• Մխիթար Հայրապետյան
  • «Առաջին համաշխարհային պատերազմի ողբերգական շրջանում տեղի ունեցած իրադարձությունների մասին Գերմանիայի հանրապետության Ազգային ժողովի ընդունած որոշումը մեր ժողովրդի շրջանում խոր վիշտ է առաջացրել»... Հիմա կասեք՝ այս խոսքերի հեղինակը ինչ-որ թուրք պաշտոնյա է, հոգևոր կամ հասարակական գործիչ, բայց արի ու տես՝ Պոլսո հայոց կաթողիկոսության ընդհանուր փոխանորդ, արքեպիսկոպոս Արամ Աթեշյանն է։ Ու հիմա Բունդեսթագի որոշման համար ափսոսանք հայտնած Աթեշյանն այցելում է Հայաստան՝ մասնակցելու Գերագույն հոգևոր խորհրդի նիստերին, ինչպես նաև Հռոմի պապի՝ Հայաստան այցելության միջոցառումներին: ‪#‎ԹքեմԵսՁերՆամուսին‬ Նյութի աղբյուր՝ https://www.facebook.com/MkhitarHayrapetyanOfficial/posts/1140052136046849?notif_t=close_friend_activity¬if_id=14 ...

    Կարդալ ավելին
  • Հայաստանի հավաքականի ֆուտբոլիստներից մի´ պահանջեք ընդվզում, բոյկոտ, ապստամբություն։ Ուզում եք՝ հայկական ֆուտբոլում իրավիճակ փոխվի, ուզում եք՝ ֆեդերացիայի նախագահը հրաժարական տա, դուք փոխեք, դուք պահանջեք, դուք ստիպեք, ես էլ ձեզ կմիանամ, ձեզ հետ հավասար կպայքարեմ։ Երբ դուք ձեր քայլն անեք, և իրավիճակի հանգուցալուծումը կախված լինի միայն Հենրիխից և ընկերներից, ես վստահ եմ՝ նրանք իրենց վճռական խոսքը կասեն։ Թե չէ ինչպես միշտ փորձում ենք մեր անելիքներն ուրիշի վզին փաթաթել, չէ՞ որ այդպես ավելի հեշտ է, ավելի անվտանգ։ Հիմա կասեք՝ նորից քաղաքականացնում եմ, բայց արդեն քանի՞ տարի է, ինչ ասում ենք, թե այս կամ այն քաղաքական գործիչը իշխանափոխություն կիրականացնի, այո´, նա կփոխի, նա մի բան գիտի, հաստատ սրանց հերը կանիծի, ու... ու այն, որ, ի վերջո, պետք է հասկանալ՝ առանց մեզ ով էլ լինի, չի փոխելու, փոխողը մենք ենք։ Խնդրում եմ, դուք ձեր քայլն արեք, հետո եթե ֆուտբոլիստները չանեն, նոր կքննադատեք, նոր կսրտնեղեք։ Նյութի աղբյուր՝ https://www.facebook.com/MkhitarHayrapetyanOfficial/posts/1085523671499696 ...

    Կարդալ ավելին

ՖԲՀ

Քաղաքականություն

  • /uploads/photos/CbzTSylWKEI9lH4viTlr.jpg

    Համոզված եմ՝ երկրի վարչապետի երեկվա ելույթի վերաբերյալ կարծիքներ եւ հիացական, եւ ոչ այնքան կլինեն շատ։ Երեկվա ելույթն ինձ համար, ի թիվս շատ այլ հարցերի, կանխագուշակում է մի բան՝ չնայած ելույթում հնչեցված բոլոր պնդումներին` ՀՀ-ում ժողովրդավարությունը հսկայական քայլերով նահանջ է ապրում։ Ես կարող եմ երկար անդրադառնալ դատական համակարգի վրա այս ելույթի ազդեցությանը, վարչապետի՝ սեփական անձից բացի բոլորին իշխանությունից հեռացնելու թեզին, որը քողարկված էր հրապարակում համաժողովրդական որոշում կայացնելու շղարշով, խիստ վիճահարույց այլ հարցերի, բայց այսօր կանդրադառնամ ելույթի միայն մեկ հարթությանը՝ խոսքի ազատությանը։ Մի հետաքրքիր վերլուծություն կա, որը ուղիղ կապ է տեսնում քաղաքացիական խաղաղ անհնազանդության կամ, հայկական տարբերակով, «սիրո եւ համերաշխության հեղափոխության» արդյունքում դրական փոփոխությունների և երկրում ժողովրդավարության և մասնավորապես` խոսքի ազատության բարելավման միջև: Այս առումով նոր կառավարության գործունեության 100 օրը ամփոփելիս ունենք հետևյալ պատկերը.  • ՀՀ Կառավարության նիստերի դահլիճում բարձրաձայնվում է այն միտքը, որ կառավարության որոշումները պետք է բացառապես ընդունվեն միաձայնությամբ՝ առանց որեւէ դեմ ձայնի (այս կապակցությամբ ընդդիմադիր Ն. Փաշինյանը ծաղրում էր նախկին կառավարություններին),  • Երկրի վարչապետը անում է ոչ հասցեական հայտարարություն՝ թիրախավորելով զանգվածային լրատվության միջոցների «հակապետական» գործունեությունը,  • Նոր կառավարության հասցեին նույնիսկ փոքր-ինչ քննադատություն հնչեցնող լրատվամիջոցի կամ լրագրողների հասցեին միանգամից տարածվում են լրատվամիջոցը «մերժելու» կոչեր, իսկ լրագրողներն էլ արժանանում են անձնական վիրավորանքների,  • Այլակարծությունն աստիճանաբար վերածվում է վերացող երեւույթի: Յուրաքանչյուր տարբերվող կարծիք կամ տեսակետ պիտակավորվում է որպես «հակահեղափոխական» եւ սոցիալական հարթակներում սկիզբ դնում ատելության խոսք ու վիրավորանք պարունակող այնպիսի գրառումների եւ մեկնաբանությունների, որ ակամա ապշում ես, թե ինչ հարուստ երեւակայություն եւ բառապաշար կարելի է օգտագործել վիրավորանքն ու ատելությունն արտահայտելու համար։  • Մինչ այս պահը ես գուցե միամտորեն հույս ունեի, որ կառավարության համար կարեւոր է խոսքի ազատության պաշտպանությունը, քանի որ ժողովրդավարությունը որպես իր գործունեության հիմնական առանցք հռչակած կառավարության համար այն պետք է, որ լիներ գերագույն արժեք, առավել ևս, որ խոսքի ազատության լիարժեք իրացումն է նաև կերտել Նիկոլ Փաշինյան քաղաքական գործչին: Սակայն երեկ Հանրապետության հրապարակում ուղղակի ոտնակոխ արվեց խոսքի ազատությունը՝ խորացնելով այլակարծության նկատմամբ անհանդուրժողականությունը՝ հռչակելով, որ նախ պետք է մտածել, հետո միայն խոսել, իսկ «խոսքի ազատության» երաշխավորն ու հովանավորն էլ ԱԱԾ-ն է: Թերևս  ավելորդ է նշել, որ խոսքի ազատության սկզբունքի ողջ «պերճանքն ու թշվառությունն» այն է, որ անձն ինքն է որոշում՝ մտածի, հետո խոսի, խոսի, հետո մտածի, թե առհասարակ չմտածի։ Կարծում եմ՝ այսօր մենք կանգնած ենք շատ վտանգավոր ու պատասխանատու ճամփաբաժանին: Եթե չփոխվեն մոտեցումները, նշանակում է` մենք հրաժարվում ենք խոսքի ազատությունից, հետեւաբար նաեւ ժողովրդավարությունից։ Նյութի աղբյուր՝ https://www.facebook.com/arpine.hovhannisyan.14/posts/2603472549678600

    Կարդալ ավելին