Գովազդի համար զանգահարել 099 999 409
  • Սևակ Հովհաննիսյան
  • Հայաստանի քաղաքացու կյանքը վտանգված է Իրանի Իսլամական Հանրապետությունում Դիմում ենք բոլոր պատկան մարմիններին` ԱԳՆ, Իրանում ՀՀ դեսպանատուն, Մարդու իրավունքների պաշտպանին: Մի քանի օր առաջ Իրանի Իսլամական Հանրապետությունում հյուրընկալության նպատակով այցելած ՀՀ քաղաքացի Սուսաննա Երվանդի Պետրոսյանի առողջական վիճակը վաթարանում է և նրան տեղափոխում են հիվանդանոց, ապա` վիրահատում:  Վիրահատությունից հետո դեռևս Տիկին Սուսաննան գտնվում է հիվանդանոցում և միացված են արհեստական շնչառական ապարատներ: Հիվանդանոցի բժիշկները հիվանդի բարեկամին տեղեկացրել են, որ պետք է վճարեն 5.000 դոլարի համարժեք գումար, որպեսզի կարողանան հետագայում բուժեն, հակառակ դեպքում ստիպված կլինեն դադարեցնելու բոլոր բժշկական միջամտությունները, որի արդյունքում Տիկին Սուսաննան մեկ օր էլ չի ապրի: Հիվանդանոցի տնօրինությունը հարազատներին այլ ելք չի թողնում, կամ պետք է վճարել, կամ էլ պետք է տանեն իրենց հիվանդին, ում վիճակը ծանր է: Սուսաննան անապահով ընտանիքի անդամ է, ունի մեկ որդի:  Ես` հանդիսանալով Միացյալ Երիտասարդական Լիգայի ղեկավար, կոչ եմ անում լուծել մեր հայրենակցի վերադարձի խնդիրը: Նյութի աղբյուր` https://www.facebook.com/sevakh2/videos/vb.100003173382318/1106131026169333/?type=2&theater ...

    Կարդալ ավելին
  • Ժողովուրդ ջան հերիք է զինվորների հաշվին ձեզ գովազդեք։ Լավ եք անում Արցախ իրեր եք ուղղարկում, բոլորս էլ պարտավոր ենք լինել մեր զինվորների կողքին։ Կներեք, բայց անբարոյականություն է նկարել ու տարածել, թե տեսեք մենք սնունդ ու այլ բաներ ուղղարկեցինք։ Քիչ է մնում մի հատ էլ կինո նկարեք ու օսկար մրցանակաբաշխությանը ներկայացնեք։ Պարտադիր չէ անհատական դա անել, այստեղ միասնությունն է կարևորը։ Հիմա ՞ս էլ ասե՞մ, թե ինչքան գումար եմ փոխանցել, չեմ ասի, որովհետև պարտավոր էի, ամեն դեպքում շատ մեծահարուստներից շատ եմ փոխանցել։  Այսօր, եթե հանգիստ քնում ենք, միայն Հայ Զինվորի շնորհիվ, ուրեմն վերջ տվեք խեղկատակությանը ու իրոք արեք լավագույնը մեր զինվորների անվտանգության և բարօրություն համար։ Նյութի աղբյուր` https://www.facebook.com/sevakh2/posts/953798621402575?from_close_friend=1&notif_t=close_friend_activity&notif_id=1460552433350166 ...

    Կարդալ ավելին
  • Լսելով և տեսնելով Արթուր Բաղդասարյանի ելույթը, իմ մոտ կարծիք ձևավորվեց, որ վերջինս տիրապետում է հիպնոսի, այսինքն նա ուղղակի իր ելույթով փորձում էր չթույլատրվող «մոգությամբ» հիպնոսի ենթարկել իր լսարանին։ Այդպիսի տակտիկական հնարքներից են օգտվում նաև կրոնական աղանդավորական կառույցների պարագլուխները։ Հասկանալի է, որ իրեն ընդդիմադիր հռչակած «Հայկական Վերածնունդը» փորձում է այդ կերպ համակիրներ ձեռք բերել, բայց դե մենք չենք մոռացել մուրաբասեր մեր ԱԱԽ անդամ հանդիսացող, կարմիր խնձորի ավանդույթին քաջատեղյակ Բաղդասարյանին։ Ինչևէ, իմ ասածը կփաստեն նաև այն հոգեբանները, ովքեր տիրապետում են հիպնոսի գաղտնիքներին։ Հ. Գ. լսեք ձայնային ելևէջներին, ուշադրություն դարձրեք բառերի վերջին հնչյուններին, որոնք կամաց է արտաբերում։ Դա հիպնոսի մեխանիզմներից մեկն է։ Հետևաբար իմ համար նրա անկեղծությունը սուտ է։ Նյութի աղբյուր՝ https://www.facebook.com/sevakh2/posts/915400931909011 ...

    Կարդալ ավելին

ՖԲՀ

Քաղաքականություն

  • /uploads/photos/x3cwc9LbBSwds3XI5wNP.png

    Ինչպես հայտնի է, 18-ին ռուսական օդատիեզերական ուժերը թուրքական օդուժի հետ միասին իրականացրել են առաջին համատեղ ռազմագործողությունն «Իսլամական պետություն» ահաբեկչական կազմակերպության դեմ Սիրիայի Հալեպ նահանգի հյուսիսում՝ Ալ-Բաբ քաղաքի մերձակայքում: Ընդհանուր առմամբ, գործողությանը մասնակցել են ռուսական ԶՈՒ 9 և թուրքական օդուժի 8 միավորներ՝ հետախուզության կողմից կանխավ տրամադրված և կողմերի միջև փոխհամաձայնեցված ահաբեկչական կառույցի 36 թիրախների դեմ. գործողության մասին նախապես տեղեկացվել են նաև սիրիական իշխանությունները: Բացի ռազմական տեսանկյունից, այս ռազմագործողությունը բավական կարևոր է ինչպես քաղաքական, այնպես էլ սիրիական հակամարտության շրջանակներում կողմերի որդեգրած մոտեցումների մերձեցման և առարկայական արդյունքների ամրագրման առումով. փաստացի կերպով, այն իրականացվում է դեռևս հունվարի 12-ին Մոսկվայում ՌԴ ՊՆ-ի և Թուրքիայի ԶՈՒ ԳՇ-ի միջև ստորագրված համագործակցության հուշագրի հիման վրա: Ինչպես հայտնի է, Մոսկվայի և Անկարայի միջև կայացած ռազմական համագործակցության վերոնշյալ փորձը հաջորդել է կողմերի անմիջական հովանավորությամբ անցյալ տարեվերջին Սիրիայի տարածքում հաստատված և դեռևս գործող հարաբերական հրադադարի ռեժիմին, ինչպես նաև՝ առաջիկա օրերին Աստանայում կայանալիք միջսիրիական քաղաքական բանակցությունների նախօրեին. ասել է, թե այս իրողությունը փաստում է սիրիական հակամարտության շրջանակներում համագործակցության հարցում նախկին հակառակորդների սկզբունքային և հետևողական գործելաոճի մասին: Սա մի հանգամանք է, որը բացակայում էր Սիրիայի տարածքում նախկինում հաստատված հրադադարի տապալված փորձերի ընթացքում՝ հիմնականում ռուս-ամերիկյան պայմանավորվածությունների հիման վրա: Բացի նշվածից, ռուս-թուրքական համագործակցությունը և կողմերի հետևողական մոտեցումներն այդ հարցի շուրջ թույլ են տալիս կանխատեսելու, որ եթե այնուամենայնիվ, տարբեր պատճառներով՝ թե՛ ներսիրիական, թե՛ տարածաշրջանային կամ աշխարհաքաղաքական գործոններով պայմանավորված, Սիրիայում գործող ներկա հրադադարի ռեժիմն ու քաղաքական գործընթացը նույնպես տապալվեն, ապա առնվազն կողմերի միջև փոխհամաձայնեցված գործողություններն, անգամ համագործակցությունը կարող է շարունակվել՝ առնվազն երկկողմանի շահերի փոխադարձ ճանաչման համատեքստում. իսկ այդ իրողությունը որակապես նոր իրավիճակ կստեղծի Սիրիայի տարածքում առկա ուժային հավասարակշռության տեսնկյունից: Նյութի աղբյուր՝ https://www.facebook.com/armen.petrosyan.05/posts/1227951447242067

    Կարդալ ավելին