշանակումից։ Սա կառավարության կողմից կատարված ճիշտ քայլ էր, քանի որ լավ կադրերը պետք է իրենց տեղն ունենան պետականաշինության գործում: Հասարակությունը դրական արձագանքեց նաև, երբ նշանակվեց Բնապահպանության նախարարի առաջին տեղակալ Էրիկ Գրիգորյանը, սակայն կան գերատեսչություններ ու ղեկավարներ, որոնք ստվերում են այս կառավարության գործունեությունն ու այս նշանակումները։ Եթե չգիտեք այդպիսիներին, ես մեծ սիրով կարող եմ անուններ տրամադրել։ Նյութի աղբյուր՝ https://www.facebook.com/kh.edgar/posts/1186812134757466 ...

    Կարդալ ավելին
  • Թուրք-գերմանական հարաբերությունների վատթարացման նոր փուլը, իրանա-թուրքական հարաբերությունների սրումն ու Իրաքյան Քուրդիստանի հնարավոր ռեֆերենդումը նոր բախումների հիմքեր են ստեղծում։ Առաջին հայացքից դա մեզ չի վերաբերում, բայց այդ հարցերը մեզ համար կենսական նշանակություն ունեն։ Հայաստանից ընդամենը 400 կիլոմետր այն կողմ նոր պետություն է ստեղծվում, մեր անմիջական հարևանների հարաբերությունները լարվում են, և կա 200 կիլոմետր այն կողմ թուրք-քրդական պատերազմ ու սիրիական չփակված հարց։ Տարածաշրջանի վերաձևավորումը մտնում է կիսաեզրափակիչ փուլ։ Նյութի աղբյուր՝ https://www.facebook.com/kh.edgar/posts/1186120291493317 ...

    Կարդալ ավելին
  • Վարչապետ Կարեն Կարապետյանը, անդրադառնալով սննդամթերքի անվտանգության խնդիրներին, ասաց՝ շանտղություն է, երբ մենք չենք վերահսկում, թե մեր երեխաները, մայրերն ու քույրերը ինչով են սնվում: Վարչապետի շատ կոպիտ, բայց դիպուկ բնորոշումից հետո փոխվեց ՍԱՊԾ պետը, այդ լուրից հետո շատերս հույս հայտնեցինք, որ սննդի անվտանգության ոլորտում դրական տեղաշարժ կնկատվի, բայց արի ու տես, որ Վարչապետի «շանտղություն» բնորոշումը որևէ կերպ չի ազդում մարդկանց արժեհամակարգի վրա: Չգիտեմ՝ խնդա՞մ, թե՞ լամ: Պետական կառույցը փորձում է դատի տալ նույն կառույցի նախկին աշխատակիցների, ովքեր համարում են, որ ապօրինի են ազատվել աշխատանքից ու հիմնավոր փաստերով, թափանցիկ ներկայացնում են պրոբլեմը հասարակությանը: Դատի են տալիս զրպարտության թեմայով, առանց հասարակությանը տեղեկացնելու, թե ինչումն է զրպարտությունը: Տղերք, շանտղությունից է պետք վիրավորվել, ընդ որում՝ հասարակությունը չէ, որ շանտղություն է որակել ձեր արածը, վերին օղակի բնորոշում է դա, բայց պահը հասունանում է, ու գուցե ժողովուրդն էլ սկսի շանտղություն եզրույթն ավելի շատ օգտագործել: Իսկ «շանտղությունը», եկեք խոստովանենք, իսկապես վատ բան է: Հ.Գ. Ահա թե ինչ է լինում, երբ պատահական մարդկանց գլխին շատ պատահական պատասխանատու չինովնիկի պաշտոն է ընկնում՝ պոպուլիզմ, որի ժամանակ պատրաստ են ուրանալ անգամ ազգային անվտանգությունը։ Նյութի աղբյուր՝ https://www.facebook.com/kh.edgar/posts/1184118761693470 ...

    Կարդալ ավելին
  • Ադրբեջանում ինֆորմացիոն պատերազմի կուրատորները հասկացել են, որ Հայաստանում կան «ռազմական, փորձագետներ», Ֆեյսբուքյան հերոսներ ու լրատվականներ ովքեր պատրաստ են իրենց ամեն բառ տարածել ու քննարկել, միայն թե լայք ու քաղաքական դիվիդենտ հավաքեն։ Ես ռազմական փորձագետ չեմ, բոյց ընդամենը պետք է ասել, որ ադրբեջանական կողմը չունի որևէ զենք որով կարող է հարվածել Երևանին բուն Ադրբեջանի տարածքից, միակ տարբերակը Նախիջևանից է, իսկ յուրաքանչյուր խելացի փորձագետ կփաստի, որ մենք Նախիջևանում տիրապետող դիրքում ենք ու յուրաքանչյուր «Տոչկա Ու» մեր վերահսկողության տակ է։ Շնորհակալություն ուշադրության համար Զաքի Հասանովը ձեզ օգնական.. Նյութի աղբյուր՝ https://www.facebook.com/kh.edgar/posts/1180901192015227 ...

    Կարդալ ավելին
Загрузка...

ՖԲՀ

Քաղաքականություն