• Ալբերտ Ունուսյան
  • Այսօր, Գեներալիս (հայրիկիս) մոտ գնալիս՝ Ավան-Առինջի բակերից մեկով էի բարձրանում։ Շենքի մուտքերից մեկից 7-8 տարեկան երեխա դուրս եկավ՝ 3-4 խաղալիք թուր մեջքին գցած։ Ակամայից կանգ առա, մանկությունս հիշեցի ու հիացմունքով պստոյին էի նայում, երբ տաղավարում նարդի խաղացող պապիներից մեկը հարցրեց․ -Ո՞ւր ես գնում։ -Սահմա՛ն,- բարձր ու խրոխտ ձայնով պատասխանեց պստոն։ -Սահման ի՞նչ կա,- շարունակեց "հարցաքննել" պապին։ -Գնամ սահման դիրք պահեմ ու կռիվ անեմ, որ մաման-պապան հանգիստ քնեն, Վաղո պապի,- նույն ձայնով պատասխանեց պստոն։ Անկեղծ, փշաքաղվեցի այդ պահին։ Այնքան նվիրվածություն, անկեղծություն ու հայրենասիրություն կար այդ փոքրիկի խոսքերում, որոնք չկան շատ ու շատ "Հայրենի՛ք", "Հայաստա՛ն", "Ա՛զգ", "Միասնությո՛ւն" բղավողների մոտ։ Ամեն մարդ իր կռիվն ունի։ Աստված պահի քեզ ու ծնողներիդ, փոքրիկ ասպետ։ Նյութի աղբյուր՝ https://www.facebook.com/A.Unusyan/posts/1371640072905346 ...

    Կարդալ ավելին
  • Հարգելի ՖԲՀ ընկերներ, երբ «փաբլիկ» բան եք գրում սահմանի վերաբերյալ, նախ՝ որպես հիմք ու սկզբնաղբյուր ԵՐԲԵՔ մի վերցրեք ․аz-ով վերջացող կայքերից ստացված տեղեկատվությունը, հետո հազար անգամ չափեք ու ձևեք ձեր մտքերը։ Դրանք փոքրիկ-փոքրիկ հոգեբանական գործիքներ են, որոնք ձեր իսկ շնորհիվ կարող են անիմաստ պանիկայի վերաճել։ Եղբա՛յր, մի մոռացեք, որ հարևանի հետ մենք պատերազմական դրության մեջ ենք, «ստատուս քվոն» պատերազմի ավարտ չէ, ու իր կողմից պարբերաբար տրվող «ուտկեքը» ուտել պետք չէ։ Մի՛ վերածվեք գործիքի։ Մի մոռացեք, որ ձեր արարքները վաղը կարող են սահման պահող զինվորի դեմ օգտագործվել։ Այդքան միամիտ մի եղեք, որ մեր ՖԲ հաշիվները մշտադիտարկման տակ չեն։ Վաղը կարող է, օրինակ, սա լինել՝ «Вазген, а ты знаешь, у вас в тылу что говорят?» Զսպվածություն ցուցաբերեք... Նյութի աղբյուր՝ https://www.facebook.com/A.Unusyan/posts/1370363549699665 ...

    Կարդալ ավելին
  • Սովորաբար, որքանով ես գիտեմ, ռազմական էտիկետում ընդունված է,որ փոխհրաձգության դադարից հետո, երբ չեզոք գոտում դիեր են մնում, երկու կողմերը չեն կրակում` թույլ տալով դուրս բերել զոհված զինծառայողների մարմինները: Մեր հակառակորդի պարագայում` ինքը ո՛չ հարգում է իր զոհված զինվորին, ո՛չ էլ տանձին են կորուստները: Իրենց կողմից դիվերսիայի կանխումից ու փոխհրաձգությունից հետո նրա փոխարեն, որ դիակ դուրս բերի ու հանձնի ընտանիքին, նենգաբար ինտենսիվ կրակ է սկսում` իրա մեռելների գլխի վրայով: Գիտեինք, որ սրբապիղծ է ու նենգ հակառակորդը, բայց էս կարգի՞... Նյութի աղբյուր` https://www.facebook.com/A.Unusyan/posts/1260521447350543 ...

    Կարդալ ավելին
  • Արդեն համարյա երկու օր է անցել այն պահից, ինչ Ռիոյի 2016 թվականի Օլիմպիական 31-րդ ամառային խաղերի Հունահռոմեական ոճի ըմբշամարտի եզրափակչում Հայաստանի հավաքականի անդամ Միհրան Հարությունյանի ակնհայտ հաղթանակը խայտառակ կերպ կեղծվեց, ու հաղթանակը մրցավարները տվեցին սերբ, աշխարհի նախկին չեմպիոն Դավոր Ստեֆանեկին։  Ուշադիր հետևում եմ Ձեր կայքերին, բայց որևէ դատապարտող արձագանք չեմ տեսնում։ Հասարակությունը change.org-ում բողոքի ստորագրահավաք է սկսել, որի տակ արդեն շուրջ 5000 մարդ է միացել, բայց դա քիչ է։ Կոչ եմ անում Ձեզ և գրավոր, և հրապարակավ բողոքի նոտա հղել թե՛ ՄՕԿ (Միջազգային Օլիմպիական Կոմիտե), թե՛ UWW (Ըմբշամարտի համաշխարհային միություն), ու ընթացքի մասին պարբերաբար տեղեկացնել մեզ՝ երկրպագուներիս։ Ցույց տվեք, որ թև ու թիկունք եք մեր մարզիկներին և ամուր կանգնած եք իրենց կողքին, ինչը շատ կարևոր է մարզիկների "դուխը" չկոտրելու հարցում։ Նյութի աղբյուր` https://www.facebook.com/A.Unusyan/posts/1064153896987300 ...

    Կարդալ ավելին
  • Նման պահերին այն ինֆորմացիոն ռեսուրսները, որոնցից ստացած տեղեկատվությանն է պետք հավատալ. 1. ՀՀ ՊՆ պաշտոնական կայք՝ http://www.mil.am/hy 2. ԼՂՀ ՊԲ պաշտոնական կայք՝ http://nkrmil.am/main/   3. Ռազմական լուրերի, վերլուծությունների, քննարկումների կայք՝ razm.info 4. ՀՀ ՊՆ մամուլի քարտուղար Արծրուն Հովհաննիսյանի  ֆեյսբուքյան էջ՝https://www.facebook.com/arcrun?fref=ts Ոչ մեկի պետք չէ զանգել բան հարցնելու համար, հատկապես՝ զինվորական ծանոթների, բարեկամների, հարևանների: Առհասարակ, զերծ մնալ նման հարցերով հեռախոսով խոսելուց: Չմատնվել խուճապի և չհավատալ ապատեղեկատվությանը: Վերը նշված աղբյուրներից այլ տեղերից ստացած ինֆորմացիային մոտենալ թերահավատորեն: Նյութի աղբյուր՝ https://www.facebook.com/A.Unusyan/posts/978820575520633 ...

    Կարդալ ավելին
  • Միլիցիայի հատուկ նշանակության «Դելտա» ջոկատի վետերանների միության նախագահ, ներկայումս նաև՝ ՀՀ ոստիկանության ՊՊԳ վարչության ԿՕ և ՀՁՊ գնդի գումարտակի հրամանատար, ոստիկանության գնդապետ Արմեն Պապյան՝ Արցախյան ազատամարտի վետերան, վետերաններին համախմբելու գործում մեծ ներդրում ունեցած մարդ:  Պարգևատրվել է բազում մեդալներով, շնորհակալագրերով, այլ արժեքավոր նվերներով: Վիրավորվել է մարտական գործուղությունների իրականացման ժամանակ, բայց դա չի խանգարել, որ շարունակի մնալ հավատարիմ երդմանը, հավատարիմ՝ հայրենիքին: Երախտապարտ եմ քեզ, Արմե՛ն ձյա ջան: Մենք հերոսներ ենք փնտրում գրքերում ու ֆիլմերում, այն ինչ նրանք համեստ և խոնարհ ապրում են մեր կողքին... Նյութի աղբյուր`https://www.facebook.com/photo.php?fbid=945747035494654&set=a.113029195433113.12407.100001780998170&type=3&theater ...

    Կարդալ ավելին
  • Միլիցիայի հատուկ նշանակության ջոկատի հրամանատար, 1992-ից՝ Ներքին զորքերի 1032 զորամասի հրամանատար, հետագայում՝ ծառայություն ոստիկանության զորքերում, ոստիկանության Լոռու մարզային վարչությունում՝ որպես վարչության պետ, ոստիկանության շտաբում, ամբիոնի վարիչ Ոստիկանության կրթահամալիրում, ՀՀ ոստիկանության պաշտոնաթող գնդապետ Գեորգի Գրիգորյան՝ Արցախյան ազատամարտում և ոստիկանության համակարգում մեծ ներդրում ունեցած մարդ՝ տասնյակ մեդալների ու «Մարտական խաչի» 2-րդ աստիճանի շքանշանի ասպետ: Գեորգի Ալեքսանդրովիչը, ձյաձ Ժոռս, հայրիկիս մարտական ընկերներից է: Երբ նայեցի իր մասին պատմող տեսանյութը, հուզմունքից աչքերս լցվեցին: Շատ ուրիշ մարդ է ինձ համար, իմ հերոսներից մեկն է:  Ակամայից հիշեցի, ամառ էր, 12-13 տարեկան երեխա էի, տանեցիք համոզում էին, որ գլուխս սափրեմ, պատճառաբանելով որ համ շոգ է, համ էլ մազերիս որակը լավանա: Ինչ արեցին, բան դուրս չեկավ: Այդ ժամանակ ձյաձ Ժոռս գործարք առաջարկեց. -Ուրեմն արի սենց պայմանավորվենք՝ դու թույլ ես տալիս, որ գլխուխդ սափրեն, ես էլ քեզ ամբողջ պատերազմն անցած, մարտական գործողությունների ժամանակ մաշված բանդանա կտամ: Համաձա՞յն ես... Թույլ լարերս գիտեր, նաև գիտեր, որ այն մարդկանցից է, ում մերժել չեմ կարող: Սուս ու փուս նստեցի աթոռի վրա ու ասացի. -Սափրե՛ք... Բայց էսօր ես չէ՞ տալու, ձյաձ Ժոռ: Բոլորս մի լավ ծիծաղեցինք... Անչափ շնորհակալ եմ իր ներդրումը գնահատելու, հիշելու, լուսաբանելու և իր մասին տեսանյութ պատրաստելու համար:  Առանձնապես իր և ՄՀՕՋ-ի բոլոր տղերքի գլխավորությամբ՝ խոնարհվում եմ մեր բոլոր ազատամարտիկների, հերոսների առջև: Նահատակ ընկած տղերքի շիրիմին էլ հանգստություն: Նյութի աղբյուր՝ https://www.facebook.com/photo.php?fbid=945271182208906&set=a.113029195433113.12407.100001780998170 ...

    Կարդալ ավելին

ՖԲՀ

Քաղաքականություն