• Աշոտ Ահարոնյան
  • Ոստիկանության լրատվական ծառայության ղեկավար Աշոտ Ահարոնյանը Facebook-ի իր էջում տեսանյութ է հրապարակել, որում Արմավիրի մանկապարտեզում պատանդ վերցված երեխայի հայրը շնորհակալություն է հատնում ոստիկաններին։ ...

    Կարդալ ավելին
  • Հոկտեմբերի 30-ին, ժամը 16.25-ին ոստիկանության Արմավիրի բաժին ահազանգ է ստացվել, որ մի տղամարդ դանակով զինված ներխուժել է Արմավիր քաղաքի «Մանուշակ» մանկապարտեզ: Ներս խուժած անձը դանակի սպառնալիքով մանկապարտեզում էր պահում մեկ երեխայի: Մանկապարտեզ խուժած տղամարդու հետ բանակցություններ են վարել իրավապահ մարմինների ներկայացուցիչները: Բանակցությունների ընթացքում ոստիկանության ծառայողներին հաջողվել է երեխային անվնաս հանել սենյակից, ինչից հետո կիրառվել է հատուկ միջոց։ Պատանդառուն փորձել է ինքնավնասում կատարել, ինչը կանխվել է ոստիկանների կողմից։ Նա տեղափոխվել է հիվանդանոց, որտեղ այս պահին բուժօգնություն է ցուցաբերվում։ Նյութի աղբյուր՝ https://www.facebook.com/ashot.aharonyan/posts/1827623250598888 ...

    Կարդալ ավելին
  • Ֆեյսբուքյան օգտատեր Անահիտ Հարությունյանի էջում տեղադրել էր ռուսական պետհամարանիշերով մեքենայի լուսանկար եւ նշել, որ տարիներ շարունակ այդ մեքենան վարել են հայկական պետհամարանիշերով։ Կատարված ուսումնասիրությունների արդյունքում՝ նշված օ369вт199рус համարանիշերով երթևեկող <<Մերսեդես>> մակնիշի ավտոմոբիլը հայտնաբերվել է և վարորդը, փախարինված հաշվառման համարանիշերով տրանսպորտային միջոց վարելու համար, ենթարկվել է վարչական պատասխանատվության, իսկ համարանիշերը առգրավվել են՝ սահմանված կարգով ոչնչացնելու համար: Նյութի աղբյուր՝ https://www.facebook.com/ashot.aharonyan/posts/1815844558443424 ...

    Կարդալ ավելին
  • Վերջին շրջանում շատ են խոսում, իսկ այսօր թերթերից մեկի հրապարակած հարցազրույցում նույնիսկ ուղղակի պնդում կար, թե վերջին տասը տարում ոստիկանության թվակազմը կրկնապատկվել է: Կրկին հորդորում, խնդրում, կոչ եմ անում՝ ձեռնպահ մնացեք միտումով կամ չիմացությամբ ապատեղեկատվություն տարածելուց: Կառավարության որոշմամբ՝ ոստիկանության թվակազմը գաղտնագրված է, բայց չափազանց հետաքրքրասերների համար ասեմ, որ վերջին տասը տարվա ընթացքում ոստիկանության թվակազմը մի քանի հարյուրով կրճատվել է: Հետևություններն ինքներդ արեք… Նյութի աղբյուր՝ https://www.facebook.com/ashot.aharonyan/posts/1815003565194190 ...

    Կարդալ ավելին
  • Ոստիկանության լրատվության վարչության պետ Աշոտ Ահարոնյանը ֆեյսբուքյան իր էջում տեղեկացրել է. «Համացանցում տեղեկատվություն է տարածվել, թե Արաբկիրի տարածքում կրակոցներ են հնչել։ Տեղեկացնեմ, որ այսօր ժամը 22.20 Մամիկոնյանց փողոցում վիճաբանություն է տեղի ունեցել, որի ընթացքում մասնակիցներից մեկը գազային ատրճանակ է կիրառել։ Տուժածներ չկան։ Վիճաբանության մասնակիցների ինքնությունը ճշտվել է, այս պահին ոստիկանության ծառայողները համապատասխան միջոցառումներ են ձեռնարկում նրանց հայտնաբերելու համար։ Կրկնեմ, որ հրազեն չի կիրառվել։ Խորհուրդ եմ տալիս չճշտված տեղեկատվությամբ բնակչության շրջանում ավելորդ լարվածություն չստեղծել»: Նյութի աղբյուր՝ https://www.facebook.com/ashot.aharonyan/posts/1792884207406126 ...

    Կարդալ ավելին
  • «Հրապարակ»-ի այսօրվա խմբագրականի «դիտարկումները» կիսաճշմարտություն տիրաժավորելու հերթական դրսևորումն են: Իսկ կիսաճշմարտությունը, հանրահայտ է, ավելի վտանգավոր է, քան սուտը:  Այո՛, ճանապարհային ոստիկանների դյուրակիր տեսախցիկները կոռուպցիոն ռիսկերը նվազեցնելու խնդիր ունեն, բայց ոչ միայն: Ինչպես բազմիցս պարզաբանվել է ոստիկանության կողմից, տեսախցիկներն ունեն նաև ճանապարհային ոստիկան-քաղաքացի տարաձայնություններն արձանագրելու ու հետագայում վերլուծելու, կոնկրետ իրավիճակ ֆիքսելու, կոնկրետ խախտման հետ կապված որոշում գնահատելու, ինչու ոչ, նաև իրականությունը հանրությանը ներկայացնելու ու հանիրավի մեղադրանքներին դիմադարձելու խնդիր: Հասկանում ենք, որ սևեռումներ չունենալու և արդարամիտ մտածողության համար նաեւ որոշակի մասնագիտական ունակություններ են հարկավոր, բայց թեկուզ նվազագույն կարողություններով՝ պետք է հասկանալ, որ կոռուպցիան մեր իրականության միակ չարիքը չէ: Պակաս չարիք չեն, օրինակ, սուտ ու անփաստարկ լրատվությամբ հանրությանը թյուրիմացության մեջ գցելն ու պետական կառույցների վարկաբեկումը: Այդ մերժելի մարտավարությունը քողազերծելու և քաղաքացուն թյուրիմացությունից զերծ պահելու համար է նաև ոստիկանությունը հրապարակում տեսագրություններ, պարզաբանումներ, մեկնաբանություններ և այլն:  Այսինքն՝ ոստիկանությունը պարտաճանաչ կատարում է նաև հանրությանը պատշաճ իրազեկելու գործառույթը, որովհետև, ի տարբերություն որոշ ԶԼՄ-ների պատասխանատուների, ոստիկանության համար կարևոր են և՛ երևույթը, և՛ հանրային ընկալումը, և՛ տեղեկատվության իսկությունը: Իսկ որոշ լրատվամիջոցներ մեկ նպատակ ունեն՝ անվստահություն սերմանել պետական կառույցների հանդեպ: Եվ այդ մարտավարության շրջանակում ո՛չ տեսնում են, ո՛չ լսում: Հակառակ դեպքում «կհիշեին» մեր, օրինակ, այն պարզաբանումը, որ վնասազերծված պատանդառուի պահանջները բանակցությունների ընթացքում բավարարվել, ապա մերժվել են նրա կողմից: Հակառակ դեպքում, չնայած բոլոր հորդորներին, առանց նախաքննության ավարտին սպասելու նորից ու նորից անփաստարկ տեղեկություններ չէին տարածի, առանց գիտակցելու, որ հանրային վստահությունն իրենց էլ է պետք, և կեղծիքի ու ապակողմնորոշման այդպիսի «հրապարակային» հետևողականություն տեսնող քաղաքացին կարող է հարցնել՝ իրավունք ունե՞նք կասկածելու այս կարգի լրատվամիջոցների տեղեկատվությանը: Կարծում ենք՝ այո… Նյութի աղբյուր՝ https://www.facebook.com/ashot.aharonyan/posts/1774184785942735 ...

    Կարդալ ավելին
  • Պատանդ վերցրած անձի հետ բանակցություններ սկսվեցին: Երբ ավելի քան մեկ ժամ տևած բանակցություններից ակնհայտ դարձավ, որ նա փոխզիջման չի գնում և պատանդի կյանքին վտանգ է սպառնում ու այլ միջոցներով հնարավոր չէ այդ վտանգը չեզոքացնել, պատանդառուն վնասազերծվեց: Պարզվել է, որ պատանդ վերցնողը 1986 թվականին ծնված Գոռ Հակոբյանն է: Պատանդն ու Գոռ Հակոբյանը տեղափոխվել են հիվանդանոց, որտեղ վերջինիս կյանքը փրկել չի հաջողվել: Գոռ Հակոբյանի կողմից մարմնական վնասվածքներ ստացած քաղաքացին գտնվում է բժիշկների հսկողության տակ:  Դեպքի հանգամանքները պարզվում են: Նյութի աղբյուր՝ https://www.facebook.com/ashot.aharonyan/posts/1766263480068199 ...

    Կարդալ ավելին
  • Ոստիկանության և ԱԱԾ համապատասխան ստորաբաժանումների ծառայողների իրականացրած համատեղ օպերատիվ-որոնողական աշխատանքների արդյունքում քիչ առաջ Արմավիրի մարզում հայտնաբերվեց օգոստոսի 1-ին Արագածոտնի մարզի Շամիրամ գյուղում մի քանի անձանց սպանության կասկածանքով հետախուզվող Թելման Վազիրի Քալաշյանը: Նյութի աղբյուր՝ https://www.facebook.com/photo.php?fbid=1761604133867467&set=a.665910873436804.1073741827.100000536929827&type=3 Հիշեցնենք, որ օգոստոսի 1-ին Քալաշյանը ներխուժել էր այդ գյուղի հանդիսությունների սրահ և կրակ բացել, որը հետևանքով զոհվել էր 4, վիրավորվել 6 մարդ։ ...

    Կարդալ ավելին
  • Հուլիսի 23-ին Վարդավառ է՝ մեր ժողովրդի սիրած ու ավանդական տոներից մեկը, որ խորհրդանշում է տարեպտույտ, կյանքի նորացում, սեր, նաև՝ փոխադարծ հարգանք ու հոգածություն միմյանց հանդեպ: Ցավոք, մեր որոշ համաքաղաքացիներ հենց Վարդավառի լուսավոր տոնին չեն դրսևորում այդ հարգանքն ու հոգածությունը: Արձանագրվում են ծիսական արարողությունը տհաճ դրսևորումներով փախարինելու, մարդկանց անհանգստություն և անհարմարություն պատճառելու դեպքեր։  Քաղաքացիներին կոչ ենք անում պահպանել համակեցության կանոնները, դրսևորել բարեկրթություն, տհաճ միջադեպերով չխաթարել տոնը, աջակցել ոստիկանությանը հասարակական կարգուկանոն ապահովելու գործում: Նյութի աղբյուր՝ https://www.facebook.com/ashot.aharonyan/posts/1724300907597790 ...

    Կարդալ ավելին
  • Երեկ սոցցանցերում տեղեկություն տարածվեց, թե ոստիկանները բռնություն են գործել քաղաքացու վրա, այն է՝ <տշել են> փողոցում առևտուր անող տատիկի ծիրանները: Սկզբում սոցցանցերի օգտատերերի կարծիքները թեական էին, հետո սկսեցին դառնալ հաստատական, ապա այդ <հասատատականությանը> միացան նաև լրատվամիջոցները: Եվ բոլորն այնքան միանշանակ ու բարկացած, ասես անձամբ ներկա են եղել այդ <իրադարձությանը>: Ու ոչ ոք չի ուզում <հիշել>, որ տեսագրությո՜ւն կա, որը զլացել են նայել <արդար զայրույթով բռնվածները>, տեսագրություն, որը հերքում է <հաստատական> պնդումները. ձեր <նկարածը> թեկուզ մոտավոր հիշեցնող ոչի՛նչ չի եղել:  Դիմում եմ սոցցանցերի <մտահոգ> օգտատերերին՝ կարծիք հայտնելուց առաջ նայե՜ք տեսագրությունը: Հասկանում եմ՝ շոգ է ու ծուլություն, բայց ջանք արեք նայելու, ընդամենը մեկ րոպե է, և եթե այնտեղ բռնության նշույլ իսկ կա, ես պատրաստ եմ ներողություն խնդրել: Կոչ եմ անում բոլորին՝ դադարեցրե՛ք այս ահագնացող փսիխոզը: Վերջ տվեք մութ սենյակում սև կատու փնտրելուն, մանավանդ, որ հաստատ գիտեք՝ ոչ մի կատու էլ չկա: Հավատացե՛ք, այդպիսի փնտրտուքը հղի է ծանր հոգեբանական հետևանքներով: Եթե ձեր առողջությունը ձեզ չի հետաքրքրում, պահպանեք գոնե երեխաների համար: Նյութի աղբյուր՝ https://www.facebook.com/ashot.aharonyan/posts/1698053753555839 ...

    Կարդալ ավելին
Загрузка...

ՖԲՀ

Քաղաքականություն