• Մենուա Հարությունյան
  • Խոսելով ներքաղաքական գործընթացների մասին՝ նախագահ Սերժ Սարգսյանը մի կողմից չհստակեցրեց՝ 2018-ին ինքը լինելու է վարչապետ, թե ոչ՝ անկեղծորեն նշելով, որ դեռևս որոշում չունի՝ ինչ ֆորմատով է շարունակելու իր քաղաքական գործունեությունը նախագահի լիազորությունները ավարտելուց հետո, մյուս կողմից նշեց, որ դրական տենդենցներ են նկատվում տնտեսության մեջ և որ վստահություն ունի Կարեն Կարապետյանի գլխավորած կառավարության նկատմամբ: Թեև նախագահը վստահություն հայտնեց վարչապետի նկատմամբ՝ փաստացի չբացառելով, որ Կարեն Կարապետյանը կարող է 2018 թվականից հետո ևս մնա վարչապետի պաշտոնում, բայց և նշեց, որ Հայաստանն այլևս անձակենտրոն իշխանություն չի ունենալու, և քաղաքական մեծամասնությունն է որոշելու, թե ով է ղեկավարելու երկրի գործադիր իշխանությունը: Այնուամենայնիվ, մինչ 2018 թվականի ապրիլ երկրի թիվ մեկ հարցը մնալու է ապագա վարչապետի անձը, որի շուրջ շահարկումներն ու վերլուծությունները թիվ ու հաշիվ չեն ունենա...) Նյութի աղբյուր՝ https://www.facebook.com/menua1/posts/1357940167608388 ...

    Կարդալ ավելին
  • Մենք պետք է սովորենք ապրել «Խաղաղություն ես ուզում, պատրաստվիր պատերազմի» կարգախոսով, իսկ դա նշանակում է, որ մեր գործարարը պետք է հանուն Հայաստանի ավելի շատ հարկ վճարի, իսկ իր եկամուտները ոչ թե տանի արտերկիր, այլ ներդնի Հայաստանում, պետական չինովնիկը հանուն Հայաստանի չթալանի պետական բյուջեն ու կոռուպցիայով պատի պետության հիմքերը: Պետք է սոցիալական արդարություն և համերաշխություն տիրի Հայաստանում ապրող բոլոր խավերի միջև, իսկ մեր պետության գլխավոր կարգախոսը պետք է լինի Գարեգին Նժդեհի հանրահայտ միտքը՝ «Հայրենիք, որի զավակները հավասար չեն օրենքի և մահվան առջև, ապագա չունեն»: Կապրենք այս գաղափարներով և մոտեցումներով, կկառուցենք և գալիք սերունդների կփոխանցենք հզոր Հայաստան:  Ոչ, պետք չէ որևէ մեկից նեղանալ կամ որևէ մեկին մեղադրել: Մեր թշնամիներն իրենց ամբիցիաներն ու նպատակներն ունեն, դրանց դեմ պայքարելու լավագույն միջոցը մեր ամբիցիաներին և նպատակներին ազնվորեն ծառայելն է: Նյութի աղբյուր՝ https://www.facebook.com/menua1/posts/1156515304417543 ...

    Կարդալ ավելին
  • Ադրբեջանի համար իրականում չկա Արցախի հարց. մեր արհեստածին հարևանի ամբիցիաները էլ ավելի հեռու են գնում, և իրականում, ոչ միայն Արցախն են ուզում այլ՝ ողջ Հայաստանը:  Մենք պետք է պարզ գիտակցենք, որ Արցախի խնդիրը, դա Հայաստանի խնդիրն է, իսկ Հայաստանի խնդիրը լուծելու համար մեզ պետք է զարգացող, մրցունակ և ժամանակակից տնտեսություն: Միայն նման տնտեսությունը կարող է հիմք դառնալ մարտունակ բանակի, առողջ հասարակության և գաղափարական քաղաքացու համար: Ուզում ենք պահպանել մեր հսկա հայրենիքից մեզ բաժին հասած Հայաստանն ու Արցախը՝ պարտավոր ենք կառուցելու հզոր տնտեսություն, մնացյալը անիմաստ և սին խոսակցություններ են: Ադրբեջանի հետ մեր պատերազմը այլևս ոչ թե ռազմական կամ դիվանագիտական ճակատում է, այլ՝ զուտ տնտեսական, որտեղ հաղթելու պարագայում մենք կունենանք երկարատև խաղաղության հնարավորություն… Մենք միշտ կռվել և կռվելու ենք մեր բնօրրանում ապրելու համար, և պետք է սովորենք ապրել, զարգանալ և հարատևել պատերազմին զուգահեռ: Սա է մեր ապրելու և անկախ պետականություն ունենալու միակ բանաձևը: Նյութի աղբյուր` https://www.facebook.com/menua1/posts/1155830274486046 ...

    Կարդալ ավելին
  • Սպարապետ Վազգեն Սարգսյանը իր քաղաքական կենասագրությունը կապեց միմիայն ՀՀԿ-ի հետ և մինչ իր կյանքի վերջին վայրկյանը նա ՀՀԿ առաջնորդն էր... ԵՎ այսօր Վազգեն Սարգսյանի եղբայրներից մեկը՝ Արմենը, շարունակում է Վազգեն Սարգսյանի քաղաքական կուրսը` մնալով ՀՀԿ գաղափարների համակիր, իսկ մյուսը՝ Արամը, ձևավորում է ընդդիմադիր դաշտ, համարում իրեն իր հերոս եղբոր քաղաքական ժառանգն ու պայքարում իր նույն հերոս եղբոր իրական քաղաքական թիմի դեմ: Փաստորեն, նույն գյուղում սպարապետի մի եղբայրը կոչ է անելու ընտրել ՀՀԿ-ին, մյուսը պայքարելու է ՀՀԿ-ի դեմ: Սա ցավալի երևույթ է, բայց մյուս կողմից հետաքրքիր է՝ Սպարապետի համագյուղացիները սպարապետի ո՞ր եղբոր խոսքին կհետևեն: Ի դեպ, Արամ Սարգսյանը ևս ՀՀԿ-ի հարթակում է դարձել Հայաստանի վարչապետ, բայց երբ նրան ազատեցին այդ պաշտոնից, նա նեղացավ, դուրս եկավ ՀՀԿ-ից և հիմնադրեց նոր կուսակցություն, ասել է թե՝ իր անձնական ամբիցիաների ու պաշտոնի համար նա դեմ գնաց և գնում է Սպարապետի քաղաքական և գաղափարական թիմին: Նյութի աղբյուր՝ https://www.facebook.com/menua1/posts/1151097464959327 ...

    Կարդալ ավելին
  • Ռազմական ճանապարհով հաջողությունների չհասնելուց հետո՝ Ալիև կրտսերը նստում է բանակցությունների սեղանին, ինչը նշանակում է, որ Ադրբեջանն ընդունում է իր պարտությունը և՛ ռազմական, և՛ դիվանագիտական ճակատներում: Սերժ Սարգսյանը հայտարարել է, որ Հայաստանը կվերադառնա բանակցային սեղանին, երբ հստակ երաշխիքներ լինեն, որ թշնամին չի սանձազերծելու նոր պատերազմ և, եթե մեր նախագահը նստում է բանակցելու, նշանակում է, որ նրան տվել են խաղաղության երաշխիքներ: Ամեն դեպքում բանակցությունների օրակարգն այս պահին մեր նախագահն է թելադրելու, քանզի Հայաստանը երբեք չի խախտել միջազգային հանրության որևէ պահանջ և խորը հարգանք է դրսևորել Մինսկի համանախագահ երկրների դիրքորոշումների նկատմամբ: Ալիևն իր սանձազերծած պատերազմի արդյունքում ստիպված է նստել բանակցությունների ավելի կոշտ դիրքորոշում որդեգրած Սերժ Սարգսյանի հետ: Նյութի աղբյուր` https://www.facebook.com/menua1/posts/983339478401794 ...

    Կարդալ ավելին
  • Նախորդ անգամ, երբ Էրդողանը Բաքվում էր և երկար ժամանակ գրկախառնվում ու համբուրում էր իր կրտսեր եղբորը, դրան հաջորդեց ադրբեջանական ագրեսիան Արցախի նկատմամբ. փաստացի, տարածաշրջանը հայտնվեց կարճաժամկետ պատերազմի մեջ: Եվ այսօր, երբ հայկական բանակը կասեցրել և ետ է շպրտել Ալիևի խաժամուժին, իսկ Ռուսաստանը ջանքեր է գործադրում՝ երկարաժամկետ խաղաղություն ապահովելու տարածաշրջանում, Էրդողանը կրկին մեկնում է Բաքու. նախ՝ ցույց տալու, որ Ալիևը առանց իր կարծիքը հաշվի առնելու չի կարող որոշումներ կայացնել, հետևաբար՝ Հայաստանն ու Ռուսաստանը ոչ թե պետք է բանակցեն Բաքվի, այլ՝ Անկարայի հետ, և մյուս կողմից՝ Էրդողանն իր այցով փորձելու է Ալիևին ստիպել Ադրբեջանի շահերի կողքին առաջ տանել նաև Թուրքիայի շահերը: Ինչպիսի որոշում կկայացնի կրտսերը, կշարունակի կատարել իր մեծ եղբոր խորհուրդները, թե, ամեն դեպքում, կառաջնորդվի Ռուսաստանի հորդորներով, ցույց կտա ժամանակը: Մեկ բան հստակ է. Թուրքան շահագրգռված է ռազմական գործողություններ հրահրել մեր ռեգիոնում, Ռուսաստանը խաղաղության կողմնակից է: Ի դեպ, եթե Ալիևը վերջնականապես ընտրի Թուրքիայի տարբերակը, ապա Ռուսաստանը բացեիբաց և ակնհայտ կպաշտպանի հայկական շահը՝ համարելով, որ Բաքուն այլևս դուրս է Մոսկվայի քաղաքական տրամաբանությունից:  Այս ամենում հայկական կողմի ասելիքն ու քայլերը պարզ են ու հասկանալի. մենք ցանկանում ենք խաղաղ, առանց մեր հարևաններին վնասելու ապրել մեր պատմական Հայրենիքում ... Նյութի աղբյուր՝ https://www.facebook.com/menua1/posts/967745359961206 ...

    Կարդալ ավելին
  • 1. Բորուսիայի պարտության հիմնական մեղավորը թիմի ֆուտբոլիստներն էին: Իրանց էշ խելքից կրվեցին. 0:2 ու 1:3 հաշիվներից հետո Դորտմունդի տղեքը մտովի արդեն Շվեյցարայում էին` սպասում էին իրենց հաջորդ մրցակցին, որի համար էլ պատժվեցին. 2. Լիվերպուլը հոյակապ խաղ խաղաց ու արժանի հաղթանակ տարավ: Լիվերպուլը կրկին ապացուցեց, որ ֆուտբոլը 90 րոպե ա: Ամենաշատը ուրախ եմ Կլոպի համար. Չեմպիոնների լիգայի եզրափակիչին վայել խաղ էր. 3. Շախտյորը ցույց տվեց, որ Միրչա Լուչեսկուն հրաշք մարզիչ ա. 4. Վիլյառեալը ցույց տվեց, որ դիմացի թիմը չպետք ա մշտապես հույս դնի հեքիաթի վրա. 5. Սեւիլիան ցույց տվեց, թե ֆուտբոլում որքան կարեւոր բան ա նյարդերի ամրությունը. 6. Կիսաեզրափակիչում կուզեմ տեսնել Լիվերպուլ-Սեւիլիա, Վիլյառեալ-Շախտյոր զույգերին. Նյութի աղբյուր՝ https://www.facebook.com/menua.mehrabyan.1/posts/859953314127639?notif_t=close_friend_activity¬if_id=146070900836 ...

    Կարդալ ավելին
  • Եթե հաշվի առնենք, որ Հայաստանի խոշոր հարկատուների ցուցակը գլխավորում են օտարերկրյա ներդրումով կամ օտարերկրյա սպասարկող ընկերությունները, ապա Սամվել Ալքսանյանին պատկանող ‹‹Ալքս Գրիգ›› ընկերությունը(2015թ.-ին վճարել է18 մլրդ 255 մլն 286 հազ. դրամ հարկ) Հայաստանում ձևավորված, Հայաստանում հազարավոր աշխատատեղեր ստեղծած, Հայաստանի տնտեսության տարբեր ճյուղերում միլիոնավոր դոլարների ներդրում կատարած Հայաստանի խոշորագույն հարկատուն է: Մեղադրել Հայաստանի առաջատար հարկատուին, առաջատար գործատուին զինվորների բաժին խտացրած կաթը յուրացնելու մեջ` ուղղակի ստոր և անհասկանալի քայլ է:  Հակառակը, Սամվել Ալեքսանյանի վճարած հարկերով են նաև սնվում մեր սահմանը պահող զինվորները, իսկ այդ զինվորներից շատերի ծնողներն աշխատում են Սամվել Ալեքսանյանի ստեղծած բիսնեսներում:  Կարելի է քննադատել որևէ գործչի, բայց կա մի բարոյական հարթակ, որից ներքև չի կարելի իջնել: Ես ողջունում եմ ‹‹Երևան Սիթի››-ի այս զազրելի մեղադրանքներին իրավական հարթությունում պատասխանելու որոշումը և կարծում եմ ` նման մեղադրանքները պետք է կամ հիմնավորվեն կամ զրպարտիչները ստանան իրենց իրավական պատիժը: Նյութի աղբյուր`https://www.facebook.com/menua1/posts/921245014611241 ...

    Կարդալ ավելին
  • Առատ ձյան պատճառով ԱՄՆ-ի մի քանի նահանգեր հայտնվել են կատվածահար վիճակում, փակ են դպրոցներն ու պետական այլ գերատեսչական կառույցներ, ցավոք կան մարդկային զոհեր, բայց ամերիկյան հասարակությունը ստեղնաշարերով զիվելու և սեփական իշխանություններին քննադատելու փոխարեն, զինվել է բահերով և այլ անհրաժեշտ պարագանով մաքրում են սեփական բնակավայրերն ու փորձում բնականոն ռիթմի վերադարձնել սեփական առօրյան: Ես դեմ չեմ քննադատությանը, բայց առավել զարգացող և մրցունակ պետություն կառուցելու համար, քննադատությունը պետք է լինի օբեկտիվ և յուրաքանչյուրս պետք է պատասխանատվության մեր չափաբաժինը զգանք մեր գյուղի, մեր քաղաքի, մեր պետության նկատմամբ: Նյութի աղբյուր`https://www.facebook.com/menua1/posts/915917541810655 ...

    Կարդալ ավելին
  • Դիարբեքիր քաղաքում թուրք ոստիկանները դաժանաբար ցրել են քրդերի խաղաղ ցույցը, որի ընթացքում զոհվել է յոթ խաղաղ ցուցարար: Փաստացի, Հայոց Ցեղսպանության 100-րդ տարում թուրքերը ոչ միայն չեն զղջում և չեն ճանաչում Հայոց Ցեղասպանությունը, այլ նաև նոր ցեղասպանություն են իրականացնում հիմա արդեն քրդերի նկատմամբ: Ինչպես 100 տարի առաջ <<քաղաքակիրթ>> մարդկությունը լուռ հետևեց հայ ժողովրդի սպանդին սեփական հայրենիքում, այսօր ևս ձայն չի հանում` թույլ տալով, որ հիմա էլ թուրքերը կոտորեն քրդերին: Ի դեպ, Հայոց Ցեղասպանության ժամանակ և հիմա Թուրքիայի իշխանությունները մի կողմից կոտորում են խաղաղ բնակիչներին, մյուս կողմից պրիմիտիվ և անիմաստ պատաճառաբանություններ բերում, թե պայքարում են երկիրը ներսից թուլացնել ցանկացող ծաղրահեղական ուժերի դեմ: Նոր ցեղասպանություններից խուսափելու համար աշխարհը պարտավոր է դատապարտել և ճանաչել Հայոց Ցեղասպանությունը: Նյութի աղբյուր՝ https://www.facebook.com/menua1/posts/896055130463563 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին