• Արա Սադոյան
  • Կենտրոն վարչական շրջանի հարգելի´բնակիչներ, Կենտրոն վարչական շրջանի Պարոնյան 22 հասցեում հատված ծառի վերաբերյալ սոցիալական ցանցում քաղաքացի Վարդան Վարդանյանի հնչեցրած մտահոգության հետ կապված, տեղեկացնում եմ, որ մայթեզրի ծառի հատումը իրականացվել է Կենտրոն վարչական շրջանի կանաչապատման ընկերության կողմից տվյալ հասցեում բնակվող բնակիչների բողոքների հիման վրա: Կենտրոն կանաչապատման ծառայությունից հայտնում են,որ ծառը գտնվել է չոր և վթարային վիճակում: Վթարային ծառի հեռացման աշխատանքները իրականացվել են բացառապես բնակիչների անվտանգությունից ելնելով։ Մեր համաքաղաքացիներին հորդորում ենք մտահոգություններ ունենալու դեպքում, զանգահարել Կենտրոն վարչական շրջանի ղեկավարի աշխատակազմ կամ նամակներ ուղարկել Կենտրոնի վարչական շրջանի ֆեյսբուքյան էջին: Նմանօրինակ խնդիրների առկայության պարագայում մեր մասնագետները անպայման կտան համապատասխան գնահատական-եզրակացությունը և կձեռնարկվեն համապատասխան միջոցառումներ` մեր բնակիչների անվտանգությունը ապահովելու համար։ Նյութի աղբյուր՝ https://www.facebook.com/ara.sadoyan/posts/1182581168537117 ...

    Կարդալ ավելին
  • Սիրելի բնակիչներ Կենտրոն վարչական շրջանում ամբողջ գիշեր իրականացվել են ձնամաքրման աշխատանքներ, որոնց արդյունքները առայժմ տեսանելի չեն: Աշխատանքներում ներառված են եղել համապատասխան բոլոր ծառայությունները և աշխատել են արտակարգ ռեժիմով: Այս պահին էլ ի գործ են դրված տեխնիկական և մարդկային ողջ ներուժը: : Զինվեք համբերությամբ և հավատացնում եմ ձեզ, որ տեղումների դադարից անմիջապես հետո աշխատանքների արդյունքը տեսանելի կլինի: Հայցում եմ ձեր ներողամտությունը պատճառված անհարմարությունների համար: Նյութի աղբյուր`https://www.facebook.com/ara.sadoyan/posts/813647032097201 ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին