• Ռուբեն Վարդազարյան
  • Կուբան մինչև մարքսիստական հեղափոխությունը և Կաստրո եղբայրների դիկտատուրան եղել ա լատինական Ամերիկայի ամենառաջադեմ ու հարուստ երկիրը. մեկ շնչին հասնող ՀՆԱ-ով 3-րդը արևմտյան կիսագնդում: Իհարկե՝ ինչպես բոլոր լատինամերիկյան երկրներում, Կուբայում նույնպես, սպիտակ՝ եվրոպական արմատներով հարուստների, միջին խավի և մեծամասամբ սև կամ խառնարյուն աղքատների միջև կար լուրջ կենցաղավարական տարբերություններ, որը վերջիններիս փիս կատաղեցնում էր, և հենց դրանից էլ օգտվելով՝ կոմունիստները նստում են նավը, գաղտնագողի գալիս, խաբում քյասիբ գյուղացիությանը, հեղափոխություն անում ու իբր բարի պրոլետարիական հավասարություն հաստատում (ինչպես և միշտ ա լինում կումունիստների դեպքում): Արդյունքում, եթե մինչև էդ բնակչության մի մասն էր միայն վատ ապրում, ապա արդեն մարքսիստական Կուբայում անխտիր բոլորը խրվեցին հինգ անգամ ավելի ծանր ու հավիտենական քաքի մեջ, դե՛ բացի Կաստրո եղբայրներից իհարկե:  Արդեն 50-60 տարի ա անցել էդ էշ հեղափոխությունից, ախպերիկ, բայց միևնույն ա, Կուբայում ինչքան հնարավոր նորմալ բան կա՝ աշխատող ու ֆունկցիոնալ բան կա, էդ բոլորը կապիտալիստական Կուբայից ժառանգածն ա: Կոմունիսնտերի թեթև ձեռքով ժամանակին դրախտ հիշեցնող կղզին դառավ սովի ու զրկանքների արգելանոց: Լիքը նորմալ մարդիկ. արվեստագետներ, բիզնեսմեններ ու քաղաքական գործիչներ, լողալով, ճամփին մեռնելով, փախան երկրից ու փրկություն գտան Մայամիում, որտեղ և հիմա բնակվում են չեգեվարաներից փախած մեկ միլիոն կուբացիներ բաներ: Գրեթե նույնը տեղի ա ունենում հարևան Վենեսուելայում Նյութի աղբյուր` https://www.facebook.com/karmir.rubenik/posts/1262266020503644 ...

    Կարդալ ավելին
  • ՔԱՆԻ-ՔԱՆԻ-ՔԱՆԻ Որևէ մեկը կարող է՞ ինձ ասել՝ Տաթևի ճոպանուղուց հետո, Հայստանում ի՞նչ լուրջ ներդրում ա արվել տուրիստական ենթակառւոցվածքները բարելավվելու կամ գոնե բարեկարգելու ուղությամբ: Հը՞: Քանի՞ նոր ճանապարհ ա կառուցվել դեպի դժվարհասանելի, բայց գեղատեսիլ վայրերը: Սևանում քանի՞ լողափ ու լողափին հարակից տարածք ա մաքրվել ու բերվել ինվեստիցիոն գրավիչ տեսքի: Քանի՞ նոր համերգասրահ ու թանգարան ա՞ բացվել երկրի տարբեր քաղաքներում: Քանի՞ մեծ բացօթյա ամառային փառատոն ա կազմակերպվել՝ արտասահամանցի երաժիշտների մասնակցությամբ: Քանի՞ գյուղ գիտեք, որտեղ գոնե գլխավոր փողոցի բոլոր տների ֆասադները ռեստավրացվել են, տանիքները ռեստավրացվել են, մայթերը ժամանակակից տեսք են ստացել ու փռվել ա սալահատակ, հետն էլ մի չորս հատ աութենտիկ ռեստորան ու կրեատիվ գյուղական հոսթել ա բացվել: Քանի՞ հատ ժամանակակից ատրակցիոնների պարկ ա բացվել երկրում: Քանի՞ հատ նոր դելֆինարիում կամ ակվապարկ ա բացվել մարզերում: Լիքը հետաքրքիր քարանձավներ ու լեռնային ակտիվ հանգստի գոտիներ կան՝ քանիսի՞ համար են ժամանակակից տուրսիտական ուղիներ մշակվել, լուսավորություն ապահովվել, մարքետինգ ու PR արվել, հարմարավետ ավտոկանգառներ ու սար մագլցելու անվտանգ ենթակառուցվածքներ ներդրվել: Քանի՞, հը՞, կայծակն ինձ վառի, հարցնում եմ՝ քանի՞: Քանի՞ ամրոց ա վերկանգնվել, տո թեկուզ ավերակների հիման վրա՝ քանի՞ ամրոց ա կառուցվել, էդ նոր կառուցած ամրոցի մասին քանի PR լեգենդ ա հորինվել ու մշակվել, որ արդյուքնում ամրոցը դառնա շահութաբեր պատմամշակութային ատրակցիոն: Ես չեմ հիշում նման բան: Կամ ի՞նչ տեսակ հարկային և օրենսդրական ռեֆորմներ են արվել տուրիսատական ոլորտը գրավիչ դարձրնելու համար: Հը՞: Վերջապես՝ քանի՞ համաշխարհային մակարդակի տուր-օպերատոր ա մտել Հայաստան: Քանի-քանի-քանի...էսպես կարող եմ մինչև վաղը գրել ՔԱՆԻ: Գրողը կկի, ախր տուրիզմ զարգացնելը մենակ քարուքանդ գեղերի մեջ պոռճական ու ռաբիզ հյուրանոցներ սարքելով չի է, ախր դա մի ահռելի ու բարդ ինդուստիա է, որը մեծ պրոֆեսսիոնալիզմ ու գիտական մոտեցումներ ա պահանջում: Ախպերիկ, դե հիմա ասեք - քանի՞ նման պրոֆեսսիոնալ կա Հայաստանում:  Շմայսն ա, թե՞ Հասմիկ Պողոսյանը: Նյութի աղբյուր՝ https://www.facebook.com/karmir.rubenik/posts/1102471239816457 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին