Գովազդի համար զանգահարել 099 999 409
  • Արման Մելիքյան
  • Ադրբեջանական գործող վարչակազմն ամրապնդում է երկրում Ալիևների բացառիկ ընտանեկան իշխանությունը և փորձում է ապահովագրել դրա շարունակականությունն անգամ այն դեպքի համար, եթե ինչ-ինչ պատճառներով Իլհամ Ալիևը դադարի լինել պետության ղեկավար: Մյուս կողմից, տիկնոջը նշանակելով առաջին փոխնախագահի պաշտոնում, պարոն Ալիևը նվազեցնում է նաև հնարավոր հակառակորդների կողմից իր դեմ մահափորձի կազմակերպման նպատակահարմարության աստիճանը, քանի որ այժմ իր ֆիզիկական չեզոքացման պարագայում իշխանության վակուում չի առաջանալու՝ իշխանությունն անմիջապես կժառանգի տիկին Մեհրիբանը: Նոր իրավիճակում Ալիևների քաղաքական հակառակորդներն իշխանափոխության ուժային սցենարը հաջողությամբ գլուխ բերելու համար ստիպված են լինելու միաժամանակ թիրախավորել և՛ երկրի նախագահին, և՛ առաջին փոխնախագահին: Որքան էլ որ մեզանում ծաղրեն այս մոտեցումը, կարծում եմ, որ Ադրբեջանի ներքաղաքական իրողությունների պարագայում այն կարող է արդյունավետ լինել: Նյութի աղբյուր՝ https://www.facebook.com/arman.melikyan.33/posts/938287586306933 ...

    Կարդալ ավելին
  • Պաշտպանության նախարար Վիգեն Սարգսյանի խոսքն ադրբեջանական կողմին ուղղված նախազգուշացում էր պարունակում, որը վերաբերում էր հակառակորդի՝ լայնածավալ զինված գործողությունների՝ տոտալ պատերազմի դիմելու պարագայում հայկական «Իսկանդերների» միջոցով տրվելիք ռազմական պատասխանի պաշտոնական Բաքվի համար աղետալի հետևանքներին: Այդ սպառնալիքն, անշուշտ, ազդեցիկ կլիներ, եթե Ադրբեջանի նպատակը հենց լայնածավալ պատերազմ սանձազերծելը հանդիսանար, մինչդեռ անգամ ապրիլյան ռազմագործողությունն այդպիսին համարել չի կարելի: Այսինքն հակառակորդը ռազմական սահմանափակ ակտիվության միջոցով նպատակ ունի քաղաքական բնույթի արդյունքների հասնել, և մենք պետք է համարժեք և արդյունավետ լուծումները հենց քաղաքականության ոլորտում գտնենք: Այդ կերպ կկարողանանք կանխել և նվազագույնի հասցնել նաև ադրբեջանական կողմի ռազմական ակտիվությունը: Իսկ հատկապես մեզ համար այս նախընտրական համարվող շրջանում ադրբեջանական զինուժի ակտիվացումը կանխատեսված է եղել և պայմանավորված է նաև այն հանգամանքով, որ Բաքուն շահագրգռված է, որպեսզի խորհրդարանական ընտրությունների արդյունքում ՀՀ ԱԺ-ում առավելագույն տեղերը ստանան այն ուժերը, որոնք ներկայումս հանդիսանում են հողատվական «գաղափարախոսության» հիմնական ջահակիրները. ասվածն առավելապես վերաբերում է իշխող ՀՀԿ-ին և ընդդիմադիր ՀԱԿ-ին: Մեխանիզմը շատ պարզ է՝ որքան շատ զոհեր ու վիրավորներ ունենանք այս փուլում, այնքան ոմանց տեսանկյունից ավելի հիմնավոր կհնչի այդ ուժերի կողմից վարվող՝ խաղաղության հասնելու միակ ուղին նախանշող հողատվական քարոզը: Նյութի աղբյուր՝ https://www.facebook.com/arman.melikyan.33/posts/937792659689759 ...

    Կարդալ ավելին
  • Պետք չէ շփոթել պետության կառավարման ձևը պետական կառավարման համակարգի հետ: Կառավարման թե՛ խորհրդարանական, թե՛ նախագահական, թե՛ կրոնապետական կամ միապետական ձևերի հաջողակ կամ ձախողված լինելու շատ տարբեր օրինակներ կան: Ամեն ինչ կախված է այն բանից, թե կառավարման այս կամ այն ձևն ընտրած ազգային վերնախավերը կոնկրետ ինչպիսի կառավարման համակարգի, այսինքն՝ գիտելիքների, սկզբունքների, նպատակների ներդաշնակ համադրության և ռիսկերի հաշվարկման ստույգ մեթոդաբանության հիման վրա ընտրված իրավա-քաղաքական գործիքակազմի միջոցով են իրականացնում երկրի ղեկավարումը: Նյութի աղբյուր՝ https://www.facebook.com/arman.melikyan.33/posts/935882003214158 ...

    Կարդալ ավելին
  • Այսօր բանակցային սեղանին գտնվող առաջարկների փաթեթը սխալ է կոչել փոխզիջումային, քանի որ դրա գործարկման միջոցով ոչ թե կողմերի համար արժանապատիվ խաղաղություն կհաստատվի կամ կվերացվի ազգամիջյան թշնամանքը, այլ ներկայիս՝ մեր անվտանգության նվազագույն պահանջները բավարարող ստատուս քվոն կփոխարինվի նոր ստատուս քվոյով, որի պարագայում մենք զրկված կլինենք պատերազմի դեպքում սեփական պաշտպանությունն արդյունավետ ապահովելու հնարավորությունից, իսկ ժամանակավոր հարաբերական խաղաղության ապահովումն էլ կդրվի օտար խաղաղապահ զինուժի վրա, որը մեզ համար ամենավտանգավոր պահին կարող է լքել իր դիրքերը: Մի խոսքով՝ ստում են այն մարդիկ, ովքեր պնդում են, որ տարածքներ հանձնելը հայկական կողմերի համար խաղաղ և ապահով կյանքի միակ երաշխիքն է։ Իրականում խաղաղության հասնելու այլ ուղիներ նախանշող բանաձևեր գոյություն ունեն: Նյութի աղբյուր՝ https://www.facebook.com/arman.melikyan.33/posts/930248273777531 ...

    Կարդալ ավելին
  • Հայաստանում կա առաջնային նշանակություն ունեցող երկու քաղաքական հարց: Դրանք են՝ արցախյան հակամարտության կարգավորումը և կոռուպցիոն պետական կառավարման համակարգի վերացումը: Երկրորդ հարցի գործնական լուծման հետ կապված ո՛չ գործող իշխանությունը և ո՛չ էլ իրենց ընդդիմադիր հայտարարած ուժերից որևէ մեկը իրական պատկերացում չունեն, թե ինչպես է հնարավոր այս ոլորտում առաջ տանել գործը: Արցախյան հակամարտության կարգավորման պարագայում էլ ազդեցիկ համարվող քաղաքական ուժերը կա՛մ լիովին համաձայն են հողատվությունը որպես լուծում դիտարկող իշխանական մոտեցումներին, կա՛մ էլ, առհասարակ, հարցի վերաբերյալ չունեն որևէ հոդաբաշխ ու հստակ ձևակերպված սկզբունքային տեսակետ: «Նախընտրական» այս ամոթալի քաշքշուկը միայն այն ժամանակ հնարավոր կլինի քաղաքական պայքար անվանել, երբ խորհրդարանում տեղեր ունենալու հավակնություն ներկայացրած քաղաքական ուժերից և դաշինքներից գոնե մեկը հատկապես արցախյան կարգավորման հետ կապված հանդես գա գործող իշխանության և նրան հարած որոշ կուսակցական առաջնորդների հողատվական տրամադրվածությունը մերժող այլընտրանքային հիմնավոր ծրագրով: Նյութի աղբյուր՝ https://www.facebook.com/arman.melikyan.33/posts/918910761577949 ...

    Կարդալ ավելին
  • Մինսկի խմբի համանախագահները կողմերից պահանջում են վերսկսել բանակցություններն առանց Վիեննայում և Սանկտ-Պետերբուրգում ԵԱՀԿ դաշտային առաքելության լիազորությունների ընդլայնման, փոխվստահության միջոցների և միջադեպերի հետաքննության մեխանիզմների ներդրման վերաբերյալ որոշումների կատարումը որպես նախապայման առաջադրելու: Մեծ հաշվով՝ հենց հայկական կողմին է ասվում, որ վերջինս պետք է համաձայնվի վերադառնալ բանակցային սեղանի մոտ անկախ այն բանից, որ նախկինում՝ ապրիլյան պատերազմի արդյունքում առաջացած ճգնաժամը հաղթահարելուն ուղղված փոխհամաձայնեցված որոշումները հակառակորդը մերժում է կատարել: Սա առնվազն տարօրինակ է, քանի որ եթե պաշտոնական Բաքուն համանախագահների մասնակցությամբ ընդունված այս որոշումներն է հրաժարվում կատարել, ապա ի՞նչ երաշխիք կա, որ ալիևյան վարչակազմը կկատարի այս ձևաչափով ապագայում ընդունվելիք որևէ այլ որոշում: Կարելի է ասել, որ համանախագահների վերջին հայտարարությունն իմաստազրկում է պաշտոնական Երևանի մասնակցությունը բանակցային գործընթացին: Ստեղծված իրավիճակում համանախագահների պահվածքն առնվազն խտրական է հայկական կողմերի հանդեպ: Հանուն արդարության ստիպված եմ ասել նաև, որ այս իրավիճակը ձևավորվել է նաև մեծապես հայ բանակցողների քաղաքական մոտեցումների կիսատպռատության ու անսկզբունքայնության արդյունքում: Նյութի աղբյուր՝ https://www.facebook.com/arman.melikyan.33/posts/892855004183525 ...

    Կարդալ ավելին
  • Կիսելյովին տված հարցազրույցում ուշագրավ էր պարոն Սարգսյանի այն պարզաբանումն, ըստ որի կարգավորման գործընթացի համատեքստում որևէ բախում չկա տարածքային ամբողջականության և ազգերի ինքնորոշման իրավունքի իրականացման սկզբունքների միջև: Իսկապես, տարածքային ամբողջականության անձեռնմխելիության սկզբունքը խախտված կարելի է համարել միայն որևէ երկրի կողմից տվայալ պետության հանդեպ արտաքին ագրեսիայի իրականացման պարագայում, մինչդեռ երբ երկիրը մասերի է տրոհվում ծայր առած ներքին հակամարտության հետևանքով, ապա այդ դեպքում ուժի մեջ կարող է մտնել ինքնորոշման իրավունքի սկզբունքը: Առ այսօր հայկական կողմերի պահվածքը, դժբախտաբար, այնպիսին է եղել, որ հնարավորություն է տվել Ադրբեջանի իշխանություններին նենգափոխել հակամարտության էությունը և դրա զուտ ներքին կոնֆլիկտ լինելու ձևաչափը վերածելու միջպետական՝ Ադրբեջան-Հայաստան ձևաչափի: Ասվածի համատեքստում կարելի եզրակացնել, որ վերջին շրջանում իր միջնորդական ջանքերն ակտիվացրած ռուսաստանյան դիվանագիտությունը փորձում է "տարածքներ խաղաղության դիմաց" բանաձևի հիման վրա ապահովել կարգավորման իր համար նախընտրելի տարբերակը, որի գործարկման դեպքում կպահպանի ազդեցության լծակները Հայաստանի հանդեպ և ամուր հիմքերի վրա կդնի նաև իր ռազմական ներկայությունը Ադրբեջանի տարածքում: Ավելի ճիշտ՝ Արցախում, որը կշարունակի համարվել Ադրբեջանի մաս և, միաժամանակ, չի ենթարկվի պաշտոնական Բաքվին: Սա կլինի հակամարտության սառեցում, որը, սակայն, նաև կհանգեցնի ԼՂՀ տարածքի մեծ մասի հանձնմանը հակառակորդին: Նյութի աղբյուր՝ https://www.facebook.com/arman.melikyan.33/posts/875719999230359 ...

    Կարդալ ավելին
  • Նալբանդյան-Մամեդյարով հանդիպումը պատերազմական գործողությունները կանխելու որևէ քաղաքական ներուժ չունի և, իմ համոզմամբ, պաշտոնական Երևանի համար երկկողմ հանդիպումներն իմաստ ձեռք կբերեն միայն այն ժամանակ, երբ որոշում կայացվի սեփական բանակցային դիրքերը սկզբունքորեն վերանայելու վերաբերյալ: Ընդ որում, մեր բանակցողները պետք է կարողանան ոչ միայն ընդամենը մերժել ներկայումս սեղանի վրա եղած կարգավորման տարբերակներն, այլև միջնորդներին ու ադրբեջանական կողմին նաև փաստարկված այլընտրանք առաջարկել: Այդ այլընտրական տարբերակը գոյություն ունի:Մենք ընդամենը մի քանի ամիս շունչ քաշելու ժամանակ ունենք ու եթե այս հարաբերական դադարը չկարողանանք օգտագործել հավուր պատշաճի, ապա նախաձեռնությունը կրկին կհանձնենք հակառակորդին և այս անգամ սեփական անճարակության համար վճարելիք գինը կարող է տասնապատիկ անգամ ավելի թանկ նստել մեզ վրա: Նյութի աղբյուր՝ https://www.facebook.com/arman.melikyan.33/posts/866429976826028 ...

    Կարդալ ավելին
  • Քաղաքականության մեջ հռչակագրային միջոցների կիրառումն իր տեղն ունի, սակայն մեզ համար անհրաժեշտ արդյունքը ստանալու համար ոչ թե հայտարարություններով պետք է հանդես գանք, այլ կատարենք այնպիսի կոնկրետ գործողություններ, որոնք որակապես կներազդեն իրավիճակի վրա, նոր վարքագիծ կպարտադրեն և՛ միջնորդներին, և՛ պաշտոնական Բաքվին: Դա հնարավոր է անել, սակայն հավանաբար հայկական գործող իշխանություններն ինչ-ինչ պատճառներով նախընտրում են պահպանել իրենց կրավորական դիրքը: Նյութի աղբյուր՝ https://www.facebook.com/arman.melikyan.33/posts/859691924166500 ...

    Կարդալ ավելին
  • Տապալելով Քի Վեսթում ԱՄՆ իշխանությունների կողմից նախապատրաստված հակամարտության խաղաղ կարգավորման ծրագիրը, Հեյդար Ալիևն իր հետնորդի համար մի շարք կարևորագույն խնդիրներ լուծեց՝ նկատելիորեն հեշտացնելով վերջինիս համար քաղաքական մակարդակում հայկական կողմերի հանդեպ առավելության հասնելու հարցը: Չստորագրելով քիվեսթյան տարբերակի տակ Ալիևը նաև Մոսկվայի լրացուցիչ վստահության մեծ պաշար ամբարեց: Ամենայն հավանականությամբ նա ի սկզբանե չէր էլ պատրաստվում համաձայնել ամերիկյան առաջարկին, բայց, դրա հետ կապված գործընթացի մեջ ներգրավվելով, հաջողեց իր երկարաժամկետ ռազմավարական խաղը նոր հանգրվանի հասցնելու գործում: Նյութի աղբյուր՝ https://www.facebook.com/arman.melikyan.33/posts/841776735958019 ...

    Կարդալ ավելին
Загрузка...

ՖԲՀ

Քաղաքականություն