• Գայանե Հարությունյան
  • Սիրելի հայեր... ես ձեզ այնքան շատ եմ սիրում, որ չեմ կարող չանհանգստանալ ձեզ համար, ձեր առողջության համար... Զգուշացնում եմ ձեզ, որ "CITY"սուպերմարկետներում գործող դեղատներից չօգտվեք(գուցե, ուրիշ դեղատներից նաև` չգիտեմ): Կամ էլ, օգտվելու դեպքում, ուշադիր կարդացեք, թե առաջարկվող դեղամիջոցը, բուժական նյութը, որ երկրի արտադրանք է: Վերջերս, "CITY"-ի դեղատնից գնեցի Перцовый пластырь: Առանց օգտագործելու դրեցի ննջարանում ու մոռացա այդ մասին: Գիշերն արթնացա սուր գլխացավից: Կեսգիշերային թմբիրի պատճառով, սկզբում, չէի հասկանում, թե որտեղից, կամ ինչից է սուր, շատ սուր "բուրմունք" գալիս, այն դեպքում, երբ իմ ննջարանում, սովորաբար, միայն, նուրբ հոտով մոմերի բուրմունք է լինում տարածված: Երբ մի քիչ "խելքս գլուխս հավաքեցի" ու "աչքերս բացվեցին", տեսա, այդ իսկապես չարաբաստիկ Перцовый пластырь-ը: Հանեցի ու առաջին բանը, որ աչքովս ընկավ` MADE IN TURKEY-ն էր... Զայրույթից քունս էլ փախավ... Հաջորդ օրը, մտա նույն դեղատունը, ցույց տվեցի վաճառողուհուն և խնդրեցի բավարարել ինձ հուզող հարցը: Միթե՞, մենք հայերս, Թուրքիայի հետ, ունենք առևտրային պայմանագիր: Սաստող ձայնով, "աքլորակռվի" պատրաստ վաճառողուհին, ցույց տվեց "իմ տեղը", որ ես ճիշտ հասցեով չեմ դիմել, որ իրենց տալիս են վաճառքի ՆԵՐԿՐՈՂՆԵՐԸ, իսկ ներկրողը, հավանաբար ՆԱԹԱԼԻ ՖԱՐՄՆ Է, որովհետև փաթեթի վրա այդ անունն էր գրված: Հարց է առաջանում. ՆԵՐԿՐՈՂՆԵՐԸ որտեղի՞ց են ներկրում...այն էլ պատվաստանյութերը, բուժական միջոցները... Իմ ` մեղմ և վաճառողուհու հանդուգն տոնով երկխսությունը չեմ մանրամասնի. միայն կասեմ, որ ցավալիորեն, սահմանափակ մտածելակերպ կա վաճառողուհիների մոտ... Նյութի աղբյուր՝ https://www.facebook.com/gayane.harutyunyan.581/posts/1277823045564607?pnref=story ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին