• Լևոն Սարդարյան
  • Ախպոր պես, շատ եմ խնդրում, աղաչում եմ․․․ Սենոր Հասրաթյանի ինտերնետն անջատեք, իրա տեղն էլ պաթետիկ բառերն ու արտահայտությունները միջից վերացրած մի ինքնապատասխանիչ նշանակեք: 21-րդ դարն ա, այ ձեր յուրտը չփլվի, ո՞նց ա կարելի էդ բառամթերքով ու լեզվամտածողությամբ աշխատել: Հ.Գ. Հիմա էլ պարզվեց՝ Ապրիլյանի մասին մենագրություն ա գրում: Քաշվելու գործ ա․․․ Նյութի աղբյուր՝ https://www.facebook.com/levon.sardaryan/posts/1637810229576398 ...

    Կարդալ ավելին
  • Արցախի ու Հայաստանի սահմաններից լուրերի տրամադրման նոր քաղաքականությունը ոչ մի կերպ չեմ ընկալում: Հատկապես էն դեպքում, երբ թշնամական կողմն ակտիվ քարոզչությամբ ա զբաղված: Իսկ նման իրավիճակում ժողովրդից ակնկալել, որ ադրբեջանական կայքեր չեն մտնի, չեն կարդա ու էդ կարդացածը հայկական դաշտ չեն բերի, առնվազն հիմարություն ա: Ու սա շատ մեղմ եմ ասում: Հ.Գ. Արծրուն Հովհաննիսյանն էլ ֆեյսբուքյան իր էջը ապաակտիվացրել ա: Նյութի աղբյուր՝ https://www.facebook.com/levon.sardaryan/posts/1608252785865476 ...

    Կարդալ ավելին
  • Շշմելու զգացողություն ա, երբ ամբողջ գիշեր թափառելուց հետո Երևանում արևածագ ես դիմավորում: Սիրելիներս, հարգեք էս քաղաքը: Էս քաղաքը մենակ շենք, բակ կամ թաղ չի, էս քաղաքը մտածելակերպ ու կենցաղ ա` նաև:  Երբ լուսաբացից առաջ քայլում ենք քաղաքում, եկեք բարևենք հավաքարարներին: Ի վերջո, էս քաղաքի մաքրությունն ապահովում են ոչ թե քաղաքապետը կամ այլ պաշտոնյաները, այլ էն մարդիկ, ովքեր անմռունչ, կոպեկներով, բայց դե` իրենց գործն են անում: Իրենք դա անում են նեղվելով, որովհետև իրենց մարդատեղ դնող չկա: Բարևենք էս քաղաքին շուքը վերադարձնողներին՝ հավաքարար կանանց: Դրանից մեզ վնաս չի լինի, իսկ մեզ մաքրությամբ ապահովողները դրանից իրենց մարդ կզգան՝ վեր էն աղբից, որ մենք ենք կուտակել էս քաղաքում:  Հայհոյեք բոլոր նրանց, ովքեր իրենց գոյությամբ անգամ պղծում են էս քաղաքը՝ կլինի իրենց հայհոյանքով, ոռնացով մեքենայով թե, պարզապես, որովհետև էս քաղաքում իրենք կան: Երևանը գաղափարակիցների միություն պիտի լինի, իսկ էդ միակ միացնող գաղափարը սերն է: Էս քաղաքը չսիրողները շան տղերք են ու իրենց հետ պիտի համապատասխանաբար վերաբերվել: Բարևենք էս արևածագը դիմավորող քնկոտ քաղաքին՝ եթե, իհարկե, գիշերը սեր խաղացող ու առավոտ ծեգին թաքուն փախնող չենք: Երևանը դրան արժանի չի: Խոսենք, հայհոյենք, կռվենք էս քաղաքի համար՝ թեկուզ էն պարզ պատճառով, որ էլ ուրիշ Երևան չկա: Ու էս քաղաքում ապրելով՝ ապրենք նաև էս քաղաքի համար, որովհետև այլ կերպ երևանցի լինել ուղղակի չենք կարող լինել: ԲԱՐԻ ԼՈՒՅՍ, ԵՐԵՎԱՆ Հ.Գ. Սա գրել եմ չորս տարի առաջ` 2013-ին: Հետաքրքիրն էն ա, որ երեկ գիշերը բալկոնում ծխում էի, փողոցը ավլող կանանց տեսա ու էս գրառումը հիշեցի: Իսկ էսօր ՖԲ-ը հիշեցրեց )))) Հ.Գ.Գ. Վերջերս բազար էր գնում, թե երևանցի ասելով ի?նչ ենք պատկերացնում: Էս էլ իմ պատասխանը Նյութի աղբյուր՝ https://www.facebook.com/levon.sardaryan/posts/1563228350367920 ...

    Կարդալ ավելին
  • Քանի որ բոլոր քաղաքական ուժերը որոշեցին, թե խորհրդարան տանող ամենակարճ ճանապարհը պոպուլիզմն ա, սենց մի բան ասեմ: Եթե էս տեմպերով շարունակվի, խորհրդարանական ընտրությունների արդյունքում երրորդ տեղը կզբաղեցնի ՀՎԿ-ն (ՕԵԿ): Գիտե՞ք՝ ինչու: Որովհետև էդ կուսակցությունը պոպուլիզմով զբաղվելու էն կարգի ահռելի փորձ ունի, որ մնացածներն իրենց համեմատ փսլնքոտ լակոտներ են: ՀՎԿ-ն բոլորին կիջեցնի իր մակարդակին ու արդեն էնտեղ շանսատակ կանի: Հ.Գ. Ասածիս մեջ սարկազմ չկա: Իզուր մի՛ փնտրեք։ Նյութի աղբյուր՝ https://www.facebook.com/levon.sardaryan/posts/1502218163135606 ...

    Կարդալ ավելին
  • Քիչ առաջ Արմեն Մարտիրոսյանի հարցազրույցն էի կարդում, ու ճիշտն ասած՝ վերջնականապես համոզվեցի, որ «Ժառանգություն» կուսակցությունը՝ էն Արևմտյան Հայաստանի գուբեռնատոր Րաֆֆի Հովհաննիսյանով հանդերձ, չպիտի լինի ապագա խորհրդարանում: Ասում ա՝ Վարդան Օսկանյանը ոչ մի կերպ մարտի 1-ի համար պատասխանատու չի, քանի որ կրակելու հրաման չի տվել: Դե, հիմա էս տուտուցին ո՞նց բացատրես, որ «քաղաքական պատասխանատվություն» հասկացություն գոյություն ունի, ու որ հենց էդ քաղաքական պատասխանատվության զգացողության առկայությունը պիտի հուշեր, որ «Ազատ դեմոկրատներից» քցվածները, ամեն հաջորդ ուրբաթ իշխանափոխություն անողները, ընտրողների ձայներն ու վստահությունը փոշիացրածներն ու Օսկանյանին կամ Օհանյանին որպես փրկօղակ դիտարկողները էս երկրում անելիք չունեն: Կարո՞ղ ենք էսքանը բացատրել: Կարողը՝ կարող ենք, բայց չեն հասկանա ախր: Նյութի աղբյուր՝ https://www.facebook.com/levon.sardaryan/posts/1443745225649567 ...

    Կարդալ ավելին
  • «Ես համոզված եմ, որ մեր երկիրը դառնալու է հզոր, հարուստ պետություն։ 21-րդ դարը, անկասկած, մերն է լինելու։ Շատ լավ եմ տեսնում, որ բազմաթիվ մարդկանց աչքերի մեջ, ձայնի մեջ, անկախություն բառն արտասանելիս չկա ոգևորություն։ Դա ցավալի է, բայց փաստ է։ Մենք` այս պետության պատասխանատուներս, չպետք է թույլ տանք, որ Անկախությունը, Ազատությունը, Հաղթանակը ժողովրդի համար դառնան սովորական գաղափարներ։ Մենք կկործանվենք, եթե ժողովուրդն սկսի ատել այս գաղափարները»:  Վազգեն Սարգսյան Նյութի աղբյուր՝ https://www.facebook.com/levon.sardaryan/posts/1353390288018395 ...

    Կարդալ ավելին
  • Թեհրանը հրապարակավ կատոկել ա ռուսներին՝ կոչ անելով պատերազմը շոուի չվերածել: Կարծում եմ՝ վաղուց էր պետք ռուսների պորտը տեղը դնել: Հատկապես, որ Մոսկվան Իրանի համար ծանր տարիների ընթացքում մի քանի անգամ ապացուցեց, որ էնքան էլ հուսալի գործընկեր չի: Նյութի աղբյուր` https://www.facebook.com/levon.sardaryan/posts/1292744667416291 ...

    Կարդալ ավելին
  • Հիմա հարց կառավարությանը: Էդ որ դասական երաժշտություն չլսողներով դասական երաժշտության տարածմանն աջակցելու (կամ էլ տենց մի բան) համար 100մլն դրամ փող եք հատկացնում ինչ-որ անհայտ հիմնադրամի, չեք մտածու՞մ, որ դասական երաժշտության տարածման ամենակարևոր պայմանը դասական նվագող երաժիշտներն են: Տղերք, Օպերայի և բալետի պետական ակադեմիական թատրոնի երաժիշտները կոպեկներ են ստանում, իսկ դուք էստեղ մեցենատ եք խաղու՞մ: Սենց եք պետական միջոցները "խնայու՞մ": Դուք դասական դեբիլներ եք, արա՛... Նյութի աղբյուր՝ https://www.facebook.com/levon.sardaryan/posts/1285369864820438 ...

    Կարդալ ավելին
  • Երկրորդ օրն ա հետևում եմ երեկ սպանված ոստիկանի մահվան հանգամանքների շուրջ ծավալվող քննարկումներին ու չեմ խառնվում դրանցից և ոչ մեկին: Չեմ խառնվում, որովհետև ոչինչ չգիտեմ:  Ոստիկանության տարածած հաղորդագրությանն ու կից լուսանկարին, մեղմ ասած, անվստահությամբ եմ վերաբերվում: Նախ, որովհետև դրա տարածողը ոստիկանությունն ա: Երկրորդ` որովհետև զինված խմբի կողմից ոստիկանին գնդակահարելու մոտիվն էդպես էլ չհասկացա: Չեմ կարծում, թե էդ տղաներն էն աստիճան աննորմալ են, որ ԱԱԾ վերջնագրից հետո որոշեցին գրոհ լինել-չլինելու նպատակահարմարմարության խնդիրն էդ ձևով ու վերջնականապես լուծել: Անհեթեթություն ա ստացվում: Չեմ հավատում նաև զինյալների կողմնակիցների էն պնդումներին, թե ոստիկանը յուրայինների զոհն ա դարձել ու էդ զոհի նպատակը գրոհի համար օրինական հիմք ստեղծելն էր: Եթե շարժվենք օրենքի տառի տրամաբանությամբ, գրոհի համար բոլոր օրինական հիմքերը կային հենց այն պահից սկսած, երբ բեռնատարը կոտրեց ՊՊԾ գնդի դարպասը: Այսինքն, ոստիկանի "սամաստրել"-ը ճիշտ էնքան անհեթեթություն ա, որքան քիչ վերևում բերված օրինակը:  Կարճ ասած` ունենք մի իրավիճակ, երբ ոստիկանի մահը ձեռնտու չէ կողմերից և ոչ մեկին, ինչը գոնե ինձ թույլ է տալիս ենթադրել ինչ-որ երրորդ ուժի ներկայության մասին: Մի ուժի, որին ամեն գնով անհրաժեշտ ա իրավիճակը հանել վերահսկողությունից` իրավապահներին դրդելով գրոհել գնդի տարածքը և սպանել այնտեղ դիրքավորված զինյալներին, իսկ ժողովրդին արդեն վրեժի կոչերով հանել փողոց: Բայց, կրկնում եմ, սա իմ ենթադրությունն ա, ոչ ավելին: Նյութի աղբյուր՝ https://www.facebook.com/levon.sardaryan/posts/1275430779147680 ...

    Կարդալ ավելին
  • Քանի որ ես "տառապում" եմ լավ հիշողությամբ, հիշողության կորուստով տառապողներին մի հարց ունեմ. Սամվել Բաբայանը ձեզ համար մենակ պատերազմի Սյամո?ն ա, թե? հետպատերազմական Սյամոյին էլ եք հաշվի առնում: Ու եթե երկրորդ տարբերակն ա, ապա կբացատրե?ք, թե, սկզբունքորեն, Բաբայանն ինչո?վ ա տարբերվում նույն Մանվելից, Սեյրանից ու էլի էս կարգի մի քանի մարդանմաններից: Մեկնաբանելիս էլ էնպես արեք, որ Ֆրոյդիկի փայ չդառնաք ))) Նյութի աղբյուր՝ https://www.facebook.com/levon.sardaryan/posts/1235097426514349 ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին