• Աննա Եղիազարյան
  • Հայաստանի Ազգային պատկերասրահ.... Անտարբերության մատնված այս կառույցը, որ Մայր թանգարան ենք կոչում, տարիներ շարունակ գտնվում է խայտառակ վիճակում:  Մուտքից սկսած կարելի զգալ այս անմշակույթ երկրի այն ողբերգությունը, որը չգիտես՝ ի՞նչ բառով կոչես — անհետևողականություն, անպատասխանատվություն, թե ինչ... Անցեք այս կառույցի մոտով. չեք գտնի որևէ ցուցանակ, ուղղորդող մի բան, որ մարդը իմանա, որ այդ սպիտակ շենքը ոչ թե ACBA CREDIT AGRICOLE բանկի գլխավոր մասնաճյուղն է, այլ թանգարան:  Սրահներում չկա ոչ օդափոխության համակարգ, ոչ նորմալ  լուսավորություն, ոչ օդի խոնավություն... Ու սա մի թանգարան է, որ ԱՊՀ երկրների տարածքում 3—րդն է իր հավաքածուի մեծությամբ, դե չնայած էտքան էլ մեծ բան չի, ընդամենը մի 40 000 ցուցանմուշ... Ամենուր ձեզ կդիմավորեն բաց պատուհաններով ու միջանցիկ քամու համադրությամբ պատերին ճոճվող կտավներ. օրինակ Սուրենյանց, Այվազովսկի, հայ դասականներ...  Սուր զգացողությունների սիրահները կարող են բարձրանալ արևմտաեվրոպական բաժին. բառերով հնարավոր չէ նկարագրել այն «հաճույքը», որը ձեզ կպարգևի օրինակ իտալական սրահը իր 40 աստիճան անմարդկային շոգով, դա զգալ է պետք.... Ու դա ոչ մեկին չի հուզում....Այսինքն՝ չէր հուզում... Իսկ հիմա, հանկարծ, սկսեց հուզել, ոչ թե նրա համար, որ վերջապես սրտացավ մարդիկ գտնվեցին, այլ նրա համար, որ հասունացավ մի քանի հոգու մանկության երազանքի իրականացման պահը....  Իրականում Արամի փողոցի «սառայը» քանդվեց, որպեսզի հիմա էլ քանդվի պատկերաստահի շենքը.... Դե մի շենք էս կողմ, մի շենք էն կողմ, ոչինչ չի փոխվի.... Չի փոխվի, քանի դեռ սառայները չեն հեռացել հայրենիքից ու քանի դեռ Հայաստան չեն վերադարձել Մարդիկ... Նյութի աղբյուր՝ https://www.facebook.com/photo.php?fbid=620788438068445&set=a.214321158715177.1073741828.1000041188264 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին