• Տիգրանուհի Դավթյան
  • Սամվել Բաբայանի կալանավորման թեման բավականին ակտիվ քննարկումների թեմա էր դարձել։ Քաղաքական հետապնդումների զո՞հ էր Բաբայանը, թե՞ ոչ․ այս հարցի վերաբերյալ տեսակետների պակաս չկար։ Այս օրերին նույնպես Բաբայանի կալանավորման թեմայով նկատվում է որոշակի ակտիվություն։ Հայաստանի Հելսինկյան կոմիտեի նախագահ Ավետիք Իշխանյանի համոզմամբ՝ Ժիրայր Սեֆիլյանի և Սամվել Բաբայանի գործերը «սարքված» են, նա նկատել է, որ նմանատիպ իրավիճակ էր 1937 թ., երբ ցանկացածի գլխին կարող էին «գործ սարքել»։ Հետաքրքիր տենդենց է նկատվում։ Հելսինկյան կոմիտեի անդամները պարբերաբար պնդում են, թե Բաբայանը մեղավոր չէ, ու տեղի ունեցածը համեմատում են խորհրդային տարիներին ընդունված «գործ սարքելու» պրակտիկայի հետ։ Օրերս Վանաձորի Հելսինկյան կոմիտեի ղեկավար Արթուր Սաքունցը ևս անդրադարձել էր այս թեմային։ Վերջինիս համոզմամբ՝ Սամվել Բաբայանը քաղաքական բանտարկյալ է։ Նախ՝ ինքներս մեզ համար պետք է ֆիքսենք, որ «Իգլա» բերողը չի կարող համարվել քաղբանտարկյալ, իսկ նման հայտարարություններ անելու համար Հելսինկյան կոմիտեի անդամները լուրջ հիմքեր պետք է ունենան։ Հետաքրքիր է իմանալ, թե Ավետիք Իշխանյանը կամ Արթուր Սաքունցն ունե՞ն արդյոք բավարար հիմքեր Բաբայանին քաղբանտարկյալ կոչելու կամ «գործ սարքել» տերմինն օգտագործելու համար։ Արդյո՞ք Հայաստանի Հելսինկյան կոմիտեի ներկայացուցիչները գիտակցում են, թե ում հանրային պաշտպանությունն են ստանձնել։ Քաղբանտարկյալ տերմինը չպետք է դարձնել մատի փաթաթան ու պատեհ-անպատեհ առիթով շահարկել։ Այդ կերպ իշխանություններին հավելյալ խոսելու առիթ են տալիս: Էլ չենք խոսում նրա մասին, որ ամեն մեկին քաղբանտարկյալ ասելով՝ արժեզրկում են տերմինն ու կասկածի տակ դնում մնացյալների անունները։ Նյութի աղբյուր՝ https://www.facebook.com/tigranuhi.davtyan.7/posts/1901054036886285 ...

    Կարդալ ավելին
  • Հուլիսի 4-ին արցախա-ադրբեջանական հակամարտ զորքերի շփման գծում կրկին նկատվել էր լարվածություն։ Ադրբեջանական կողմը 2016 թվականի ապրիլյան քառօրյայից հետո առաջին անգամ կիրառել էր TR-107 համազարկային կայաններ։ Ընդ որում՝ հայկական կողմի ուղղությամբ կրակ էր բացել բնակավայրերից։ Ճիշտ է, ՀՀ զինված ուժերը դիմել էին պատասխան գործողությունների, սակայն փոխհրաձգության հետևանքով քաղաքացիական անձ էր տուժել։ Սա Ադրբեջանի համար դարձել էր շահարկման թեմա։ Բնականաբար, Հայաստանը նույնպես փորձում է ցույց տալ տեղի ունեցածի մանրամասներն ու ապացուցել, որ Ադրբեջանի կողմից քաղաքացիական կոուստների շահարկումն անտեղի է։ Հայկական դիվանագիտական կորպուսն առիթը բաց չի թողնում միջազգային ամենատարբեր հարթակներում ընդգծելու Ադրբեջանի ռազմական ղեկավարության կողմից իրականացվող սադրիչ քաղաքականությունը։ Բնական է, որ առաջնագծում հիմնական հարց լուծողը ՀՀ զինված ուժերն են, սակայն ոչ պակաս կարևոր է նաև միջազգային հարթակներում թեման թեժ պահելը։ Մասնավորապես՝ ՀՀ ԱԺ նախագահի և ՌԴ Պետդումայի խոսնակի հանդիպման ժամանակ հայկական կողմն անդրադարձել է այս խնդրին։ Բաբլոյանը հիշեցրել է հուլիսի 4-ին ադրբեջանական կողմի իրականացրած գործողություններն ու հավելել, որ Ադրբեջանը, կրակակետերը տեղակայելով բնակավայրերի մերձակայքում, իր բնակչությանն օգտագործել է որպես կենդանի վահան: ՀՀ ԱԺ նախագահը նշել է․ «Այդպիսի սադրանքներից, ինչպես նաև դրանցով պայմանավորված բազմաթիվ մարդկային կորուստներից կարելի էր խուսափել, եթե Ադրբեջանը հավատարիմ մնար Վիեննայի և Սանկտ Պետերբուրգի 2016 թվականի գագաթնաժողովներում ընդունված պայմանավորվածություններին»։ Ադրբեջանի կողմից բարձրացված միջազգային աղմուկից հետո հայկական կողմը հաճախակի է մատնացույց անում բնակավայրերում տեղադրված կրակակետերի մասին։ Նյութի աղբյուր՝ https://www.facebook.com/tigranuhi.davtyan.7/posts/1900219500303072 ...

    Կարդալ ավելին
  • Սա պետություն է, թե՞ «13-րդ թաղամասը» Հուլիսի 12-ին «Սասնա ծռերի» անդամ Արեգ Կյուրեղյանը դատարանից տեղափոխվել է պատժախուց։ ԱՆ Քրեակատարողական հիմնարկների վարչությունը հայտարարություն էր տարածել, որում ասվում էր՝ Կյուրեղյանի մոտ արգելված իր են հայտնաբերել: Կյուրեղյանի փաստաբանը տեղեկացրել էր, որ իրենք չեն մեկնաբանում տարածված հայտարարությունը, սակայն Կյուրեղյանը խնդրել էր փոխանցել հետևյալը․«Եթե հնարավորություն ունենայի «Կալաշնիկով» ավտոմատ տեղափոխել, կտեղափոխեի»։ Կյուրեղյանը սիրալիր տրամադրված չէր լինելու ու բարեհամբույր մտքեր չէր արտահայտելու, բայց, այնուամենայնիվ, մի կարևոր դիտարկում անենք․ Պետք է հասկանալ՝ ինչպիսի պետություն ենք ցանկանում ունենալ ու պետք է կարողանալ տաբերակել թացը չորից։  Հասկանալի է ծռերի դատավարության քաոսի շուրջ ձևավորված հուզական մթնոլորտը, սակայն Արեգի՝ «Եթե հնարավորություն ունենայի «Կալաշնիկով» ավտոմատ տեղափոխել, կտեղափոխեի» արտահայտությունը ոչ մի տեղ տանող ձևակերպում է։ Սա պետություն է վերջապես, թե՞ «գետտո», որ ով ցանկանա կալաշնիկով վերցնի ու գնա այնտեղ, որտեղ ճամփեն կտանի։ Դե լավ է էլի ՀՀ քրեակատարողականներում բոլոր դատապարտվածներն էլ թող մարդա մի հատ իսկանդեր վերցնեն, գնան բանտախուց, թեման փակենք, գնանք։ Կարծում եմ անթույլատրելի է նման մոտեցումն ու հանրային պահվածքը։ Նյութի աղբյուր՝ https://www.facebook.com/tigranuhi.davtyan.7/posts/1897666237225065 ...

    Կարդալ ավելին
  • Քաղաքական զարգացումները ճշգրիտ ու սթափ մեկնաբանելն ամեն մարդու հասանելի չէ: Բնական է, ինչպես ցանկացած ոլորտ, այս ոլորտը նույնպես խորը ինֆորմացվածություն է ակնկալում: Ասեմ ավելին, քաղաքական ոլորտը հատկապես խորը ինֆորմացվածություն և համակարգային գիտելիքներ է ակնկալում, քանզի քաղաքական զարգացումներից են հիմնականում պրոեկտվում մարդկային գործունեության այլ ոլորտները: Ինչևէ, մենք ապրում ենք տեղեկատվության ազատության դարաշրջանում, երբ յուրաքանյուր ոք, իր հերթին կարող է տեղեկավություն սփռող հանդիսանալ: Այսօր բազմաթիվ ֆեյսբուքյան օգտատերեր հուզական ու ռադիկալ արձագանքներ տարածեցին` իմանալով, որ Սերժ Սարգսյանի հրամանով Դանիայում դեսպան է նշանակվել Ալեքսանդր Արզումանյանը: Քաղաքական գործընթացներին մակերեսորեն հետևող մարդու համար, իհարկե, զարմանալի է, թե ինչպես է ընդդիմադիր քաղաքական գործիչը համաձայնվում պաշտոն ստանալ: Եթե կեղծ բարեպաշտությունը մի կողմ դնենք ու հարցին նայենք ռացիոնալ տեսանկյունից, ապա սա ամբողջ աշխարհում ընդունված պրակտիկա է, եթե մարդն ունի համապատասխան փորձ ու գիտելիքներ, անկախ քաղաքական հայացքներից կարող է օգտվել հնարավորությունից և օգտակար լինել սեփական պետությանը: Վերջիվերջո, ընդդիմության նպատակը պարզապես հակառավկվելը չէ, այլ իր մոտեցումներն ու տեսակետներն առաջարկելն է, հնարավորության դեպքում նաև իշխանության գալն ու իրագործելն է: Նախագահը նման քայլով ընդգծում է, որ կադրային քաղաքականության հարցում չի սահմանափակվում իշխանականներով և կարևորում է առաջին հերթին անհրաժեշտ մասնագիտական որակներն ու փորձը: Նյութի աղբյուր՝ https://www.facebook.com/tigranuhi.davtyan.7/posts/1896303680694654 ...

    Կարդալ ավելին
  • ԵԼՔ-ը ապագան կանխատեսում է «սուրճի բաժակո՞վ» Հունիսի 21-22-ը Հայաստանի օրենսդիր մարմնում քննարկվում էր կառավարության ներկայացրած հնգամյա ծրագիրը: Մասնագիտական առճակատումների և վերլուծությունների փոխարեն ԱԺ-ի դահլիճում գերիշխում էին անձնական և քաղաքական թիրախավորված մեղադրանքներն ու ելույթները: Կառավարության ներկայացրած ծրագրի առանձին դրույթների քննարկումների փոխարեն ընդդիմադիր գործիչները քննարկում և «պահանջատիրություն էին» դրսևորում այլ հարցերում: Օրինակ ԵԼՔ դաշինքը պետության առաջիկա 5 տարիների անելիքները քննարկելու փոխարեն, փորձում էր գուշակել, թե վարչապետը կմնա՞ արդյոք 2018-ին։ Քաղաքականությունը անկանխատեսելի դաշտ է: Այն ծրագրած պրոցես չէ, անընդհատ գտնվում է շարժման մեջ և կարող է շատ կարճ ժամանակահատվածում տրանսֆորմացվել: Ինչ իմանաս վաղն ինչ կլինի, ուր մնաց՝ 1 տարի հետո։ Նյութի աղբյուր՝ https://www.facebook.com/tigranuhi.davtyan.7/posts/1885696498422039 ...

    Կարդալ ավելին
  • Հունիսի 16-ից 18-ն Արցախի Հանրապետության ԱԺ-ում տեղի է ունեցել հայկական կուսակցությունների երրորդ համաժողովը, որին մասնակցում էին ՀՀ ԱԺ դաշինքների և վերջիններիս մաս կազմող կուսակցությունների ներկայացուցիչները, ինչպես նաև խոշոր արտախորհրդարանական քաղաքական ուժերը ու Արցախի Հանրապետության խորհրդարանական ու արտախորհրդարանական քաղաքական ուժերը: Համաժողովի ընթացքում տեղի են ունեցել մի շարք քննարկումներ կապված թե՛ ներքաղաքական, թե՛ արտաքին քաղաքական խնդիրների հետ։ Ի թիվս բազմաթիվ հարցերի` քննարկվել է նաև Հայաստանի կողմից Արցախի անկախության ճանաչման հարցը։ Նման տեսակետ պաշտպանողների թվում էր նաև Արցախի խորհրդարանի նախկին ղեկավար, «Ազատ հայրենիք» կուսակցության պատգամավոր Արթուր Թովմասյանը։ Վերջինս զուգահեռներ էր տարել հայ-թուրքական արձանագրությունների հետ։ Հիշենք, որ այն երկու տարի մնաց ՀՀ ԱԺ մեծ օրակարգում: Այս թեմայի շուրջ քննարկումները վերջին տարիներին ՀՀ քաղաքական օրակարգից դուրս չեն գալիս։ Արցախի հիմնախնդրի կարգավորման հարցը չափազանց մեծ կարևորություն ունի ՀՀ քաղաքական կյանքի համար։ Հասկանալի է, որ թեման կարևոր է ցանկացած հայ մարդու համար, նորմալ է, որ տարբեր կարծիքներ են հնչում… այնուամենայիվ կարծում եմ` ճիշտ չէ հարցն օրակարգ մտցնել, պարզապես քննարկել ու թողնել օրակարգում, որպես քաղաքական երևույթ։ Պետք չէ Արցախի հիմնահարցը ու հայ-թուրքական արձանագրությունները դնել նույն հարթության վրա, քանի որ վերջինի՝ օրակարգում կախված մնալը բոլորովին այլ խնդիր էր լուծում: Հուզական հարթությունից զատ, պետք է դիտարկել ռացիոնալ տեսանկյունից ու սթափ ուղեղով գնահատել հարցի դրական ու բացասական կողմերը: Նյութի աղբյուր՝ https://www.facebook.com/tigranuhi.davtyan.7/posts/1880661225592233 ...

    Կարդալ ավելին
  • Կայքերում շարունակում են շրջանառվել ԱԺ-ում քվեարկությունների ժամանակ կողմ քվեների շատ կամ քիչ լինելու թեման: Մատնանշվում է ԱԺ արտաքին հարաբերությունների մշտական հանձնաժողովի նախագահ Արմեն Աշոտյանի ու ԱԺ նորընտիր փոխնախագահ Արփինե Հովհաննիսյանի կողմ քվեների համեմատաբար սակավ լինելը: Սա ընտրություններից հետո թերևս առաջին հարվածն է՝ ուղղված ՀՀԿ-ին: Քաղաքական որոշ ուժեր ամեն կերպ փորձում են հենց հետընտրական փուլում քարեր նետել ՀՀԿ-ի ուղղությամբ՝ ցույց տալով, թե կուսակցության ներսում կան դժգոհություններ տվյալ անձանց առնչությամբ: Եթե հաշվի առնենք, թե որ լրատվամիջոցներն են հատկապես ակտիվություն ցուցաբերում այս քարոզչության մեջ, կասկածները կանգ են առնում ԲՀԿ-ի վրա: Մինչդեռ ակնհայտ է, որ ԱԺ-ում հանձնաժողովների նախագահների քվեարկության ժամանակ ԲՀԿ-ն ՀՀԿ-ի հետ ունեցել է քաղաքական պայմանավորվածություն, ինչի արդյունքում կարողացել է ԱԺ-ում 3 հանձնաժողովների նախագահների և մեկ փոխնախագահի պաշտոններում անցկացնել իր ցանկացած թեկնածուներին: Ստացվում է, որ ԲՀԿ-ն պայմանավորվածություն է ձեռք բերել, անցկացրել իր թեկնածուներին, իսկ այժմ փորձում է թիկունքից հարվածել ՀՀԿ-ին: Արդյո՞ք բարոյական է: Նյութի աղբյուր՝ https://www.facebook.com/tigranuhi.davtyan.7/posts/1864554207202935 ...

    Կարդալ ավելին
  • Վերջին օրերին շատ է խոսվում Արմեն Աշոտյանի քաղաքական վարկանիշի մասին: Հիմնական դատողությունները կատարվում են՝ ելնելով այն հանգամանքից, որ ԱԺ արտաքին հարաբերությունների մշտական հանձնաժողովի նախագահի ընտրության ժամանակ Աշոտյանը ստացել է 36 դեմ քվե: Եթե սա դիտարկենք վարկանիշի տեսանկյունից, մենք այդ բառը չենք կարող ընկալել իր դասական իմաստով, քանի որ Աշոտյանը ստացել է ոչ թե հասարակության դեմ քվեն, այլ ընդդիմադիր պատգամավորների: Իսկ պատգամավորի տեսանկյունից վարկանիշն այլ բան է նշանակում, և պատգամավորը քվեարկում է քաղաքական շարժառիթներից ելնելով: Այսպիսով` այդ քվեարկությամբ կեղծ բարեկրթության և համերաշխության պատրանքն անհետացավ և ԲՀԿ-ն չդիմացավ առաջին իսկ փորձությանը։ Նկատենք նաև, որ Ծառուկյան դաշինքը դեմ է քվեարկել միայն Աշոտյանի թեկնածությանը, իսկ հանրապետական մյուս թեկնածություններին կողմ է եղել: Այսինքն` այս պարագայում նա փորձել է «քցել» Հանրապետական կուսակցությանը` խախտելով քաղաքական պայմանավորվածությունը: Ակնհայտ է, որ ԲՀԿ-ականները չեն կարողանում մարսել Աշոտյանի հետ ունեցած հին հաշիվները, ինչը ստիպել է նրանց գնալ անգամ քաղաքական պայմանավորվածությունների խախտման: Նյութի աղբյուր՝ https://www.facebook.com/tigranuhi.davtyan.7/posts/1863468593978163 ...

    Կարդալ ավելին
  • Անզեն աչքով էլ երևում է, որ Երևանի ավագանու ընտրություններին մասնակցող քաղաքական ուժերից ամենաթույլ օղակը Զարուհի Փոստանջյանի գլխավորած «Երկիր Ծիրանի» կուսակցությունն է: Այս փաստը, սակայն, ոչ մի կերպ ծնկի չի բերում կուսակցության ղեկավար կազմին: Այսօր հերթական բակային այցելության ժամանակ Փոստանջյանն ու կողմնակիցները քաղաքացիներին հրավիրում էին հանրահավաքի Ազատության հրապարակում: Ի՞նչ խնդիր է լուծելու Փոստանջյանը հանրահավաքի միջոցով: Իրականում գնում են չափազանց ռիսկային քայլի, որի մասին թերևս քաջ գիտակցում են: Ինչ միջոցներով ու ռեսուրսներով է Փոստանջյանը հանրահավաք անելու: Այս կերպ իրենք իրենց ավելի ծիծաղելի իրավիճակում են դնելու: Անգամ ուղիղ հեռարձակումներից է երևում, որ Փոստանջյանի շուրջ հավաքվածների թիվը չի անցնում 1 տասնյակը: Էլ չենք խոսում քաղաքացիների վերաբերմունքի մասին: Փոստանջյանը բախտի բերումով կհայտնվի ավագանու կազմում, սակայն ծիծաղելի է անգամ խոսել դրանից ավել հաջողությունների մասին: Առավելագույնը որ պետք է անի «Երկիր Ծիրանի» կուսակցությունն իր քարոզարշավի ընթացքում, բակերում վարորդների ու տնային տնտեսուհիների հետ հանդիպումն է, դրանից ավել ցանկցած ծանրաձող մնալու է Փոստանջյանի կուսակցության վրա: Նյութի աղբյուր՝ https://www.facebook.com/tigranuhi.davtyan.7/posts/1853505031641186 ...

    Կարդալ ավելին
  • Խորհրդարանական ընտրությունների օրվա հարցը լուրջ քննարկումների առիթ է դարձել: Ընդդիմության ներկայացուցիչները պահանջում են փոխել ապրիլի 2-ին նշանակված ընտրությունների օրը: Նրանք անընդունելի են համարում ապրիլյան պատերազմի օրերին ընտրությունների անցկացումը: Ինչպես տեսանք, իշխանութունը ևս դեմ չէ ընտրության օրը փոխելու առաջարկին և կողմ է 4-5 օրով ընտրությունների օրը տեղափոխելու մոտեցմանը: Իշխանությունների դիրքորոշումը պարզ դառնալուց հետո գրեթե բոլոր ոչ իշխանական ուժերը մամուլի միջոցով իրենց համաձայնությունը արտահայտեցին ընտրություները 4-5 օրով տեղափոխելու հարցում՝ հաշվի առնելով նաև այն, որ իրավական առումով իսկապես հնարավորություն կա տեղափոխելու ընտրությունները մի քանի օրով: Սակայն այս տարբերակին դեմ է «Համախմբում» կուսակցությունը, որի փոխնախագահ Էլինար Վարդանյանը պահանջում է ընտրությունների օրը նշանակել ապրիլի 20-ից հետո: Վարդանյանը փորձում է իր տեսակետը պնդել որոշակի իրավական հիմնավորումներով և պատրաստվում է այդ հարցով դիմել ՍԴ: Սակայն այս հարցը պետք է դիտարկել ոչ այնքան իրավական, այլ քաղաքական տեսանկյունից: Ի՞նչ է շահելու «Համախմբում» կուսակցությունը նրանից, որ ընտրություները լինեն ոչ թե, ասենք, ապրիլի 7-ին, այլ, օրինակ, ապրիլի 20-ից հետո։ Բացառապես ոչինչ, քանի որ ընտրության ելքը կախված է ոչ թե ընտրությունների օրը տեղափոխելուց, այլ գրագետ քարոզարշավի կազմակերպումից: Այս դեպքում հարց է առաջանում՝ ո՞րն է Էլինար Վարդանյանի դիրքորոշման պատճառը: Այն շատ պարզ է՝ ընտրություներից առաջ արմատական դիրքորոշման ֆոն ապահովել և այդ խնդրի բարձրացման միջոցով քաղաքական դիվիդենտներ ստանալ: Նյութի աղբյուր՝ https://www.facebook.com/tigranuhi.davtyan.7/posts/1796450427346647 ...

    Կարդալ ավելին

ՖԲՀ

Քաղաքականություն