• Աշոտ Ահարոնյան
  • Իրավապահների տվյալներով՝ զինված խմբի ևս երկու վիրավոր անդամ գտնվում են ՊՊԾ գնդի տարածքում: Բանակցություններ են ընթանում. իրավապահները փորձում են համոզել, որ նրանց նույնպես բուժօգնություն ցուցաբերվի, բայց վիրավորների ընկերները մերժում են: Հիշեցնենք, որ հենց առաջին օրվանից գնդի տարածքում է ևս մեկ վիրավոր, ու չնայած իրավապահները բազմիցս հորդորել են թույլատրել, որ նրան նույնպես բուժօգնություն տրամադրվի, զինված խմբի անդամները մերժել են առաջարկը: Նյութի աղբյուր` https://www.facebook.com/ashot.aharonyan/posts/1320618641299354 ...

    Կարդալ ավելին
  • ՊՊԾ գնդի տարածքում իրավապահներին են հանձնվել զինված խմբի անդամներ Գագիկ Եղիազարյանն ու Արամ Հակոբյանը: Տեղի է ունեցել փոխհրաձգություն, որի հետևանքով վիրավորվել է իրավապահներից մեկը, ինչպես և Պավել Մանուկյանն ու նրա որդի Արամը: Երեքն էլ անմիջապես տեղափոխվել են հիվանդանոց: Այս պահին հրաձգությունը դադարել է և ընթանում են բանակցություններ՝ զինված անձանց հանձնվելու գործընթացը ավարտին հասցնելու համար: ...

    Կարդալ ավելին
  • Այս պահին զինված խմբի կողմից զավթված ոստիկանության ՊՊԾ գնդի տարածքից անկանոն կրակահերթեր են արձակվում տարբեր ուղղություններով՝ վտանգելով նշված վայրում ծառայություն իրականացնող իրավապահների և տարածքի բնակիչների անվտանգությունը: Նյութի աղբյուր` https://www.facebook.com/ashot.aharonyan/posts/1320475771313641 ...

    Կարդալ ավելին
  • Լրահոսում տեղեկատվություն է տարածվել, թե զինված խմբի անդամներին զանգելու փորձի ժամանակ ճշտել են, որ Արեգ Կյուրեղյանի հեռախոսահամարը գտնվում է Երևանի փոխոստիկանապետ Վալերի Օսիպյանի մոտ: Հայտնում ենք, որ լուրը բացարձակ ապատեղեկատվություն է: Իրականում զանգն արվել է Վալերի Օսիպյանի հեռախոսահամարին, որն արդեն 15 տարի նրա մոտ է և հայտնի է լրագրողներին: Կրկին կոչ ենք անում ճշտել յուրաքանչյուր լուր ու զերծ մնալ ապատեղեկատվություն տարածելուց: ...

    Կարդալ ավելին
  • Համացանցում ապատեղեկատվություն է տարածվել, թե Սևանի ոստիկանությունը հրաժարվել է կատարել ծառայողական պարտականությունները: Հայտնում ենք, որ Հայաստանի Հանրապետության ոստիկանության բոլոր ծառայողները հստակ և լիարժեք կատարում են իրենց պարտականությունները: Նման անհեթեթություններ տարածողներին կրկին կոչ ենք անում ձեռնպահ մնալ իրավիճակը լարելու անմաքուր մտայնությունից ու թյուրիմացության մեջ չգցել հանրությանը: Նյութի աղբյուր՝ https://www.facebook.com/ashot.aharonyan/posts/1319535294741022 ...

    Կարդալ ավելին
  • Ֆեյսբուքյան որոշ օգտատերեր և առանձին խմբեր վերջին օրերին ՊՊԾ գնդի տարածքում և դրա շուրջ կատարվող իրադարձությունների վերաբերյալ պարբերաբար տարածում են տեղեկություններ, որոնք կապ չունեն իրականության հետ: Հիշյալ անձանց և խմբերին կոչ ենք անում ձեռնպահ մնալ ապատեղեկատվություն տարածելուց և իրավիճակի արհեստական լարվածություն չհրահրել: Զանգվածային լրատվության միջոցներին և համացանցի մյուս օգտատերերին հորդորում ենք ձեռնպահ մնալ նման անհիմն տեղեկատվությունից և անհրաժեշտության դեպքում դիմել պատկան մարմիններին՝ լուրի իսկությունը ճշտելու և հանրությանը հավաստի տեղեկատվություն տրամադրելու համար: Նյութի աղբյուր՝ https://www.facebook.com/ashot.aharonyan/posts/1319468261414392?notif_t=close_friend_activity¬if_id=14694470895417 ...

    Կարդալ ավելին
  • Լրահոսում որոշ ՀԿ-ների ներկայացուցիչներ տեղեկատվություն են տարածել, թե ոստիկանություն բերվածներին ծեծել են, նվաստացրել և այլն, և այլն: Եվ այս ամենը՝ առանց որևէ կոնկրետ փաստ, տվյալ, հասցե նշելու, անորոշ ակնարկներով, ինչ-որ տեսանյութերով, որոնց տեքստը չի լսվում նույնիսկ ամենամեծ ցանկության դեպքում: Այս <մոտավորւթյունը> զարմանալի է հատկապես այն առումով, որ հիշյալները նախկինում միշտ հականե-հանվանե են անդրադարձել իրենց պաշտպանյալներին: Այսօր այդպես չէ, և դա հիմք է տալիս ենթադրելու, որ իրողությունները շահարկվում են: Առաջարկում եմ ձեռնպահ մնալ նման <սիրողական> ու փակուղային գործելակերպից: Ոստիկանության պետի հանձնարարությամբ մեզ փոքրիշատե հայտնի բոլոր դեպքերով նշանակվել են ծառայողական քննություններ: Եթե իսկապես ցանկանում եք պարզվի իրականությունը և հնարավոր մեղավորները պատժվեն, աջակցեք քննությանը՝ դիմեք ոստիկանություն: Դժվարություն ծագելու դեպքում զանգահարեք ինձ կամ տեղեկություն տվեք սոցցանցերով: Սա է իրողությունների ճշմարիտ պատկերը ստանալու ճանապարհը, իսկ հակառակ դեպքում, կրկնում եմ, ստիպված կլինենք կարծել, որ այս ամենը պրիմիտիվ ու ինֆանտիլ փորձեր են՝ ոստիկանությունը թիրախավորված անվանարկելու և հանրությանը թյուրիմացության մեջ գցելու նպատակով: Նյութի աղբյուր՝ https://www.facebook.com/ashot.aharonyan/posts/1315106478517237 ...

    Կարդալ ավելին
  • Մի տեսանյութ է տարածվել, որտեղ Արցախի Մարտակերտի բուժկետի պետ ներկայացող կինը բողոքում է, թե Երևանում ոստիկանները բռնել են իրեն, պոկել ուսադիրներն ու խլել սվին-դանակը, այն դեպքում, երբ ինքը ընդամենը հիվանդ զինվոր էր բերել հոսպիտալ: Մի կողմ թողնենք, որ դաշտային համազգեստը ուսադիրներ չունի, ու նաև՝ բուժծառայողները սվին-դանակ չեն կրում: Սա թողնենք լրագրողի իմացությանն ու պրոֆեսիոնալիզմին:   Հարցը այլ է ու շատ ավելի կարևոր: Բանն այն է, որ Մարտակերտի բուժկետում Գայանե Միլլերի Ավետիսյան անուն-ազգանունով անձնավորություն գոյություն չունի: Սույն կինը Երևանի Մալաթիա-Սեբաստիա համայնքի բնակիչ է, ծնված 1979 թվականին և ունի առողջականխնդիրներ: Ըստ մեր հավաստի տեղեկությունների՝ ապրիլի մարտական գործողությունների ժամանակ էլ նա Արցախի տարբեր բնակավայրերում ներկայացել է որպես ՀՀ երկրապահ կամավորական միության անդամ, հատուկ նշանակության ստորաբաժանումների զինծառայող և այլն: Նույն ժամանակահատվածում հայտնվել է Արցախի իրավապահների տեսադաշտում: Կարծում ենք բավարար տեղեկատվություն է հիշյալ կնոջ և կատարվածի մասին իրական պատկերացում կազմելու համար: Բայց կա մի խնդիր ևս. սոցցանցերում տարածված այս ակնհայտ ապատեղեկատվությունը հերթական օղակն է անթաքույց քարոզչական շղթայի, որ երեկվանից ոմանք բուռն ծավալել են մայրաքաղաքում տեղի ունեցող դրամատիկ իրադարձությունների ֆոնին: Իհարկե, ցանկացած ապատեղեկատվություն չափազանց կարճ կյանք է ունենում, բայց այդ ընթացքում հասցնում է մարդկանց մոլորության մեջ գցել, իսկ պղտոր ջրում ձուկ բռնել ցանկացողների պակաս չկա: Հատկապես այս օրերին, մեղմ ասած, տգեղ է նման գործելակերպը… Նյութի աղբյուր` https://www.facebook.com/ashot.aharonyan/posts/1314229155271636 ...

    Կարդալ ավելին
  • Արդեն քառորդ դար մեզ համար որպես հաղթանակի խորհրդանիշ նույնանում են Շուշին ու Բեռլինը, ինչպես որ մայիսը հայ սերունդների փոխկանչն է հաստատում՝ Ավարայրից Սարդարապատ:  Ազգերի պատմությունը պատահականություններ չի ունենում, և ազգերն իրենց հարատևությունը հավաստում են ժառանգելու հաստատակամությամբ: Այսօր էլ մեր սահմաններին պատերազմ է, Հայրենակա՛ն պատերազմ, ինչպես 90-ականներին էր, ինչպես 40-ականներին էր:  Ոչինչ չի փոխվել: Ե՛վ իրենք են նույնը, և՛ մենք: Ամենայն մարդկայինն արմատախիլ անելու նախնիների բնազդն է առաջնորդում իրենց, մեզ՝ արմատ գցելու տոհմիկ հավատամքը: Իրենցը փախուստն է առաջին իսկ վտանգից, իսկ մենք նահանջին գերադասում ենք մահը, քանզի գիտենք՝ հատիկը մեռնելով է հազարապատկվում: Իրենք ավերողն են, մենք՝ արարողը: Եվ մեզ պարտություն չկա, որովհետև և՛ իրենք, և՛ մենք գիտենք. այդպե՛ս է:  Պատմությունը պատահականություններ չի ունենում: Պատահական չէին Երկրորդ համաշխարհայինի հայ մարշալներն ու ծովակալները, հարյուրից ավելի հերոսները, Բեռլին մտած Թամանյան դիվիզիան ու Քյոնիգսբերգը գրաված Բաղրամյանը: Եվ պատահական չեն Շուշին, Արցախն ու սահմանակից հայկական տարածքները ազատագրած նոր ռազմիկները, նոր հերոսները, նոր զորավարները:  Զինվորականությունը մեր գենի մեջ է, և ասպետ զորականը սրբադասված է հայոց մեջ: Եվ մեզ պարտություն չկա, որովհետև թիկունքում տուն է, մայր, քույր, երեխա, իսկ ժամանակների հեռվից մեզ պապերի ու հայրերի հայացքն է հսկում: Հսկում է Բեռլինի մատույցներից: Հսկում է Շուշիի բարձունքներից: Եվ նրանց հրամանն է մեզ բարձրացնում խրամատից ու տանում գրոհի: Եվ այդ մարտակոչն արդեն հարյուրամյակներ է տևում: Եվ այդ մարտակոչով էր Հունան Ավետիսյանը կրծքով փակում հրակնատը, իսկ այսօրվա տասնութամյա զինվորը նռնականետով գրոհային ուղղաթիռ, հովիվ պապին էլ՝ որսորդականով անօդաչու սարք խոցում:  Այդ մարտակոչով ծնվեց մեր իրական հրաշքը՝ մեր Եռատոնը, որ Բեռլինից Շուշի սերունդներ միավորեց ու դարձրեց Զորք: Ու չկա մեզ պարտություն, քանզի միակամ Զորք-Ժողովուրդն անպարտելի է: Մեր գործն արդար է: Հաղթանակը մերն է լինելու: Փառք միաբան Զորք-Ժողովրդին: Փառք և հավերժ հիշատակ սխրանքով անմահացած մեր քաջերին:  Շնորհավոր բոլորիս Մայիսի 9-ը՝ մեր փառահեղ Եռատոնը: Նյութի աղբյուր՝ https://www.facebook.com/ashot.aharonyan/posts/1265293060165246 ...

    Կարդալ ավելին
  • Ծառայողական քննության արդյունքներով Ապրիլի 22-ին Բաղրամյան պողոտայում տեղի ունեցած՝ լրագրողների հետ կապված միջադեպի առնչությամբ ՀՀ ոստիկանության պետ Վլադիմիր Գասպարյանի հրամանով նշանակված ծառայողական քննությունն ավարտվել է: Ծառայողական քննության արդյունքներով ոստիկանության ՊՊԾ գնդի 3-րդ գումարտակի հրամանատարի տեղակալը, նույն գումարտակի դասակի հրամանատարը և շարքային ոստիկան ենթարկվել են կարգապահական տույժի: Նյութի աղբյուր՝ https://www.facebook.com/ashot.aharonyan/posts/1261179553909930?ref=notif¬if_t=close_friend_activity¬if_id=146225 ...

    Կարդալ ավելին
Загрузка...

ՖԲՀ

Քաղաքականություն